سوالف حيواناتكم

[نجمة دبي]

السلام عليكم ورحمة الله وبركاته ...

اشحالكم ؟ عساكم ابخير وسهاله ...

معظم الناس عندهم حيوانات أليفه ومفترسه

وحبيت اقدم لكم هالموضوع اللي من خلاله اتحطون صور حيواناتكم ومواقفهم الطريفه ...

وبكون انا اول وحده....

كان عندي ( قطو ) اسمه ( لولو ) نوعه شيرازي .. اول ما يبته البيت كان عمره 3 سنوات.. الوالده سوت عرس .. ماتبيه في البيت .. وكل يوم ضرابه انا وياها .. ولكن ابواسطة اخويه العود قدرنا نقنعها ..

كان واااااايد فوضوي .. ماخله شي ما كسره وخربه .. لا واكثر شي قاهرني انه مايرقد الا على سريري .. لاني امجبله المكيف والمكان بارد .. وحضرته الريال ( قصدي القطو ) مايبي مكان حار .. كل ما ادفره تحت .. ابكل بروده عفد وياه عندي فوق .. ولاني حبيته ما سويتله شي .. وتمينا على هذاك الموال ..

ومع تقدم السن عنده .. استوى بارد ومتهايز .. اتسويله حركات يسويلك طاااااااااااااااااااااف .. 24 ساعه متسدح وراقد ..

في يوم من الايام كنت يايه اعطيه اكله وهو عباره عن حبوب اصغار ( شكله مثل البسكوت بس صغير )
حطيته على الطاوله ورحت ادور عليه .. يوم رجعت شفت اخويه ياكل منه ويقول ( اول مره اشوف بسكوت بطعم السمج )
ههههههههههههههههههههههههه ههه

ضحكت عليه لين مانطريت .. قلتله هذا اكل القطو .. في البدايه ما صدقني .. بس يوم شاف القطو ياكل منه .. اتغير شكله وخاف .. بس انا طمنته وقلت ( هذا فيتامينات وسمج ) يعني مابيستوي شي ..

احيانا اخويه يطلع القطو برع البيت علشان يتمشى .. وهو اتعود على هذا .. فكل يوم يطلع ساعه او ساعتين ويرجع ..

في يوم من الايام كنا انعدل بيتنا ( انغير السراميك + انبدل الاثاث + نصبغ ..... الخ )
القطو كان برع .. اتأخر الوقت ولا رجع .. يوم اخويه طلع يدور عليه .. شافه طايح في الشارع .. سياره دعمته

شله اخويه ويابه جريب البيت .. كلنا زعلنا وصحنا ( عزا اسبوع ) صياح من الخاطر .. كل واحد ماد برطمه شبرين

مهما يكون هذا حيوان .. بس عشرة عمر .. ومحد ينسى بين يوم وليله ..
وللاسف صورته كانت موجوده بس ما تظهر ..


والحين عندي قطوه ( تركيه انغوليه ) بس حلووووووووووووووووه عجيبه .. اسمها ( روبي ) لان ربيعتي يايبنها تهريب من مصر

اول ما يبتها البيت كان عمرها 8 شهور .. كانت بريئه ولطيفه .. وكلها انوثه ..

بس بعد ما اتعودت على جو البيت .ز قامت تاخذ راحتها .. تتشاوح في الحوي وتنخش في اماكن مستحيل تي في بالكم ..

وايد احبها ..

وها صورتها




يلا ياه دوركم الحين .. راووني شطارتكم


نجــــــ دبي ـــــــمة

[نجمة دبي]

السلام عليكم

اشحالكم ؟ عساكم بخير وعافيه


انا برد اطرح هالموضوع للمره الثالثه ..

واتمنى ان الكل يشارك ..


نجـــــ دبي ــــــمة

[العجيبة]

أنــا بشــارك وياج يا نجمة دبــي

احـم ..

هــاي قطـوتنـا .. يابوها بعـد حـرمـان من القطـاو دام سنتين " راحت عقدة كـرههم للقطـاو وقـرروا يعطفون علي "


هاي نظـرة البـراءة في عيـونهـا وويهـا .. ما عليكم منهـا أنا مسلفتنهـا بـراءة !


واهنـي منسدحـة وكانت تلعب بالخيط اللي في الكيمــره


في كـلام في خـاطـري ما قلته لحــد .. بقـوله اهنـي .. بس لا تخبـرون حـد
اممم هـو صحيح انهـا حلوة وطيبـة وتلعـب وياي .. بس ما تعيبنـي
أبااا قطــوووة ســــوووووده > حليلي وايد طموحه < خخخ


السمـــوووحـه

[نجمة دبي]

هلا بالغاليه .. العجيبه

الصراحه عجبتني مشاركتج وتفاعلج الجمييييييييييل

غاويه قطوتكم .. بس احسها مشفوطه ( ضعيفه ) شو اتأكلونها حليلها .. ؟

نظراتها عجيبه شراتج .. اسولف الغاليه ..

الصراحه مستانسه .. لان موضوعي لاقى اعجابج ..

وان شاء الله اشوف منج مشاركات وصور اكثر عزيزتي ..

يعطيج العافيه



نجـــــ دبي ــــــمة

[ذنـيـنـي]

عاد انا ما عندي غير هالإجاوانات, و كل ما اييبون طاري الحيوانات ارز بويهي و احط صورهن

غرين إجوانا green iguana
فديتهم وايد احبهم
لكن ما فكرت ارقدهم عدالي

[ذنـيـنـي]

عاد انا ما عندي غير هالإجاوانات, و كل ما اييبون طاري الحيوانات ارز بويهي و احط صورهن

غرين إجوانا green iguana
فديتهم وايد احبهم
لكن ما فكرت ارقدهم عدالي

حليلهم ماتوا اليوم

[بلوة حلوة]

هاي .. krOoROo

مادري شو المعنى .. ولد اختي مسمنها

هممم .. طفسه ..

تعـــض .. .. مرة هديتها على ربيعاتي فـ الميلس
تمـوا يركضون زايغااات .. ويصارخوون ويصورونها بنفس الوقت
كيف جي ؟ .. مادري .. لوول بس والله اشكالهن كانت فـنـنننن .. !

.
.

اول يوم يبناها فيه ..
كان ابوي قاعـد عـ الغنفه .. جـان اتـي وتيـر غترته وتشرد .. خخخ
متعلمة اللواته من يوم هي صغيره .. كيكيكي ..

.
.

وجـييي ..
كانت عندي قطوتين بس دعمتهن سياره وماتن ..
اذا لقيت صورهن بحطهـن ..
والحيـن في محاولات جاهده اني اييب قطوة سوده ام شعر
بس مب طايعين .. اونه تبين بيضه عادي بس سوده لا .. شو هااا
ههه

.
.

[نجمة دبي]

هلا اخوي ذنيني ..

حلويييييييين ما شاء الله .. بس يزيغون شوي

عاد انا انصحك .. لا اترقدهم عندك

ما خبرتنا عنهم .. عن حياتهم .. شو ياكلون .. ومتى اتظهرهم من القفص

تسلم اخوي عالمشاركه الطيبه .. ويعطيك العافيه ..

وربي لا يحرمني من مشاركاتك ..



نجـــــ دبي ــــــمة

[ذنـيـنـي]

بصراحة هالسحالي الييييييييييييييييييييييي ييييييفه

لدرجة انه الصغارية الي في البيت يشلونها و يلعبون فيها,
و فوق هذا يتضاربون عليها بعد, كل واحد يقول منهم يقول دوري الحين

بالنسبة لأكلهم, الايجوانا من السحالي الي تاكل خضار و فواكه
و لاحظت انها تفضل الخس على باقي الخضروات,و طبعا نضيف الى الخس بروتين و فيتامينات خاصة بالإجوانا و يكون على شكل رش نرشه على الأكل

و مطلعهم من القفص عادةً يوم الوالدة ما تكون في البيت خخخخخخخخخ

احيد مرة هديناها في الصالة و تخبلت و قامت تراكض و انخشت ورا المكتبة

تمينا نحرسها يمكن ساعة الى ربع الين ما طلعت خخخخخخخخخ
و من هاك اليوم قمنا ما نهدها في الصالة

[نجمة دبي]

ههههههههههههههههههههههههه ههه

حليلها الوالده .. امسوي لها فلم رعب .. على بالها اناكوندا او شي جي

ما شاء الله .. الصغاريه ما يخافون .. مب شراتي .. خخخخخخ

ما جربت تعطيهم مثلا دياي او لحم .. بيبسي او عصير فيمتو ...

تسلم اخوي نصور ( سابقا ) عالمشاركه الحلووووووووه ..

وان شاء الله بقيه الاعضاء يشاركون ..



نجـــــ دبي ـــــمة

[أنا فقط]

مشكورة أختي نجمة دبي ع الموضوع


( ونااااسة .. أحب الحيوانات )


شوفوا قطوتي






تحياتي: قطرة ندى

[ذنـيـنـي]

اليوم ماتوا

[الدلووووعة]

امنو هيل اللي ماتو

[أمواج]

عظم الله اجرك

[نجمة دبي]

اختي قطرة ندى ..

حلوه قطوتج الصراحه .. عاد ما خبرتينا سالفتها .. وشو اسمها :)

نحن بالانتظار عزيزتي ..



نجـــــ دبي ـــــمة