<font color='#E77471'>تحية طيبة أرسلها لك أخوي الباحث القطري
صراحة موضوعك جذبني وايـــــــــد لأني بلوشية
و يوم عرضت القبايل البلوشية كنت أدور اسم قبيلتنا و كنت متأكدة إني بحصله اللي هو "هوت" طبعا ها الاسم مو موجود في اسمي الكامل ما أعرف شو السبب بس من اسأل أهلي عن قبيلتنا يردون علي و يقولون نحن هوت و ما كنت أعرف جيمته و معناه إلا الحين ..أغلبية الالقاب المذكورة يستخدمونها بلوش عمان و أكثر لقب اسمع عنه الهوتي نسبة إلى قبيلة "هوت" في ألقاب ثانية بس ما تحضرني
و جذبتني الفقرة اللي طريت الدخلاء ع البلوش من بني ميناو و غيرهم و الخدام كذلك لأنهم مشوهين صورة البلوش بشكل كبير
و الغالبية العظمي من اللي اتعرفت عليهم ينظرون للبلوش نظرة دونية و يرجع ذلك إلى الفكرة المشوة اللي انتقلت لهم من الدخلاء و غيرهم
صراحة أشكرك ع الموضوع لأنك ذكرت شريحة كبيرة من المجتمع الإماراتي بشكل خاص و الخليجي بشكل عام تعرضوا للظلم لأسباب عديدة تفضلت أنت بذكرها في موضوعك
بس حاليا أحس النظرة للبلوش وايـــــد اتغيرت للأحسن</font>
رد مع اقتباس
مواقع النشر (المفضلة)