<font color='#810541'><P align=center>حلو ردج ياخربوطه..

احسج من قوم هاي اي كانت في قناة لبنان ماعرف شو اسمها

مالاكل الصحي بوعشب وحشيش ومادري شو

مريم شلبي شي جي..

المهم..


اسمحيلي يا ام خدود اجاوب على الي اعرفه..

ليش كله البنات هم الي يتعبون و يعانون واخر شي الاولاد يحصلونها زاهبه مزهبه &#33;&#33;&#33;

:
:

((ليش كله البنات هم الي يتعبون و يعانون واخر شي الاولاد يحصلونها زاهبه مزهبه &#33;&#33;&#33;))

هاي حقيقه ولازم نعترف فيها.. ان في زمنا هذا البنت وايد تتعب بامور المفروض يسويها الريال بس اليرال حاط ريل على ريل ومستريح

العلاج.. خذي حقج لو من بؤ الاسد

==================================

((ليش نحنا الي انتم في البيت والاولاد حرّررين .. متا ما حبو يظهرون يظهرون ونحن لازم انشاورهم قبل
ليش الله كتب على الحريم انهم يحملون و يربون ؟؟ .. ليش ما انكتب على الرياييل يحملون ويربون؟؟))

الله كتب على الانثى انها هي الي تحمل لطبيعتها الانثويه والصفات الملائمه لهذا الشي.. لكن العبره من الرحمن عزوجل..

البنت لازم تشاول اهلها قبل لا تطلع عسب يتاكدون وين سايره . .اذا لا سمح الله غلطت او صار شي بيطيح على راسهم
اما الريال اذا غلط ماتصير مشاكل وايد.. واذا صار به شي يروم يتصرف بحكم طبيعته انه جريئ وجسمه القادر على الاحتمال
اذا تبين يساونكم حدري الجيش عيل وراوينا شطارتج 6 شهور تحت الشمس بالصيف <IMG src="http://oasis.bindubai.com/emoticons/tounge.gif" border=0>

=====================================
((ليش اذا اضاربت و اتواجعت وي اخوي يقولون لي انا كبري عقلج و لا تردين عليه &#33;&#33;&#33;&#33;))

ترضين انج تلبسن ثياب يهال؟؟؟ قدج ثيابهم؟ اكيد لا انتي لج حجمج وهم لهم حجمهم

انتي عقلج اكبر يروم يوزن الامور اكثر عنهم.. اذا اخوج الصغير سبج فرضا.. اسكتي عنه لان مايعرف شو يقول اذا كبر وتذكر الموقف بيتندم وبيعرف غلطته.. بالاصح ماعنده العقل الكبير شرا لي عندج

=====================================
((ليش هم يطلعون متا ما بغو ويا اي حد من ربعهم و انا لازم اييب رباعتي البيت عسب
ماما اتشوفهم وتتعرف عليهم وبعدين ( بتقرر) جان هم يصلحون لي ولا لأ &#33;&#33;&#33;&#33;&#33;))

يعتمد من بيت وبيت..

نحن ماعنا هالسوالف ان الام لازم تشوف ربع بناتها وجي .. الثقه موجوده لان التربيه صحيحه وكلن فاتح قلبه
بس اكرر يعتمد بين بيت وبيت في ناس حاولي تكسبين اهلج بطريقه انج تخلينهم يثقون في اختياراتج بدون ماترجعين لهم..

====================================


((ليش قرارات الاولاد تتنفذ اسرع من ما نحن ينفذولنا طلبنا ؟؟؟))


بكل بساطه .. هذا هب عدل... والي ينتهج هذا المنهج محاسب جدام الرحمن سبحانه..

الحل هو الصبر لين تحصلين مرادج...

===================================

((وانا اقل وحده تضارب ..))

حاولي ماتضاربين ابدا...

في طرق دفاعيه وهجوميه غير الضرابه بالعقل تكسبين كل شي..
فكرب بالحل من عقلج هب من اعصابج

=================================

((ودوم ينسوني .. دوم ينسوني .. اكثر من&nbsp;خمس.. سبع&nbsp;مرات ناسيني &#33;&#33; .... واليوم في الجامعه ناسيني))

زحمه بالشارع عذريهم <IMG src="http://oasis.bindubai.com/emoticons/laugh.gif" border=0>

================================

((انا لو اصيع محد بينتبه لي ..))

انتي هب ويه صياعه.. لانج اذا تبين جان صعتي من زمان ومشاكلج كانت موجوده قبل بعد ..

بس كتبتي هالجملة من القهر..

وحذاري تستسلمين للشيطان

===============================

اخر كلمة

عقلج كبير... وانتي
تعرفين دربج..

بس هدي اعصابج وفضفضي مثل ماتبين بالطرق المشروعه هب بالصياعه الي يالسه تهددين ابها..

بالعقل بتكسبين كل الي تبينه .. بس فكري بالطريقه ، وكل شي له طريقه وحل

الله يحفظكم ..

:
:
<IMG src="http://oasis.bindubai.com/emoticons/wink.gif" border=0>

</P></font>