<font color='#810541'>هلا باختي عافك الخاطر...

علم الوراثه علم حلوو.... وموجود في البحرين واايد
بس للاسف في الامارات نادر اذا ماقلنا انه معدوم..

على اي حال تخصص علم الوراثه له مستقبل&nbsp; في الامارات لان الامارات بدت تنفتح على جميع العلوم.. واكيد ان الدراسه بالخارج افضل عن الدراسه بالامارات&nbsp; بالاف المرات.. وخاصه بتخصص الطب . يعني في الامارات الحريم مايرضون ان ريال يكشف عليهم بس بالخارج عادي..

من نظري الطب احسن عن الوراثه ولاسباب لا تحصى.. لان الوراثه مجاله محدود فرضا يمكن ترومين بالوراثه تشتغلين في الشرطه قسم الجنايات او الطب الشرعي... عسب يفسرون الجثه تتبع لاي عايله..

اما الطب مجالاته واسعه واذا ماتبين تشتغلين بالحكومه ترومين تفتحين عياده... لحالج وترتاحين... وتخصصات الطب لا حصر لها
وعلى فكره ترومين تتخصصين عن طريق الطب في مجال الووراثه وبعدين اذا خلصتي واشتغلتي في المستشفى والوزارة اهتمت في تخصصت يمكن يرفون درجتج ويسون لج قسم خاص لج...

انتي ماسمعتي اكيد ان حد ترقد بلمستشفى بسبب مرض جلدي صح... في اوروبا شي ناس يرقدون بس الامارات ماشي.. والاماراض الجلديه فرضا الصدفيه لازم الواحد يرقد في المستشى عسب يحصل العلاج الزين.. المهم بالامارات ماشي.. شي شباب تخصصوا امراض جلديه والحين يراكضون في الوزارة عسب يفتحون لهم قسم خاص في مستشفى معين عسب يرقدون فيه المرضى..

يعني انتي ترومين تسوين نفس الحركه لعلم الوراثه
بس سؤال.. وش معنى علم الوراثه غريب ها التخصص من وين عرفتيه <img src="http://oasis.bindubai.com/emoticons/fa31.gif" border=0>

نصيحتي تعالي الطب وياينا.. تخرجي انتي وبفتح عياده معاج شو رايج انا 60 % وانتي 40 % من الدخل شو رايج <img src="http://oasis.bindubai.com/emoticons/fa47.gif" border=0>&nbsp;تدري الريال له ضعف البنت

يالله بالتوفيج في اي تخصص تاخذينه...
واذا بغيتي اي استفسارات ثانيه تراني حاضر
</font>