<font color='#000000'>يقول عبد المجيد:
يا صاحبي وش فيك قاعد لحالك
ليش انت متغير ومشغول بالـك
صارحني قاسمني عناك وهمومك
ما أطيق أشوفك متعب الهم حالك
وراشد يرد
يا صاحبي ضاقـت علـي الليالـي
باللي شغل قلبـي وفكـري وبالـي
خوفي اسولف و اخسر إنسان غالي
ياأخسرك أو أخسر اللي في بالـك
ويقول عبد المجيد
حيرتني واحترت باللـي تقولـه
وإن كان عندك سـر بالله قولـه
ما عاش من يخسر غلاك بسهوله
ولا عاش من يقطع بعمره وصالك
وراشد يرد
خايف أقول واصدم إحساس قلبك
واحد لعب بي في الغرام ولعب بك
هو حبني وانتـه تفكـر يحبـك
لاهو وفا لحبـي ولا هـو فالـك
ويقول عبد المجيد
يعني أنا وانته بها الحب ضعنـا
واللي تحبه ياحسافـه خدعنـا
مثل غرامه واتقن الدور معنـا
والغدر طال إحساس قلبي وطالك
وراشد يرد
هذا الذي هو صار بينـي وبينـك
واسهر عيونك في غرامه وعيني
كلمة احبك لي تجي لـك تجينـي
والشوق نفس الشوق جاني وجالك
ويقول عبد المجيد
يا صاحبي مهما تكون الحقيقه
لو تشتعل في القلب مية حريقه
أنا من اللي صعب يخسر رفيقه
لجل المحبـه أو أبـدل بدالـك
ويرد راشد
وأنا من اجل الحب مخسر رفيقي
ولا اغيّر عن طريقـه طريقـي
واللي جمعني معك حب(ن) حقيقي
لك ماتبي حتـى حياتـي فدالـك</font>
رد مع اقتباس
مواقع النشر (المفضلة)