<font color='#F660AB'>كان يوم جميل ... انا و اهلي ... كنا 6 عوائل ..عمومي و حريمهم و عيالهم ..
رحنا البحر ... و كنا انا و بنات عمي نتبارا منو بيسوي احلى و اجمل قصر ...
كل وحده تتخيل قصر .. و تضع فيه احلامنا الورديه ... و كل وحده تتفنن ....
و تتفاخر بالي تبغيه ... و كيف بيكون ... و الوانه .. و ديكوراته ...في هاللحظه
يت امايه و عمتي ... تمو يطالعونا ... وبدت اميه تحكي لنا عن احلامها ...
قالت انا ابا طوابقه من ذهب و اسواره عااااليه و غرف كبيرة و كثيرة .. الجدران من زجاج شفاف ..
و ارضه معطرة بعر فواح ..تجري من تحته الانهار ,, الي يدخله ما يعرف يطلع منه من كبرة ...
يحوطونه خدم و اطفال كانهم لولو ..اثاثه يتشكل و يتغير مكانه مثل ما ابا قبل لانطق .. و حولينه ارض خضرا
كلها اشجاار ظليله .. محد يحس فيه بازعاج او ارهاق .. و ما ينسمع فيه الا سلاما ...
ضحكنا ... قلت لها ماما خيالج واااااااسع ... مستحيل كيف .. تعديتي خيالنا .. نحن الي لازم نحلم .. انتي كسرتي القاعده
قالت لي : من قالكم اني ابا هالقصر احين .. لا حبيباتي .. ما ابا في الدنيا.. الدنيا فانيه .. ما يمديني اتمتع فيه .. و بنحسد ..
و بخسر فلوسي .. و سعادتي فيه هب مظمونه ... انا اتمنى انه ها يكون قصري قصر من قصور الجنه .. الي وصفها ربي في القرآن
ما ابغي قصور الدنيا ... كنت اطالع اامايه و انا كلي فخر و اعجاب ... قمت من مكاني و بستها على خدها ... قلت لها و انا ابا اكون معاج ..
و فجأة يت موجه و هدمت قصورنا الي بنيناها بالتراب .. قالت امايه : شفتوا هذي حال الدنيا كل من عليها فان .. ما في شي بيتم ..
و بيبقى الاثر بس .. عكس قصور الجنه و سعادتها الي ما تخلص ..
اظن ..لالالا ما اظن ..انا اقر .. ان هذا الي لازم نسعا له جميع ... صح ...
اختكم ملك .. <img src="http://oasis.bindubai.com/emoticons/inlove.gif" border="0" valign="absmiddle" alt=':ilo:'>
...</font>
رد مع اقتباس
مواقع النشر (المفضلة)