ألعاب بنات الواحات التراثية

**أحلى منصوري** · 19-11-04 ||, 11:48 AM

شموخ واختها همس القصيد واختها فقيرة حظ وهموم الحب وشمه ونجود ونويّر وناعم الصوت ووحي القلم وفراشة ودّ ومها دبي وميثه الأمورة
بيلعبــن لعبــة صيـّـاد السمــك ..
طبعاً شكلوا فريقيــن ..
فريق بقيادة شمه وفيه : نجود وهموم الحب وفراشة ودّ وميثه الأموره وناعم الصوت
والفريق الثاني بقيادة نويّر وفيه : شموخ وخواتهــا ووحي القلم ومها دبي
وسوا قرعـة بالدرهم مال هموم الحب وخلاف ضيعووه عليهــا <img src="http://oasis.bindubai.com/emoticons/fa56.gif" border=0>..
وطلع فريق شمه هو اللي راح يفر الكوره .. وفريق نويّر راح يكون داخل الملعب
الملعب يكون تقريباً 15 متر في 7 أمتــار .. يعني مستطيــل بس ما يكون بعيــد وايد .. ويزداد حجمه بيزيادة عدد اللاعبات <img src="http://oasis.bindubai.com/emoticons/fa42.gif" border=0>..
شمه اختـارت ناعم الصوت وميثه الأموره عشــان يفرن الكوره على فريــق نويّر ..
يعني فريق نويّر يكون داخل المربــع ويحاول يتحاشي الكوره اللي تنفــر من ناعم الصوت لميثه الأموره والعكــس من ميثه لناعم  ..
وإذا حد من فريق نويّر مسك الكوره في ايده اتكون عنده بيضــه يرومون يدخلون فيهــا أي عضــو ينذبــح <img src="http://oasis.bindubai.com/emoticons/fa37.gif" border=0>..
طبعاً اللي تضربـه الكوره يظهــر برع المربــع من قوم نويّر إلا إذا كان عندهم بيضــه يرومون يدخلونها إبهــا <img src="http://oasis.bindubai.com/emoticons/fa44.gif" border=0>
الصراحة وحي القلم ومها دبي شاطرات كل ما ضربت الكوره في حد من ربعهم يكونن عندهن كم بيضــه يجمعونهــا من كثر ما يمسكــن الكوره في ايديهن يوم يفرنها فريق شمه عليهن .. أحسن شي اتفر الكوره ارضيــه <img src="http://oasis.bindubai.com/emoticons/fa56.gif" border=0>
شموخ حاولت مره تاخذ بيضــه بس مسكت الكوره وطاحت عنهـــا ..يعني ميتــه بس دخلتها إختهــا فقيرة حظ مكانهــا لأنهــا عطتهــا دورهــا
يعني يصير التغيير إذا ما كان عندك بيضــه <img src="http://oasis.bindubai.com/emoticons/fa42.gif" border=0> ..
طبعاً الكوره يا اتكون كورة تنس أو اتكون مجموعه من الخلاقيـن ( قطع القماش ) وفي وسطهــا حصاة صغيره عشان تعطيهــا وزن <img src="http://oasis.bindubai.com/emoticons/fa51.gif" border=0>
يعني شرات القبــه لو اتحيدونهــا في موضوعي عن لعب الشباب التراثيــة ..
ويوم يذبحون قوم شمـه كل فريق نويّر يدخلون مكانهم في الملعب وذيلاك يفرون عليهم الكوره ..
وعلى هذا الموال لين ما يزهقوون <img src="http://oasis.bindubai.com/emoticons/fa56.gif" border=0>
بقت عندي كم لعبــة تراثيــة بناتيــة من اللي أذكرهــن للبنات حالياً <img src="http://oasis.bindubai.com/emoticons/fa52.gif" border=0> ..
ترقبــوا مع أحلى منصوري في واحات بن دبي 
والسموحه 
أخـــوكم
أحلى منصوري

**أحلى منصوري** · 19-11-04 ||, 11:40 AM

لعبــة خوصه بوصه ..
وكانن يلعبنها كل من :
طير الغرام واختها كندوره بودق ومشاعر بوظبي وملك وبيبا وهمس الوجود ودرة الدنيا
كل وحده اتمد ايد وحده لهــا وتفردهـــا ..
يعني أصابعهــا اتكون ممدوده ووحده منهن وهي طير الغرام اتردد الأهزوجــة التاليــة واتقول :
خوصه بوصه يالنبوصه ، كلاج الدود من حمدود .. مرينا على عريب ، ياكلون سحتين ومحيتين ..قال يا عبدالحسين ، عطني سيفك وبلاقيك ، من شقروب لين
عقروب .. دوسة خيل ولا مطيـة .؟؟
وخلال ما اتغني هالأهزوجـة اتمرر على أصابع البنــات .. ويوم اتخلص اتشوف صبع منو من البنات وصلت له ..
وعلى البنت اللي وصلت لهــا آخــر الأهزوجه إنهــا اتدخل صبعهــا داخل .. يعني يبقى عندها أربع أصابع ..
وتبدى مره من عند إختهـا ومره من عند بيبا ومره من عند درة الدنيا وكل اشويــه اتغير الأهزوجــة .. بس هي أصلاً إسمهــا لعبــة خوصـة بوصــة ..
والأهزوجـة اللي عيبتني وسمعت مشاعر بوظبي اتقولهــا هي :
يامي يامي يامايه ، راعي البحر ماباه .. أبا وليد عمي بخنجره ورداه ،
قابض خطام الصفره ويلوح لي بعصاه .. عمتي مرت ابويه ، الله يسلط عليها ، يوم
يابولي هديه دستها في الزويه ، تتحسبني طلابه ، اطلب على البيبان
ما جن ابويه تاجر يصوغ لي الدلال ، دلالي باربع اميه كني من بنات هلال ..
ولي عودة  ..
والسموحه

أخـــوكم
أحلى منصوري

**أحلى منصوري** · 19-11-04 ||, 11:36 AM

هاللعبــة أكثــر لعبــة كنـّـا نلعبهــا .<img src="http://oasis.bindubai.com/emoticons/fa47.gif" border=0>.
وعلى فكــرة مرات الشباب يلعبون ألعاب البنــات لأنهــا هب بس محصوره عليهــن <img src="http://oasis.bindubai.com/emoticons/fa49.gif" border=0> .. بس هن أصلاً للبنـــات <img src="http://oasis.bindubai.com/emoticons/fa52.gif" border=0>..
التــمن أتمنى وأوراق الورد وطفلة من هذا الزمان ومشغووووب والجنيه ودخون واختارن مكان يسموونه المحبــه ( أو الإستراحـة ) لأنهن يبن يلعبــن كروك ( أو كما تعرف بلعبـة الدسيس )
ولازم اتكون المحبــة قطعـة من الطوفــه طولهــا لا يتعدا المتريــن أو شرات مايحددون اللي يبن يلعبــن <img src="http://oasis.bindubai.com/emoticons/fa45.gif" border=0> ..
وقفتهــن مشغووووب على الطوفــه وبدت اتقول بعض الأهازيج الشعبيــة عشان يظهر الدور على حد منهم ..
فقالت :
عكر بكر كان كركر دين دلوه ، واللي يطلع هو دب ، هيلا هوب ، إطلع يا دب .. <img src="http://oasis.bindubai.com/emoticons/fa56.gif" border=0>
اتخيلوا منو طلعت الدبـه ، طفلة من هذا الزمان  <img src="http://oasis.bindubai.com/emoticons/fa54.gif" border=0>..
والحينه لازم تعطيهم ظهرها ويشردن هم عنهـــا وينسدن في أي بقعــه في داخل الحوش ( بسبة هالشي إسمهــا لعبــة الدسيس ) واتم طفلة اتقول كروك .. كروك .. كروك
لين ما يقولن لهــا هيه كرووك وتركض وراهــم .. ولازم تمســك حــد منهم .. وخلاف اتحط ايدهــا على راسهـــا <img src="http://oasis.bindubai.com/emoticons/fa56.gif" border=0>..
واللي تمســكه هو اللي يركض وراهم ويحاول يمسكهــم..
بس إذا رجعوا كلهم للمحبــه أومنطقة الإستراحة محد يروم يمسكهم <img src="http://oasis.bindubai.com/emoticons/fa38.gif" border=0> .. وتوقف مره ثانيه طفلة واتقول كروك وهم يشردون عنهـا <img src="http://oasis.bindubai.com/emoticons/fa43.gif" border=0>
ومسكينــه طفلة ما رامت تمسك حد منهم ورجعوا كلهم للمحبــه .. ظهرت دبه وما اتروم تركض <img src="http://oasis.bindubai.com/emoticons/fa52.gif" border=0>
وفي بعض المرات يكسر خاطرهم اللي يركض لأنه ما رام يمسك حد منهم ويعيدون الاختيار مره ثانيــة شرات ما صار مع طفله من هذا الزمـان <img src="http://oasis.bindubai.com/emoticons/fa39.gif" border=0> 
ووقفتهم الجنيه كلهم على الطفوه وبدت اتقول أهزوجـه ثانية لهاللعبــة واللي لهــا وايد أهازيــج وقالت :
طرشتني معلمتي اشتري لها كاس ، طاح من ايدي وانكسر ، علقتني بالشجر والشجر مليان فلوس مدي ايدك يا عروس ..
وظهرت أوراق الورد اللي لازم تركض وراهم <img src="http://oasis.bindubai.com/emoticons/laugh.gif" border=0>..
ركضت وأمرها لله ومسكت دخون اللي ما اتعرف تندس عدل .. والدور عليهــا لازم تركض وراهم <img src="http://oasis.bindubai.com/emoticons/fa30.gif" border=0>..
واتم اللعبــة على هالشكــل ..
وشي أهزوجه ثانية كنـّــا انقولهــا ونحن صغار وذكرتني إبهــا اختيه الجنيه ودخون وهي :
كان فيه نجار ، بدوا يعمل دار ، كم مسمار بدوا ، حتـى يعمل هذا الدار
واللي يطيح عليه يقول كم مسمار يبى ويتمون يحسبون ويشوفون منو الضحيــه اللي راح يركض وراهم <img src="http://oasis.bindubai.com/emoticons/laugh.gif" border=0>..
وشرات ما قالت شي وايد أهازيج بس ما أذكر منهن إلا اللي قلتهــن حالياً ..
واللي يعرف يخبرنــا <img src="http://oasis.bindubai.com/emoticons/fa46.gif" border=0>
وشرات ما خبرتكم في البدايــة ..
 تابعوا ألعاب بنات الواحات التراثيــة مع أحلى منصوري هنــا وهنــا فقط في واحات بن دبي 
والسموحه 
أخـــوكم
أحلى منصوري

**حلم الطفوله** · 19-11-04 ||, 08:29 PM

أحلى منصوري
والله تستاهل<IMG src="http://oasis.bindubai.com/emoticons/fa47.gif" border=0> كبيره

ماشاء الله عليك أسلوب رائع بسرد وتعليم هالألعاب <IMG src="http://oasis.bindubai.com/emoticons/fa42.gif" border=0>
بس تعال نصيحه منى ابدأ من اليوم تكتب كتاب عن الألعاب الشعبيه
والله بيخلص من الأسواق دام هذا أسلوبك<IMG src="http://oasis.bindubai.com/emoticons/fa40.gif" border=0>

 هالشوق دوم تكشفي؟؟ بس أكييد فزت بالنهايه شطوره ما أنغلب<IMG src="http://oasis.bindubai.com/emoticons/fa51.gif" border=0>

**أحلى منصوري** · 19-11-04 ||, 11:27 AM

الشوق ونويّر يالسات ويلعبن لعبة ( الكف ) أو اس سس سيه ..
يلسن قدام بعض ومدت كل وحده منهن كفهــا ..
وكل وحده اتلامسن كفوف الثانيه مره بالطول مره بالعرض ومره فوق ومره تحت بحيث تتلامس كفوف ايدهن مع بعض وهن يرددن :
اس سس سيه ، ام مم ميه ، يو يو يو ، أزهار في الربيع ، أزهار في الشتــاء ، إبدأ ..
ويوم يرددن هالأهزوجه يكونن ماسكات أصابع بعض وما يبدن في ضرب كفوف ايدهن مع بعض إلا بعد ما يقولن إبدأ وبعد ما يقولن إبدأ يقولن أهزوجه
ثانيــة بس ما اعرف شو هي <img src="http://oasis.bindubai.com/emoticons/fa52.gif" border=0>.. حد يعرفهــا يخبرنـا <img src="http://oasis.bindubai.com/emoticons/fa46.gif" border=0>.. ترا الكبــر شيــن <img src="http://oasis.bindubai.com/emoticons/fa45.gif" border=0>.. لا اتصدقون عندي شبــاب <img src="http://oasis.bindubai.com/emoticons/fa32.gif" border=0>

..

لعبــة تراثيــة جديدة من التراث <img src="http://oasis.bindubai.com/emoticons/fa51.gif" border=0>
حركات وجود الأجواد والملاك الوردي وكبيره بعيوني والياه ويحليلي ياهل يلعبن لعبــة خبـز رقـــاق
يختارن وحده منهن بالقرعه وطلعت كبيره بعيوني واتنزل ظهرها كأنهــا راكعــة في الصلاة <img src="http://oasis.bindubai.com/emoticons/fa53.gif" border=0> ..
وايّـن البنات الباقيــات وينقزن بحيث يحطن ايديهن على ظهرها وينقزن من فوقهــا ..
وكل وحده تطلب من كبيره بعيوني يا ترفع اشويه ظهرها أو اتنزل إلهــا اشويه شرات يحليلي ياهل القزمــه <img src="http://oasis.bindubai.com/emoticons/fa56.gif" border=0> ..
أمــا الياه فتطلب منهــا ترفع ظهرهــا فــــوق من طولهـــا <img src="http://oasis.bindubai.com/emoticons/fa30.gif" border=0>..
وبعد ما يخلصن اتروح وحده مكان كبيره بعيوني وبالترتيب ..
بس الملاك الوردي من كثــر ما هي متهوره طاحت كم مره على ويهــا بس الحمد لله حوشنــا كل رملـــه <img src="http://oasis.bindubai.com/emoticons/love.gif" border=0>
لي عودة مع باقي بنات الواحات وألعابهــن 
والسموحه 
أخـــوكم
أحلى منصوري

**أحلى منصوري** · 19-11-04 ||, 11:39 PM

:: اختيه هموم الحب ::
ويـــاج يا خـــوج ..

واللي ضيــع درهمـهــا أو سرقــه يرجعــه لهــا أحســن من إنهــا تشكتــي عليــه عنــد بن دبي <img src="http://oasis.bindubai.com/emoticons/fa56.gif" border=0>

تسلميــن على الزيــارة الكريــمـــة ..
ولا عدمناهــا ..

وربي يصونج .

والسموحه

أخــوكم
أحلى منصوري

**أحلى منصوري** · 19-11-04 ||, 11:16 AM

من كثــر ما يحفرون في حوشنــا بيظهرون النفطــ لنـــا <IMG src="http://oasis.bindubai.com/emoticons/fa49.gif" border=0> ..
لعبــه يبالهــا ذكاء شويــه .. بنوته صغيرونه وعافك الخاطر يالسـات لحالهــن وبيلعبن هاللعبــة ..
وبعد جنبهن دموع قلم وبهجة الروح .. يبن يلعبــن شرات لعبتهن <IMG src="http://oasis.bindubai.com/emoticons/fa56.gif" border=0>..
كل بنت من الأربع بنات خذن لهــن ثلاث حصايات .. وقررن يلعبــن لعبــة الصبـــه <IMG src="http://oasis.bindubai.com/emoticons/fa34.gif" border=0>..
وهاللعبــة ما يرومن يلعبن فيهــا أكثــر من بنتيــن .. يعني كل بنتيــن مع بعــض .. وهاللعبــة بعــد عادي يلعبونهــا الأولاد الأذكيــاء شراتنـــا <IMG src="http://oasis.bindubai.com/emoticons/fa38.gif" border=0> ..
المهــم .. المخطط التالي يوضح شكل الملعــب المفروض ينرسـم .. مربــع ومقــســم شرات ما اتشوفون ويكون تقريباً عشرين في عشرين طوله في عرضه
 
<IMG src="http://emirate4ever.jeeran.com/alsaba7.jpg"> 

بدا اللعــب .. وكل بنــت لازم اتحاول اتسوي خط مستقيــم .. سواء كان رأسي أو أفقي أو مائل ..
واللي اتسوي الخط المستقيـــم اتكون هي الفايزه .. ويتمن يلعبــن عدة مرات ويشوفن في النهايــة منو جمــع أكبــر عدد من النقــاط <IMG src="http://oasis.bindubai.com/emoticons/fa42.gif" border=0>..
هاللعبــة شرات لعبــة الــ ( x و o ) في هالأيـــام<IMG src="http://oasis.bindubai.com/emoticons/fa52.gif" border=0> ..
بس لعبــة الصبــه بعد ما تنتهــي من وضع الثلاث الحــصــايات المخصصه لكل بنت اتروم اتحركهـا يــمــين أو يســار أو فوق أو تحت بحــيــث ما يكون شي
حصــاه اتعرقل الحركــة <IMG src="http://oasis.bindubai.com/emoticons/fa42.gif" border=0>..

منو الفايز في المجوعتيــن أنا ماااعرف انشدوهم انتوا <IMG src="http://oasis.bindubai.com/emoticons/fa56.gif" border=0>

...

لعبــة تراثيــة يديدة <IMG src="http://oasis.bindubai.com/emoticons/fa42.gif" border=0>

دمعـة شوق وسويره العجيبة وبنت جميرا وخيال الروح ونونو الصغيره يلعبــن لعبــة الشقـحـه ( أو كما تعرف بالنطــه أو القفزه )
يلست بنت جميرا وخيال الروح على الأرض ومقابلات بعــض ..
مدت بنت جميرا ريلهــا اليميــن وحطت ريلها اليسار تحتهــا ومدت خيال الروح ريلهـا اليســار وحطت ريلهــا اليميــن تحتهــا
بحيـث اتشكل كل ريل منهن ريليــن لشخــص عادي ولكــن في اتجــاه مخالف كما في الصوره
 
<IMG src="http://emirate4ever.jeeran.com/alshq7aa.jpg">


وتبقى ريلهــن ثابتات خلال عمليــة النقز ..
يعني كل بنت من البنــات تنقز من فوق ريلهــن ويوم يخلصن الأربع بنــات .. يوسعــن اشويــه البعـــد بين ريلهــن
ولازم محد يدعم ريل أي وحده من اليالسات وإذا دعمت لازم تيلس مكانهــا <IMG src="http://oasis.bindubai.com/emoticons/fa42.gif" border=0>
واتم اللعبــة على هالشكــل ..
دمعـة شوق والعجيبة يوم ينقزن يذكرني بالألعاب الأولومبيــة

لي عودة قريبة ما خلصت للحينه <IMG src="http://oasis.bindubai.com/emoticons/fa31.gif" border=0>

والسموحه

أخــوكم
أحلى منصوري

**أحلى منصوري** · 19-11-04 ||, 11:06 AM

بعد ما جفت الأرض شويـه من المطــر .. التمــن البنيات وهن : حبوبه دبي و اليازيه ولؤلؤة العرب ورح بوظبي والخوات مخاوية الأمل ووردة الحب
قريب من العريــش .. واقترحت عليهم مخاوية الأمل يلعبون لعبـة طاق طاق طاقيـه <img src="http://oasis.bindubai.com/emoticons/fa34.gif" border=0>
وبالقرعه اختارن لهن وحده وطلعت لؤلؤة العرب <img src="http://oasis.bindubai.com/emoticons/fa30.gif" border=0> ..  البنات يلسن على الأرض بشكل دائري وقراب من بعض اشويــه
مخاوية الأمل امزهبه عمرها وظهرت قطعة القماش الضروريه في هاللعبـة وعطت لؤلؤة العرب
المهم لؤلؤة العرب شلت قطعة القماش وبدت تلف على الدائره اللي سونهــا البنات واتردد :
طاق طاق طاقيه .. رين رين يا جرس ..  حوّل واركب عالفرس .. والدبه طاحت في البير .. وصاحبهــا واحد مسكيــن ..
وخلال دورانها على البنات اتحط قطعة القماش ورا وحده منهن من دون ما تدري .. وعادي لو تمت اتلف عشر مرات واتكرر الأهزوجة ( شرات الإغنية .. ) واللي قلتهــا لكم فوق <img src="http://oasis.bindubai.com/emoticons/fa42.gif" border=0>
وبعد ما اتقول خلاص واتوقف عن هالإهزوجـه كل بنت اتشوف إذا كانت وراها القطعـة .. ويا سلام يا سلام
القطعـة ورا حبوبه دبي والحينه لازم تركض ورا لؤلؤة العرب وتمسكهــا <img src="http://oasis.bindubai.com/emoticons/fa56.gif" border=0>
وإذا ما رامت تمسكها ورجعت لؤلؤة العرب ويسلت مكانهــا اتكون حبوبه دبي هي اللي تلف على البنات واتغني واتكون معاها القطعــة <img src="http://oasis.bindubai.com/emoticons/fa50.gif" border=0>..
بس حبوبه دبي رامت تمسكهـا وتمت مسكينــه لؤلؤة العرب في النص<img src="http://oasis.bindubai.com/emoticons/fa43.gif" border=0> .. بس بعد كمدور اتغيرت لأنها مسكت وردة الحب <img src="http://oasis.bindubai.com/emoticons/fa56.gif" border=0>
واتم هاللعبـة بهذي الطريقــة .. بس مسكينه روح بوظبي اللي طاحت يوم كانت وردة الحب تركض وراها واتعورت اشويه ..
شكلها ما اتشوف قدامهــا ودعمت حصاه وظهر دم من ريلهــا بس الحمد لله الإصابـه سليمـــة <img src="http://oasis.bindubai.com/emoticons/fa56.gif" border=0>
واللي يبى ياخذ فترة راحة لأني صدعت لكم راسكم من كثير ما اكتب .. اخذوا فترة الراحة بس لا اتطولين وارجعوا لأني عدني ما خلصت <img src="http://oasis.bindubai.com/emoticons/fa46.gif" border=0>..
والسموحه 
أخــوكم
أحلى منصوري

**أحلى منصوري** · 19-11-04 ||, 11:00 AM

وفجـــاة وبلامقدمــــات .. برقــ ورعــد .. نزل المطـــر <img src="http://oasis.bindubai.com/emoticons/fa35.gif" border=0>..
الكــل فرحــان ومستانس ويلعب بالمطــر ولكــن زاد المطـــر .. وبدت اتهــب ريــح قويـــة <img src="http://oasis.bindubai.com/emoticons/fa45.gif" border=0>..
أتمنى تزقــر البنـــات واتقول لهــن يالله ادخلن البيــت ولا العريــش أو الخميـــه <img src="http://oasis.bindubai.com/emoticons/fa32.gif" border=0>
طبعاً أحلى منصوري ومنصوري الدوله وخوي الواحات وولد راعي بحر بــرع ومستانسيـــن ويلعبــون في المايــه .. من زمان ما نزل مطــر<img src="http://oasis.bindubai.com/emoticons/fa34.gif" border=0> ..
المهم .. مس شانيل وماوحشتك وأم خدود وشمعة أمل وكادبوري وروابي دخلن الخيمــه ..
ويلسن يسولفن .. روابي وايد اتسولف وفجأة اقترحت عليهــم يعلبون لعبــة الغميضـــه<img src="http://oasis.bindubai.com/emoticons/fa42.gif" border=0> ..
المهم سووا قرعــة وطلعت مس شانيل هي اللي راح يغطون عيونهــا بلمفــع ( شرات الشيله أو الوقايــه ) كادبوري الأزرق <img src="http://oasis.bindubai.com/emoticons/fa38.gif" border=0>..
لعبــة الغميضـه تفضــل إن تلعب في مكان مسكّـر عشــان محــد يهرب وما يصعــب على اللي امغمضين عيونه يحصلهم ويمسكهم <img src="http://oasis.bindubai.com/emoticons/fa53.gif" border=0> ..
وقفت مس شانيـل في نص الخميـه وتقدمت شمعـة أمل وربطـت عينهــا بس هب اترص عليهــا وتذبحهــا <img src="http://oasis.bindubai.com/emoticons/fa37.gif" border=0>..
وكل وحده من البنات وقفت في زاويـه معينــه وقالوا لمس شانيل جاهزيــن وإبدئي .. بدت تتحرك مس شانيـل واتروح صوب الصوت اللي يظهر من البنــات لأنهــا ما اتشوف <img src="http://oasis.bindubai.com/emoticons/suspect.gif" border=0>
والضحيـه دوم ماوحشتك لأنهــا دوم تضحك واتعرف ضحكتهــا مس شانيل  من بين ألف ضحكه واتروح وتمسكهــا .. وأي وحده تنمسك تنربط  عيونهــا وتوقف في النـص ولازم تمســك حد عشــان تكون هي اللي رابطين عيونها وتكون في النص <img src="http://oasis.bindubai.com/emoticons/fa42.gif" border=0>
بصراحــة .. كل وحده وقفت في النص إلا أم خدود .. محد رام يمسكهـــا <img src="http://oasis.bindubai.com/emoticons/fa56.gif" border=0>..
وأحلى شي يوم كان الدور على ماوحشتك في النــص .. روابي وكادبوري يركضن عشان لا تمسكهن وفجـأة .. طاااااااااخ اتداعمن <img src="http://oasis.bindubai.com/emoticons/laugh.gif" border=0>
سبحــان الله وقف المطــر بعــد نــص ساعــة من الهطول المستمــر .. وظهرن كلهن من البيت والأرض مبلله وكل وحده اتشل الجدر اللي حطتـه عشان يتجمع فيـه مايـة المطــر <img src="http://oasis.bindubai.com/emoticons/fa35.gif" border=0> .. 
لي عودة مع لعبـة بناتيــة تراثيــة جديدة ولكــن بعد الفاصل الإعلاني ( لا تستغربون بن دبي فتح واحة للإعلانات في الواحات يبى يدخل بيزات <img src="http://oasis.bindubai.com/emoticons/fa47.gif" border=0>.. لا تنسانــا معاك  <img src="http://oasis.bindubai.com/emoticons/love.gif" border=0> ) 
والسموحه 
أخـــوكم
أحلى منصوري

**أكسجين** · 21-11-04 ||, 01:39 AM

<IMG alt="" hspace=0 src="http://oasis.bindubai.com/download/farasht_wed/saalam.gif" align=baseline border=0>

:: أحلى منصوري ::<?xml:namespace prefix = o ns = "urn:schemas-microsoft-com:office:office" /><o:p></o:p>

لو سمحت أول شي حط لنا شله بصوتك بعدين برد ع الموضوع<IMG src="http://oasis.bindubai.com/emoticons/fa56.gif" border=0> ..<o:p></o:p>

" محد قالك أنت قلت أنك يالس تشل "<o:p></o:p>

انزين ..<o:p></o:p>
شدراك انته بألعاب البنيات هااا .. " يا لله اعترف " <IMG src="http://oasis.bindubai.com/emoticons/fa32.gif" border=0><o:p></o:p>

بالنسبة للعبة الأولى كنا نلعبها ونحن صغار ..<o:p></o:p>

بس بطريقة عصابة العيناوية .. " الطريقة الثانية "<o:p></o:p>

ولعبة الغميضة لين ألحينه العبها ويّا الصغاريه<IMG src="http://oasis.bindubai.com/emoticons/fa51.gif" border=0> ..<o:p></o:p>

ولعبة طاق طاق طاقية .. اذكر لمّا تلعبنا الابلة في الروضة ..<o:p></o:p>

كنا نستانس ونسوي حفلة عشان بتلعبنا هذي اللعبة ..<o:p></o:p>

بس أقول بشر طلع النفط " في بيتكم "<o:p></o:p> والا بعده  <IMG src="http://oasis.bindubai.com/emoticons/fa50.gif" border=0>

بالنسبة للعبة الرابعة والخامسة  الصراحة ولا مره لعبتهن ..<o:p></o:p>

يمكن خواتي يعرفنها بس أنا ما حصلّي الشرف<IMG src="http://oasis.bindubai.com/emoticons/fa46.gif" border=0> ..<o:p></o:p>

  واللعبة السادسة لحد الحين العبها ويّا أختي الصغيرونه <IMG src="http://oasis.bindubai.com/emoticons/fa35.gif" border=0>..<o:p></o:p>

ولعبة خبز رقاق يدتي كانت تقولنا عنها .. <o:p></o:p>

بس ولا مره لعبتها ..<o:p></o:p>
واللعبة السابعة بعد ما حصلي الشرف <IMG src="http://oasis.bindubai.com/emoticons/fa32.gif" border=0>..<o:p></o:p>

بس شكلها حلوه ..<o:p></o:p>

ولعبة خوصه بوصه ..<o:p></o:p>

هذي اللعبة لي ويّاها ذكريات ..<o:p></o:p>

حتى أن الوالد كان يناديني .. بــ " حبوصه "<o:p></o:p>

لسبب ما بس ما بقوله لكم <IMG src="http://oasis.bindubai.com/emoticons/fa30.gif" border=0>..<o:p></o:p>

ولعبة صيّاد السمك اللي كان اسمي فيها ..<o:p></o:p>

أعتقد أني سامعه بها بس مب متأكده<IMG src="http://oasis.bindubai.com/emoticons/fa52.gif" border=0> ..<o:p></o:p>

واللعبة الأخيرة ..<o:p></o:p>

بعد ما أعرفها ..


:: أحلى منصوري ::<o:p></o:p>

موضوع مميز جداً ..<o:p></o:p>

ومتعوب عليه<IMG src="http://oasis.bindubai.com/emoticons/fa42.gif" border=0> .. <o:p></o:p>

وأنا شخصياً تعرفت على ألعاب يديده من تراثنا ما كنت اعرفهن ..<o:p></o:p>

تسلم الأنامل يا مبدع الواحة التراثية<IMG src="http://oasis.bindubai.com/emoticons/fa47.gif" border=0> ..<o:p></o:p>

<o:p> </o:p>وتقبل منّي هذي البطاقة تقديراً لجهودك المميزة في الواحات ..<o:p></o:p>

<o:p> </o:p>

<o:p><IMG alt="" hspace=0 src="http://oasis.bindubai.com/download/farasht_wed/3hLa.jpg" align=baseline border=0> </o:p>

<o:p> </o:p>والمعذرة على الاطاله ..<o:p></o:p>

أختك الصغيرونه <o:p></o:p>

فراشة

**همس القصيد** · 21-11-04 ||, 07:05 AM

..مبـدع المنـاصيـر..

هالواحــه شــو اللــي محليهــا؟؟

وجــود المنصــوري فيهــا..

،،

اللــه عليــك!!

مبـ!ـدع..مميـ!ـز..رائـ!ـع..

مــوضــوع أعجــب مــن العجــب

مــا شــاءاللــه عليــك

طلعــت عبقــري زمــانك<IMG src="http://oasis.bindubai.com/emoticons/fa47.gif" border=0>


،،

دمــت لواحــاتـك مبدعــا

وبالتوفيــق دائمــا

والسمــوحه

<IMG height=50 src="http://www.bindubai.com/smilies/21.gif" width=50 border=0>

..همــــــــس..

**أحلى منصوري** · 19-11-04 ||, 10:51 AM

في الجنــاح الغربــي من البيــــت ( هب من الطيــارة <img src="http://oasis.bindubai.com/emoticons/fa56.gif" border=0> ) التمــن شلــة ثانيــة من البنــــات ..
العيناويه واختها فديت العين وبنت عمهن الغزاله العيناويه والمزيوونه والحمرة وشيطونه ورديه
بيلعبن بعد لعبــة القيــس ( الحويــم ) ولكـــن بطريقــة ثانيـــة .. بالطريقة التقليدية والأحلــى  <img src="http://oasis.bindubai.com/emoticons/fa42.gif" border=0>..
مسكت شيطونه السعف ورسمــت الملعب شرات ما راح اتشوفون في الصورة

<img src="http://emirate4ever.jeeran.com/al7weem2.jpg">

والقوانيــن شرات قوانـيــن لعبــة القيــس الأوليــة ولكـــن فيه بعض الإختلافات البسيــطــة
البدايـــة في اللعبــة كانت مع العيناويه واللي فرت حصاتهــا في المنطقــة الأولى .. ودخلت الميدان ..لا قصدي الملعبــ وبريـــل وحــده ولكــن قالوا لهــا انتي ميتـــه
شو السبب ..السبب هو إنهــا دخلت المنطقــة اللي فرت فيهــا الحصــاه والمفروض إنهـــا ما تدخلهـــا <img src="http://oasis.bindubai.com/emoticons/fa44.gif" border=0>..
الدور الحينــه على الحمـرة اللي فرت الحصــاة في المنطقـة الأولى ونقزت عنهــا ونقزت في المنطقــة الثانية والثالـثــة بريــل وحده وثابتــه ما اتروم اتغيــرهــا ..
وفي المنطقــة اللي وصلت لهــا ( الرابعـة + الخامسـة ) لازم اتخلي الريل اليميــن في الخامســة واليســار في الرابعــة وتدخل المنطقة السادسـة بريل وحده واتسوي في المنطقـة ( السابعــة + والثامنـة ) شرات ما سوت في ( الرابعـة + والخامسـة ) وخلاف اتعـوّد عن طريــق نقزه عكسيــة بحيــث تصيــر ريلهــا اليميـن في السابعـة واليســار في الثامنــة <img src="http://oasis.bindubai.com/emoticons/fa42.gif" border=0> ..
وترجع ليــن ما توصــل المنطقــة الأولى وتدخلها وتاخذ حصاتهــا وتظهــر<img src="http://oasis.bindubai.com/emoticons/fa34.gif" border=0> ..
والحمـرة ما شاء الله عليهــا سوت كل هذه وطافـت المرحلة الثانيـة والثالثـة ووصلت للمرحلة الرابعــة ..
فرت الحصــاه وما يت في المنطقـة الرابعــة وماتت <img src="http://oasis.bindubai.com/emoticons/fa30.gif" border=0>..
الدور على الغزاله العيناويه اللي مايوقفهــا شـــي .. لا اتصدقيــن <img src="http://oasis.bindubai.com/emoticons/laugh.gif" border=0>
بعد ما خلصت المراحل الثلاثـة الأولى وصلت للمرحلة الرابعــة وفرت الحصاة ودخلت المنطقة الرابعــة .. ونقزت بريل وحده ويوم وصلت للمنطقة ( الرابعه + والخامسه ) دخلت بريلين للمنطقـة الخامسه وكملت ورجعت ودخلت
المنطقة ( الرابعـه + والخامسه ) بحيث اليميـن في الرابعـة واليســار في الخامسـة وشلت الحصــاه <img src="http://oasis.bindubai.com/emoticons/fa42.gif" border=0>..
وطافت المرحلـة الخامســة وهي شرات خطوات المرحلـة الرابعــة وما سوت سالفــه للمنطقــة السادسه وطافتهــا <img src="http://oasis.bindubai.com/emoticons/fa50.gif" border=0>..
وشرات ما سوت في المنطقـة ( الرابعة + الخامسة ) سوت في المنطقة ( السابعة + والثامنـة )
وماتت الغزاله في مرحلة كف اليــد <img src="http://oasis.bindubai.com/emoticons/fa30.gif" border=0> ..
ويا دور فديت العين اللي انسحبت لأنه أمهــا زقرتهــا عشــان اتشــل أخــوهــا الصغيــر<img src="http://oasis.bindubai.com/emoticons/fa52.gif" border=0> .. مسكينــه ما لعبــت <img src="http://oasis.bindubai.com/emoticons/fa30.gif" border=0>..
ودور شيطونه ورديـه واللي وصلت للمرحلـة السابعة وماتت ..
وتمــن يلعبــن البنــات .. وبعــد كف ( أو بطن )اليـد اتي مرحلة ظهـر اليد وخلاف الراس وبعدهــا الريــل وأخيراً تنزق وانتــه امغمــض عيونــك من دون ما اتدوس الخــط ..
وصدق ضحكن البنــات يوم وصلت المزيوونه للمرحلـة الأخيــرة .. نقزاتهــا طويلــة وايــد .. اتخليوا توصل للمرحلـة ( السابعـة + الثامنـة ) وهي اتحسب عمرها في المرحلة ( الرابعة + الخامسـة ) <img src="http://oasis.bindubai.com/emoticons/laugh.gif" border=0>
ولي عودة مع لعبـة تراثيــة بناتيــة جديدة ..
هنــا وهنــا فقط مع أحلى منصوري بواحات بن دبي
والسموحه 
أخـــوكم
أحلى منصوري

**حبوبه دبي** · 25-11-04 ||, 02:48 AM

تف تف تف تف 
( ادري خيستك خخخخخ )
<IMG src="http://oasis.bindubai.com/emoticons/fa56.gif" border=0><IMG src="http://oasis.bindubai.com/emoticons/fa56.gif" border=0><IMG src="http://oasis.bindubai.com/emoticons/fa56.gif" border=0>
 ماشالله عليك يالمنصوري دوومك مبدع بمواضيعك واسلوبك المميز <IMG src="http://oasis.bindubai.com/emoticons/fa42.gif" border=0>
الصراحه الواحد يوم يقرى مواضيعك يستانس ويستفيد في نفس الوقت ..
همممم العاب غاويه وذكرنا بايام اول ..
وين قبل انرووم نلعب برع البيت ويالصغاريه <IMG src="http://oasis.bindubai.com/emoticons/fa43.gif" border=0> والحينه اذا شبرنا اشويه برع هزبووناااا <IMG src="http://oasis.bindubai.com/emoticons/fa52.gif" border=0>
الا بالدسه <IMG src="http://oasis.bindubai.com/emoticons/fa52.gif" border=0> خخخخخ
الصراحه اللعبه الي حطيتني فيها وااايد احبهاااا <IMG src="http://oasis.bindubai.com/emoticons/fa35.gif" border=0>
عااااد مايت الحصاه الا ورا اظهري انا <IMG src="http://oasis.bindubai.com/emoticons/fa44.gif" border=0> دوومي جذه خخخخ <IMG src="http://oasis.bindubai.com/emoticons/fa46.gif" border=0>
يالله المهم لعبت وركضت وياالبنيات <IMG src="http://oasis.bindubai.com/emoticons/fa32.gif" border=0>

تسلم اخويه ع الموضوووووع الغاوي <IMG src="http://oasis.bindubai.com/emoticons/fa42.gif" border=0>
ماعليه كلاام اتعودنا عليك وعلى اسلوووبك <IMG src="http://oasis.bindubai.com/emoticons/fa38.gif" border=0>

وانشالله انشوووف يديدك عااد لاطول ..

والسمووحه <IMG src="http://oasis.bindubai.com/emoticons/fa35.gif" border=0>

**أحلى منصوري** · 19-11-04 ||, 10:41 AM

الســــــــــلاام عليــــــــكم ورحمــــــــة الله وبركـــــــــاته
أحلى منصوري يالــس في العريـــش فوق ويالـــس يشــل ( صايـــر شرات عيضـــة<img src="http://oasis.bindubai.com/emoticons/fa56.gif" border=0> ) ، وفجـــأة تزقـــره اختـــه أتمنـــى واتقول لـــه : يالله يا صبـــي ، اظهـــر من البيـــت ، اليـــوم الخميــــس والبنــيـــات بيّن يلعبـــن في الحــوي ( المساحــة الخارجيــة اللي أمــام البيـــت واللي تكون في حدود جدران البيت الخارجيــة ) ..
أوهوووو شو ها كل إسبوع اين بيتنــا ويبن يلعبــن وما يخلني ألعب معاهن ( كلام يدور داخل قلب أحلى منصوري<img src="http://oasis.bindubai.com/emoticons/fa49.gif" border=0> ) ..
يالله بسرعــه حرّك صوب الميلس وروح ايلس مع الرياييل ولا اظهــر مع شلتــك ( منصوري الدوله وولد راعي بحر وخوي الواحات ) ..
يرد أحلى منصوري .. إن شاء الله ( صار فجأة مطيــع <img src="http://oasis.bindubai.com/emoticons/fa40.gif" border=0>) بروح الميلــس ..
دخلت الميلس ولا أشوف الشيّــاب متيمعيــن ( متجمعيـن ) .. وايهتهم ( السلام بالخشــم ) ويلست معاهم وأمرنــي الشيبــه إنــي أصب لهــم قهوة وبعــد ما خلصــت قلت له بيني وبينه إنــي أبى أترخــص وأظهــر ألعب مع شلتي المصونــه .. ورخصنــي الشيبـــه وظهــرت من عند هالشيــّـــاب .. بخبــركم في موضوعي اليــاي شي استفدتــه واتعلمتــه منهم .. لا تستعيلون  .. <img src="http://oasis.bindubai.com/emoticons/fa42.gif" border=0>
يوم ظهرت شفت منصوري الدوله وخوي الواحات وولد راعي بحــر يلوس ( يالسيــن ) ويسولفون ويوم شافوني قالوا ليــه هــا بعــد راغوك اليــوم من البيـــت <img src="http://oasis.bindubai.com/emoticons/laugh.gif" border=0>..
 قلت لهم لا أنــا لحالـــي ظهــرت <img src="http://oasis.bindubai.com/emoticons/fa53.gif" border=0> ..
خمــس دقايق ولا أشوف قبيلــة ( كنايــة عن الكثـــره ) من البنـــات يحدرن بيتنــــا ..
كـــل إسبــوع يلعبــن البنـــات في بيتنـــا ألعابهن التراثيــة ( هب شرات هالأيــام سوني وديرم كاست و و و ) <img src="http://oasis.bindubai.com/emoticons/fa55.gif" border=0>..
في الطرف اليميــن التمت شوق القلوب واربيعاتها زمان الصمت وحلم الطفولة ويــن معاهــن بعــد أنـامل والدلووووعة ولحظة صمـت ..
وقررن إنهــن يلعبــن اليــوم لعبــة القيــــس ( أو كما تعرف بالحويـــم )
رسمــت شوق القلوب مستطيـــل طوله تقريباً قد عرضــه بمرتيــن ورمســت خــط طولي ينصفــه لنصفيــن ..
خلاف رسمت ثلاث خطوط عرضيــة بحيــث قسمت المستطيل لأربع قطع عرضيــة ..
يعنــي في النهايــة تكوّن لنــا ثمــان مربعـــات شرات ما راح اتشوفون في الصورة
<img src="http://emirate4ever.jeeran.com/al7weem.jpg">
البدايــة كانت مع زمــان الصمــت ..عاد هالبنــت خبــرة في هاللعبــة ..<img src="http://oasis.bindubai.com/emoticons/laugh.gif" border=0>
طبعاً كل وحده من البنات يكون عندها حصــاه صغيــرة أو قطعــة من البلاط ( الكاشي مال الحمامات الله يعزكم ) على حســب اللي هي تبـــاه
وكل بنت تبــى تلعب توقف ورا المربع الأول يعني برع منــه ..
بدت زمان الصمت اللعب وفرة حصاتهــا على أول مربـــع ..
طبعــاً لازم تنقز على كل المربعات بريل وحده ولازم اتكون ثابتــه هب مــره تنقز بالريل اليميــن ومــره بالريل اليــســـار والريل الثانيــة ما تلمــس الأرض ..
 تدخل المنطقــة رقــم واحد وتشل الحصاه بايدها واتكمل وعندهــا استراحــة أو محبــه في المنطقــة الخامســة يعني اتروم اتنزل ريلهــا الثانيــة وتوقف بشكل طبيــعــي
مـا شاء الله على زمــان الصمــت .. وصلت للمنطقــة الرابعـــة بعد مافرت الحصاه في الثلاث المناطق الأولى ونجحت في الإنتهاء منهن وهب لازم اتفر حصاتهــا في المنطقــة الخامســة واللي هي منطقة الإستراحــة ..
بس عيــن حلم الطفولة خلتها اتدوس الخــط وهي في المرحلــة الخاصــة بالمنطقــة الســادســة .<img src="http://oasis.bindubai.com/emoticons/suspect.gif" border=0>.
يعني ممنوع اتدوس الخــط .. بس اتعرفون بإنه العيــن حــق <img src="http://oasis.bindubai.com/emoticons/fa54.gif" border=0>..
والدورعلى الشـاعــرة أنــامل اللي خلصت كل المناطق غيــر المنطقــة الأخيــر واللي هي الثامنــة ..
وطريقــة فر الحصــاة للمنطقــة الثامنــة غيــر عن باقي المناطق ..
لأنه دوم لازم توقف ورا المنطقــة الأولى في فر الحصــاة إلا في المنطقــة الثامنــة اللي لازم اتروح توقــف على الركــن الخــاص بالمنطقـــة الرابـعــة واتفــر الحصـــاه ..
فرت أنامل الحصــاه بس طاحت داخل المنطقــة السابعــة يعني راسبــة .. لا يعني خســرت والدور على اللي بعدهـــا <img src="http://oasis.bindubai.com/emoticons/fa30.gif" border=0>..
لحظــه صمت صمت تتقدم بكل ثقــه ..
واتخلص المراحل من المنطقة الأولى ليــن الثامنـــة ..
والحينــه دخلنــا في الصعب وخاصة للي ما عنده حصــاه منتظمــة الشكل وتثبت على الجســـم ..
فتحت ايدها لحظه صمت وحطت الحصاه في بطن ايدها ولازم تنقز شرات أول والإستراحة فقط في المنطقة الخامســة ولازم ما اتطيح الحصاه من ايدها ليــن ما تظهر من المنطقة الثامنــة بس للأسف طاحت عن لحظة صمت <img src="http://oasis.bindubai.com/emoticons/fa30.gif" border=0> 
والدور على اللي بعدهــا وهي الدلووووعة .. طافت كل المراحل ووصلت مرحلة لحظه صمت وطافتهــا والمرحلـة اليايه هي شرات المرحلة السابقة بس بقلب اليد .. يعني اتحط الحصاه على ظهــر اليد اليابس <img src="http://oasis.bindubai.com/emoticons/fa45.gif" border=0>
بس ما فيه شي صعب على الدلووووعة وعدّت هالمرحلــة والمرحلــة اليايــه أصعــب ..
حطت الدلووووعة الحصــاه على راسهــا ..
وفي هالمرحلــة  لازم تمشي  داخل المربعات بس بشرط ..في كل مربع ريل وحده .. يعني لازم تحط الريل اليمين مثلاً في المربع الأول واليســار في المربع الثاني إلا في منطقة الاستراحة اللي هي للراحــة
وطاحت الحصاه من على راس الدلووووعة <img src="http://oasis.bindubai.com/emoticons/fa30.gif" border=0> ..
والحينه دور المهندسة شوق القلوب اللي رسمت الملعب ولكــن .. من أول مرحلــة خســرت لأنهــا ضحكت وداســت الخــط <img src="http://oasis.bindubai.com/emoticons/laugh.gif" border=0> ...
اتقول خلوني أعـيـــد<img src="http://oasis.bindubai.com/emoticons/fa36.gif" border=0> .. شو هالغــش ما بلعب معاكم<img src="http://oasis.bindubai.com/emoticons/fa49.gif" border=0> .. مااتعرفون تلعبون<img src="http://oasis.bindubai.com/emoticons/fa49.gif" border=0> .. مسكيــنــه غمضتنـــي <img src="http://oasis.bindubai.com/emoticons/fa43.gif" border=0>
حلم الطفولة محــد يروم لهــا .. حتــى مرحلة الراس طافتهــا بعد ما طافت كل المراحل اللي قبلهــا ..
والحينــه مرحلــة الريــل وهي المرحلة القبل الأخيــره.. اتحط الحصــاة على ريلهــا مثلاً اليميـــن وتدخل المربــع الأول بالريــل اليســار وخلاف اتدخل ريلهــا اليمــيــن بحيــث ما اتطيــح الحصــــاه عن ريلهــا ولا بتخســـر ...
وخســرت ورجــع الدور من يديد لزمــان الصمــت <img src="http://oasis.bindubai.com/emoticons/fa38.gif" border=0>..
ووصلت لمرحلــة الراس وخســرت ... وأنامل وصلت لمرحلـة الريــل وخســرت .. ولحظة صمت مسكينــه ما عدت مرحلـة اليــد عدهــا <img src="http://oasis.bindubai.com/emoticons/fa50.gif" border=0>..
والدلووووعة في مرحلــة الراس وخســرت ..
شوق القلوب بدت من يديد وبدت تكافح عشــان اتفوز عليهــم وتوصل لهــم ..
ولكــن هيهات هيهات حتــى خســرت في مرحلــة ظهــر اليد .. حاول مره أخــرى <img src="http://oasis.bindubai.com/emoticons/fa52.gif" border=0>..
ودور حلم الطفولة اللي عدت مرحلــة الريل ووصلت للمرحلــة الأخيــرة .. تنقز شرات أول بريــل وحده ولكــن هالمــره وهــي مغمضــه عينهــــا <img src="http://oasis.bindubai.com/emoticons/fa56.gif" border=0>..
تبــى اتقص عليهــم وتنقز وهي امفتحــه عيونهــا بس زختهــا شوق القلوب وقالت .. اتقص عليــكم اتشوف ..اتشوف <img src="http://oasis.bindubai.com/emoticons/laugh.gif" border=0>
وتموا يلعبون وليــن ما فــازت في النهايــة  ( .. )  .. ما بخبركم منوفاز إنتــواانشدوهم <img src="http://oasis.bindubai.com/emoticons/fa30.gif" border=0>..
ولي عودة مع طريقـة ثانيــة للعــب الحويــم أوالقيــس ومع باقــي ألعــاب البنــات التراثيــة ..
هنــا وهنــا فقــط في واحــات بن دبي 
والسموحه 
أخـــوكم
أحلى منصوري

**ولد راعي بحر** · 20-11-04 ||, 07:36 AM

<img src="http://oasis.bindubai.com/emoticons/fa47.gif" border=0><img src="http://oasis.bindubai.com/emoticons/fa47.gif" border=0><img src="http://oasis.bindubai.com/emoticons/fa47.gif" border=0><img src="http://oasis.bindubai.com/emoticons/fa47.gif" border=0><img src="http://oasis.bindubai.com/emoticons/fa47.gif" border=0><img src="http://oasis.bindubai.com/emoticons/fa47.gif" border=0><img src="http://oasis.bindubai.com/emoticons/fa47.gif" border=0><img src="http://oasis.bindubai.com/emoticons/fa47.gif" border=0><img src="http://oasis.bindubai.com/emoticons/fa47.gif" border=0><img src="http://oasis.bindubai.com/emoticons/fa47.gif" border=0><img src="http://oasis.bindubai.com/emoticons/fa47.gif" border=0><img src="http://oasis.bindubai.com/emoticons/fa47.gif" border=0><img src="http://oasis.bindubai.com/emoticons/fa47.gif" border=0><img src="http://oasis.bindubai.com/emoticons/fa47.gif" border=0>
<img src="http://oasis.bindubai.com/emoticons/fa42.gif" border=0><img src="http://oasis.bindubai.com/emoticons/fa42.gif" border=0><img src="http://oasis.bindubai.com/emoticons/fa42.gif" border=0><img src="http://oasis.bindubai.com/emoticons/fa42.gif" border=0><img src="http://oasis.bindubai.com/emoticons/fa42.gif" border=0><img src="http://oasis.bindubai.com/emoticons/fa42.gif" border=0><img src="http://oasis.bindubai.com/emoticons/fa42.gif" border=0><img src="http://oasis.bindubai.com/emoticons/fa42.gif" border=0><img src="http://oasis.bindubai.com/emoticons/fa42.gif" border=0><img src="http://oasis.bindubai.com/emoticons/fa42.gif" border=0><img src="http://oasis.bindubai.com/emoticons/fa42.gif" border=0><img src="http://oasis.bindubai.com/emoticons/fa42.gif" border=0><img src="http://oasis.bindubai.com/emoticons/fa42.gif" border=0><img src="http://oasis.bindubai.com/emoticons/fa42.gif" border=0><img src="http://oasis.bindubai.com/emoticons/fa42.gif" border=0>

الصراحه ماعرف من وين ابدء

لاكن الكبير كبير يا بوخلي..
 
بس اقووول والله انك هب هين يا بوخلي
وتسلم انا ملك ياخويه عالموظووع الشيق والجميل والاكثر من رائع

والحين اسمحلي يا خويه باجر وراي دوام
ومافيني اتأخر..
ولي رجعه انشا الله.

اخووك بو سلطان
<img src="http://oasis.bindubai.com/emoticons/fa33.gif" border=0><img src="http://oasis.bindubai.com/emoticons/fa33.gif" border=0><img src="http://oasis.bindubai.com/emoticons/fa33.gif" border=0><img src="http://oasis.bindubai.com/emoticons/fa33.gif" border=0><img src="http://oasis.bindubai.com/emoticons/fa33.gif" border=0><img src="http://oasis.bindubai.com/emoticons/fa33.gif" border=0><img src="http://oasis.bindubai.com/emoticons/fa33.gif" border=0><img src="http://oasis.bindubai.com/emoticons/fa33.gif" border=0><img src="http://oasis.bindubai.com/emoticons/fa33.gif" border=0><img src="http://oasis.bindubai.com/emoticons/fa33.gif" border=0><img src="http://oasis.bindubai.com/emoticons/fa33.gif" border=0><img src="http://oasis.bindubai.com/emoticons/fa33.gif" border=0>

آخـــر الــمــواضــيــع

الموضوع: ألعاب بنات الواحات التراثية

أدوات الموضوع

عرض

Hybrid View

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة