<font color='#000000'><p align=center>هلااااا مهاوي
تسلمين حبوبة للرد وصدجت والله أنا اللي جنيت على عمري ولا أنا ما أعرف أكتب بس يلا
نحــــاول احم احم يمكن يعيبكم اممممم ما يخصني أبا توقعات له البارت تسمعيني <img src="http://oasis.bindubai.com/emoticons/fa50.gif" border=0>
مرحبااا همس
ويـــــــــــــــنج حبوبة طولتي الغيبة عنا أحيدج كنتي تردين علي من أول القصة بس عقب قطعتي
عسى المانع خير بس وثااااااااااااااااااااانك س عالمرور<img src="http://oasis.bindubai.com/emoticons/fa34.gif" border=0>
هااااااااااااي عاشقة
أبييييييييييييييييييييه لا حبيبتي دامج من أكلة اللحوم ما باج في القصة هههههههه لا ما عليج
وهذا البارت عسى يعيبج بس <img src="http://oasis.bindubai.com/emoticons/fa47.gif" border=0>
</p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">مر ثلاث أسابيع من طاحت حمده الحمدالله ما كان فيها شي غير شوية ضعف وإرهاق وحطولها مغذي عقب رخصوها بساعتين ... فه الثلاث أسابيع تغيرت حالة بيت خالد شوي والكل ارتاح بعد ما خليفة سار ورمس سهيل وتفاهم معاه على كل شي وإنه مريم ما بتردله مره ثانيه لو شو ماصار والسيف بيعيش ويا أمه وخلاه يوقع على ورقة يتنازل فيها عن حظانة السيف و جذي انقطعت بينهم أي علاقة مع سهيل ... و بالنسبة للشباب والبنات خلصوا امتحانات وتخرج أحمد وحمد ومايد .. أما البنات خلصوا قبلهم بيومين والكل كان مستانس إنه الإجازه بدت واتفقوا إنهم يتيمعون في بيت شوق بما إنه الحبيبه تمت تحن ليش ما ييون بيتهم .. مريم اللي حالتها أحسن بوايد وهي يالسه فبيت أهلها ومشكلتها انحلت صدج إنها الحين مطلقه بس ما كان يهمها وايد خاصه إنها خذت سهيل بصورة تقليديه يعني عن طريق الأهل وبس وقررت إنها تكمل حياتها عادي وبتربي السيف وما بتهتم بأي شي ثاني ... هند اللي انخطبت لواحد من اهلها بعد ما حست إنه مالها أمل في أحمد وقررت تتزوج في الصيف وعقبها تسافرمع ريلها اللي للحين يكمل دراسته بره .... هزاع اللي ما بقااله غير كورس واحد ويخلص قرر إنه يرد فه الصيف لأهله خاصه إنه مشتاقلهم موت وما شافهم من زمان ..<?xml:namespace prefix = o ns = "urn:schemas-microsoft-com:office:office" /><o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">في أمريـــــــــــــــكا :<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">مطر : هزااااااااااااااااااااعوو ووو والصمخ يالا جان تبانا نلحق عالطيارة يا أخي ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع وهو يطلع من الحيره وكان لابس بنطلون جينز أزرق هادي وقميص أسود وماسك كووته فإيده وحاط نظاراته عراسه وكان شكله عذااااااااااااااااااااااا اب : ياخي براظ على عمرك بتخبرك انت ليش جي مستعيل للحين الساعه 2 والطيارة بطير الساعه 5 يعني شي وقت ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">مطر وهو يطالعه بنص عين : يااااااخي والله إنك بارد الساعه 2 (يقلد هزاع ) أبوووووووووي قم قم خلني ألحق أخطف عالسوق الحره أخذلي شي للأهل تبى العيوز تاكلي ويهي راد من أمريكا وما أدري هيش وما يبتلنا شي وياك ولهيه وما يحتاي البخيل لا لا لا يا بوي هاي جنيبيه ومن يفكني من لسانها ...<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع وهو يضحك : ههههههههههههههه هيش والله ما فيهم حيله الجينبه بس دوااااااك يوم أقولك قم بتسير وياي تقولي لا ما يحتاي عقب عقب ولا ما يخالف باخذلهم عقب دوااااااااك الحينه ورني هيش بتاخذ للأهل من المطار ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">مطر وهو يضحك : هههههههههههههه عنلاتك يالهرم تتمزه هيش هاه ... أصلا عادي ولو على أهلي ما يخالف عليهم ما يبون غير يشوفوني مرتاح وبخير ولا هدايا ولا غيره امره ما يبون ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع وهو يشل شنطته : انزين يلا قم عن الهذرا خلنا نسير المطار عشان نلحق نخلص أغراضنا وانت بتشوف جان تبا شي من السوق الحره ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">مطر : يااااااااااااااله ما يحتاي الحينه مستعيل وتبا تروح وأنا كعادني ساعه وأنا أقولك خلا خلا وإنت امررررره ولا كنه حد يرمسك امف عليك كاك أنا الحينه أب مروح وورني هيش بتسوي ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع وهو يضحك : هههههههههههههههههههههههاا اي والله ونط عرج الجنيبيه عندك يا بوي انت كتبي اشلك برمسة الجنبه ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">مطر وهو فاطس من الضحك : ههههههههههههههههههههههههه هههههههههههههه والله إنه من تأثير الجنيبيه بس للعلم حتى الوالد تحولت رمسته بعدين وأنا أخوك كلهم بدو ورمستهم تتشابه ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع : إنزين يلا والله إني متوله لدار بو خليفه وميت عليها وخاطري أغمض عيوني الحين وأبطلها أحصل عمري فداري وبين أهلي وناسي ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">مطر وهو يتأكد إنه مانسى شي ويشل شنطته : يااااااااااااااااااااله ومن سمعك والله إني شوقي لها مب أقل عن شوقك لها ... الا أقولك إنت قلت لأحد إنه إحن اليوم رادين ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع وهو شكله كان سرحان : هااااااه شو قلت ؟؟!<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">مطر : أووووووووهو ردينا لترللي يابوي إنساااها خلاص دخيلك يا هزاع خلاص البنت ماتت إدعيلها بالرحمه يا خوي ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع وعيونه ممتزرات دموع : الله يرحمها ويغمد روحها الجنه ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">وطلعوا من البيت وساروا صوب المطار ومطر خطف عالسوق الحره وخذ أغراض لأهله وطارت الطيارة ماخذه داخلها اثنين من شبابنا اللي كانوا متغربين بره للدراسه والحينه رادين لدار بوخليفه وهم حاملين وياهم ذكرياتهم الحلوة والمره وبالأخص هزاع ( هزاع مثل ما قلنا شاب حليوووو ووسيم جدا وجماله عربي أصيل وهذا شي واضح خاصه إنه أسمر وخشمه مثل السيف وعيونه عسلية كان يدرس هندسة كمبيوتر وتعرف هناك على مطر الكتبي هو فعمر هزاع وكان هم بعد يدرس هندسة كمبيوتر وتعارفوا على بعض الشباب وصاروا ربع خاصه إنه شخصية مطر حلوة وريال راعي ضحك وسوالف وكان طيب بشكل فظيع<span style="mso-spacerun: yes"> </span>واللي في إيده مب له يعني كريم وهذا المعروف عن البدو وكان محافظ على بداوته واتعلق وايد بهزاع وكانت حالتهم ولا أحلى اللين ما يت بنت كويتيه الجامعه ودخلت نفس تخصص الشباب وعيبها هزاع كان حالها هذا حال أغلب البنات في الجامعه انبهرت بوسامته ورقته في التعامل وأسلوبه الحلو مع الكل بس مع هذا ما بينت أي شي وشاء القدر إنها تكون مع هزاع في نفس المحاظرات في البدايه ما لفتت انتباهه لإنه هزاع وببساطه ما يحب هالسوالف بس استوى موقف خلاه يعجب فه البنت وهو إنه واحد سعودي كان غني وحيلو حاول إنه يتقرب منها ومره في المحاظرة كان يحاول يتحرش فيها بس هي هدت عليه جدام الكل وعطته محاظرة طويله عريضة خلت السعودي يستحي من عمره ويشل عمره ويطلع من المحاظرة هذا شي خلا موضي ترتفع فعين هزاع وحس بالإعجاب صوبها إنه في بنت خليجيه بروحها فدولة غريبه يعني تروم تسوي اللي تباه بس مع هذا موضي كانت محافظه على عمرها حتى الحجاب ما عقته حالها حال بنات وايد عربيات بس ما فتكر وايد ومره كان يالس في المحاظرة ويتريا مطر ييه بس الحبيب كان راقد ولا عليه من الدنيا وهو متعود إنه يحجزله كرسي عداله ودخل الدكتور وتم يشرح وموضي كانت متأخره فهذاك اليوم ويوم دخلت القاعه لقت ماشي كراسي فاضيه والدكتور أنقذها وقالها تسير تيلس عدال هزاع في كرسي فاضي عداله سارت للمدرج اللي هزاع يالس فيه وقالت بصوت واطي :<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">السلام عليكم ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع اللي ما كان منتبه في المحاظره ويالس يقرا مسج مطر مطرشنه ويقوله إنه راحت عليه نومه رفع راسه وشافها شاف موضي جدامه اللي من استوى الموقف هذاك جدامه وهو يسرق النظرات ويطالعها وابتسم برقه : وعليكم السلام والرحمه ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">موضي ردت الابتسامه وأشرت براسها صوب الكرسي : هذا الكرسي فاضي ولا مطر الحين بيي ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع استغرب هاي اشقايل تعرف مطر واشقايل تعرف إنه مطر دوم ييلس عدالي : هاه لا أبد مطر ما بيحظر اليوم تفضلي ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">ويلست موضي عدال هزاع وفرحتها ما تنوصف هي كانت معجبه بهزاع من اول يوم شافته في الجامعه وسبحان الله الله عطاها الفرصه وقدرت تكلمه ... وهزاع اللي حس باضطراب يوم شم ريحة عطر موضي وكأنه دوخ استغفر ربه وحاول يركز في المحاظرة لكن وين كان كل شوي يطالع موضي وهي تكتب وهي حست بهالشي وعقب المحاظره سألته عن<span style="mso-spacerun: yes"> </span>المحاظره اللي طافت وإنها ما فهمت شي منها وهو تبرع بما إنه ما وراه شي بيساعدها وقرروا يسيرون المكتبه ويدرسون هناك ... مرت الشهور وموضي عرفت فيها هزاع ومطر زين وهم بعد واستوى ربع طبعا مع مجموعه كبيرة وهزاع احترم موضي وكان كل يوم يشوف فيها شي جديد خاصه عزتها بنفسها وغرورها اللي كان دايما يذكره بغرور أحمد أخوه غرور حلو فيه ثقه وهزاع اللي تعلق وايد بموضي وهي نفس الشي حبهم لبعض كان كل يوم يكبر مع الأيام بس كان حب طاهر ونظيف وعمره ما طلع من العوايد والتقاليد لأن الإثنين ما يرضون بهالشي اللين يا اليوم اللي عرفوا فيه إنه موضي ردت الكويت وما بتكمل دراسه خلاص وكان الخبر مثل الصاعقه على هزاع واللي حس إنها خيانه وكره موضي ولولا وجود مطر ربيعه اللي خفف عنه ولا كانت حالته بتسوء أكثر وأكثر بس بعدها بفتره وصلهم خبر إنه موضي ماتت وهي ما خلت الدراسة غير لأنها اكتشفت إنها مريضة بالسرطان وهنيه كانت الصدمه الكبيره هزاع اللي كره العالم وكره نفسه إنه ما كان وياها وقرر إنه يروح الكويت ويسلم على أهل موضي ويزور قبرها سار وليته ما سار سمع من أختها رمسه موضي قبل ما تموت وهي تبكي وتزقر هزاع كانت تقول إنها تحبه وتبا تشوفه بس ماعرفوا شو يسولها وكانت تقول قولوا لهزاع لا ينساني ولازم يتزوج ويحب ويعيش حياته جان يباها ترتاح فقبرها ويسمي بنته موضي .... هذي كانت قصة موضي وهزاع ومر على موت موضي الحين سنه ونص وهزاع قدر يتخطى هالمرحله من عمره مع إنه مب قادر ينسى حب موضي من قلبه مهما كان هذا الحب الأول ومستحيل ينساه ...)<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">مطــــــــــــــــار دبي الدولي : <o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">وصلوا هزاع ومطر بعد غياب سنه ونص ما ردوا فيها البلاد وكان شوقهم للدار كبير وأول ما نزلوا من الطيارة مطر وقف في نص المطار وتم يغني النشيد الوطني والشباب اللي كانوا وياهم تموا يضحكون بس عقب تموا يغنون مع مطر وهزاع وياهم كانت فرحتهم بالرده ما تنوصف وهم اللي عاشوا فترة طويلة في بلاد بره بس الحمدالله ردوا وما بقالهم شي وبيخلصون دراسه ....... بعد الربشه اللي استوت كل واحد سار يخلص إجرائه وطلعوا الشباب من دبي سايرين صوب بوظبي بس قبل بيخطفون العين عشان ينزلون مطر صوب أهله ....<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae"><o:p> </o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">في بيت خـــــــــــالد : <o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده كانت في الحيره وتتلبس كانت ناويه تروح بيت شوق لأنه اليوم الشله كلها بتتيمع عندها ( حمده من بعد اللي استوى لمريم كانت هاديه شوي مب نفسها حمده الأوليه كان فيها شي انجرح ما تعرف شو هو كان قلبها يعورها يوم تشوف أختها صح إنه مريم أحسن بوايد الحين بس مع هذا الحزن مسيطر عليها وحمده خوفها على أختها للحين موجود خاصة كلام الناس واللي تموا يقولون فلانه إطلقت وليش وكيف يعني الناس اللي عمرهم ما بيسكتون ) حمده وقفت جدام الكبت واحتارت شو تلبس وأخر شي قررت تلبس بدلة ورديه حلوه وعقبها لفت شعرها بطريقه حلوة واتمكيجت عالخفيف ولبست عياتها وظهرت بعد ما سمعت حشرة لولوه تحت .. وأول ما نزلت شافت أحمد يالس يضحك ويلاعب السيف اللي ملا البيت على الكل وشموه ويزوي عنده ويلعبون ويضحكون على أحمد وحركاته دخلت الصاله بعد ما تحجبت عدل..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده وهي تتطالع لولوه : انتي دوم جي حشره بتخبرج شو عندج محتشره ؟؟<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">لولوه : الناس يسلمون أول أخت حمده ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده وهي متعمده تغايظ لولوه : وعليكم السلام هاه شعندج ؟؟<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">أحمد اللي كان يالس يلعب اليهال رفع عينه على حمده ويوم شافها مات يااااااله بعونك ما حلاها هالبنيه ( طبعا قرار ملجة أحمد وحمده تأجل لفترة اللين ما تهدا الأمور) : هلا حمده شحالج ؟؟<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده ومن دون ما طالعه : بخير انت اشحالك ؟!<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">أحمد استغرب من طريقة رد حمده عليه بس سكت قال فخاطره هاي مب أول مره بس ما عليه بنعديها : بخير يلا السموحه منكم ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">يزوي : لا كالي هلام لا تلوح إيلس ويانا ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">أحمد وهو يطالعها ويبتسم : ما عليه حبيبي بيي مره ثانيه ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">شموه وتقبظه من كندورته وتقول ليزوي : يزوي سيلي سكري الباب بأدين ما بيلوم يلوح ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">يزوي تسير وتسوي شرات ما شموه تقوللها وترد : سموه ما ألف الباب قوي ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">شموه تتطالعه أونها معصبه : أف انتي ما تعلفي تسوين سي أنا بلوح ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">وقبل ما تسير يقبظها أحمد ويرفعها فوق وهو يضحك : ههههههههههههههههههههههههه ههههههههههه فديت اللي يعرفون والله خلاص حبيبي لا تعبين عمرج ما بروح وباخذكم ويايه الدكان وبشترلكم حلاو ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">يزوي : هيه هيه نبى هلاوه ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">شموه تضحك لأن أحمد يالس يقرقطه : هههههههههه بس كلاص كلاص ههههههه.<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">يزوي وهي تتطالع شمه : أنا بعد ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">أحمد ينزل شموه ويرفع يزوي وييلس يقرقطها والحبيبه تضحك مستانسه ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">شمه : كالي سوي حق السيف ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">لولوه وهي تبستم : لا حبيبي السيف صغيرون مب زين له ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">شموه تحرك راسها أونها فهمت .. أحمد يطالع لولوه : هاه لولوه بتروحون ؟؟!<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">لولوه : هيه الحين بنطلع وانشالله عالساعه تسع إحن رادين بتخطف علينا ولا الدريول بيي صوبنا ؟؟<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">أحمد وهو يفكر : هاه ما أعرف والله ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده وبسرعه من دون ما تفكر : لا لا ما يحتاي تخطف بندق لكمال بيي ورانا انت برايك ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">أحمد صد يطالعها وانقهر هاي بلاها علي جي فشو أنا غلطت وياها ما تبا تشوفني ولا ترمسني ويوم ترمسني من طرف خشمها أأأأأأأأأأأأأأأأخ يالقهر بلاج يا حمده شو استوابج ؟؟ وشل يزوي وشمه وطلع من دون ما يرمس .... حمده حست بالحزن أنا ليش أعامل أحمد جي فحياته ما غلط علي بس أنا ليش أسوي وياه جي الرياييل مب كلهم نفس بعض ( حمده من يوم سالفه مريم اتعقدت من الرياييل وسارت ما دانيهم).. وتعاملها مع أحمد من هذاك اليوم وايد تغير ما تعرف ليش بس كان تعاملها وياه وايد جاف ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">لولوه : حمده ممكن أعرف انتي اشفيج على أحمد ؟!<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده وهي تحس بتأنيب الضمير وزعلانه على أحمد : أمممم ما أعرف والله يا لولوه بس لا تلوميني اللي شفته مب شوي واللي استوى لمريم أختي خلاني أتعقد من الكل ما أدري شو ياني .... المهم مب مشكله انشالله يوم بشوفه بستسمح منه ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">لولوه : يا حمده يا حبيبتي انتي .. مب كل الرياييل نفس الشي وإذا سهيل حقير هذا مب معناته إنه الكل جي ولا هذا معناته إنه أبوي وهزاع وعمي وخليفة وحمد كلهم جي صح ولا لا ...<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده وهي تعق عمرها عالغنفه وعيونها يدمعن : هيه أدري بس والله ............. خلاص خلاص انسي السالفه ... وترد تقوم .. يلا جان تبينا نروح ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">لولوه وهي تلوي عليها وتحبها عخدها وتظهر ( لولوه بطبعها طيبه وتحب الخير للكل وتتمنى إنه الله يوفقهم ) ابتسمت حمده وقالت فخاطرها إنه أول ما بتشوف أحمد بتتأسفله ولحقت بنت عمها ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">سعيد اللي كان ياي بيت عمه شاف لولوه وهي توها بتركب السيارة سار صوبها وقالتله إنهم سايرين صوب ربيعتهم شوق والدريول بيوديهم قالهم ما يحتاي دريول وهو بيوديهم وعقب شل أخته وبنت عمه ووداهم بيت سعيد السويدي وسار عقب يتمشى عند ربعه في المارينا ...<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae"><o:p> </o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">في بيـــــــت شوق السويدي :<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده ولولوه اللي حدرن الصالة وشافوا أم مايد يالسة تتقهوا وتتطالع التلفزيون ... أم مايد يوم شافتهم قربتهم ويلست تقهويهم بس حمده حلفت عليها وقالت إنها بتقويها وخذت علومهم وخذوا علومها وعقب قالتلهم إنه شوق وميرا فوق في حجرة شوق والبيت خالي وإنها الحينه بتسير صوب أختها وخلتهم وطلعت والبنات ساروا فوق صوب حجرة شوق ودشوا وحصلوا شوق وميرا يالسين ويسولفون والغرفة فوضى والأنسات يالسات ولا مهتمات ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">لولوه : إيييييييييييييييييييي شو ها الله يغربل إبليسكم وين يالسين إحن ؟؟<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده وهي تضحك : ههههههههههههههههههههههه شوق انتي وويهج امره ما تخيلين ما تقولين برتب الحيره بنات بيني ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">شوق وهي توقف فوق الشبريه :<span style="mso-spacerun: yes"> </span>ماااااااااااا يحتاي عاد اللي يسمع من يايني يا حسرتي الا ريا وسكينه ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده وهي تعق عباتها وشيلتها : رياا وسكينه فعينج انتي وويهج ما أدري من تم يحن تعالوا وتعالوا والحين ريا وسكينه صدج ما تخيلين ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">ميرا وهي تنسدح عالشبريه : واااااااااااااااااااااااا ااااااااي يا حمدوه لو العالم كلها تخيل الا شوق ويها لوح ما تخيل ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">لولوه وهي تيلس عالكرسي بعد ما عقت عباتها وشيلتها : هيه والله ما جذبتي يا خويتي ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">الكل تم يضحك على طريقة لولوة في الرمسه قالتها وكأنها عيوووووووز ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده : لا صدج الحين اشقايل بنيلس وانتي جي مبهدله بالدنيا ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">شوق وهي تنزل من فوق الشبريه وتبتسم : </span><span dir=ltr style="color: blue; mso-bidi-language: ar-ae; mso-bidi-font-family: 'arabic transparent'"><font face="times new roman">give me 5 minuets only and you will see.<o:p></o:p></font></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">ميرا تنش وتشل لولوه وحمده وتظهر من الحيرة : </span><span dir=ltr style="color: blue; mso-bidi-language: ar-ae; mso-bidi-font-family: 'arabic transparent'"><font face="times new roman">ok and we will see only 5 minuets.<o:p></o:p></font></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">ظهروا البنات من الحيرة ونزلوا تحت مع ميرا عشان ييبون السويتات اللي كانت شوق مسوتنهم وحاطتنهم في المطبخ وكانوا ماخذين حريتهم لأن البيت خالي مايد سار صوب دبي من الصبح وما بيرد الا فليل وأبومايد مسافر مع الشيوخ يعني البيت مافيه حد غير البنات وعقب ردوا الحيرة ويوم شافوها تعجبوا كانت نظيفة ومرتبه ولا شوق كانت يالسه وتشب الضو عشان تبخر الحيرة ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">لولوه وهي تحط الصينيه عالطاوله : وي وي وي فديتج والله يا شواقه ما سرع ما نظفتي الحيرة ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">شوق : هيه شو رايج فيني .. وتبستم ابتسامه عريضة ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">ميرا بدلع : هه عادي أنا كنت أروم أنظفها فثلاث دقايق ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده وهي تقبظ عينها : أي أي عيني عورتني ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">ميرا تضحك : ههههههههههههههههههههههه قويه لا ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">لولوه : ههههههههههههههههههههااي مب قويه بس الا ما تتصدج يا حبيبتي ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">الكل تم يضحك :هههههههههههههههههههههههه هههههههههههههههاااا ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">وتموا البنات يسولفون عن كل شي عن الإجازه وشو بيسون فيها ومر الوقت عليهم من غير ما يحسون ولولوه خبرتهم إنه قبل ما يستوي الا استوى لمريم أحمد خطب حمده من عمها وهو وافق والملجه كانت بتستوي عقب الامتحانات بس حاليا تأجلت وانشالله بتكون في الصيف والبنات فرحوا والكل تم يدعي إنه الله يوفقها وتموا عاد يسألون كيف وشو صار وشو قال يعني سوالف البنات وحمده مره ترد عليهم ومره تحرج وتهد عالبنيات وعقب عصبت على لولوه وهدت عليها من الخاطر ولولوه من كثر الضحك غصت وطلعت بره الحيره ونزلت تحت عشان تاخذلها ماي وهي طالعه الدري كانت منزله عينها ويوم رفعتها دعمت فشي ويوم رفعت عينها شافت مايد وهو شافها كان توه ياي ودخل حيرته وبدل ثيابه وكان بيظهر وعرف من الحشره اللي فوق إنه أخته عندها ربيعاتها بس ما كان يتوقع يشوف وحده فيهم <span style="mso-spacerun: yes"> </span>وانصدم إنه البنت اللي دعمها هي نفسها البنت اللي شافها هذاك اليوم في الكليه وهي نفسها اللي حرمته رقاد ليله نزل عينه وقال بصوت واطي : سمحيلي الشيخة والله ما شفتج ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">لولوه بصوت واطي يمكن ما ينسمع بعد : مسموح ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">مايد اللي مات يوم سمع حسها رفع عينه بسرعه وشافها كأنه يحفظ ملامحها ورد نزلها وطلع بسرعه من البيت لولوه اللي تمت واقفه مكانها وما تعرف شو تسوي وويهي غادي حمر وكأنها خلاص بتبكي ومتفظحه من عمرها دموعها كانن يطيحن غضبن عنها وتمت تقول فخاطرها الحين شو بيقول عني وشو بيفكر فيني وتمت تلعن عمرها ليش ظهرت جي ولا والأخس اني بليا شيله أو عباه تمت على حالتها هاي وهي تلوم عمرها ربع ساعه عقب دشت عالبنات ويلست وياهم وهي ساكته حتى البنات استغربوا وتخبروها شو فيها وقالتلهم ماشي بس مصدعه وعقب سمعوا هرن ونزلوا البنات مع ميرا ووصلوها البيت وعقب ردوا بيتهم ....<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae"><o:p> </o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">في بيت ســـــــــــالم :<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">الساعه عشر فليل :<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">الكل كان متيمع هناك باستثناء حمد وأحمد اللي ساروا ييبون العشا والبنات من ردن صلن وبدلن ثيابهم وساروا عند أهلهم .. الشواب كانوا يالسين عطرف ويسولفون .. وحمده ولولوه وسعيد يالسين يلعبون كيرم ومريم وفاطمه يالسين يعشون عيالهم ويطالعون الشباب يعني الجو بشكل عام كان ربشة وضحك ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">سعيد : هههههههههههه لولوه لو بتمين جي ما بتخليلنا شي عنلاتج ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">لولوه اللي نست سالفة مايد ولا فتكرت يلست تلعب كيرم وبما إنها خبرة فه اللعبة طيحت عشر عقب عطول طيحت الخمسين وراها ومب مخليه حد يلعب من كثر ما طيح : ههههههههههههههههههه هب هباك الله بتظربني بعين .. وشوي وغلطت وما طيحت شي ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده وهي ناقعة ضحك : ههههههههههههههههههههههههه ههه والله عينك قويه يا بوعسكور ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">سعيد : هههههههههههه والله ما يخصني فديتني عيني بارده الا هي ما عرفت تلعب ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">لولوه وهي تقبظ الحب اللي فحظنها : يااااااااااااااااله جان كل هذا وما عرف ألعب ابووووي سير عق عمرك من فوق الرصيف ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">مريم اللي سمعتها ويلست تضحك ( مريم مثل ما تعرفون عمرها 24 سنه ما شالله عليها حلوة وما عليها رمسة جمالها جذاب خاصة إنها سمرا بس سمار حلو وبشرتها صافيه وعيونها مايلة عالخضر يعني جي لونها غريب وجسمها حلو وما تأثر أبدا بالحمل أو غيره وشعرها بني بس قصير واللي يشوفها دوم كان يعطيها عمر أضغر من عمرها وهي طيبة وراعية سوالف بس من النوع الهادي شوي مثل فاطمة بنت عمها ) : ههههههههههههههههههههه غربل الله بلسيج ... بتخبرج انتي منو معلمنج اللعب ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">لولوه وهي تضحك :ههههههههههههه ومنو غيره فديته والله أحمد يعلني ما خلا منه يا رب هو اللي معلمني ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده وهي تفز واقفه : هيه هيه كل هذا حق أحمد وهزاعوه فديته ماله شي من هالتفدي كله ولا عشان مب موجود يعني ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع اللي كان توه داخل وسمع رمسة حمده قال بصوت عالي : ترى هيه اللي بعيد عن العين بعيد عن القلــــــــــــــب صح ياليعريه ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">الكل افتر صوب الباب وانصدموا من شافوا هزاع اللي كان واقف عند الباب ويبتسم وأول من استوعب السالفة كانت لولوه اللي طارت صوب أخوها ولوت عليه وتمت تبكي وهزاع يمسح عراسها وشوي الكل سار صوبه وتموا يسلمون عليه وموزه يوم شافت ولدها ولوت عليه وتمت تبكي وهو عيونه امتزرن دموع( يااااااله طولت في غيبتك يا هزاع ) شي دار في خاطر الكل .. بعد ما سلم هزاع على أمه وخواته سلم على أبوه وعمه وسعيد اللي الفرحه كانت شاقه ويهه وعقب سلم على حمده وأخر شي سلم على مريم.<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع : هلا أم السيف اشحالج واشحال ريلج ؟؟<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">مريم يوم طرى ريلها نزلت راسها عقب رفعتها : يسرك حالي انت اشحالك ؟؟ <o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع وهو مستغرب من طريقة مريم في الرد بس سكت ورد عليها : بخير يا بنت عمي أكيد بخير دام إني وصلت دار بوخليفة ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده وهي تبتسم : بس خل عنك ما بغيت يا هــزاع سنه ونص ولا تقول بيي بزور أهلي شكلي ما وحشتك ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع يصد صوب حمده ويبتسم وقال فخاطره ما شالله عليج يا حمده محلوه وغديتي حرمه والله الكل كبر يااااله ويني عن أهلي كل هالفترة حتى مريم اللي كانت دوم الابتسماة ما تفارق ويها الحزن مبين من عيونها ياله يا مريم شو الا خلا الضحكه تموت من عشفايفج ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده وهي تضحك : هههههههههههههههه خلاص خلاص لا ترمس فهمت والله ههههههههه..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع وهو يضحك : هههههههههههههههه لا والله مب فنيتي بس والله تولهت عليكم كلكم الا وين شنغل ومنغل ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">الكل ضحك .. سعيد : ههههههههههههههههههههه زين ما سمعوك ولا بيقولولك ماشي عشا ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع : هههههههههههههههه يهبي كيفهم هو فاطمه وينه ريلج ما شوفه ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">فاطمه : أممممممممم ما أندل والله يمكن عند ربعه بتصلبه وبخليه ايي .. وتصد على بناتها .. يزوي شماني سيروا حبايبي سلموا على خالي ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">يزوى منخشة ورا أمها وشماني ورا مريم وزايغين ويطالعون هزاع شموه افترت صوب أمها : ماما من هدا ؟؟<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">فاطمة تبتسم : هذا خالي حبيبي سير سلمي عليه ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">يزوي وتظهر من ورا أمها بس للحين قابظه فكندورتها : ماما أنا ما علفه وين كان ؟؟<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">مريم : حبيبي خالي كان مسافر بالطيارة والحين رد ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">شموه وهي تتطالعها باندهاش : بالتياره ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده : هيه شماني بالطيارة سيري سلمي عليه وبيوديج تيبين حلاوه بالطيارة ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع وهو يضحك :ههههههههههههههه عنلاتج امره ماشي شغله اييب حلاو بالطيارة ... أمممم منو يحب خالي ؟؟<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">شموه ويزوي يربعون صوب هزاع وهم يضحكون : أنا أنا ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع يرفعهم ويلس يلعبهم وهم يضحكون ومستانسين ومريم يلست تتطالعه قد شو تغيرت يا هزاع محلو والله وكان لك وحشه يا ولد عمي ( مريم وهي صغيرة كانت تحب هزاع بس عمرها ما قاالت شي عن هالموضوع مع إنه فاطمه كانت تعرف بس مريم كانت موصتنها ما ترمس أبد ويوم يا سهيل مريم خبرت هزاع بس هو ما قال شي وقالها مبروك والله يوفقج وهذا اللي خلا مريم ترتبط بسهيل مع إنها كانت تحب هزاع <span style="mso-spacerun: yes"> </span>هو كان يحب مريم بس يوم خبرته هزاع كان للحين يدرس وما حب يوقف في طريقها وقال الله يوفقها ولو هي تباه بتترياه بس هي فهمت غلط وهو ما وضحلها بس هذا كله من الماضي الحينه هو يعتبر مريم مثل أخته وهي هم بعد بس ما يندرا ؛) )<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">موزه : واااااااااااااايه يا ولدي بسك حبيبي تعال إيلس ورتاح انت راد من سفر أكيد تعبان ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">سالم وهو يبتسم : ياااااااله يا موزه خليه شوفي اشقايل مستانس لا لا برايه ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">مزنه وهي تبتسم : الله يديم الفرحه عليه ويديم يمعتنا ولا يفرقنا يا رب ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">خالد : آآآآآآآآآآآآآآآآآآآآمين ... الا ليش يا ولدي ما قلتني انك بتوصل اليوم كنا يينااك للمطار ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع وهو ينزل يزوي وييلس عدال عمه : والله يا عمي حبينا نسويها لكم مفاجأة .. بس أنا اللي تفاجأت به اليمعه كلها ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">سالم : ههههههههههههههه والله احن دوم جي دوم نتيمع ولا فبيتنا ولا فبيت عمك ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع : الله يديمها ياربي ... هاه بنيات اشحال الدراسه وياكن ؟؟<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">لولوه : وي خبرك عتيج خلصنا واتخرجنا الحينه ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع وهو يفتر صوبها : لا لا صدج والله ؟!<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده وهي تسبل بعيونها كأنها حالمه : هيه جي نقص عليك إحن خلصنا والحينه نشتغل ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">مريم وهي تضحك بصوتها الحلوو وبرقة خلت قلب هزاع يدق : ههههههههههههههههههه عنلاتكم وايد تحلمون انتوا لا ما عليك منهم يا ولد عمي عادهم باقيلهم سنه ونص ويخلصون انشالله ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع اللي قلبه تم يدق يالقوو قال فخاطره يا ربي أنا شو ياني هذا بس من سمعت صوت ضحكتها عيل لوتمت ترمس أربع وعشرين ساعه شو بيستويبي أف شو هالأفكار وأنا توني راد وبعدين هي معرسه وأنا لازم أحترم هالشي : هههههههههههههه الله ينطبكم م بنات وأنا أقول كيف بيتخرجون قبلي ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">خالد : ليش انت كم بقالك يا ولدي ؟!<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع وهو يبتسم : ماشي والله يا عمي الا شهرين ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">سعيد : زين والله وعقبها بترد ياااااااااااله اسميه لك شو شوق والله يا خوي ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع وهو يبتسم : والله وأنا أكثر يا بوعسكور .. وانت أخبارك وأخبار الدراسه وياك ثانويه عامه العام<span style="mso-spacerun: yes"> </span>شد حيلك وخفف روحاتك صوب بيت عمي ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده تتطالع سعيد وهو يبتسم : ههههههههههههههه انت للحين تحيد لا يا بوي بيت عمي ما روم عنه ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع : هههههههههههههههههه أدريبك هناك العوق ترى ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">الكل تم يضحك ههههههههههههههههههههههههه اااي وحمده ويها غدا طماط من الفشله ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">سعيد : يا جماعه مالي غنى عنها بنت عمي وأختي وبعدين الله يسلمك هي اللي بتدورلنا عالعروس ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">حمده : ههههههههههههههههههههه عنلاتك يوم على جي أبوي ما يحتاي تيني سير صوب يدوه هي اللي متكفله بعروسك منها حجه وحايه ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع : كيف يعني ؟؟<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">موزه وهي تبستم : ترى يدتك وديمه حنت الا سعيد ياخذ أسما بنت خالته وهو وافق وخلاص طاحت حجته الحينه وانشالله انت يوم بنشوفلك بنت الحلال ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع سكت ويت على باله موضي وسرح بتفكيره مريم حست فيه فحبت تغير الجو : الا وين حمد وأحمد تأخروا ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">لولوه وهي تتصل فيهم : أنا بشوفهم بس ما بقولهم عشان يتفاجؤن أحسن ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع وهو يفز واقف : انا بسير اتسبح وأبدل ثيابي وبرد لا تتعشون من دوني ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">سعيد : اسمحلنا الصراحه إذا طولت إحن بنتعشى وما علينا منك ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">هزاع وهو يطلع فوق : سوها وبزااولك يا سعيدووووووووووووووووووووو ووووه ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">والكل تم يضحك ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae">مر الوقت ويوا الشباب وتفاجؤو يوم شافوا هزاع وخليفة رد وسلم على ولد عمه وتموا الشباب يسولفون والبنات عندهم ما طاعوا يسيرون والشواب ساروا رقدوا وعالساعه ثنتين كلن راح بيته ورقد وحمده اللي ما حصلت فرصه تتأسف من أحمد قالت بتتأسفله عقب والكل رقد واحلام حــــلوة للجميع ..<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae"><o:p> </o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae"><o:p> </o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae"><o:p> </o:p></span></p>
<p dir=rtl style="direction: rtl; unicode-bidi: embed; text-align: center" align=center><span lang=ar-ae style="color: blue; font-family: 'arabic transparent'; mso-bidi-language: ar-ae">أمممممممم شو تتوقعون بيستوي بين مريم وهزاع ؟؟<o:p></o:p></span></p>
<p dir=rtl style="direction: rtl; unicode-bidi: embed; text-align: center" align=center><span lang=ar-ae style="color: blue; font-family: 'arabic transparent'; mso-bidi-language: ar-ae">مــــــــايد ولولـــــــوه؟؟<o:p></o:p></span></p>
<p dir=rtl style="direction: rtl; unicode-bidi: embed; text-align: center" align=center><span lang=ar-ae style="color: blue; font-family: 'arabic transparent'; mso-bidi-language: ar-ae">حمــــــده وأحمــــــد؟؟<o:p></o:p></span></p>
<p dir=rtl style="direction: rtl; unicode-bidi: embed; text-align: center" align=center><span lang=ar-ae style="color: blue; font-family: 'arabic transparent'; mso-bidi-language: ar-ae">حمـــــد وشــــــوق؟؟<o:p></o:p></span></p>
<p dir=rtl style="direction: rtl; unicode-bidi: embed; text-align: right"><span lang=ar-ae style="color: blue; font-family: 'arabic transparent'; mso-bidi-language: ar-ae"><o:p> </o:p></span></p>
<p align=center> </p></font>
رد مع اقتباس
مواقع النشر (المفضلة)