<font color='#000F22'><p align=center>
<font color=#cc9999>تسلم الأيادي عزيزتي الأمل الضايع

بالفعل صار طاري العرس منفر أكثر من أنه يكون جاذب والشباب بدوا يتجهون للحرام ويتصرفون تصرفات منافيه للأخلاق
كل هذا بسبة تكاليف الزواج والديون اللي تترتب على المعرس من ورا هالعرس الأسطوري ,,, الكل يرمس ويقول سوي جي
في عرسج فصلي عند فلان ,, سوي الميك أب عند علان والبطايق من المكان الفلاني وبالسعر الفلاني ,, القاعه في الفندق
العلاني ,, وزعي هدايا على الحضور ,, وووووو والبنت طبعا هي صاحبه الشأن واللي المعرس حزتها ما يرفض لها طلب
من رأي الصراحه لو البنت أتقدر ظروف الزوج وترضى بالحفله البسيطه بتوفر عليه وايد من التعب النفسي والوهقه الماديه
شو المانع أنها أتأجر فستان لا هو عيب ولا شي غلط وكل يمد ريوله على قد لحافه والله الموقف ان شاء الله ,,,
والصراحه بعد في وايد من الشباب يصرفون بالهبل على أشياء تافهه بس يوم أيي طاري العرس قالوا لا تكاليفه وايده
يعني راضين يفسفسون فلوسهم على الأشياء التافهه والكماليات لكن العرس لا وألف لا هالاشكال لو أتقول لهم العروس ما أبي
حفله عرس بيستانس وبياخذ له موتر يديد بالفلوس اللي توفرت <img src="http://oasis.bindubai.com/emoticons/fa36.gif" border=0></font></p></font>