<font color='#000000'><p align=center>الســـــلام عليـــتكم ورحمة الله وبركـاته ..
شحالكم شخبــاركم .. اشتقتلكم حيييييييييل ..
هلا بردتك أخويه خوي الواحات ولو إنها متأخـرة ..
يالله بــسمه نبــدأ ..
الله يسلمكم الأسبوع اللي طاف سرنـا صلالـة ..
واللي رايح الحرمــات وخواني الأولاد ويدوه وخالتيه .
السـيارة مجســمة ..
الحرمـات كلهن ويا أخويه ..
وأخويه العود ويا حرمـته ويدوه وخالتيــه ..
وإختيـه العودة ويا ريلها وبنـاتها وخواني الأولاد (ولد المجروح وفي واحد غيـره ) ,..
عاد نحن سايرين درب .. والله يسلمكم يوم نعبي البترول نوقف وننزل أنا ووردوه وخواتي وانروح انسلم ع السيايير الثانيـة ..
أول مرة نزلنا فيها (على ماأذكر في منطقة فــ عمـان اسمها عبـري ) .. جان تنقد عليــنا يدوه ..<img src="http://oasis.bindubai.com/emoticons/fa56.gif" border=0> وليش نازلات ومادري شو وعيب تنزلون من سياييركم (ومن هذا القبيـل) .. عاد نحن أقناعها وقلنالها والله يدوه تولهنا عليج منـي مناك رضت علينــا .. <img src="http://oasis.bindubai.com/emoticons/fa42.gif" border=0>
عقــب كملنا الدرب ووصلنا صلالة وسكنــا فــ السعــادة .. عاد الجو هناك لحد يتخبـر عنه فظيييييع أمطار طول الليل ورذاذ باجي اليوم .. يعني الجووووو كوووووول <img src="http://oasis.bindubai.com/emoticons/fa34.gif" border=0>..
المهم .. أول يوم طبعا واصلين الصـبح وهلكانين فعلى طول اتغدينا وحد منا رقد وحد لا ..
أنا قلت مابرقد ألحيـنه عشـان أرقد فليل .. وكانت يدوه بعد هب نايمــة ..
جان أسير عندها وقتلها يدوه الجو حلو برا .. جان تقول هيه حلو بس ماشي طلعة .. أنا هنيه برطمـت <img src="http://oasis.bindubai.com/emoticons/fa49.gif" border=0>.. ماشاء الله عليها هاليدة كاشفتنيه ..
قتلها والله الجو حلو .. حرام انحبس هنيه .. جان تقول والله سيري رقدي .. قتلها وإنتي ليش ماتنامين .. (<img src="http://oasis.bindubai.com/emoticons/fa44.gif" border=0> أبا أطلع ع يدوه أنا ) .. قالت والله لو أنا عقيت عمري بالنار بتعقين عمرج وياي .. <img src="http://oasis.bindubai.com/emoticons/fa40.gif" border=0> .. قتلها هي ليش هب يدتيه إنتي .. قالت علنــي ماخلي منج حبيبتي .. <img src="http://oasis.bindubai.com/emoticons/fa31.gif" border=0>أنا استحيت عاد .. بس مخاوية اللي فراسها بتسويه .. <img src="http://oasis.bindubai.com/emoticons/fa32.gif" border=0> قتلها انزين يالله نظـهر برا .. قالت عشـان خاطرج في الحوي بس .. قتلها أوكي ماعليـه ..
وسرنا عاد ف الحوي نتحوط .. والرذاذ ايي ف ويهي وأنا طااايرة من الفــرح .. <img src="http://oasis.bindubai.com/emoticons/fa34.gif" border=0> .. المهم عقب أذن العصـر جان ندخل وصليـا ويلسنـا ف المطبخ انسوي فواله .. (يدوه هب مقصـرة يايبة الخنيزي معاها والقوة الإمـاراتية <img src="http://oasis.bindubai.com/emoticons/inlove.gif" border=0>) ... وسوينا فواله حق العيـال .. ويوم نشـوا كلوا ويلسوا لين آذان العشـا وتعشــو ورقدوا كلهم ..
وعاد مخاويووه مصبحــة على يدوه كل يووووووووم .. لين ماسممووها الفـــــارس <img src="http://oasis.bindubai.com/emoticons/fa32.gif" border=0>
نيي ع اليوم الثاني .. طبعا الصـبح العيـال رايحيـن السوق يتشرون حق البيت .. والحرمـات ف البيت يزهبن حق الغدا .. وصلوا العيــال .. وخلص الغدا .. وظهرنا من البيت ويا غدانا وتغدينــا ف المربـاط (إذا هب رباط <img src="http://oasis.bindubai.com/emoticons/fa40.gif" border=0> ) المهم تغدينا وخلصــنا .. ويلسنــا مع يدوه .. تمت اتقول عن زمـان أول وشقايل يقضون صيفهم .. كلن بحـاله ف الصـيف .. وأكثـرهم طايحيـن إلا ف المزارع (لأنه ف الصيف يكون موسوم حصـاد الخنيزي) .. فكانت اتقولنا محد كان يســافر ويظـهر إلا الي ماليتهم زايدة ..
المهم .. ردينا البيت ورقدنــا .. في اليوم الثاني عشـنا عيشتنا في الإمـاارات (كان يوم اليمعـة ) العيال راحوا المسـيد يصلون وريحة البيت عود ودخون .. والحرمـات يشوون السمج قباب .. تغدينـــا وظهرنا ع طول .. سرنا صوب أتيــن .. قيلنـا هناااك .. وسرنا بعد مكان قبل مغيسيل .. كان شي بقعة وايد حلوة مجابلة البحــر .. الممهم يلسنــا واستانســنا ورديــنا السـعادة ..
اليوم الثالث الله يسلمكم سرنا صوب ريسوت .. وايد حلوة مافيها يبال بس تلال ..
واليوم رابــع رديــنا دار بو خليفة ع الفــير ..
ويدوه ناقمــة عليــنا لأنه نحــن مارديـنا وياها بوظبي .. <img src="http://oasis.bindubai.com/emoticons/fa52.gif" border=0>
ووبس ..
اسمحــولي جان طولت عليـــــــكم ..
مخاوية الامل <img src="http://oasis.bindubai.com/emoticons/fa33.gif" border=0>
</p></font>
رد مع اقتباس
مواقع النشر (المفضلة)