<font color='#FF7F00'><p align=center>السلام عليـــــــــكم ..
شحاااالكم شخــباركم ..

يييتكم مرة ثانيــة .. عنديه سالفة صغنطنة وحلـــــــــــــوة ..
بس هالمرة عن عمتــيه العودة .. هب يدووووووووه ..

عموووووووه تبـى اتقيل لين صلة العصــر ..
ونحــن عوقنــا حد ينااااااااااام العــصر .. وع ماندانيها هالنومــة
المهم .. الله يسلمكم مخاويووووه وبنات خالها .. راحوا عندها .. ويلسنــا عندها وقلتلها عموووه ملانات لا ترقدين يلسي وياني ..
جان تقول وشو أسوي فيااااااااكن .. قتلها سولفينا أي شــي المهم لا ترقديــن ..
جان تنشدها بنت خالي .. عموووووووووه كيف يتزوجون قـــبل ...
جان تقووووووووول وابوي عليــكن .. شلكن بهالسواااالف .. جان أقولها عادي عمووه نبــى نعرف عن ماضينــا ..
جان تقول هيه زين عيــل سمعــن ..
كلي آذااااان صاغيـــة ..

شوفوا .. الريال والحرمة يشوفون بعضــهم ف الشــارع هب مثــل ألحيـنه .. في المولات والخرابيـــط .. انزين .. وتعيبه عاد الحرمة .. ويروح يرمس أمه عنها .. ويقولها أميــه أنا أبااااا هي .. عاد الأم تفرح بولدها يوم يريد يخــطب .. المهم .. ساروا الحرماات بيت العرووس . وخطبوها ويومين وردوا عليـــهم .. نحن موافقين ومادري شو وزهبــة وخرابيــط .. بس أول ماكان عندهم شبكة وجي .. بس إذا عند وحدة&nbsp; من الحرمات (الييراان ) عندها تعطيــها حق العرووس وتردلها إياه بعد العرس ..
الله يسلمكم الريااييل يتفقون ع موعد الملجة والعرس .. والملجة والعرس ايكونن ورا بعــض هب مثل ألحيـنه سنة ملجة عقب العرس ..
انزين .. وطاال عماركم عاد يبدن الحرمااات يخيطن الزهبة والملابس المخورة ومن هذا القبــيل .. العيــالة مشــتغلة أسبوع كامل يكون فيه الحنا والملجة والعرس .. والحرماات رايحات رادات ع بيــت العروس ..
الله يطول بعمــاركم ..اييكم يوم الحنــا .. كل الحرمات فبيت العروس .. يتحنن وحد يحني العروسه .. عاد كلهن يغمسن ييديهن في الحنــة .. هب مثل ألحيــنه نقش وهندي وخراااااااابيط ..
واييكم بعد يوم الملجة وبعدها بيومين العرس ..

وبــس ..
واسمحــــــــولي ..
</p></font>