<font color='#000000'><p align=center>
<font color=#333399>الـســــلام عـــليـكم ورحـمــة اللــــه

ان شـــاء اللــه الـعرب كـلــهم بـخـــير وسـهــالـه ..

عـاد أنـا الــيـوم بشــارك مـعاكــم فــي واحــة الـتـــراث <font color=#cc6666>( كلّه ولا المنصوري )</font>

أول شي .. أحب أشكر أخويه <font color=#cc6666>" خوي الواحات "</font> على هالبرزه الحلوه ..

والحين ندخل في السالفه ..

الله يسلمكم ويطول بعماركم هاك اليوم كنت سايره غرفة الوالد والوالده

الكل متيمع اهناكي .. وتميت حوالي ساعه ألف وأدور صوب الممر

واخواني مستغربين ليش زمــان متأخره .. وبعد مجموعه من المحاولات لإجتياز الممر

يأست وقعدت أزقر اخواني .. ولماّ يا أخويه الصغير قالي بلاج اتزاعجين ..

قلت تعال اضرب الطيطاااااااااااار <img src="http://oasis.bindubai.com/emoticons/fa56.gif" border=0>&nbsp;مب رايمه أمشي صوبه واااااااااع

عاد تدرون حركات اليهال " نذاله " سار يطنز عليه عند أهلي وخلاني في الممر

أحاول مع الطيطار ...&nbsp;ليما يا أخويه العود وجتله <img src="http://oasis.bindubai.com/emoticons/fa34.gif" border=0>

يوم دخلت عليهم الغرفه .. الكل قالي الحمدلله على السلامه .. ما بغيتي توصلين

عاد اهني بدا أبويه يتكلم ويقول قصه وهي&nbsp;من بطولة يدِّتي الله يرحمها ..

يقول .. في يوم من الأيام كان&nbsp;أبويه <font color=#cc6666>" يدي "</font>&nbsp;مسافر ومحد فالبيت

إلا نحن الصغاريه وامي ... في آخر الليل&nbsp;دقو علينا&nbsp;ناس غرب تعبانين بعد ما عطيناهم
&nbsp;
الماي والزاد الوالده حست إن&nbsp;هذيلا الناس&nbsp;مب ناوين على خير .. عاد قامت الوالده

وشلّت السلاح <font color=#cc6666>" صراحه ما أذكر شو كان اسم&nbsp;السلاح "</font>&nbsp;&nbsp;

وطلقت طلقه في الهوا .. عاد هالغرب على طول شلو بعمارهم وشردو .. هذا كان بمثابة

اختبار لنية هذيلا الغرب .. وكان دليل على مدى قوة يدتي الله يرحمها ..

وبعد هالسالفه قالي أبويه وانتي اتخافين من طيطااااااااااااار <img src="http://oasis.bindubai.com/emoticons/fa55.gif" border=0>

والمغزى من هذي القصه .. هي ان الحرمه في الماضي كانت قد المسؤوليه

وتمتلك قوه قريبه من قوة وجدارة الرياييل ..

............

اختكم .. زمـــان الـصــــمـت

</font></p></font>