<font color='#8D38C9'>&&& الجزء الرابع &&&
ناصر كان طايح وراسه ينزف شافته مهره اتيننت وتمت تصرخ اما ميثاء ركضت داخل البيت وخبرت سلطان .
نزل سلطان بسرعه وقال لمهره اتيب عباتها وشيلتها وسويج السياره وميثاء قالتلهم انها بترووح ..
وصلوا المستشفى ونقلووه تيمعوا عليه الدكاتره وطاااااال الإنتظااار ودكتور ظاهر ودكتور داخل ومهره تراقب مثل الاطرش في الزفه وسلطان يحاول يهديها وميثا لاهيه عنهم ...
مر الدكتور حذاهم وقامت مهره بسرعه من مكانهااا
مهره : وين ولدي ؟؟؟<img src="http://oasis.bindubai.com/ubbc/smileys/0247.gif" align=absmiddle border=0><img src="http://oasis.bindubai.com/ubbc/smileys/0247.gif" align=absmiddle border=0>
الدكتور : الباقي في عمرج ماقدرنا نوقف النزين من راسه!!!!
مهره : لا لا والله لا مستحيييل ..
طاحت مهره ومسكتهاا ميثاء يو السسترات ودوا مهره غرفه ثانيه،،،اما سلطان راح يسوي الإجراءات ويخلصهن واتصل بامه عشان اتي وعشان تخبر ام مهره وابوهااا
***************
في بيت بوخالد ..
دخل عمر البيت سمع التيلفون يرن كا بيطنشه بس الفضول يفعل فعايله
عمر : الوووو؟؟
ام سلطان : السلام عليكم ...
عمر : وعليكم السلام والرحمه .. منو وياي؟؟؟
ام سلطاان : انا ام سلطان ..
عمر : هلا مرت عمي ناصر الله يرحمه اشحالج؟؟؟
ام سلطان : الحمدالله انته شحالك
عمر : بخير الحمدالله .. اكيد تبين اميه لحظه بزقرهاا ..(( اكيد تبا امك عيل ميته في دباديبك))
راح عمر دق الباب
عمر : ادخل ؟؟؟
ام خالد : منو خالد تعال فديتك ...
عمر : انا مب خالد!!
صدت ام خالد شافت عمر ولدها ماصدقت عينها
ام خالد : وين غناتي والله ماهنالي بال..
عمر : ((يشوفهاا بنص عين )) والله انتوا ماتبوني هيب في هزيب ..<img src="http://oasis.bindubai.com/emoticons/oo.gif" border=0><img src="http://oasis.bindubai.com/emoticons/oo.gif" border=0>
ام خالد : لا ابويه منو قال انته ضنايه ومافي ام ماتحب الخير لظناهااا..
عمر انزين مرت عمي ناصر تباج في التيلفون
شلت ام خالد التيلفون من غرفتهاا ورمست ام سلطان اتغير ويهااا ..
بندت ام خالد من ام سلطان بعد سلسله طويله من التعازي ..
عمر : اميه شبلاج ؟؟؟
ام خالد : فديت مهره والله..
عمر : اميه شبلاهااا مهره ؟؟؟
ام خالد : ولدها ناصر اتوفى الله يرحمه ..((هنه دمعت ام سلطاان ))
عمر : نصور اتوفى !!!!<img src="http://oasis.bindubai.com/emoticons/rock.gif" border=0><img src="http://oasis.bindubai.com/emoticons/rock.gif" border=0>
ام خالد : هيه ياوليدي الموت لايعرف صغير ولا كبير..
سكت عمر ماعرف شو يرد بس غمضته اخته وااايد لأنهاا وايد حساسه ولأنها فقدت ولدهاا الأول
**************
كانت ميثاء يالسه حذا مهره وحاطه راسها ع ريل مهره اللي للحين ماصحت كانت ميثاء تفكر كيف بتندمج مهره وهي فاقده ولدهااوكيف بتتقبل انها ماتشوفه مره ثانيه ...
دخلت شهد ويااهااا ام سلطاان اما حمد فمادخل تم واقف برع عند الباب شاف سلطان واقف ويا الدكتور راح حمد جداهم
حمد : عظم الله اجرك
سلطان : اجرنا وجرك
حمد : ماعليه ياسلطاان انشاءالله الله بيعوضك ...
سلطان : ان لله وانا إليه راجعون ..
صد سلطان عن حمد الصوب الثاني وراح عنه ،، اتضايق حمد من اسلوب سلطان لكنه عذره لأن سلطان مب في حالته الطبيعيه ،، شاف سلطان في طريجه امه واخته شهد ظاهرين من عند مهره قالهم يردون البيت وهو يتريا الدكتور لين مايرخص مهره ،، راحوا ويا حمد ،، دخل سلطان غرفه مهره شاف ميثاء حاطه راسهاا ع ريل مهره وراقده انكسر خاطره على ميثاء اللي لازم اتكن فرحانه بقرب عرسهاا يلس سلطان واتذكر ان اجراءات الدفن باقيه عليه
ظهرت مهره من المستشفى ومرت ايام العزاء بطيئه وكئيبه والكل متأثر اول حفيد للعايله كلهاا يتوفى
****************
اليوم اول يوم امتحانات اخر السنه كان حمد يالس يتريق ويذاكر دخلت شهد غرفه الطعام وفتحت كتابها وهي تتحرطم
حمد : عوذ بالله من عيال ابليس شبلاااج ؟؟؟
شهد : انته اسكت ماتشوف اني متأخره ومالحقت اذاكر شي...
حمد : المذاكره قبل الإمتحان مب يوم الإمتحان !!!!
شهد : اسكت انته انا مب يالسه اذاكر اراجع بس...
ام سلطان : حشى حتى الصبح تتناقرون هاي حالتكم ليل نهاار !!!!
شهد : ماما انا احين سايره ادعيلي ....
ام سلطان سيري السايق يتريا في السياره ،، حمد انته بتروح بسيارتك ولا وياهم ؟؟؟
حمد : سيارتي في الوكاله وياهم ....
شهد : يلاا باااي ...
حمد : ايه اتريي ....
شهد : مالي خص تبا احين تعال ...
نش حمد ولحق شهد عن اتسويهاا وتروح عنه
هذي كانت نبذه عن ايام الإمتحاناااات بالنبه لحمد وشهد
..........................
انتها الجزء الثالث
سويره :
لا مب منقووله
مشكوووره ع الرد
الغرشوبه:
لا شكر ع واجب والقصه عشان خاطركم اثنيناتكم
تحياتي
نزوزو</font>
رد مع اقتباس
مواقع النشر (المفضلة)