<font color='#000080'><p align=center><em>السلام عليكم ...

والله عرفت انكم بتاخذون الموضوع بحساسيه زايده ...

اخواني لو كانت المباراه في الشارجه كنا بنلوم اللي في الشارجه و لو في دبي بيصير نفس الشي .. لأنهم اقرب ناس ما روحوا .. فكيف اللي في المدن الثانيه بيروحون &#33;&#33;

انا بعدين خصيت العيناويه و عميت الامارات الباجيه تعرفون ليش ؟؟

لأن معروف عن العين انه عنده اكبر عدد من المشجعين و مباريات العين كنا نشوف المدرجات مليانه على الآخر .. فليش ما يكون هذا الشي للمنتخب ؟؟

بس الحين اتأكد من ردودكم انه نحن نحب نوادينا اكثر من المنتخب .. ادري انه بيي شخص بيقول كلنا نحب المنتخب بس عطونا برهان على كلامكم .. انتوا عتبتوا علي عسب خصيت العيناويه .. بسألكم سؤال .. يوم العين او الاهلي او الشارجه او النصر او الوصل او اي نادي كنا نشجعه اول ما يفوز على طول نشوف التبريكات و التهاني منهله في واحة الرياضه بس يوم المنتخب يفوز اكبر طااااف .. ليش لأنهم مش مثل اللعيبه السابقين .. منو قالكم ؟؟

حميد فاخر افضل ظهير عربي .. سالم خميس سكت اللعيبه الاجانب بأدائه في الدوري .. فهد علي نجم و ما شي اثنين يختلفون عليه .. اسماعيل مطر افضل لاعب عربي صاعد و افضل لاعب في كأس العالم للشباب .. نواف مبارك ظهير يسار رائع بكل للكلمه من معنى .. سرور هداف و شكله بيكون خليفة الطلياني .. راشد عبدالرحمن مدافع واثق من نفسه بشكل خيالي وهذا ما يحتاجه المدافع .. وليد سالم برأيي الشخصي هو من افضل حراس الخليج حاليا .. سلطان راشد ممول هجمات المنتخب وصاحب خبره ميدانيه كبيره .. سالم سعد من اسرع مهاجمين الخليج حاليا .. كل هالأسماء و هالأمكانيات يحتاجون لشي واحد بس عسب يحققون البطولات .. تعرفون شو هو ؟؟ دعـــــم الجماهيـــــــر لـــهم ..

العيناويه ... اختيييه .. انا يوم بحط اللوم على نادي او جمهور نادي مش اني اكره هذا النادي .. العين يمتلك جمهور رائع .. بس وين كان يوم مباراة المنتخب ؟؟ في اعتقادي انه لو جمهور العين اللي كان يحضر مباريات الدوري موجود كان هذا يكفينا و زووووود .. قلتيلي عن الرابطه .. هذا اكثر شي انا استغربت منه اللوم طبعا على كل الروابط .. وياهم الله خير رابطة العين .. بس مب رابطة العين تضم حوالي ألف شخص ؟؟ وينهم ؟؟ طبعا انا ألوم كل الروابط&nbsp;و مش بس رابطة العين ... و بخبرج شي .. ترى يوم انا رمست عن جمهور العين ما كان قصدي جمهور نادي العين .. بل شباب العين الموجودين في العين .. وان شاء الله معلومتي وصلت لج ..

اختييه عيون ام ضرس .. ترى والله خذيتوا الموقف بحساسيه زايده .. تعرفين شو اكثر شي يزيد من حماس اللعيبه و ينزل من حماسهم ؟؟ الجمهوووور .. الجمهور اللاعب الغير مرئي في الملعب اذا كان موجود و يئاز بتشوفون كيف بينعكس على الاداء&nbsp; .. و السالفه مش سالفة ظروف السالفة سالفة تلبية نداء للوطن .. و السموحه

اخويه الزعيم ..&nbsp; اذا هذي الحساسيات بتكون بين الانديه فأقولك اغسل ايدك من البطولات .. ارد واعيد وا اقول انه انا خصيت شباب العين و مش الجمهور .. و&nbsp;بعدين قلت امتحانات ؟؟ .. ترى كانت شي امتحانات يوم المربع الذهبي بس كنا نشوف جمهور العين و الأهلي و الشباب .. بس يوم يت مباراة المنتخب اختفوا &#33;&#33;

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــ

يا جماعة الخير .. فكروا في المنتخب و فكروا في انفسكم هل انتم قصرتوا ام لا (( قصدي جمهور الامارات )) هل تستحقون العتاب ام لا .. قبل ان تتطرقوا للحساسيات ...

و السموحه

<img src="http://oasis.bindubai.com/emoticons/cool.gif" border=0>الفتى الحزين<img src="http://oasis.bindubai.com/emoticons/cool.gif" border=0></em></p></font>