الـــدريــول ..

[ملانـة]

<font color='#000000'><P align=center>السلام عليكم و رحمة الله و بركاته...

ما شاالله عليك أخويه.. فعلا طريقة طرحك للموضوع عجيبة و interesting <IMG src="http://oasis.bindubai.com/emoticons/fa42.gif" border=0>


و بصراحة أنا محتارة.. لأني ما أنكر أهمية الدريول هالوقت... بس بذكرلك باركنين .. أوبس.. أقصد موقفين .. صاروا ويايه و بعطيك رايي في النهاية..

<FONT style="BACKGROUND-COLOR: #000000" color=#0099cc>الموقف الأول..
</FONT>
الله يسلمك يبنا دريول هندي و أسمينا عانينا وياه.. أول شي الريحة.. ثاني شي غبائه اللي شوي و بيطلعلنا قرون.. أحيد مرة&nbsp;&nbsp;كنت بوصل ربيعتي بيتهم في المزهر عقب الكلية.. و مثل ما البعض يعرف..&nbsp;حصص البكالريوس عندنا مسائي..&nbsp;و عقب ما نزلتها بيتهم شفته يسير في طريج ثاني و كان الشارع مظلم و مافيه ليتات.. و تقوملكم ملانة و تفتن عليه و تهزبه هزبة محترمة انه يرد و يسير نفس الشارع اللي دوم نمر منه.. خاصة و انه منطقتنا جريبة منهم (الراشدية) و ماله داعي يطول الدرب.. جان يقولي (ماما هذا طريج في أسرع)&#33;&#33;&#33; أسرع والا و أبطأ و الله لولا زعيجي و لو ما كنت مهددتنه بأني بخبر أبويه جان الله يستر شو بيصير... و آخر شي فضحنا الله لا يبارج فيه و طلع عنده علاقة ويا بشكارة ييرانا الأندونيسية...&#33;&#33;&#33;

<FONT style="BACKGROUND-COLOR: #000000" color=#0099cc>الموقف الثاني.. </FONT>

عقب ما ابتلشنا ويا الهندي يبنا فلبينية.. و أونه عندها ليسن من هني.. يوم يت تمت تتحجج إنها ما تعرف تسوق فورويل.. عقب ما وديناها دورة في معهد الإمارات تمت تدعم في السيارة و لا ويييييييييين... عند كراج بيتنا&#33;&#33;&#33; يعني طول الدرب تسوقين و لا يستويبج شي.. ما لقيتي غير باب القراج تدعمينه..&#33;&#33;&#33; و آخر شي عقب ست شهور شردت و طلع إنه مو أول مرة تسوي هالحركة هني...

اللي أبا أوصله إنه الواحد بيتبهدل سواء&nbsp;&nbsp;ياب دريول ريَـال والا حرمة.. و في كل الحالتين لازم نشدد الرقابة عليهم و صعب بصراحة إنا ننكر أهميتهم.. خاصة إنه مب كل العوايل تسمح لبناتها بانهم يسوقون أو إذا كل واحد يدرس / يشتغل في مكان فهني الواحد بينجبر يحط دريول حق البيت...


أدري ردي ملخبط و يمكن ما يعيب لجنة التحكيم (أم خلود و حسون و عبود) و اسمحلنا ع القصور...


الله يحفظك أخويه



أختك


مــلانـــة
<IMG src="http://oasis.bindubai.com/emoticons/fa48.gif" border=0></P></font>

[كـلـكـلـووش]

كـلـكـلـووش : يـا عـيـايز ..
كــلهم : لبــيـــه
كـلـكـلـووش : مـرت سنـتـين ع سالفة الـدريول . . ليـن الحين مخكم يـابس و ما غيرتو رايكن ؟
أم عبود : بالنسبه لي انا رايي ما اغيره لو يطلقني بو عبوود
أم حسن : نحن مال امس و راينا مال امس
أم خـالـد : ليش في حد غير رايه ؟
كـلـكـلـووش : والله ما ادري ! هيه صح .. عنود الريف سلمت عليكـن من سنتين .. بس نسيت اوصل السلام ههه !
أم عبود : اللي ماخذ عقلك يتهنابو ..
أم حسن : شو شو ؟ عيدي مره ثانيه ؟؟
أم خـالد : هيه انا اعرفها هذي يتهنابو .. ظنتييه اكله سودانيه
أم عبود : انتو بعدكن مغبرات .. ما تواكبن التكنلوجيا .. عفان الله .. لا اعيب ما فيني يجيسني وله ع الجديم
كـلـكـلـووش : والله انكن وايد تهذربن .. شو رايكم فـ كلام عنود الريف ؟
أم خـالد : والله رايي من رايها .. و اظن ام حسن وياي
أم حسن : إلا مب وياج .. وياج و نص .. هالدنيا ما فيها امان .. و زين يسون اهلها .. وين امها فديتها ؟ ابى اسلم عليها
كـلـكـلـووش : حاسبي ترى اللي عرفته ان هالعايله عينهم حاره
كـلهم : وييييه .. قل اعوذ برب الفلق .. بس بس .. سلم عليها من بعيد و حرف فأسمنا
كـلـكـلـووش : ام عبود .. وينج ما سمعنا لج حس ؟
أم عـبود : ما ارمس ناس مغبرين :harhar1:
ام حسن و ام خـالـد : والله دنيا دواره .. اكبر عنا بعشر سنوات و تقول عنا مغبرين
أم عبود انزيــ . . .
كـلـكـلـووش : انزين بس بس . . على طول بتضاربن . . انا يوعان .. حطو الغـدى .. و تسلمين يا عنود الريف ع المرور ..