آخـــر الــمــواضــيــع

صفحة 1 من 2 12 الأخيرةالأخيرة
النتائج 1 إلى 15 من 16

الموضوع: غرباء في الوطن للكاتبة شوق بوظبي

  1. #1
    المشرف العام للموقع الصورة الرمزية بن دبي
    تاريخ التسجيل
    Dec 2001
    المشاركات
    0
    مزاجي
    Brooding
    قوة التمثيل
    200
    <font color='#000000'>قصة واااايد حلوة للكاتبة المبدعة شوق بوظبي .....

    <table cellspacing=0 cellpadding=0 width="98%" align=center border=0>
    <tbody>
    <tr>
    <td>
    <p style="text-kashida: 0%"><font face="arial, helvetica" size=3><font face="arial, helvetica,verdana">الحلقة الأولى

    تمددت بكسل على شبريتها...وبكل نعومه..عقت اللحاف عنها..وتمت منسدحه تطالع السقف وهي مبتسمه..ردت تغمض عيونها بكسل..وخذت نفس عميق...دق خفيف على الباب..وابتسامه عريضه...

    عايشه بنعومه: دخلي سوناتا..

    سوناتا: يالله مدام قومي..الساعه 7:30..في تأخير كبير اليوم..

    عايشه مبتسمه: زين طلعي بتسبح والبس..

    سوناتا: ان شاء الله مدام..الريوق داخل صاله كبيره مال طعام..

    عايشه: ليش محولين هناك؟

    سوناتا: بابا كلووف يقول يريد كل واحد يتريق داخل صاله كبير..

    عايشه تنش: زين توكلي على الله..ولاتقولين مدام...للحين ما عرست ..لين متى بفهمج..(برطمت) للحين بعدني انسه..

    سوناتا: ان شاء الله مدام..

    عايشه حاست حلجها: والله الضرب في الميت حرام..روحي روحي وعي خلووف..

    سوناتا: كلوف من زمان ناش..الحين داخل زرع..انتي اخر واحد..

    عايشه: يالله لا بليتنا..يا امي ظهري من الحجره خليني اتسبح والبس على راحتي..

    طلعت البشكاره..وعايشه دخلت سبحت وغيرت ثيابها...يلست على شبريتها بهدوء..يرت المشط..وبحركه خفيفه وسريعه سحت شعرها..بخفة الماي سايح بس مقصوص لين رقبتها..حتى جتوفها ما يوصلهن...نشت للمنظره وحطت جحالها الخفيف..ولفت الشيله بشكل مرتب ولا نص شعره مبينه..لبست شنطتها ونزلت تحت على طول.

    في الصاله كالعاده حنان منسدحه على الصوفا ولابسه مريولها ومب مسحيه شعرها..

    عايشه تهزها: اييه يالله قومي..مدرسه..&#33;&#33;

    حنان فزت: انزين ان شاء الله ابله..

    عايشه: وين ابله يا ماما..انا عويش..

    حنان انتبهت: بسم الله ..&#33;&#33; تحريتني في المدرسه والله..

    عايشه: وليش بسم الله ان شاء الله شايفه ام دويس حضرتج؟

    حنان تبتسم: يالله قومي عني بتريق..

    عايشه: ما تريقتي للحين..والله انج..&#33;&#33;&#33; متلبسه ومب مسحيه شعرج..منو تترين يسحيه؟

    حنان: من غير هالخاله البشوشه الطيب الحنونه...

    عايشه: احم..زين..والله تعرفين تقردنين مسودة الويه...

    حنان بدلع: لازم بعد مب انتي اغلى خاله شفتها بحياتي..

    عايشه تدزها من جتفها: روحي يالله عني..محد يعطيج ويه..

    يلسن على الكراسي يتريقن..ومرت سوناتا في الصاله..

    سوناتا: بابا كلووف في الزرء..ينادي؟

    عايشه بطرف عينها: كلووف...كلـ

    وقبل تكمل كان خليفه واقف ورا البشكاره يتقحطن..

    خليفه معصب: كلووف؟؟ كلف الله عليج ابليس ياخذج قولي امين؟

    سوناتا: امين بابا..

    عايشه ميته من الضحك...وحنان غصت بالحليب وطيرته على الطاوله...

    عايشه: اع عليج يالوسخه...قومي لوعتينا...

    خليفه يضحك: انتوا بعدكم للحين على هالحال...(ويطالع ساعته) يالله شوشو تأخرنا..من متى لازم تظهرين من البيت..

    عايشه: لا ماشي طلعه تعال اتريق اول..

    خليفه: ماشي وقت نشي بسرعه..

    حنان راده من عند المغسله عقب ما خلصت: انا بسير وياكم..

    خليفه: وين امج عنج خليها توصلج..

    حنان: امي تعبانه..ممكن توصلوني انتوا...خالتي عايشه بليز..

    خليفه: زين زين يالله تبلسي وخلصينا..

    حنان: لابسه ومخلصه الباقي عليكم..

    لبست حنان شطنتها وطلعوا..عويش جدام وحنان ورا..وخليفه يسوق..

    حنان: خالي خلوف..ممكن تحط اف ام لو سمحت..

    عطاها خليفه نظره تفتت الصخر...واصطلبت مكانها..

    عايشه: خلووف لا تكسر بخاطرها حط اف ام..

    حنان: فديت هالويه يا ربي..

    خليفه: للحين ما حطيتها ..على شو تتفدينها..استغفر الله اغاني من الصبح.

    حنان: تراك كل يوم تسمع يعني اشمعنى تدينت هاليوم..&#33;&#33;&#33;

    خليفه: بس غياض فيج..

    عايشه: نحن ما بنخلص من هالحشره..؟؟

    خليفه يوقف سيارته: يالله انزل..فارجي..بسرعه..

    حنان تلبس شنطتها عدل: اوكيك..يالله باي..مروا لي الساعه 2:00 ولا تنسوني ماما ما بتروم تيني..

    خليفه يتمصخر: ليش ماما ما يجي..

    عايشه تضحك..

    حنان: انزين تمصخر علي..ترا ماتعرف شو يعني معنى الام ولا كنت بتقولها كل كلمه في الدنيا تطيب خاطرها وتريح قلبك..

    نزلت حنان الدفشه وصكت الباب بقوه..دخلت المدرسه..وخليفه ما حرك السياره..

    عايشه تقطع صمته: خلووف..تأخرنا حبيبي..

    خليفه انتبه: انزين..ماحسيت ان هالخبله نزلت..

    عايشه بحنان: ليكون حزت في خاطرك رمستها؟

    خليفه يتجاهل عايشه: لا اع عليها..من قال.&#33;&#33; انا تأثر فيني هاي ام شبر ونص..

    عايشه: زين..خليفـ ـ ...

    خليفه يقاطعها: صدق عايشه..نحن وايد مقصرين ف حق امي..وايد صح؟

    عايشه: اصلا لو شو ما سوينا ما نقدر نرد لها جمايلها..خليفه على الاقل نحن احسن عن غيرنا..امايه معززه مكرمه ويالسه ويانا بنفس البيت..احسن عن اخوك اللي ما يدري عنها ولا يسأل حتى حيه ولا ميته..

    خليفه متأثر ويتنهد: انا ما يهمني كلا حنون هاي خبله صدق..

    عايشه بتأثر: هيه واضح...(حبت تغير جو ) زين حط اف ام..

    خليفه: لا لا ماشي اف ام..روحي عني..بحط الحين اذاعة بوظبي ارقى شوي..

    عايشه: اوهو علينا نحن ما بنخلص...كل يوم نفس البرامج ونصها مسروقه من اذاعات ثانيه..خلوف حط اف ام برامج الصبح وايد حلوه..

    خليفه: اصص لا انزلج الحين..مشغلاتني دريول عندكن..عنلاته هالدريول اللي ودرنا وراح..كله منكن انتي واختج..بل عليكن هوامات..&#33;&#33;&#33;&#33; طفرتن الريال لين ما هب بلاده..

    عايشه: زين الله يخليك..يوم انت مب متفيج منو بيودينا...؟

    خليفه ينزل نظارته الشمسيه ويطالعها بغرور: انزلي لو سمحتي..وصلنا ورانا شغل..

    عايشه تضحك: صدق سخيف..يالله لا تنسى يوم ادق لك تلفون تعالي لي..بسرعه لا تتأخر ومر على حنون اوكي؟

    خليفه معصب: والله لو ما العيب والمنقود كنت خليتكن لين باجر اللي في المدرسه واللي في الدوام وافتك من صدعتكن..اسميكن بلى ما منه فجه...

    عايشه: هيه صح..انت بس تتمنى حرمه شراتي وبنت شرات حنون..شيخاتك نحن تفهم..يا كلووف..

    خليفه: يالله انزلي وراي الف شغله يالله...

    تحجبت عايشه ونزلت..اتصالات مب وايد بعيده عن بيتهم..تشتغل فيها من سنه ونص تقريباً..

    حرك خليفه السياره وروّح على طول..بيسير هو الثاني شغله..بروحه متأخر من عقب ما وصل بنت اخته واخته....وفي السياره وهو رايح الدوام...رن تلفونه وفتحه على السبيكر وهو يسوق...

    احمد: مرررررحبا مليووون...وفوقهن مثلهن..هلا بالشيخ هلا هلا هلا..

    خليفه يضحك: ايوه ايوه..انا خلاص مالي امل اليوم...ماشي الا انتحر واريح هالقلب المعذب..

    احمد: ياخي احبك شو اسوي..

    خليفه يضحك اكثر: حبتك العافيه..شحالك بو شهاب؟

    احمد: بخير يعلك الخير..اقول وينك..مب جنك في السياره؟ما عندك دوام شو؟

    خليفه: لا ياي الحين بالطريق بس وصلت البنات..

    احمد: هيه..انزين...لا تبطي اوكي..

    خليفه: خلاص هذو انا وصلت..يالله اخليك الحين...

    احمد: يالله برايك..

    بند خليفه التلفون..والموتر..ونزل ...يشتغل في الديوان مع ربيع العمر احمد..عمره 28 سنه...هو الولد الوحيد في بيتهم حالياً وله اخ اكبر منه معرس وعنده عيال بس ما يتلاقون ولا التواصل بينهم دايم....وما يشوفون بعض الا في المناسبات رغم انه يحملون في الاخير نفس الاسم..

    .............................

    يلست في الصاله وهي متأكده ان مافي شي باقي..شكلها خلصت كل شي..وتأففت وهي ترفع بتعب خصلة من شعرها طاحت على ويهها..وسمعت تلفون البيت يرن..وتأففت اكثر...سارت له وهي تعرف محد بيدق هالوقت الا ابوها او حرمه من الحريم اللي على العاده يدقن على عمتها الصبح..شلت السماعه وانساب صوتها الدافي من خلال اسلاك التلفون..

    مريم: الوو...

    وبكل ما يمكن لاي مخلوق على الارض يتصوره..وصلت بشاعة الصوت من الطرف الثاني بكل مافيه من قسوه وعنف..

    بوعبدالله: زهبي حجرة عمتج ودخني البيت..نحن طالعين الحين من المستشفى..

    مريم بفرح: صدق ابويه؟

    بوعبدالله: عيل اقص عليج تحلفيني مسودة الويه..؟؟

    مريم: ان شاء الله الحين بسوي لكم احلى ريوق في الدنيا..

    بوعبدالله صك التلفون قبل يرد على مريم..ما كان عنده وقت يكلمها ولا يشاطرها الفرح ولا يعيشه وياها..اما مريم نزلت السماعه وهي مستانسه..اخيراً..اخيراً بتقدر تحس بتخفيف حجم المسؤليه..على الاقل الحين مرة ابوها يوم بترد حتى لو كانت تعبانه بتتصرف بحريه شوي في البيت..وما بتحس بعد اليوم ان كل شي على راسها..كانت تسولف لنفسها وهي تزهب الريوق..

    "كششخه..&#33;&#33; على الاقل بعد اليوم..برقد من وقت وبيشيك ابوي على بيبان البيت انها مبنده..على الاقل برهوم والبنات بيدرسون بدون ما ايلس اترجاهم..عمتيه لو المشاكل اللي تسويها في البيت بس ما نستغني عنها..يحسون في البيت هيبه لما تكون موجوده.."

    انتبهت انها للحين ما سوت فحم على النار عسب تبخر البيت..سحبت الدرج اللي تحت المغسله وطلعت الفحم منه وحطته على النار وسارت للبيت ورتبت الصاله بشكل اسرع..وبطلت باب حجرة ابوها وشغلت المكيف عشان اول ما يوصلون يكون كل شي مرتب..

    وبفرح غريب..دخلت حجرتهن ورتبت الثياب وغيرت هي جلابيتها...ولبست لها جلابيه ارتب ونظيفه ثانيه...من متى ما شافت ابوها..عمتها صار لها ثلاث شهور مرقده في المستشفى ما تيي الا لفترات خفيفه يوم يبونها تخفف من ضيجها وترتاح..

    ابتسمت وهي تطالع المنظره وتلف شعرها في اكثر من ثلاث لفات...

    " ياااي شعري طول اكثر عن قبل..كششخه..والله وناسه..&#33;&#33;..يا ليت ابوي يخليني اسير الصالون واعدل اطرافه..(ابتسمت اكثر وهي تتخيل شكل ابوها لو طلبت منه تروح الصالون) اووه يا ربي ماقدر اتخيل..عادي يقضي علي..ماقدر ماقدر اتخيل اكثر عن جي.."

    مسكت الجحال وجحلت عيونها بخفه..هالشي الوحيد اللي مستحيل تستغني عنه..لو شو ما صار...ما تتخيل شكلها وعيونها بدون جحال..يعطيهن وسع اكثر وجمال اكبر فوق جمالها...

    انتبهت وهي ترتب جلابيتها عدل عليها..لهرن سيارة ابوها...

    وبخوف ممزوج بفرح" وابوي انا الحين هذا هرن واحد..يوم افتح الباب بيقول اني منقعتنه من ساعه عند الباب..خلاص اليوم بيقضي علي..يالله بسرعه"

    وطلعت تركض للحوش..بيتهم مب كبير..متوسط نسبياً بس يناسبهم ويكفيهم..على الاقل احسن عن غيرهم...</font>
    </font></p></td></tr></tbody></table>


    </p>


    <font size=2></font></p><font size=2>
    <p style="text-kashida: 0%"><font face="arial, helvetica" size=3><font face="arial, helvetica,verdana">بطلت الباب وهو دخل بالسياره..ووقفها عند باب الصاله...وهي صكت الباب وركضت للسياره...وبطلت الباب الجدامي وشافت عمتها وهي شكلها مرهق وتعبان على الاخر..

    مريم مبتسمه وتمسك ايدها: الحمدلله على السلامه عمووه..

    ام عبدالله: الله يسلمج يا مريم...

    مريم: هو شو تانسين ان شاء الله مرتاحه؟

    ام عبدالله وهي تير عباتها من على السيت: الحمدلله على كل حال شو بنقول بعد..

    وسارت صوب ابوها: اهلين ابويه..والله تولهنا عليك..

    بوعبدالله صد الصوب الثاني: شلي الاغراض اللي في السياره وديهن المطبخ..

    حست بإحباط..يتجاهلها ولا كأنها موجوده..ملغي وجودها من الدنيا..عمره ما حسسها انها شي او حسسها بأهميتها ولا دورها في الحياه...

    ام عبدالله: مريم..تعالي شلي هالاغراض وديهن حجرتي..

    كانت واقفه متصنمه..."هذي انا..&#33;&#33; هذي حياتي بكل اختصار..تتلخص في معادله بسيط واربع كلمات...هن..يا أخدمهم ويلبسوني..يا أعاندهم ويذبحوني.. خيارين احلاهم مر...&#33;&#33;&#33; بس الله كريم....(تبتسم بثقه) اكيد الياي احلى"

    شلت اكياس عمتها وسارت وياها الصاله وفتحت لها الباب..ومشت وياها لين حجرتها وهي تسولف وتسولف وهذيك ما ترد عليها خير شر...

    مريم: عمتي قبل يومين برهوم ما كان طايع يسير المدرسه..بس الحمدلله اقنعته وبالغصب طاع..صدق صدق لعوزني..الحمدلله انج رديتي...على الاقل الحين البيت فيه هيبه والكل بيحسب الف حساب قبل يسوي شي..صح عمتي..

    ام عبدالله ساكته وعقت برقعها وشيلتها..

    مريم: البنات زينات حليلهن ما يسون شي..كل اللي يقدرن عليه دراستهن..ويساعدني شوي في البيت بس ما خليهن وايد..بعدين يتعطلن وتقولون انا السبب..بس عمتي صدق صدق..البيت مب نظيف...والله اني كل يوم اكد فيه ...هيه نسيت اخبرج عبدالله...ما شفته اليوم..شكله طلع دوامه من وقت..

    ام عبدالله يرت لحافها وانسدحت على ينبها...

    مريم: عمتي شو يأكلونج هناك..شو مشتهيه تتغدين اليوم...انا بسويه..

    ام عبدالله كانت مصدعه على الاخر..ومب فايجه تتضارب ويا مريم من اول يوم..مب متفيجه للمشاكل وصدعة الراس..والبنت تهذرب وايد على بالها اشتاقت لها هالفرعونه..اقصد هالعمه..&#33;&#33;&#33;

    ام عبدالله بضيج: طلعي من هني لاعت جبدي..ما طلبت منج أي تفاصيل شو صار ما صار..انا اعرف عيالي وعارفه شو مربيه...خليني ارتاح..ما يكفي كل اللي فيني بسببج..

    طالعتها مريم بغرابه.."هاي اشفيها طايحه فيني...الحين كلما صار لها شي بتحط علي انا..&#33;&#33;&#33;"

    مريم بهدوء: زين عمتي انا بروح الصاله اذا تبين تتريقين قولي لي...زين ترايه زهبت الريوق..والـبخـ ـ ـ .........

    شهقت مريم ونشت بسرعه: يا ويلي الفحم على النار نسيته...

    ربعت للمطبخ تشوف الفحم من سواده انجلب ابيض..بس اتنفست بعمق وهي تحمد الله وتشكره..ما صار شي..

    مريم بخاطرها"الحمدلله ما صار شي..مافيني استقبلهم بحريجه في البيت..&#33;&#33;&#33;"

    دخل بو عبدالله المطبخ وهو شكله يدور على شي وانتبه ان مريم موجوده وتنقل الفحم للمدخن..

    بوعبدالله: شو تسوين؟&#33;&#33;

    مريم: بدخن البيت..

    بو عبدالله: زين انا حطيت الاكياس عند المغسله سيري غسلي الثياب وكويهن..من متى وهن بالمستشفى..

    مريم: ان شاء الله بس عقب الغدا عشان الحين لازم ابدا اسوي الغدا ولو بديت فيهن مابخلــ...

    طلع بو عبدالله وخلاها..ما يعني له كلامها أي شي ولا يهمه شو تقول ولا شو بتسوي..اهم شي عنده انها تخدمهم بدون كلام ولا تذمر..وموفره عليه راتب شغاله كل اخر شهر...

    مريم بخاطرها" مب مشكله..عقب يصير خير...لو كنت احسن عن جي ومتعلمه على الاقل كنت بخليهم يعطوني ويه ويعبروني...بس انا الغبيه اللي رضيت على نفسي ووافقتهم في اللي بيسوونه..اممم صدق قهر...يا ليتني اقدر اقوله يخليني اكمل دراستي..(عضت على شفايفها) صدق اني غبيه..الحين لو كملت دراستي بأي صف بيحطوني...يا فضيحتي..الحين اللي بيحطوني في صفهم مفروض يكونون عيالي...لا لا بعدني صغيره شو عيالي...بعده وقت وانا صغيره والعلم مب لشخص معين...(وصفعت نفسها وهي مبرطمه) مشكله احلام الفقراء..."

    شلت المدخن وظهرت صوب حجر البيت والميلسين ميلس الحريم والريايل بتبخرهن..تعرف الناس بتييهم الحين وبتزورهم عشان عمتها ظهرت من المستشفى...

    دخلت الميلس وسمعت صوت ابوها وهو يرمس تلفون وشكله ساير البيت داخل وبيروح عند مرته..وانشغلت هي بالبخور...اللي ما تقدر تتكلم عنه ولا تنطق به..هو انها ما شافت عبدالله اخوها من ثلاث ايام...الله يستر وينه بس..&#33;&#33;&#33;&#33;

    "هذا اخوي عبدالله..بحياتي ما شفته ييلس في البيت...يوم يحس ان فيه رقاد ولا يوم يتوله على اكل البيت يرد..حسبي الله على ابليسه..انا لين متى بتم متستره على هالولد..صدق صدق انا اللي بروح فيها لو كشفوه...&#33;&#33;"

    هزت راسها بأسف وهي تبخر الميلس..انترس كله اعمدة دخان بيضا تتمايل في جو الغرفه...نست عمرها وهي تفكر في اخوها..هالاخ الوحيد اللي كبير عندها في البيت..بس طبعا ً بدون ادنى شك انه اصغر عنها..عبدالله للحين ما كمل عشرين سنه..فرق العمر بينها وبينه مب كبير..تقريباً ثلاث سنوات..يعني هي بتكون الحين 23 سنه...

    طلعت من الميلس وسارت ميلس الحريم ودخنته..وعقبها خطفت على حرمة ابوها وقبل تدخل الغرفه وبطبيعة الانسان الفضوليه سمعت عمتها تقول" مريم"..

    وقفت مريم تسمع شو يقولون عنها..

    مريم مستغربه" شو بتقول هاي عني...انا شسويت الحين بتحرض ابوي علي فيه..؟؟ الله يستر"

    وياها صوت الهمس اللي بدا يعلى وهي تسمعه بوضوح الحين...

    بوعبدالله: انا بعزمهم اليوم واذا ما يوا برايهم...

    ام عبدالله: هاي امك حشره شو تباها بعد بتيي وتحشر البيت مافينا علىصدعتها..بتقول من متى ما سألت عني ومن متى ما زرتني وليش عيالك ما يسلمون علي وليش بناتك ما ييني..وبتسوي لك موال ماله اول ولا اخر..

    بوعبدالله: والحين مريم شو يخصها بالموضوع؟

    ام عبدالله: بتقولك اريدها تيي تبات لها ليلتين عندي متولهه عليها..خلوها يوم ما عندها مدرسه...

    بو عبدالله: لا لا من قال..حتى لو قالت انا ما بوافق..شو يوديها البيت العود..بعدين البيت يحتاي الشغل وانتي للحين تعبانه مافيج حيل تقومين بشغل المطبخ ولا التنظيف..

    ام عبدالله: عسب جي اقولك احسن حل انك تعزم اخوك بس والبنات ماله داعي..

    بو عبدالله بتردد: بس البنات من زمان ما وجبتهن ولا عزمتهن على شي حتى زياره خفيفه ما زورهن..لا يا موزه لازم اعزم خواتي...وبعدين هذي فرحتنا فيج لازم امي تي..

    ام عبدالله بضيج: سو اللي تبى برايك..

    بو عبدالله: كله ولا زعلج عاد..خلاص بعزم اخوي والبنات وامي ماله داعي..

    برا عند الباب تضيجت مريم لابعد حد..يا كم كثر تولهت على يدتها وودها تشوفها..وكم كثر مرت شهور ما شافتها..وكلما راحوا البيت العود ما يودونها ويوم تسألهم يقولوا انها ما تطيع وتقول بعيده المسافه...

    تنهدت مريم" الله ياخذج يا حرمة ابوي اففف منج لازم تخربين مخ ابوي ويضارب ويا امه بسبتج...يعلج.....امم خلاص ما بدعي عليها الحين ناقصه انا ذنوب واشل ذنوب هالفرعونه وياي.."

    دقت الباب واتريت حد يرد عليها..

    مريم: عمووه بدخل يايه ادخن حجرتج..

    ام عبدالله: ادخلي..

    دخلت مريم وشافت عمتها منسدحه على الارض وابوها يجلب التلفزيون يطالع القنوات..بخرت الحجره وشيلة عمتها وثيابها وبخرت ثياب ابوها وسفره وقبل تطلع..

    مريم: شي غدا معين بخاطركم..

    ام عبدالله بقرف: سوي اللي تبين انا مب مشتهيه شي..بس ترا الليله في عزيمه على العشا..رتبي البيت ونظفيه عدل...

    مريم تصطنع المفاجأه: لا والله&#33;&#33;&#33;&#33; تستاهلين يالغاليه مهرجان هب الا عزيمه..

    بوعبدالله: زين فارجي وخلصي شغلج وخلج من الهذربان اللي ما منه فايده..

    شي صار يصير فيه بلا وعي منه...
    طلعت مريم وهي مبتسمه..يا سلام اليوم بتشوف عماتها..يالله ما تتخيل كيف تولهت عليهن..عمها بعد والله له شوق خاص...يغير جوها ويقلبه مليون درجه وناسه وضحك..على الاقل احسن من مجابل ويه اهلها اللي يرفعون الضغط ويسببون كل انواع امراض السكر والقلب وتصلب الشراييين..وكل انواع الجلطات والامراض المستعصيه...

    بس لو تزورها الكره الارضيه كلها ما تعوضها عن ويه ملاكها الغالي...عن شوقها ولهفتها وجنتها ونارها..عن ويه الغاليه...

    "امايه فديتها....&#33;&#33; والله ماقدر اتخيل شوقي لها...(تتنهد وهي مبتسمه بشوق) متى اشوفج وتنتهي كل همومي في الدنيا..&#33;&#33;"

    مريم عاشت العمر اللي راح بدون اغلى شي يملكه أي مخلوق..الحين مرت السنين وهي تعيش بدونه تحاول تتأقلم بس ما تقدر...في بالها ذكريات ضبابيه وشبه صوره وملامح..وبقايا احساس..

    ذاك الويه بطلته البهيه&#33;&#33;...وهذاك الكف..&#33;&#33; وهذيك النظره..&#33;&#33;..وبقايا عطر وريحه وحنان...كل شي صار بحكم البقايا..مر العمر طويل وسريع..وهي ما تحمل غير البقايا....

    ياكثر ما تولهت على هذاك الحس..ياكثر ما شدها الشوق..بس للاسف مابقى منها غير صوره في البرواز..

    16 سنه مرت...سنه تتبعها سنه..ومريم صدر في حقها حكم بالفراق مدى الحياه مع مصدر نبضها واحساسها...مرت سنين طويله..كانت اخر محطه مر فيها قطار عمرها على سيدة قلبها الاولى وعمرها سبع سنوات..

    مريم"خلني اروح الحين اسوي لي شغله..مافيني على حشرة عمتي..يوم بيوون عماتي بتيلس تذم فيني جدامهن وانا مب ناقصه حشره..الله يعين بس"

    ...................

    "كان لازم اسوي هالشي من زمان...&#33;&#33;..كان لازم اني احسسه ان العالم ما انتهى..ولا الناس انتهوا...كان لازم اقوله ان كل شي يبدا لازم ينتهي..وكل امر في الدنيا وكل موقف في الحياه لازم تعترضه الازمات..كان لازم افهمه ان الدنيا لازم تلف ظهرها بيوم من الايام بلحظة غدر..&#33;&#33;..كان لازم اني اكون اقوى من قبل..لازم اتغلب على ضعفي كأنثى واحسسه ان العالم يتغير كل ثانيه..ولازم يكون مستعد انه يتغير معاه بنفس الثانيه اللي يتغير فيها...سعيد لازم يعيش حياته من اول ويديد..لازم نبنيها مع بعض...لو الكل يأس وقضى على الامل في قلبه..انا مستحيل أيأس...مستحيل احسسه انه خلاص ضاع.."

    تنهدت بعمق من خاطرها...وانجلبت على الجهة الثانيه تشوف الساعه..كانت الدقايق شبه واقفه والثواني تتسابق وعقرب الساعه الصغير موجه على الرقم 11...ابتسمت وهي تفكر..

    "الحين وقت الفسحه...حليلهن البنات اكيد يركضن ركض لهالمقصف..(ضحكت وهي تتذكر تعليقات روضه على البنات) شو يسوون يا ترى الحين..شو عليهم من الحصص..؟؟ والله انا مقصره وايد في حق ربيعاتي..شغلتني ظروف سعيد اني اهتم بهن واتطمن عليهن..وهن بعد ما يقصرن قطعن الاتصال عني بالمره..فديتها رويض والله هي الوحيده اللي للحين ما قطعت..ولا قصرت فيني...ان شاء الله اليوم بحاول اشوف لي وقت افضى فيه واكلمهن...على الاقل اشغل نفسي شوي يوم ان ماشي دراسه..."........
    ...........................

    قامت شمسه..غسلت ويهها ولفت شعرها..بتسير تيلس ويا سعيد..اخوها اللي اكبر عنها..عمره 24 سنه..متخرج من جامعة كبيره في الولايات المتحده..حاصل على امتياز مع مرتبة الشرف..غير انه ما كمل جميله ورد رافع راسه..الا لازم لكل جواد كبوه..وتعثر الفارس في عيون شقرا..عاش معاها العمر اللي قضاه في العلم اثمر فيها زواجه عن دانه..اللي قلبت له حياته فوق تحت ونورتها وخلته يعيش أجمل شعور ممكن يعيشه رجل في الدنيا..اللي هو احساس الابوه..

    طلعت شمسه من حجرتها..ومشت في الممر لين ما وصلت حجرة اخوها..تعودت على هالمشوار اليومي..واجب عليها من واجبات حياتها انها تخلي هالانسان يطلع من هالقبر اللي دفن عمره فيه بوقت مبكر...واجب عليها رسمته وهدف نصبته ان سعيد بيرد سعيد على ايدها..

    طرقات ناعمه خفيفه على الباب..ودخلت على طول لانها كالعاده ما بتلاقي رد...تنهدت وهي تشوفه يتمشى في الحجره على غير هدى...من هالجدار لذاك الجدار..الصمت عنوانه...

    شمسه تجاهد عشان تبتسم: سعيد صباح الخير..

    انتبه لها ووقف عند اليدار..وطالعها ولف ويهه..كان يحاول يتجاهلها قد ما يقدر..بس ما يأست منه..كانت كلما نفر منها قربت منه وعاندته اكثر..

    شمسه: سعيد صباح الخير..

    سعيد: صباح النور..شو تبين؟

    شمسه بطرف عينها: استح على ويهك تقول لي جي...انا اختك وحيدتك جنتك ونارك تتكلم عني جي..

    سعيد: جنتي وناري؟؟ ليش انتي امي وانا مادري؟

    شمسه بجديه: انت حتى امك قصرت فيها كيف ما بتقصر فيني انا..؟

    سعيد: مب وقت محاسبه..لو سمحتي شمسه انا ابى اتم بروحي..

    شمسه: الحين انا ناشه من فير الله اجابلك وايلس وياك واسليك وانت بكل بساطه تقولي روحي مابا اسمعج مابا اكلمج..ما تعبت من هالهذربه..من هالرمسه اللي مالها داعي..من هالتجريح اللي كل يوم تسويه فينا..

    سعيد تنهد بعمق: شمسه الموضوع مفروغ منه...

    شمسه: يالله نتريق مع بعض...

    سعيد: ماريد اتريق ولا ابى شي...

    شمسه بعصبيه: سعيد اطلع من هالبيت..انت مب حرمه..سير دور لك شغل وفكنا من هالهم اللي جاثم على قلوبنا..

    طالعها سعيد وحس اطرافه ترتجف...ما مر على الحادثه غير اسبوعين عفسن نفسيته فوق تحت وخلنه يعيش الهم بحذافيره..

    مرت به جداول الذكريات وصفحاتها ونجومها وسماءها..مرت عليه الذكريات سريعاً كالمنى...ويت في باله صوره بدت تهتز..لعيونٍ لا هي رماديه ولا هي زرقا..وشعر مجعد ما بين البرتقالي والبني...وطول فارع وجسم اقرب ما يكون للنحيف..

    جوليا: wat’s the mean of dana?

    سعيد مبتسم: it’s another name for the pearl

    جوليا معترضه: that’s not nice &#33;&#33;

    سعيد: you will love it later

    جوليا: how can i say it ?

    سعيد: دانـــه..

    جوليا وهي تحاول تضبطها: دانــا

    سعيد: دانه ...say huh da last letter

    جوليا بتعب: oh, that’s enough i’ll call her dana

    سعيد يضحك...

    تنهد من قلبه وهو يتذكر بنته بنت السنتين وشي..مب متحسف على هالأمريكيه..مب متحسف عليها صدق..كل اللي سبب له تدمير شامل لاحساسه وشلل كامل لتفكيره هو غياب دانة..كانت ماليه عليه حياته..ابتسامتها وضحكتها ومشيتها...عيونها الوساع وبياضها المدهش..وخدودها اللي ما ينفصل عنها اللون الوردي...ضروسها المرتبه الاربعه اللي ظهرن..وايد اشياء مايقدر ينسى تفاصيلها...

    شمسه: سعييييد&#33;&#33;&#33;&#33;

    انتبه اكثر واللي يشوفه يقول كان في غيبوبه وتوه نش...

    شمسه بتعب: سعيد..والله عمرك ما بتحصل شي من هاللي انت فيه..لو عشت عمرك دبل ما بتحصل شي صدقني..انا مب يالسه احبطك..كثر ما انا يالسه اقولك الصدق..

    سعيد اللي بدا يتعب ويتضايج صدق من شمسه...وما قدر انه يجابلها اكثر...تعب صدق..وهلوسته مع نفسه زادت..

    شمسه: سعيد بنزل اييب الريوق فوق وبنتريق مع بعض وخلك من هاللي انت فيه..دقايق وبرد لك...

    طلعت شمسه وسعيد قفل الباب بالمفتاح وبهالطريقه بيرتاح من شمسه ومن حشرتها..شمسه اللي ما قدر لها جميلها ولا عرف قيمة تضحيتها واللي سوته علشانه...

    ما قدر ابد انها رغم تفوقها اللي ما يقل عنه..ورغم شطارتها ومستقبلها المرسوم في عيون الكل..ونظرة الفخر اللي يشوفها بها ابوها تخلت عن سنه كامله من عمرها عشانه..عشان توقف معاه في محنته..مسكينه تتحراه بيفتكر فيها..بيحس بعمق تعبهم وحزنهم...بس للاسف كان هو اشد من انه يحس فيهم ولا يقدرهم...

    رد ويلس على شبريته..ما حس بدموعه الا بحر على ويهه..كانت كل تصرفاته خارجه عن ارادته ..
    نزلت شمسه الصاله وشافت امها تتكلم في التلفون صبحت عليها وحبتها على راسها..

    شمسه: شصبحتي اليوم يالغاليه..؟

    ام سعيد: صبحج الله بالخير..هاه غناتي مريتي على اخوج شفتيه.؟

    شمسه: هيه الحين بطلع اتريق عنده..

    ام سعيد: بارك الله فيج يا غناتي...والله محد يجبر بخاطريه غيرج..

    وردت ترمس في التلفون وشمسه سارت المطبخ..بتعابل في الريوق اللي بتسويه لها هي وسعيد..

    وفي الصاله المكان اللي يالسه فيه ام سعيد تتكلم تلفون مع وحده من جاراتها..

    ام حمد: هاه يا ام سعيد شو يانس ولدج الحين..؟

    ام سعيد: مافيه شي بخير تعرفين الا متأثر من عقب هالحمرا الله يقلعها..

    ام حمد تضحك: خلاص انقلعت وخلصت..الا هو شو حالته الحين؟

    ام سعيد تحاول تتهرب من هالسؤال: مافيه شي الا ضايج وما يبا يرمس حد..

    ام حمد: وليش ما تعرضونه على دختر خاف الا مريض..؟

    ام سعيد بإرتباك: لا بسم الله عليه مافيه شي..شحقه دختر بعد؟

    ام حمد: انا ماقصد انه فيه مرض..يمكن نفسيته تعبانه وضايج..

    ام سعيد بضيج: قصدج تقولين نوديه علاج نفسي؟

    ام حمد: هيه هاللي اقصده يا ام سعيد...

    ام سعيد بعصبيه: ولديه هب مينون اوديه يتعالج عند هذيل مال النفس مادري شسمهم..

    ام حمد تتدارك الموضوع: والله يا ام سعيد انه هب مال الميانين وكل الناس تروح...محد يدري كم كثر مهموم وضايج انجلب حاله.. وصعب على اهله يداوونه وودوه هناك وصار باذن الله بخير..لا تكبرين الموضوع وما عليج من رمسة الناس تراها لا تودي ولا تييب..

    ام سعيد: كثر خيرج يا ام حمد وانا اللي تحريتج بتخافين على سعيد وتدارينه لا صار فيني شي والحين تقولين لي اودي ولديه مستشفى الميانين؟

    ام حمد باقناع: الله يهديج يا فاطمه..وين ميانين...ولدج صاحي ما بلاه شي غير الضيج اللي يمر فيه..واسمعي رمستي وبتقولين ام حمد قالت ويشهد علي الله ان غلاته من غلاة حمد ومابا يصير به شي مثل ما ودي بسلامة حمد ولدي..

    ام سعيد زعلت: زين خلاص انا اترخص منج الحين ردي السلام على بوحمد والبنات وحمد...

    ام حمد: الله يسلمج ولا تاخذين على خاطرج يا ام سعيد وفكري برمستي..

    ام سعيد بضيج اكثر: الرب حافظ...

    ام حمد: في وداعة الله...

    صكت التلفون ام سعيد وهي صدق ضايجه الحين الناس ترمس عن ولدها...ما مر على السالفه اكثر من اسبوع ونص..ولدها انجلب حاله فوق تحت...يمشي بروحه ويتكلم بروحه ومرات ينفجر يصيح...اكثر من جي انه ممتنع عن الاكل والكلام الا لو تمت شمسه تحن على راسه...

    "محد يعرف تفاصيل بيتنا...&#33;&#33;&#33; عيل كيف تعرف الناس شيصير على ولدي&#33;&#33;&#33;&#33; هذي شمسه اكيد تقول لربيعاتها في التلفون وهن ينقلن الرمسه من هني لهناك..."

    ونشت من مكانها رايحه المطبخ...

    ام سعيد تزقر بصوت عالي: شمسه...&#33;&#33; شمسه&#33;.&#33;&#33;&#33;

    شمسه: لبيه يا عيون شمسه...

    ام سعيد: شو تسوين؟

    شمسه: ريوق لي انا وسعيد..

    ام سعيد: تعالي اباج خلي البشكاره تسويه برمسج...

    نشفت شمسه ايديها وسارت تيلس عند امها...

    شمسه: هاه امي عسى ما شر؟

    ام سعيد: انتي من ترمسين من البنات؟

    شمسه مستغربه: وايد&#33;&#33;...ليش؟

    ام سعيد: انت تخبرين حد من خوياتج عن سعيد خوج واللي يصير في البيت؟

    شمسه مستغربه اكثر: لا والله ليش؟

    ام سعيد متردده: لا ماشي..بس ترا هب زين البنت تنقل اسرار اهلها للناس..اللي اليوم ترمس في بيت ابوها باجر بيعافونها الناس وبيقولون مثل ما رمسة في بيت ابوها اكيد بترمس في بيت ريلها...

    شمسه: امايه شو تقولين...؟ انا عمري ما رمست عنكم الا بكل خير..وبعدين من هاللي اهم منكم عندي بقوله اسرار بيتي واخليه يتشفى فينا؟

    ام سعيد: ما قلت انج قلتي انا نشدتج وخلاص.والحين انصحج بما اني امج وماباج تغلطين..

    شمسه بضيج: جان على سعيد انا بحياتي ما قلت شي عنه...واقرب وحده لي روضه ما تعرف شي عنه غير اللي يعرفون كل الناس ان حرمته سافرت ويا بنته ...اما شي ثاني والله اني ماقول..الله يسامحج اذا بتشككين فيني ياامايه هذي اخرة الثقه..

    ام سعيد حست بالذنب: زين سيري الحين تريقي ويا اخوج ولا تيلسين تحاسبيني ترا قلت لج اني بس انصحج...ولا ما تبين النصيحه..

    شمسه حاولت تنهي النقاش تدري بالحريم وايد ملعوزات امها وهي بدورها تفج حرتها فيها..فقررت تخلي امها تفضفض على راحتها..

    شمسه: ان شاء الله يالغاليه...انا بطلع الحين اتريق ويا سعيد..تامريني بشي؟

    ام سعيد: لا سيري مابا منج شي...

    ردت شمسه المطبخ وهي محترقه قهر..

    "الحين هذيل شو يقولن لامي وينرفزنها هالكثر اربع وعشرين ساعه طايحه بي مواقع...&#33;&#33;&#33; ما عليه مع الايام يوم بيرد سعيد نفسيتها بتتحسن وايد ان شاء الله..اكيد ان هالعصبيه من الوضع اللي نحن نمر فيه...الله بيساعدنا ان شاء الله وبتعدي هالازمه على خير...&#33;&#33;&#33;&#33;"

    .................
    أتريا ردودكم ..انشاء الله عيبكم الجزء
    &nbsp;&nbsp;&nbsp;&nbsp;&nbsp;&nbsp; الجورية الحزينة<img src="http://oasis.bindubai.com/emoticons/fa33.gif" border=0></font>
    </font></p>&#60;&#33;-- begin template: postbit_signature --&#62;</font>
    </font>

  2. #2
    عضو جيد الصورة الرمزية الغرشوووووبة
    تاريخ التسجيل
    Apr 2004
    المشاركات
    106
    قوة التمثيل
    248
    <font color='#000000'>تسلميين الغاليه عالقصه
    &nbsp; &nbsp; &nbsp; &nbsp; &nbsp; &nbsp; &nbsp; &nbsp;الحلوووووووووووووووووو وووه...
    &nbsp; &nbsp; &nbsp; &nbsp; &nbsp; &nbsp; &nbsp; &nbsp;ونتريا التكمله..............</font>

  3. #3
    المشرف العام للموقع الصورة الرمزية بن دبي
    تاريخ التسجيل
    Dec 2001
    المشاركات
    0
    مزاجي
    Brooding
    قوة التمثيل
    200
    <font color='#000000'>تسلمين حبوبة على المرور

    &nbsp;&nbsp; والحين التكملة .....
    دقات سريعه على الجرس كانت بتحرقه...ويتواصل الرنين..وتركض بسرعه ممزوجه بالبطء اللي غالباً ما يميز أي شخص في عمرها...مستعجله وهي تسوي لهم الغدا تفتح الباب..

    ام محمد: طيب طيب...حرقت الجرس..

    ولما قربت من الباب اكثر...

    ام محمد: مين؟

    اماني: افتحي يمه..من بيجيكم ذلحين يعني؟

    ام محمد تفتح الباب:طيب وش فيكي معصبه..؟

    اماني: السلام عليكم..

    وترمي شنطتها في الممر اللي جدام الباب..

    ام محمد تصك الباب: وعليكم السلام....

    اماني معصبه: ساعه وانا واقفه عند الباب...

    ام محمد: طيب ما طاح طولك يا شيخه...انتي زي ما انتي ما نقص منك شي..انا كنت بالمطبخ مشغوله..

    اماني تروح غرفتها: ابدل واجيك ذلحين..

    ابتسمت ام محمد وسارت تكمل شغلها في المطبخ..

    واماني دخلت غرفتها وغيرت ثيابها وغسلت ويهها...وطلعت تفتح شعرها وتسحيه وعقبها بتربطه مره ثانيه...

    " يعني لازم النكد هذا كل يوم...الله ياخذ اللي اخترع المدرسه ويفكنا منها..&#33;&#33;"

    طلعت الصاله وراحت للمطبخ بيتهم مب كبير ابداً..يكفي الاشخاص الموجودين فيه..صح في اشياء وايده ما تكتمل الحياه وسيرها الا بها بس هم ما يملكونها رغم كل الحداثه اللي تعيش فيها الناس هالايام..

    اماني: اسوي معك شي؟

    ام محمد: طلعي الصحن من الدرج اللي تحت بنغرف الغدا..

    اماني: ابوي ما جا للحين؟

    ام محمد وهي تشتغل: لا والله ما جا...اليوم ما بيرجع الا الساعه 5:00 العصر...

    اماني بضجر: اففف يعني هالاسبوع ما بيتغدا معانا ولا يوم؟

    ام محمد تغرف العيش: لا ..لين الاربعاء الجاي بيداوم من الصبح لين خمس العصر..ويرجع سبع المسا لين 10 الليل...

    اماني: وش اللي جابرنه على فترتين مسائيه وصباحيه...؟ محنا كذا ولا كذا محنا محصلين شي...

    ام محمد: الحمدلله يا اماني قولي الحمدلله..

    اماني: طيب وين محمد الاهبل...؟

    ام محمد: راح يجيب فهد من المدرسه..&#33;&#33;

    اماني: كلمتي حد اليوم؟

    ام محمد: ايوه..جارتنا بس..ليه؟

    اماني: لا بس سؤال..

    ام محمد راحت تكمل شغلها بعيد شوي عن اماني المزعجه..

    اماني: أيش الغدا...؟

    ام محمد: كبسه..

    اماني تتنهد: كل يوم كبسه..مدري متى بنغير..؟

    ام محمد طنشتها وايد مزعجه هالبنت....&#33;&#33;&#33;

    دق الجرس...

    اماني بسرعه: انا بروح افتح هذولا اخواني..

    ام محمد تتمصخر: لا ضيوف جايينك يا شيخه...&#33;&#33;

    فتحت اماني الباب..ورمى فهد شنطته نفسها في الممر..ومحمد سلم ودخل...راح غرفته على طول وفهد ركض الحمام..واماني رجعت المطبخ...

    ام محمد: وين اخوانك؟

    اماني: الحين بيجونك..راحوا يغيروا ثيابهم...

    ام محمد: طيب روحي افرشي السفره بنتغدا...

    اماني: طيب...

    راحت اماني وكالعاده شغلت التلفزيون...وفرشت سفرة الغدا...وياهم محمد وقعد...ويلست اماني وام محمد وفهد للحين ما طلع من غرفته..
    ام محمد: تأخرت يا محمد...

    محمد: وش اسوي الطريق زحمه..وكلما جينا بنمر من مكان قال ولدك الشنطه كسرت ظهري..يعني افهم يا محمد وشلها مني...

    ام محمد شهقت: وليه ما تشلها منه...اخوك صغير ماهو قادر لكل هالي فيها من كتب..

    محمد سمى وبدا ياكل: اييه ناقص انا...&#33;&#33; مشغليني اوديه واجيبه كل يوم..ما باقي غير اشتغل له حمال..

    اماني تضحك: وش رايك تجي عندي كل يوم المدرسه بدل هالباص اللي جنني..وتشل شنطتي وتوصلني البيت...؟

    محمد يستهبل: والله ما عندي مانع&#33;&#33; ليش لاء..

    اماني تضحك..

    ام محمد: وليه اماني بتوصلها وفهد متكسل منه؟

    محمد يغمز لاماني: هي فاهمتني وخلاص..

    دخل فهد الصاله وقعد: اكيد يريد يوصلها لازم يوصلها...ولا نسيتي يمه اماني وين؟

    ام محمد للحين ما فهمت شي: ليه اماني وين؟

    فهد بصوت عالي: مدرسة بنات....&#33;&#33; ما تبغينه يفرح كيف؟؟ لازم ينبسط..رايح مدرسة بنات..

    ام محمد تغير شكلها وفي خاطرها"الحين هالمفعوص يتكلم كذا اجل وش اللي يفكر فيه محمد"

    محمد يتدارك الموضوع شكل امه صدقت: والله نمزح معك يالغاليه..هذا الولد اهبل ما يفهم شي..

    ام محمد بطرف عينها: طيب طيب اتغدوا وانتوا ساكتين..وانا اقول الكبير والعاقل..طلع اكبرهم ادبرهم..

    محمد يبتسم: احلى يا حكمه احلى يا درر...احلى يا شيخة كل النسوان...

    اماني: قلبها الرجال مسلسل بدوي اردني..&#33;&#33;

    فهد ياكل بعبث: وين ابوي؟

    اماني: توه افتكر الولد..

    ام محمد: ابوك في شغله مهو راجع قبل العصر..

    فهد: خليتوا له غدا؟

    ام محمد: ايوه بتوصيني انت؟

    محمد يتحرش في امه: اكيد ما بيوصيك..القلب هو القلب محد يتوصى فيه..

    ام محمد تبى تسوي عمرها معصبه: عيب يا محمد...وش فيك قالب هاليومين على هبل..؟

    اماني ميته ضحك: من يوم يومه توك الا اكتشفتي؟

    محمد ينش ويحب امه على راسها: فديييتج يا عمري وقلبي واحساسي وغناتي..

    اماني: مريووومه حبيبتي وحشتني والله&#33;&#33;

    ام محمد تتنهد: اييه والله وحشتنا كلنا..

    محمد بطرف عينه: خلوها تولي ما تسأل عنا ولا تدري بأخبارنا..

    ام محمد: حجة الغايب معه يا محمد لا تظلمها...

    فهد ببرود: والله ماني عارف كيف تحبون حد عمركم ما شفتوه..

    ام محمد: بكره تكبر وتفهم...

    فهد: الا اقولك يمه...

    ام محمد : قول...

    اماني: الحين بيبدا شغل العبط..

    فهد: كيف مريم بنتك وابويه مهو ابوها..وكيف نحن اخوانها وهي مهي عايشه معنا...؟

    محمد يهز راسه: سؤال وجيه...اترك للسيده هاجر الاجابه عليه..

    اماني: تفضلي سيده هاجر اجيبي على اسئلة هذا الطفل العبقري واشبعي فضوله..

    ام محمد متعقده من خبال عيالها..

    فهد يضحك: كننا في مقابله في التلفزيون..

    محمد: نعم نعم..انها مقابلة.. امي هي الضيفه وانت المعد..

    اماني: هيا تفضلي سيده هاجر لم تجيبي على السؤال؟

    فهد بفرح: والله كننا في الرسوم...

    ام محمد شلت الصحون: قومي يا اماني والله يجلس معكم ينفطر قلبه...

    محمد يمسك ايدها: اجلسي هنا..لا مفر من الاجابه..لا تخلي الولد يطلع معقد ما يفهم وش يصير في الدنيا..

    ام محمد: البركه فيك بتفهمه..وش خليتوا يا عيال هالايام ما عرفتوه..؟

    محمد: جاوبي على السؤال واماني بتشل الصحون وبتنظفهم....انتي ضيفه تحت المجهر ولا مفر من الاجابه..

    اماني عشان تتهرب من شغل المطبخ: يا محمد خل امي تروح في حالها..ولا عطها بريك ربع ساعه ونرجع للقاء..

    ام محمد: خلني اقوم يا محمد...

    فهد عيبته السالفه: منتي قايمه اجلسي هنا..ولا اذا رحتي ماني بدارس...

    ام محمد تتهرب: طيب اغسل الصحون واجيكم...اماني مهي بقادره تسوي كل شي لحالها..

    محمد: ايوه طريقه مرتبه تهربين فيها من الجواب..ما عليه ما عليه..

    ام محمد بطرف عينها وهي تنش: طيب منت عارف وش تبغيني اقولك زياده..

    فهد: يعني الكل يدري الا انا..؟

    اماني حست في امها: خلاص يا فهد انا اقولك بعدين في العصر يوم تصحى من النوم..

    فهد: طيب بروح انام انا والعصر اصحى وخبريني..

    اماني: طيب حبيبي..

    قام فهد يغسل وبيروح يرقد واماني دخلت المطبخ ويا امها ينظفون الصحون...

    نش محمد وسار حجرته بيرقد هو الثاني..لا شغل ولا مشغله..رقاد وحواطه ويا الشباب في الفريج..مخلص ثانويه عامه ويالس في البيت..مب محصل أي شغله تناسبه..اصلا وين يشتغل بشهادة ثانويه عامه..وظروفه ما سمحت له يدرس في الجامعه..وما يقدر يتخيل انه ينربط فيها اربع سنين دراسه..اصلا ما صدق انه طلع من المدرسه يروح الجامعه ليش؟؟..ابوه اصر عليه يشتغل وياه في ورشته بس ما طاع لان هالورشه مب من مستواه الاجتماعي ويبغي شي ارقى منها..بس لا هو محصل ولا غيره محصل..والظاهر انه مطوّل في حياة الحواطه هذي..
    عقب ما صبت سوناتا كوب الجاهي وقربته على الطاوله...تناولته الحرمه الكبيره العابث في تفاصيل ويهها الزمن..
    سوناتا: مدام عايشه يجي الحين..

    ام سالم: وين اروى؟

    سوناتا: اروى سوي كيك الحين يجي..

    ام سالم: خليفه وين؟

    سوناتا بملل: كلووف راقد..(وعشان تتجنب السؤال الاخير جاوبتها على طول) وحنان راقده بعد..

    ام سالم: ما سألتج عن حنان..

    لفت البشكاره بتسير..وشافت عايشه نازله من فوق..وابتسمت لها...

    عايشه: هلوو سوناتا بلاج معصبه؟

    سوناتا بضيج: هذا ماما كل شوي خبر انا من يروح من يجي..انا يتعب..

    عايشه تضحك: زين وانتي شو خسرانه جاوبي عليها وسيري..

    سوناتا: انا بعد ما يخبر هي يقول يالله روح ولي..

    عايشه تضحك: زين مب مشكله تحمليها هذي حرمة كبيره...زين سوناتا وين خلووف؟

    سوناتا: كلووف راقد..بعدين ينش..

    عايشه: زين..خلاص اذا نش خبريه اننا يالسين في الصاله..

    راحت سوناتا..وعايشه دخلت الصاله...

    عايشه: هلا والله هلا بشيخة الحريم كلهن...

    ام سالم: بدري..جان يلستي فوق شوي بعد..

    عايشه تيلس: والله يا حبيبة قلبي انا كنت راقده تعرفين الدوام وعذابه..

    ام سالم: هيه من جي ما تسألين عني ترا الدوام وكم درهم بينفعونج..

    عايشه تبتسم: افا عليج يا قلبي... كله ولا انتي..والله ولا كنوز الارض كلها تغنيني عنج..

    ام سالم تير كوب الشاي وتشرب: وين اخوانج؟

    عايشه: خلوف راقد الحين بينش..ما سلم عليج يوم رد من دوامه...؟؟

    ام سالم: لاء ظني ياني وانا راقده ما حسيت به..

    عايشه: حياتي انتي..والله تولهت عليج وادري اني مقصره وايد في حقج بس والله يا امايه غصبا عني..

    ام سالم: مب غريــ ـ ـ....

    اروى: السلام عليكم ورحمة الله وبركاته..

    ويت حطت صينية الكيك على الطاوله..

    عايشه وام سالم: وعليكم السلام..

    اروى: شعندج على امي..شو مسويه فيها؟

    ام سالم: تخبريها عاد..

    عايشه تبتسم: امايه طايحتبي تقول اني ما اتخبر ولا انشد عنها..بس والله يا اروى انتي تعرفين الدوام..

    اروى: عنبوكم انتي واخوج ببيت واحد ولا تمرون تسلمون على امكم ولا تجمعكم بها غير قعدة العصر هذي..

    ام سالم: عادي ما بيدورون للقطاعه من بعيد..اخوج سالم مودرني مب شايفتنه من شهرين اخر مره شفته ويا سلم علي يوم عيد الاضحى..

    اروى: ماعليج منهم ما يسوونج يالغاليه..

    ام سالم: والله محد فيهم الا انتي يا اروى..

    عايشه برطمت: امايه والله يوم انش الصبح تكونين راقده ما يهون علي اوعيج والظهر يوم ارد من الدوام بعد تكونين مقيله في حجرتج ما يهون علي اعكر مزاجج..امايه هذي هي حياتنا بسرعه بسرعه...

    ام سالم: الجواب جاهز والاعذار لا بد منها..

    اروى تقرب الكيك عند امها: ذوقي امايه يجنن..

    ام سالم: لا مشكوره روحه السكر عندي موصل لا تزيديني بهالحلو..الا وينها بنتج؟

    اروى: راقده مادري متى بتنش...

    عايشه: انا بطلع اوعيها هي وخلووف..

    طلعت عايشه فوق واروى تمت ويا امها..تسولف لها ويهذربن لين ما تنزل عايشه واخوها وبنت اروى حنان..

    ام سالم: الا على طاري سالم...ما اتصلتي فيه تتخبرينه عن حرمته طلعت ولا لاء؟

    اروى: والله ما دقيت يا امايه ما فضيت اليوم انا والبشكاره طلعنا كل اغراض المطبخ بنرتبه وننظفه..احس صار له فتره طويله ما نظفناه..

    ام سالم: بس يا بنتي عيب ما ننشد عن حرمته..لو هم مقصرين فينا بس المرض واجب علينا نزورهم فيه..انتي سرتي لها في المستشفى؟

    اروى: لا امايه ما عندي وقت حنان عليها امتحانات وما فضيت بعد..تباني اراجع لها وادرسها..تعرفين خلاص مابقى شي على نهاية السنه ومابا بنتي ترسب ولا تييب درجات هب زينه..

    ام سالم: ما عليج منها بنتج شاطره ومب محتايه دروسج..(وتبتسم) بتطلع على المرحوم بشطارتها ان شاء الله..

    اروى بنفس ابتسامة الرضا: ان شاء الله تطلع مثل ابوها..على الاقل فيها اشوف صورته..ما حس اني فقدته ابد...

    انقبض قلب ام سالم على بنتها..بس شو تسوي...لو عاشت عمرها كله وياها ما بتعوضها لحظه من اللي تعيشها الحين بتعاسه بعدما فقدت نصها الثاني ورفيق دربها ومشوار حياتها وابو بنتها الوحيده..في وقت مبكر من حياتها...غيرن الموضوع وتمن يسولفن بأشياء ثانيه لين ما ينزلون اللي فوق...

    وفوق عايشه كانت يالسه على شبرية حنان...

    عايشه تهزها: حنون..&#33;&#33; قومي بسرعه...يالله يدوه معصبه عليج..

    حنان بكسل: برايها تعصب..انا بحياتي ما شفتها الا معصبه..

    عايشه: مسودة الويه تسبين امي جدامي عيل شو تقولين من وراي؟

    حنان تتلحف: اوهو علينا نحن ما بنخلص من هالموال...؟

    عايشه تير اللحاف وتلعوزها: حنون قومي والله عيب عليج امي متضايجه وتتحرطم علينا ما نيلس وياها لا انا ولا انتي ولا خلووف..

    حنان يلست بكسل: زين خالوه سيري وعي خالي خليفه وانا بنش اغسل ويهي واربط شعري..والله بنش حلفت بالله اصلاً علي امتحان علوم باجر وابى امي تفهمني من وقت عشان اتفيج الليل للتلفزيون..

    ابتسمت عايشه وطلعت عنها..وسارت للاصعب..الحين خليفه يباله فرقه تدق على راسه لين ما ينش..ويباله عياله وحربيه وكل انواع الدق لين ما ينش..

    دق قوي على الباب: خلوووف نش يالله بسرعه...

    صمت كالعاده...بطلت الباب ودخلت وهو راقد ولا حاس بالدنيا حتى حركه ما تحرك..

    عايشه: خلووف نش الله يخليك تعبت وانا اركض من حجره لحجره وانت وبنت اختك حرقتوا دمي...

    بطل خليفه عيونه: شو تبين؟

    عايشه ابتسمت هذا انجاز قدرت تخليه من اول مره يفتح عيونه: خلووف امي معصبه والله قوم بنيلس وياها...

    خليفه: من متى امج تهدا اصلا عشان ما تكون معصبه..عويش خليني ارقد وراي سهره ويا الشباب الليله هب فايج لج..

    عايشه برطمت: خليفه ارجووك..عشان خاطري..نش الحين حتى حنون اللي ما تسمع الرمسه ولا تهمها امي نشت...

    خليفه بطل عيونه بكسل ومد ايده: ساعديني..&#33;&#33;

    ابتسمت عايشه وساعدته ينش..ودخل الحمام وقامت بتطلع وسمعت تلفونه يرن..بفضول ردت بتشوف من اللي متصل وتشوف على الشاشه مكتوب "بو عبدالله" استغربت هذا اكيد اخوها سالم..

    "شو يبى سالم...ليكون حرمته ماتت؟؟ اويييه..بنزل اقول لامايه تدق عليهم...ويل حالي شكل الحرمه صار فيها شي..."

    وياها صوت خليفه من الحمام يزاعج: عوووويش بعدي عن تلفوني ولا تردين عليه لا اكسر راسج..

    عايشه: زين من زين اللي يتصلون فيك الحين..متفيجه ارد عليهم...

    طلع خليفه ونشف ويهه وتلبس وتسفر وتعطر..وشل تلفونه ونسى الموضوع..وعايشه مرت على حنان ونزلن تحت..تلاقوا على الدري ويلس خليفه يغلس على حنان ويمطها من شعرها..

    حنان: اييه والله انك متفيج..

    خليفه:اصصص ولا كلمه..يوم الرياييل ترمس تقطعين الصوت..

    عايشه تضحك..

    حنان: خلووف والله ان ما بعدت ايدك عني بتشوف..

    خليفه مسكها من ورا رقبتها: خلووف؟ عيديها؟ شو قلتي؟ خلووف..

    حنان تصارخ: اييه خالي الموقر الكريم العزيز الفنان اللي محد يسواك شيخ الشباب والحلوين مطيح كل البنات ومعذب كل القلوب بعد عني لو سمحت..

    خليفه: احم ترجيني بعد..حبي ايدي..

    حنان: امايه...امايـــــه..

    خليفه: قولي ماما احسن..تذكريني بالبشاكير...

    عايشه: كلوووف خل البنيه حرام عليك..

    خليفه يير حنان ويلوي عليها بقوه ويعفصها: احبها شو اسوي..

    حنان تبعد نفسها عنه: اففف والله انك لزقه ياخي ...

    ونزلت تركض عند امها وسلمت على يدتها..وحبت امها ولوت عليها ويلست..

    حنان: امي تولهت عليج والله..

    اروى: شخبار المدرسه..

    حنان برطمت: الحين انا اتوله عليج تتخبرين عن المدرسه؟خلاص زعلت..

    ام سالم تطالع حنان بطرف عينها ما تحب دلعها ولا تحب تشوف حركات البزا هذي جدامها..بس حنان طنشت وما تهتم..
    نزل خليفه ورا حنان ومعاه عايشه...
    خليفه: السلام عليكم ورحمة الله وبركاته..
    ام سالم تطالعه بطرف عينها: وعليكم السلام...

    خليفه يستهبل: اووه امي حبيبتي هني..تصدقين اني ما شفتج بس شفت راس اروى هالمكوّر...

    اروى عاقده حياتها: انا شسويت لك الحين تتحرش فيني..؟

    خليفه يلوي على امه ويحبها بطفاسه على خدها: قسم بالله اشتأتلك..تؤبري ألبي..

    ام سالم: قوم عني يالطفس...

    عايشه كانت بتموت من الضحك هي وحنان على الطريقه اللي حب فيها خليفه امه..عفص خدها وحبها بقوه وبطريقه تلوع الجبد...ودزته امه بعيد..

    خليفه يسوي نفسه حزين: امي تعرفين اني فاقد حنان لا تعامليني بجفاء..ولا تراني بنحرف..

    ام سالم: وين تنحرف زود على هالانحراف اللي فيك..وين؟

    خليفه بطل عيونه: حرام عليج جان انا اللي من البيت للمسيد ومن المسيد للبيت صرت منحرف..شو تقولين عن باقي الشباب؟

    اروى: منحرف ونص..عيل امك ما تيلس وياها ولا تشوفها...وهي وياك بنفس البيت..عيل لا عرست وطلعت ما بنشوفك خير شر..

    عايشه: لا اله الا الله..اشفيكم على خليفه..تراه انسان له مسؤلياته وحياته اللي ملتهي فيها عنّا..

    خليفه يهز راسها ومبرطم: محد فاهمني غيرج...

    حنان: اللي يسمعك يقول واجبات ودروس وامتحانات..الا هو دوام من الصبح للظهر..عقبها تكون فاضي ماعرف شو اللي شاغلنك..

    خليفه بطرف عينه: قسم بالله بقوم افعصج اسكتي..

    اروى: خلها تعبر عن رايها..نحن ديموقراطيين..

    حنان: ايوه صح كلام امي صح..

    عايشه: خليفه اصب لك شاي ولا قهوه..

    خليفه: أي شي من ايدج ايتها الجاريه حلو..

    عايشه بطلت عيونها على الاخر: والله ما صبيت لك نقطه..يالله بنشوف من الجاريه الحين..

    ام سالم: يا حبكم لسوالف الطفاسه والهبل..

    خليفه: امي فديتج نغير جو..كم بنعيش نحن...؟

    ام سالم: بتعيش وبتعرس وبتييب عيال وبتسوي اللي مسونه سالم اخوك...

    خليفه عصب: اوهووه يا هالسالم اللي ما بنفتك من سيرته..كل يوم والثاني وانتي تقارنيني فيه..لا تخليني اكره اخوي وانتي السبب...

    ام سالم: وانا شقلت الحين..ما قلت الا الصدق..

    عايشه تذكرت: هيه صح..خليفه..ترا سالم اخوي متصل على تلفونك يوم كنت في الحمام ...دقيت له؟؟

    خليفه استغرب: والله؟

    اروى طالعت امها اللي استغربت..

    ام سالم: وابوي انا اتصل شوف اخوك شو يبى خاف الا حرمته صار عليها شي..

    خليفه يدق رقم سالم ويتصل به...ويدق ورد على طول..

    خليفه: يا حيا الله اخوي ولد امي وابوي..عاش من سمع هالصوت..

    سالم: يا مرحبا الساعه شحالك خليفه؟

    خليفه: بخير يعلك الخير شحالك انت...وشخباركم؟

    سالم: والله ماشي اخبار الا عندكم الاخبار..ان شاء الله مرتاحين..شحالها الوالده؟

    خليفه ابتسم: تدل دربها الوالده...بخير ما تشكي باس...متولهه عليك..

    ام سالم بزعل عياييز: لا لا هب متولهه عليه لا تقص عليه ولا شي..

    سالم يضحك: يا بوك لا تقص علينا العيوز بتفضحك...

    خليفه: والله انتوا مشاكل..الحين نحن نكسب فيكم اجر بس انتوا ما تبونه..مب مشكله...&#33;&#33; شحالها ام عبدالله ان شاء الله صحتها الحين احسن؟

    سالم: الحمدلله امورها مستقره...

    ام سالم تدق ريل خليفه وتهمس: قوله شصار عليها؟

    خليفه يأشر لها تصبر شوي...

    سالم: مشغول؟

    خليفه: لا والله بس حنان هالاذيه ما تخلينا نرمس ...المهم شحالكم وشحال عبدالله والبنات؟

    سالم: كلهم والله بخير يتريون زيارتكم بس...

    خليفه ابتسم..

    سالم: شحالهن عويش واروى؟

    خليفه: بخير ..اروى في البيت وعايشه من دوامها للبيت لا جديد..

    سالم: انزين يا خليفه...هذي علومكم عيل...؟

    خليفه: هيه والله..ماشي الا هاي..الا شي بخاطرك احسك تبى ترمس...

    سالم بتردد: هيه والله..بس تروم تظهر من عندك؟

    خليفه: هيه اكيد...

    ونش خليفه بيتكلم برا بس ام سالم مسكته من كندورته وأشرت له ييلس مكانه..وهو هني توهق ما عرف شو يسوي..

    خليفه متردد: ااه..اأ..انا طلعت ارمس سالم شعندك؟ شصاير؟

    سالم: لا والله ماشي بس اباك تيي انت والبنات عندنا الليله على العشا..ام عبدالله طلعت بالسلامه...ونباكم تتسمرون ويانا الليله..

    خليفه ابتسم: افا عليك بس هذا...&#33;&#33; وانا تحريت شي خطير..على العموم تستاهلون سلامة ام عبدالله..بس ليش تباني اطلع برا؟

    سالم متردد: لااا..خلاص ماشي..

    خليفه: خلاص انا والبنات والوالده ان شاء الله اليوم بنييكم...

    سالم حس بخيبة امل: خلاص حياكم ان شاء الله...

    بند خليفه ولف يشوف امه اللي تطالعه بنظره متفحصه..

    خليفه: مفاجأه&#33;&#33;&#33;&#33;

    كلهم طالعوه بلهفه...

    عايشه: شوو؟

    حنان: قول خالي شو؟

    خليفه: كلنا معزومين اليوم بيت اخوي سالم حرمته موزه طلعت من المستشفى...

    عايشه بفرح: يا سلااااام...

    حنان تصارخ: هيييه واخيراً بنطلع مكان وا كشختااااه...

    اروى ابتسمت تعرف امها ما بتوافق ..وام سالم ساكته وتطالعهم..

    خليفه: هاه يا شيخة الحريم شو رايج؟ اكيد بتوافقين..؟

    عايشه: لا والله امايه ما بتقولين لاء حرام عليج نحن نبى نطلع ما يخصني متولهه على البنات والله..

    اروى: هاه امايه شو قلتي؟

    حنان: يدووه هالمره انا طالبتنج لا تقولين لاء...بيت خالي مافيها شي..

    ام سالم اخير نطقت: سيروا لرواحكم انا هب سايره..

    عايشه: ليش امايه حرام؟

    اروى: امايه لازم تسيرين بيقولون بعدين انج اللي مقصره وان العيب منج..

    ام سالم: لا لا هب سايره اسكتن عني..انا بسير لها باجر الضحى.عزايم انا مب رايحه..

    عايشه: انزين امايه ليش؟

    ام سالم: خلاص جي..سيري انتي واختج وبنتها وباجر بسير انا..

    خليفه: خلاص امايه على راحتج..اهم شي نسير صح؟

    ام سالم بحنان وحزن: وليش يا خليفه انا بمنعك من بيت اخوك؟

    خليفه: لا الغاليه بس لازم رضاج قبل كل شي..

    ام سالم: راضيه عليك وربي شاهد بس ازعل منكم يوم ما تنشدون عني..

    خليفه يحب راسها ويحب خدها بقوه وبطفاسه مره ثانيه: افا عليج ما عاش اللي يلبسج يا عمري..انتي يا شيخة الحريم كلهن..

    ام سالم تدزه: زين قوم عني خنقتني بريحتك؟

    خليفه انصدم: شوفيها ريحتي والله متسبح&#33;&#33;&#33;

    ام سالم : ادريبك تراك خنقتني بريحة سبوحك بهالعطر..حشا صاب الغرشه على راسك..

    خليفه: احم لازم بعد..تعرفين هالغراشيب ايرهن وراي شرات العنز وهالعطر نوع من انواع الجذب..

    ام سالم تضربه بعصاتها على جتفه: قوم عني يالطفس قوم...

    اروى تبتسم وتلف على حنان: قومي هاتي كتبج بذاكر لج الحين..وراج سهره الليله وما بتردين وفيج حيل تدرسين شي..

    نطت حنان فوق بسرعه..اذا السالفه فيها طلعه هي اول وحده بتسمع الكلام..ما يطلعونهن ابد الا المدرسه والبيت والسوق في المناسبات وملت من حكرة البيت...

    "اخ لو كان ابويه عايش كنت بطلع وبدخل بالوقت اللي ابى...اسوي اللي اريد اتحكم مثل ماريد..صح قوم خوالي ما يقصرون وياي بس وايد متشددين واللي اعرفه عن اهل ابويه وايد فري وعايشين حياتهم بعيد عن هالتقاليد الباليه..."

    طلعت شنطتها ويرت كتاب العلوم وردت بتنزل تحت عند امها تدرسها لين ما يي العشا ويطلعون بيت خالها سالم....
    ..................
    الساعه تقريباً 8:10 مساءً...وصحن الفواله مرتب بطريقه مب مبهره..ومحطوط بشكل بسيط جداً وما يجذب نهائياً..والشي الوحيد اللي يلفت النظر هو الوان الحلويات المختلفه..بس البساطه اذا زادت عن حدها انجلبت لنوع من النفور من الشي...اكواب العصير مرتبات بعد وعدالهن دلال القهوه والشاي...والوحيد اللي ضايع في وسط هالغابه هي مريم اللي من الصبح معابل في المطبخ ومحد دخل عندها ابداً وكلهم مشغولين بالسوالف ويا امهم اللي قضت في المستشفى فتره طويله..

    "اصلاً محد معزوم..حاشرين الدنيا عزيمه وعزيمه..ومحد بيي غير عماتي عايشه واروى وعمي خليفه..ويا ليتنا مسوين شي مثل العالم والناس..مافي شي موجود غير فواله خفيفه وشاي وقهوه أي بيت يقدر يسويها..بس الشي اللي معجزه وصار اليوم..هو اني بفتك من العشا..(تبتسم بفرح وهي ترتب فناجين القهوه) العشا مسوينه اليوم برا..احلى واكشخ..الصراحه مشتهيه اكل عيش من برا..تعبت من طباخي وخاطري اكل شي يديد..."

    ينقطع التفكير ومونولج النفس الداخلي..بصوت رقيق ياي من عند باب المطبخ..

    ابراهيم: مريووم..مريوووم..

    مريم تنتبه: هاه برهوم...شو؟

    ابراهيم يبتسم بدلال: ابى قطعه&#33;&#33;

    مدت مريم ايدها بقطعتين: هاه حبيبي..للحين ما غيرت ثيابك..عماتك بيوون الحين..انا كويت كندورتك وسفرتك..

    ابراهيم بفرح: بلبس سفره؟ اللــّه..جنه العيد صح؟

    مريم استانست لفرحة اخوها: هيه حبيبي يالله روح بدل وتعالي عقب يوم تخلص عسب اصك لك عقم الكندوره..

    ابراهيم ياكل الحلاوه بطريقه عبثيه: انزين..

    مريم: لا لا اصبر بغسل ثمك..لين ما تلبس كندورتك بيستوي لونها اسود من الكاكاو..

    ابراهيم يضحك...

    مريم تحبه بقوه: حياتي انت..

    ابراهيم: مريوم انتي ليش ما تغيرين ثيابج..ريحتج اكل..

    استحت مريم: انزين انا بسير الحين...يالله روح غير ثيابك وتعال حجرتنا انزين؟

    ابراهيم: انزين..

    وراح ابراهيم ومريم شطبت على كل شي ودخلت حجرتها ويابت لها فوطه وطلعت الحمام بتتسبح...لاعت جبدها من مجابل الاكل والترتيب..بخرت البيت ورتبته عقب الغدا وكنست كل الحجر وغيرت ترتيب ميلس الرياييل...وغسلت ثياب خواتها وكوتهن..وبخرت ثياب عبدالله وابراهيم..وخلصت شغل المطبخ وعقبها يا دورها الحين تسبح وتغير ثيابها...
    في الصاله شوي بخطوتين ثلاث بعيد عن الحمام..في غرفه مغلق بابها بإحكام...كان واقف يتعدل جدام المنظره...يعدل السفره ويضبطها من كل جهه..ابتسم وهو يطالع ويهه..وايد راضي عن نفسه..وعنده قناعه ذاتيه ان الحياه اللي يعيشها هي الحياه اللي انخلق عشانها...

    عبدالله..وحش مصغّر عن ابوه سالم..بشكل حضاري جداً..يعني اجرام على الطريقه الحديثه...بعيد عن اساليب ابوه اللي تعود للعصر ما قبل الحجري..بكل اختصار هو مجرم بس متطور...شهادة ثاني اعدادي هي اعلى درجه وصل لها في درجات السلم التعليمي..ومن بعدها ست سنوات لهذي اللحظه يعيشها بكل ما تشتهي نفسه..ما يضيع أي فرصه انه يستانس فيها ولا يزعل نفسه...كل طرق المغازل حافظنها..وكل طرق السرقات خبير بها...

    فتح درجه وابتسم.." بعدين اييك..مب وقته الحين..خلنا نروح نستقبل الضيوف...مادري ليش الناس ما تحب تتعشى في بيوتها..شو المتعه انك تطب على خلق الله وتاكل في بيتهم..اللي تشتهيه نفسك دق على الناس اللي تبى تاكل عندهم وقلهم يطرشون لك اكل لين بيتك وفكنا من الصدعه..والله هالناس حالات"

    رد علبة المخدر...هيه المخدر&#33;&#33;&#33; مكانها..كان يغري نفسه بها شوي..بس يتأملها والتأمل يسليه لين ما يروحون بيت يدته.."هيه يدتي&#33;&#33; هاي للحين عايشه ما ماتت...؟ بل عليها ماخذه عمرها وعمر غيرها..ما تعرف توسع للناس هاي مسويه زحمه في الدنيا..."

    ضحك من خاطره وفتح الباب وقفل الغرفه ويوم لف وراه شاف مريم ماشيه في الصاله سايره حجرتهن..طالعها وهز راسه...

    عبدالله: خاطري اعرف شو فايدتج انتي في الحياه..

    مريم لبسته ودخلت حجرتها..سار وراها ووقف عند الباب...

    عبدالله: اييه يالخسفه يوم اكلمج ردي علي زين؟

    مريم: ان شاء الله..

    عبدالله: تفوو على هالويه..اللي مثلج ما تتكبر وهي ما تسوى نعال.

    مريم: انزين شكراً ممكن تخليني البس وراي شغل الله يخليك يا عبدالله..

    رقع عبدالله الباب وطلع..هاي هي متنفسه الوحيد..اكره مخلوقه على وجه الارض..يضربها يصفعها يسبها مستحيل تبكي.ولا تعترض..هذي انخلقت بس عشان ينفس فيها غضبه..

    كان طالع الحوش بيسير صوب الميلس ولمح نوره وروضه واقفات..هذيل خواته الصغار...نوره ثانويه عامه اصغر منه بثلاث سنوات..شطورة البيت الصامته..وروضه واه من روضه..عدوته اللدوده الثانيه بس مب كثر مريم..يكره في روضه طولة لسانها وقلة ادبها ومراددها..ويكره في مريم ضعفها وصمتها وسكوتها وكرهه لها يتعاضم يوم ما تجذبه لها أي عاطفه..كل عواطفه صوبها بارده..لولا انها تهيج لمشاعر غير معرفه بعض الاحيان..ولكنها سرعان ما تتلاشى اول ما يخطر على باله انها اخت من الاب فقط..

    نوره:عبدالله عبدالله..

    لف عبدالله عليها وشافها لابسه تنوره سودا وقميص ابيض...وابتسم لها وهو نادر ما يبتسم..

    نوره: وين رايح؟

    عبدالله: شلج انتي؟

    نوره: زين عوذ بالله سألتك بس..

    عبدالله: شو تبين؟

    نوره:بس لو بتسير الميلس اباك تشل وياك دلال القهوه و الاكواب..

    عبدالله: هاتيهن يالله..

    روضه: نوروه وين مريم؟

    عبدالله يوم شاف روضه لاعت جبده وسار على طول برا صوب الميلس..وهي لبسته وسارت حجرتهن...

    روضه: مريوم ادخل؟

    مريم: ادخلي خلصت انا...

    روضه بطلت الباب ويوم شافت مريم شهقت: وا كشختاااه..&#33;&#33;&#33;

    ضحكت مريم: شو فيج؟

    روضه مبتسمه: والله وايد حلوه...وايد مب شوي..

    مريم ابتسمت: شكرا حبيبتي من ذوقج..

    كانت لابسه قميص بطيخي يجنن ويعذب على بياضها..وحاطه جحال خفيف مخلنها لوحه جماليه ولا اروع...

    مريم: وين عمتي؟

    روضه: تتعدل في حجرتها...سمعي مريامي يقولج ابوي وديله المدخن الميلس...الحين..

    مريم تحط اخر لمسه في شعرها: اوكي خلاص سايره له الحين..

    طلعت مريم وروضه تراقبها..صح روضه بنت ال 16 سنه غرشوبه وطولها فارع..ولها جمالها الخاص فيها بس بعد ما يمنع انها حست بغيره خفيفه من اختها مريم..وايد بسيطه بس حلوه..ولو تهتم بنفسها اكثر اكيد بتكون ملكة جمال...

    سارت مريم للميلس بتشوف ابوها وتوديله المدخن...دقت الباب وزقرها...

    مريم: ابويه طلبت المدخن؟

    وانتبه عبدالله ان مريم في الميلس رفع راسه يطالعها ويوم حست انه يطالعها طالعته وهو على طول حوّل نظره للتلفزيون وكان خاطره يقوم يصفعها ليش حست انه يطالعها..

    بوعبدالله: رتبتي البيت من داخل؟

    مريم: كل شي زاهب ما بقى شي...

    بوعبدالله: زين روحي..

    طلعت مريم ماسكه المدخن وهي سايره صوب المطبخ شافت عمتها واقفه تأشر لها عند باب صالة البيت..

    مريم: هاه عمتي؟

    ام عبدالله: تعالي يالطمه..&#33;&#33;

    مريم قربت اكثر: هاه عمتي شو تبين؟

    احترق قلب ام عبدالله على مريم حقد..وبدت نار الكراهيه تشتعل في قلبها وما عرفت كيف تعفس مزاجها وتبين لها انها ما تسوى شي ولا لها في امرها شور..

    ام عبدالله بحقد: شو هاللي لابستنه؟

    مريم مستغربه: شو فيه؟

    ام عبدالله بحقد اكثر: ما تستحين تلبسين هاللبس وعماتج بيوون؟

    مريم بطلت عيونها: ليش شو بلاه؟ مب عاري ولا فيه شي؟

    ام عبدالله تأمرها: روحي غيريه..ولاّ لا تيلسين عندي ولا اشوفج..

    مريم حست بغصه..بس شو بتسوي..شو بتقول...

    مريم: ان شاء الله عموه..بس خلني اسير اييب الدلال من المطبخ وبسير اغيره على طول..

    دخلت ام عبدالله البيت وقلبها يشتعل نيران كراهيه صوب هالبنت..ما تبى أي نوع من انواع الجذب والتعاطف تكون من نصيب مريم..وبتحاول قد ما تقدر تخلي كل انواع النفور منها ومن الناس تيي صوبها لو كلفها هالشي حياتها..

    ردت مريم من المطبخ واول ما وصلت الصاله كان جرس البيت يدق..وطالعت من الجامه وشافت عماتها وعمها خليفه داخلين بالسياره صوب الصاله ونزلت من السياره اروى وعايشه وخليفه ووراهم حنان...

    ابتسمت من قلبها..

    "اشتقت لعمي خليفه صدق صدق اشتقت له..."

    انفتح باب الصاله وكانت اول من يستقبلهم..طبعاً للحين ما غيرت ثيابها اللي قالت لها عمتها تغيرها...وظهرت لهم نوره وروضه وابراهيم..ووقفوا عند باب الصاله يسلمون عليهم..لا شوق ولا لهفه ولا حب..مشاعر بارده من كل الاطراف..ومناسبات جافه تجمعهم..وظروف حياتيه وعالم كله مصالح ومشاغل فرقهم عن بعض..

    خليفه: ادخل ولا في حد داخل؟

    روضه: من غيرنا في البيت..محد لا تخاف اقرب...

    ويلسوا كلهم في الصاله...وبعد السلامات والاسئله المعروفه من التخبر على الحال والعلوم والصحه وكل امور الحياه...

    اروى: وين موزه عيل؟

    نوره: دقايق والحينه بتيي..

    روضه: بعدها تحط اللمسات الاخيره امايه..نجمة السهره اليوم..

    خليفه نش ويلس عدال مريم: شحالج حبيبتي..

    مريم مبتسمه: بخير شحالك عمي؟

    خليفه: بخير..وينج ما تنشدين عنّا.؟ امي زعلانه عليج...&#33;&#33;

    مريم تبلع ريجها: فديتهــا يدوه..والله عمي غصب عني مشغوله...

    خليفه وهو يشوف في عيونها رواية حزن وشقى: تكلمين امج؟

    مريم تهز راسها ان هيه...

    خليفه حس انها تكذب: صدق مريم تكلمينها؟

    مريم بابتسامه مصطنعه: هيه اكلمها..

    خليفه يتنهد: برايج انا سألتج وما بتخسرين شي لو قلتي الصدق..

    يت حنان ويلست عدال مريم: اقولج مريم عادي اشغل التلفزيون؟

    خليفه يمسكها من ايدها ويلويها: انتي يايه عشان تطالعين التلفزيون ولا تيلسين ويا الناس؟

    مريم تضحك: عمي حرام عليك عورتها..خلها تستانس...

    خبرتها مريم وسارت تشغله وتيلس تطالع اللي تتابع...وعايشه ونوره وروضه واروى يسولفون ومريم نشت تييب العصير والفواله...وعقب عشر دقايق حدرت ام عبدالله ويلست وياهم في الصاله..ويوم دخلت مريم الصاله شافتها ام عبدالله اللي بينت على ويهها علامات الصدمه وهي تشوفها للحين ما غيرت ثيابها...واللي ما انتبهت له ام عبدالله ان خليفه كان يراقب تقاسيم ويهها وهي تتابع مريم بنظراتها وحركاتها...اللي ما انتبهت له ام عبدالله ان خليفه كان فاهم كل شي بس ساكت...

    &nbsp;&nbsp;&nbsp;&nbsp;</font>

  4. #4
    عضو جيد الصورة الرمزية الغرشوووووبة
    تاريخ التسجيل
    Apr 2004
    المشاركات
    106
    قوة التمثيل
    248
    <font color='#000000'>تسلميييين الغاليه على التكمله
    &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; ونترياااااااا التكمللللللللللللللله.....</font>

  5. #5
    المشرف العام للموقع الصورة الرمزية بن دبي
    تاريخ التسجيل
    Dec 2001
    المشاركات
    0
    مزاجي
    Brooding
    قوة التمثيل
    200
    <font color='#000000'><p style="text-kashida: 0%"><font face="arial, helvetica" size=3><font face="arial, helvetica,verdana">اماني طالعته بس ما ردت عليه...كانت تتمنى لو يقول محمد لابوها قوم انا بكلمها..ما تقدر تفضفض باللي في قلبها لابوها وما تقدر تقوله شو مزعلنها...تخاف بكلمه عفويه تجرحه...بس محمد بيسمعها وبينصحها وبيقول لها كيف تتصرف...


    بومحمد: غيبي اليوم مهو لازم تروحين لو متكدره بس قولي وش اللي مزعلنك..


    اماني تمسح دموعها وتطالع محمد وتستجديه يفهم بس هو طبل ومسطل رقاد...


    محمد: شكلها ما تبيني اسمع وانا بفككم من ازعاجي وبنام..تصبحون على خير..


    اماني في خاطرها" يا غبي...&#33;&#33; يا غبي...صدق غبي...هالحين انا كيف بفلت من تحقيق ابوي..؟؟"


    اماني: ابويه روح حط راسك لين الصبح وانا بكره اعلمك وش فيني والله الحين ما فيني حيل اقول كلمه..


    بو محمد اتفهم الوضع: خلاص يا حبيبتي روحي نامي وبكره يصير خير...


    اماني حبت ابوها وراحت تنام...وهو راح غرفته...ضيجتها ما راحت وتمت تتجلب على فراشها من الضيج..حست عمرها بتنفجر..


    "ليش ما عندي اخت اكبر مني اقولها وش في خاطري وافضفض لها باللي احسه..ليه انا البنت الوحيده...وليه لا صارت لي مشكله مع نفسي ماقدر اني اطالب بحقي ولا اقدر احتج ولا اقول رايي...كلمتي ممكن تجرح اغلى الناس في حياتي اللي هم امي وابوي...ودي افهم ليه كذا مظلومه...؟؟"


    وتمت تصيح من ضيجها لين ما رقدت...والبيت كان هدوء فضيع...بيت بو محمد في حي فقير جداً مستأجرين في طرف بيت شعبي وماخذين صاله وثلاث غرف نوم وغرفة ضيوف ومطبخ ومدخل قدام باب البيت صغير وضيق..


    ومر الوقت الصبح وما حست اماني الا بإيد بكل رقه تهزها..


    ام محمد: قومي يا اماني بيروح عنك الباص..


    اماني بطلت عيونها: كم الساعه؟


    ام محمد: قومي يا اماني تأخرتي...


    اماني نست انها بتغيب وما حست بعمرها الا يلست في الصاله تتريق ويا فهد ومحمد...طبعا ابوها طلع من وقت وسار ورشته الصغيره اللي مب مرخصه يصلح فيها السياكل والدراجات الخفيفه ولو مسكته البلديه على طول يتكنسل شغله كله...ويضيع المصدر الاول والاخير للعايله اللي تعتمد على الله و ثم على هالورشه...


    محمد: تبيني اوصلك يا اماني لو تعبانه؟


    ام محمد اللي ما تعرف شو صار: ليه وش فيها ما فيها الا العافيه...


    محمد: لا ابداً بس اليوم الفجر بعد الصلاه لقيتها جالسه مع ابوي في الصاله قلت يمكن تعبانه..


    التفتت لها ام محمد وطالعتها: وش فيكِ..؟


    اماني تذكرت انها بتغيب: ايه صح..انا بغيب اليوم ماني برايحه المدرسه ابوي قالي ما تروحي لو تعبانه..


    ام محمد مستغربه: ليه وش فيكِ؟؟ ....خلاص هذا انتي بخير اللحين روحي وشوله تقعدين مالك قعده والسنه بتخلص خلاص ما باقي شي...


    اماني بعناد: لا ماني برايحه ابوي قالي كلمه وما برجع في كلمة ابوي...


    فهد بتعاسه: طيب وش قلتي له لين ما وافق؟


    ام محمد: شوفي الحين اخوكِ يبغى يغيب والسبب انتي..


    اماني تعاتب فهد: رح المدرسه انت مالك دخل بالموضوع هذي سوالف حريم..


    محمد يطالعها باستنكار: الله يخليكِ يا شيخه انتِ...&#33;&#33;


    طلع محمد وشل فهد وياه واماني يلست عند امها اللي شكلها متكدر منها..


    اماني بضيج: طيب الحين ليه زعلتي؟


    ام محمد زعلانه: لاء ما زعلت سوي اللي يعجبك...


    اماني : والله يمه لو تعرفين وش فيني بتعذريني..


    ام محمد: انتي اصلا ما تكلمتي وما قلتي شي عشان اعذرك..


    اماني بتردد وهي تتنهد: يمه انا ماريد اروح المدرسه خلاص...


    ام محمد استخفت بالموضوع: ليه ان شاء الله حصلتي شغل؟


    اماني تطالع امها اللي ماخذتنها على قد عقلها: الحين يمه اقولك مابغى اروح المدرسه تقولين لي حصلتي شغل.. ....هذا جزاي اني ابقولك اللي في قلبي .......تقومين تتريقين......


    ام محمد: اجل ليه ما تبغين المدرسه..؟


    اماني بحزن وبنفس الوقت بصوت شوي مرتفع: يمه...انا وين والناس وين..تبغيني اتكلم بقول كل شي...شوفي يمه..انا البارحه نسيت اقولك تكوي لي مريول المدرسه وكويته لوحدي في الليل...حرقته يمه..وانتي تعرفين ان هذا مريولي الوحيد اللي مافي غيره وكمان اقولك انه حق خامس ابتدائي ومنتف وحالته حاله...يمه وش اللي يخليني اكمل وانا اقوم اجاوب في الصف والبنات يناظروني من فوق لتحت..وكل وحده فيهم اشيك عن الثانيه...واذا دق جرس الفسحه جلست في الفصل وحدي وما طلعت..تعرفين يمه ليه؟؟ انا اقولك ليه...ماقدر امشي في الساحه مع البنات لان نعالي كرمتي مقطع ومبين انه حقي في السنه الماضيه...وفوق كذا تبيني اكمل..لاء ماني مكمله وماني رايحه المدرسه بمريول محترق ونعال مقطعه..لاء يمه...شوفي انا ما قلت لابويه حاجه نفس ما علمتيني قبل انك ما تبغي احد يجرحه ويحسسه انه مقصر معانا... انا ماني رايحه للمتوسطه..هذي تبغى لها مريول وقمصان وكل يوم نعال ولبس وغير الشنط والمصاريف واني بكون بمدرسه غير هذي اللي في منطقتنا يعني بتكون على مستوى وكل الناس فيها..فأنا فكرت في الموضوع واسلم لي اجلس هنا عندك في البيت يوم اني ماني بقادره اجاري هالعالم....


    كانت اماني تتكلم بسرعه وكلامها يسم بدن امها..." وش كثر ذا البنت كاتمه في قلبها...وانفجرت كذا مره وحده ...وانا هالحين وش بقول لابوها وكيف بقنعه ان ماهي بحاجة شي وانه دلع بنات..ومن وين بشتري لها قطعه وافصل لها مريول والسنه ما بقى فيها غير اسبوعين ويعطلوا..."


    اماني تهز امها: يمه انتي معي؟


    ام محمد تتنهد: وعشان كذا ما تبين المدرسه؟


    اماني: ايوه...في شي اكبر من كذا اقولك عشانه ما ابغى المدرسه...


    ام محمد باقناع: طيب يا حبيبتي داومي هالاسبوعين بس ولين السنه الجايه يحلها الف حلال وانا اوعدك ان ربي عطاني عمر لا اشتري لك اللي في نفسك يا اماني وعد..


    اماني تهز راسها بالنفي: مابغى يمه لا تقنعيني قراري نابع من نفسي وماني براجعه فيه...


    ام محمد تتنهد: كذا يعني...&#33;&#33;&#33;


    اماني تهز راسها بالموافقه...


    ام محمد سكتت شوي وتكلمت: وشفيها لو نعالك مقطوع...ووش فيها لو طرف ثوبك محترق...ما غيرك جالس في بيته مهو بقادر يدرس ولا يسوي شي..لان ما معه فلوس تفصيل المريول اللي تلبسينه...ليــه انتي تفكري انك وصلتي لاعلى مراتب الفقر..؟ ما غيرك يا اماني يقعد بالاسابيع نايم في الشوارع بدون اكل ولا اهل ولا نوم..


    اماني تطالع امها بغرابه...


    ام محمد تكمل: ما اخوك محمد رجال طول وعرض مصروفه مثل مصروفك وما يزيد عنك بريال..وابوك هالك نفسه بهالشغل يعني وش يسوي اكثر...؟ نوم وما ينام وانتي اكثر وحده تعرفي....يا اماني قولي الحمدلله..


    اماني تتنهد: الحمدلله بس يمه....


    تقاطعها ام محمد: بس وشهو...اسمعي بقولك شي ولو اني ما كنت ناويه اقوله لحد...


    اماني بقهر: يمه ماابي اسمع أي اسرار...ليه ما نسافر الامارات يمكن يتوظف محمد هناك وتتغير حياتنا...


    تبتسم ام محمد وفي عيونها حزن: وش فيها السعوديه مهي بماليه عينك؟


    اماني سكتت...


    ام محمد: من ترك داره قل مقداره..&#33;&#33;


    اماني: احنا موب رايحين كشته...كل اللي رايحين له اننا ندور فرص حياه افضل..


    ام محمد: لو اعيش على الرصيف وعند المساجد اطلب كل يوم واخدم الناس في بيوتها عشان اوفر لكم مصاريفكم ما خليت بلدي ورحت لبلد ثاني...


    ويتقلب الماضي بسرعه في خيال ام محمد..


    اماني بطرف عينها: منتي كنتي بتعيشي فيها عمرك كله مع ابو مريم...&#33;&#33;&#33;


    ام محمد تلتفت عليها وتقوم: انا رايحه احط راسي لين الضحى اذا دق التلفون ردي عليه...


    اماني انتبهت ان امها تجاهلت سؤالها: طيب وانا راجعه انام...


    نشت اماني وراحت غرفتها وام محمد دخلت وصكت عليها الباب...


    .................
    معقوله يي اليوم اللي اقدر اردها فيه..؟؟ معقوله اني اقدر ارجعها وتيي هني بينا وتعيش مع امي وشموس...وتعيش على ارضها وبلدها...وبين هلها وناسها...؟؟"

    سعيد رغم ضعفه الخارجي وهشاشته وحجم المصيبه اللي حلت على راسه بس انه من داخل مشغل مخه ويفكر وعارف ان لازم لكل مصيبه حل...بس في شي مانعنه لا يتحرك يمنعه لا يسوي شي...في شي او بالاحرى في قوه تهبط عزيمته وتتعب نفسيته...

    يحس الالم والخجل كلما تخيل عمره يطلع ويشوفونه الناس...صلاته حولها لحجرته واعتزل المسيد...كلما حاول يكسر الحاجز اللي بينه وبين فضيحته مثلما يحب يسميها..يتذكر اشياء تخليه يضعف اكثر غصبا عنه...

    يتذكر لما كان يكتب تعبير في حصص العربي بالمدرسه...يتذكر لما فاز تعبيره بالمركز الاول على مستوى مدارس بوظبي وكان عن الزواج من اجنبيات...تذكر كيف كان يكتب بنقاء وبروح حلوه..ومادرى ان الايام بتقلب ضده وبيكون له يد في انه يكون شخص من اللي لامهم في تعبيره...&#33;&#33;&#33;

    يمسك راسه بألم ويتكلم بصوت مسموع" متى يخوز عني هالصداع...&#33;&#33; متى احس اني بخير..وفيني قوه تخليني اتحرك...متى احسس عمري اني بكامل قواي العقليه..متى اخلي كل اللي حواليه يحسون ان ما فيني شي..."

    شمسه بتأثر: سعيد انت بخير وما فيك شي...ترا كل اللي تعيشه انت صنعته لنفسك..

    انصدم سعيد يوم عرف انها تسمعه وتشوفه...وتحس بشو يفكر..

    سعيد بغضب: انتي ما تعرفين تستأذنين وتدقين الباب قبل تدخلين...؟

    شمسه بطلت عيونها: كل يوم ادق الباب ودقيته الحين مب مشكلتي لو انك ما انتبهت...سعيد انزل ابوي وخالي تحت يبونك..

    سعيد بهيجان: ماريد اشوف حد تفهمين..ماريد اشوف حد طلعي برا واذا حد طلع لي فوق لا يلوم الا نفسه...

    شمسه منصدمه: سعيد خالي حمد يترياك تحت...انت جي بهالتصرفات تخلي الكل يشك ان فيك الف شي وشي...خلك طبيعي وانزل...

    سعيد يبلع ريجه ويدور شي يفر فيه شموس اخته: طلعي اقولج برا..

    ويوم حست ان حالة اخوها صعبه وبدا يفقد سيطرته على ذاته...صكت الباب بهدوء ونزلت تحت...

    حمد: هاه بيي؟

    شمسه تهز راسها بالنفي...

    ام سعيد بضيج: ماله داعي اللي تفكرون به لا تييبون لنا الرمسه...

    بو سعيد وهو متهايز يسوي اللي حمد يباه: خلاص يا حمد ماله داعي اللي قلناه..ام سعيد معاها حق..

    حمد بضيج: افا والله مسرع رديت بكلامك..

    بو سعيد متردد: انت تعرفني ما رديت بكلامي بس ما تهون علي ام سعيد يضيج خاطرها...

    حمد ينش من مكانه: تعرف تراضيها بروحك..انا بطلع فوق..قمنا شموس..

    شمسه تبتسم بقلق: انزين خالي بس تراه ضايج وظني معصب...&#33;&#33;&#33;

    بو سعيد يتسند على الكنبه ويقوم: انا بسير وياك يا حمد...

    ام سعيد بضيج: ادريبك ما تهمك مصلحة ولدك تبى الناس تفضحنا يقولون ما عرفوا يعالجون ولدهم عقوه مستشفى ميانين..(وتبدا تصيح) انا اعرف اعرف شو قصدك..خلاص يا بو سعيد ما عاد يهمك سعيد ولا تباله الخير..

    حمد يطالع اخته: سير بو سعيد ما عليك منها ظبيه اختي وانا اعرفها بتصيح شوي وبتسكت...

    عصبت ام سعيد وطالعت اخوها بضيج...

    وطلع حمد وطنشها ووراه بو سعيد وشمسه...دقوا الباب وكالعاده مبند..

    حمد: افتح يا بو عسكور عيب عليك ضيوفك على الباب ما تدخلهم...

    سعيد: برقد هب فاتح...

    شمسه: عيب سعيد حشم خالي يايينك لين فوق...

    حمد: لا خلك من حشيمتي حشم هالشيبه اللي طالع لك لين فوق..

    استغرب سعيد على العاده ابوه ما يطلع لفوق اصلا مايروم يطلع الدري من الروماتيزم اللي فيه..

    سعيد: هب فاج الباب سيروا انا برقد..

    حمد يطالع شمسه: عندج مفتاح ولا نسخه منه..

    شمسه بهدوء: اكيد هاك خالي..

    وفتح حمد الباب بسرعه وسعيد نش بضيج ولكن حمد كان اسرع منه ويلس عنده وهو ماسك ايده بهدوء عقب ما سلم عليه..

    حمد: افا عليك يا سعيد...الناس تعاف الناس بس محد يعاف اهله...

    سعيد مطنش خاله وما رد عليه...

    حمد: وبعدين يا سعيد ما بتسلم على شيبتك واقف ساعه عند الباب...

    نش سعيد وحب ابوه ولوى عليه وحس وده يصيح بس مسك نفسه ووخى راسه..وبو سعيد مسك ايديه وشد على كتفه بقوه وبنفس الوقت بحنان...

    بو سعيد: الله لا يحرمني منك يا سعيد..

    سعيد هني صدق حس بغصه كان وده يلوي على ابوه وينفجر بس وين يصيح جدام خاله واخته شمسه..صح شافوه يصيح بس ماكان في وعيه...اما الحين وين يروم ما يقدر...

    حمد: الس سعيد..ايلس...بكلمك...

    يلس سعيد وابوه يلس حذاله ويلس حمد على الجهه الثانيه وشمسه واقفه عندهم بس عند الباب شوي..

    حمد: سعيد يا ولدي الله يرضى عليك..اسمعني للاخر بدون مقاطعه ولا نرفزه زين؟

    سعيد تنهد: اوكي...

    حمد ابتسم: وابوك شاهد عليك تفهم؟

    بوسعيد: خلاص قول اللي عندك يا حمد...

    حمد: سعيد يا ولدي...انت بخير ولله الحمد ومافيك الا العافيه...مب اول ريال في العالم تودره حرمته وتسافر عنه...وانت ريال شكبرك مفروض تكون فاهم ان هالزواج من ناس مب من ثوبك بيخليك تجني أي شي ما تتوقعه...

    بو سعيد يتنهد..وسعيد ساكت...

    حمد: انت لازم تتحرك..حياتك ما انتهت...والمستقبل كله لك...الدوله ما بتقصر وياك..كل مكان يباك وانت ما شاء الله اعلى الشهايد عندك مادري شعندك مفرحنك هالكثر ومخلنك تيلس في البيت...

    بو سعيد: مادريبه يا حمد يقول انه ما يبى يشوف حد عقب اللي صار..

    حمد باقناع: خلاص يا سعيد انا ادور لك شغل في دبي وروح هناك وشل قشارك جان تبى وبأجر لك شقه وعيش بروحك...تراك مب مشهور لدرجة ان اهل دبي بعد يعرفونك...

    ابتسم بو سعيد وضحكت شمسه...وسعيد التزم الصمت...

    حمد: خلاص شو قلت؟

    سعيد يهز راسه بالنفي...

    حمد يبتسم: اوكي اشرايك تسير تشتغل في السعوديه؟؟ شو رايك ؟

    بو سعيد مصدوم: لا وين يروح هناك..انا ما صدقت على الله رد البلاد..حق شو يشتغل في السعوديه؟

    حمد باقناع: سعيد...بخلي واحد من الكباريه يحوّل اوراقك ارامكو..وتشتغل هندسه بتروليه هناك...شو رايك؟

    دقيقة صمت عاشها سعيد...غربه مره ثانيه...ما ظني يعيد فيها نفس الغلطه..على الاقل لو سواها وخذ سعوديه بيكون اهون عليه من اجنبيه...والسعوديه مب ذاك الكثر بعيده عن الامارات...هي الا فرة حصاه..&#33;&#33;&#33;

    "صح هناك محد يعرفني..ومستحيل اقول لحد شو اللي مريت فيه...مستحيل اني ارمس ومستحيل بعد حد يعرف ان انا سعيد اللي صار معاي كل اللي صار.."

    سعيد يكسر الصمت ويفجر قنبله:يعني اعيش في السعوديه كل عمري؟؟

    تشقق حمد الا بغى يطير من الفرحه..." في تجاوب في تجاوب...اول خطوه والباقي يي بشوي شوي"

    حمد: طبعاً تعيش هناك لين ما تتقاعد او يستغنون عن خدماتك..وتقدر تيي تزور الامارات في الوقت اللي تباه..لا تنسى هني الوالد والوالده وشموس ما يصبرون عنك...

    بوسعيد كان في اشد لحظات حزنه بس قرر يفرح دام هالشي يقدر يطلع سعيد من اللي هو عايش فيه...

    شمسه دمعت ولا تكلمت..."الحين اخوي حبيبي...اللي ماصبر عنه...بيرد يغترب مره ثانيه...ولا جنا سوينا شي؟؟"

    سعيد تم يطالع يمين ويسار يقلب الفكره براسه...وتم يطالع خاله بغرابه...

    سعيد: انت شكلك تقص علي...مستحيل اصدقك...&#33;&#33;

    انصعق حمد : تونا كنا حلوين شو صار فيك؟

    سعيد بغضب: انا مب مسافر مره ثانيه..طيارات هب راكبنهن ..مب مسافر لا السعوديه ولا البحرين..ولا أي بلد...تفهمون انا مب طالع من هني...

    نش له حمد بعدما عرف ان اخر حل هو الكي: انزين يا سعيد...قوم معاي بنسير مكان...

    سعيد بارتباك وعصبيه: وين؟

    بو سعيد بحزن: البس يا سعيد وسير ويا خالك..

    سعيد مستغرب: وانت؟

    شمسه حست عمرها بتصيح: انا بسير عنكم شوي...&#33;&#33;

    سعيد: وين رايحين؟

    حمد: اتلبس واطلع وبخبرك بالسياره...

    بو سعيد: اتريوني دقايق بسير اغير سفرتي وياينكم..

    طلع حمد ويلس في الصاله فوق وبو سعيد نزل تحت يشغل الموتر وشمسه دخلت حجرتها..عرفت عمرها ما بتتحمل...

    تسفر سعيد وهو مب مطمن ابد شو بيصير له..وقبل يفتح باب الحجره تنهد من قلبه وبدا يحس بشي يكتم على انفاسه...وسمع خاله يرمس تلفون...
    حمد بهمس: جهزوا كم ممرض يساعدونا برا عند الباب اخاف يا دكتور يهيج وما نقدر نسيطر عليه..

    الدكتور: خلاص انت قبل لا توصل المستشفى دق علي وكلمني..طيب؟

    حمد: ان شاء الله..

    انصعق سعيد..."يعني انا الحين بنظرهم متخلف ومينون ويبون يعالجوني؟"

    وفتح الباب بقوه وقبل يشرد على الدري مسك خاله ايديه ولفهن بقوه وراه..وضغط عليه بقوه وصدق عوره بشكل فضيع بس مافي الا هالحل..

    كان سعيد يقاوم ويحاول قد ما يقدر انه يفلت من ايد خاله ولين ما نزلوا الصاله بصعوبه كانت ام سعيد مصدومه وسارت تربع المطبخ تصيح وركض بو سعيد يساعد اخو حرمته ويقبض ولده ودخلوه السياره..

    بعدما شاور حمد الدكتور وخبره بظروف سعيد كامله وفهمه كل شي مر به..وهني أكد الدكتور ان سعيد لازم يي المستشفى يتعالج نفسياً قبل يتحول علاجه للعلاج الجسدي..وبما ان مدة الحالة النفسيه اللي فيه ما تجاوزت اسبوع ونص فكان شور الدكتور انهم يستعجلونه وييبونه المستشفى قبل تسوء الامور...

    وهني اكيد الدكاتره بيلجأون للجلسات النفسيه بدل الاقراص المسكنه والادويه اللي بتهديه نفسيا وتقلل من هيجانه ولكنها بنفس الوقت بتسبب له اعراض مرضيه مزمنه قد تكون خطيره على حياته...

    ساق بهم بو سعيد وحمد يلس ورا وقبض سعيد بكل قوته لين ما خارت قواه الجسديه وعقبها استسلم لهم وراحوا للمستشفى كلهم...
    .....................
    </font>
    </font></p></font>

  6. #6
    أحسن عضو الصورة الرمزية شمه
    تاريخ التسجيل
    Dec 2002
    المشاركات
    1,588
    مزاجي
    Fine
    قوة التمثيل
    339
    <font color='#000000'><p align=center>مسكين سعيد و الله يعين مريم
    نتريا التكملة
    <img src="http://oasis.bindubai.com/emoticons/cool.gif" border=0></p></font>

  7. #7
    المشرف العام للموقع الصورة الرمزية بن دبي
    تاريخ التسجيل
    Dec 2001
    المشاركات
    0
    مزاجي
    Brooding
    قوة التمثيل
    200
    <font color='#000000'>العصر في بيت ام سالم...كانت حنان منسدحه على الكنبه تطالع برنامج اغاني اعاده...ويدتها يالسه في طرف الصاله الثاني..بيتهم مب ذاك الزود كبير ولا فخم...فله نفس كل فلل بوظبي الجديمه..بس على الاقل احسن عن بيت سالم بو عبدالله الجديم..واللي صار لهم قرن مجدمين في البلديه على بيت وما طلع لهم للحين وشكلهم بيتريون لين ما يشوفون عيال ابراهيم...

    ام سالم بنقمه: حنان...حنان...&#33;&#33;&#33;&#33;

    حنان بملل: هاه...

    ام سالم: خلي عنج هالتلفزيون قومي..تعالي هني يلسي برمسج...

    حنان تقلب القناه: لا يدوه مشكوره ماريد اسمع...بتيلسين تسولفين لي عن زمنج المجيد وكيف كنتي تعيشين وكيف كنتوا تسوون..وتحكي لي عن ناس ماتوا..لا فديتج ماحب اسمع هالحكايات ..قوليها حق خالي خليفه...

    ام سالم: مسودة الويه..الحين تتمصخرين على كلامي؟

    حنان تتنهد: لا حول ولا قوة الا بالله..الحين سوالفي تحولت لمصخره..الله يهديج...

    وعقت الريموت على الكنبه ونشت..

    حنان رافعه حاجب واحد وتطالع يدتها من بعيد: انا بطلع فوق يلسي مع بروحج في الصاله...

    ام سالم مبطله عيونها: مع بروحي؟

    حنان قربت تضحك: هيه مع بروحج...بسير عند حياتي كلها..بروح عن خالتيه عويش فديتها...بخليها تدخلني النت...

    قبل تنطق ام سالم بكلمه كانت حنان واصله فوق ما حست بعمرها الا تدق باب حجرة عايشه وتسمعها تتكلم تلفون..

    عايشه: تعااااالوا الباب مفتوح...&#33;&#33;&#33;

    دخلت حنان وشافت الكمبيوتر مبطل...وعايشه مشغوله بالسوالف....أستغلت الفرصه وطالعتها باستجداء...

    عايشه تأشر على رقبتها انها لو صكته بتذبحها...وحنان يلست تترجاها..

    عايشه: زين خلاص بدق لج بعدين..وصلوا الحشره عقب برمسج منّايه....

    بندت عايشه ونشت لحنان: انتي ما تعرفين تيلسين بمكان واحد وبدون ما تصكين اغراض الناس...ما علمتج امج هالادب؟

    حنان مبرطمه: خالوه دقيقه الله يخليج بس بلعب شوي وبعدين بسير..

    عايشه: وين اروى؟

    حنان: مادري بها بس خليفه للحين ما نش سيري وعيه..

    عايشه: زين لين ما وعي خلوف وعقب تنشين اوكي...

    حنان بغت تنتحر من الوناسه: اوكي اوكي...

    طلعت عايشه سايره حجرة خليفه..علاقتها وياه قويه جداً....تحب تسولف له وتسمعه...تعرف بشو يفكر قبل ينطق...وهو يفهمها مهما خبت ومهما سكتت..رغم انها من النوع اللي حياته كلها ضحك واستهبال وما يهمها شو صار امس ولا شو بيي باجر وكل اللي شاغلنها كيف تمشي يومها اللي تعيشه وتقضيه بفرح وضحك...

    عايشه: حوووووه يا انسان...يا بشر..يا احساس..يالله نش..بسرعه...الساعه ست وانت للحين متفيزر هني في الشبريه...

    ولا نفس ولا حركه ولا حتى رمشه صغيره...كان جاثم وغارق برقاده...

    عايشه تهزه: كلوووف نش...نش كلوفي..بسرعه...

    يلست عداله تهزه بقوه وهو خبر خير...وشافت تلفونه..تعرفه ما يحب حد يصك التلفون ولا يقرا مسجاته..عنيد ويعصب يوم حد يلمس تلفونه...وكل شي عنده ولا حنان يوم كل شوي تلعب فيه وما تفهم الكلام...

    " اووه مسجات ومكالمات لم يرد عليها...امم افتحها...؟؟..بيصفعني..&#33;&#33;&#3 3;"

    عايشه: خلوووف نش..وصلنك مسجات ومكالمات لم يرد عليها...بفتحهن لو ما نشيت..

    خليفه بطل عيونه وير التلفون بعنف: عويش طلعي برقد...راسي بينفجر وانتي تعرفين اني البارحه رقدت متأخر...

    عايشه مبرطمه: بس خليفه انت امس وعدتني اننا اليوم نسير بيت ام احمد...انت حلفت لي بتوديني وبعدين لا تنسى ان امه هي اللي طالبتني وانت واعدنها...

    خليفه ضرب على يبهته بخفه: اوووه والله اني ناسي السالفه كلها من اولها لاخرها...خلاص عويش دقي لام احمد وقولي لها اني ماقدرت...

    عايشه: لا والله ما دقيت..يا سلام توهقني ليش...خلووف فديتك لا تفّوت علي هالسيره...

    خليفه نش وعصب: يالخبله اذا وديتج منو بيردج؟؟ منو؟

    عايشه مستغربه: انت&#33;&#33;&#33; يعني منو غيرك؟

    خليفه: لا حياتي لا انا ولا شي..(وينش عن شبريته بيسير الحمام) يا غبيه نسيتي ان عندي اليوم شفت ليلي من 9:00 لين 6:00 الصبح...

    عايشه بتصيح: والله انك سخيف..عيل ليش واعد الحرمه يوم انك بتقص علي وعلى هالفقيره...&#33;&#33;&#33;

    خليفه يدخل الحمام: نسيت..اتصلي وقولي لها أي شي..وطلعي برا ولا تدقين تلفوني...

    عايشه نشت معصبه: اففف منك والله سخيف صدق صدق سخيف...

    خليفه يبتسم: زين طلعي برا..حشا يا هالبنت جبريت ما تتحمل حد يسولف وياها..

    ردت عايشه ولفت عليه: الحين بروح ولا لاء؟

    خليفه: والله ماقدر..عويش منو بيردج...انا لازم اطلع عقب ساعتين..يكفنج؟

    عايشه: لا ما يكفني انا ابى اتعشى عندها فديتها تولهت عليها والله..شو ساعتين والله ما يسدني..

    خليفه بطرف عينه: سيري يلسي ويا امي عبريها شوي..معبره لي عياييز العالم ومودره امها...

    عايشه بعصبيه: قول هالرمسه حق عمرك بعد مب بس انا..

    وقبل ينطق خليفه رن تلفونه..وسار له وهو يأشر لها ان اصبري..بس هي لبسته وطلعت...وياها صوته من داخل...

    خليفه متشقق: هلا والله...هلا..هلا بكل اهلي وناسي بالحب والشوق والغلا كله..

    احمد يضحك: اهلين شو هالترحيب كله ما صدق خلاص اليوم بعدم نفسي...

    خليفه يضحك: شحالهم العرب..&#33;&#33;&#33; شحالك الغالي بو شهاب...

    احمد: والله بخير الحمدلله...غريبه ناش من وقت..مب الليله عندك زام؟

    خليفه: شسوي بها هالعله وعتني تبانا نيي صوبكم...

    احمد مبتسم من خاطره: صدق..حياكم والله..فيها خير..والله كم كثر امي تنشد عنها...

    خليفه ابتسم: بس ما بييبها والله ما عندي وقت احمد منو بيردها...

    احمد: انت...

    خليفه: دوامي تسع ما ينفع ابداًً..خلها مره ثانيه...

    احمد: عاد اتحمل زعل امي ما بترضى بسهوله..

    خليفه يضحك: مشكله العياييز يوم يتدلعن..

    احمد: ما عليه ما عليه...ان ما قلت لها لا تسميني احمد ولد مبارك...

    خليفه: بنشوف...

    عايشه كانت واقفه..متسنده على يدار غرفة خليفه تسمع كل شي..كانت هاللحظه تبتسم مغمضه عيونها رغم الاحباط اللي بداخلها...تعرف انها ما بتسير اليوم عند ام احمد...امم احمد..&#33;&#33;&#33; خساره...من متى وهي تخطط لهالسيره بس دوام خليفه خرب عليها...

    حست ان احمد صدق كان مصر على خليفه يزورونهم بس خليفه الله يسامحه ما طاع..وهي عاد من الله مقهورة منه يروح يقهرها اكثر وما يوديها...

    ردت فتحت الباب لا شعورياً: خليفه الله يخليك ودني...

    خليفه شافها وضحك: والله شكلج يكسر الخاطر...

    احمد بتوسل: حرام عليك خليفه خلها تيي..

    خليفه : وانت شعليك..اختي وانا حر اوديها ولا لاء...

    عايشه بتوسل: دخيلك خليفه احس بضيج اريد اروح عندها خلني استانس...

    خليفه: احمد بكلمك بعدين...عنبو هالبنت شوي وتبوس نعالي...

    احمد يضحك: تخسي ...&#33;&#33;

    خليفه معصب: اقولك ما يخصك..يالله باي باي..

    احمد يضحك اكثر: باي...سلم على الوالده..

    خليفه راح عند عايشه اللي واقفه بشكل غبي جدامه وبنظراتها تستجديه وتطالعه بكل امل انه يوافق..

    خليفه يحط ايده على كتفها ويطالعها بحنان: والله عويش ماروم..ادريبج متولهه على ام احمد ونحن مقصرين فيها بس والله اني مشغول وتعرفين مستحيل اردج...

    عايشه بملل وتحرك ريولها بدلع على الارض: زين خلاص..

    طلعت...متضايقه بس ما بتقول...خليفه حس فيها بس مب بايده دوامه عقب ساعتين وهي ما بترضى في الساعتين....هي تعرف وهذاك يعرف...حب ام احمد له جذور...متصل في حب اقوى مايخطر على خيال أي انسان...حب غير...حبها لشخص خلاها تحب امه..واحساسها بحبه لها اقوى من انها تتخيل كيف بيكون او قوته او مدى عمقه...كل اللي تعرفه انها تحب هالهذا وهو يموت فيها....

    ردت عايشه حجرتها تجر اذيال الخيبه...وخليفه دخل يتسبح عشان يطلع ويا احمد نفس كل يوم لين ما يي وقت دوامه...

    <p style="text-kashida: 0%"><font face="arial, helvetica" size=3><font face="arial, helvetica,verdana">....................

    المغرب في بيت بو عبدالله...يالسات البنات يرتبن حجرتهن وثيابهن...كل شي كان معتفس رغم ان مريم كانت مرتبه البيت الصبح...بس ين وعفسنه فوق تحت...

    مريم بضيج:الحين انا من الصبح اكرف في البيت والحجره...عفستنها جي ليش؟؟

    نوره بملل: مريوم والله انتي تدخلين اغراضنا في اماكن مب اماكنها...لو قلنا لج لا ترتبين الاغراض امي بتعصب لان نحن مستحيل نلمس شي...

    روضه وهي تفر ملابسها داخل: مريوم هاي مب ملابسي هاي ملابس نوره شيابها لكبتي انا....؟

    مريم شكلها تضايجت: اوكي خلاص انا بطلع المطبخ يوم تخلصن مري علي روضه اباج تساعديني...

    نوره بضيج: الحين اول يوم اجازه لي اقضيه في ترتيب حجرتي مب حاله هذي وراي ثانويه عامه....

    طلعت مريم وفي خاطرها الكثير اللي ما تقدر تتكلم عنه ولا تقول أي شي لاي حد...اصلا تقول لمن..تطلع من مصيبه وتدخل في مصيبه ثانيه...دخلت المطبخ وهي شاله هم الدنيا على راسها وملتزمه صمتها اللي لا هو قوه ولا هو ضعف...

    ام عبدالله تقطع صمتها بصوتها المزعج: للحين ما جهزتي شي؟

    مريم تتنهد: لاء..الحين ببدا...

    ام عبدالله: شو بتسوين؟

    مريم: بيض وطماط..وعبدالله وابوي يبون فول...

    ام عبدالله: زين خلصي قبل 8:30

    مريم: ان شاء الله...بس ترا ابراهيم في النادي للحين...

    ام عبدالله مستغربه: ليش ما رد للحين؟

    مريم: دق من النادي وقال بيأخرونهم لين 7:30..

    ام عبدالله طلعت من المطبخ ومريم تنهدت من خاطرها لانها صدق كانت ضايجه..من الصبح كراف...وشغل وترتيب حتى راسها ما حطته ترتاح...وفوق كل هذا خواتها عاتبات عليها...وعلى تنظيمها...ومرت ابوها ذالتنها ذل..لا للحياه طعم ولا للدنيا لون في وجودها...كل حياتها ذل واوامر وشغل وتنظيف...مافي فرق بينها وبين الشغاله اللي تسافر وتهاجر..وتشتغل..بس على الاقل الشغاله تحصل معاش ومعامله طيبه غصب عن اهل البيت يحترمونها ويقدرون شغلها...اما مريم لا معامله زينه ولا احترام مثل العالم والناس...

    كانت تطبخ وتقطع ولو حد كلمها عادي تنفجر وتصيح...الضيج اللي تحس به جتلها والتعاسه اللي في صدرها تكتم على انفاسها ذبحتها...وين ما صدت لقت للهم مليون باب كل واحد مفتوح على اخره ويقول الزود عندي...

    فجأه وهي توخي راسها للدرج بتير سكين من تحت تقص فيها الطماط...حست بشي ثجيل فوق راسها..شي يشدها للورا..

    مريم بصوت عالي: اااي شو....؟؟

    عبدالله بغضب: سفرتي وين؟

    مريم بضيج: عبدالله هد شعري..ما تعرف ترمس بدون ما تلمس..

    صفعها كف...وحط ايده على رقبتها..وطالعها بشراسه..مثل اللي يعطي فريسته فرصه اخيره للفظ انفاسها...

    مريم بصوت مخنوق: عبدالله بعد ايدك عني...عبدالله..&#33;&#33;&#33;

    عبدالله بعصبيه اكثر: عبدالله هاه...الحين عبدالله...قبل شوي تأمرين علي وتصارخين...

    صفعها كف ثاني..ولا حتى جواري الحرب يتعاملن بهالطريقه...&#33;&#33;&#33;

    عبدالله: روحي طلعيها لي الحين...اريد سفرتي الكركميه يالله ...

    مريم كانت للحين موخيه راسها ومغمضه عيونها..الكف غيبها عن وعيها ظاهرياً...تحس بدوار...ولين ما رفعت راسها ببطء كان عبدالله طلع وخلاص...ما حست بعمرها الا تلف على المنظره اللي معلقه في طرف الكبت..اللي في المطبخ..كان مشخبط عليها بروج.." أمي أنتي اكثر وحده في العالم انا احبها"...ابراهيم يوم امه في المستشفى كان كاتبنها وهو يالس على الطاوله ومريم تطبخ لهم العشا....

    مريم تمت تطالع والدمعه تشق طريقها بسرعه لمحجر عينها" ليتني ما ييت هني...ليته بيوم ما فكر يشلني عنج....ليته بيوم ما فكر ياخذني من هناك..وليته ما كان لي بيوم وطن...ليتني عشت كل غربة عمري عندج...وليتني كنت غريبة وطن ولا كنت غريبة اهل...(نزلت الدمعه بسرعه تتحرر من سجانها) ليتني اموت اليوم.."

    بندت الغاز وطلعت الحوش..يابت سفرة عبدالله من على الحبل وسارت بتكويها...وهي ماره لين الصاله...

    بو عبدالله: مريم عمى يعميج...ليش باب البيت البراني مفتوح ما تصكينه..عن يدخل حد البيت وما ندري به....

    مريم عضت على شفايفها تفرغ غضبها فيها: ان شاء الله...

    خلت السفره على كنبة الصاله وسارت تبند الباب...لين ما بندته وهي راده كان جرس البيت يدق....غمضت عيونها تهدي نفسها قد ما تقدر...

    مريم: من؟

    ابراهيم: مريوم افتحي الباب يالله انا تعبان..

    ابتسمت غصبا عنها" هالولد دلوع شكثر...يموت في البزا...وشو اللي متعبنه ...&#33;&#33;&#33; شنطة النادي...وشو فيها بدله وفوطه وجوتي الرياضه.. اما عليه دلع...&#33;&#33;"

    ابراهيم ينط بحضنها: مريامي..حبيبتي...

    مريم تشل عنه الشنطه: تسبحت؟

    ابراهيم: لاء الحين بروح....

    ودخل يركض البيت وهي شلت شنطته ودخلت الصاله...ولكنها رد عليها..

    ابراهيم بهمس: مريوم بقولج سر...

    مريم بحنان: شو حبيبي؟

    ابراهيم بخوف: مريامي عندي واجب رياضيات نلون المربعات ونعدهم...الله يخليج حليه لي انا برقد وايد تعبان..

    بطلت مريم عيونها: لا حبيبي بنحله ويا بعض..

    ابراهيم برطم: لا مريوم الله يخليج..

    مريم وهي تكوي سفرة عبدالله: الاستاذ قال بروهم حل الواجب..ما قال وده حق اختك تحله...

    ابراهيم يرافس بدلع: ماريد والله ماقدر..وايد سهل هو حليه بروحج..
    وركض قبل يسمع جوابها وسار يتسبح...ومريم كانت مندمجه تكوي..خدها محترق ..صفعتين على بعض وايد يعورن...بس شو تسوي حسبها الله على الظالم..

    طلع عبدالله من حجرته وشافها في الصاله وطالعها بطرف عينه...

    مريم: الحين بخلص...

    عبدالله قبل ينطق كانت امه داخله: وين رايح؟

    عبدالله يلف عنها: سوالف رياييل مالج شغل...

    ام عبدالله: وانتي شو تسوين هني...روحي خلصي العشا...اخوانج وراهم مدارس باجر...

    مريم تنهدت: عبدالله بيطلع الحين ولازم اخلص سفرته...

    عبدالله: اصصص لا تردين على امي ولا تتأففين في ويهها تفهمين؟

    مريم صخت وام عبدالله ظهرت وخلتها...راحت للمطبخ بتشوف شو تبعثر وتخرب فيه عشان تتعب مريم قد ما تقدر...

    خلصت مريم وسارت المطبخ ...وقبل يطلع عبدالله مر على البنات وشافهن مشغولات بالترتيب...

    روضه: خير في شي؟

    نوره طالعته وسكتت ردت تكمل شغلها...

    عبدالله بعصبيه: روضوه عن الحشره الزايده محد رمسج...

    روضه: والله اشوفك في حجرتي...يعني ما اسأل ليش؟

    عبدالله يهدد: روضه اسكتي....لا اييج بكف...

    روضه: روح روح برا الله يخليك اطلع...

    ياها عبدالله ورفسها في ظهرها بقوه..بس ضحكت له تستهبل رغم ان الويع ذبحها....

    روضه بغياض: ما يعور ما يعور...

    عبدالله فر عليها علبة الكلينكس وطلع برا....وهي تمت ترتب ويا نوره...

    نوره: انتي ما تتعبين من الضرب والمشاكل؟

    روضه: القوي ما يبا الا القوه...مستحيل اخليه يحس انه اقوى منا ابدا....

    نروه تهز راسها باستنكار: بتتعبين والله..

    روضه: على الاقل ما بيحس عمره شي كبير...يوم تسكتين له تحسسيه انه مهم وانه كبير ورايه لا يعلى عليه...يوم تردين عليه يحس انه ولا شي واي حد يقدر يشرشحه...

    نوره: تفكيرج سطحي...

    روضه: بالعكس يا ماما هذا هو الحل...

    نوره: لازم لو تبين تحرقين دم حد تلبسينه هذا هو الحل...الحقران يقطع المصران..

    روضه:والله كل حد واعصابه..انا دمي حار ما تحمل...

    نوره: بتخسرين وايد والله..اول شي احترامج وثاني شي محبة اهلج...

    روضه سكتت ويلست ترتب اوراقها ونماذج الامتحانات...على الاقل تشغل نفسها شوي عن فلسفة نوره....

    لين عقب ساعه خلصوا عشا...كلهم وطبعا مريم تأخرت لين عشر ترتب الصحون وتنظفها وتحل واجب برهوم وتكوي مريول روضه وعباتها وشيلتها...وكندورة ابراهيم وسفر ابوها وعبدالله وثيابهم..

    ما وصلت حجرتها الساعه 11:30عقب ما طلعت الزباله برا ونظفت المطبخ والممرات..الا وهي هالكه منتهيه وضايعه بالالم النفسي والجسدي...عقت عمرها على الارض بترقد...وتلحفت وحست كل شي فيها متكسر من التعب...رقدت وضاعت في رقادها..
    .
    .
    الساعه 12:45 كان يالس ويا ربعه ناصر وحمدان...مشغولين ويفكرون شو بيسوون...يخططون متى بتكون رحلتهم الثانيه...

    عبدالله مغمض: انا ما بسير مكان...يكفي المره اللي طافت ساير راس الخيمه...

    ناصر يدز بريله: انزين نش الحين ما بترد البيت...يالله نش...

    حمدان: قوم عبدالله يخرب بيتك...رايح فيها...

    عبدالله ينش ببطء: انزين...انزييين لا تصارخ....

    ناصر يضحك: والله الولد رايح في عينها...

    حمدان يلومه: ناصر..عيب عليك لا تلعوز الولد وايد ويانا...للحين صغير وما ينضمن ومحد يعرف شو ممكن يستوي به..

    ناصر بطرف عينه: محد ضربه على ايده وغصبه..ياي هني برضاه...

    عبدالله يضرب بقوه على جتف حمدان: ياهل في عينك...ولد في عينك...صغير في عينك..كله في عينك...

    حمدان ميت ضحك: ماشي في خشمك..ثمك...كله حق عيني بس...

    عبدالله يضحك بسطاله: زين وصلوني اخاف ادعم..

    حمدان: لا دخيلك سير غسل ويهك ما فينا على ابوك يالله يا بابا...

    ناصر: من قالك بنسير له البيت...بنوصله لين بداية الشارع وعقبها بنودره...ابوه لو شافنا عادي يدعسنا بسيارته...

    ضحكوا الشباب وسار عبدالله يغسل ويهه وراسه يخفف من حدة السم اللي فيه رغم ان هالشي ما بيخففه بس على الاقل يحسسه بحيويه ويخفف سكرته...

    طلعوا مع بعض...ووصلوا عبدالله اول شي...طبعا ما دخل من الباب مافيه على الحشره ونط من سور البيت...وربعه ميتين عليه ضحك...وعقبها اشر لهم من فوق ان الوضع مستقر ودخل البيت....

    فصخ نعاله بهدوء ومشى على اطراف اصابعه....وهو ميت زيغه...حس بشي غريب في جسمه...وقبل لا يفتح باب حجرته...مر على غرفة البنات اللي كان بابها مفتوح...

    دخل بشوي شوي...شاف روضه نايمه بشكل يخرع ومطيره لحافها تحت...ونوره راقده مثل الملاك بهدوء وكل نعومه...ولف ويهه على اكره مخلوقه..وشافها وكل حزن الكون مرسوم في صورتها...راقده على ينبها وشكلها تسبح في فضاءات رقادها....

    وقرب راسه...حط ايده على كتفها...بس ما حست به على كثر ما فيها من ارهاق...

    يلس بطريقه سند فيها ركبه على الارض...وهزها بشوي شوي..وهمس..

    عبدالله بهمس: مريم...

    لفت ويهها الجهه الثانيه بتعب...

    عبدالله يود كتفها بقوه: مريم...&#33;&#33;&#33;&#33;

    بس مريم ما حست...وعبدالله بدا يتنرفز.......
    &nbsp;</p>
    <div align=center><font color=blue><font size=6>الحلقه الثالثه</font></font> </div>
    <p style="text-kashida: 0%">
    حاول كثر ما يقدر انه ما يسبب أي ازعاج في الحجره..ولكن هالفقيره ما قدرت تنش على كثر ما تحس بالتعب والارهاق..

    عبدالله صاك على ضروسه ويهمس بغضب:مريم ردّي..

    فتحت مريم عيونها ببطء وشافت صوره ضبابيه لشخص جدامها..شخص ابداً ما تنكر انها رغم كل وحشيته تحبه..

    مريم بتعب: عبدالله..&#33;&#33;

    عبدالله: لا ولد ييرانهم...اقولج نشي يالله...

    فتحت عيونها اكثر بخوف ويلست ويرت لحافها تغطي عمرها عدل...وفي عيونها خوف الدنيا كله..

    مريم بخوف: شو استوى عبدالله...؟

    عبدالله يوّد ايدها: نشي وياي...

    سرت رعشه كبيره في جسمها..خوف واستغراب...ونشت وياه وهي شبه دايخه...

    مريم: عبدالله شو صار؟ ليكون برهوم صار فيه شي؟

    عبدالله ساكت وما تكلم..واول ما طلعوا من حجرة البنات مشى وياها لين الحوش..

    مريم وقلبها يدق طبول: هاه يا عبدالله بسم الله عليك شفيك شو تبى مني الساعه 1:30..شي يعورك؟

    عبدالله منقهر من عفويتها الزايده واهتمامها المبالغ فيه: اسكتي انزين..انا يوعان ابى شاي وشندويتش جبن..

    مريم غمضت عيونها وهزت راسها بألم: عشان جي موعني؟

    عبدالله مبطل عيونه: يعني ارقد على لحم بطني؟

    مريم تنهدت: لاء بس تقدر تسوي انت هالاشياء السهله...

    عبدالله مستغرب: ماعرف والله..وبعدين قولي انج ما تبين تسوين وخلاص..بس حتى لو ما تبين بتسوينه غصباً عنج...

    مريم: زين سير حجرتك وعن توعي برهوم..بسير اسوي لك عشاك..

    عبدالله معقد حياته: ليش هو راقد في حجرتي؟

    مريم: هيه رقد من وقت وقال ابوي خلنه يتعود يرقد عند اخوه..

    حرج عبدالله: ما يرقد عندي..يا تبنون له حجره يا يرد عندكن..

    مريم خافت يسوي له مصيبه فيها اخر الليل: ان شاء الله بس اليوم ومن باجر بيرد عندنا لا تخاف...روح حجرتك وانا بييب عشاك الحين..

    دخل عبدالله غرفته ومريم سارت المطبخ..تتنهد من خاطرها على حظها الردي..حتى في الرقاد ما بتشوف خير ومحد بيرحمها...سوت له شاي على السريع وسندويتشه أي كلام..وحطتهن له في صينيه...وسارت حجرته...وشافته منسدح على شبريته...

    مريم مبتسمه وفي خاطرها" وييه فديته شكله رقد.."

    حطت الصينيه وسارت له: عبدالله عشاك يالله نش..

    انتبه عبدالله بسرعه وطالعها بشراسة وحوش...الشي اللي خلاها تموت من الخوف..وتبعد عنه وتسير عند الباب..

    مريم: انا برد ارقد يوم تخلص خل الصحون عند الباب برا وبشلهن باجر..

    عبدالله: لا وين تروحين..يلسي في الصاله لين ما ازقرج وتشلينهن..ما بطلعهن بيتيمعن عليهن السماسيم برا...

    مريم تهز راسها بقهر حتى لاء ما بتقول: انزين بسير حجرتي وما برقد بترياك..مافيني يطلع ابويه وانا يالسه في الصاله هالحزه..

    لبسها عبدالله وهي طلعت..سارت حجرتهن وانسدحت لين ما يزقرها...ومن غير مقدمات اول ما تلامس راسها مع مخدتها راحت في سابع نومه...

    يلس عبدالله يتعشى وهو يفكر.." لو عرست هالبنت نحن حياتنا كيف بتسير..؟ لو عرست منو بيكوي لي ويغسل ثيابي..رووضوه الخسفه شو ما اطلب منها مستحيل تسويه..ونوره بعدين بتسير الجامعه..&#33;&#33;&#33;مريوم مب لازم تعرس..مب لازم...&#33;&#33;"

    ابتسم بغباء ونش من مكانه..وسار حجرتها بيقولها تشل الصحون تغسلهن قبل ترقد...

    فتح الباب وشافها راقده...بلع ريجه..وهز راسه..كسرت خاطره..ما يحب يحس بأي عاطفه ايجابيه صوبها...يكره مشاعره المتضاربه لما يشوفها..على طول طلع عنها وشل مواعينه ووصلهن المطبخ وسار يرقد...

    ...................

    كانت يالسه في مكتبها ملاّنه تشخبط بالقلم على ورقتها وترسم فيها شخابيط مالها أي معنى...لين ما يرت تلفونها واتصلت في اختها..

    عايشه: صباح الخير اروى..

    اروى: اهلين صباح النور...

    عايشه: ملانه ابى ارد البيت...

    اروى: ليش ملانه ماحيدج تملين من الشغل..

    عايشه بتأفف: بس جي والله ملل..ماعرف شو اسوي..الدوام مقرف..شكلي باخذ اجازه...

    اروى: لا وين..صبري مب الحين..عقب شهر او اسبوعين على الاقل خذي اجازه...

    عايشه: ما تخيلني اداوم والله ضاربني اكتئاب حاد..

    اروى: بسم الله عليج من شو؟ امس ما كان فيج شي..

    عايشه تتنهد: بس جي والله بدون سبب..زين سمعي..حنان متى تخلص؟

    اروى: الاحد اللي عقب الياي...

    عايشه:اووه والله بعيد..

    اروى: مب مشكله سمعي هي بتبدا امتحانات السبت الياي وبتخلص الاحد..يعني ثمان ايام بس..

    عايشه: واليوم الاربعاء...يعني عقب اسبوع ويومين بتخلص..وبنسافر صح؟

    اروى تبتسم: هيه..والله ما تعرفين شكثر مستانسه يا عويش..

    عايشه اخيرا ابتسمت: ولا تدرين كم كثر بطير انا من الوناسه..اخيرا بنتحرر وبنطلع..اخيرا بسافر...

    اروى: على الاقل بنرد ونحن مرتاحين نفسياً..

    عايشه: اووه لا تذكريني بالرده..خليني افكر بالروحه بس...مب مصدقه..&#33;&#33;

    اروى: زين شوشو بخليج الحين..امي يالسه بروحها في الصاله..بسير لها..

    عايشه تبتسم: اوكي خلاص بتصل بخليفه انا..

    بندت عايشه عن اروى واتصلت بخليفه على طول...بس ما رد عليها..وطرشت له مسج" خليفه لو شفت المسج اتصل اباك ضروري"..بس من ياها تقرير انه تم استلام الرساله دق خليفه عليها على طول..

    عايشه تتحرطم: الحين يوم وصلك المسج ترد يوم دقيت ليش ما ترد؟

    خليفه: بسم الله..وعليكم السلام اول شي وثاني شي صبحج الله بالنور والسرور اختي حبيبتي..وثالث شي انا بخير الحمدلله وانتي شحالج؟

    عايشه تمسك عمرها قبل تنفجر ضحك: الحمدلله بخير متولهه عليك اخوي حبيبي..متى بشوفك..

    خليفه: احم احم...

    عايشه على طول: ارجوك خليفه ارجوك لا تردني طلبتك طلبه قولي تم..الله يخليك ويزيد ثروتك ويرزقك ببنت الحلال اللي تناسبك ويجعلك في كل خطوه سلامه..

    خليفه يضحك: شو شغل الطرارات هذا؟

    عايشه بتوسل: بليز عاد خليفه ما عندي غيرك...

    خليفه: قولي شو؟

    عايشه: والله خليفه ضاربني صداع عنيف واحس اني ارتجف..ابى ارد البيت..الله يخليك..

    خليفه متفاجئ: والله ماقدر..شو اطلع من دوامي..تخبلتي انتي...توها الساعه 8:00 وين تبين الحين..ما لحقتي تيلسين في مكتبج...

    عايشه تترجاه: دخيلك ياخوي افهم والله ماقدر ايلس احس بكآبه فضيعه..

    خليفه يتنهد: انا مفروض اطلع ست من الدوام..بس مسكونا ولازم نتم لين 10:00 وعقبها بطلع..فيج صبر لين عشر؟

    عايشه: مافي الا هالحل؟

    خليفه: هيه والله..

    عايشه: اوكي خلاص مر علي عشر وانا اترياك...ما بتريق عشان نتريق مع بعض..اوكي؟

    خليفه يبتسم: لاء مب اوكي...لان احمد بيي الحين وبتريق وياه..

    عايشه فز قلبها وارتبكت: ا..أ.ااا.اوكي خلاص انا بتريق وياهم في البيت يالله باي..

    خليفه مستغرب: بسم الله شياج..؟

    عايشه متلعوزه: ماشي بس جي..مع السلامه في مراجعين بخلص شغلهم..

    خليفه: اوكي باي...</font><font face="times new roman">

    <table cellspacing=0 cellpadding=0 width="98%" align=center border=0>
    <tbody>
    <tr>
    <td>
    <p style="text-kashida: 0%"><font face="arial, helvetica" size=3><font face="arial, helvetica,verdana">بندت عايشه وهي تحس بضيج ماله سبب في خاطرها..بس حاولت تغير جوها ودقت على اخوانها يمكن ترتاح وهي ترمس حد فيهم...ذكرتها اروى بالسفر..واي سفر...من متى وهي تهاذي بالسفر ومحد معبرنها بسبة دوام خليفه اللي يطلع الروح...وكل اسبوع شكل..مره من الفير للعصر ومره من الليل للصبح..ودريولهم مسافر وما بيرد قبل شهر تسعه وماشي الا خليفه يلبي لهم رغباتهم وطلعاتهم..صح انه ما يقصر بس مرات ضروريه يحتاجون فيها الطلعه ويكون خليفه في الدوام..

    ردتها شوي ذاكرتها لثواني قبليه..." ما بتريق..خلاص برايني...(ابتسمت) اهم شي يتريق هو..خلاص انا شبعت(ابتسمت اكثر وهي تضحك على غباءها) انا شو يالسه اقول..؟؟ حشا مب صداع هاللي بيخليني اهويس به هالكثر"

    احمد ربيع خليفه بس...ما تربطه أي صلة قرابه بعايشه ابداً ابداً..وام احمد حرمه من حريم هالبلد ما يخصها في عايلة عايشه وعمرها ما سارت بيتهم..لها ولد وحيد اللي هو احمد..نظر عينها وقلبها واللي باقي لها بعد الله في هالدنيا...واللي ربط فيهم هو ان احمد ربيع احمد من فتره من فترات الزمن طويله تمتد لاكثر من تسع سنوات..

    رن تلفون عايشه وقطع عليها الصمت والسرحان...

    عايشه: الو...

    خليفه: شوشو يالله انا برا..

    عايشه بفرح: الله يبشرك بالخير..ليش غيرت رايك؟

    خليفه: رخصونا والله رحموا حالنا...يالله انزلي...

    عايشه: ثواني وانا عندك..

    عدلت عايشه شيلتها وتحجبت وشلت شنطتها وتلفونها وطلعت...ربيعتها منى اليوم غايبه...وهي بتنفجر من الملل من نفسها عاد ربيعتها تغيب زادت الطين بلّه..

    فتحت باب السياره الجدامي ويلست تتأفف...

    خليفه يبتسم: لا تتأففين تطردين الملايكه...

    عايشه ساندت راسها للسيت: يالله مشي خلوف والله متولهه على الشبريه احس فيني كسل فضيع...

    خليفه: اليوم اربعاء العالم كله شارد..

    عايشه: والله ما يخصني ابى البيت وبس...

    خليفه: ما مرينا نتريق..

    عايشه بطلت عيونها: ما تريقت؟

    خليفه: لاء ترييتج..

    عايشه بتردد: و..واا..احمـ ـد..؟

    خليفه: شو بلاه احمد؟

    عايشه ترفع حواجبها: ما تريق؟

    خليفه فاهمنها بس يتحرش: وانتي شعليج؟

    عايشه ارتبكت: لاء..بس انت قلت بتتريق وياه..

    خليفه يضحك: غبيه...من يوم يومج غبيه..احمد مب مداوم اليوم..انا نسيت مادري كيف ما يا على بالي..ام احمد عندها مراجعه وسار وياها..

    عايشه: اوووه صح..الله ياخذ العدو...ليش ما ذكرتني كنت بسير وياها..

    خليفه يوقف السياره: استريحي مب محتاجين مساعدات دوليه منج يا انسه يونيسكو..

    عايشه تبتسم..

    خليفه : اتريي هني بييب الريوق انا مسوي اوردر بالتلفون وبيكون مخلص...دقايق...

    ومد ايده وشغل لها الاف ام..ونزل...

    اتسندت على السيت بتعب..وهي تفكر متى يمر هالاسبوع ويفتكون من امتحانات حنان ويسافرون...فكرت انها للحين ما تشرت شي ولا سارت السوق ولا خذت شي لامها وما سوت وايد اشياء..

    فكرت في احمد...من متى ما شافته..مده طويله...طويله بالنسبه لها...كم كثر تسمع حشرته في التلفون عند خليفه وياما تصادفت وياه بس متغشيه وهو موخي راسه في بيت امه..بس المره الاخيره اللي شافته فيها بكل وضوح كانت قبل شهور طويله ما تذكر هي حتى متى...ولكن اغلب الظن انها كانت في المستشفى ايام ازمة امه القلبيه اللي مرت بها..

    كانت ام احمد راقده عقب العمليه على سريرها في المستشفى وعايشه كل يوم تزورها ومب بس جي الا خذت اجازه عشان تيلس عندها الفتره الصباحيه كلها يوم احمد في الدوام..وتم مرات عندها لين عقب صلاة العشا وبعدها ترد البيت..صح ام سالم احتشرت في البدايه بس بقردنه من خليفه قدر يطلع لعايشه القرين كارد من امها عشان تتم عند ام احمد...ومرت الذكرى بسرعه خاطفه..

    احمد منزل راسه: مشكوره يا عايشه ما قصرتي..

    عايشه متغشيه وترد عليه بكلمات مخنوقه: ما سويت الا الواجب..وامك هي امي انا..ما سويت شي غصب عني.. كله كان بدافع محبتي لها...

    احمد مبتسم: والله لولاج ماعرف شو كنت بسوي..

    عايشه محترقه وما عرفت ترد...

    احمد: عاد مب تقطعين فينا الحين...زورينا بين فتره وفتره..ما تعرفين امي تعزج كثر شو.. انا اغار منج مرات..

    عايشه تضحك: لا عاد مب لهالدرجه...ولو على الزياره اكيد ان شاء الله ما بقطعها..ادريبها تستانس علي...

    احمد بحنان: عايشه.......

    وانفتح باب الحجره ودخل خليفه ماسك سلة حلويات وباقة ورد ومبتسم: هاه اتأخرت عليكم...

    ولين ما صك الباب بعد احمد عن شبرية امه وسار يساعده...

    احمد: ليش عبلت على عمرك يا خلوف...؟ ماله داعي والله؟

    خليفه محرج:ماله داعي؟ تبى هالعيوز تنش الحين وتشوفني ياي خالي اليدين وتتولاني بالسب؟ ناقص انا؟

    احمد مبطل عيونه: الحين امي عيوز ولسانها طويل؟

    خليفه مات من الضحك: محشومه والله حبيب قلبي..اسولف وياك..ادريبها امك ما تحب هالسوالف بس الواجب تعرفنا راعين واجب..
    </p>
    <p style="text-kashida: 0%"><font face="arial, helvetica" size=3><font face="arial, helvetica,verdana">اليوم اكيد الاربعاء...وفرصة مريم للراحه بتكون اكبر..على الاقل في وقت للسوالف واليلسه ويا خواتها...وغير جي ان ابوها ومرته دوم يطلعون بالويكند أي مكان..حاولت قد ما تقدر انها تخلص شغلها من وقت..غدا وغسل صحون وتنظيف الحجر والحمامات..كوي الملابس ومسح الدرايش والرفوف من الغبار وتنظيف البيت بشكل عام...حاولت مريم تخلص كل شي بوقت مبكر عسب الساعه اربع تكون جاهزه للسوالف واليلسه ويا روضه ونوره...رغم انها تدري بنوره ما بتيلس وياهن وايد..عندها ثانويه عامه ولازم تخلص دراسه والسوالف لاحقه عليها..

    ابراهيم: مريم جهزتي شنطتي..يالله الباص يترياني...

    مريم تحط له فوطه: انزين اذا بتتأخرون في النادي اتصل..مافيني ايلس احاتيك..

    ابراهيم: انزين...بتصل..بس مب حافظ رقم بيتنا...

    مريم: كم مره حفظتك..برهوم انت كبير الحين ولازم تكون حافظ رقم البيت او رقم ابوي على الاقل..لا سمح الله وصار لك شي بتدق على منو؟ لازم تحفظ..اليوم انا بكتبه لك في ورقه بحطها لك في الشنطه وباجر ما بكتب لك شي لازم تكون حافظنه..

    ابراهيم يهز راسه بإيجاب: انزين..(يشهق) سمعي هرن الباص يالله بتأخر..بسرعه..

    مريم تبتسم وهي تمشي معاه لين باب البيت البراني: يالله يا رونالدو زمانك..اللي يسمع وراك مباراه دوليه..

    ابراهيم يبتسم: لاء ما وراي مباراه دوليه يا ذكيه...اليوم لعيبة النادي الكبار بيدربونا...وعشان جي انا مستانس بخلي عبدالرحيم يوقع لي..

    تبتسم مريم ما تدري من عبد الرحيم ولا عمرها سمعت فيه..وابراهيم شكله متشقق بس ان شاء الله يستانس ما عنده غير هالنادي يقضي فيه وقت فراغه...بحكم انه صغير في البيت ومحد من عمره..وغير هالشي ان عنده عيال جيرانهم ما يقدرون يلعبون وياه..لانهم كذا مره ييونه البيت يلعبون وياه ويطردهم ابوه ومن هذاك الوقت واليهال ما يطيعون يلعبون وياه...

    ردت مريم الصاله وشافتها خاليه والبيت شكله هادي ومحد فيه..ملل صدق من الخاطر..روضه ردت الساعه 3:00 من المدرسه ورقدت وللحين ما نشت..ونوره تدرس في ميلس الحريم...ابراهيم راح النادي...وابوها للحين هو ومرته راقدين من عقب الغدا...لا صلاه ولا هم يحزنون..

    "عيل عبدالله وين؟؟ بسير اشوفه يمكن راقد هو الثاني.."

    سارت لحجرته بطلت الباب بشوي شوي..دام الباب مفتوح اكيد عبدالله مب موجود او راقد وحده من الثنتين بس...طالعت بس مثل ما توقعت ما كان موجود..وشكل الغرفه مقبره..على قولتها بتسلي عمرها...

    "يالله دام انه مب موجود فرصه ارتب حجرته..وان شاء الله ما يدخل بس وانا ارتبها..اخاف يجتلني فيها واموت قاصره عمر...مادري شو يتحراني باخذ منها...كلها على بعضها كناديره وقمصان..مادري على شو يخاف...هالولد صدق غريب...(ابتسمت) عيل لو انا عايشه عند امي بالسعوديه..شو حياة محمد بتكون..&#33;&#33; بيكون عبثي مرتب ولا كيف..(تهز راسها بالنفي) لا ما صدق حد مبعثر وحالته حاله شرات هالولد..بيذبحني صدق.."

    وخت راسها تيمع كناديره وقمصانه..بتغسلهن بس باجر هب اليوم..بالمره تغسل وياهن ثياب برهوم مال النادي..تحسست شي في مخبا عبدالله..وطلعته جي بدون سبب بس فضول...كيس صغير فاضي..شفاف...طالعت فيه بغرابه وعقته بالزباله..

    "شو سالفة هالاكياس وايد الاقي منها في زبالته وفي مخابيه..شو يبيعون داخل هالجيس؟ غريبه والله.."

    روضه تفتح الباب بشوي شوي:شو تسوين هني؟

    فزت مريم: خوفتيني بسم الله..تحريتج عبود والله...

    روضه تبتسم وشكلها توها ناشه من الرقاد: بغسل ويهي وبصلي العصر وبييج..بخبرج شو صار بالمدرسه اليوم..

    مريم تبتسم: لين ما تخلصين بسير اسوي لنا كوبين نسكافيه..

    روضه: انزين..

    ردت مريم ملابس عبدالله مكانهن وقررت تييهن باجر عقب ما تستأذن منه في ترتيب حجرته مافيها تضيع شي ويكسر راسها وييب اجلها..سارت المطبخ وسوت لها ولنوره وروضه نسكافيه..

    وحطت بسكويت وكوب نسكافيه واحد وسارت لميلس الحريم..وشافت اختها مسنده راسها على الطاوله وراقده على الكتاب...غضمتها صدق..

    مريم بحنان: نوره..نوره حبيبتي نشي..ارقدي في حجرتنا وبعدين ادرسي لازم تريحين شوي...

    نوره انتبهت: لا انا مب راقده بس تعبت..

    مريم: انزين استريحي..يبت لج نسكافيه وبسكويت كلي واشربي وان شاء الله تحسين بنشاط..

    ابتسمت نوره من خاطرها...وطالعت الكتاب عشان مريم تفهم وتطلع..

    نوره: خلاص انا بدرس سلمي على روضه..

    ابتسمت مريم وظهرت عنها...ونوره للحين مبتسمه.." حتى امي ما تحاتيني هالكثر...من شو مخلوقه هالانسانه...مب حنان كل هاللي بداخلها...صدق انه جذاب اللي قال فاقد الشئ لا يعطيه...حكمه يايه بالغلط في الدنيا انا ما صدقها.."

    يلست تعابل اوراقها وانشغلت بالنسكافيه وبكتاب الفيزياء...

    في حجرتهن...يلسن على الارض يشربن النسكافيه ويسولفن...كانت مريم مستانسه ان اليوم اربعاء..راحه وفكه من كل شي واكثر من جي سوالف بدون رقيب ولا حسيب..

    روضه: يا حظهن ربيعاتي يا مريوم لو تعرفين شو يسوّن...&#33;&#33;

    مريم بإندماج: شو يسوّن..؟

    روضه: يأجرن ديفي ديات ويسهرن عليها للفجر مع خواتهن وبنات عمومتهن..

    مريم بفضول: شو يعني هاللي قلتيها من ساعه..هالكلمه اللي مادري شو اسمها..؟

    روضه تضحك: الدي في دي..؟

    مريم تهز راسها: هيه هذا شو هو؟

    روضه: سيدي في الكمبيوتر ينحط وفيه فلم...

    مريم: وليش العباله خلهن يشوفنه في التلفزيون والفيديو...

    روضه حايسها حلجها: تطور..عصر السرعه...نحن موبايلات ما عندنا...

    مريم تهز راسها باستغراب: نحن فيديو ما عندنا...تبين نفكر في الدفدفات مالج انتي وربعج...

    زين هاللحظه ان روضه ما ماتت على كلمة مريم الاخيره من الضحك...ومريم تمت تطالعها مبتسمه..هالروضه عسل مهما سوت..ولها في قلب مريم مكانه خاصه...على الاقل الوحيده اللي دومها في صف مريم كانت ظالمه ولا مظلومه..

    انفتح باب حجرتهن وهن يضحكن...واختفت ضحكاتهن فجأه...

    ام عبدالله: روضوه انا بسير ويا ابوج...خلي بالج من التلفون...(وطالعت مريم) لا تخلين حد يدقه..واذا أي رقم اتصل غير ابوج لا تردين عليه..انزين؟

    روضه مبتسمه ببلاده: انزين..

    وخت مريم راسها..وام عبدالله طلعت...ونشت روضه تطالع من جامة حجرتهن اللي تطل على حوش السياره وشافت ابوها يطّلع السياره وامها وياه...وشكلهم روحوا...

    ابتسمت روضه وهي تطالع مريم وتنهدت..

    مريم بادلتها نفس الابتسامه وشلت اكواب النسكافيه: بتكلمين شموس صح؟

    روضه تبتسم اكثر: هيه (وغمزت لها) بقولج شي بعدين..

    راحت مريم المطبخ...وروضه سارت تتصل بشموس..اللي ردت على التلفون بعد ساعه على كثر ما دق...

    روضه: لو ما رديتي احسن...

    شمسه: فديتها والله فديتها اللي تتصل فيني وللحين ما نستني..

    روضه: هيه قردني قردني..عوذ بالله منج...قاطعه وخقاقه..

    شمسه: شسوي عاد يا روضوه..ما حصلت حد اتدلع عليه واتغلى الا انتي...

    روضه : شحالها حبيبتي ان شاء الله بخير..

    شمسه: تسلم عليج..متولهه موت..

    روضه: والله المدرسه ما تسوى بدونج وحيده انا والله...يالله تعالي السنه اليايه مصختيها عاد...

    شمسه: شو الفايده لو ييت..بتكونين ثانويه عامه...والسنه اللي عقبها بكون بروحي...

    روضه تغير جو: شو رايج ارسب عشان اتم وياج..

    شمسه تضحك: هيه انا موافقه..

    روضه: عنلاتج يالدبه بدل ما تنصحيني وتقولين لي درسي ..تشجعيني على الرسوب..صدق ما منج فايده..

    شمسه: انزين اقولج روضه..والله ادري بتعصبين علي بس مب بايدي...

    روضه: بسم الله شياج؟

    شمسه: الحين لازم ابند...اليوم سعيد بيرد من المستشفى...ولازم ارتب حجرته وابخر البيت...واساعد امايه في المطبخ...

    روضه تضايجت: اوكي خلاص..بس ما قلتي لي متى سار المستشفى..؟

    شمسه: سالفه طويله بعدين اقولج بس حجزوه هناك وقالوا ما يطلع الا كل ويك اند..

    روضه: ليش ان شاء الله..سكن جامعه هو؟ ولا شو السالفه؟

    شمسه تضحك: ابد ما تبطلين حركات الطنازه..يا غبيه هو يتعالج نفسياً الحين ولازم يتم تحت الملاحظه اربع وعشرين ساعه..بس يعطونه اجازه مثل ما قلتي شرات قوم الجامعه...والدوامات مال الامارات البعيده عن بعضها مثل الشباب اللي من بوظبي يشتغلون في الفجيره والعكس فهمتي؟

    روضه: هيه..زين روحي وحبي لي امج...وسلمي على خطيبي؟

    شمسه: للحين ما بطلتي ..للحين عينج على ابوي...ما يباج وعنده شيخة الحريم كلهن...

    روضه: هو بس وده بإشاره مني...يتمنى اصلاً...</font>
    </font></p>
    <p style="text-kashida: 0%"><font face="arial, helvetica" size=3><font face="arial, helvetica,verdana">شمسه: والله انج..تحفه صدق..يالله روحي وان شاء الله يوم تفضين دقي لي يوم الجمعه ان رمتي او أي يوم...تعرفين ماقدر اتصل بيتكم ما فيني حد يهزبج ماعرف متى مواعيدج...

    روضه تبتسم: اوكي يوم يظهرون بدق لج..اي وقت...امووااح حبيبتي..

    شمسه مبتسمه: يالله باي عمري..سلمي على نواري والله يوفقها...وحبي برهوم..وسلام خاص للريم شيخة كل الحريم..

    روضه: احم احم..

    شمسه: وسلام لاغلى صديقه...

    روضه: بس..؟؟

    شمسه: يالله باي امايا تزقرني...بعدين بتغزل فيج..يا حبج للمديح يا بنت سالم..

    روضه تضحك: يالله باي ...

    بندت روضه وهي للحين تحس بالملل..مافي شي في حياتها فيه اثاره...وبلحظه غبيه تمنت لو عبدالله اخوها مريض بدال سعيد..عشان تستوي كل شوي اثاره في بيتهم..يا يتخبل عليهم الولد يا يظهرون المستشفى وجي...بس ردت تضحك وتحمد الله على نعمة العافيه...

    مريم اللي يالسه تقلب التلفزيون: خلصتي تلفون؟

    روضه تطالعها بملل: هيه...مريم ما مليتي من يلسة البيت؟

    مريم ما لفت عليها: تعودت خلاص...كثرة الدق تفج اللحام...من كثر ما انا متعوده تفجج اللحام وصار عندي حصانه ضد الملل...بس مب دايمه..ترى تييني حالات..

    ابتسمت روضه...وسارت حجرتها..انسدحت على شبريتها وسحبت كتابها بتقرا فيه شوي يمكن تقدر تكسر حاجز الملل...مرسومه خريطه على الكتاب من برا..يت عينها على طول في شي في وسط الخريطه وبخبالها المعهود نشت رايحه الصاله...

    روضه: مريوووم...سلام خاص من شموس..تقول سلمي على الريم شيخة الحريم..

    مريم تبتسم: فديتها والله...زين حد يدلعني..الله يجبر بخاطرها..بس وين شيخة الحريم قويه شوي..

    روضه: وانتي عاد ما تقبلين المجاملات..يعني شو تبينها تقول مثلاً...زين سمعي..امي ما بترد الا في الليل وهاي فرصه نادره...شو رايج ندق حق خالوه هاجر؟

    انصعقت مريم..هاجر...."هاجر...امي..حبيب تي.."

    مريم: لا لا روضوه مافينا على المشاكل..تخيلي ما ردت وعقب تشوف رقمنا في الكاشف وترد تدق..ويتخبرها ابوي من عطاها الرقم وعقبها تعرفين المذبحه اللي ممكن تصير...

    روضه: يالله شو هالتشاؤم الفضيع..اما انتي.&#33;&#33; مريوم يالخبله..امج وين بتطلع يعني؟

    وبعدين لو ما ردت مب مهم..بندق على ريلها وقولي له انج اتصلتي تبين تسلمين عليها وقولي له يوصل لها سلامج وانج بخير ما تشكين باس وانج بتطلعين ويانا في رحله العين نخيّم...عشان تعرف ان محد في البيت وما تدق...

    مريم: لا يا شيخه مشكوره مابا..شو من تخييم في بداية الصيف...مرات عليج حركات تأليف ما تمشي على حد...

    روضه بطرف عينها: مريم ودري عنج هالرعب...يالله متى تصرفين نفسج..متى تعتمدين على تصرفاتج ويكون لج تدبيرج...ليش تخلين الامور مثل ماهي...الله عطاج العقل عشان تفكرين...دايماً حطي حلول واحتمالات..بس ابعدي عن الاسوأ فكري بالايجابي قبل السلبي..

    مريم تتنهد وبإنكسار مبالغ فيه:روضه مافيني على المشاكل ويا ابوي...

    روضه: منو بيقوله يعني...تتوقعين انا..اذا على نوره في ميلس الحريم ما بتطلع...انا بتصل وبكلمهم...(وتبتسم بفرح) عندي بطاقتين...

    مريم مستغربه: من وين يبتيهن؟

    روضه بشطانه: سرقتهن من بوك عبود....

    مريم: غربل الله ابليسج..لا لا مب داقه لامي من فلوس حرام...روحي روحي..

    روضه: يا الله شو هالمخلوقه الفضائيه...والله العظيم اني مشتريتنهم من الدكان حلال والله ذبح حلال....انتي تحفه..

    مريم تضحك: شو ذبح حلال انتي..لا تسوين لنا شرات قوطي الملح حاطين عليه حلال..ماحيده كائن حي...المهم من وين يبتي ستين درهم..اعترفي...&#33;&#33;

    روضه تبتسم: يوم نتصل وعقب ما نخلص بقولج بس والله العظيم انها حلال حلفت بالله..

    مريم تبتسم وبدت تنفعل:اوكي نتصل..انا بطلع برا الصاله عشان اذا وقفت سيارة ابوي اقولج بندي..لين ما تدقين الرقم..

    روضه ملت من خوف مريم: والله انتي ما عندج سالفه..اهلي طالعين الحين شو بيردهم يعني؟

    مريم: ربج عاد..ما تعرفين اني اكبر منحوسه في العالم...

    روضه: زين روحي راقبي لين ما اتصل....لا تحاتين حافظه الرقم عدل...

    مريم تبتسم: اوكي..

    طلعت مريم الحوش بين باب الصاله والباب الخارجي عشان تسمع لو ابوها وقف السياره او حد يا منهم...وروضه في الصاله تتصل...ولا على بالها...مب خايفه ولاشي ما تدري بالعواقب اللي ممكن تجنيها لو حد يعرف...كان التلفون يرن..واخيراً حد شله...

    محمد بفرح: كنت داري انك بتتصلي هالاسبوع والله قلبي حس..

    روضه ابتسمت: صدق؟

    عاد روضه ما تصدق أي استهبال بتمشي معاه...

    محمد اللي ما ميز الصوت: ايه والله...كيفك؟

    روضه تخبلت على الرمسه: زينه ما اشكي باس..انت شحالك؟

    محمد مستانس: والله الحمدلله...اقولك لو تأخرتي شوي بعد...متصله بدري يا شيخه..تذكرين متى اخر مره اتصلتي فيها؟

    روضه ارتبكت: والله ما تعرف ظروفي غصب عني ..علوم علوم..خلك منها الحين..انت شحالك؟

    محمد مستغرب: للحين ما سألتي عن امي..غريبه..ليكون نسيتيها...؟

    روضه مصدومه: اووه نسيت امي...فديتها فديتها..شحالها يعلني ما خلى منها...

    هني محمد استغرب اكثر: بس شحالها؟ ما تبين تكلمينها؟

    روضه ارتبكت: اقول محمد.....

    ودخلت مريم تطالع روضه بغرابه: للحين ما ردوا؟

    روضه: لحقي علي ابتلشت في اخوج..يختي بخبرج السالفه يودي رمسيه..

    ابتسمت مريم وهي تير السماعه برجفه وتأشر لروضه توقف عند باب الصاله تراقب لها..

    مريم: السلام عليكم...

    محمد مستغرب: اهلين وعليكم السلام..بسم الله توك تذكرتي السلام؟

    مريم مبتسمه بعدما فهمت ان روضه استهبلت عليه: حمود انا مريم..هذيج روضه ختيه تستهبل عليك..

    هني ويه روضه احترق ومحمد عصب...

    محمد: متخلفه...&#33;&#33;&#33;

    مريم: شحالك حبيبي والله ولهت عليك...

    محمد: لا تغيري الموضوع...اختك هالغبيه قولي لها لا ترد علي مره ثانيه ولا تتصل بيتنا..

    مريم بهدوء: محمد انا اتكلم من بطاقه...لا تضيع الوقت في خبالك انت وروضه اختي..

    محمد استحى: طيب والله واحشتني موت يا مريم..يا قاطعه يا اللي ما تستاهلين نقطه وحده من حب امي لك ودعواتها..كذا تخليها فوق الشهرين بدون اتصال..ولا كيف الحال..؟

    مريم بحزن: غصبا عني والله...محمد اباها دخيلك..مافيني صبر...

    محمد: صكري واتصلي بعد شوي بروح اناديها لك من بيت الجيران...نتصل فيكِ ولا بتتصلي؟

    مريم برعب: لا انا عقب خمس دقايق بتصل..تكفي؟

    محمد: وزياده بعد..يالله اخليكِ..

    مريم: باي..</font>
    </font></p>
    <p style="text-kashida: 0%"><font face="arial, helvetica" size=3><font face="arial, helvetica,verdana">بندت مريم ويلست عند التلفون تتريا متى تمر خمس دقايق ويزقر محمد امه من بيت جارتهم...

    روضه: وينه ليش بند؟

    مريم: قلت لج يا روضوه امي محد..انتي تبين تييبين اجلي...

    روضه: انا لله وانا اليه راجعون...انتي امج حملت فيج اكيد وهي تشوف السنافر وتأثرت بسنفور جبان...

    مريم تبتسم بدون نفس: يا سخافتج...بعدين متفيجه تدقين سوالف ويا حمود..عيب روضوه تخيلي امج درت..

    روضه تضحك: بتذبحج انتي بتقول انج انتي اللي خربتيني...وتبين تعرفيني على اخوج..بطلع منها مثل الشعره من العجين وكله على راسج..

    مريم ضحكت: مرت خمس دقايق ادق؟

    روضه: دقي يا خبله شو تتريين؟

    دقت مريم..وقلبها يدق.."امي حياتي..ولهت عليها...مادري شو بقول لها..&#33;&#33;"

    كانت مريم ترتجف شوق وهي تدق وعطاها الرقم مقطوع..

    مريم شهقت: رووضوه مقطوع..

    روضه تير التلفون عنها: وين مقطوع...شكلج من الزيغه داقه غلط...هاتي انا اتصل لج...

    ردت روضه تدق وعلى طول ردت عليها حرمه...

    مدت روضه التلفون لمريم وهي متبسمه...

    مريم بإرتباك: السلام عليكم...

    ام محمد مبتسمه بهدوء وقلبها يحترق شوق: وعليكم السلام ورحمة الله...مريم يا بعدي قلبي...

    مريم بدون مقدمات صاحت: امـ ــايه...&#33;&#33;&#33;

    ام محمد بتأثر: ليه تبكي يا مريم...بسم الله عليكِ..&#33;&#33;

    مريم تصيح من خاطرها وتفرغ كل تعبها وضيجها بالتلفون...وتعبت من تمثيل دور الانسانه السعيده...وام محمد صدق مصدومه من خاطرها...

    مريم تصيح: امايه اباج...

    ام محمد مصدومه: وش فيكِ يا مريم...ليكون ابوكِ زعلك؟

    مريم تصيح: محد زعلني يا امايه...بس والله اني متولهه عليج..من خاطريه متولهه..وتعبانه نفسياً وابى اشوفج...

    ام محمد دمعت: يا حبيبتي يا مريم...مهو بإيدي ولا ايدك...كلمي ابوكِ يمكن يرضى..مع اني اعرفه سالم راسه يابس ومهو بطايع..

    مريم تشهق من الصياح: امي اذا ماقدرت اشوفج هالفتره صدقيني بموت..بموت يمه..

    ام محمد بكت من خاطرها: ليه تقولي كذا...وانا من لي غيرك..يهون عليكِ تحرقي قلبي بهالكلام...

    روضه ما قدرت تمسك نفسها ويلست تصيح من خاطرها طلعت برا الصاله وتساندت بجدارها من برا وتمت تصيح من خاطرها...ما قدرت تتحمل...تشوف اختها انهارت وهي تصيح...اول مره تشوف مريم تبكي بحرقه وهي اللي ياما خبت وياما سكتت ورضت بكل شي ينكتب لها...تشوف اختها تنهار..وهي ساكته ما تقدر تسوي شي...

    مريم تمسح دموعها: امايه فديتج سامحيني والله انفعلت ما تعرفين كثر شوقي لج يالغاليه...

    ام محمد تبتسم: كيفك يا مريم..ان شاء الله امورك تمام...وصحتك زينه؟

    مريم تبتسم لحنان امها: بخير يا امايه..صدقيني انا جسدياً بخير...مب مضايقني غير اني ما شوفج...ابى بس اشوفج وارتاح من كل اللي فيني...

    ام محمد بحزن: اصبري يا مريم..ان الله مع الصابرين..واسمعي كلام ابوكِ وحرمته...تراها بحسبة امك وهي اللي ربتك وصبرت عليكِ...ومقامها من مقامي..

    مريم بقهر: تخسي والله...بعده ما انخلق يا امايه اللي يكون بمكانج...انتي محد يسواج ولا يسوى حتى التراب اللي تمشين عليه...فلا تقارنين نفسج مره ثانيه بأي حد...

    ام محمد ابتسمت مستانسه: بس ام عبدالله تعبت فيكِ وربتك مفروض ما تعصينها في شي...لو ما تبينها مثلي على الاقل اسمعي كلامها..

    مريم بجديه: عمري ما قلت لها لاء يا امايه والله...لا تحاتين من هالناحيه..

    ام محمد: بارك الله فيكِ هذا العشم يا مريم..(تتنهد) كيف اخوانك وخواتك ان شاء الله انهم بخير..؟

    مريم: كلهم بخير..(ولفت بتشوف روضه بس ما لقتها) توها روضوه كانت هني مادري وين سارت...

    ونشت مريم وهي تسولف لامها وماسكه التلفون ووايجت من باب الصاله وشافت روضه واقفه عند اليدار تطالع بعيد وشكلها سرحانه..

    مريم: روضوه امايه تسلم عليج..

    روضه اللي كان مبين انها صاحت: الله يسلمها سلمي عليها...

    ام محمد: بعد قلبي هذي البنت الصغيره؟ صح؟

    مريم تبتسم: هذي شيخة كل اللي في البيت يا امايه...هذي حبيبتي والله..

    ام محمد مبتسمه: الله لا يغير عليكم...يا بنتي...

    مريم: شخبارها اماني وفهودي؟

    ام محمد: والله اماني مطلعه لي قرون ..وش اقولك يا مريم..طفشتني ومللتني...طول الوقت تتشكى وتتذمر...

    مريم: امايه اصبري عليها تعرفين الحين داخله على مرحلة مراهقه..الله يعينج عليها لين ما تخلص 18 سنه...بتم اذيه...بس اكسبيها صديقه..

    ام محمد: اختك عينها على اللي في ايد غيرها..مهي مثل اخوانها قنوعه...وكل شي تتحسس منه...

    مريم: امايه اعطيني اياها برمسها..

    ام محمد: والله نايمه يا بنتي من يوم رجعت من المدرسه...بالغصب رضت اليوم تروح المدرسه بعد طلعت الروح...

    مريم: زين حمود عندج؟

    ام محمد مبتسمه: ايه خذيه بس لا تطولين لا يزعل ابوكِ عليك..

    مريم: لا تحاتين فديتج...

    شل محمد السماعه...

    محمد: الحين انتي مريم صدق ولا اختها الغبيه..؟

    مريم: الحين روضوه غبيه؟ الله يسامحك...

    روضه دخلت الصاله: قولي له حرمته غبيه مب انا...انا روضه شيخة البنات كلهن..

    محمد: لا يا شيخه قولي لها شيخه على نفسها بس..

    مريم تضحك: عاد الحين اجتمعوا المخبل...روضه ومحمد...

    محمد: مالت عليها وعلى اسمها...روضه...ليه ما سميتوها حضانه احسن..روضه كثير عليها..

    مريم ماتت ضحك: والله لو تدري شو قلت بتنتف ريشك حمود...

    روضه: ليش شو قال؟</font>
    </font></p>
    <p style="text-kashida: 0%"><font face="arial, helvetica" size=3><font face="arial, helvetica,verdana">مريم حست السالفه مصخت: خلاص محمد عيب عليك وانتي يا روضه بسج عاد..والله لو تدري عموه عادي تذبحنا...

    محمد: ذبحها جدي..&#33;&#33;&#33;تذبحكم ليه..خرفان ولا دجاج...؟

    مريم صخت ما بتعيب على ام عبدالله وروضه واقفه: زين محمد ما دورت لك شغل؟

    محمد: اريد اجي الامارات بس امي واقفه لي شوكه في البلعوم..تخاف اني لا رحت هناك ما ارجع...

    مريم: تخاف عليك من مصير اختك..بس يا ليت تيي هني والله وناسه..

    روضه: لا دخيلج ما نباه..روحنا مب متحملينه تلفون..ييينا الامارات..انا بسافر بلد ثاني..

    محمد: قولي لها احسن بتريح الدوله من ثقالة دمها...

    قالت مريم لروضه شو قال محمد..

    روضه: لا دخيلك انت...اللي يسمعك وانت تسولف ميت على خفة دمك...اثقل دم بحياتي شفته..الله يعين خالوه هاجر..

    محمد يتمصخر: ايه..خالوه هاجر...&#33;&#33;&#33;

    مريم: يا ويلي على حشرتكم...والله انكم اذيه..صدق صدق...انتوا الاثنين لو اجتمتعوا بمكان بتدمرونه...

    وانقطعت البطاقه قبل يرد محمد....

    مريم تبند السماعه: خلصت البطاقه...وييه والله هالولد حشره...&#33;&#33;&#33;

    روضه بحماس: والله تتصلين من البطاقه الثانيه...ما بيبرد خاطريه الا لما أأدبه...

    مريم: خلي البطاقه ليوم ثاني بنتصل فيها روضوه عن العبث والبطره...

    روضه تشل التلفون وتدق الرقم: ما تبين ترمسين كيفج ..انا بسبه شوي وببند...

    مريم: ان لله وانا اليه راجعون..روضوه مافينا على المشاكل..

    روضه مطنشتنها: روحي راقبي اخاف يي ابوي وانا ارمسه...

    رد محمد...

    محمد: هاه خلصت البطاقه..؟

    روضه مبتسمه: هيه...

    محمد ميز الصوت الحين: انت مو مريم....&#33;&#33;&#33; انتِ الهبله الثانيه صح؟ روضه مدري حضانه؟

    روضه بتنفجر ضحك: هاهاها سخيفه تصدق...

    محمد: لا برهني لي...

    روضه: ايه اسمع انت..احترمني انا اكبر عنك...ترى لولاي ما رمست مريوم هالخبله...تعرف ولا ما تعرف؟ احمد ربك اني وهبتك فرصه تسمع صوتها..

    محمد: احمد ربي الحمدلله بس مو عليك...الحمدلله انك منتي اختي ولا كان ذبحتك من زمان...

    روضه: ودك بس انت اكون اختك...

    محمد: الله لا يقول ان شاء الله..بدفنك وانت حيه..لو لي اخت طول لسانها كذا كان ذبحتها من سنين...

    روضه: غبي والله...

    محمد: بجي الامارات وبعلمك من الغبي...

    روضه: الله يعين البلاد جان بتييها ...قسم بالله لوعة جبد بتصير...

    محمد: ماني جاي اشحت منك..جاي اشتغل..تفهمين يا بقره..&#33;&#33;

    مريم ردت الصاله : روضوه ليكون طول الوقت ترمسين حمود..عيب والله تصكين الحين والله بزعل عليج..

    روضه: اسكتي الله يخليج...

    محمد: لا تسكتين اختي تفهمين؟

    روضه: زين انت الثاني...يالله روح روح..انا بصكر الحين خسارة بيزاتي في واحد اهبل مثلك..

    محمد: طيب يا حضانه اعطيني اختي...&#33;&#33;

    روضه قبل تبند: محمد...ترا اسولف وياك عن تزعل...هاه رمس مريامي...تعال الامارات أي وقت..على الاقل بلاقي حد اتحرش فيه...ويتحمل طولة لساني...

    محمد مبتسم: بجي وليه انا بنتظر اذن منك...ضفي وجهك وفكينا عاد...

    روضه مصدومه من دفاشته: شو يعني ضفي وجهك؟

    محمد يضحك: وانا وش دراني وش تفسيرها بالاماراتي..اكيد فيها حرف ياء مبلوع..مثل عوايدكم..(ويضحك)

    مريم تضحك: يعني قلبي ويهج روضوه..

    روضه حرجت: صدق انك ما تنعطى ويه...اذلف واقلب ويهك انت يالخسف..

    محمد يضحك: توك فهمتي...بدري يا شيخه...

    روضه: مع السلامه..يا اهبل...&#33;&#33;&#33;

    مسكت مريم السماعه وهي مبتسمه...

    مريم: اشوفك مستانس على السوالف حضرتك؟

    محمد: ابتلينا عاد...

    مريم: زين يالله سلم على امي واماني وفهود..وعمي طلال..

    محمد: الله يسلمك من كل مكروه..ديري بالك على حالك...وسلمي على اختك الغبيه هذي...( يبتسم) عجبتني ودخلت مزاجي...

    مريم: لا والله..هيه استح على ويهك..&#33;&#33;&#33;

    محمد: زين يا شريفة مكه...بروح عند صاحبي هالحين..يالله بخليكِ..

    مريم مبتسمه: باي حبيبي...

    بندت مريم عن محمد وهي مبتسمه..وطالعت روضه اللي هي الثانيه مبتسمه...

    روضه: استانست عليه...

    مريم: فديته والله..مستوي شيطان...

    روضه مبتسمه: سوالف هالولد...

    مريم: بس والله عيب اخليج ترمسينه الحين لو حد درا شو بنسوي...

    روضه: اووه..يا مبادئ يا قيم..هو الا تلفون ما حبينا بعض وما سوينا شي غلط..

    مريم احمرت: شو حبينا بعض انتي الثانيه..ما ناقص الا هذا...

    روضه تبتسم: قصوره بعد احبه هالاهبل...مستواي ارقى...&#33;&#33;

    مريم مستنكره: هيه ودج بس انتي بمحمد اخوي..تتمنين نظره منه..

    روضه تضحك: لا حياتي ما بعرس الا بولد بلادي فديته...&#33;&#33;

    مريم تطالعها مستنكره: انزين..خله يي اول بعدين تفاخري فيه..

    روضه مبتسمه: عصبتي؟

    مريم : لا والله اسولف وياج..ليش اعصب...بس احذرج من اللي تسوينه...&#33;&#33;

    روضه: ادريبج طيبه..يالله تعالي بنشوف التلفزيون...

    مريم تقرب منها وتلوي عليها الشي اللي خلى روضه تستغرب...

    مريم: مشكوره حبيبة قلبي...ماعرف بدونج انا من اكون..

    روضه ابتسمت وهي تلوي عليها اكثر: ولو حبيبتي..اذا اختج ما عاونتج..تترين العون من من؟

    مريم تبتسم: زين حطي لنا أي شي نشوفه..على الاقل نكسر حاجز الملل...

    روضه تيلس على الكنبه عند مريم ويلسن يطالعن التلفزيون...مستانسات على السوالف ويا قوم السعوديه اللي ونسوووهم للاخر..
    ..................</font>
    </font></p>
    <p style="text-kashida: 0%"><font face="arial, helvetica" size=3><font face="arial, helvetica,verdana">عقب اذان المغرب على طول..ومن ردوا الناس من المسايد..نزلت بسرعه للصاله كلها شوق وفرح...اليوم بيرد...اليوم بتستانس...وتدعي في كل خطوه انه يكون لو شوي على الاقل تغير....

    يلست في الصاله او بالاحرى تمت واقفه تروح يمين ويسار..من الفرحه مب قادره تمسك نفسها...

    ام سعيد: يا بوج دوختينا يلسي..صدعتي براسي..رايحه يمين ويسار..

    شمسه بفرح: ما تعرفين يا امايه كثر شو ولهت عليه والله ان البيت بدونه ما يسوى شي..انا ما صدقت رد من امريكا يروح المستشفى الحين...ماصبر عنه والله..

    ام سعيد مستانسه: باجر تعرسين وتنسينه...

    شمسه: الا سعيد..الا سعيد..هذا كل شي يا امايه والله..ما تعرفين سعيد شو يعني لي...

    ام سعيد: يالله عسى لا يحرمكم من بعض يا بنتي..

    وسمعت هرن السياره وشافت البشكاره تربع برا تفتح الباب..كانت بتطلع وياها بس كان في دكتور ياي ويا بوسعيد يبا يرمسه شوي في الميلس ويوصيه على سعيد وعقب خالها حمد بيرده المستشفى..طبعا بيرد الدكتور مب سعيد..لان سعيد بيتم في البيت لين الجمعه بالليل...

    اول ما وصل الصاله كان بروحه لان خالها وابوها ساروا الميلس مع الطبيب..وسعيد سار الصاله بروحه...واول ما فتح باب الصاله وقفت ام سعيد مستانسه وفيها صيحه..بس بو سعيد حلف عليها يمين ما تصيح ولا تنزل دمعه عشان الريال ما يتحسس ويكره العيشه اللي عايشنها..والحين بتدور اكبر معركه واكبر حرب نفسيه بين ام سعيد وسعيد وشمسه...كيف بيسيطرن على اعمارهن ما يصيحن..بيحاولن قد ما يقدرن لو انهن يدرن ما بيرومن...

    سعيد ابتسم وهذا انجاز بحد ذاته...سار عند امه وحبها على راسها ولوى عليها...غمض عيونه وهي في حضنه تقاوم انها ما تصيح..وهو يحس انها وحشته فوق ما يتخيل...كل يوم وياه في البيت..كل يوم تشوفه ويشوفها ما درى انه لو غاب عنها مره ثانيه بيرد يوله عليها هالكثر..

    ام سعيد تقاوم الدمعه: الحمدلله على السلامه فديت هالعرضه..&#33;&#33;

    سعيد مبتسم من قلبه: الله يسلمج يا اغلى الناس...

    يرت ايده تحب كفوفه ولوت عليه وهو مسك كفها وتم يحبها على راسها..وشمسه واقفه مبتسمه تصارع الصياح وللحين وهي وامها منتصرات في حرب الدموع..

    ام سعيد: ايلس فديت روحك...ايلس يعلني ما خليت من هالويه...

    سعيد: صبري بسلم على شموستي...&#33;&#33;

    قربت منه شمسه مبتسمه وبدون مقدمات لوت عليه وصاحت وخسرت معركتها ويا دموعها..وهو ابتسم...

    شمسه: سعيد والله تولهت عليك..

    سعيد: الا هو يوم واحد..مفروض تكوني افتكيتي من صدعتي..&#33;&#33;

    شمسه تمسح دموعها: والله يا سعيد حسيت بفراغ كبير بعدك...

    سعيد يتنهد: تعبان وايد شموس...اريد ارقد..

    شمسه ابتسمت: جهزت لك حجرتك تقدر تروح تتسبح وترقد الحين..تبانا نوعيك متى؟

    سعيد اختفت ابتسامته: لا شمسه..الدكتور قالي غير حجرتك...لازم ارقد في حجره ثانيه..

    شمسه استغربت بس ما سألته ليش وكل اللي فهمته ان الدكتور يالس يسوي حاجز بينه وبين أي شي يربطه في عالمه الماضي...

    شمسه: شو رايك ترقد في حجرتي الليله لين ما نرتب الحجر باجر...

    سعيد: بترقدين في حجرتي؟

    شمسه: هيه اكيد..وانت ارقد في حجرتي...(وغمزت له) بس عن تفتش فيها اسرار..

    ام سعيد تضحك: اسرار شو يالخبله...&#33;&#33;

    سعيد مبتسم: مادريبها..زين امايه فديت روحج انا طالع فوق برتاح شوي..هلكوني اليوم بالمستشفى..

    شمسه: بطلع وياك...(ويودت ايده وطلعت فوق وياه) لا تقول ما تباني غصبا عنك بطلع وياك..

    سعيد: انا اقدر اقول لاغلى ناسي لاء..تعرفين عمرج الكل بالكل...

    شمسه قلبها يدق بقو..وايد خلال اربع وعشرين ساعه سعيد مب سعيد اللي طلع..هي تدري ان حالة الهدوء اللي هو فيها مؤقته...بس مع الاستمرار في العلاج النفسي اكيد بيكون توب على الاقل عقب كم من شهر...

    سعيد: خلاص شموس انا بسبح وبرقد وباجر وعيني انزين..

    شمسه: ما بتتعشى ويانا؟

    سعيد: لا مالي خاطر والله...(ابتسم) تعشوا عني انتوا..

    شمسه مبتسمه: زين روح اسبح وارقد وعن تفتش حجرتي هالمره الثانيه احذرك...

    سعيد: ييبي لحافي ومخداتي مابا ارقد على مخدتج...

    شمسه: انزين روح اسبح وببدل لك كل شي...

    دخل عنها سعيد...دخل حجرتها...يحس جلساته البارحه واليوم لين الظهر كانت اوكي..ويحس ان في شي بداخله بدا يكبر وينمو...يمكنها فتحة امل..يمكن من يدري..كل اللي يهم بالموضوع ان سعيد بكل سرعه استجاب وبطريقه نادره للعلاج...

    .
    .

    في الميلس كان بو سعيد يالس ويا حمد خال العيال ومعاهم الدكتور النفسي اللي يابوه من المستشفى عشان يرمسهم ويخبرهم شو يسوون...

    بو سعيد: والحين ما يحتاي نسوي له شي في البيت..

    الدكتور: لا والله ما يحتاج شي..اهم شي ينتضم في الجلسات النفسيه عندنا...وبعدها لو انتضم ممكن تكون النتيجه ايجابيه...

    حمد: وما بيحتاج علاج جسدي؟

    الدكتور: ابداً...انتوا ما شاء الله جبتوه في وقت سريع..يعني الحاله ما صار لها اكثر من اسبوعين وشي...الحمدلله ما مر عليها شهر واكثر ولا كنتوا بتضطرون تعالجونه بالمسكنات وهذي لها اثار جانبيه خطيره..

    بو سعيد يبلع ريجه: هو الحين بخير..؟

    الدكتور: ماقدر اقولك بخير بخير..لكن ابنكم فيه ميزه تميزه عن غيره وهالشي نادر ما يصير..وهي سرعة استجابته للعلاج...

    حمد: كيف يعني يا دكتور..؟

    الدكتور: لما سألته في البدايه عن مشكلته...رفض يتكلم..وهو يحس انها فضيحه غير قابله للمسامحه...احساسه كان صعب خصوصا نظرة المجتمع له...وانتوا طبعا تعرفون قبلي ان ابنكم متفوق وله سمعه يعني بمعنى اصح شبه مشهور ومكرم من كذا مؤسسه..احساسه ان كان شي وانه صار شي ثاني هو اللي مأزمنه اكثر من فقدان زوجته...

    بو سعيد: لا اله الا الله...والحل يا دكتور؟

    الدكتور بهدوء: لازم سعيد يغير حجرته مثلما اتفقت انا وهو...ينزل يتناول كل وجباته معاكم...ويمارس حياته بشكل طبيعي..

    حمد: بس ما طايع لنا يا دكتور...&#33;&#33;&#33;يمكنه يقنعك وهني يلعب فينا...؟

    الدكتور: لا انا اعرفه يتكلم بشكل صادق واحساسي انه متقبل العلاج وان شاء الله يتعالج بأقرب سرعه ممكنه...

    حمد: هالمطلوب بس؟

    الدكتور: طبعاً لاء...لا تنسى اهم شي من كل هالاشياء..وهو ان سعيد ما بيتم عمره كله في المستشفى..وحالته لو انتكست هني بتزيد المأساه...سعيد لازم يشغل نفسه...وعلاجه الوحيد لكل اللي قاعد يصير له هو الشغل...دوروا له على شغله يقضي فيها وقت فراغه اللي ذابحنه...واللي هو السبب في كل اللي صار له..

    بو سعيد: بس سعيد ما خبرك شو يبى يشتغل؟

    الدكتور مبتسم: خلاص فهمني شو يبا...سعيد طموح زياده على اللزوم..يطمح للقياده والاداره...وما بيرضى باقل من هذول...لكني فهمته بطريقتي انه لازم يبدا من الصفر وبعدها يثبت للي حواليه انه يستحق أي منصب راقي ينحط فيه...

    بو سعيد: والحين شو؟

    الدكتور: قدم اوراقه لاي شركه خاصه او مؤسسه حكوميه..وبيلاقي خير..وانا انصحك انك تقدم له في شركه بتروليه لان هذا مستواه...ما شاء الله شهادات سعيد تستحق اكثر من منصب وزاري...

    حمد: الله يسامح اللي كان السبب في اللي هو فيه...

    الدكتور: خلاص ما تبكي على اللبن المسكوب..فكر في اللي ياي...سعيد لازم يشتغل..وبعدها يستقر ...

    بو سعيد استانس للكلمه الاخيره..ولو خبر ام سعيد عادي تتخبل من الوناسه...

    حمد مبتسم: خير ان شاء الله يا دكتور..خل حالته تستقر...وبنات الحلال ما شاء الله وايدات...

    بوسعيد مستانس: والله ما ندري كيف نشكرك يا دكتور...ما قصرت ثوابك عند الله..

    الدكتور مبتسم: هذا واجبنا وهذا شغلنا اللي انخلقنا عشانه..بعدين الله يشفي سعيد وكل المرضى يارب...

    حمد: زين دكتور ما نفتح وياه سالفة بنته؟

    الدكتور: هالموضوع بشوفه وياه يوم السبت في الجلسه الصباحيه ان شاء الله..من هالناحيه لا تحاتي يا حمد..بحاول كثر ماقدر اشجعه يقوم بكل الخطوات الايجابيه بعيد عن المشاكل والمحاكم..يعني بنتعامل مع الموضوع بشكل سلمي وايجابي ويرضي كل الاطراف..

    بوسعيد خلاص الدنيا مب واسعتنه من الفرحه...على الاقل سعيد حاله الحين اهون من قبل لو انه بس يوم واحد وتغير طفيف بس اهون من انه يتم على حاله القبلي..

    نش الدكتور ووراه حمد بيوصله المستشفى وبو سعيد سار البيت بييلس ويا ام سعيد يقول لها شو قالهم الدكتور بالضبط ومنها بييلس ويا سعيد..ما يدري انه رقد خلاص..ومحد في الصاله الا شمسه وامها...
    ......................</font>
    </font></p>
    <p style="text-kashida: 0%"><font face="arial, helvetica" size=3><font face="arial, helvetica,verdana">في صالة البيت الصغيره كان ينط من مكان لمكان ويحاول يشرد بس مب قادر لان في حصار شديد عليه من كل الجهات...والبيت كان حشره وصراخ وضحكات بريئه...

    فهد: إمسكيه لا يهرب يا اماني..

    اماني تضحك: خايفه يا فهد..تعال انت هنا وانا بروح مكانك..

    فهد يطنز عليها: يا خوّافه..&#33;&#33;&#33;

    اماني: طيب تعال انت مكاني..يوم اني خوّافه...

    فهد بخوف: لا ماني بجاي..اخاف يصير فيني شي..

    تضحك اماني وهي تشرد وتنط بهبل على المخدات....ويطلع لهم محمد من حجرته محتشر...

    محمد يصارخ: اييه انتي وياه...وش عندكم؟

    اماني : فهد جاب لنا عصفور من برا...وطار من ايده وما قدرنا نمسكه..

    محمد يمسك فهد من اذنه: كم مره فهمتك تخلي العصافير في حالها...انت للحين كم ارتكبت جريمه في حق العصافير...بسألك سيرتك الاجراميه حافله بقتل العصافير؟

    اماني ميته ضحك...ومحمد فيه ضحكه بس ماسك عمره..

    فهد: هي الغبيه تلعب في حوشنا وانا مسكتها..

    اماني تضحك: امي لو تعرف بتذبحك..

    محمد يطالع اماني ويهد فهد: اقول كلمنا مريم اليوم..تسلم عليكم..

    فهد طنشهم وراح يدور للعصفور بين المخدات...

    اماني: وليه ما قومتوني..كم مره تتصل وانا مو موجوده؟ حرام عليكم..&#33;&#33;&#33;

    محمد: كنت بقولك بس امي قالت خلها تنام...

    وقبل ترد اماني دخل بو محمد البيت وشكله معتفس فوق تحت...وحالته حاله..

    محمد عاقد حياته وطالع ابوه بصمت..

    اماني ركضت عنده: ابوي انت تعبان؟

    بو محمد: وين امك؟

    محمد: تصلي داخل؟

    بو محمد بدون مقدمات دخل الحجره وشكله قفل الباب من داخل..واماني ومحمد وقفوا يطالعون بعضهم..اصلا هذا مب موعد رجعة ابوهم من دوامه..وشكله غير..اكيد في مصيبه صارت...

    محمد بخوف: ليكون بس البلديه كشفت الورشه؟

    اماني شهقت: لا تقول كذا يا محمد فال الله ولا فالك..

    محمد: انا بسمع وش يقول لامي..وانتي تعالي معي..طيب؟

    اماني: عيب يا محمد..والله عيب...

    محمد متذمر: ما بيخبرونا بعدين..خلنا نعرف الحين..تعالي..

    يت اماني ببطء ووقفت وياه تسمع شو يقولون اهلها داخل...كانت ام محمد من صوتها مبين انها مفجوعه من اللي يقوله لها بو محمد...

    ام محمد : طيب وش بنسوي هالحين؟

    بو محمد بيأس: والله ما عندي شي..مدري وش اسوي...

    ام محمد: طيب نتسلف؟

    بو محمد: ما اللي بنتسلف منه بكره يبي فلوسه كيف بنردها يا هاجر؟

    ام محمد تفكر: مافي أي حل هالحين الا إننا نحوّل...يا بو محمد اسأل اصحابك ومعارفك..يمكن حد عنده سكن مناسب..

    بو محمد: والفلوس متى بنسددها؟

    ام محمد: مهي بمشكله بنخفف مصاريف البيت واحنا في وجه اجازه..ان شاء الله بيتوفر المبلغ..

    تبتسم له بثقه وامل وهو يتنهد بتعب وخوف من بكره..

    بو محمد: الله يسمع منك..بس هه عاد ما وصيك العيال ما يعرفوا بشي...

    ام محمد: لاء يا طلال لازم يعرفوا...عشان يفهموا ويقدروا الظروف...لو ما عرفوا بيفكرون بس نحرمهم من طلباتهم..خلهم يعرفون الحال...15,000 مهيب شويه...

    من ورا الباب كانت اماني مبطله عيونها لاخر اتساع..ومحمد موخي راسه بأسف...الحين هال 15,000 أي سماء بتمطرها عليهم...واي ارض بتنبثق فيها لهم..قمة اليأس لما تكون كل ابواب الحلول مؤصده امامك...&#33;&#33;&#33;

    اماني تبعد عن الباب: محمد &#33;&#33;&#33;

    محمد يغمض ويتسند بالطوفه: مصيبه مصيبه..&#33;&#33;

    اماني: انت لازم تسوي شي..لازم تدبر نفسك وتشتغل...احنا لازم نتصرف..

    فهد بعدما مسك العصفور: تتصرفون على شو؟وش اللي صار؟

    اماني: ولا شي...طيّر العصفور لا تزعل امي هالحين..بتتضايق لو شافته..

    محمد: بيت جديد وسكن جديد وايجار جديد ومصاريف جديده...يخرب بيت الفقر وسنينه...

    اماني لاول مره تشوف محمد منفعل بهالطريقه...بس صدقه...يخرب بيت الفقر وسنينه...يذل بني ادم لين ما يقول بس..

    اماني: محمد هدي اعصابك الحين يطلع ابوي ويفهم انك عرفت...

    محمد دخل حجرته بضيج وصك الباب...

    واماني تنهدت.."نحن ما نخلص من هالمصايب..كلما قلنا هانت انفتح لنا باب لجرح جديد...."

    فهد يلاعب العصفور: ليه محمد زعلان..وش اللي صار يا اماني؟

    اماني بضجر: يا فهد خل هالطير يقول لا اله الا الله ويطير..قتلته في ايدك..خله يطير..حرام عليك...

    فهد مصّر: مانيب مطيّره..تبينه لك.انا اعرفك واعرف الاعيبك...

    اماني: اووه انا وش اباه..اطلع وطيّره برا...هذا ان طار وانت نتفت ريش اهله تنتيف..

    فهد طنشها وقعد عند التلفزيون والعصفور بين ايديه ملتعن...

    قبل تدخل اماني حجرتها انفتح باب حجرة اهلها وطلعت ام محمد ومعاها ابو محمد..كانوا باردين ومب مبين على ملامحهم أي مصيبه الشي اللي خلى اماني تغص في عبرتها...على كثر ما يكتمون هالاهل مصايبهم وعلى كثر ما يحاولون يظهرون القوه في ويه كل مصايب الارض اللي تتحاذف عليهم..

    بو محمد مبتسم: وين محمد؟

    اماني: في غرفته..اناديه؟

    ام محمد: ايه..وتعال يا فهد هنا اشوف وش في ايدك؟

    فهد: يمه هذي عصفوره شفتها في الحوش ومالها حد..خليها تعيش عندنا الله يخليكِ..

    ام محمد: والله ما كنت اعرف ان بيتنا بيتحول ملجأ يتامى..روح طيّره برا قبل اشويه على العشا..

    فهد خاف: طيّب كله ولا الشوي..انا بطيّره..

    ضحكت اماني من خاطرها على غباء فهد ودقت الباب على محمد اللي كان سرحان في عالم ثاني...ويشوف نفسه لا دراسه ولا شغل ولا أي شي ممكن يرجع عليه وعلى اهله بالفايده...

    اماني: محمد ابوي يبغيك في الصاله..تعال (وهمست) شكلهم بيخبرونا..

    محمد نش: طيب اجي الحين...صكري الباب..</font>
    </font>احمد مبتسم: نعم نعم..صحيح ما قلته سيد خليفه..

    يضحكون وعايشه مقطعه احمد في خاطرها تفدّي..تموت في عقله ورزانته وطيبة قلبه وحنيته وتموت في حشمته..

    ضحكت بصوت عالي وفجأه انفتح باب السياره...وحط خليفه كيس الريوق ورا...ورد مكانه جدام..

    خليفه مستغرب: سكنهم مساكنهم..شعندج عويش تضحكين لروحج ولا ترمسين في التلفون؟

    عايشه انتبهت انها كانت في عالم ثاني وابتسمت: لا ماشي بس اتذكرت شي..

    خليفه يحرك السياره: شو؟ قولي شو؟

    عايشه: يوم ام احمد كانت في المستشفى...

    خليفه يبتسم: هيه والله ايام...عاد انتي الحين تصيحين هاييج الايام..كانت هياته على كيف كيفج...

    عايشه تدز جتفه: روح روح..اونه هياته...تخيل لو درى سالم...والله عادي يذبحني ويحرمني من الشغل طول عمري..

    خليفه بطرف عينه: يخسي الا هو..الغيتي وجودي ولا شو..بعدين ما يخصه فيج لا انتي ولا امي ولا اروى..نحن بس جي برستيج جدام الناس اخوان..ولا من يوم اللي صار ما يخصه فينا ولا يخصنا فيه...

    عايشه تنهدت: زين صك الموضوع والله اتعب يوم اتذكره..&#33;&#33;

    خليفه حرج واسرع اكثر بالسياره...وهو يتذكر اللي سواه سالم فيهم..ومستحيل ينساه ومستحيل يسامحه ومستحيل يرضى قلبه عليه عقب اللي سواه فيهم..ما تخيل بيوم ان اخوه ولد امه وابوه سوا كل اللي سوا فيهم..

    عايشه: اووه بس عاد..لا تفكر وايد ماحبك يوم تصخ جي..سولف...

    خليفه بضيج: عصبتي بي..كلما رمست حد فيكم قال سالم وسالم..من يكون سالم عشان تحشروني فيه...مسوين له هيبه ومقدار ما نسيتوا اللي سواه فيكم...مادري كيف ساحرنكم هالريال...&#33;&#33;

    عايشه تهدي الموضوع: زين خليفه خلاص بس فديتك والله تنسى الموضوع..اصلا والله اني ماحب حد في هالدنيا كثرك انت..وما بتصدقني لو اقولك اني مرات احس بالذنب يوم احس اني احبك اكثر حتى من امي...والله يا خليفه انت مب اخوي وبس الا اشوف فيك ابوي اللي انحرمت منه..انا بدونك اصلا ماعرف كيف كنت بتحمل حياتي...لازم يكون عندك ثقه في حب اللي حواليك...والله انت بالنسبه لي على الاقل الكل في الكل...وتفكير اروى وحنّون بعد...ولا تقسى على امايه لا طرت سالم كل شوي..ترى الظفر ما يطلع من اللحم وسالم في النهايه لحمنا ودمنا...ولو قسينا عليه..قلب امي كبير ومسامح وهذا ضناها ما بتقصر فيه...

    خليفه تنهد من الاعماق وشل تلفونه واتصل على تلفون المطبخ..

    سوناتا: نعم بابا...&#33;&#33;

    خليفه: سوناتا سيري افتحي الباب انا واصل البيت..

    سوناتا: ان شاء الله كلوف..

    ابتسم خليفه غصبا عنه..هالبشكاره تفطسه من الضحك رغم عصبيتها بس خبله...

    عايشه مبرطمه: الحين انا ساعه ابرر لك واشرح وانت مبوّز ومعطني ظهرك..ومن يوم ردت عليك هالسوناتا ضحكت لها...ما عليه ما عليه...

    خليفه وهو يطالع سوناتا تبطل الباب: على الاقل ما تيلس كل شوي تقلل من قدري..فيها ذرة احساس..

    عايشه رافعه حواجبها ويوم بركن السياره تحت الظله بطلت الباب وصكته بقوه...

    خليفه: هييه كسرتي باب السياره ما تعرفين تسوين شي بأنوثه...؟

    عايشه: لو قلت لسوناتا فيها انوثه اكثر...

    سوناتا: شو فيها سوناتا..شو يسوي؟

    عايشه: اسألي هذا...(وتأشر على خليفه)

    سوناتا: كلّوف...؟

    عايشه تضحك من خاطرها: دواك والله..

    خليفه: يبالج تذوقينها العصا ولا تجربينه العقال..اقولج اسمي خليفه...قولي خليفه..

    سوناتا تأشر بإيدها ان خليفه يولي: روح روح..انت ولد صغير مافي ابدا يصير كبير..كلوف انت كلوف بس...كل بيت يقول كلوف انا ليش يقول كليفه..

    خليفه يهز راسه ويدخل البيت...شاف امه يالسه وسلم عليها بسرعه...

    ام سالم: ليش متأخر اليوم مب مفروض يطلعونكم ست الصبح؟

    خليفه: قبضونا عاد..شو تبيني اشرد يا امايه؟

    اروى: زين شوي شوي عليها يزاها يالسه تحاتيك..

    خليفه: انزين انا بطلع ارقد الحين لحد يوعيني قبل الخمس اليوم دوامي لين 12 في الليل....

    اروى: ان شاء الله...

    ام سالم: وانا من بيوديني ان شاء الله بيت سالم جان انت بتسير خمس...؟

    خليفه يتنهد: خليها باجر..خميس بوديج لو تبين حتى تباتين...

    وطلع عنها وهي تمت تطالع في اروى بغرابه..واروى تتنهد على حال اخوانها على الاقل خليفه مر وسلم اما عايشه مرت بسرعه سلام وعليكم السلام وطلعت حجرتها...

    ....................</font>
    </font></p></td></tr></tbody></table></font></font></p>اتريا ردودكم
    <img src="http://oasis.bindubai.com/emoticons/laugh.gif" border=0></font>

  8. #8
    المشرف العام للموقع الصورة الرمزية بن دبي
    تاريخ التسجيل
    Dec 2001
    المشاركات
    0
    مزاجي
    Brooding
    قوة التمثيل
    200
    <font color='#000000'>

    هلا وغلا

    مشكــوره غناتي عالقصـه الغاويه ..

    بس لاتبطيـــن علينا بالتكملـــه .. بليز

    وداعة الله </p></font>

  9. #9
    أحسن عضو الصورة الرمزية شمه
    تاريخ التسجيل
    Dec 2002
    المشاركات
    1,588
    مزاجي
    Fine
    قوة التمثيل
    339
    <font color='#000000'>الجورية الحزينة
    تسلمين ع القصــــــه..
    و نحن نتريا التكملــــــه..
    يا الله بسرعــــــه..
    <img src="http://oasis.bindubai.com/emoticons/smile.gif" border="0" valign="absmiddle" alt=':)'>
    شمــــه</font>

  10. #10
    المشرف العام للموقع الصورة الرمزية بن دبي
    تاريخ التسجيل
    Dec 2001
    المشاركات
    0
    مزاجي
    Brooding
    قوة التمثيل
    200
    <font color='#000000'><p style="text-kashida: 0%"><font face="arial, helvetica" size=3><font face="arial, helvetica,verdana">اليوم اكيد الاربعاء...وفرصة مريم للراحه بتكون اكبر..على الاقل في وقت للسوالف واليلسه ويا خواتها...وغير جي ان ابوها ومرته دوم يطلعون بالويكند أي مكان..حاولت قد ما تقدر انها تخلص شغلها من وقت..غدا وغسل صحون وتنظيف الحجر والحمامات..كوي الملابس ومسح الدرايش والرفوف من الغبار وتنظيف البيت بشكل عام...حاولت مريم تخلص كل شي بوقت مبكر عسب الساعه اربع تكون جاهزه للسوالف واليلسه ويا روضه ونوره...رغم انها تدري بنوره ما بتيلس وياهن وايد..عندها ثانويه عامه ولازم تخلص دراسه والسوالف لاحقه عليها..

    ابراهيم: مريم جهزتي شنطتي..يالله الباص يترياني...

    مريم تحط له فوطه: انزين اذا بتتأخرون في النادي اتصل..مافيني ايلس احاتيك..

    ابراهيم: انزين...بتصل..بس مب حافظ رقم بيتنا...

    مريم: كم مره حفظتك..برهوم انت كبير الحين ولازم تكون حافظ رقم البيت او رقم ابوي على الاقل..لا سمح الله وصار لك شي بتدق على منو؟ لازم تحفظ..اليوم انا بكتبه لك في ورقه بحطها لك في الشنطه وباجر ما بكتب لك شي لازم تكون حافظنه..

    ابراهيم يهز راسه بإيجاب: انزين..(يشهق) سمعي هرن الباص يالله بتأخر..بسرعه..

    مريم تبتسم وهي تمشي معاه لين باب البيت البراني: يالله يا رونالدو زمانك..اللي يسمع وراك مباراه دوليه..

    ابراهيم يبتسم: لاء ما وراي مباراه دوليه يا ذكيه...اليوم لعيبة النادي الكبار بيدربونا...وعشان جي انا مستانس بخلي عبدالرحيم يوقع لي..

    تبتسم مريم ما تدري من عبد الرحيم ولا عمرها سمعت فيه..وابراهيم شكله متشقق بس ان شاء الله يستانس ما عنده غير هالنادي يقضي فيه وقت فراغه...بحكم انه صغير في البيت ومحد من عمره..وغير هالشي ان عنده عيال جيرانهم ما يقدرون يلعبون وياه..لانهم كذا مره ييونه البيت يلعبون وياه ويطردهم ابوه ومن هذاك الوقت واليهال ما يطيعون يلعبون وياه...

    ردت مريم الصاله وشافتها خاليه والبيت شكله هادي ومحد فيه..ملل صدق من الخاطر..روضه ردت الساعه 3:00 من المدرسه ورقدت وللحين ما نشت..ونوره تدرس في ميلس الحريم...ابراهيم راح النادي...وابوها للحين هو ومرته راقدين من عقب الغدا...لا صلاه ولا هم يحزنون..

    "عيل عبدالله وين؟؟ بسير اشوفه يمكن راقد هو الثاني.."

    سارت لحجرته بطلت الباب بشوي شوي..دام الباب مفتوح اكيد عبدالله مب موجود او راقد وحده من الثنتين بس...طالعت بس مثل ما توقعت ما كان موجود..وشكل الغرفه مقبره..على قولتها بتسلي عمرها...

    "يالله دام انه مب موجود فرصه ارتب حجرته..وان شاء الله ما يدخل بس وانا ارتبها..اخاف يجتلني فيها واموت قاصره عمر...مادري شو يتحراني باخذ منها...كلها على بعضها كناديره وقمصان..مادري على شو يخاف...هالولد صدق غريب...(ابتسمت) عيل لو انا عايشه عند امي بالسعوديه..شو حياة محمد بتكون..&#33;&#33; بيكون عبثي مرتب ولا كيف..(تهز راسها بالنفي) لا ما صدق حد مبعثر وحالته حاله شرات هالولد..بيذبحني صدق.."

    وخت راسها تيمع كناديره وقمصانه..بتغسلهن بس باجر هب اليوم..بالمره تغسل وياهن ثياب برهوم مال النادي..تحسست شي في مخبا عبدالله..وطلعته جي بدون سبب بس فضول...كيس صغير فاضي..شفاف...طالعت فيه بغرابه وعقته بالزباله..

    "شو سالفة هالاكياس وايد الاقي منها في زبالته وفي مخابيه..شو يبيعون داخل هالجيس؟ غريبه والله.."

    روضه تفتح الباب بشوي شوي:شو تسوين هني؟

    فزت مريم: خوفتيني بسم الله..تحريتج عبود والله...

    روضه تبتسم وشكلها توها ناشه من الرقاد: بغسل ويهي وبصلي العصر وبييج..بخبرج شو صار بالمدرسه اليوم..

    مريم تبتسم: لين ما تخلصين بسير اسوي لنا كوبين نسكافيه..

    روضه: انزين..

    ردت مريم ملابس عبدالله مكانهن وقررت تييهن باجر عقب ما تستأذن منه في ترتيب حجرته مافيها تضيع شي ويكسر راسها وييب اجلها..سارت المطبخ وسوت لها ولنوره وروضه نسكافيه..

    وحطت بسكويت وكوب نسكافيه واحد وسارت لميلس الحريم..وشافت اختها مسنده راسها على الطاوله وراقده على الكتاب...غضمتها صدق..

    مريم بحنان: نوره..نوره حبيبتي نشي..ارقدي في حجرتنا وبعدين ادرسي لازم تريحين شوي...

    نوره انتبهت: لا انا مب راقده بس تعبت..

    مريم: انزين استريحي..يبت لج نسكافيه وبسكويت كلي واشربي وان شاء الله تحسين بنشاط..

    ابتسمت نوره من خاطرها...وطالعت الكتاب عشان مريم تفهم وتطلع..

    نوره: خلاص انا بدرس سلمي على روضه..

    ابتسمت مريم وظهرت عنها...ونوره للحين مبتسمه.." حتى امي ما تحاتيني هالكثر...من شو مخلوقه هالانسانه...مب حنان كل هاللي بداخلها...صدق انه جذاب اللي قال فاقد الشئ لا يعطيه...حكمه يايه بالغلط في الدنيا انا ما صدقها.."

    يلست تعابل اوراقها وانشغلت بالنسكافيه وبكتاب الفيزياء...

    في حجرتهن...يلسن على الارض يشربن النسكافيه ويسولفن...كانت مريم مستانسه ان اليوم اربعاء..راحه وفكه من كل شي واكثر من جي سوالف بدون رقيب ولا حسيب..

    روضه: يا حظهن ربيعاتي يا مريوم لو تعرفين شو يسوّن...&#33;&#33;

    مريم بإندماج: شو يسوّن..؟

    روضه: يأجرن ديفي ديات ويسهرن عليها للفجر مع خواتهن وبنات عمومتهن..

    مريم بفضول: شو يعني هاللي قلتيها من ساعه..هالكلمه اللي مادري شو اسمها..؟

    روضه تضحك: الدي في دي..؟

    مريم تهز راسها: هيه هذا شو هو؟

    روضه: سيدي في الكمبيوتر ينحط وفيه فلم...

    مريم: وليش العباله خلهن يشوفنه في التلفزيون والفيديو...

    روضه حايسها حلجها: تطور..عصر السرعه...نحن موبايلات ما عندنا...

    مريم تهز راسها باستغراب: نحن فيديو ما عندنا...تبين نفكر في الدفدفات مالج انتي وربعج...

    زين هاللحظه ان روضه ما ماتت على كلمة مريم الاخيره من الضحك...ومريم تمت تطالعها مبتسمه..هالروضه عسل مهما سوت..ولها في قلب مريم مكانه خاصه...على الاقل الوحيده اللي دومها في صف مريم كانت ظالمه ولا مظلومه..

    انفتح باب حجرتهن وهن يضحكن...واختفت ضحكاتهن فجأه...

    ام عبدالله: روضوه انا بسير ويا ابوج...خلي بالج من التلفون...(وطالعت مريم) لا تخلين حد يدقه..واذا أي رقم اتصل غير ابوج لا تردين عليه..انزين؟

    روضه مبتسمه ببلاده: انزين..

    وخت مريم راسها..وام عبدالله طلعت...ونشت روضه تطالع من جامة حجرتهن اللي تطل على حوش السياره وشافت ابوها يطّلع السياره وامها وياه...وشكلهم روحوا...

    ابتسمت روضه وهي تطالع مريم وتنهدت..

    مريم بادلتها نفس الابتسامه وشلت اكواب النسكافيه: بتكلمين شموس صح؟

    روضه تبتسم اكثر: هيه (وغمزت لها) بقولج شي بعدين..

    راحت مريم المطبخ...وروضه سارت تتصل بشموس..اللي ردت على التلفون بعد ساعه على كثر ما دق...

    روضه: لو ما رديتي احسن...

    شمسه: فديتها والله فديتها اللي تتصل فيني وللحين ما نستني..

    روضه: هيه قردني قردني..عوذ بالله منج...قاطعه وخقاقه..

    شمسه: شسوي عاد يا روضوه..ما حصلت حد اتدلع عليه واتغلى الا انتي...

    روضه : شحالها حبيبتي ان شاء الله بخير..

    شمسه: تسلم عليج..متولهه موت..

    روضه: والله المدرسه ما تسوى بدونج وحيده انا والله...يالله تعالي السنه اليايه مصختيها عاد...

    شمسه: شو الفايده لو ييت..بتكونين ثانويه عامه...والسنه اللي عقبها بكون بروحي...

    روضه تغير جو: شو رايج ارسب عشان اتم وياج..

    شمسه تضحك: هيه انا موافقه..

    روضه: عنلاتج يالدبه بدل ما تنصحيني وتقولين لي درسي ..تشجعيني على الرسوب..صدق ما منج فايده..

    شمسه: انزين اقولج روضه..والله ادري بتعصبين علي بس مب بايدي...

    روضه: بسم الله شياج؟

    شمسه: الحين لازم ابند...اليوم سعيد بيرد من المستشفى...ولازم ارتب حجرته وابخر البيت...واساعد امايه في المطبخ...

    روضه تضايجت: اوكي خلاص..بس ما قلتي لي متى سار المستشفى..؟

    شمسه: سالفه طويله بعدين اقولج بس حجزوه هناك وقالوا ما يطلع الا كل ويك اند..

    روضه: ليش ان شاء الله..سكن جامعه هو؟ ولا شو السالفه؟

    شمسه تضحك: ابد ما تبطلين حركات الطنازه..يا غبيه هو يتعالج نفسياً الحين ولازم يتم تحت الملاحظه اربع وعشرين ساعه..بس يعطونه اجازه مثل ما قلتي شرات قوم الجامعه...والدوامات مال الامارات البعيده عن بعضها مثل الشباب اللي من بوظبي يشتغلون في الفجيره والعكس فهمتي؟

    روضه: هيه..زين روحي وحبي لي امج...وسلمي على خطيبي؟

    شمسه: للحين ما بطلتي ..للحين عينج على ابوي...ما يباج وعنده شيخة الحريم كلهن...

    روضه: هو بس وده بإشاره مني...يتمنى اصلاً...

    <table cellspacing=0 cellpadding=0 width="98%" align=center border=0>
    <tbody>
    <tr>
    <td>
    <p style="text-kashida: 0%"><font face="arial, helvetica" size=3><font face="arial, helvetica,verdana">شمسه: والله انج..تحفه صدق..يالله روحي وان شاء الله يوم تفضين دقي لي يوم الجمعه ان رمتي او أي يوم...تعرفين ماقدر اتصل بيتكم ما فيني حد يهزبج ماعرف متى مواعيدج...

    روضه تبتسم: اوكي يوم يظهرون بدق لج..اي وقت...امووااح حبيبتي..

    شمسه مبتسمه: يالله باي عمري..سلمي على نواري والله يوفقها...وحبي برهوم..وسلام خاص للريم شيخة كل الحريم..

    روضه: احم احم..

    شمسه: وسلام لاغلى صديقه...

    روضه: بس..؟؟

    شمسه: يالله باي امايا تزقرني...بعدين بتغزل فيج..يا حبج للمديح يا بنت سالم..

    روضه تضحك: يالله باي ...

    بندت روضه وهي للحين تحس بالملل..مافي شي في حياتها فيه اثاره...وبلحظه غبيه تمنت لو عبدالله اخوها مريض بدال سعيد..عشان تستوي كل شوي اثاره في بيتهم..يا يتخبل عليهم الولد يا يظهرون المستشفى وجي...بس ردت تضحك وتحمد الله على نعمة العافيه...

    مريم اللي يالسه تقلب التلفزيون: خلصتي تلفون؟

    روضه تطالعها بملل: هيه...مريم ما مليتي من يلسة البيت؟

    مريم ما لفت عليها: تعودت خلاص...كثرة الدق تفج اللحام...من كثر ما انا متعوده تفجج اللحام وصار عندي حصانه ضد الملل...بس مب دايمه..ترى تييني حالات..

    ابتسمت روضه...وسارت حجرتها..انسدحت على شبريتها وسحبت كتابها بتقرا فيه شوي يمكن تقدر تكسر حاجز الملل...مرسومه خريطه على الكتاب من برا..يت عينها على طول في شي في وسط الخريطه وبخبالها المعهود نشت رايحه الصاله...

    روضه: مريوووم...سلام خاص من شموس..تقول سلمي على الريم شيخة الحريم..

    مريم تبتسم: فديتها والله...زين حد يدلعني..الله يجبر بخاطرها..بس وين شيخة الحريم قويه شوي..

    روضه: وانتي عاد ما تقبلين المجاملات..يعني شو تبينها تقول مثلاً...زين سمعي..امي ما بترد الا في الليل وهاي فرصه نادره...شو رايج ندق حق خالوه هاجر؟

    انصعقت مريم..هاجر...."هاجر...امي..حبيب تي.."

    مريم: لا لا روضوه مافينا على المشاكل..تخيلي ما ردت وعقب تشوف رقمنا في الكاشف وترد تدق..ويتخبرها ابوي من عطاها الرقم وعقبها تعرفين المذبحه اللي ممكن تصير...

    روضه: يالله شو هالتشاؤم الفضيع..اما انتي.&#33;&#33; مريوم يالخبله..امج وين بتطلع يعني؟

    وبعدين لو ما ردت مب مهم..بندق على ريلها وقولي له انج اتصلتي تبين تسلمين عليها وقولي له يوصل لها سلامج وانج بخير ما تشكين باس وانج بتطلعين ويانا في رحله العين نخيّم...عشان تعرف ان محد في البيت وما تدق...

    مريم: لا يا شيخه مشكوره مابا..شو من تخييم في بداية الصيف...مرات عليج حركات تأليف ما تمشي على حد...

    روضه بطرف عينها: مريم ودري عنج هالرعب...يالله متى تصرفين نفسج..متى تعتمدين على تصرفاتج ويكون لج تدبيرج...ليش تخلين الامور مثل ماهي...الله عطاج العقل عشان تفكرين...دايماً حطي حلول واحتمالات..بس ابعدي عن الاسوأ فكري بالايجابي قبل السلبي..

    مريم تتنهد وبإنكسار مبالغ فيه:روضه مافيني على المشاكل ويا ابوي...

    روضه: منو بيقوله يعني...تتوقعين انا..اذا على نوره في ميلس الحريم ما بتطلع...انا بتصل وبكلمهم...(وتبتسم بفرح) عندي بطاقتين...

    مريم مستغربه: من وين يبتيهن؟

    روضه بشطانه: سرقتهن من بوك عبود....

    مريم: غربل الله ابليسج..لا لا مب داقه لامي من فلوس حرام...روحي روحي..

    روضه: يا الله شو هالمخلوقه الفضائيه...والله العظيم اني مشتريتنهم من الدكان حلال والله ذبح حلال....انتي تحفه..

    مريم تضحك: شو ذبح حلال انتي..لا تسوين لنا شرات قوطي الملح حاطين عليه حلال..ماحيده كائن حي...المهم من وين يبتي ستين درهم..اعترفي...&#33;&#33;

    روضه تبتسم: يوم نتصل وعقب ما نخلص بقولج بس والله العظيم انها حلال حلفت بالله..

    مريم تبتسم وبدت تنفعل:اوكي نتصل..انا بطلع برا الصاله عشان اذا وقفت سيارة ابوي اقولج بندي..لين ما تدقين الرقم..

    روضه ملت من خوف مريم: والله انتي ما عندج سالفه..اهلي طالعين الحين شو بيردهم يعني؟

    مريم: ربج عاد..ما تعرفين اني اكبر منحوسه في العالم...

    <table cellspacing=2 cellpadding=0 width="100%" border=0>
    <tbody>
    <tr>
    <td align=middle width=100 height=20></td></tr>
    <tr>
    <td valign=top height=26>
    <table cellspacing=0 cellpadding=0 width="98%" align=center border=0>
    <tbody>
    <tr>
    <td>
    <p style="text-kashida: 0%"><font face="arial, helvetica" size=3><font face="arial, helvetica,verdana">بندت مريم ويلست عند التلفون تتريا متى تمر خمس دقايق ويزقر محمد امه من بيت جارتهم...

    روضه: وينه ليش بند؟

    مريم: قلت لج يا روضوه امي محد..انتي تبين تييبين اجلي...

    روضه: انا لله وانا اليه راجعون...انتي امج حملت فيج اكيد وهي تشوف السنافر وتأثرت بسنفور جبان...

    مريم تبتسم بدون نفس: يا سخافتج...بعدين متفيجه تدقين سوالف ويا حمود..عيب روضوه تخيلي امج درت..

    روضه تضحك: بتذبحج انتي بتقول انج انتي اللي خربتيني...وتبين تعرفيني على اخوج..بطلع منها مثل الشعره من العجين وكله على راسج..

    مريم ضحكت: مرت خمس دقايق ادق؟

    روضه: دقي يا خبله شو تتريين؟

    دقت مريم..وقلبها يدق.."امي حياتي..ولهت عليها...مادري شو بقول لها..&#33;&#33;"

    كانت مريم ترتجف شوق وهي تدق وعطاها الرقم مقطوع..

    مريم شهقت: رووضوه مقطوع..

    روضه تير التلفون عنها: وين مقطوع...شكلج من الزيغه داقه غلط...هاتي انا اتصل لج...

    ردت روضه تدق وعلى طول ردت عليها حرمه...

    مدت روضه التلفون لمريم وهي متبسمه...

    مريم بإرتباك: السلام عليكم...

    ام محمد مبتسمه بهدوء وقلبها يحترق شوق: وعليكم السلام ورحمة الله...مريم يا بعدي قلبي...

    مريم بدون مقدمات صاحت: امـ ــايه...&#33;&#33;&#33;

    ام محمد بتأثر: ليه تبكي يا مريم...بسم الله عليكِ..&#33;&#33;

    مريم تصيح من خاطرها وتفرغ كل تعبها وضيجها بالتلفون...وتعبت من تمثيل دور الانسانه السعيده...وام محمد صدق مصدومه من خاطرها...

    مريم تصيح: امايه اباج...

    ام محمد مصدومه: وش فيكِ يا مريم...ليكون ابوكِ زعلك؟

    مريم تصيح: محد زعلني يا امايه...بس والله اني متولهه عليج..من خاطريه متولهه..وتعبانه نفسياً وابى اشوفج...

    ام محمد دمعت: يا حبيبتي يا مريم...مهو بإيدي ولا ايدك...كلمي ابوكِ يمكن يرضى..مع اني اعرفه سالم راسه يابس ومهو بطايع..

    مريم تشهق من الصياح: امي اذا ماقدرت اشوفج هالفتره صدقيني بموت..بموت يمه..

    ام محمد بكت من خاطرها: ليه تقولي كذا...وانا من لي غيرك..يهون عليكِ تحرقي قلبي بهالكلام...

    روضه ما قدرت تمسك نفسها ويلست تصيح من خاطرها طلعت برا الصاله وتساندت بجدارها من برا وتمت تصيح من خاطرها...ما قدرت تتحمل...تشوف اختها انهارت وهي تصيح...اول مره تشوف مريم تبكي بحرقه وهي اللي ياما خبت وياما سكتت ورضت بكل شي ينكتب لها...تشوف اختها تنهار..وهي ساكته ما تقدر تسوي شي...

    مريم تمسح دموعها: امايه فديتج سامحيني والله انفعلت ما تعرفين كثر شوقي لج يالغاليه...

    ام محمد تبتسم: كيفك يا مريم..ان شاء الله امورك تمام...وصحتك زينه؟

    مريم تبتسم لحنان امها: بخير يا امايه..صدقيني انا جسدياً بخير...مب مضايقني غير اني ما شوفج...ابى بس اشوفج وارتاح من كل اللي فيني...

    ام محمد بحزن: اصبري يا مريم..ان الله مع الصابرين..واسمعي كلام ابوكِ وحرمته...تراها بحسبة امك وهي اللي ربتك وصبرت عليكِ...ومقامها من مقامي..

    مريم بقهر: تخسي والله...بعده ما انخلق يا امايه اللي يكون بمكانج...انتي محد يسواج ولا يسوى حتى التراب اللي تمشين عليه...فلا تقارنين نفسج مره ثانيه بأي حد...

    ام محمد ابتسمت مستانسه: بس ام عبدالله تعبت فيكِ وربتك مفروض ما تعصينها في شي...لو ما تبينها مثلي على الاقل اسمعي كلامها..

    مريم بجديه: عمري ما قلت لها لاء يا امايه والله...لا تحاتين من هالناحيه..

    ام محمد: بارك الله فيكِ هذا العشم يا مريم..(تتنهد) كيف اخوانك وخواتك ان شاء الله انهم بخير..؟

    مريم: كلهم بخير..(ولفت بتشوف روضه بس ما لقتها) توها روضوه كانت هني مادري وين سارت...

    ونشت مريم وهي تسولف لامها وماسكه التلفون ووايجت من باب الصاله وشافت روضه واقفه عند اليدار تطالع بعيد وشكلها سرحانه..

    مريم: روضوه امايه تسلم عليج..

    روضه اللي كان مبين انها صاحت: الله يسلمها سلمي عليها...

    ام محمد: بعد قلبي هذي البنت الصغيره؟ صح؟

    مريم تبتسم: هذي شيخة كل اللي في البيت يا امايه...هذي حبيبتي والله..

    ام محمد مبتسمه: الله لا يغير عليكم...يا بنتي...

    مريم: شخبارها اماني وفهودي؟

    ام محمد: والله اماني مطلعه لي قرون ..وش اقولك يا مريم..طفشتني ومللتني...طول الوقت تتشكى وتتذمر...

    مريم: امايه اصبري عليها تعرفين الحين داخله على مرحلة مراهقه..الله يعينج عليها لين ما تخلص 18 سنه...بتم اذيه...بس اكسبيها صديقه..

    ام محمد: اختك عينها على اللي في ايد غيرها..مهي مثل اخوانها قنوعه...وكل شي تتحسس منه...

    مريم: امايه اعطيني اياها برمسها..

    ام محمد: والله نايمه يا بنتي من يوم رجعت من المدرسه...بالغصب رضت اليوم تروح المدرسه بعد طلعت الروح...

    مريم: زين حمود عندج؟

    ام محمد مبتسمه: ايه خذيه بس لا تطولين لا يزعل ابوكِ عليك..

    مريم: لا تحاتين فديتج...

    شل محمد السماعه...

    محمد: الحين انتي مريم صدق ولا اختها الغبيه..؟

    مريم: الحين روضوه غبيه؟ الله يسامحك...

    روضه دخلت الصاله: قولي له حرمته غبيه مب انا...انا روضه شيخة البنات كلهن..

    محمد: لا يا شيخه قولي لها شيخه على نفسها بس..

    مريم تضحك: عاد الحين اجتمعوا المخبل...روضه ومحمد...

    محمد: مالت عليها وعلى اسمها...روضه...ليه ما سميتوها حضانه احسن..روضه كثير عليها..

    مريم ماتت ضحك: والله لو تدري شو قلت بتنتف ريشك حمود...

    روضه: ليش شو قال؟</font>
    </font></p></td></tr></tbody></table>
    <p style="text-kashida: 0%"><font face="arial, helvetica" size=3><font face="arial, helvetica,verdana">مريم حست السالفه مصخت: خلاص محمد عيب عليك وانتي يا روضه بسج عاد..والله لو تدري عموه عادي تذبحنا...

    محمد: ذبحها جدي..&#33;&#33;&#33;تذبحكم ليه..خرفان ولا دجاج...؟

    مريم صخت ما بتعيب على ام عبدالله وروضه واقفه: زين محمد ما دورت لك شغل؟

    محمد: اريد اجي الامارات بس امي واقفه لي شوكه في البلعوم..تخاف اني لا رحت هناك ما ارجع...

    مريم: تخاف عليك من مصير اختك..بس يا ليت تيي هني والله وناسه..

    روضه: لا دخيلج ما نباه..روحنا مب متحملينه تلفون..ييينا الامارات..انا بسافر بلد ثاني..

    محمد: قولي لها احسن بتريح الدوله من ثقالة دمها...

    قالت مريم لروضه شو قال محمد..

    روضه: لا دخيلك انت...اللي يسمعك وانت تسولف ميت على خفة دمك...اثقل دم بحياتي شفته..الله يعين خالوه هاجر..

    محمد يتمصخر: ايه..خالوه هاجر...&#33;&#33;&#33;

    مريم: يا ويلي على حشرتكم...والله انكم اذيه..صدق صدق...انتوا الاثنين لو اجتمتعوا بمكان بتدمرونه...

    وانقطعت البطاقه قبل يرد محمد....

    مريم تبند السماعه: خلصت البطاقه...وييه والله هالولد حشره...&#33;&#33;&#33;

    روضه بحماس: والله تتصلين من البطاقه الثانيه...ما بيبرد خاطريه الا لما أأدبه...

    مريم: خلي البطاقه ليوم ثاني بنتصل فيها روضوه عن العبث والبطره...

    روضه تشل التلفون وتدق الرقم: ما تبين ترمسين كيفج ..انا بسبه شوي وببند...

    مريم: ان لله وانا اليه راجعون..روضوه مافينا على المشاكل..

    روضه مطنشتنها: روحي راقبي اخاف يي ابوي وانا ارمسه...

    رد محمد...

    محمد: هاه خلصت البطاقه..؟

    روضه مبتسمه: هيه...

    محمد ميز الصوت الحين: انت مو مريم....&#33;&#33;&#33; انتِ الهبله الثانيه صح؟ روضه مدري حضانه؟

    روضه بتنفجر ضحك: هاهاها سخيفه تصدق...

    محمد: لا برهني لي...

    روضه: ايه اسمع انت..احترمني انا اكبر عنك...ترى لولاي ما رمست مريوم هالخبله...تعرف ولا ما تعرف؟ احمد ربك اني وهبتك فرصه تسمع صوتها..

    محمد: احمد ربي الحمدلله بس مو عليك...الحمدلله انك منتي اختي ولا كان ذبحتك من زمان...

    روضه: ودك بس انت اكون اختك...

    محمد: الله لا يقول ان شاء الله..بدفنك وانت حيه..لو لي اخت طول لسانها كذا كان ذبحتها من سنين...

    روضه: غبي والله...

    محمد: بجي الامارات وبعلمك من الغبي...

    روضه: الله يعين البلاد جان بتييها ...قسم بالله لوعة جبد بتصير...

    محمد: ماني جاي اشحت منك..جاي اشتغل..تفهمين يا بقره..&#33;&#33;

    مريم ردت الصاله : روضوه ليكون طول الوقت ترمسين حمود..عيب والله تصكين الحين والله بزعل عليج..

    روضه: اسكتي الله يخليج...

    محمد: لا تسكتين اختي تفهمين؟

    روضه: زين انت الثاني...يالله روح روح..انا بصكر الحين خسارة بيزاتي في واحد اهبل مثلك..

    محمد: طيب يا حضانه اعطيني اختي...&#33;&#33;

    روضه قبل تبند: محمد...ترا اسولف وياك عن تزعل...هاه رمس مريامي...تعال الامارات أي وقت..على الاقل بلاقي حد اتحرش فيه...ويتحمل طولة لساني...

    محمد مبتسم: بجي وليه انا بنتظر اذن منك...ضفي وجهك وفكينا عاد...

    روضه مصدومه من دفاشته: شو يعني ضفي وجهك؟

    محمد يضحك: وانا وش دراني وش تفسيرها بالاماراتي..اكيد فيها حرف ياء مبلوع..مثل عوايدكم..(ويضحك)

    مريم تضحك: يعني قلبي ويهج روضوه..

    روضه حرجت: صدق انك ما تنعطى ويه...اذلف واقلب ويهك انت يالخسف..

    محمد يضحك: توك فهمتي...بدري يا شيخه...

    روضه: مع السلامه..يا اهبل...&#33;&#33;&#33;

    مسكت مريم السماعه وهي مبتسمه...

    مريم: اشوفك مستانس على السوالف حضرتك؟

    محمد: ابتلينا عاد...

    مريم: زين يالله سلم على امي واماني وفهود..وعمي طلال..

    محمد: الله يسلمك من كل مكروه..ديري بالك على حالك...وسلمي على اختك الغبيه هذي...( يبتسم) عجبتني ودخلت مزاجي...

    مريم: لا والله..هيه استح على ويهك..&#33;&#33;&#33;

    محمد: زين يا شريفة مكه...بروح عند صاحبي هالحين..يالله بخليكِ..

    مريم مبتسمه: باي حبيبي...

    بندت مريم عن محمد وهي مبتسمه..وطالعت روضه اللي هي الثانيه مبتسمه...

    روضه: استانست عليه...

    مريم: فديته والله..مستوي شيطان...

    روضه مبتسمه: سوالف هالولد...

    مريم: بس والله عيب اخليج ترمسينه الحين لو حد درا شو بنسوي...

    روضه: اووه..يا مبادئ يا قيم..هو الا تلفون ما حبينا بعض وما سوينا شي غلط..

    مريم احمرت: شو حبينا بعض انتي الثانيه..ما ناقص الا هذا...

    روضه تبتسم: قصوره بعد احبه هالاهبل...مستواي ارقى...&#33;&#33;

    مريم مستنكره: هيه ودج بس انتي بمحمد اخوي..تتمنين نظره منه..

    روضه تضحك: لا حياتي ما بعرس الا بولد بلادي فديته...&#33;&#33;

    مريم تطالعها مستنكره: انزين..خله يي اول بعدين تفاخري فيه..

    روضه مبتسمه: عصبتي؟

    مريم : لا والله اسولف وياج..ليش اعصب...بس احذرج من اللي تسوينه...&#33;&#33;

    روضه: ادريبج طيبه..يالله تعالي بنشوف التلفزيون...

    مريم تقرب منها وتلوي عليها الشي اللي خلى روضه تستغرب...

    مريم: مشكوره حبيبة قلبي...ماعرف بدونج انا من اكون..

    روضه ابتسمت وهي تلوي عليها اكثر: ولو حبيبتي..اذا اختج ما عاونتج..تترين العون من من؟

    مريم تبتسم: زين حطي لنا أي شي نشوفه..على الاقل نكسر حاجز الملل...

    روضه تيلس على الكنبه عند مريم ويلسن يطالعن التلفزيون...مستانسات على السوالف ويا قوم السعوديه اللي ونسوووهم للاخر..
    ..................

    <table cellspacing=0 cellpadding=0 width="98%" align=center border=0>
    <tbody>
    <tr>
    <td>
    <p style="text-kashida: 0%"><font face="arial, helvetica" size=3><font face="arial, helvetica,verdana">عقب اذان المغرب على طول..ومن ردوا الناس من المسايد..نزلت بسرعه للصاله كلها شوق وفرح...اليوم بيرد...اليوم بتستانس...وتدعي في كل خطوه انه يكون لو شوي على الاقل تغير....

    يلست في الصاله او بالاحرى تمت واقفه تروح يمين ويسار..من الفرحه مب قادره تمسك نفسها...

    ام سعيد: يا بوج دوختينا يلسي..صدعتي براسي..رايحه يمين ويسار..

    شمسه بفرح: ما تعرفين يا امايه كثر شو ولهت عليه والله ان البيت بدونه ما يسوى شي..انا ما صدقت رد من امريكا يروح المستشفى الحين...ماصبر عنه والله..

    ام سعيد مستانسه: باجر تعرسين وتنسينه...

    شمسه: الا سعيد..الا سعيد..هذا كل شي يا امايه والله..ما تعرفين سعيد شو يعني لي...

    ام سعيد: يالله عسى لا يحرمكم من بعض يا بنتي..

    وسمعت هرن السياره وشافت البشكاره تربع برا تفتح الباب..كانت بتطلع وياها بس كان في دكتور ياي ويا بوسعيد يبا يرمسه شوي في الميلس ويوصيه على سعيد وعقب خالها حمد بيرده المستشفى..طبعا بيرد الدكتور مب سعيد..لان سعيد بيتم في البيت لين الجمعه بالليل...

    اول ما وصل الصاله كان بروحه لان خالها وابوها ساروا الميلس مع الطبيب..وسعيد سار الصاله بروحه...واول ما فتح باب الصاله وقفت ام سعيد مستانسه وفيها صيحه..بس بو سعيد حلف عليها يمين ما تصيح ولا تنزل دمعه عشان الريال ما يتحسس ويكره العيشه اللي عايشنها..والحين بتدور اكبر معركه واكبر حرب نفسيه بين ام سعيد وسعيد وشمسه...كيف بيسيطرن على اعمارهن ما يصيحن..بيحاولن قد ما يقدرن لو انهن يدرن ما بيرومن...

    سعيد ابتسم وهذا انجاز بحد ذاته...سار عند امه وحبها على راسها ولوى عليها...غمض عيونه وهي في حضنه تقاوم انها ما تصيح..وهو يحس انها وحشته فوق ما يتخيل...كل يوم وياه في البيت..كل يوم تشوفه ويشوفها ما درى انه لو غاب عنها مره ثانيه بيرد يوله عليها هالكثر..

    ام سعيد تقاوم الدمعه: الحمدلله على السلامه فديت هالعرضه..&#33;&#33;

    سعيد مبتسم من قلبه: الله يسلمج يا اغلى الناس...

    يرت ايده تحب كفوفه ولوت عليه وهو مسك كفها وتم يحبها على راسها..وشمسه واقفه مبتسمه تصارع الصياح وللحين وهي وامها منتصرات في حرب الدموع..

    ام سعيد: ايلس فديت روحك...ايلس يعلني ما خليت من هالويه...

    سعيد: صبري بسلم على شموستي...&#33;&#33;

    قربت منه شمسه مبتسمه وبدون مقدمات لوت عليه وصاحت وخسرت معركتها ويا دموعها..وهو ابتسم...

    شمسه: سعيد والله تولهت عليك..

    سعيد: الا هو يوم واحد..مفروض تكوني افتكيتي من صدعتي..&#33;&#33;

    شمسه تمسح دموعها: والله يا سعيد حسيت بفراغ كبير بعدك...

    سعيد يتنهد: تعبان وايد شموس...اريد ارقد..

    شمسه ابتسمت: جهزت لك حجرتك تقدر تروح تتسبح وترقد الحين..تبانا نوعيك متى؟

    سعيد اختفت ابتسامته: لا شمسه..الدكتور قالي غير حجرتك...لازم ارقد في حجره ثانيه..

    شمسه استغربت بس ما سألته ليش وكل اللي فهمته ان الدكتور يالس يسوي حاجز بينه وبين أي شي يربطه في عالمه الماضي...

    شمسه: شو رايك ترقد في حجرتي الليله لين ما نرتب الحجر باجر...

    سعيد: بترقدين في حجرتي؟

    شمسه: هيه اكيد..وانت ارقد في حجرتي...(وغمزت له) بس عن تفتش فيها اسرار..

    ام سعيد تضحك: اسرار شو يالخبله...&#33;&#33;

    سعيد مبتسم: مادريبها..زين امايه فديت روحج انا طالع فوق برتاح شوي..هلكوني اليوم بالمستشفى..

    شمسه: بطلع وياك...(ويودت ايده وطلعت فوق وياه) لا تقول ما تباني غصبا عنك بطلع وياك..

    سعيد: انا اقدر اقول لاغلى ناسي لاء..تعرفين عمرج الكل بالكل...

    شمسه قلبها يدق بقو..وايد خلال اربع وعشرين ساعه سعيد مب سعيد اللي طلع..هي تدري ان حالة الهدوء اللي هو فيها مؤقته...بس مع الاستمرار في العلاج النفسي اكيد بيكون توب على الاقل عقب كم من شهر...

    سعيد: خلاص شموس انا بسبح وبرقد وباجر وعيني انزين..

    شمسه: ما بتتعشى ويانا؟

    سعيد: لا مالي خاطر والله...(ابتسم) تعشوا عني انتوا..

    شمسه مبتسمه: زين روح اسبح وارقد وعن تفتش حجرتي هالمره الثانيه احذرك...

    سعيد: ييبي لحافي ومخداتي مابا ارقد على مخدتج...

    شمسه: انزين روح اسبح وببدل لك كل شي...

    دخل عنها سعيد...دخل حجرتها...يحس جلساته البارحه واليوم لين الظهر كانت اوكي..ويحس ان في شي بداخله بدا يكبر وينمو...يمكنها فتحة امل..يمكن من يدري..كل اللي يهم بالموضوع ان سعيد بكل سرعه استجاب وبطريقه نادره للعلاج...


    <table cellspacing=0 cellpadding=0 width="98%" align=center border=0>
    <tbody>
    <tr>
    <td>
    <p style="text-kashida: 0%"><font face="arial, helvetica" size=3><font face="arial, helvetica,verdana">في صالة البيت الصغيره كان ينط من مكان لمكان ويحاول يشرد بس مب قادر لان في حصار شديد عليه من كل الجهات...والبيت كان حشره وصراخ وضحكات بريئه...

    فهد: إمسكيه لا يهرب يا اماني..

    اماني تضحك: خايفه يا فهد..تعال انت هنا وانا بروح مكانك..

    فهد يطنز عليها: يا خوّافه..&#33;&#33;&#33;

    اماني: طيب تعال انت مكاني..يوم اني خوّافه...

    فهد بخوف: لا ماني بجاي..اخاف يصير فيني شي..

    تضحك اماني وهي تشرد وتنط بهبل على المخدات....ويطلع لهم محمد من حجرته محتشر...

    محمد يصارخ: اييه انتي وياه...وش عندكم؟

    اماني : فهد جاب لنا عصفور من برا...وطار من ايده وما قدرنا نمسكه..

    محمد يمسك فهد من اذنه: كم مره فهمتك تخلي العصافير في حالها...انت للحين كم ارتكبت جريمه في حق العصافير...بسألك سيرتك الاجراميه حافله بقتل العصافير؟

    اماني ميته ضحك...ومحمد فيه ضحكه بس ماسك عمره..

    فهد: هي الغبيه تلعب في حوشنا وانا مسكتها..

    اماني تضحك: امي لو تعرف بتذبحك..

    محمد يطالع اماني ويهد فهد: اقول كلمنا مريم اليوم..تسلم عليكم..

    فهد طنشهم وراح يدور للعصفور بين المخدات...

    اماني: وليه ما قومتوني..كم مره تتصل وانا مو موجوده؟ حرام عليكم..&#33;&#33;&#33;

    محمد: كنت بقولك بس امي قالت خلها تنام...

    وقبل ترد اماني دخل بو محمد البيت وشكله معتفس فوق تحت...وحالته حاله..

    محمد عاقد حياته وطالع ابوه بصمت..

    اماني ركضت عنده: ابوي انت تعبان؟

    بو محمد: وين امك؟

    محمد: تصلي داخل؟

    بو محمد بدون مقدمات دخل الحجره وشكله قفل الباب من داخل..واماني ومحمد وقفوا يطالعون بعضهم..اصلا هذا مب موعد رجعة ابوهم من دوامه..وشكله غير..اكيد في مصيبه صارت...

    محمد بخوف: ليكون بس البلديه كشفت الورشه؟

    اماني شهقت: لا تقول كذا يا محمد فال الله ولا فالك..

    محمد: انا بسمع وش يقول لامي..وانتي تعالي معي..طيب؟

    اماني: عيب يا محمد..والله عيب...

    محمد متذمر: ما بيخبرونا بعدين..خلنا نعرف الحين..تعالي..

    يت اماني ببطء ووقفت وياه تسمع شو يقولون اهلها داخل...كانت ام محمد من صوتها مبين انها مفجوعه من اللي يقوله لها بو محمد...

    ام محمد : طيب وش بنسوي هالحين؟

    بو محمد بيأس: والله ما عندي شي..مدري وش اسوي...

    ام محمد: طيب نتسلف؟

    بو محمد: ما اللي بنتسلف منه بكره يبي فلوسه كيف بنردها يا هاجر؟

    ام محمد تفكر: مافي أي حل هالحين الا إننا نحوّل...يا بو محمد اسأل اصحابك ومعارفك..يمكن حد عنده سكن مناسب..

    بو محمد: والفلوس متى بنسددها؟

    ام محمد: مهي بمشكله بنخفف مصاريف البيت واحنا في وجه اجازه..ان شاء الله بيتوفر المبلغ..

    تبتسم له بثقه وامل وهو يتنهد بتعب وخوف من بكره..

    بو محمد: الله يسمع منك..بس هه عاد ما وصيك العيال ما يعرفوا بشي...

    ام محمد: لاء يا طلال لازم يعرفوا...عشان يفهموا ويقدروا الظروف...لو ما عرفوا بيفكرون بس نحرمهم من طلباتهم..خلهم يعرفون الحال...15,000 مهيب شويه...

    من ورا الباب كانت اماني مبطله عيونها لاخر اتساع..ومحمد موخي راسه بأسف...الحين هال 15,000 أي سماء بتمطرها عليهم...واي ارض بتنبثق فيها لهم..قمة اليأس لما تكون كل ابواب الحلول مؤصده امامك...&#33;&#33;&#33;

    اماني تبعد عن الباب: محمد &#33;&#33;&#33;

    محمد يغمض ويتسند بالطوفه: مصيبه مصيبه..&#33;&#33;

    اماني: انت لازم تسوي شي..لازم تدبر نفسك وتشتغل...احنا لازم نتصرف..

    فهد بعدما مسك العصفور: تتصرفون على شو؟وش اللي صار؟

    اماني: ولا شي...طيّر العصفور لا تزعل امي هالحين..بتتضايق لو شافته..

    محمد: بيت جديد وسكن جديد وايجار جديد ومصاريف جديده...يخرب بيت الفقر وسنينه...

    اماني لاول مره تشوف محمد منفعل بهالطريقه...بس صدقه...يخرب بيت الفقر وسنينه...يذل بني ادم لين ما يقول بس..

    اماني: محمد هدي اعصابك الحين يطلع ابوي ويفهم انك عرفت...

    محمد دخل حجرته بضيج وصك الباب...

    واماني تنهدت.."نحن ما نخلص من هالمصايب..كلما قلنا هانت انفتح لنا باب لجرح جديد...."

    فهد يلاعب العصفور: ليه محمد زعلان..وش اللي صار يا اماني؟

    اماني بضجر: يا فهد خل هالطير يقول لا اله الا الله ويطير..قتلته في ايدك..خله يطير..حرام عليك...

    فهد مصّر: مانيب مطيّره..تبينه لك.انا اعرفك واعرف الاعيبك...

    اماني: اووه انا وش اباه..اطلع وطيّره برا...هذا ان طار وانت نتفت ريش اهله تنتيف..

    فهد طنشها وقعد عند التلفزيون والعصفور بين ايديه ملتعن...

    قبل تدخل اماني حجرتها انفتح باب حجرة اهلها وطلعت ام محمد ومعاها ابو محمد..كانوا باردين ومب مبين على ملامحهم أي مصيبه الشي اللي خلى اماني تغص في عبرتها...على كثر ما يكتمون هالاهل مصايبهم وعلى كثر ما يحاولون يظهرون القوه في ويه كل مصايب الارض اللي تتحاذف عليهم..

    بو محمد مبتسم: وين محمد؟

    اماني: في غرفته..اناديه؟

    ام محمد: ايه..وتعال يا فهد هنا اشوف وش في ايدك؟

    فهد: يمه هذي عصفوره شفتها في الحوش ومالها حد..خليها تعيش عندنا الله يخليكِ..

    ام محمد: والله ما كنت اعرف ان بيتنا بيتحول ملجأ يتامى..روح طيّره برا قبل اشويه على العشا..

    فهد خاف: طيّب كله ولا الشوي..انا بطيّره..

    ضحكت اماني من خاطرها على غباء فهد ودقت الباب على محمد اللي كان سرحان في عالم ثاني...ويشوف نفسه لا دراسه ولا شغل ولا أي شي ممكن يرجع عليه وعلى اهله بالفايده...

    اماني: محمد ابوي يبغيك في الصاله..تعال (وهمست) شكلهم بيخبرونا..

    محمد نش: طيب اجي الحين...صكري الباب..</font>
    </font></p></td></tr></tbody></table>
    .
    .

    في الميلس كان بو سعيد يالس ويا حمد خال العيال ومعاهم الدكتور النفسي اللي يابوه من المستشفى عشان يرمسهم ويخبرهم شو يسوون...

    بو سعيد: والحين ما يحتاي نسوي له شي في البيت..

    الدكتور: لا والله ما يحتاج شي..اهم شي ينتضم في الجلسات النفسيه عندنا...وبعدها لو انتضم ممكن تكون النتيجه ايجابيه...

    حمد: وما بيحتاج علاج جسدي؟

    الدكتور: ابداً...انتوا ما شاء الله جبتوه في وقت سريع..يعني الحاله ما صار لها اكثر من اسبوعين وشي...الحمدلله ما مر عليها شهر واكثر ولا كنتوا بتضطرون تعالجونه بالمسكنات وهذي لها اثار جانبيه خطيره..

    بو سعيد يبلع ريجه: هو الحين بخير..؟

    الدكتور: ماقدر اقولك بخير بخير..لكن ابنكم فيه ميزه تميزه عن غيره وهالشي نادر ما يصير..وهي سرعة استجابته للعلاج...

    حمد: كيف يعني يا دكتور..؟

    الدكتور: لما سألته في البدايه عن مشكلته...رفض يتكلم..وهو يحس انها فضيحه غير قابله للمسامحه...احساسه كان صعب خصوصا نظرة المجتمع له...وانتوا طبعا تعرفون قبلي ان ابنكم متفوق وله سمعه يعني بمعنى اصح شبه مشهور ومكرم من كذا مؤسسه..احساسه ان كان شي وانه صار شي ثاني هو اللي مأزمنه اكثر من فقدان زوجته...

    بو سعيد: لا اله الا الله...والحل يا دكتور؟

    الدكتور بهدوء: لازم سعيد يغير حجرته مثلما اتفقت انا وهو...ينزل يتناول كل وجباته معاكم...ويمارس حياته بشكل طبيعي..

    حمد: بس ما طايع لنا يا دكتور...&#33;&#33;&#33;يمكنه يقنعك وهني يلعب فينا...؟

    الدكتور: لا انا اعرفه يتكلم بشكل صادق واحساسي انه متقبل العلاج وان شاء الله يتعالج بأقرب سرعه ممكنه...

    حمد: هالمطلوب بس؟

    الدكتور: طبعاً لاء...لا تنسى اهم شي من كل هالاشياء..وهو ان سعيد ما بيتم عمره كله في المستشفى..وحالته لو انتكست هني بتزيد المأساه...سعيد لازم يشغل نفسه...وعلاجه الوحيد لكل اللي قاعد يصير له هو الشغل...دوروا له على شغله يقضي فيها وقت فراغه اللي ذابحنه...واللي هو السبب في كل اللي صار له..

    بو سعيد: بس سعيد ما خبرك شو يبى يشتغل؟

    الدكتور مبتسم: خلاص فهمني شو يبا...سعيد طموح زياده على اللزوم..يطمح للقياده والاداره...وما بيرضى باقل من هذول...لكني فهمته بطريقتي انه لازم يبدا من الصفر وبعدها يثبت للي حواليه انه يستحق أي منصب راقي ينحط فيه...

    بو سعيد: والحين شو؟

    الدكتور: قدم اوراقه لاي شركه خاصه او مؤسسه حكوميه..وبيلاقي خير..وانا انصحك انك تقدم له في شركه بتروليه لان هذا مستواه...ما شاء الله شهادات سعيد تستحق اكثر من منصب وزاري...

    حمد: الله يسامح اللي كان السبب في اللي هو فيه...

    الدكتور: خلاص ما تبكي على اللبن المسكوب..فكر في اللي ياي...سعيد لازم يشتغل..وبعدها يستقر ...

    بو سعيد استانس للكلمه الاخيره..ولو خبر ام سعيد عادي تتخبل من الوناسه...

    حمد مبتسم: خير ان شاء الله يا دكتور..خل حالته تستقر...وبنات الحلال ما شاء الله وايدات...

    بوسعيد مستانس: والله ما ندري كيف نشكرك يا دكتور...ما قصرت ثوابك عند الله..

    الدكتور مبتسم: هذا واجبنا وهذا شغلنا اللي انخلقنا عشانه..بعدين الله يشفي سعيد وكل المرضى يارب...

    حمد: زين دكتور ما نفتح وياه سالفة بنته؟

    الدكتور: هالموضوع بشوفه وياه يوم السبت في الجلسه الصباحيه ان شاء الله..من هالناحيه لا تحاتي يا حمد..بحاول كثر ماقدر اشجعه يقوم بكل الخطوات الايجابيه بعيد عن المشاكل والمحاكم..يعني بنتعامل مع الموضوع بشكل سلمي وايجابي ويرضي كل الاطراف..

    بوسعيد خلاص الدنيا مب واسعتنه من الفرحه...على الاقل سعيد حاله الحين اهون من قبل لو انه بس يوم واحد وتغير طفيف بس اهون من انه يتم على حاله القبلي..

    نش الدكتور ووراه حمد بيوصله المستشفى وبو سعيد سار البيت بييلس ويا ام سعيد يقول لها شو قالهم الدكتور بالضبط ومنها بييلس ويا سعيد..ما يدري انه رقد خلاص..ومحد في الصاله الا شمسه وامها...
    ......................</font>
    </font></p></td></tr></tbody></table></font>
    </font></p></td></tr></tbody></table>

    روضه: زين روحي راقبي لين ما اتصل....لا تحاتين حافظه الرقم عدل...

    مريم تبتسم: اوكي..

    طلعت مريم الحوش بين باب الصاله والباب الخارجي عشان تسمع لو ابوها وقف السياره او حد يا منهم...وروضه في الصاله تتصل...ولا على بالها...مب خايفه ولاشي ما تدري بالعواقب اللي ممكن تجنيها لو حد يعرف...كان التلفون يرن..واخيراً حد شله...

    محمد بفرح: كنت داري انك بتتصلي هالاسبوع والله قلبي حس..

    روضه ابتسمت: صدق؟

    عاد روضه ما تصدق أي استهبال بتمشي معاه...

    محمد اللي ما ميز الصوت: ايه والله...كيفك؟

    روضه تخبلت على الرمسه: زينه ما اشكي باس..انت شحالك؟

    محمد مستانس: والله الحمدلله...اقولك لو تأخرتي شوي بعد...متصله بدري يا شيخه..تذكرين متى اخر مره اتصلتي فيها؟

    روضه ارتبكت: والله ما تعرف ظروفي غصب عني ..علوم علوم..خلك منها الحين..انت شحالك؟

    محمد مستغرب: للحين ما سألتي عن امي..غريبه..ليكون نسيتيها...؟

    روضه مصدومه: اووه نسيت امي...فديتها فديتها..شحالها يعلني ما خلى منها...

    هني محمد استغرب اكثر: بس شحالها؟ ما تبين تكلمينها؟

    روضه ارتبكت: اقول محمد.....

    ودخلت مريم تطالع روضه بغرابه: للحين ما ردوا؟

    روضه: لحقي علي ابتلشت في اخوج..يختي بخبرج السالفه يودي رمسيه..

    ابتسمت مريم وهي تير السماعه برجفه وتأشر لروضه توقف عند باب الصاله تراقب لها..

    مريم: السلام عليكم...

    محمد مستغرب: اهلين وعليكم السلام..بسم الله توك تذكرتي السلام؟

    مريم مبتسمه بعدما فهمت ان روضه استهبلت عليه: حمود انا مريم..هذيج روضه ختيه تستهبل عليك..

    هني ويه روضه احترق ومحمد عصب...

    محمد: متخلفه...&#33;&#33;&#33;

    مريم: شحالك حبيبي والله ولهت عليك...

    محمد: لا تغيري الموضوع...اختك هالغبيه قولي لها لا ترد علي مره ثانيه ولا تتصل بيتنا..

    مريم بهدوء: محمد انا اتكلم من بطاقه...لا تضيع الوقت في خبالك انت وروضه اختي..

    محمد استحى: طيب والله واحشتني موت يا مريم..يا قاطعه يا اللي ما تستاهلين نقطه وحده من حب امي لك ودعواتها..كذا تخليها فوق الشهرين بدون اتصال..ولا كيف الحال..؟

    مريم بحزن: غصبا عني والله...محمد اباها دخيلك..مافيني صبر...

    محمد: صكري واتصلي بعد شوي بروح اناديها لك من بيت الجيران...نتصل فيكِ ولا بتتصلي؟

    مريم برعب: لا انا عقب خمس دقايق بتصل..تكفي؟

    محمد: وزياده بعد..يالله اخليكِ..

    مريم: باي..</font>
    </font></p></td></tr></tbody></table></font>
    </font></p></font>

  11. #11
    المشرف العام للموقع الصورة الرمزية بن دبي
    تاريخ التسجيل
    Dec 2001
    المشاركات
    0
    مزاجي
    Brooding
    قوة التمثيل
    200
    <font color='#000000'><img src="http://oasis.bindubai.com/emoticons/rock.gif" border="0" valign="absmiddle" alt='???'>?<img src="http://oasis.bindubai.com/emoticons/rock.gif" border="0" valign="absmiddle" alt='???'>?<img src="http://oasis.bindubai.com/emoticons/rock.gif" border="0" valign="absmiddle" alt='???'>?<img src="http://oasis.bindubai.com/emoticons/rock.gif" border="0" valign="absmiddle" alt='???'>?<img src="http://oasis.bindubai.com/emoticons/rock.gif" border="0" valign="absmiddle" alt='???'>?<img src="http://oasis.bindubai.com/emoticons/rock.gif" border="0" valign="absmiddle" alt='???'>?<img src="http://oasis.bindubai.com/emoticons/rock.gif" border="0" valign="absmiddle" alt='???'>?<img src="http://oasis.bindubai.com/emoticons/rock.gif" border="0" valign="absmiddle" alt='???'>?<img src="http://oasis.bindubai.com/emoticons/rock.gif" border="0" valign="absmiddle" alt='???'>?<img src="http://oasis.bindubai.com/emoticons/rock.gif" border="0" valign="absmiddle" alt='???'>???وينكم <img src="http://oasis.bindubai.com/emoticons/down.gif" border=0><img src="http://oasis.bindubai.com/emoticons/down.gif" border=0><img src="http://oasis.bindubai.com/emoticons/down.gif" border=0></font>

  12. #12
    أحسن عضو الصورة الرمزية شمه
    تاريخ التسجيل
    Dec 2002
    المشاركات
    1,588
    مزاجي
    Fine
    قوة التمثيل
    339
    <font color='#000000'><p align=center>تراج عدتي الجزء مرتين و نحن نتريا التكملــــــــه؟؟
    <img src="http://oasis.bindubai.com/emoticons/fa33.gif" border=0></p></font>

  13. #13
    عضو جيد الصورة الرمزية صقرالإمارات
    تاريخ التسجيل
    Aug 2004
    المشاركات
    169
    قوة التمثيل
    248
    <font color='#000000'>

    القصة روووووووووووووووووعة وعيبتني وااااااااااااااااااااايد</font>

  14. #14
    عضو جيد الصورة الرمزية صقرالإمارات
    تاريخ التسجيل
    Aug 2004
    المشاركات
    169
    قوة التمثيل
    248
    <font color='#000000'>
    السلام وعليكم.........


    وين التكملة اختي لو سمحتي<img src="http://oasis.bindubai.com/emoticons/fa49.gif" border=0></font>

  15. #15
    عضو جديد الصورة الرمزية همس الاحبابي
    تاريخ التسجيل
    Jun 2004
    المشاركات
    75
    قوة التمثيل
    244
    <font color='#000000'><FONT color=#000000><FONT color=#cc6699>يا الله حرام والله كمليها بلا مصاخة



    <FONT color=#660033><IMG src="http://oasis.bindubai.com/emoticons/fa41.gif" border=0>لو يكون صدرك كفن يا ليتني اليوم اموت عشان بقلبك اندفن واعيش باحلى تابوت<IMG src="http://oasis.bindubai.com/emoticons/fa41.gif" border=0></FONT></FONT></FONT>
    </font>

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •