<font color='#000000'><p align=center>الســــــــلاام علــــــيكم ورحمــــــة الله وبركــــــــاته
منو يتوقع منكم بإنــه أحلى منصوري يطبـــخ ؛؛
أنا طبّاخ عالمي ومحد يدري بيــه ..
موهبــة في الطبخ بس عطوني الجدر والملاس <img src="http://oasis.bindubai.com/emoticons/fa30.gif" border=0>..
أحيد يوم انسير ليوا إذا ما نبى الصعيدي منصور يطبخ إلنا أنا وولد عمي نطبخ ذاك المكبوس <img src="http://oasis.bindubai.com/emoticons/fa42.gif" border=0>..
ومرات يوم نظهر للبر يكون أحلى منصوري مسؤول عن بعض الأكلات ..
بس اليوم أنا يايب إلكم خلطة اليشفه قصدي الشيف أحلى منصوري في تحضير البيض والطماط <img src="http://oasis.bindubai.com/emoticons/fa37.gif" border=0>..
(<font color=#ff0000> يسمى كذلك بالشكشوكة و الجاز ماز <img src="http://oasis.bindubai.com/emoticons/fa34.gif" border=0> ،، يمكن خطأ</font> <img src="http://oasis.bindubai.com/emoticons/fa46.gif" border=0> )
كنت كل ما أعوّد من امتحانات الثانويـة العامـــة أو أي امتحان أرد البيت وما أمر على المطعم ..
بس أبدل كندورتيه وأحدر المطبخ وأدور على ريوق ..
ما أخلي أي حد يسوي ليــه .. أطلّع غيض الإمتحان في الريوق <img src="http://oasis.bindubai.com/emoticons/fa38.gif" border=0>..
أفتح الثلاجــة وأظهر ثلاث بيضات ..
وطماطتين ..
وأيلس وأقطع الطماط وأحطه بالطابي ( <font color=#ff0000>المقلاة </font>)
وأسكر عليه بالغطــاة بعد ما أصب عليه الدهن ( <font color=#ff0000>دهن عافيــة <img src="http://oasis.bindubai.com/emoticons/fa44.gif" border=0> ،، تاكل وانته ضامن العافيــة</font> <img src="http://oasis.bindubai.com/emoticons/fa42.gif" border=0>) ..
وبعد ما ينضّي البخار الحار الطماط أشل الغطاة وأتم أمرس وأهرس الطماط <img src="http://oasis.bindubai.com/emoticons/fa38.gif" border=0>.
خلاف أييب بعض الكزبر وأحطه على الطماط ..
(<font color=#ff0000> ذكي أحط الكزبر بعد ما يستوي الطماط بسبة إنه ما يحترق الكزبر</font> <img src="http://oasis.bindubai.com/emoticons/fa42.gif" border=0> )
وايي دور كسر البيض ..
وأحط بعض البهارات واللي ما أعرف أساميها ..
( <font color=#ff0000>شي كركرم ، ملح ، إبزار ، فلفل أسود ، .... </font>)
ومرات أحط اشوية هيل وقناد ( <font color=#ff0000>لا اتصدقون هذه للقهوة</font> <img src="http://oasis.bindubai.com/emoticons/fa46.gif" border=0>)
وأسكر على الوجبـة لمدة دقيقتين واتم أخلط الوجبـــة بعد مرور الوقت المحدد..
وبعد بضع ( <font color=#ff0000>حلوة هالكلمة</font> <img src="http://oasis.bindubai.com/emoticons/fa30.gif" border=0> ) دقايق أشل الوجبة عن الفرن وأتريا لين يبرد وأظهر ليــه الخبز من الفريزر ..
وهني وعافيــة يا رب ..
ولا تنسون الشاي من إيد أم علي ..
أتمنى الأكلة عجبتكم .
والسموحه
أخــوكم أنا
أحلى منصوري
</p></font>
مواقع النشر (المفضلة)