<font color='#000000'>السلام عليكم...
آسفة لأني تأخرت في الرد عليكم.
أحلى منصوري:
أولا مشكورين على ردودكم .. الصراحة أنا فرحت يوم قريت كلامكم.. مب عشان قناة دبي التافهة.. لا.. لأني تأكدت أنه الحمدلله عندنا خير لين احين.. عشان جذيه أقول للأخ أحلى منصوري نحنا لازم ما نكون جيه.. لازم ما نسكت.. شفت.. ردوا الأذان .. أنا متأكدة أنه يتهم وايد شكاوي .. و بما أنهم عطونا فرصة عشان نبدي آراءنا لازم نرمس و ما نسكت لهم.. "نحنا لازم ما نستسلم لهم و نخليهم يفرضون عمارهم علينا بها السهولة.. المفروض أنه نراويهم أنا نحنا "واعين" ومب أغبياء عشان يقصون علينا.. و نحنا أهل البلاد لازم تكون الأولوية لنا نحنا مب هم.. عشان جذيه خذوا هالإيميل و اشتكوا على أي شي ما يعيبكم في القناة: suggestions@dubaitv.ae
بهجة الروح:
لا حول و لا قوة إلا بالله .. شو يدمجون القناة بعد.. مب ناقصنا!!! خلهم يعدلونها قبل .. و الصراحة كلامج صح.. قناة دبي تغيرت للأسوأ مب الأحسن.
عيون الليل:
كلامج صح.. و أنا أءيدج.
الحساس:
ما يندرا بهم.. إذا كانوا اتجاهلوك بالعمالة ولا لا!!!!! المهم أنك أرضيت ضميرك .. و ماشي يضيع عند الله.
المقاتل:
الصراحة.. أنا مب مقتنعة بالكلام الا كتبته.. و مثل ما قلت لأحلى منصوري ماشي بيتغير إلا إذا تكلمنا و حاولنا.
ملاك القلوب:
أتمنى أنج تاخذين الإيميل و تطرشين لهم رايج .. بس لا تقولين لهم بندوا القناة..يعني انتقدي برامجهم اللي ما لها معنى.
مواطن بدون هوية:
الله يعين.. ما أدري شقايل بتستوي البلاد بعدين.
دموع قلم:
المهم أنهم ردوا الأذان.. و إن شاء الله ما يلغونه مرة ثانية.. أما عن القدوة .. فخلوها لكم انتو.. أنا عضوة يديدة "بعدني"
مسافر للجفا:
عالمية!! بنشوف.. الظاهر أنهم ناوين يلغون شي اسمه " اللغة العربية و الإسلام" لكنهم ما بيقدرون.
الجنية:
لا حول و لا قوة إلا بالله .. خلج متفاءلة و إن شا الله ما بيستوي أي شي إلا و فيه خير لنا.
كنت أحبك:
حبيبتي.. أي صورة هاي.. انتي شوفي .. أصلا أغلب إلا يشتغلون في التلفزيون مب مواطنين .. يعني هم "للأسف" يعكسون "الصورة الخاطئة" .. أما عن المحتشرين على الأذان.. فحسبي الله و نعم الوكيل.
محتشرة:
المشكلة أنا نحنا ناخذ الأشياء الوصخة من عندهم و الأشيا الزينة نخليها.
ملهم القلوب:
الله يهديهم.
مس شانيل:
الحمدلله أنهم ردوا الأذان.
فراشة ود:
حبيبتي مب بس هالبرنامج.. الصراحة.. أنا أشوف أنه أغلب برامجهم تافهة و ما لها معنى.
نزوزو:
يحطون الأذان لكل صلاة مب بس المغرب.
و مشكورين...
وحي القلم</font>
مواقع النشر (المفضلة)