السلام عليكم ورحمة الله وبركاته

اولا حبيت أشكر أخوي لمااااااااااااح لأنه طلع هالموضوع الداثر وذكرني بإني أرد على الردود:smartass:

العزيزة أتمنى ....

أتمنى الله يردج لنا بالسلامه ...لانا بالفعل اشتقنالج

الحياة الزوجية حياة لازم تنبني على تفاهم بين الطرفين .... وسالفة معاشي ومعاشك من الأساس تاكد إنه هالشخصين ما يجمعهم غير عقد زواج يمكن بلحظة كل واحد فيهم يسير بطريقه

الحريم بهالوقت يهمهم المظاهر وااااايد ....يعني انا مب أقل من فلانه وعلانه ...ولازم أتجهز من برع يعني بسير أسبوع لندن ....وأسبوع لكويت يمدحون بدلهم ودراريعهم ...وأسبوع البحرين لانه العبي عدهم رهيييبه ؟ يعني تاخذ شهر عسل بدون زوج :kkk:
وبعضهن من تعرس تقرر إنها تترك الشغل ...لانها ضمنت زوج يصرف عليها ... حتى ولو كان معاشها يمكن يساعد الزوج بالمصاريف الزايده بهالفتره ! انا ما أحط على البنات بس هذا الواقع

خصوصا وإن كان الله رازقنها بريال طيب .... بهالحاله صدق تقهر:narr:

الحياة الزوجيه مب عناد وهذا معاشي ومن حقي بس .... ولا استغلال وهذا راتبج باخذه كله عنج ...

دام بدايتها معاشي ومعاشك ...نهايتها أكيد بالمحاكم يا إما بخلع وإلا طلاق:sad4:

صدقج يا اتمنى دام هالحاله ما في أحلى من بيت الوالد

بهوجة الواحات الغاليه
أكيد المرأه مش ملزومه بالصرف على البيت ولكن مب باب الذوق والأدب والعشره الزوجيه ومعرفتها لزوجها وظروفه أكيييد بتساهم وياه بالمصاريف

يعني على طبيعة الريال ....لو كان استغلالي ما بتساعده ...ولكن لو كان طيب وكافي إنه أبو عيالها وهيه أدرى بظروفه أكيد بتساعده وما بيكون بينهم سالفة معاشي ومعاشه

باعتقادي الشخصي البيت إلي ينبني على حب وتفاهم مستحيل نسمع فيه سالفة معاشي ومعاشك

وتسلمون على المرور