<font color='#000000'>

السلام عليكم ورحمة الله وبركاتة</p>


أحلى منصوري؛
ماشاء الله عليك.. يبت 510.. من أول مرّه..
ماشاء الله..
أكيد درست من خاطر..
واللي يبى يوصل لنتيجه عدله أكيد يدرس من خاطرة..
حافظ عليك.. </p>


وإلا عن الامتحان..
بخبرك عنه ..
كنت أدرس في مدرسه خاصة..
وفي grade 10 الصف الأول ثانوي..
سوولنا&nbsp; (mock toefl) واللي هوه يعتبر.. التوفل الزائف أو المصطنع..
الله لا يراويك..
أحباط في أول مرحلة من حياتنا .. وفي أي مرحلة بعد الثانوية..
أسمينا ندرس ليل نهار..
والاستاذ ما قصر معانا وايد مساعدنا .. وأسسنا كما يأسس البنيان..
من الساس لي الراس..
ما أنسى فضله..
ويوم يا موعد الأمتحان..
تخايل عمرك في قاعة عوووووووده.. والمدرسين من كل ناحيه .. يحومون فوق راسك..
وأول شيء (listning) وخلاف ال(grammar or the structure) بعدين آخر شي الـ(reading) لي هوه أصعب قسم من الإمتحان.. </p>


حليت اللسننغ..
ويوم يا دور القرامر.. فيه 2 parts قسمين ..
خلصت القسم الأول ويلست.. أتحرا عمريه خلاص..
ومتصيب.. الناس تحل وانا أطالعهو.. عدهو يحلون,.. ونسيت أن هناك في قسم ثاني من (stucture part) ...
آه ويليه لو كان الامتحان الصدقي..
أقولك يوم قالو الوقت انتهى .. وانتقلو إلى الريدينج..
خويك يقلب الصفحه .. وأن عده ستراكجر.. بغيت أيّن..
أغتبنت .. وبغيت أصيح.. خلاص قلت مب مكمل الامتحان..
على تعبنا اللي تعبناه ونحن ندرس مع استاذنا ليل نهار.. وآخر شي تستويبيه هالحركة..
تعلمتها درس في حياتيه..
والحمد الله ان الامتحان هب مال الأميد ايست.. بس كان مصطنع..
واللي قاهرنيه .. على تعبيه .. بيقولون العلامات اليوم الثاني..
قدام ساحة المدرسة قدام البنات والشباب..
والفضيحه من علامتيه.. لي على دراستيه هذي أييب فوق ال 600..
لكن ربك وما استواليه..
حتى الأستاذ في القاعة.. يقوليه كمل لا تخلي هالشيء يأثر فيك..
حط أي شيء عن لا شيء..
المهم..
يوم يا موعد النتايج..
...
.....
......
أغبى واحــد في المدرسه.. وأكــســلنا لي ما كان يدرس.. ودومـه يخـرب علينا يوم ندرس..
زقرو بأسمه أول واحد.. هوّه ياب أعلى علامة في المدرسة كلها..610 (شوف الحظ )
و التوفل.. 50% حـظ..
والحمد الله ..
يبت .. 450.. يعني عالحفه .. من النجاح..
لكن يوم سويت التوفل في الثانوية العامة .. الحمد الله يبت العلامة .. العدلة..
وعوضنية الله عن اللي راحت.. يبت 612..
الحمد الله .. على كل حال.. </p>


واستانست وعيدت..
لكن بخبرك .. التوفل هذا .. ولا شي عند امتحان sat 1 &amp; sat 2
السات 1 فيه eng &amp; math..
وسات 2 فيه eng, math &amp; scince..
هوه تقريبا نفس طريقة الامتحان لكن شوي يفرق في أشيا بسيطه.. </p>


أنا سويت السات 1.. والحمد الله بعد نجحت فيه لأنيه أكيد أموت على شي أسمه رياضيات وفيزيا.. بس هذا الإمتحان يركز على الرياضيات أكثر.. وفي النجليزي على الكلمات ومعانيها.. يعني لازم تكون عندك حصيلة مفردات لغوية..
في بعض الجامعات تطلب منك هالشهادة .. وبعضها ما تطلبها..
وانا من باب الاحتياط سويت التوفل و السات مره وحده وفكيت عمرية..
والسات .. يبت فيه .. ممم أقول,, والا ,..هههههههه بقول لأنيه واايد مستانس من علامتيه..
واحب انكو تعرفونها .. يبت فيه 889
ما شاء الله عليه (genius) على قولة أستاذنا..
والله عبقري مادري من وين .. إلا الحظ يظرب.. مرة وحده عندية.. يا أنه يروح فوق.. أو انه يخب مره وحده تحت..
والحين عاده بسترخص..
وانشاء الله اليه عوده..
وإذا حد حب يستفسر عن شي انا في الخدمة ..
مع السلامة
<img src="http://oasis.bindubai.com/emoticons/fa31.gif" border=0></p></font>