الوجه الثالث للعمله

**دعج الأعيان** · 31-05-04 ||, 02:26 PM

خنفرووش معليه ..
تعودت على هذي الصدمات..
أو قصدي على هذي الصفعات..
وتسلم..
لكن أنا كان كل اللي فخاطريه ..
ما أشوف هالشجارات..
وبس..

**دعج الأعيان** · 31-05-04 ||, 02:31 PM

همم ..
نصف الحقيقه ,..
هيه أكبر غلط..
صح في هذي صدقت..
..
لكن عنديه ملاحظه .. صغيرونه .. وعسى انيه ما اندم عليها ..
يوم بتكتب .. لا عاد تكتب كل كلمة لاصقه في ربيعتها..
 كأنك ما تاخذ نفس...
ما ييت  أعلمك الاسلوب...
لكن ييتك بملاحظه بس..

**خنفروش** · 31-05-04 ||, 02:44 PM

مرحبااا اختي الكريمه دعج لعيان تدرين والله احاول - انتي مالحقتي يوم اكرر الحروف كنتي بتحوّلين -  فخاطري اكتب لج مثال و اشوف منوه بيعالج ما بيصيب اعيونج بعدها - عفكره انا الحين احط - و " و ((  - يعني من باب التمييز و احيانا ألوّن الكلمات و أشكل و اهتم بالهمزات  تقدرين اتقولين خنفروش ايطور نفسه - بس صدقيني مشكلتي ما اروم اخلي شي في خاطري بطني ينتفخ خخخخخخخخخخخخخخخ - و ما أقول غير آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآآآآآآسسسسسسسس سسسسسسسسسسسسسسسسسسسسسف

**بن دبي** · 31-05-04 ||, 06:17 PM

السلام عليكم ورحمة الله وبركاته ..

اخويه ..::.. خنفروش ..::..

خل قلبك كبير ولا تاخذ ع زلة فلان والا فلانه ..

الواحات مثل غيرها من المنتديات .. ملتقى حر لتبادل الاراء والنقاشات وغيره ..

ماتروم تجبر فيه حد يرد على هذا والا هذاك ..

ولا تروم تجبرهم بعد ع أشيا احتمال تكون وجهة نظرهم فيها تختلف عن وجهة نظرك ..

صح كلامك مب حلو الواحد يسكت عن الغلط لما يشوفه او انه يكبته داخله وما يرمس..

لكن بعد مب حلو انك تضايج بهذا والا هاذي بهالنغزات ..

لانك بهالشي احتمال تكرههم بالواحه او تبعدهم عنها من غير قصد ..

حلو التفاهم ، وكل شي ايي بالزين صدقني ..

دون نغزات وتلميحات الله اعلم شو من أثر تتركها في نفوس باقي الاعضاء او حتى المتابعين لها من بعيد ..

ما تلاحظ ان الفضفضه استوت كلها نغزات وعق رمسه على هذا وهاذي ؟!!

ليش ما تتفاهمون بعقل وباسلوب راقي ومتحضر بنفس الوقت ..

ع الاقل تطرحون آراءكم ومشاكلكم بأسلوب أهدأ شوي من هذا ..

يشجع الباقين على الرد والتفاهم مش على زرع احقاد وكراهيه من بينكم وبين بعض ..

يمكن انا يديده وماعرفكم عدل ولا احتكيت بمعظمكم ويمكن ما يحق لي ارمس في هالموضوع بعد..

لكني الصراحه ما جد شفت شرات الواحات من ناحية الحساسيات اللي بين الاعضاء والعضوات ..

صدقني اخويه انت ما بيدك شي في النهايه غير انك تحسن الظن باليميع في مجتمع صغير مثل الواحات ،
 
وتحاول انك تتغاضى عن الأخطاء البسيطه ولو شفتها بعينك ..

خل قلبك كبير وشوف الدنيا بمنظار أبيض ولو كانت كلها بقع سوده ..

 

يزاك الله ألف خير .. ووفقك دنيا وآخره امين ..

والسموحه منك اخويه  

أختك

..::.. ريم الأوطان ..::..

**خنفروش** · 31-05-04 ||, 10:55 PM

مرحباااا بكم حبااايبي - اختي ريم الاوطان مشكوره على حضورج الجميل وحرصج عسى الواحات ما تنحرم منج و امثالج- و هالموضوع مب للاعضاء الجدام دون اليداد للجميع و الي فخاطره شي يرمس ترانا بعد حريصين مثلكم على الصالح العام  -

 الموضوع مب انج تجبرين عضو على الرد (( هذا محد ايقول به )) الموضوع لما انتي تكتبين موضوع جميل و الي يرد عليج بعض الـ نكرات (( عفوا على التسميه )) مع انج مانزلتي موضوعج الا بعد ماخذتي لج لفه على القسم وعرفتي المستويات و هالشي خلاج تقررين البقاء (( أول مرة اتقولين ما انتبهوا لي ثاني مره اتقولين بثبت وجودي ثالث مره اتقولين موضوعج مجرد تفاهه رابع مره اتقولين ما عرفتي تعرضين الفكره عدل خامس مره الاعضاء مشغولين سادس مره عندهم امتحانات سابع مره مب في احسن حالاتهم ثامن مره انتي المقصره ما سوقتي لنفسج و لنكج (( محد ايعرفج للحين )) و بس قولي لي بعد العذر المليون ما بيكون شيء يشبه الغباء منج في عدم الشعور بالتجاهل (( يمكن البعض عندهم شاعريه بس مب حساسين و نبهاء بس في مثل هالمواقف ايكونون بلهاء - عفكره الي يحس و يكبت هو الي يكون له رد فعل اقوى عن رد فعلي انا ارمس و اقول الي في خاطري الي يكبت ضيقه من تصرفاتك يتجبنك (( انزين شوف عمرك يا بو خنفش كم عضو تجنبك بعد هالمواضيع - الصراحه الي احاتيهم و احاتي ردودهم لما عديتهم طلعوا فوق العشرين للحين ما شفت حدمنهم تجنب مواضيعي لاني احس انهم فاهمين قصدي و يعرفون ان الكبت ما يولد الا الانفجار (( ويمكن ايكون في شكل انسحاب علني او شفهي ))

اظن مفهوم الاختلاف في وجهات النظر يحتاج وقفه تأمل - في اي المسائل يصح اني اخالفكم الراي و تعذروني وفي اي المسائل خلافي لكم يكون غباء او ركوب راس وفي اي مسائل الخلاف يكون فيها حرام (( الي يعرف يجاوب من الاحباب الي طرحوا فكرة اختلاف الراي (( و بكل تأكيد الاختلاف في الرأي لا يفسد للود قضيه ))

الفضفضه كلها كلام و نغزات الي اعرفهم اثنين يرمسون في الاخطاء الي البعض مب منتبه لها (( الصراحه هي افخاخ لـَكـُّـن ْ )) جني سمعت و حده اتقول انت شو ايخصك (( خخخخخخ انزين شيختي بنطم - و بنتظر اخبارج هيهيهيهيهي )) المهم الي يرمسون قله و المواضيع قليله بس هي عيب السخط الي تبدي المساوء (( انزين قول هالكلام حق عمرك و الله انت فنتك )) المهم ان هم اثنين يزيدون ينقصون مب مشكلتي - بس انتوا راضيين يعني ان الخواطر تنكتب في الفضفضه مب مشكله - اما الي في خاطره رمسه يحفر حفره ويرمس فيها - عادي عادي ما بقول شي ما بزعل

اكرّه منوه في الواحات الي داش وله هدف انه يستفيد بيستفيد (( الواحات مب مثل المدارس و الجامعات )) التعليم اهنه انتقائي اذا بغيت بتتعلم و بتستفيد و اذا بغيت اتقرقر مع الاعضاء على المسنجر او في الرسايل الخاصه فهاي مشكلتك و اذا حد قص عليك و عزمك على منتدى ثاني و قالك الواحات بارده فكلامه صحيح لان انتوا الاثنين من اسباب برود الواحات و جودكم مثل عدمه (( قصوا على اكثر عن عضو بالرقابه و بالهدوء (( اونه ترى الواحات كلها مشاكل - حساد )) و بالمواضيع الجميله الله يخلي الكوبي بيست الله وكل واحد جمع (( قروبه )) ما انتوا سويتوا احزاب خخخخخخخ انا بترشح لمنصب خنفروش عام

اممممم  النظرات التشاؤميه للاشياء - انا بعرض عليج موقف واحد اعرفه و انتي قولي لي هذا نظرته شو ؟

(( مجموعه من الشباب يضحكون و ايسولفون -دش عليهم و قال كلام  معناه ان هالضحك و هالسوالف ما بتفيدكم بشي والي يسمع كلامه ايصيح ما يضحك )) انتي شو رايج في الي سواه ما يستاهلون الكلام الي انقال لهم ؟ انتظر مداخلتج الكريمه ريم الاوطان

**خوي الواحات** · 01-06-04 ||, 12:52 AM

تسلم خنفروش تسلم .. <?xml:namespace prefix = o ns = "urn:schemas-microsoft-com:office:office" /><o:p></o:p>
تبغينا انقولك تسلم.. <o:p></o:p>
تسلم..
<o:p><img src="http://oasis.bindubai.com/emoticons/down.gif" border=0></o:p>

**خوي الواحات** · 01-06-04 ||, 12:53 AM

تسلم خنفروش تسلم .. <?xml:namespace prefix = o ns = "urn:schemas-microsoft-com:office:office" /><o:p></o:p>
تبغينا انقولك تسلم.. <o:p></o:p>
تسلم..
<img src="http://oasis.bindubai.com/emoticons/smile.gif" border=0>

<o:p>
ابغيك تقوليه شو عبرلك أول رد والثاني.. ؟؟<o:p></o:p></o:p>

**بن دبي** · 01-06-04 ||, 04:44 PM

السلام عليكم ورحمة الله وبركاته  

مرحبا بك من يديد اخويه ..

برمس بصراحه وبقولك ان النقطة الاولى اللي ذكرتها في ردك عليّه انا اوافقك عليها مليووون بالاميه ..

بالنسبة لتجاهل الاعضاء لمواضيع متعوب عليها وتستحق الالتفات لها والتعقيب منهم عليها لو بكلمتين ،
 
هذا شي انا شفته بنفسي وما انكره ..

ولا انكر بعد الاحساس اللي ممكن يجيس اصحابها من احباط وغيره يوصل احيانا لقرار ترك الواحات والابتعاد عنها

>> شو الفايده ايلس وانا محد يعبرني!!

فيه ناس عادي بتقاوم هالشعور لاول مره وبتقول بحاول مره ومرتين وثلاث واتريا يمكن بعدني ما عرفت كيف

احتك وياهم عدل ..

وتسير وتاخذ لها لفه ع موضوع هذا وهذاك ، وترد عليهم وتتعب عسب تسوق لنكها مثل ما ذكرت انته
 
واخر شي توصل للنتيجه ذاتها ..



(( محدش معبرني !!! ))



تعتقد اخويه يوم انها بتيي وبتنفجر في موضوع وبطلع الكبت اللي عايشتنه واللي صابها بسبتهم ،

حد بيلتفت وبيسوي لها سالفه عقب كل هذا ؟!!


صدقني ماظن ولا اظن انها بتلاقي شي غير الرمسه اللي ممكن تنقال عنها من وراها والله اعلم شو بيقولون ؟!



تقدر تسير وتشوف عدد الردود في المواضيع ، اغلب الاعضاء ما يردون الا على اللي يعرفونه من زمان ومحتكين وياه والباقين

واسمح لي بهالكلمه عاطينهم اكبر طااااف ..

ولو كانت مواضيعهم تستحق ان الواحد يوقف عندها ويتأملها لو هي دقايق من وقته بس ،

على الاقل يشجعهم على الاستقرار في الواحه برد معتبر ..

.

وبالنسبة لمفهوم اختلاف وجهات النظر ..


ما فيها شي لو انته تطرح وجهة نظرك ولو كانت مختلفه عن الاخرين ،

والاختلاف في الراي عمره ما كان غباء ولا هو ركوب راس او حرام بعد ..


يكفي انك قلت (( وجهة نظر )) .. يعني شي خاص بك انته اذا تقبله غيرك كان بها واذا حصل الاختلاف ما نقص فيك او فيهم شي ..


لانك ما تروم تجبر حد ع تقبل شي شفته انته من وجهة نظرك دون ما تلتفت لوجهة نظره هو وتتفاهم وياه على الوجهتين

وتاخذون بالأحسن ..


اهم شي هنا هو التفاهم ولو اختلفت الآراء..
هذا اللي نشدته من رمستيه فوق ..

.


والنغزات ..

حط نفسك انته مكانهم وتخيل الموضوع انكتب فيك .. ما بتتضايج ؟؟!!

لا تقول لااا .. أكيد بتتضايج لنك تحس .. وكل واحد يبغي الناس ترمس عنه بكل خير ..
واكيد بتقول لو ياني بأسلوب اهدأ أو انه رمس وظهّر اللي بخاطره بطريقه ارقى شويه وبعيده كل البعد عني ،
بطريقه ع الاقل تضمنت اخطائي اللي انا واقع بها دون تلميحات ونغزات لذاتي ..
اكيد انا ساعتها اللي بستحي من تصرفي وبستوعب الرمسه وبعمل بها ..

دون ما احس اني انا وسط الدايره الحمرا اللي صاروا يرمسون عنها ..

ياخويه لا النصيحه ولا الصراحه اللي يزعلن بالواحد او يضايجن به ..

اذا كانن بأسلوب ودّي شفاف ومؤثر في نفس الوقت ..

خلك ودود في طريقتك الخنفروشيه يا خنفروش ..



والتكريه في الواحات ..

صح الناس اجناس وكل ٍ له اهتماماته واختياراته في متابعة المواضيع اللي تعيبه والرد عليها ..

واللي يبا يستفيد بيستفيد مثل ما قلت .. دون ما يهتم او يغتر برمسة فلان وفلانه ..

دام الواحات الحمدلله لها اسلوبها الراقي سواء في الحوار او طرح المواضيع والتعقيب عليها ..

لكن هالشي بعد ما يمنع الكره من انه يوصل لقلوب حساسه تبغي تشوف الدنيا هنا على الاقل بخير مش ببرود .. 

وانته رمست هنا عن عضو جديم بها .. عرفها وعرف اهلها .. شي طبيعي مستحيل تفكيره يوصل لدرجه الكره لها..

لكن شو تعتقد من عضو يديد .. شاف هذا يرمس عن هذا .. وهذا عق رمسة تضايج بهذا ..

ممكن تعطيني لمحه بسيطه بس عن الفكره اللي بياخذها عن المكان ..
ولو ما كان المكان مثل اللي تمثّل له في بعض المواضيع ؟؟!

.


الموقف اللي ذكرته يتكرر وايد في حياتنا ، وماقدر احكم عليه انا واقولك انه تشاؤمي او لا..

او هم اللي يستاهلون الرمسه اللي انقالت لهم بعد او لا..

يمكن يكون تشاؤمي وهم ما يستاهلون ..

ويمكن بعد هو اللي معاه الحق وحب انه ينبههم لانهم دايما ملتهين ..

ما عندي لك غير ثلاث كلمات تلخص لك الموضوع ..

(( لكل شي حدود ))

لا زود الضحك له فوايده ولا قلته بعد ..


ولا حلاه في عيشه كلها فرح وسوالف وضحك مثل ما العيشه اللي كلها هم ونكد وضيج بعد مافيها اي حلاه

وأكيد ان السوالف والضحك يعتبرون احيانا ملهاة وتضييع للوقت .. 
لكن بعد الدنيا محتايه لشوية سعادة حتى انها تستمر ..

(( كل شي ياخويه بحـــــدود )) 

والسموحه منك جان في حقك خطينا دون قصد ..


اختك

..::.. ريم الأوطان ..::..

**ا ل ز ع ي م** · 09-06-04 ||, 11:16 PM

00 بسم الله نبدأ 00

كما كتبت أنت سابقاً وحاظراً وكما ستفهمه أنت بتعقيبهم عليك سواء الآن أم غداً وعليك أن تفهم ذلك بأنها ضريبة أطروحاتك فما رأيته هنا أن "  رضى الأعضاء غايه لا تُدرك فالذي راضي عنك ستجده يحمل كلامك محمل طيب أما الذي يبحث عن شيء عليك أو الذي متضايق منك فهذا ما عليك أن تتوقعه منه سوء الظن "

غريبٌ أولاءك "ما أن طرح المفضفض وباح ما يراه خطأ وذلك حتى لا يقتدى كمن يقال عنه الساكت شيطان أخرس دون أن يذكر هويه مباشره حتى تلاهفوا عليه البعض ذو ظن السوء وظنوا بأن المفضفض يقصدهم وأن عليك يا الطارح إما أن تسكت وإما أن تمدح فقط ناسون بأن قد تكون ما فضفض نصائح وتوبيخ أخوي لا غير"

غريبٌ أولاءك الناسون بأن " واثق الخطى يمشي ملكاً " لا أن يمشي كالمتعجرفون

<HR>

00 خنفروش 00
لقد بحت بنقاط هي قبلاً مفيده قبل ما أن تكون ناقده وأعترف لك وجدت بأن بعض ما فضفضته قد يكون فيني أنا:

- عن ما قلته بأن "هذا يكتب مواضيع جميله و الثاني ما ايرد عليه مع انه في الخاص يثني عليه "
فأذكر بأني وجدت في واحة الشعراء موضوع من قبلك " <A target=_blank href="http://oasis.bindubai.com/cgi-bin/oasis.cgi?act=ST;f=51;t=42612" target=_blank>دعوة خدّاعة, خنفروش 00 ولكن</A>  " كوني ليس من كتّاب الشعر ولا أحب إن وجدت موضوع أعجبني أضع كلمة شكراً فقط ففضلت أن أرسل لك بالخاص مدح على موضوعك هذا !

- وما قصدته " ما يبغيك اذا شفت الغلط اتقول غلط لانك بهذا اتزعل الغلطان  ياخي فكني و طرش له رساله خاصه " فكثيراً والله أعلم أن كنت قد أسأت الظن هناك من يخطئ وأحاول وذلك بأخباره مباشره ولكن لا أستخدم الرسائل الخاصه ولأني قد أطيل معه كثيراً بذلك كما أرى أن البعض وإن فسرت له الخطأ ألاقيه غير واضح معي أو قد يرد برد كـ " خلك في حالك "
 ففضلت مباشراً أمام الجميع لأنه بهذا سيستبدل الجمله لـ "يزاك الله خير "
- أما عن ما كتبت بخصوص "عضو مميز يدش موضوعك يخاطب الجميع بس ما يخاطب صاحب الموضوع " للأسف زادت هذه العاده في الواحات علماً بأني أحاول أن لا أدخل بهذه ولكن عزيزي 00 خنفروش 00 تراك واحد من هؤلاء <IMG src="http://oasis.bindubai.com/emoticons/fa50.gif" border=0>

أحب الواحد ألي يظهر في خاطره وما هو مكبوت في الصدر دون لف أو دوران أو قفز وويلاااات بالتاير وهذا قد يجعله مرتاحاً نفسياً وعن سالفة ظهر ألي في خاطرك فأنا بضيف نقطه هنا عن عضو الله يذكره بالخير أملعوزني برسائله ألتي دوم أشوفها غير واضحه لدرجه أتهمني بأني أنتحل شخصية كبار المسؤولين ومرات أتحصله يباركلي على الرتبه أو الترقيه فأكون مستغرب من رسالته يمكن الأخ أمغلط بالعنوان لأن عدسته اليديده مكسوره أو أنه ظان بي ظن السوء مع أني أرد عليه بكل أحترام وطلبي منه هو التوضيح وأن كان في خاطره شيء يقولي أياه لأني بكون وياه بكل وضوح بس من بترمس ومن بتفهم فهو يمكن أسلوب عناد أو خوف أو مداعبه أو مجرد تسليه فكل ما أقول له بالنهايه الله يهديه ويوفقه لأن ما يكتمه في صدره بيظل يتعبه وااايد فظهر ألي تريده لأن هناك من الأعضاء ظهروا وقالوا كل ألي يريدونه والحمد لله مازلنا عسل ودهن عود وأمخمريه كلام بالخاطر قال بيطلع قلت له أتفضل طلعه وخذ راحتك <IMG src="http://oasis.bindubai.com/emoticons/fa34.gif" border=0>

موضوع مفيد وجميل يزاك الله خير
تحياتي
ا ل ز ع ي م <IMG src="http://oasis.bindubai.com/emoticons/fa42.gif" border=0>

**بن دبي** · 10-06-04 ||, 12:32 AM

السلام عليكم
اولا اتمنى اني ما اكون من المذكور اعلاه
وشكرا خنفروش لانك طيب واتحاول اتصفي سما واحتنا
واتمنى من الجميع الاستفادة من الي قلته الي غلطان يتعلم
والي ما غلط يحذر من انه يغلط
وتسلم على الموضوع<img src="http://oasis.bindubai.com/emoticons/smile.gif" border=0>

**دفا الروح** · 10-06-04 ||, 09:40 AM

خـنـفـروش

حبيت اعبر عن وجهة نظري فهالموضوع

بالنسبه للي ما يردون على بعض المواضيع

أنا مثلا ما ارد على بعض المواضيع مب عشان ما

ابغي ارد لكن لانه في مواضيع لبعض الاعضاء المميزين بمواضيعهم

الرائعه اللي الواحد ما بيقدر يعطيهم حقهم فالرد عليها مثلا انا 

اتابع مواضيع لبعض الاعضاءاللي أعتبرهم اساتذتي ومنهم ( أتـمـنـى 

لـماح ، أوراق الورد ، زمـان الصمت ،أنـامل ، منصوري الدوله ، خنفروش )

هذيل أعجز أنا ويعجز قلمي عن الرد عليهم لاني ما بقدر أوصل لهم لو القليل مما

يستحقونه
 

وتسلم عزيزي على اتاحة الفرصه لي لاعبر لك عن ما بخاطري

ودمت للواحات المميز دائما

دفـــ<IMG src="http://oasis.bindubai.com/emoticons/fa35.gif" border=0>ــــا

**خنفروش** · 14-06-04 ||, 10:12 PM

شكرا لكل من شارك و عقب و ان شاء الله ما ايصير الا كل خير و القلب راضي عليكم و السموحه

آخـــر الــمــواضــيــع

الموضوع: الوجه الثالث للعمله

أدوات الموضوع

عرض

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة