<font color='#8D38C9'><p align=center><font color=#ff0000>الجزء السابع والعشرون</font>



احبك لو بعيد الدار عنا ** جداك ايحن قلبي للرجوعي......
يا لو عني الليالي يبعدنا ** غلاك بخافقي تحت الضلوعي ..

الساعه 12 الظهر ..
يابر كان توه ظاهر من البيت بيروح الجامعه .. وهو ماكان ايعرف بييت سلطان لانه كان يبا ايسويله اياها مفاجاه وقال حق ميثه انها ماتخبر يابر .. وطبعا هاذا كله كان من تخطيط نوف وميثه عسبة انه يابر ايشوف ريسه ..وتوه بيظهر من باب الحوي شاف سعيد اخو حادر بسيارته ..

يابر : نااااس عندها اجازة وضع وناس مالت عليهم ..
سعيد : ههههههه خسك الله الحينه انا اللي مربي يعني يالجبببببببببببش ..
يابر : عيل اشعنه ماخذ اجازه ؟؟
سعيد : كيفيه ياخي انته اشعنه محتر .؟ روح وراك جامعه عن لا يسكرون الباب في ويههك ويطردوونك .. واااو ..
يابر : ايخسوووووووون انا داخلنها بفلوووسي هالجامعه هب عكيفهم ايي ماتبا مابا واظهر متى مابا ..
سعيد : لا والله .. انزين روح روح يابفلوس عن هاالخريط الزايد ..
يابر : شحالها يدتييييه ؟؟
سعيد : فديتها والله صورتها في التلفون بطرشلك اياها ..
يابر : هييييه طرشها... خلاص بو عسكور تامرنا ابحايه ..؟؟
سعيد : لا سلامتك ..
وروح يابر عن سعيد ..


في بيت المر الرميثي


ميثه : امايه متى بيوصلون قبل لا اظهر من البيت دقيتلهم قالتليه ريسه انهم توهم ظاهرين يعني تقريبا من الساعه 9 ..
شمه : والله ماعرف يامايه انتي تعرفين الدرب عند خالج ساعه ماشاء الله عليه الا جان امايه ميوده العصا له يمكن .
ميثه : ههههههههه جنه الا جذه يمكن ..
شمه : هاتي التلفون خلنا نطمن عليهم انجوفهم وين وصلوا .. وان بحدرة سلطان عليهم ..
سلطان : هووود هوود ..
ميثه :هههههه اهدا
شمه : واييييه فديت هالعرضه انا ..
سلطان : هلا بشيخة العاصمه ..
وراح سلطان سلم على اخته وخلاف سلم على ميثه ..
سلطان : هااااااه العروس ؟؟ شحالج ؟.؟؟
ميثه : ههههههه استويت جديمه ...
سلطان : هييييييييه هههههه وشحاله ريلج ربه ابخير ؟؟
ميثه :بخير انته اعلووووومك ..؟؟
سلطان : علوم الخير . اسميها هاي العيوز طفرتبيه .. اليوم ..
شمه :فديييييتها وينها ؟؟
سلطان : تتطالع زراعتج وساحبه ريوس وياها ..
ميثه :هههههههه يدتيه عاده موتها وحياتها الزراعه ..
وخلاف راحن ميثه وشمه في الحوي عند ام حمدان وريسه ..وسلمن عليهم وخلافن حدرن البيت كلهن وكان سلطان قاعد يتكلم في التلفون و ويوم حدرن سوالهن حركه بانهن ايصخن لانه يرمس في التلفون ..
سلطان : حييييبه القبيسي اعلووووووم؟
يابر : ملاييييييييييييين ولا يسدن .. اعلوووم الخير يابومييد انته اعلومك ربك ابخيييير ؟؟؟
سلطان : والله انيه ابخير وسهاله الا اتنشد عن حالك ..؟؟
يابر : والله حاليه من حالك ..
سلطان : ماشاء الله الا وين دارك ..؟؟
يابر : والله في الجامعه يوم شفت رقمك طبيت المحاضره وظهرت ..
سلطان : هههههههه لها الدرجه انا في اي بي مان يعني ..
يابر : ههههههه شفت عاده الا بزنس ماااان ..وبالقووو بعد ..
سلطان : ههههههه انته عاده الحينه مابتشبع من الرمسه خليتنا نستوي سيلانيات الله يهديك الا متى بتظهر من الجامعه ؟؟
يابر : بخلص الساعه 4 خير ان شاء الله تامر ابحايه يا بو مييد ؟؟
سلطان : لا الغالي سلامتك .. بس اتخبر مانبا انخرب عليك انته هاي اخر سنه شد حيلك ..
يابر : ههههه ان شاء الله بكون الساعه 4 ونص في البيت ..
سلطان : خلاص الشيخ الساعه اربع ونص بتصلبك انسولف معاك ..
يابر : خير ان شاء الله .. تامرنا بشي ..
سلطان : لا اممممممره مشكور ماتقصر .. السموحه ..
يابر :بالحل يابو مييد ربي يحفظك ..
وسكر يابر عن سلطان ..
ميثه : هههههه اشعنه ماخبرته انك في بوظبي ؟.؟
سلطان : بس ابا افاجاه اردله الحركه يوم ياني هاك اليوم العين ماخبرنيه طب عليه طبه ...
ريسه كانت قاعده تقرص ميثه وتصاصرها : انا مافتك من طاريه ؟؟
ميثه : هههههههه انتي يايه عسبه وتبين تتفتكين من طاريه كيف هاي ....؟؟
ريسه : انطمي انطمي .. انتي ماعندج ريل اييي من الدوام روحي اترييه في البيت ..
شمه :هيه والله .
ميثه : هب سايرتله انا اليوم بقعد عندكم ..
سلطان : شميم انا يوعان ابا اتغدا ..
شمه : افا عليك امره ماطلبت ثواني وبيكون غداك زاهب ..
سلطان : الا رشووود وينه ماجوفه ..
شمه : مسجل في نادي تراث الامارات ومايرد الا الساعه 2
ام حمدان : اخيرله والله من الهياته خاري ..
شمه : هيه عسبة جذه خليت ابوه يسجله مافيني تتدرين انتي يامايه هالزمن ايروع هب شرات زمانا ..
ام حمدان : هيه والله زمانا انا افركم في كل مكان الحمد لله الدنيا بامن وامان ومحد في خاطره شي مثل اللي فهالزمن .. عافان الله منهم . واولهم هاذا اللي يالس جدامج تفكيره كله فالبنيات ..
ريسه : هيه عاده سلطان هالعوق عندددددده ..
سلطان : انجبي انتي .. ههههه امايه البنات كالممات ..
ام حمدان : موت خذ العدو ياربي ..
سلطان : ههههههههه ..
شمه : الله يهديك ياربي انته متى بتعقل وبتعرس ..
ميثه : يوم بيبيض الديج ..
سلطان : ههههييييييهه قالتها بنتج ..
شمه : هههههه ابرايكم بروح انا ازهبلكم الغدا امايه حدري الححجره عقب عباتج ..
ام حمدان : ان شاء الله ..
وتوها شمه بتظهر من الصاله سمعت التلفون ايرن ..
شمه : سلامن عليكم ..
عزه :وعليج السلام والرحمه .. شحالج الغاليه ربج ابخير ؟؟
شمه : وايه فديت هالحس ياربي بخير الله يسلمج شحالج انتي وين ياختيه اتولهنا عليكم ..
عزه : اتولهت علييييكم العافيه ونحن اكثر والله .. والدليل انيه طالبتنج طلبه وماباج اتردينيه اياها انا ادريبه المر هب في البلاد ..
شمه : افا عليج يام زايد .. انا اردج ..
عزه :ماعليج اقصور يام هزاع ..
ميثه :امايه هاي خالتيه عزه ..؟؟
شمه اتهز راسها حق ميثه ..
عزه :يوم الاربعاء ان شاء الله بيون ميثه وخليفه ونوف تعالوا معاهم بنقيل وياكم وبنبات هنيه البيت واسع ومحد فيه ..
شمه : والله ياختيه ماوديه اني اردج بس امايه وختيه واخويه يايني اليوم وبيتمون عنديه اسبوع لانه اخويه عند كورس في بوظبي اسبوع ..
عزه : ياحيييييييييهم والله .. حياااهم الله هاي الساعه المباركه يوم بيوم معاج بنستانس و بناخذ اعلوم خالتيه غايه .. وبيستانسن البنيات ارباعه والشباب ..
شمه : والله ماعرف شو اقولج ياختيه ..
عزه : لا اتقوليليه ولا اقولج بتين يعني بتييييين ..
شمه : ان شاء الله بشاور امايه ..
عزه : لا الغاليه عطينيه انا اللي برمسها ..
شمه : امايه تلفون ..
ام حمدان : ان شاء الله ..
شمه : يله انا بروح احط الغدا ..
سلطان : تعالي انا يوعان بموت من اليوع وفي راسي ارقااد بتغدا وبرقد ..شلينيه وياج ..
شمه : ههههههه تعال انزين ..
وراحوا شمه وسلطان المطبخ .. وشلت ام حمدان السماعه . وريسه وميثه قاعدين يطالعون بعض هب فاهامات شو السالفه ..
ام حمدان :السلام عليكم ..
عزه : وعليج السلام والرحمه شحالج خالتيه ربج ابخير ..
ام حمدان : بخير ونعمه يعلني افداج اشحالج انتي وشحال بو عيالج وعيالج اشحالهم ربهم ابخير ..؟؟
عزه : والله الحمد لله كلهم ابخير وسهاله ايردون عليكم السلام ..انتوا اشحالكم وشحال البنيات والعيال .. ربهم ابخير ؟؟
ام حمدان : بخير وسهاله يعلني افداج ..
عزه : والله ياخالتيه انا طالبتنج طلبه وماوديه انج اتردينيه ..
ام حمدان : افا عليج ماعاش اللي يردج يابنتيه لبيه ؟
عزه : لبيتي في منى يارب ..
ام حمدان : امين وياكم ان شاء الله..
عزه : والله ياخالتيه انا عازمتكم في بيتنا اللي في البحر تعالوا بنقعد ارباعه وبنقيل اهناك وبنستانس وقعدوا عنديه لين يوم الجمعه وجانكم الا تبون تقعدون اكثر وعيبكم المكان حياكم الله ان شاء الله العمر كله .
ام حمدان : والله شو اقولج يابتيه .
عزه : لا ياخالتيه عاده لا تردينيه ..
ام حمدان : ماعاش اللي يردج يام زايد ان شاء الله من عيوني ..
عزه : تسلملي اعيوانج بنستانس نحن ارباعه وبنسولف ارباعه والعيال ..بيستانسون وشي قسم فاضي حقكم ..
ام حمدان : خير ان شاء الله .
عزه :مشكوره ياخالتيه ماتقصرين ..
ام حمدان : افا عليج يابنتيه ماطلبتي .. وقدرج من قدر شمه ..
عزه : يعلني افداج ماعليج اقصور ..
وخلاف سكرت ام حمدان عن عزه وراحت اتخبر البنيات ..
ريسه :لا شووه امايه اهناك كله شباب انا شسوي ..
ام حمدان : اعنبوه اشعنه انتي بتقعدين وياهم البنيات في صوب و الشباب في صوب ..
ميثه : ياله عاد ريوس عن العبط بنروح كلنا بنستانس اشعنه تستهبلييين .؟؟؟
ريسه : لا مابا روحوا ارواحكم ..
ميثه : والله بالهنعال عراسج مسودة الويهه انطمي بيتين يعني بتييين ..
ريسه : ياربييييييه غصصصصصصب ؟؟
ام حمدان : هيه نعم غصب .. انطبي يله انطبي البنت تلحق ورا امها تفهميييين ..
ريسه : اااااه ادري حافظتنه هالاسطوانه انا .. انزيين بنروووووح ..
ميثه : هههههههه غصبن عنج هب كيفج.
ريسه :انتي مابتروحين عند ريلج ..؟؟ اتفكينا من هالصدعه ..
ميثه : هههههههه جب جب هب رايحه .
ام حمدان : وايه بالستر انتي اشعنه اتروغينها ..
ريسه : امايه خليها اتروح اتجابل ريلها باجر ايعرس عليج بيدور وحده تهتم فيه ..
ميثه :هههههههههه وحياتج مايروووووووم ..كاسره سيفه .
ام حمدان : هههههه الله غربلات ابليسج ياميثوه يام السانين امممره كاسره سيفه انا احيد الريال هو اللي يكسر سيف حرمته ..
ورن تلفون ميثه وكان خليفه متصل ابها ..
ميثه : هههههه عمره طويييييل ..
ريسه : ههههااي يله ستعدي للهزبه ..
ميثه :انطمي .. الووووو ..
خليفه :مرحبا غناتي شحالج ..
ميثه :بخير انته اعلومك .؟؟
خليفه : والله بخير وسهاله انتي وين يعلني افداج ..
ميثه : هنيه عند امايه ..
خليفه : انا في البيت اترياج ..
ميثخه : والله الساعه 1 ونص ماحيدك .. باقي نص ساعه ..
خليفه : خلصت وظهرت ..
ميثه :خلاص الحينه يايه ..
خليفه : اتحملي على عمرج وانتي يايه ..
ميثه : ان شاء الله ..
خليفه : صبري صبري لا تين انا بظهر اييبج ..
ميثه : وين تظهر اتيبني لا بيي روحي ياهل شوه ..
خليفه : لا هب ياهل حرمتيه اخاف عليها صبري ثواني وبييج ..
ميثه :ههههههه يعلني .......... اوكيه ..
ريسه : هههههههه اشعنه سكتي كملي ...
ميثه وويها احمر : يارببييييييييه انتي اشعنه رزه جذه..؟؟
خليفه :هههههه منوه هاي ؟؟
ميثه :خالتيه ر يسه ...
خليفه : حليلها سلمي عليها مع منوه يايه ؟؟
ميثه :مع يدتيه ..
خليفه : زين خلاص عيل انا بيي اسلم على يدتج حليلها ..
وسكرت ميثه عن خليفه ويا خليفه بيت قوم المر وسلم على عمته وعلى يدت ميثه وعلى سلطان .. وقال سلطان حق خليفه انه ماييب طاري حق يابر انه موجود لانه يبا ايسويله اياها مفاجاه وخلاف ظهروا خليفه مع ميثه وراحوا البيت ....



العصر
بيت فاضل القبيسي ...
في الميلس ..

يابر توه كان ياي من الجامعه . وراح قعد في الميلس واتصل بسلطان اللي كان راقد ..

يابر : حييييييييييبه بو مييد ..
سلطان :هلا هلا
يابر : عافان الله بسك عاده عبرت الرقاد قووووووم ..
سلطان : ياله محلات الرقاد ..
يابر : هههههههه قوم قوم انا ابا اسولف محد عنديه اروحي ..
سلطان : انزين انا بسير اتغسل وخلاف برد ادقلك ..
يابر : غايته اترياك ..
وسكر سلطان عن يابر وراح يتسبح في الحمام ..الله يعزكم اللي كان في غرفة هزاع ..لانه كان راقد اهناك ..واتكشخ ولبس وظهر راح صوب بيتكم فاضل .. ويابر كان في الميلس كان ايقول في خاطره انه كل مايشوف سلطان او يسمع حسه تتخيله ريسه بسرعه لانه سلطان وريسه كانوا يتشابهون في اللون ونفس الخشوووووم ..والعيووون ..

سلطان : السلاااااااااااام عليكم ..
يابر من شاف سلطان انصدددددددددم : عنلات اصدااااك يالخام اشعنه ماخبرتنيييييييه ..
سلطان :ههههههههه تذكر يوم سويتبيه هالحركه ..
يابر : ههههههههه حاطنها في خاطرك مسود الوييه شحااااااالك؟
وسلموا على بعض طبعا سلام الشباب كالمعتاد بالخشم .
يابر : حيااااك حياااااك يابومييد اقرب اقرب ..
سلطان : قررييب .. وقعدوا سلطان ويابر ايسولفون وقاله السبب اللي خلاه اييي بوظبي وانه بيقعد فيها اسبووووووع .. وخلاف بيرد العين .. وخلاف استاذن سلطان لانه كان بيروح الدوره اللي عاطينهم اياها الجامعه في بوظبي اللي كانت من الساعه 5 لين الساعه 8 واتفق ويا يابر انه اييه خلاف المارينا .. ستار بكس .. طبعا قاله يابر انه بيترياه اهناك لانه يابر كان مدوام في ستار بكس كل يوم تقريبا .. مع ربعه ..


اتصلت نوف في ريسه عسب اترمسها واتسولف معاها وتقترح عليها اتيها البيت بما انه ميثه كانت راقده ووياها خليفه فما حبت انها تزعجهم .. وكانت ملانه وبغت حد ايي يقعد معاها ..

نوف : الوووو
راشد : الوووو ..
نوف : شحالك راشد ؟؟
راشد : الحمد لله بخير ..
نوف : ماعرفتنيه ؟
راشد : لا تبين تتعرفين بتعرف .
نوف : ههههههه ماعليه براويك بزوالك بعدك ياهل شلك في هالسوالف ..
راشد : هههههه ادريبج نوفوه بس ابا اغلس عليج ..
نوفق : هييييييه اشوا اتحريت ..
راشد : ههههههه . غريبه ماحيدج ادقييييين .. ميثه عندكم هب عندنا شو تبيييين ..حق شو داقه ..؟؟
نوف : لا والله طالعوا هاذا انته .. تتدري حق شوه داقه داقه حق سواد عيونك ..
وان توه كان سلطان نازل من الدري وشاف راشد قاعد يتلكم في التلفون .. يا صوبه وقام راشد عطا السماعه حق سلطان .. ونوف كانت بعدها تتحرطم ..
نوف : مسود الويهه ماتستحي تبا اتغازل وتتعرف انا امك ...
سلطان : شو سالفتج انتي ..؟؟
نوف من سمعت هالصووووووووت ماتت ماتوقعت كيف اتغير صوت راشد ومنوه هالريال : ................................ تمت ساكته .
سلطان : الوووووووو .. انته السبال ماتستحي تغازل البنات .. لحيتك ماخطت .. مسود الويهه اراوبييييييك
ونوف طبعا ساكته وتتسمع الكلام هب عارفه شو اتسوي من الصدمه والموقف اللي هيه فيه ..
راشد : لااااااا لااااااااااا
سلطان : جب يالخام لاااااااا هاااااه انطم . ماعليه ختيه سمحيلنا هاذا الا ياهل ومثل ماقلتي انتي كبر يدته امممممم اسف قصدي امه . .
نوف : لو سمحت وين ريسه ؟...
سلطان بطل اعيونه : هااااااااه .................؟؟
راشد : يوم اقولك .. هاي نوف بنت خالتيه عزه انته ماتخلينيه اكمل ..
سلطان وهو يتوعد حق راشد : ماعلييييييييييه اراويييييييك يارشود مسود الويهه ..
سلطان : انا اسف ختيه لحظه شويه .. ريسسسسسسسه ريسسسسسسسه ..
ريسه : هاه شو هالقذا .؟؟
سلطان : تعالي تلفون ..
ريسه معقده حياتها : منوه انا ..
سلطان : لا انا ..
ريسه : هههههه حلوه بس ما اتضحك هاته هاته ..
وشلت ريسه السماعه عن سلطان . وسلطان تولا رشود وظهر وياه برع الله يعلم شو بيسويبه اكيد بيحصل منه هاك التهزيب الغاوي ..
ريسه : مرحبا ..
نوف : مرحباا الساع ..
ريسه : نووووووافه شحالج ؟؟ غناتي ؟؟
نوف : :بخير اعلومج انتي فديتج ربج ابخير وين وين هالقطعه ...
ريسه : والله ياختييييييه .
نوف : لا لا لا تكمليين مالج عذر الا انج اتيني الحينه دامج قاعده اروحج وانا قاعده اروحي امرره مول ماحد في البيت ..
ريسه : امايه وشمه محد راحوا عزا عند حرمه ومخلين ريموه ورشود اهنيه عنديه ..
نوف : ماعليه استاذني من امج وماظنتيه انها بتمانع ..
ريسه :خلاص غناتي خير ان شاء الله ..
نوف : اترياج هاه ..
ريسه :هههههه ان شاء الله .. ان مارضت تراني بدقلج قعدي حذال التلفون وان رضت تراني بييج قعدي في الصاله ..
نوف : ههههههههه ان شاء الله .
واتصلت ريسه بامها اول شي طبعا ام حمدان عارضت هالشي لكن خلاف شمه طمنتها انه عيالهم محد في البحر وهي مابتستحي من خليفه لانه هب غريب عليها ريل بنت اختها .. وخلاف خلتها اتروح ونشت ريسه واتلبست لبست هييج المخوره البنفسجيه الفاتحه وشيلة الصلاه اللي كانت نفس اللون وطبعا بس جحلت اعيونها ... وشلت ريم معاها وظهرت برع شافت راشد واقف مع شلة اولاد من كبره ..
ريسه : رشود هب اتسير مكان ابعيد جانك تبا شي تعالليه انا عند ميثه انزييين .. واتحمل عن السايير ..
راشد وهو قافط من ربعه وياي صوبها : انزين روحي انا هب ياهل ..
ريسه : ههههههه باين .. يله ريماني ماماتي يله ..
ريم : نحن بنلوح عند ميته ؟؟
ريسه : هيه بنلوح عندها ..انتي امشي ماما بسرعه لا تتمخطرين ..
وخلاف اتغشت وشلت ريم اللي كانت امتعبتنها لانها كانت تمشي شويشوي .. وحدرت ريسه الصاله .. وشافت نوف ..قاعده تترياها ..
نوف : مرحباااا ملاييين ولا يسدن .. ياله ياحي هالشووووف ..
ريسه : المرحب باجي يعلني افداج اعلومج ربج ابخير ؟؟
نوف : والله انيه ابخير وسهاله دامني اشوفج ..
ريسه : فديتج اعلوم الصيفي النككككككككد ..؟؟؟
نوف : هههههه النكككككككككد مره وحده لا والله عادي بخلص هاللفل وخلاف بسويلهم طاااف ..
ريسه : يبالهم هههههههه ..
نوف : ريماني اشحااالج ؟؟
ريم : بحييييييييير انتي ؟؟
نوف : انتي بحييير دامني اسووف هالويهه الحلو ..
ريسه : ههههههه ريموه الدلوعه ..
ريم : لا انا مس دلوعه ماما دالتلي لا ادولين عني دلوعه انا تبيره ..
نوف : انتي تبيره ..؟؟
ريم : هيه ..
نوف : فديت التبير انا ..
ريم : وين عمي يبووووول ؟؟ ..
نوف : هههههههه منوه ها يبووووول ..
ريسه اتقول في خاطرها الله يخسج ياريموه حتى انتي عليييه ..
نوف : يبووور ..
ريم : لا يبووووووول ..
نوف : هههههههه يله يبول يبول مامات الا بلق عينه .. ماعرف وينه ؟؟
وخلاف قعدن ايسولفن اشويه وراحت نوف المطبخ عسبة اتييب الفواله حق ريسه مع انه ريسه طلبت انها ماتعب عمرها بس هي حلفت ..ظهر يابر من الميلس وراح صوب البيت .. وفتح باب الصاله .. بس هالمره غريبه هو دوم كل مايحدر الصاله ايقول هود هود وهالمره ماقال شو اللي خلاه ينسى هالشي ... وفتح يابر الباب وشاف وحده قاعده وعاطتنه ظهرها .. وحط في باله انها اخته نوف .



يحليك الجمال وصغر سنك *** فلا يوجد على شرواك نوعي
خفيف الدم ويلي اه منـــــك *** ترا شوفك ينورلي شموعي
وفي الاوصاف ربي مكملنك *** جمال وخلق والطبع السنوعي
عسى الايام مني يقربنـــــــك *** فلا يبقى لها الفرقا رجوعي ...


يابر وهو يطالع ريم : ياوييييييييله ياربي ارحمنيييه الشيخه ريم عنا ...
ريم : يبوووووول .. وركظتله ..
ومسكها يابر ورفعها وقعد ايرمسها ..
ريم : تععال تعال هاي كالوووووه ..
يابر : ادريبها خالووو نوف ..

وطبعا ريسه قاعده وفاجه حلجها مبهته على هالمواقف اللي تستوي هب عارفه شو اتسوي في عمرها كيف تتخلص من هالانسان اللي اربعه وعشرين ساعه يطرونه ولازم تتصادف ويااااااه وكانت اتقول في خاطرها يلعن الصدف جانها جذه اوووووف ..وقرب يابر صوبها وخلاف انتبهه انها هب اخته .. قعد يطالعها .. واتغشت عنه .. بسرررعه .. طبعا لانه الانسان صدق يوم ايكون في هالمواقف مايعرف شو يسوي يشرد يتغشى .. ايكون كل شي في باله وخلاف ايقول ليش وليش وليش ماسويت انها هالشي بس لي فات الفوت ماينفع الصوت ..

يابر : السلام عليكم ..
ريسه : .............
يابر : السلام لله ياعرب الله ..
ريسه : وعليكم السلام ..
يابر : اخيرا .. مابغيتوا اتردون تتدرووووون مفاجاه .. ريمااني انا من شفتج ردت االروح فيه وانتي ؟؟
ريم : هاييي كالوووه ريثه ..
يابر : قوولي والله ..
ريم تتطالع يابر بنظهر استغراب : واللله انته ماتعلفها ؟
يابر :
من بشـاكي من ملا همومي
في مصابي شكوتي لله
للذي عمري له أسومي
يوم جفا و العقل شلّه

ريسه : لو سمحت .. انا في بيتكم حشم ..
يابر : افا عليج امممره عالهخشم انا اسف .. السموحه منج يالشامسيه ..
وخلاف راح يابر ويت نوف وشافته راكب الدري ..
نوف : انته هنيييييييه ..
يابر : انا لا اهنااااااك خلوني اقعد معاكن ..
نوف وهي حاطه ايديها على خصرها : نعععععم نعععععععم وين تقعد .. ان شاء الله ..
يابر : ايهييييه شو هالحاله حتى في بيتنا ماقدر اقول شي عيل وين اقوووول ويييييييين ..
نوف : انطم البنت بتسمعك ..
يابر : مايخصنيه انا اليوم بايعنها ..
وانه بنزلت ميثه عليهم ..
ميثه : ههههههه شو بلاكم ..خليفه راقد ؟؟
يابر : خليفه راقد مادري منوه اللي راقد .. .؟؟
ميثه : انته اشعنه محتر شو بلاه ويهك جذه فرح + كآبه = انفجار ..
نوف : ريسه في الصاله والاخ يبا يقعد معاها ..
ميثه وهي تحرك حياتها حق يابر : هااااااه هاااااااه مانروم مانروم زاد انك منجلب الف جلبه ..
يابر فاج اعبونه يطالعها : انتي شعرفج ..
ميثه : انا ميثه مافي شي يتخبا عنيه ..
نوف : اقولك عن هالرمسه الزايده روح غرفتك بروح اجوف شو سويت برقع من وراك ..
ميثه : هههههههه جان مسوي شي غلط مابتشوفينه رد صااااحي يا مفلع يامطرور راسه ...
يابر : اعنبووه ياي من عند جونقر انا .. ؟؟
ميثه : لا ياي من عند الشماسيه ..
يابر : هههههههه ابرايني افداها ..
ميثه : قول والله ..
يابر : وقسسسسسسسسسسسسسسسسسسسسسم بالله وقسسسسسسسسسسسسسم بالللللللللللله احبهااااااااااااااااااااا ااااا ..
نوف : هاذا بالوعه انتي اشعنه اتفجييين له حلجه وقعدت ادز يابر لين ماوصل نص الدري وميثه ميته من الضحك عليهم وخلاف كمل وراح غرفته وراحن ميثه ونوف عند ريسه اللي كانت قاعده في الصاله .. وخلاف نزل خليفه كان لابس بنطلون اسود وقميص رصاصي مكتوب عليه بالاسود كلام بالانجيلزي ونظارته على راسه رافع فيها شعره ..
خليفه : السلام عليكم .
ريسه وهي اتعدل احجابها : مرحبا خليفه وعليك السلام شحالك ..
خليفه : ابخير وسهاله اشحالج انتي ..؟؟
ريسه : الحمد لله بخير وسهاله ..
نوف : هاه الاخ كاشخ وين ساير .. انتي اشعنه اتخلين ريلج يظهر جذه ؟؟؟
ميثه وهي تتطالع خليفه : ههههههه
خليفه : انتي اشعنه اتخربين حرمتيه عليه .. يله السموحه تامرونا بحايه ..
ريسه + نوف : لا سلامتك ..
وظهر خليفه وظهرت وراه ميثه اتوصله .. وكانت شاله في ايدها دبة ماي صغيره . وركب هو السياره وكان يتريا السياره اتحر وهي كانت واقفه وين الباب الي هو قاعد فيه ..
خليفه : ههههههه ابا ماي ..
ميثه : هاه اصلا انا مبوني يابتنها حقك ادريبك ماتفكر في عمري يوم اتروح تركض ..
خليفه : فديت اللي يهتم فيني ويخاف عليه والله اني احبه موووووت ..
ميثه : والله صدق ..
خليفه : اتشكييييين في حبي لج بذببببببببببببببببببحج .
ميثه : هأ هأ
خليفه : اموت فيك ياحلوووووو ..
ميثه : هههه وخلاف فجت الدبه وصبت في ايدها شويه وهو يطالعها ورشته ..
خليفه : ههههههههه
ميثه :ههههههههه خيستتتتتتك ..
خليفه : تبيييني اربع وراج اسبحج ابها ..
ميثه : هههههههه ماتروم .. لانك دب ..
خليفه : انا دب ؟؟ ليش العريض عندكم دب .. عيل شو تبيني جسم بنيه خصريه نفس جتفيه انا ريااااااال لازم ايكون جتفيه عريض وخصريه اضعيييييف ..
ميثه : هييييييه هييه خق خق عليه ..
خليفه وهو حاط ايديه على بطن ميثه : اهنييه في نونو ولا لا ..
ميثه معقده حياتها تتطالعه : هههههههههه حووووووووه ..
خليفه : هاااااااه
ميثه : عييييييييييب ..
خليفه : هاااااااه هيييه ان شاء الله ..
ميثه : يله اتحمل على عمرك ..
خليفه : ان شاء الله .. وحرك سيارته ويوم وصل عند باب الحوي هي كانت توها بتركب الدري وخلاف نزل جامته وقعد ايقووووووووول .,, احببببببببببج .. احبببببببببببببببج .. وقعدت ميثه تتطالعه لين ماروح وهي تضحك عليه .. وخلاف حدرت على نوف وريسه الصاله وقعدت معاهم .. ويوم وصل يابر عن الدري كان بيظهر طبعا عقب ماتسبح ولبس هييج الكندور البيج والغتره الحمرا ..
يابر : هوووووووود بمر ..
وخلاف اتغشت ريسه عنه ومشى يابر وظهر عنهم بدون مايتكلم ولا ايقول اي شي ومنزل اعيونها في الارض اللي خلا الكل يستغرب منه .. وهو في الطريق كان قاعد ايفكر فيها وفي جمالها صدق انها حلوه وصدق انها خذت عقلي بس انا كيف فضحت عمريه جدامهم .. خلاص عاد مابقدر انا اخفي حبيه هالكثر مارووووم ماروووووووم .. يارب ارحمنيه ارحمنيييييييه ..



انتهى الجززززززززززء ..</p></font>