<font color='#8D38C9'><FONT color=#8d38c9>
<P align=center><FONT color=#ff0000>الجزء الخامس والعشرون
</FONT>
<FONT color=black>
انته حبي وانت مربوحي ***ياحبيب القلب يالغالي ..
ياهنايه ومهجة الروحي ***وياسعادة نفسي وبالي ..
ياطبيبي وبلسم جروحي ***وياشفا الفواد لي زالي ..
انت سعدي وانت مربوحي***وانت قدرك دايم عالي..</FONT>
شعر : المصفوتي
وصلوا ميثه وخليفه بوظبي ودخل خليفه سيارته لين عند باب المدخل مال البيت لانه كانوا شباب قاعدين في الخيمه وعطا ميثه غترته وعقاله وحدرت ميثه داخل البيت وشافت عمتها مع نوف واليازيه وعفراء وشيخه ونوره وعاشه ومديه ...
ميثه : السلام عليكم ..
الكل : وعليكم السلام ..
ميثه : اشحالكم ؟؟
عزه : بخير وسهاله شحالهم قوم يدتج ؟؟
ميثه : والله الحمد لله بخير وسهاله ايسلمون عليكم وحرمة خالي ميره اتسلم عليكم..
عاشه : الله يسلمهم من الشر ان شاء الله ..
ميثه : سمحولي ببدل وبييكم..
وراحت ميثه غرفتها وبدلت اثيابها ونزلت تحت قعدت مع قوم عمتها عسب تتعشا وعقب العشا قعدوا ايسولفون اشويه وكل واحد راح غرفته يرقد ..
في بيت غيث الشامسي
سلطان كان قاعد في الصاله مع قوم امه وحريم اخوانه وريسه وهند وخلاف رن تلفونه وتوه بيظهر عنهم ..
هند : عطني انا برد ..
سلطان : جلبي ويهج .. يالسيلانيه ..
هند : محد غيرك يالسلطه هههههه
العنود : هههههههه
ريسه : خلوه خلوه عند في اي بي كول ...
سلطان : انقلعن
وظهر خاري يرمس في التلفون ..
سلطان : مرحب
البنت : مرحبتيين ..
سلطان : خير بغيتيني في موضوع ..؟؟
البنت : انزين قولي شحالج سيده بغيتيني في موضوع حرام عليك سلطان انا ماسويتلك شي ..
سلطان : جوفي تراني كنت قاعد مع هليه ورديت عليج عسب اعرف شو الموضوع بتقولين شو الموضوع .. ولا برايج ..
البنت : سلطان حرام عليك انا ماسويتلك شي والله انا ماغلطت في حقك شو من الغلط اللي انا غلطته في حقك الغلط تتدري شو انيه حبيتك انيه ياما ركضت وراك ..
سلطان : انتي منووووووووو؟؟
البنت : معقوله ياسلطان مالومك والله انك يوم تسمع صوتي ماتعرفنيه ..لازم هب منك من كثر الاصوات اللي يترددن عليك كل يوم والثاني .. ياسلطان انا غايه تعرف منوه غايه .. غايه اللي كنت تركض وراها تباها .. غايه اللي عاشت معاك احلا ايامها بس للاسف انته ماسويت شي غير انك خنتني واتخليت عني وتركتني ابروحي ..
سلطان : هييييييييييييييه ... ربيعة بنت خويه ؟؟
غايه : هيه نعم اربيعتها ..
سلطان : جوفي يافلانه انا ماودرتج عسب انيه خنتج ولا شي ولو اني خنتج جان قتلج اياها في ويهج انا قتلج انا ماروم ارمسج لانج اربيعت بنت اخويه وانا ماروم ارمسج لانه هالشي هب زين لج ..انتي خبرتينيه انج ماكد رمستي حد غيري وانيه اول انسان في حياتج ... وانا ماريد اظلمج معايه اشعنه اتخربين سمعتج واتكلمينيه .. يابنت الناس صوني سمعتج وصوني سمعة هلج وبعدين هب حلوه منيه انيه ارمسج وانتي ربيعة بنت اخويه وهليه ايعرفون هلج .. انتي ماتتدرين شو ممكن انه يصير اتخيلي مره امج تكشفج وخلاف ايعروفون انيه انا اللي ارمسج شو بيكون موقفيه جدامهم ... قوووولي ..
غايه : سلطان انا مايمهني حد المهم عندي اني احبك ارجوك لا تعذبني ارجوك ليتني جتلت هالقلب قبل لا يحبك ليتني مت قبل لا احبك بس شسوي هالحب طير قلبي صوبك طرت انا بكبري جداك ارجوك سلطان ارحم حاليه انته من زمان في خاطريه ارجوك ارجوك سلطان . انته في حياتي كل شي لا تتخلى عنيه وتتركني روحي انا من دونك ولا شي تعرف شو يعني ولا شي انا من دونك بيت مهجور .. افهمنيه ياسلطان حط نفسك في مكاني
..
سلطان : كلامج على عيني وراسي وحبج اليه على عيني وراسي لكنيه ابادلج نفس الشعور انا اسف .. اسف .. فكري في دراستج واترييي نصيبج والله يوفقج ويستر عليج .. انا ماحب حد يكرهنيه ولا يدعي عليه خلي حبج اليه ذكرى وصدقيني كل انسان بياخذ نصيبه ..
غايه : ارجوك سلطان محد بيعرف عن اللي من بينا على الاقل لو مره في اليوم اكلمك اتحبني احبك .. وان شاء الله .. ان الله بيوفقنا مع بعض وبيسعدنا .. وبكون من نصيبك ..
سلطان : غايه انا اسف انا مافكر انيه ارمس وحده انا مكلمنها في التلفون انا مابقص عليج مثل الباقي وبقولج لا انا باخذج و اتريينيه لا تاخذين حد غيري لا لا هب سلطان اتكون فيه هاي النذاله .. سمحيييييليه عالكلام .. واللي انتي ماتعرفينه انيه انا خاطب بنت خالي ... يعني انسان مرتبط وماظن انج بتفكرين في انسان مرتبط انا اسف واسمحيلي انا ماريد العب عليج ولا اقص عليج وبعدين انتي وحده قريب منيه وانا مارضى عليها هالشي والسموحه منج ياغايه .. والله يوفقج .. تامريني ابحايه ..
غايه : لا سلامتك ..
سلطان : السموحه عاد لا تزعلين منيه ..
غايه : بالعكس ياسلطان انا عرفت انه الحب هب غصب انه الحب يدق باب قلبك ويدخل فيه من دون لا يستاذن ومافي انسان ايحب انسان بالغصب وانا ماباك اتحبنيه بالغصب ... وانا اللي اسفه وايد وايد وايد على كل اللي صار اسمحليه ياسلطان ..
سلطان: بالحل الغاليه اعتبريني اخو لج ..
غايه : ان شاء الله مع السلامه ..
سلطان : ربي يحفظج ..
خلص سلطان المكالمه ورد مرره ثانيه و حدر الصاله ...
ريسه : هاه منوه ؟؟
سلطان : انتي اشعنه رزه ..
هند : ههههههه اشعنه سكرت عنها ..
ام حمدان : وايه بالستر من هي ؟؟
هند : الله يرمسها ولدج وظهر عسبها خاري ..
سلطان : هندوووووه يوزي عن الحركات والله عطيج بكس في بطنج ..
هند : ههههههه بخبر سعيد عليك ..
شمسه : وايه بالستر شو خانتها بعد يوم بتعطيها بكس حليلها وها الدمه في بطنها ..
سلطان: حامل ؟؟
هند : هيييييه توك تتدري ؟؟
سلطان : اونها مابتحمل لين عشر اسنييييييييين ..
هند : غلطه يابوك غلطه ..
ام حمدان : عوذ بالله من ابليسج مسودة الويهه لا غلطه ولا شي قولي الحمد لله ..
العنود : عاشت عمتيه .. ههههههه ..
في بيت فاضل القبيسي ..
في قسم خليفه ..
دخلت نوف على ميثه اللي كانت قاعده تتطالع التلفزيون وتتريا ريلها ..
ميثه : هلا والله اتصدقين من الصبح ملانه ابا حد اسولف معاه مادانيها القعده روحي .
نوف : والله حتى انا ملانه اروحي في الغرفه مع انيه ورايه باجر دوام ..
ميثه : مشكله اللي يكمل صيفي ..
نوف : شسوي ياختيه ابا افتك .. انا حولت من التقنيه حق الجامعه بس عسب هالشي ..
ميثه : يله الله يوفقج ان شاء الله ..
نوف : امييييين ..
ميثه : هي صح تعالي بتخبرج ؟؟
نوف : هلا
ميثه : منوه اللي كنتي تتطرينها هاك اليوم يوم قلتي لازم بيروح يابر العين لانه العوق اهناك...
نوف : ليش ريسه ماخبرتج ؟؟
ميثه :ريسه !! لا متى ليش شو السالفه ؟؟
وقعدت نوف اتقول حق ميثه السالفه كلها وكل اللي صار من بينهم ..
ميثه : هاي هاي السالفه خبرتيني انتي عنها هاك اليوم ..
نوف : هبه صح ..
ميثه : وماصار شي يديد .
نوف : لا بس في يوم عرسج يوم كان قاعد ايول واعيونه عليها .. ميثاني بقولج شي بس انا هب متاكده منه .. انا حاسه بيابر يبا ريسه ويباها وايد بعد هب اشويه بس يابر هب من النوع اللي بييج وبيفضح عمره وبيقول انا ابا وانا احب يابر بيقولج كل شي لكن انه يتكلم عن قلبه مستحيل والله تتدرين ساعات احس انه اخويه فيه انفصام في الشخصيه ساعات ايقول اباها ساعات ايقول لا لا ماعرف كيف صدقيني هو يباها ومن اول يوم شافها مات عليها بس هاذا طبع يابر انه وايد يكابر نفسه..بس مصيره في يوم بيرضخ لقلبه ...
ميثه : معقوله يابر ايحب ..بس تتدرين صدقج يمكن يوم من الايام بيتنازل حق الانسانه اللي هو يباها وتتدرين امبيني وبينج هيه من اييب طاريه تنجلب فوق تحت ..
نوف : هههههههه حليلها والله تتدرين هي ماشاء الله عليها وايد فنانه وانا اتمنى انها اتكون حرمة يابر لاني احس انهم من نفس الطينه ..
ميثه : صح والله انا الحينه قاعده مع يابر اسبوع وعرفته هو كيف وهي انا من زمان معاها صدقتي والله نفس الطينه والغرور والكبرياء وانهم يوقفون في ويهه قلبهم بس اتصدقين مصيرهم في يوم بيكونون مع بعض صدقيني انا حاسه بالاحساس ..
نوف : ان شاء الله والله انا اتمنى ..
وقعدت اتسولف معاها شويه عن التفنيه وكيف بتدخل ميثه التقنيه وكيف وافق خليفه وخلته ايوافق .وخلاف ظهرت عنها لانه استوت الساعه 12 وهي تعرف انه خليفه بيي هالوقت وظهرت عسب انه ميثه تاخذ راحتها ..
ويوم ظهرت شافت يابر قاعد في الصاله وكان مشغل اغنية حكم القدر في تلفونه وكان حاط الاغنيه عالصوت الخارجي .. وكان قاعد يسمعها وكان ايقول ..
يابر : معقوله انا اكون احبج ومشتاقلج ..معقوله ..ومن شافته نوف ربعت فوق قسم ميثه وقعدت تزقرها ونزلت معاها ميثه ووقفوا ورا باب الصاله اللي كان اشويه مفتوح يتسمعن يابر شو كان ايقول ..
يابر : هيه نعم ياريسه انا احبج وانتي كل شي في حياتي.. لحظه ماتغيبين عن بالي ضحكتج ونظرة اعيونج ااااااه ياعيونج اللي علمتني معنى الحياه والحب فهالدنيا ااه خذتي قلي وخذتي ......... انا احبج هيه نعم اعترف اني احبج واموت فيج مهما كابرت ثرني الا اقص على روحي بس بس .. هل هو شعور متبادل ولا بس من صوب قلبيه اللي شكله بيعاني وبيتعب ياليتني اعرف ردة فعلج بعد الشريط اللي سممعتيه ياليتني اقدر اعرف بس اسال منوه اسال منوه ....يالله انك توفقني مع هالانسانه يارب والله انيه حبيتها دخيلك ياربيه ادخيلك . نوف كانت تبا تتكلم واشرتلها ميثه على اساس انها تسكت وسحبتها وحدرن غرفة نوف ..
ميثه : كنتي بتفضحينا ..
نوف : ههههههههههههههااااي يبور استوا شاعر ... يتحرا عمره قيس في وسط ضوء القمر ..
ميثه معقده حياتها تتطالع نوف بنص عين + ابتسامه : حرام عليج حليله لا تتنطزين عليه يعني ذنبه انه يحبها ..
نوف : تتدرين انا لين الحينه هب امصدقه اللي سمعته .. ولا بصدق ..
ميثه : لا صدقي نوف لا تستهينين بقلب يابر ترا يابر اول مره ايحب والانسان اللي يحب اول مره هاذا شعوره ايكون متضارب بصدق وبعدين هو انسان والانسان بليا حب قلب ميييييييييت .. تعرفين شو يعني ميت ..؟؟
نوف : انا ماحب .؟؟
ميثه : مصيرج في يوم اتحبين والحب مره في العمر ... يايج وانتي كبيره او وانتي صغيره ..
نوف : معقوله ..
ميثه : هيه نعم معقوله ..
وخلاف سمعوا صوت خليفه ايدور ميثه وكان حاس انها عند نوف ..
ميثه : هههههههه ولديه وصل ابرايج ..وظهرت من غرفة نوف وكانت تمشي في الممر ..
خليفه : ميييييثه
ميثه : لبيه اشعنه اتصارخ اسكت اعنبوه بضيع انا ..بتوعي الخلق ارقود ..
خليفه : ياغناتي روعتينيه عليج ..
ميثه : واايه احلف فديت هالويهه انا يله يله تعال ومسكته من ايده وراحوا غرفتهم ..
خليفه : وين كنتي عند نوف ..
ميثه : هيييييه ..
خليفه : انزين جان شليتي تلفونج معاج ..
ميثه : ههههههه ولديه هو اعلقه في رقبتيه يعني هههههه ؟؟
خليفه وهو يعيب عليها : هههههههه
ميثه : تبط الجبد اووووووف ..
خليفه : اووون
ميثه : انزين انته باجر هب وراك دوام يله ارقاد ..
خليفه : مابا تبيني ارقد ..
ميثه : هيه نعم اباك ترقد ..
خليفه : انتي اترقدينيه ..
ميثه : والللللللله ؟؟
خليفه :هيه نعم يللله ..
ميثه : هههههه وين يللله ؟؟
خليفه : ببدل اثيابه تعالي بدليله وررقدنينيه ..
ميثه : تستعيد ايام الطفوله يعني ؟؟
خليفه : هييييييه يله ..
ميثه : عن الحركات روح اتسبح وتعال ارقد ..
خليفه : انزين ان شاء الله
ميثه : فدييييييتك والله ههههههه
خليفه : اموت فبيج تتدرييييييين ..
ميثه : وايد ولا شويه ..
خليفه : واااايد وااااايد ..
وراح خليفه الحمام الله يعزكم يتسبح وحدرت ميثه الغرفه ولبست ثياب النوم وحطت هاك الميك اب الخفيف اللي كان لونه وردي .. وربطت شعرها بورده جوريه لونها وردي ..وظهر خليفه من الحمام وشافها وتم واقف عند باب الحمام الله يعزكم وفاج اعيونه ..
ميثه : بسم الله هههههههه شو ياك ؟؟
خليفه : لو سمحتي القمر فوق في السما ليش نازل اليوم عالارض ..
ميثه : هههههههه امحق ليل روح ابويه البس اثيابك عن لاتبرد لاتم بالفوطه ونشف شعرك عدل وروح ارقد ..
خليفه :اوكيه بروح ارقد انا اللي يبا يرقد ايي ...
ميثه :هب يايه مافينيه ارقاد ..
خليفه : ابرايج عراحتج ..
وراح عنها الغرفه ويوم حدر الغرفه شافها امبنده المكيف ..
خليفه : اشعنه امبنده المكيف ؟؟
ميثه : لانه حظرتك ماتنشف شعرك تبا تبرد يعني ..؟؟؟
خليفه : هيه انزين صح لا تكلمينيه انا زعلان ..
ميثه : ههههههه قول والله اوكي زعل بو يعل ..ههههههههه
خليفه : ماعليه ..
ونش عق الفوده ولبس وزاره وفانيلته وشل الفوده مالته وراح عندها في الصاله .
ميثه : مارقدت ؟؟
خليفه : كيفي
وخلاف يا عندها وحط راسه على ريلها ومسك الفوده ..
خليفه : يله نشفي شعريه ..
ميثه : ان شاء الله من عيوني ..
وشلت ميثه الفوده وقعدت اتنشف شعره ..
ميثه : يله نشفنا ارقاد .
خليفه : العبي في شعريه عسب ايني الرقاد ..
ميثه معقده حياتها تتطالعه : انته وااااااايد تتدلع ..
خليفه : عندي حرمه ادلعنيه عندج مانع ؟؟؟
ميثه: لا ان شاء الله
خليفه : فديت هالايد الناعمه ياربي فديتهاااااااا ..
في غرفة يابر ..
<FONT color=sienna>ياشوق خبرني عن اللي انا اغليه **عن واحد روحي بحبه شغوفه..
اغليه من بد المخالييق وافديــــــه **احس للفرحه طعم يوم اشوفه ..
يطلب عيوني يطلب القلب واعطيه **ارهن حياتي بين ضمة كفوفه ..</FONT>
يابر كان ايحاول انه يرقد من الساعه 1بس استوت الساعه 2 ونص وهو هب قادر انه يرقد ...
يابر : لاحول شو سالفتيه انا اليوم افكر فيها تفكير غير طبيعي ياربيه ارحمنيه باجر ورايه دوام ...اعنبوه جاني القلب في صوب وانا صوب يلعن ابوها حاله .. اسمييييييييني رديت مراهق ..مراهق اي مراهق ليش الحب مايي الا المراهقين احبج واموت فيج ليتج عندي يالييييت .. ايبها عندي كييييف ؟؟ ياربي يارب ارحمني احبهااااااا هب هب قادر ارقد من اغمض اعيوني اشوفها جدامي... وتم يابر على هالحاله لين مانام .. مع انه تلفونه ماكان يسكت من كثر الاتصالات بس مكان في باله غيرر انسانه وحده اللي خذت قلبه من اول يوم شافها فيه ....
الصبح
الساعه 7
ميثه نشت واتلبست ونزلت تحت حطت حق ريلها الريوق وردت مره ثانيه فوق اتوعيه ..
ميثه :خليفه ..حبيبييييي ..
خليفه : هااااااه شويه بس برقد ..
ميثه : خلوف عاده شو شويه نش نش يله نش ..
خليفه :عادي انا مدير القسم ..
ميثه :هههه ياويهك ولانك مدير لازم اتكون قدوه يله نش . ههههههه يله عاده عن الدلع ..
خليفه : ان شاء ان شاء الله .
ميثه :صبااح الخير ..
خليفه :صباااح النور ياوردة حياتي ..
ميثه :ياويلي انا ..
وراحت عنه ميثه وظهرت له اثيابه وردتله وخلته غصبن عنه اينش ويحدر الحمام الله يعزكم وراح اتسبح ولبس اثيابه ونزلت معاه تحت حطتله اريوقه وخلاف وصلته لين باب المدخل مال البيت .. ..
خليفه : وين يايه ..
ميثه : اوصلك ..
خليفه : وايه فديتج انا .
ميثه :اتحمل على عمرك انزين ..
خليفه : ان شاء الله يله حدري داخل لا تمين واقفه عند الباب..
ميثه : ان شاء الله
وراح خليفه صوب سيارته اللي كانت واقفه في الحوي وشغلها وراح دوامه ..وحدرت ميثه شافت نوف توها بتروح الجامعه ..
نوف : صباح الخير ..
ميثه : صباح النور
نوف : ياله ردينا حق الدوامات ..
ميثه :ههههههه الله يعينكم . انتي روحج اللي يبتيه حق عمرج شلج في البلا .. يله نحن لاحقينكم بعد عقب شهر
نوف : ابا افتك والله انيه ابا افتك ..
ميثه : يله ان شاء الله .. بتفتكين وبترتاحين
نوف : امييييييين .... وخلاف راحت نوف وركبت السياره وراحت الجامعه وراحت ميثه غرفتها رقدت لين الساعه تسع ونص وحدرت الحمام اتسبحت واتعدلت ونزلت تحت تتخبر عنهم و قالتلها الخدامه انهم محد راحوا ايودون حرمة سعيد شيخه المستشفى لانها بتربي واليازيه بس اللي كانت موجوده في قسمها .. .وخلاف اتصلت ميثه بخليفه واستاذنت منه انها اتروح عند قوم امها وراحت قعدت عند امها..وقالتلها انهم مودين شيخه المستشفى اتربي ..
شمه :الووووو
ام حمدان : مرحبا ..
شمه :مرحبا باميه .. اشحالج ؟؟
ام حمدان : ابخير وسهاله انتوا اعلومكم ربكم ابخير ...
شمه : بخير وسهاله يامايه ..
ام حمدان : وميثه وريلها ..عساهم ابخير ..
شمه :الحمد لله بخير هاذي عنديه ميثه ..
ام حمدان : فديتها والله ..
وشلت ميثه السماعه عن امها وسلمت على يدتها
ميثه : امايه ريسووووه وين ؟؟
ام حمدان : هاذيه قاعده اتجلب التلفزيون وماتحطليه الا على المناكر مسودة الويهه ..
ميثه :هههههههههه انزين امايه عطيني اياها شويه ..
ام حمدان : ان شاء الله ريسه ريسسسسسسسسه ..
ريسه :ها يامايه الصوت و قصرت عليه شو بعد ؟؟
ام حمدان : تعالي ميثه تباج ..
ريسه : ميثوه فديتها عطييني عطيني اياها ..
مسكت ام حمدان السماعه وضربت ريسه فيها على راسها بخفيف ..
ام حمدان : اعنبوج يالمطيوره ..
ميثه :هههههههه
ريسه :لازم حرمة الشيخ خليفه اضحكي ضربونيه بسبتج ..
ميثه : حليللللللللللج .. تكسرين بخاطريه اه لو يدرون بعض الناس بيموتون من الغصه ...
ريسه : علللله ياربيه لا اتقولين جذه جدام امج انا امايه محد راحت المطبخ
ميثه :ههههههههه حتى انا امايه راحت المطبخ ..
ريسه :منوه تقصدييييييين ...
ميثه : اللي بالي بالج .. رميووووو
ريسه : سخيفه . تعالي انا هاك اليوم كنت بخبرج بس للاسف يعني ماتمينا ابروحنا ..
ميثه : شو اللي صار
ريسه : الحقي هاك اليوم هو يانا و بات عندنا ..
ميثه : هي سمعت انا انه بات عندكم ..
ريسه : انزين خليني اكمل ..
ميثه : يله كملي انزين اسمعج ..
ريسه :كنا انا والعنود في المطبخ ونبغي انسويلنا قهوه تركيه و الجبريت كان امخلص ورحت الميلس اشوف جان شي ولاعه اهناك المهم حدرت وحصلت الولاعه وشليتها وانا ظاهره شفت واحد راقد وملحف ويهه ومظهر بس ايديه .. قعدت اقرصه على بالي انه سلطان وخلاف يوم فج اللحاف ظهر يابر صرخت صرخه وهو تم قاعد يطالعنيه فاج حلجه .. وقعدت اصارخ اقوله لا لا لا مستحييييل واتغشيت عنه يقولليه انتي كل ماتشوفينيه تتغشين عنيه وخلاف رحت ابا اظهر قعد ايشلليه اول مقطع من شفتك ولاظنيت بهواك شلة عبد الله الرمييثي .. المهم يوم ييت بطلع سمعت العنود تزقرنيه وحطيت في بالي انها بطرش اليه ميري تزقرنيه وانتي تعرفين ميري عدل سيلانيه سي ان ان نمبر ون .. وخلاف ربعت صوبه اقوله حد ياي حد ياي وهو يطالعنيه اقوله حد ياي اتخيلي شو قالليه ..
ميثه : هااااه معقوووووول قولي يله يله شوووووووووو؟؟؟؟
ريسه : قالليه تعالي انخشي معايه في اللحاف .
ميثه : اوييييييييييييييييه قولي والله ههههههههههههههههههههههههه ههههههاااااااي ..
ريسه : قرهنيه رفعت يديه ابا اعطيه كف على ويهه المهم خلاف فجيت الباب وظهرت عنه ويوم كان بيروح شافنيه واقفه اطالعه عند الجامه مالتيه ..شافنيه وخلاف خش اليه شريط في الاصيص مال الزراعه وسلطان كان هذاك الوقت رايح الميلس عنه .. اتخيلي هاذا كله ايصير ..
ميثه : قولي والله حليللللللللللله .. انزين وشو في الشريط .
ريسه : هو ايشل بصوته شفتك ولا ظنيت بهواك ...
ميثه : ياويييلي عاده صوت يبور يوم هو يشل عذاااااااب واللله يجنن ماشاء الله عليه صوته ..
ريسه : هيييه صح بس خليه يصطلب عنيه اخيرله ..
ميثه : ياغروروج هاذا اللي بيذبحج في يوم ..
ريسه : عيل تبيني اسوي معاه علاقة حب ايهبي الا هووووو ..
ميثه : انا ماقلت جذه .. بس حرام يعني ..
ريسه : اذا هو يباني ايدل بيتنا ايي يخطبني انتي تعرفين انا ماتعيبنيه هالحركات ...
ميثه : مالت عليج ماتنعطين ويهه اقولج بروح البيت حرمة حمايه بتربي بروح اشوف شخبارها ابرايج ..
ريسه :يله اوكيه لا تقطعيييين ..
ميثه : ان شاء الله .. تعالي اقولج .. اشعنه ماتين بوظبي تقعدين عند امايه ..
ريسه : والله انا من زمان احن على امايه تتدرين انيه ملانه ملل فضيع من بعد التقنيه ماروح ولا ارد وهند البارحه فليل روحت عنا ..
ميثه : البارحه دقيتلها ماخلت فضيحه ماظهرتها ..
ريسه : طبعا مسمايه هندوووه ام الفضايح ..
ميثه : انزين رمسي يدتيه ..
ريسه : تتدرين سلطان اليوم بيي بوظبي عنده شغله اهناك جان ماخليه ايوصلنيه عندكم ..
ميثه : حياج الله ..
ريسه : الله يحيج ..
ميثه : خلاص عيل يله مع السلامه
ريسه : مع السلامه .. ميثه مابغت اتقول حق ريسه عن الكلام اللي كان ايقوله يابر لانها كانت تبا مثل ماهو ايعاني هي تعاني وانه ماتمون واثقه من ع مرها وايد عسبة ان الغرور مايزيد ..
وسكرت ميثه وراحت المطبخ عند امها
ميثه :امايه انا بروح البيت تامرينيه بشي ..
شمه : لا فديتج سلامج طمنيني عليها ..
ميثه : ان شاء الله
واتغشت ميثه بشيلتها البيضه وراحت البيت . شافت عمتها ..
ميثه : السلام عليكم .
عزه : وعليكم السلام .. هلا بنتيه ..
ميثه : بشري امايه ربت ؟؟
عزه : هيه الحمد لله يابت بنت ..
ميثه : اخيرا يت مهره ..
عزه : شفتي عاده يت امايه ..
ميثه : مبروووك مبرووك تستاهل ..
عزه : الحينه دامني اطمنت عليها بنروح نحن البحر اليوم البيت من زمان محد فيه ولا حد ايروحله الا ابوج يروح ويرد . بتين معانا ..
ميثه : اشعنه امايه انتوا كم يوم بتمون اهناك .؟؟؟.
عزه : ان شاء الله اسبوعين دامنا في اجازه وعيال زايد ونهيان محتشرين يبونه البحر ..
ميثه : ان شاء الله بنيكم نحن يوم الاربعاء تتدرين امايه خليفه يدوام ..انزين ونوف ؟؟
عزه : نوف ماعليها شر انتي معاها اهنه وعاشه اهنه بعد ..
ميثه : ربي يحفظكم ان شاء الله ..
ورد خليفه من الدوام وعقب ماتغدوا قوم فاضل ركبوا في سيايرهم وحملوا اغراضهم وراحوا بيتهم اللي في البحر ... وركب نهيان مع حرمته وعياله في الاستشين مالته وزايد وحرمته وعياله في اللكزس مالته وفاضل وعزه مع الدريول وراحوا كلهم البحر ..وراح سعيد عند حرمته في المستشفى ونوف حدرت غرفتها تنام وخليفه وميثه في غرفتهم ويابر كان قاعد في الخيمه ..
اننننننتهى الجززززززززء ..
يتبـــــع <IMG src="http://oasis.bindubai.com/emoticons/fa33.gif" border=0><!-- / message -->
</FONT></P></font>
رد مع اقتباس
مواقع النشر (المفضلة)