صبرت ولا قدرت اصبر واتحمل اني اعيش العمر من دونك

[دمعة شوق]

<font color='#8D38C9'><p align=center>

<font color=#ff0000>الجزء الثاني والعشرون
</font>


انته الذي قلبي يدور عليك وانته الذي روحي تمنت لقاك ..
وانت الذي كل المشاعر تجيك لو ماتجي قلبي يسافر جداك


ريسه وهي اتصارخ وحاطه ايديها على ويهها : هاااااااااااه لااااااااااااا لاااااااااااا ياربي لييييش لييييش لاااااااااااااا وقامت واتغشت عنه ..
يابر : وانتي كل ماتشوفيييني تتغشين عنيه .
ريسه : انقلع عنيه ونشت من عداله ..
يابر : اقول ..
صدت عليه ريسه : خير
يابر احم احم وبدا يشللها : شفتك ولا ظنيت بهواك.... ماهو بكيفي غصب عني .... لا والذي في الكون سواك ....صدق المشاعر لك خذني .....
حاير واسج فكري وياك .... اقصد وشعري لك اعني .... كن القمر طلعت محياك .. يلي جمالك فاتنني ...
ريسه من سمعة صوت يابر تمت واقفه مكانها واتقول في خاطرها : ماشاء ماشاء الله علييييييك وخلاف ربعت صوب الباب بتظهر وهو يطالعها وسمعت صوت العنود تزقرها وخلاف ربعت صوبه ..
ريسه وهي اتصاصره : يزقروني اخاف حد ايي ..
يابر يطالعها وهو فاج حلجه : ها اااا
ريسه : ومرض اخاف حد ايي ..
يابر : عادي تعالي انخشي معايه في اللحااااااااف ...
ريسه وهي معصبه : شوووووووووو
وخلاف رفعت ايدها تبا تعطيه كف : استغفر الله . اسفه ..وتوها واقفه عند الباب وحاطه ايدها بتفتح الباب ...
يابر : لا تعصبين بس كنت ابا ارد لج الحركه يوم خشيتيينيه في الكبت والحينه بغيت اخشج في اللحاف ..
وظهرت عنه ريسه ..
يابر : والله ماصدق اللي يصير لي مع هالبنيه حلم ولا علم سبحان الله كنت متوقع اني بشوفها والحمد لله انيه يبت الشريط معايه .. ياربي محلاتها من دون مكياج ياربي فديت هالجمال الطبيعي والله انها احلا عن باسكال مشعلاني ياويلي شكلي رحت فيها ... خلاص ..
العنود : ويييييييينج انتي اعنبوه ساعه ..
ريسه وهي سرحانه : هاااااا
العنود : بسم الله شو فيج ؟؟؟ اشعنه ويهج جذه احمر ..
ريسه : لا ماشي بس اظني من الحر ..
العنود : انزيبن وينها الولاعه واشعنه اتاخرتي في الميلس . ؟؟
ريسه : لا ماشي ..
العنود : انزين عطييييني الولاعه .
ريسه : هااااه يودي هذيييييه .
وعطتها الولاعه وريسه طول الوقت ساكته وماتتكلم والعنود حست انه فيها شي وانها هب طبيعيه ..
العنود : ميري روحي سوي ترتيب غرفه مال انا قبل لا يجي بابا منصور ..
ميري : جيييين ماماه
العنود : ريوس شو بلاج ..؟؟
ريسه : شو اقولج يالعنود شو اقولج .. اه ياقلبيه ليش ليش ..
العنود : بسم الله عليج شو هو اللي ليش ؟ ؟
ريسه : تعرفيييييين يابر ؟؟
العنود : يابر اخو خليفه اللي ظهرتيلهه اعيونه ..
ريسه : يله عاده ..
العنود : هههههههههه شو بلاه ماحيدج تتطرينه شو اللي يابه في بالج ..
ريسه : ياربي عنوود عاده عن السخافه .. خليني اقول ..
العنود : انزين قولي.. شو بلاه لا اتقولين انج حلمتي فيه ..
ريسه : لا لا ياليييت حلم ياليييييته ..
العنود : قولي عاده روعتييييننيه ؟؟
ريسه : شفته في الميلس راقد وقعدت اقرصه اتحراه سلطان لانه سلطون ساعات يرقد في الميلس وكان مغطي ويهه ومظهر يده خاري اللحاف وتميت اقرصه في ايديه وخلاف فج اللحاف
العنود وهي منصدمه وفاج اعيونها : هاااااااااااااااااااااااا اااااااه وبعديييييييييين ؟؟؟؟؟؟؟؟؟؟
ريسه : قعد يطالعنيه وقعدت اقوله لا لالا لاااااااااا واتغشيت عنه قالليه انتي كل ماتشوفينيه تتغشين عنيه .. ؟
قتله انقلع عنيه وخلاف يوم يت بظهر عنه قالي ريسه ماعرف وين عرف اسميه هب عارفه ..
ويوم صديت عليه قعد ايشلليه شلت عبد الله الرميثي شفتك ولا ظنيت ابهواك
.. عنوووود صوته يعذب وهو يشل ..
العنود : ههههههههههههههههههههااااا ااااااااااااااااااااااااا ااي و بعدين ..
ريسه : وماشي وعقب يوم يت بظهر سمعتج تزقرينيه وخلاف خفت انج ادزين ميري تزقرنيه .. قتله حد ياي حد ياي قالليه قالليه ..
العنود : شوووووووو
ريسه : قالليه تعالي انخشي عنديه في اللحاااااااااف
العنود : هههههههههههههههههههه مسكين يبا يرد الحركه .. وانتي شو سويتي ليكون ..
ريسه : لا طبعا يخسي الا اهوووووو حوه عنووووووووود تستهبلين شو هالسؤال ..
العنود : ههههههههههههه ادري بس استهبل ..
ريسه : بس بس لا تضحكيين يافضيحتيه جدام الريال ..
العنود : بقولج شي ترا يابر ايحبج .
ريسه : شووووووووو حب ماحب عن هالخرابيط .؟؟؟
العنود : انا اقولج وبتقولين العنود قالت ..
ريسه : حبته القراده ياربيه هاذا اللي ناقص بعد ..
العنود : ريوس لا تكابرين تراج اتميليله ..
ريسه : لا لا لا
العنود : اوكيه لا
ريسه : خلاص غيري الموضوع خليني انسى .. وردت اتولول مره ثانيه اهييييييي ياويلي ياويلي ليش ليش ..
العنود : الله رايد هالشي خلاص عاده عن الحشره
ريسه : ليش انا ليش انا .؟؟
العنود : هههههههههه ... والله ماعرف اشعنه تحتشرين عليه انا ...


في بيت حمدان الشامسي
حمد : الوووووووو
عبد الله : هلا والله
حمد : اهلين عبد الله
عبد الله : هلا بحمد شحالك فديييتك ؟؟
حمد : الحمد لله وانته شحالك ؟؟
عبد الله : بخير وسهاله ... شو الاجازه وياكم ؟؟
حمد : اوكيه مستانسين ..
عبد الله : يله شد حيلك السنه اليايه .. نبا نسبه ترفع الراس ..
حمد : ان شاء الله ..
عبد الله : عيبل وين امايه .. ؟؟
حمد : لحظه بزقرها .. امايه امااااايه ..
ميره : هاه ياحمد هااااه يابويه ..
حمد : امايه تعالي عبود يباج ..
ميره : عبد الله .. وايه فديته انا وشلت السماعه عن حمد مرحبا مرحبا بولديه اشحالك يعلني افداك .. ؟ ؟
عبدالله : مرحبا الساع ...بخير يعلني افداج انتي شحالج وشحال ابويه وروضه وميمي ولطوف ؟؟ .. وانا الحمد لله ابخير وسهاله ..
ميره : الحمد لله كلهم ابخير وسهاله ... ياله جانيه ميته من الولهه عليك ..
عبد الله : يامايه ولهان عليكم..
ميره : يعلني افداك يابويه متى بتينا ؟؟؟
عبد الله : وين يامايه توني ماكملت شهر حتى دوام في الجامعه عدني ماداومت ... اتريي ان شاء الله اول مايعطونا اجازه بيكم ..
ميره : يابويه رد بلادك وبلاها هاي الغربه ..
عبد الله : امايه هالغربه فيها مصلحتيه والحمد لله بس سنتين وبرد البلاد سنتين خذتها في البلاد عنكم وسنتين باخذها عندهم .. غيري هنيه بياخذ اربع وخمس اسنيييين
ميره : يالله يابويه الله يوفقك ان شاء الله ..
عبد : اميييين يعلني افداج امييييين .. الا امايه بتخبرج ردوا عليكم قوم خالتيه صفيه ؟؟
ميره : هيه يابويه وخالتك قالت انا مابحصل اخير عن عبد الله حق عليا قالت اتريوها لين ماتخلص ثنويه ولو يباها بعابتها ايي يشلها ...
عبد الله : يله الحمد لله
ميره : الله يوفقك ياولديه ..
عبد الله : اميين ياميه .. خلاص عيل امايه ماطول عليكم بخلي في البطاقه بدق حق قوم يدتيه ..
ميره : خلاص عيل يله مع السلامه ربي يحفظك واتحمل على عمرك .. انزين ..
عبد الله : ان شاء الله ياميه من اعيوني ..
ميره : تسلم اعيونك يعلني افداهن مع السلامه
عبد الله : مع السلامه ..


بيت غيث الشامسي


تميز في جمالن ميزه ربي.... و خذ منه الحلا أشكال والواني&#33;
اهو راحت هناي و بلسم جروحي .. يهلـيـبه فوادن فيه شفجاني&#33;




سلطان : ياله يايبور والله انك ماتستحي اشعنه ماخليتني ابات وياك في الميلس ياويهك لازم اتحلف ؟؟
يابر : افا عليك جانك اتعدني غريب هاذا شي ثاني عاده انا عاد عمريه راعي بيت .. وعادي ارقد وين مابا .. لو حتى في حجرتك ولا شو رايك ..؟؟
سلطان : افا عليك ... الحجره وراعي الحجره والبيت ابكبره تحت امرك ..
يابر : يعلني افداك والله يابومييد .. يله عاد الحينه انا بسترخص منك اسمحليه ..
سلطان : لا وين ابها ماشي سيره تتغدا عنا ..
يابر : ياريال البارحه خلصت شغليه من وقت عندكم وقلتليه لا الا تبات عندنا وبت عندكم وبعد تبا اتغديني لا لا تولهت على امايه ...
سلطان : امايه ولا الظبيانيه ..
يابر : امحق ليل .. ايهبن الا هن هيله المصخره .. شكلي بظوي على عيناويه ..
سلطان : ههههههههه اللي ايقول امره ماجربت جداهن العيناويات .
يابر : هاااااه هب لين اهناااك .. هيه عاده انته امره شبعان ..
سلطان : ههههههههاااااي شو نسوي ياريال ..
يابر : هيه والله ..
سلطان : والله نحن مابنعقل الين مانعرس .. اكوه خليفه يوم كنا في استراليا ماتم شي ماسواه اهناك ..
يابر : ليش انته كنت معاهم في استراليا ..؟؟
سلطان : هيه رحت يومين ورديت اونيه بدرس اهناك قتلهم لا لا البلاد وبس ...
يابر : هههههههههههاي ابصراحه احيي فيك الروح الوطنيه ..
سلطان : طبعا عيل شووووووه .. لا اتغير الموضوع انته مابتروح لين ماتتغدا عندنا ...
يابر : ياريال والله ماروم خلها اليايات اكثر ان شاء الله
سلطان : انته ناوي عليه امايه تتطردنيه من البيت ..
يابر : ههههههههه اشعنه عاده ؟؟
سلطان : اعنبوه اول مره اتحدر بيتنا واخليك اتروح من دون غدا يله يله قر مكانك الا جانك مستعيل اتريا دقيقه بتصلبهم بخليهم ايحطون الغدا ..
يابر : يالعنيييييد .. هاذا راس ولا حصاه ؟.؟؟
سلطان : ههههههه اللي تباه ..
وخلاف حطوا الغدو ويوهم بطي ومنصور واحمد واتغدوا معاهم .. وريسه كانت قاعده مع قوم امها في الصاله من شافت انه بطي ومنصور واحمد حدروا البيت حست انه الحينه يابر بيروح وربعت فوق غرفتها وقعدت تتطالع من الجامه .. ويابر وسلطان توهم بيظهرون من الميلس يابر نسا تلفونه في الميلس .. وظهر هو وسلطان في الحوي وين ماكانت الاكس فايف مالت يابر موقفه ..
يابر : مشكوور والله يابومييد ماتقصر السموحه منك تعبناك ..
سلطان : افا عليك .... انته اللي سامحنا قدرك اكثر يابوفاضل ..
يابر : مشكور الغالي ... يله انا بترخص تامرنيه ابشي ..؟؟
سلطان : سلامتك تحمل على عمرك وهللله هله في المزايين ..
يابر : ياله جاد انهم كاسرين سيفك هالمزايين من كثر ماتتطريهن ثرهم الا لعبات فيك دور
سلطان : ايهبن الا هن ..ماعاشت ولا بتعيش اللي تكسر سيفيه ..
يابر : والنعم والله بالشواااامس خلك ذيب شرات اخوك..
سلطان : ههههههه ان لم تكن ذيب اكلتك الذئابه ..
يابر : قوموا عنه الريال قام ايعق امثال .. ههههههه .. يله السموحه ..
سلطان : بالحل يعلني افداك ..
يابر رفع عينه فوق بس جذه وشاف ظل وحده واقفه تتطالع ولانها كانت لاصقه اشويه في الجامه فكانت اتبين ملامحها لانه الشمس كانت صاطعه وهي الغبيه تتحرا محد ايشوفها ..
يابر : سلطان ماعليك اماره الغالي
سلطان : لبيه
يابر : لبيت حايه .. بسير اييب تلفونيه نسيته في الميلس ..
سلطان : افا عليك وماله داعي تستاذن البيت بيتك .. ابرايك اتريا انته اهنه بسير اييبه لك وبييك ..
يابر : تسلم والله . وراح سلطان صوب الميلس .. ورفع يابر عينه فوق وقعد يطالع ريسه جان ايقوم ويبتسملها ..
ريسه شهقت : ليكون ايبين ؟؟؟
وخلاف اشرلها وكان في مثل الاصيص فيه زراعه حفر في هاذا الاصيص وحطلها الشريط ..
ريسه : اويييييييييه انا صدق ابين .. يالفضيحه الحينه شو بيقول عنيه ........؟؟؟
وخلاف ياه سلطان وعطاه تلفونه وراح يابر بوظبي .ويابر طول الطريق يفكر في ريسه وشكلها وكان ايقول في خاطره اذا هي هب مهتمه فيني اشعنه كانت واقفه عند الجامه يمكن بالغلط ويمكن بالقصد .. ماعرف ماعرف ياربي خبلت فيني هالبنيه .. سبحان الله منوه يصدق يابر اللي عمره ماهزت شعره من راسه بنيه والحين اتيه على اخر الزمن بنت وتجلب حياتي فوق وتحت لا ليلي ليل ولا نهاري نهار ... لا لا هي هب اي بنيه هي البنيه اللي انا حبيتها وهي البنيه اللي انا اباها ... احبها لا لا كيف حبيتها ... يالللللله خلاص خلاص بنسى السالفه شو فيني اعنبوه رديت مراهق .. وكمل يابر طريقه لبوظبي ..



في بيت غيث الشامسي


نزلت ريسه تحت وشافت العنود قاعده مع سلطان وامها وغيث ولد احمد ... وعلياء بنت بطي ..
ريسه في خاطرها : اوهو الحينه كيف اظهر وسلطان اهنه ..
ام حمدان : وين رحتي ؟؟
ريسه : سرت اصلي .
ام حمدان : هيه والله وانا لين الحينه ماصليت .. برايكم بروح اصلي .. وراحت ام حمدان اتصلي ..
وسلطان كان طايح اايشوف قناة دبي الرياضيه .. .
ريسه تتطالع العنود : عنوود قومي بنسير المطبخ بنسوي كابتشينو .. في خاطريه ..
العنود : مافيني روحي اروحج ..
ريسه تتطالعها وتغمزلها : يلللللله ..
العنود : انزين يله .. وغيث وين اخليييييه ..
ريسه : عند الدادا سلطان وين بعد امه وابوه ارقود وين بتحطينه ..
سلطان : لا والله هو عنده خدامه اشعنه تعطونيه اياه ؟.؟؟
وخلاف رن تلفون سلطان كانت وحده متصله فيه ..
سلطان : الوووو
العنود : اووووه وشلت غيث وحطته على بطن سلطان وخلو سلطان مع غيث وعلياء .. وظهرن خاري الصاله ..
علياء : نووووووونو بيبي ..
البنت : هلاااااا
سلطان : وغلااااااا
سلطان : علايه يوديه وديه عند سينيتيا ..
علياء : لا ماماتي قالتلي لا تشلينه لانه هو نونو بادين بيتيه ..
سلطان :بيتيه هاه .. ؟؟ هنديه انتي ؟؟ وغيث كان قاعد على بطن سلطان وقاعد يمط شعره من جدام ..
سلطان : اااااااااي .. شعريه
علياء : هههههههههههه
سلطان : تضحكين هاه امكم انا روحي خاري ازقريله خدامته رووووحي ..
البنت : منوه هيله عيالك ؟؟؟
سلطان : لا لا هب عيالي ... هيله عيال الييران ..
البنت : لا لا عيالك وتوها حرمتك كانت اترمسك ..
سلطان : يابنت الحلال شو بلاج انتي .؟؟
البنت : ماهقيت انك اتقص عليه .. واخر شي تظهر معرس ؟؟
سلطان : انتي بتقولين انتي منوه ولا اسكر في ويهج ؟؟؟ متصبه اتسويليه فلم هندي متفيج انا ؟؟
البنت : خلاص برايك باي
سلطان : طز لا تردين تتصلين مره ثانيه انقلعي .. باي .. وسكر التلفون في ويهها ؟؟

العنود : انتي الحين بتخبرج اشعنه مظهرتنيه وامه مخلتنه امانه عنديه ..
ريسه : عنود يابر حاطليه شريط اهنه ..
العنود : شريط شووووووووو ؟؟
ريسه : الله يقطع ابليسج شويشوي .. عن لا يسمعج سلطان
العنود : اوكيه شريط شوه ؟؟
ريسه : ماعرف ..
العنود : ووين حاطنه ؟؟
ريسه : اهنيه في االاصيص هاذا مال الزراعه ..
العنود : ههههههه ذكرتيينيه يوم كنت مع منصور قبل كنا انحطهم تحت الزراعه .. ههههههههه .. ونطرش اليهال ..
ريسه : ههههههه انزين انا بروح ايبه .. وانتي راقبي اوكيييه ..
العنود : اوكيه بس قوليلي كيف عرفتي انه حاطنه .. منوه خبرج ..
ريسه : بخبرج عقب .. انتي راقبي ..
العنود : اوكييييييييه ..
وراحت ريسه وحفرت في الاصيص وحصلت الشريط وشلته ..
ريسه : يله ..
العنود : شوووو
ريبسه : تعالي بنروح نسمع شو فيه .. هاتي غيث وتعاالي حجرتيه ..
العنود : اوكيه
وراحت العنود الصاله وشلت غيث وراحت .. حجرة ريسه ..




في تايلند ..
خليفه : شو يسوي الحلو قاعد ؟؟ ..
ميثه : ماشي كان قاعد يترياك اشعنه اتاخرت عليه ..؟؟
خليفه : ليش الحلو مايبا غدا .. هب انا قتله انروح نتغدا برع وقالليه لا بنتغدا ارباعه شو شكلج تبين اتاكلينيه عسب جذه خاشتنيه في الحجره ..
ميثه : ههههههههه اشدراك ؟؟
خليفه : حسيت ..
ميثه : تتدري خليفه والله مايسدني اسبوع في هييج الجزيره صدق والله انها وناسه من الخاطر ..
خليفه : ان شاء الله حبيبي تتدرين كل سنه بيبج اهنه ..
ميثه : لا اخلاف بنمل منها .. بس تتدري ماظنيه اني بمل من مكان اكون فيه معاك .. انته اللي مونس لي حياتي انته اللي مفرحني انته اللي معوضني عن بعديه عن هليه .. عمري ماخطر في بالي انيه احب انسان قبل ريلي بس ...
خليفه كان يطالعها بنظرات حب وحنان : بس شو؟؟
ميثه : بس حبيتك وصرت في حياتي كل شي ليلي وشمسي وقمري وظلي ونوري ودفايه وشوقي واستويت بعد شريان حياااااااتي ..
خليفه : بس بس بس ماتحمل هالكلام .. احببببببببببببببببببج احببببببج .. والله لو اتم ارمس من اليوم لين عشر اسنييين بعد عمري مابقدر ارد عليج ..
ميثه : هههههههه ليش عاده ..
خليفه : بس جذه عاده . ..
ميثه : خليفه ممكن اقولك شي ..
خليفه : امري لبيه ياعيون خليفه ..
ميثه : امممممم امممممممم ..
خليفه : شو حبيبي ..
ميثه : اريد اكمل .. دراستيه يوم بنرد البلاد ..وبتبدي الدراسه ..
خليفه : شوووو لا لا يلسي في البيت اشعنه اتكمليين .. ماشي ماشي ..
ميثه : حرام عليك خلووووف ..
خليفه : لا لا ماااشي انا يوم ابا ارد البيت ابا احصل حرمتيه جدامي تترياني ..
ميثه : خلوف انزين دوام التقنيه ايخلص قبل لا تظهر من دوامك بساعه كامله .. يعني بلحق ارد البيت واتريااااك ..
خليفه : لااااااااا اقولج لاااااا
ميثه : اهييييي اهييييييي اشعنه اتواقعنيه مابا مابا ..
خليفه : وانتي اشعنه تتدلعين عليه وايد خلاص لا اتسوين جذه اتعرفين انيه ماروم اتحمل اشوفج .. جذه جدامي خلاص ان شاء الله بس سمعي اذا ماعيبنيه الوضع مابخليج اتكملييين انزيييين ..
ميثه : لا حراام عليك ..
خليفه : انا شو قلت ..
ميثه : ان شااااء الله من عيوني ..
خليفه فديييت احلا اعيون انا .. فديييييتهن انا فدييييتهن ..
ميثه : خلاص عاده ..
خليفه انزين شو رايج بما انه اليوم اخر يوم النا اهنه انروح نلعب في الحديقه ..
ميثه : ههههههههه قول والله
خليفه : والله بنركب الالعاب .. شفتي القريه العالميه .. نفس الالعاب اللي فيها تقريبا ..
ميثه : هيييييييييه بس ولا مره لعبت فيها ودوم في خاطريه بس امايه ماكانت اتخليييني .. ومره لعبت مع رويض بنت خالي يوم الحريم ..
خليفه : الحسن اشلج تلعبين ... والقريه العالميه كلهم شباب ويشوفونج تلعبين بذبحححححج ..
ميثه : ههههههههه يالغيار ..
خليفه : اموووووووت من الغيره هب بس الا غار .. وتتدرين ..
ميثه : شوو ؟؟
خليفه : عليك اغار من لمس الهبايب ... وجلاسك واهلك والقرايب ... عليك اغار من عمري عليك .. واغار بسبة وبلا سبايب ..
ميثه : اعنبوووه لها الدرجه ؟؟؟ ههههههه ؟؟
خليفه يقلدها وهي تضحك ..: ههههههه هيه لها الدرجه واكثر ياويهج
ميثه تتطالعه وهي معقده حياتها : انزين ماعليه ياخلوف ياويهي هاه .. ماعليه نننننش ننننش ..
خليفه : هههههههههه انش وين اروح اتشوفييني قاعد ..
ميثه : نش من حذالي اشعنه قاعد احذالي وتوني كنت باكلك بس الحينه هب ماكلتنك ..
خليفه : هههههههههه فديت اللي يعرف يعصب انا مسكها وحظنها فدييتج والله فدييييتج هاه اموووووواه عراسج خلاص
ميثه : هههههههه توبه
خليفه : اتوووووووبه ... فدييييييييتج ..
ميثه :افداااااااك ..
خليفه : ياويل حاليه انااااااا ..
ميثه : ههههههه انزين فج حلجك ..
خليفه : هاااااااااه ..
ميثه : ههههههههه عندك ايد ..؟؟
خليفه : هيه عنديه ..
ميثه : اكل روحك عيل ههههههههه
خليفه : ماعليه انزييييين
ميثه : ههههههههه لا لا خلاص خلاص هاه هاه
وقعدوا ياكلون وبعد الغدا راحوا الحديقه .. ميثه كانت لا بسه سكارف ازرق وعباه ونظاره لونها ازرق وخليفه كان لابس لبس سبورت بنطلون وقميص وكان لابس نفس نظارتها وكانوا حاطين ايدهم في ايد بعض ويتمشون وشكلهم ايجنن من الخاطر ....

ولا غيرك فهالدنيا فتني وحملني الثقيلات النوايب
انا ياشوق حبك ذابحني فدتك الروح دامنا حبايب


خليفه : ميثثاني شو رايج نركب قطار الموت ؟؟
ميثه : لااااااااااا طالع مكبره لا لا اخاااااف ..
خليفه : افا اتخافين وانتي معايه يله عاده ..
ميثه : اممممممم اممممممم انزين يله . .
وركبوا خليفه وميثه القطار .. واول مالف القطارقعدت تصارخ وهو يضحك عليها وكانت لاويه عليه بالقوووو وحاطه راسها عند جتفه ومغمضه اعيونها ..
خليفه : ههههههه انزين فتحي اعيونج شوفي المنظر ..
ميثه : هااه لا لاااااااا لاااااا بطييييييييييح.. امسكنيييه ..
خليفه : هههههههه احبج والله احببج ورفع ايده فوق احببببببببببببببببببببببب بببببببببببببج احبهاااا والله والله احبهااااااااااا ..
ميثه : لاااااااا نزل ايدك كيف اتقبض فيييييك ؟؟
خليفه : هههههههههه فديتج هاه نزلتهن ..
وخلاف نزلوا من اللعبه ..
خليفه : ههههههه شو رايج ..
ميثه : انااااااه اناااااااه هب حلوه اتروع انزيييين .. هب راكبه معاك ..
خليفه : ههههههههه ليش عاد..
ميثه : كييفيه اتروع انا ..
خليفه : فديت اللي يتروع انا ...
وخلاف مسك ايدها وراح عند حرمه كانت قاعده اتبيع ورد .. واشترا عنها ورده حمرا . .
خليفه : اهديها حق احلى حب في حياااااتي ميثه ..
ميثه : ههههههههه مشكور
خليفه : وردة حبنا .. ميثاني حبيبي ..
ميثه : اعيونها .. لبيه غناتي ..
خليفه : انروح نلعب هاللعبه مالت الماي ..
ميثه : لا خلاف بتتخرس اثيااااااااابي . بالماي
خليفه : لا غناتي مابتتخرس .. هاذا قارب في الماي ويمشي شويشوي ..
ميثه : متاكد .
خليفه : هييييييييه ..
ميثه : اوكيه بس اول شي اممممممم خلنا نوقف ورا هالمنظر ايجنن .. وشافت حرمه عيوز قاعده عالكرسي وطلبت منها انها اتصورهم . .
خليفه : انتي ماتشبعين من كثر ماتتصورين .. انا مادنيه التصوير ههههههه .. ماتم مكان .. ماتصورنا فيه
ميثه : ههههه اوقف اوقف لازم اصور احلى ذكرياتنا ..
خليفه : هاه وقفنا .
وقفوا خليفه وميثه عدال بعض ورفع ايدييييه وحط ايده على جتفها ..
ميثه : وهي اتصارخ لاااااااااا
وصورتها الحرمه وهي فاجه حلجها وماسكه ايديه تبا اتشلها .
ميثه : خربت الصوره
خليفه : كييفي حرمتيه ..
ميثه : شكرت الحرمه وخلاف راحوا صوب اللعبه مالت الماي .. تعال بتخبرك ..
خليفه : هلا عمري .. اتخبريييني .. ؟؟
ميثه : انته عطيت حد الكيمره ايصورنا يوم كنا في القطار ؟؟
خليفه : هيييييه عطيت وحده مع امها كانت تتريا دورهم ..
ميثه : للاااااااااا يافضيحتيه اكيد صورتنيه يوم كنت اصارخ .. ولاصقه فيك ..
خليفه : هيييه طبعا .. وهاذا هو المطلوب ..
ميثه : ههههه . مجرم والله مجرم ..
خليفه : مجرم في حبج ..
ميثه : ياويييييلي انا ..
خليفه : يله نركب .. وراحوا وركبوا ركب خليفه اول القارب وركبت وراه واول ماتحركت اللعبه كانت تمشي بالخيفي وميثه مساانسه لكن فجاه يوم وصلوا عند النزله نزلت ابسرررررعه
ميثه : هااااااااااااه لاااااااااااااااااا
خليفه : مسكيييييييينيه .
ميثه : ماعليه والله اتشووووف .
خليفه : هههههههه .. شو بشوووف .؟؟
ميثه : اف اخيرا مشينا شويشوي ..
خليفه : يالخوافه . حبيبي ثرج رديه ظهرتي ..
ميثه : شو تتحراني شراتك
خليفه : ههههههههه اشعنه عاده ..
ميثه : لو ايقولولك اركب مع الوحوش بتركب ..
خليفه : ههههههههههه .. اموت فيج والله والله ..
وخلاف يوم نزلوا خذوا صورتهم لانه هاللعبه كانت فيها كيمره وين النزله السريعه من تحت اتصور
ميثه : مابا اذا تباني العب معاك مابلعب هاي الالعاب بلعب الالعاب اللي ماتروع ..
خليفه : خلاص .. حبيبي.. والله خلاص بنركب الالعاب العاديه ..
ميثه : اكييييد ..
خليفه : اكيد غناتي وغلاتج ..
ميثه : فدييييييت ريليه انا يله .
خليفه : فديييييييييييييييييت حرمتييييييييييييييييييييي ه فديتها يلتين هب يله وحده ..
وخلاف راحوا يلعبون واخر شي ردوا الفندق تعابنيييييييين .. وناموا لانه طيارتهم كانت الصبح ..


انتهى الجزء

ظنكم منوه البنت اللي داقه حق سلطاااااان ؟؟
ظنكم شو في الشريط اللي حطه يابر حق ريسه ؟؟</p></font>