صبرت ولا قدرت اصبر واتحمل اني اعيش العمر من دونك

[دمعة شوق]

<font color='#8D38C9'><p align=center><font color=#ff0000>الجزء الثامن والعشرون

</font>
احلى سنين العمر بلقاك تتعطر *** يادنيتي وابرك الساعات ساعاتك
يمر طيفك واضمك وارجع استغفر *** وارد اشوفك واقول الله محلاتك ..



الساعه 12 ..
يوم الثلاثاء..

ميثه كانت قاعده عند نوف في غرفتها وخلاف ظهرت عنها وراحت صوب غرفتها لانه هالوقت خليفه كان ايرد فيه واتعدلت وقعدت تتطالع التلفزيون في الصاله اللي في قسمها .. وشويه بحدرة خليفه عليها ..

خليفه : السلااااااااام عليكم ..
ميثه كانت امعصبه عليه لانه اتاخر نص ساعه وقعدت تتطالعه بنظرات غييييييض ..
خليفه : وااايه وااااايه . اشعنه عاده ..
ميثه : ....................
خليفه : يعلني افداااااااااااه فديييييته يوم ايعرف ايعصب . انزين خبرييييييييني اشعنه زعلانه ..
ميثه : تستهببببببببببببل ؟؟؟
خليفه : ول .ول ول ههههههههههه .. انزين والله انيه كنت في الخيمه يوم حدرت شافوني الشباب حادر البيت ورحت صوبهم اسلم عليهم والله انيه ياي من 11 ونص ..
ميثه :خرررطي ..
خليفه : والله انه هب اخرطي اوكيه هب امصدقتنيه اتصلي في يابر واتخبريه ..
ميثه : هيه عاده امره مول يابر بيقول الصدق اذا اخواك مادافع عنك وستر عليك منوه اللي بيدافع عنك ..
خليفه : ميثوووووووووه ماتصدقينيه ..؟؟
ميثه : اثبتليه ..
خليفه : والله انج هب زعلانه ولا شي ..
ميثه : لا زعلانه هب عكفيك ..
خليفه : لو زعلانه جان ماتعدلتيليه وماقعدتي تترينيه ؟ هههههههههه ..
ميثه وهي اتعض على شفايفها ماتبا تضحك :.........
خليفه :هههههههههااااااااااااي امووووووووت فيج ومسكها من ويها وباسها على خدها ..
ميثه : ههههههههههه احبك والله انيه احببببببك ..
خليفه : وانا بعد امووووووووت فيييييييج والله والله اموت في التراب اللي ادوسين عليه .. عمري مابفكر اقصر فيج او انيه ازعلج في ييوووم صدقييني ياغناتي حبج غييييييييير غييييييييير دقيقه ماقدر اعيش من دونج انتي حياااتي بكبرها ..
ميثه : وانته هوايه وانته مايه .. وانته شرايييين دمي اللي تسري في جسميه .
خليفه : عيل اشعنه اتقولين انيه ماحبج ..
ميثه : امممممممم ليش انته اتحبنيه صدق .؟؟
خليفه : لا والله حلفي انتي بس عيل من الصبح نحن شو قاعدين انقوول ؟؟
ميثه : اممممممم انزين جانك اتحبنيه اربع ورايه ..؟؟
خليفه :اربع وراااااج ؟؟
ميثه : هيه نعم تربع ورايه ..
خليفه : مافيينيي تعبان انتي ماتتعبين من كثر ماتربعيني وراج ..
ميثه : هأ هأ هأ.. لا لا اربع يللللله .
خليفه : مابا .. وان ربعت وراج شو بتعطييييينيه ..؟؟
ميثه : امممممممممم اللي تباه .. بس عاده ان زخيتنيه . وان مازخيتنيه يوم بنرد من البحر اتوديني االسينما ..
خليفه : ان شاء الله ..صبري صبري
ميثه : هاااااااه ..
خليفه : مسكتتتتتتج واااااااااو ..
ميثه : لا لا يالغشاااااش ..
خليفه : وين تبين تربيعيين يمكن حاااامل ..؟؟
ميثه : لا هب حامل تو الناس انته اشعنه جذه ؟؟
خليفه : انا شاك انج حامل ..
ميثه : ياربيييييه انا هب حامل انا هب حامل ..
خليفه : اشعرفففففففج ..؟؟
ميثه : مافييينيه اعراض الحمال .
خليفه : متاكدددددده ؟؟
ميثه : هيييه نعم متاكدددددده ..
خليفه : انزين تعالي قعدي ..
ميثه : هاه قعدنا ..
ونش شل راسه وفصخ غترته وعقاله وفرهن على طرف الكرسي وحط راسه على ريلها ..
ميثه : هاذا اللي في فالح فيه التلصيق .. وبرطمت ..ولايلعب معايه انته حق شوه ماخذنيه ؟؟
خليفه :هيييييييه هيهاااااااء شو هالرمسه بعد هاااااا قطعيها الرمسه شو بعد حق شو ماخذنيه ماخذنج اعلقج زينه في الغرفه شو رايج ..؟؟؟
ميثه وهي معقده حياتها تتطالعه : واللله واللللللللللله ؟؟ وخلاف شلت راسه من على ريلها تبا اتنش مسكها من ايديها ..
خليفه : هههههههه فديييييتج والله انزين يله بلعب معاج انتي ماتشبعين من كثر اللعب من اول يوم خذتج فيه واحنا نلعب ..
ميثه : مابا مابا ..
خليفه : لا تبييييييين ..
ميثه :ههههههه يله ..
خليفه : والله ياهل ..
ميثه : كييييييفي ..
خليفه : هههههههه انزين وخلاف قعد يسولف معاها ونشت اتحط اغراضهم حق البحر ورقد خليفه لانه عليه باجر دوام ..


الاربعاء
الصبح
الساعه 11
في بيت قوم المر ..
ميثه وريسه كانن قاعدات في الصاله .وشمه وام حمدان كانوا قاعدين في المطبخ التحضيري ..يرتبون الاغراض حق البحر ..
ام حمدان : تعالن اتريقن اعنبوه جانه ريوق الساعه 11
ريسه :ياييييين ..
ميثه : والله انيه ماروم لايعه جبديه من اول مانشيت ..ماداني اشم ريحة الاكل استغفر الله
ريسه : ليكوووووووون.
ميثه : البارحه كنت فاقده الامل في الليكون مالتج ههههههه لكن اليوم ماعرف صراحه ..
ريسه : شميييييييم بنتج حااااامل..
ميثه :هههههههه اجذبي الجذبه وصدقيها ..
شمه يت تربع ويت وراها ام حمدان ..
شمه : احلللللفي ؟؟؟
ام حمدان : مبروووك مبرووووووووك الف مبروووووك وقعدت اتبوس ميثه ومييثه ميته من الضحك ..
ميثه : والله جبديه لا يعه لا ضحكوونيه .. هههههه ..
شمه : حااااااااامل عيل ..
ميثه : والله مايندرى ..
شمه : ليزاااااا ليزااااااا ..
ام حمدان : شو تبيبها ليزووووه قومي خلينا انودي البنت نطالعها ..
شمه : ههههه امايه عاده الزمن اطور .. ودروهن المستشفيات الحينه تحليل بسيط من الصيدليه ايبين كل شي ..
ميثه : اونه وكيف هالتحليل ان شاء الله ..
شمه : يوم بيبونه بعلمج عليه ..
ليزا : يس مدام ..
شمه : قو تو ذا فارمسي اند كول مي فروم ذير ..
ليزا : اوكيه مدام ..
ريسه : اوووووووويه شميم بتستوين يده ..
شمه : ياله يافرحتيه جان استوا هالشي ..
ام حمدان وهي اتصيح :فديييتج يامثيااني فديتج يالغاليه ..
ميثه : يدتييييييييه .. هههه يعلني افدا روحج عدنا ماتاكدنا اشعنه الحينه هاذا كله خلونا نتاكد يمكن بس جذه ..
ريسه : هههههههه اسميه خلوف بيتخبل ..
ميثه: هههههههه ..
ام حمدان : وايه بالستر منوه خلوووف بعد ؟؟
ميثه : ريلي ..
ام حمدان اتفر ريسه بقوطي الكلينكس : مسودة الويهه اصغر عيالج ياللللله اسمه خليفه وانتي الطمه اشعنه تسكتين عنها تزقر ريلج خلووف ..
ريسه : اااي حشى عليه مايسوى عليه يابوكم خليفه خليييييفه خلاص ..
ميثه : ههههههههه انا طمه ؟؟؟
شمه : تتادبن هنتيانتكن ...عندج اياهن ..
وقعدن شويه يسولفن خلاف يت الخدامه يايبه التحليل من الصيدليه .. وشلته شمه وعطته ميثه وقالتلها كيف يستخدومونه ..والبشااره كانت انه ميثه حااااااامل ..
ام حمدان: الف الف مبروووووووك يابنتيه الف مبروووووووك ..
ميثه : الله يبارك فيج ..
ريسه : ميثووه بتستووين ام لا لا ماصدق ماصدق ..اسميييييني بكفخه ولدج تكفييخ ..
شمه : فدييييييييييييت بنتيه والله فدييييتها انا ولوت على ميثه اللي عيونها كانت مليانه دموع .. من الفرحه
ميثه : هههههههه قومي عني لا ازوع عليكم الحينه ..
ريسه : وووووووع فضل ..
شمه : ههههههه
ام حمدان : وايه بالستر ..
سلطان : اوهوووووو شو هالحشره محد يرقد يعني اعنبوكن صوتكن لين فوق واصل ؟؟
ام حمدان : بارك حق ميثه حامل ..
سلطان : مبرووووووووك
ميثه : هههههه الله يبارك فيك .
سلطان : يالله الحينه انتي وهند والعنود ان يبيتن بنات بحطهن في قرقور وبفرهم في البحر ..
ام حمدان وتضرب سلطان على جتفه : مسود الويههه هب هاك اليوم البنات كالممات ..
ميثه : ههههههههههه يله يود عمرك الحينه .. ههههههه ..
شمه : قوموا قوموا بدال هالهذربان خلنا انحط اغراضنا .. ونشن شمه وام حمدان ايكملون باقي الاغراض ..وقعدت ميثه مع ريسه ايسولفون وراح عنهم سلطان ايكمل ارقاده ..



الساعه 1 ونص الظهر
في بيت فاضل القبيسي ..

ميثه : نوف
نوف : هلا ..
ميثه : امممممم
نوف : شبلاج ميثاني ..
ميثه : امممممممم انا حامل ..
نوف : احللللللللللللللللفي والللللللللللللللله ؟؟
ميثه : ههههههه هيه والله ..
نوف : مبرووووووووووك مبرووووووووووووووك ..
ميثه : الله يبارك فيج ان شاء الله عقبالج ..
نوف : هههههههه لا لا عدني صغيره ..
ميثه وهي تضرب نوف على جتفها : لا والله هيه حليلج تمي نونو ..
نوف : هههههههه .. يله اتحملي عالنونو .. خبرتي خلوف ..
ميثه : هههههه تتدرين اليوم يدتيه ضاربه ريوس عسبة انها اتقول خلوف ..
نوف : ههههههه حليلها ..
ميثه : لا والله عدني اباه ايكون جدامي وبخبره ..
نوف : الله يفرحكم به ويسعدكم ارباعه طول العمر يارب ..
ميثه: امين الله يسمع منج .. يله قومي حطي اثيابج ترانا بنتغدى وبنظهر ..
نوف : هيه صح اتصدقين والله انيه ماحطيت شي لين الحينه وراحت نوف غرفتها اتحط اغراضها وراحت ميثه اتحط الاشياء اللي كانت تبا اتحطها من البارحه بس ماقدرت لانه كانت تبا تستخدمها اليوم .. ويوم كانت في الغرفه حدر خليفه عليها ..
خليفه : السلاااااام عليكم .. ويا سيده صوبها وباسها على خدها ..
ميثه : وعليك السلام والرحمممممممه ..
خليفه : شحالج غناااتي .؟؟
ميثه : اممممممممم . وكانت اتحط ايدها على بطنها وتتطالع خليفه ..
خليفه معقد حياته : شو هو اللي امممممممم واشعنه حاطه ايديج على بطنج ؟؟
ميثه : امممممممم وتاشر على بطنها ...
خليفه والفرحه شاقه حلجه : هاااااااااه هااااااااااه شووووووو حلفي ..
ميثه : على شوه تباني احلف .؟؟
خليفه : ميثاني شوووووووو خبريييني ..؟؟
ميثه شلت ايديه وحطتها على بطنها : اهنيه في نونووووووووو ..
خليفه فج عيووووووونه : هاااااااااااااااااااااااا اااااااه قولي والله ..
ميثه : والله اشعندكم كلكم اتحلفوني اعنبوه اشعنه مجذبيني ؟؟
خليفه : انتي البارحه اتقوليلي انج واثقه انه مافيج شي ..
ميثه : انزين اليوم ظهر فيني شي ..
خليفه : فديييييييييييييييتج فدييييييييييييييييييييييي ييييييييييييييييتج احبببببببببببببج احبجججججججج ... موووووووووووووووت قومي قومي انتي من يوم ورايح ماتشلين شي ولا اتحطين شي ولا اتدقين ولا شي ولا شي .. صبري صبري تعالي تعالي وشلها
ميثه : خليفه بطييييييح ..
خليفه : مابطيحييييييين .. وتم شالنها وخلاف حطها على الشبريه . اليوم البحر نحن هب رايحين ومابنتحرك مكان ولا بنروح مكان وانا بتم عندج اربعه وعشرين ساعه لا بروح ولا برد .. وانتي مابتتحركين ولا بتروحين ولا اتردين اتمين طايحه ولا اتعبين عمرج ولا اتشلين شي ثجيل ..
ميثه : هههههههه بس بس اعنبوه كل هاذا مايسوى عليه ..
خليفه : صبري ماكملت ..
ميثه : هاذا كله وعدك ماكملت ؟؟ .. لا بنروح البحر وبروح وبرد مابيستوي فيني شي لا اتخاف ..
خليفه : لا كيف ماتبيني اخاف اذا ماخاف علييييج وعلى ولدج على منوه بخاف انا من لي في هالدنيا غيرج ياغناتي من لي قوليلي ؟؟
ميثه : فديييييتك ياغناتي انزين لا حرام عليك بنروح ابليز .. عشان خاطريه اريد اغير جو ..
خليفه : عمريه اخاف عليج والله انيه اخاف عليج ..
ميثه : اعرف والله اعرف بس حرام عليك اخر مره والله اخر مره ..
خليفه : والله انيه ماروم اقولج لا بس على شرط ..
ميثه : امممممممم بعد اشروووط..
خليفه : هيه نعم اشروووووط ولا ماشي روحه ..
ميثه : ان شاء الله .. وشو هن ..
خليفه : انج تسمعين رمستيه اوكيييييييه ..
ميثه : امممممم ان شاء الله ..
خليفه : خلاص عيل ماطلبتي ياام فاضل ..
ميثه : بعد فاضل ؟؟
خليفه : هييييه نعم ..
ميثه : ان شاء الله وانا قايلتيك اذا بنوته تراني بسميها حصه ..
خليفه : ان شاء الله امره ماطلبتي ..



الساعه 3
نزلن ميثه ونوف من فوق لابسات شيل صلاه وجلابيات مخورات والخدامه وراهن شاله الشنط وخليفه كان فاتح الدبه يتريا الشنط ويابر كان شاله فوطه صغيرونه اينظف الجامه مالت سيارته ..ونزلن وركب خليفه مع ميثه وركبت نوف مع يابر عسب اتونسه لانه محد كان معاه وخلاف وقفوا سيايرهم جدام باب بيت قوم المر وكانوا راكبين مع سلطان في سيارته ام حمدان جدام حذال سلطان وريسه وشمه وراشد وريم ورا .ونزلوا خليفه ويابر ايجيكون على الاغراض لانه ام حمدان كانت محمله اشويه اغراض وربكوهن في سيارة يابر

سلطان :اشعنه انتوا ملبسين بنطالين اخ عليكم امره مول مافيكم وطنيه فدييتني بكندورتيه والله ماعقيتها دامي فهالدار ..
يابر : ههاااااااااااي بو مييد خلك وطني اخير .
خليفه : ياويل حالي عالوطنين انا..
سلطان : عيل شوووووووو تتحرا انته وهو شو هالمخطط والقصير حشموا ...
يابر : ههههههههه انا امريكي والاخ استارالي في حاجه ؟؟
سلطان : هههههههههه والله والنعم الساااااع . يابر اتحمل على ينطر بنطلونك ويرتفع لفوق اكثر ويوصل فوق ركبك ..
يابر : وابوووووووووك اللبو شو خانتيه بعد جان ارتفع .. هههههههههه
خليفه : هههههههه وانته اشعنه ماكشخت ؟؟
سلطان : ياريال انا عمريه مالبست هالاشياء الا خاري البلاد ..لاا لا ااااااا هيهاااء منقود عند الشوامس هاللبس ..
خليفه : حييييييهم والله ..ههههههه ..
ام حمدان : يله عاده .. ابطينا ..
يابر : مرحبا خالتيه اعلوووومج ؟؟
ام حمدان : مرحبا ولديه بخير يعلني افداك اعلومك انته ؟؟
وراحوا يابر وخليفه ايسلمون على ام حمدان وشمه واتغشت ريسه عن يابر وباركن ام حمدان وشمه حق خليفه على حمال ميثه .. وخلاف ركبوا سيايرهم واتحركوا صوب بيت البحر .. خليفه كان لا بس بنطللون كحلي وقميص ابيض مكتوب على بالاحمر ومخطط عليه صوب الايد بالكحلي .. ويابر كان لا بس عكس خليفه بنطلون احمر وقميص ابيض مكتوب عليه بالكحلي ومخطط بالاحمر ... وكانوا صدق كاشخين واتخبلت ريسه يوم شافت يابر لا بس النظاره وخصله من شعره طايحه في عيونه يابر صدق كان جميل جميييييل ..وسلطان كان لابس كندوره بيضا وقحفيه بيضا اللي يلبسونها تحت الغتره بس ماكان لابس غتره بس قحفيه ونظاره ..


في سيارة خليفه
خليفه : فديت هالايد انا محلاتها . وحط ايديه علي ايد ميثه ..
ميثه : طول طول حبيبي انا اهديك هاي الاغنيه ..تحيد يوم تهديني اياها هههههه ..
خليفه :فديت قلبج واللللله زين يوم انج فهمتي الاهداء انه لج ..
كانوا حاطين اغنية عيضه المنهالي في الاف ام اذا حكم القدر ...
ومن سمعت ميثه الاغنيه خلته ايطول على الاغنيه وطول الطريق هو يطالعها وحاط ايده على ايديها
ميثه : انزين عمري سوق عدل ..
خليفه : غناتي ليش انا ماسوق عدل ؟؟
ميثه : حد ايسوق بيد وحده ..
خليفه : هيه ريلج ماشاء الله عليه حريف سواقه وبعدين انا غير عن جيه ماعرف اسوق الا يوم حاطه ايديه على ايديج
ميثه : الله لا يحرمني منك ..
خليفه : ولا منج ياغناتي احببببببج احبببببببج ..ماتتصورين انا شكثر فرحان انيه بستوي ابو ومن منوه من الانسانه اللي انا حبيتها انه في شي يربطنا نحن الاثنينه انتي امه وانا ابووووووه ..
ميثه وهي تتطالعه بكل حب وحنان : مالوووووووم عيني تسهر عليك والله والله انته اغلا شي في هالدنيا فديييتك ياخليفه فديتك ..


في سياة يابر

كلهم يبغون قلبي ***وانت بس اللي خذيته ..
ياغلا لولاك دربي ***مامشيته ولا وطيته ..
ياغلا لولاك شربي ***مارويته ولا ضميته ..
انت ياسلمي وحربي***انت ياجرحن هويته ..



نوف : هاه شفتها ؟؟
يابر : اصلا هي كل ماتشوفنيه اتقول كاتبين على ويهي الرجاء وضع الغشوه ..
نوف : هههههههه لا والله يعني انته الحينه ترضا انيه اتم بويهيه جدام اخوها سلطان ..
يابر : لا اتخسين تبيني اقص رقبتج؟؟
نوف : خلاص عيل بعد هي حشمتها تمنعها انها اتسوي هالشي ..
يابر : وانا شو اللي عذبني واللي خلاني اتعلق فيها واحبها هالحب كله لا حشمتها وخوفها على سمعتها وحده اعرفها يانوف احسن عن وحده انا ماعرفها ولا اعرف هي كيف متربيه ولا اعرف عنها شي وخلاف ارتبط فيها اتكون امايه ماخترتنها اليه وان شعرفنيه انه هاي البنت اللي مخترتانها امايه انها حشيم اوانها بنت مالها سوابق ..وريسه انا واثق فيها اكثر عن نفسي تتدرين لييييييش لانها مربايه على ايد رياييييييل وروحها عارفه هالشي وحاشمتنه صعب على الانسان انه يحصل انسانه شراتها جمااال وحشمه في نفس الوقت في هالزمن ..
نوف : صدقت والله . وبعدين ريسه طيببه طيبة الدنيا كلها في قلبها اتمنى يايابر انها اتكون من نصيبك ..
يابر : عاده انتي اباج اتساعدييييني ..
نوف : اممم اساعدك ابشوووو..
يابر: باللي اقولج عليه ..
نوف : امممممم ماوعدك بس باللي بقدر عليه بساعدك فيه اوكييييه ..
يابر: اوكيييييه ..


الساعه 4 ونص


وصلوا كلهم بيت البحر .. وعزه مع عاشه ونوره وموزه وعفراء واليازيه وعليا كانوا فارشين الزوليه وقاعدبن يتريونهم جدام باب البيت ودخلن نوف وميثه وريسه وام حمدان وشمه عند الحريم ونزلوا الشباب الاغراض وخلاف اتبادلوا السلامات وحدروا الميلس عند باقي الراياييل وتمن الحريم قاعدات خاري والرياييل في الميلس وقالت ميثه حق عمتها انها حامل وفرحتلها وايد وحلفت عليها انها لا تنش ولا تتحرك ولا اتسوي اي شي .. وتموا ايسولفون لين بعد اذان المغرب عقب ما اذن المغرب راحوا الرياييل ايصلون المغرب وحدرن الحريم ايصلن ..وحدرت ريسه مع نوف غرفة الضيوف وعقت عباتها ولبست شيلتها البيضه وخلاف يتهم شمه وعقب عباتها ولبست شيلتها البيضه وشلت شيله حق ام حمدان وراحت عنهن صوب قوم عزه .. وتمن نوف وريسه قاعدات في الحجره لانه خاري كانوا الشباب اهناك ..وعقب ينهن نوره وموزه وعليا وقعدن كلهن في الحجره ..وقوم عزه كانوا فارشين الحصير وقاعدين عالبحر وفارشين حق الراييل مجابلنهم وقاعدين الرياييل يلعبون ورقه ويسولفون ..

شمه : ياله محلات اليلسه عالبحر ..
عزه :والله نحن كل يوم هاي قعدتنا.. والله تعبناج ياخالتيه اليوم . واشعنه متعبه روحج ويايبه كل هالغريضات كل شي موجود..
ام حمدان : افا عليج نحن اهل واي شي انيبه او انتوا اتيبونه كل واحد ..
عزه : فيج الخير والبركه والله ..
ام حمدان : يعلني افداج . الا وينهن البنيات ؟؟
ميثه : مداريبهن اظني في الصاله ولا في غرفة نوف ..
ام حمدان : واشعنه مااييين يقعدن اهنه ..
اليازيه : خالتيه اونهن يستحن .
ام حمدان : وااايه بالستر شو بعد يستحن ومايستحن نحن ياين نستانس خلهن ايين يقعدن شو هالمكنر ...ميثه امايه قومي ازقريهن ..
ميثه : ان شاء الله ..
عزه : اعنبوه قوليلهن محد غريب اهنه ..
ميثه : ان شاء الله . ونشت ميثه ..
خليفه : على وييييين ؟؟
ميثه : يالله على حمر عين ..
خليفه : اشعنه اتنشين من مكانج..
ميثه : امايه عزه سكتيه فضيحه فضييحه ..
عزه : بتروح تزقر البنييات من داخل وبتي ..
فاضل : واشعنه هن منخشات داخل ..
ميثه : ههههههه ابويه ثرهن يستحن .
يابر: نحن مانعض ..
زايد : ماعليج اخلاف ميثه زقريهن كلهن ولا اتخلين ولا وحده منهن داخل .. روغيهن بمكشه خليهن ايين يترابعن ...
ميثه : ههههههه ان شاء الله بروح ازقرهن وراحت ميثه عندهن داخل وشافتهن مشغلات المسجل وقاعدات يسولفن في الصاله ..
ميثه : ماشاء الله ثركن قاعدات ..
ريسه :هيه شو انسوي انتي محد غريب عنج اهناك عادي ..ابويهج ..
ميثه : والله محد قالكن الحينه يدتيه وامايه عزه محتشرات عليكم ولا وابويه فاضل وياهم بعد نشن كلكن وصدت صوب نوره وموزه وانتن ابوكن ايقول اروغكن بمكشه ..ههههههه ..
نوف : لا انا استحي .. هب ظاهره ..
ريسه : ولا اناااااا ..
نوره : انا بروح عادي عنديه مدام سمحوليه يله بباي وحطت نوره غشوتها على ويهها وراحت عنهم ..
موزه : هاي نويير قويييييه ..
ميثه : ههههههه قومي اغدي شراتها ولحقي وراها محد بيتم اهنه..
موزه : يعني انش ..
ميثه : هيه نشي .. اشعنه انتن يايات عسبة تنخشن اتغشن واظهرن محد بيعضكن على قولة يابر ..
موزه : هيه والله وراحت موزه وتمن ريسه ونوف ..
ميثه : انتن بتنشن ولا ازووع عليكم ..
ريسه : ووووع فضل اشعندها هاي لوعة جبببد ..
نوف : ههههههه ريلج خاري روحي زوعي عليه اشعنه تبلينا ..
ميثه : ههههههه نشن يله نشن . والله ان مانشيتن انتي بيبلج سلطان وانتي الثانيه بيبلج يابر ..
نوف : باللله شووو وانا شليه في سلطان بعد لا يابوج بنش انا بنش ..
ريسه : خليه ايوطوط هو هنيييييييه لا حشها الريل حش ..
نوف : ههههههههههه والنعم الساع بالشامسيه وانا بعد محد عيل يروم يوطوط عنديه .
ميثه : اوكيه ماعليه انا اراويكن وراحت عنهن ..
ريسه : نووافه هاي خبله اتسوي اي شي قومي قومي .
نوف : هههه انا هالايام ماقمت اثق فيها احس انها تخورها ..
ريسه : هههههههه ونشن يربعن ورا ميثه ..
ميثه : هاه قلتن مابتن اشعهه ييتن
ريسه : كيفنا .. اتغشن نوف وريسه ومشن ورا ميثه . وكل وحده منهن ادز الثانيه عسبة تمشي جدامها ..
وراحن قعدن عند الحريم ..




لقيت اسمك على صوتي ***لقيتك دايم اقبالي ..
اشوفك حلم احلم بك *** حقيقه يانظر عيني...
انا واحد مشيت الدرب***بديت احقق امالي ..
لقيت اغلى زماني ***انك من الدنيا تكفيني ...


يابر في خاطره : فديييييييت هالغزال انا محلاته ..
سلطان في خاطره : اكيد هاي نوف لانها اربعه وعشرين ساعه ويا ريسه ..
فاضل : زين سويتي فيهن ..
ميثه : يابويه مايين هيله الا بالتهديد ..
عاشه : ههههههه ادبتيهن عيل .. اندوووك يابر افتن شويه على فاضل هب طايع ياكل ...
ريسه وهي ادق ميثه : لازم محد غيره وحش اهنيييه ..صارع اليهال حليلهم ..
ميثه :ههههههه
يابر كان ايقول في خاطره لا لا هب جدامها افاتن : فاضل كل يله ..
عاشه : ماحيدها هاي فتنتك ..
نوف بصوت واطي : لازم هب منه مابيروم ايزاعق ..
ميثه :ههههههه الله يغربل ابليسكن حليله والله من الصبح انتن الهنتين طايحات فيه ..
عفراء : انتوا شو بلاكم تتوشوشن . جنكم تلفون خربان .
ميثه :مايشبعن من الهذربان جنهن سيلانيات ..
خليفه كان الوحيد موقف سيارته عالبحر ولا الباقين كلهم موقفين سيايرهم جدام في الحوي جدام باب البيت ..ركب خليفه السياره وشغل اغنيه لأجل عينك مالت نوال الكويتيه ...

خليفه : اهداااااااااء حق الرميثيه ..
سلطان : اي وحده ..
يابر: الا وحده من قوم بو السمج ماعنا غيرها ...
ميثه : ههههههااااي اتحاول اتنكت شو بلااهم قوم بو السمج يارهم الله
فاضل : هههههههه زين اجديتي فيه تستاهل دواك ..
خليفه : هيهااااااااااااء اشعنه انته راز بويهك امايه دورريله عروس يلتهي فيها ايفكنا من صدعته ..
عاشه : هههههههههه امايه السيلانيات وايد ..
يابر: افا الحييييينه كلكم طحتوا عليه انا ماباه السييلاانيه اباها ياسيه ..
ام حمدان :افا علييييييك امممممممممره انا اللي بخطبها لك .. الياسيه
عزه : خلاص انا هب رايحه اخطب عندك خالتك خلها تخطبلك ..
سلطان : اشعليييييييك مدام غايه بتخطبلك ..
ام حمدان : ومنيييه هاي غايه ؟؟
سلطان : ههههههههه انتي امايه شيخة المزاييييين .
ام حمدان : مسود الويهه لاعبه وياك صقله ؟؟؟؟؟؟؟؟
نوف بصوت خفيف : ههههه عندج اياااااااااه ..
خليفه : يله عاد لعوزتوني كل ساعه اتخربون الاهداء عليه كل ساعه اعيدها اسمعوا اهدااائي الها ..
شمه :يله نسمع اهداء قيص حق ليلى ..
ريسه : هههههههههههه ريسه اذكرت انه ميثه تزقرها هي ويابر قيص وليلى والحينه رد اللقب عليهم ..
فاضل : يله يله خلونا نسمع عاده


لجل عينك انا كلي لجل عينك *** وانا لبيه اذا انته تناديني ...
اجيك بشوق قلبي واغمر سنينك *** انسيك الشقا وانته تنسيني ...
مشاعر تنسجم مابيني وبينك *** يمررها خفوقي في شراييني...
تزين دنيتي يازين من زينك ***وهبك الله الحسن ياكامل الزيني ...
قهرت الور ياوردة بساتيني *** ونافست العمر يابهجة اسنيني ...
نجوم الليل تسأل ياقمر وينك *** وتاخذ من ضيا وجهك عناويني ....
احبك وانته يامكثر محبينك *** حبيب الروح بأحساسك تناجيني ...
يحسدوني وانا المجبور في عينك *** وعينك تستمد الحب من عيني ..


<a target=_blank href="http://www.dubaimoon.com/songs/arshef/lagal-3anwk.ram" target=_blank>http://www.dubaimoon.com/songs/arshef/lagal-3anwk.ram</a>

خليفه : اهدييييييييج كل كلمه احبببببببببببببببج احبببببببببج ..
ميثه وهي قافطه ولحفت ويهها بشيلتها : شو هاذا الريل اللي مايخيل ولا يستحي ..
خليفه :كيفي حرمتيه ..
يابر : ابويه حرمتك في غرفتك هب اهنه ..
سلطان : نحن هب معرسين لا تقعد اتسويلنا اغراءاات ..
نوره اتصاصر عليا : مزيووووون سلطان والله طالعي محلاته ماشاء الله عليه
عليا : سكتي من عرس قوم ميثه وانا متخبله عليييييه ..
نوره : انطمي حقي ..
موزه : هههههههه والله انكن اتضحكن جنكم يهال انطمن .. عن لا حد يسمعكن ..
عليا : ياويييييييييييلي طالعي الخشم سيييييف سييييف ..

وخلاف قعدوا ايسولفون لين اذان العشا وراحوا ايصلون العشا وحدرن الحريم ايصلن العشا بعد وخلاف حطوا عشا الحريم في الصاله واتعشن وحطوا عشا الراييل في الميلس واتعشوا الرياييل وعقب العشا راح فاضل الغرفه اينام واستاذنت عزه منهم لانها هب متعوده عالسهرو راحت اتنام وراحت وراها ام حمدان اتنام في غرفة الضيوف
وقعدن شمه وعفراء واليازيه وعاشه في الصاله .. وراحت ميثه ونوف وريسه وعليا ونوره وموزه يكمللن سوالفهن عالبحر ... وحصلوا خليفه ويابر وسلطان قاعدين يلعبون ورقه لانه نهيان وزايد راحوا الميلس عند الشباب اللي حذال بيتهم ..

خليفه : فديييت اول وحده انا ..
يابر في خاطره : فدييييييت ثالث وحده اناااااا ..
ميثه : فدييييييت من تفداااني انا ..
خليفه : اموت فيييييك ياحلو انته ..
سلطان : لا حول شو هالاغرائات ..يبور قوم عنيه بطب بحر
يابر: اسكت ياريال انا من الحينه ايمع حق الحرمممممممممممه ..
نوف : واشعنه اتمدها .؟؟
يابر: انمطي ..
خليفه : يله يبور نبا شلللللللله .. نهديها عرب اعيونهم سود ..
ميثه : اباها بصوووتك .. انته
يابر: من حلات صوت ريلج تبينها بصوته ..
ميثه : ياااار الله صوت ريلي انا ..
سلطان : والله وانا في خاطريه اسمع ماسمعت شله من شلاتك الا من عرس خليفه اخر مره يله نبا وحده غاويه على هالبحر ..
يابر: افا عليك يا بوميييد امممممره ماطلبت ..ونهديها حق عرب اعيووونهم سود على قولة بو دعي . طبعا يابر كان يقصد ريسه بس الكل فهم انها حق ميثه الانوف وخليفه وميثه كانوا ايعرفون انها حق ريسه ورييسه كانت اتعرف بعد ..

يابر :



خافي الوجدان ينطق باسم خلي *** وروحي الولها من فراقه حزينه ..
حب صادق حب قلبي هب تسلي *** وضامي لحبه ويرويني حنينه ..
كم تمنيته وليتــه لو حصلــــــي *** من تلاقت في الهوى عيني وعينه ..
حسنه الجذاب وعيونه تحلـــــي*** كل عين عاشقه تصبح رهينه ..
الجرواح كلها بشوفــه تهلـــــي *** تبري جروحي واعواقي الدفينه ..
غالي من دون اي صد وتغلي *** والغلا يزداد من طيبه وزينه ...
هو حيات الروح هو شمسي وظلي *** هو منات النفس هو مطلب ظنينه ..
صورته مابين ترحالي وحلــي*** وهاج بحر الشوق يسال عنه وينه . .



ريسه طول الوقت ساكته حاسه عمرها انها صدق صدق مستانسه ... حست بلحظه انه هو صدق ايحبها ومن كل قلبه لكن فجاه اتغير هالاحساس وانجلب للعكس .. انه هو مايحبها يجذب ويقص عليها بس .. ولو هو يباها صدق ايروح يخطبها ..

نوف وهي اتصاصر ريسه : ترا هاذا كله حقج ..
ريسه : الله يعلم ..
ميثه : مشكوووور مشكووور يابوفاضل نتعب في عرسك ..
يابر: احم احم لا تعبتوووووووني ..
سلطان : ياحييييييييك يالقبيسي ..
خليفه : انا في خاطريه ايوووووووووول ..
سلطان : ياوييلي اليوم مول عاده ضرب يواله وشلات واغاااني .. اسميك ناوي اتهد حيلنا اليووووووم ..
خليفه : ياريال خلنا نستااانس ..
يابر : انا ماعندي مانع ..
عليا ادق نوره : ياوييلي المزيووون بيييييووووووول ..
موزه : هي فجن احلوجكن شرات العنز..
وراح خليفه صوب سيارته وشغل هاي الاغنيه ..


ياحبيب القلب عذبت الحشا *** وانقظت الايام عنا والدهور ...
الصفي من نور خدك اعتشى ***من جمال فيك تختار النظور ...
العيان احسان دعجات ريشه *** والخشم كالسيف والخصر مخطور ..
ان عنيتك صرت خايف من الوشا *** وان كتمتك حرق والحال معثور ..
ياحبيبي عنك ماصبر حشا *** انت صاير ولا غيرك مايصور ...

يابر: اييييوووووووووووه عالعووووووق ..
وقعدوا الشباب ايولون ويا خليفه قعد ايبس جدام ميثه وراح يابر ايبس جدام نوف اخته وسلطان كان ايول روحه بعيد شوي عنهم لانه مكان ايريد ايجرب من البنات ..ونوره وعليا ميتات من الغصه يبونه بس ايي صوبهم ويابر يطالع ريسه وهو ايبس جدام نوف .. لانه ريسه كانت واقفه حذال نوف وكل ماتبتعد هو ايجرب ..منها .. وخلاف راحوا يرقدون وتموا ميثه وخليفه شويه عالبحر قاعدييييييين وخلاف نشوا يمشونعالبحر التفت خليفه على ميثه ..
خليفه : انتي اشعنه تمشيييييين ؟؟؟
ميثه : هههههه اشعنه حبيبي ماتباني امشي يعني ؟؟
خليفه : لا تعالي
وشلها وكان ماسك تلفونه في ايديه ..
خليفه : صبري بحط التلفون ..
ميثه : لاا لاااااا بطييييييييييح ..
خليفه :ههههههههه هاه خلاص فريناه في السياره ..
ميثه : تحبني ؟؟؟؟؟؟؟
خليفه : احبببببببببببببج وبس الا قوووولي اموووووت فييج اشويه ؟.. ياقلبي ياغنااااااتي احبببببببببببببج . احببببببببببج ...وراحوا غرفتهم ..

الساعه 1 فليل ..
ريسه ونوف كانن سهرانات في الصاله يطالعن الفلم الهندي ويسولفن .. وسلطان كان راقد في غرفة يابر في الطابق الفوقي ويابر كان معاه بس طبعا سلطان رقد لانه مافي باله شي لكن يابر اللي كان ميت من الولهه وللعذاب اللي هو فييييييه .. وخلاف فكر انه ينزل تحت ..


ريسه : اتصدقين انيه عطشانه ..
نوف : انزين بروح ايبلنا ماي وبييج ...
ريسه : لا والله مانشيتي انا بروح اعنبوه انا اللي عطشانه .. انتي قعدي خبريني شوبيستوي ..
نوف : خلاص على يمينج المطبخ ..
ريسه : اوكيه
وراحت ريسه المطبخ ونزل يابر شاف نوف روحها قاعده ..
نوف : هاه مانمت من متى انته حادر الغرفه لين الحينه مانمت ..
يابر: وينها ؟؟
نوف: هاااااااه .؟؟
يابر: وينهااااا؟؟؟ ..
نوف : في المطبخ روح عن لا اتي اتشوفك ..
يابر: انا بروحلها المطبخ هب رايح غرفتيه وان حد يا خبرييييينا ..
نوف وهي معصبه : شوووووووووووووووووووووووو و؟؟؟ لاااااااااااا لاااااااااا وين اتروحلها اعنبوه انته مافيك حيا .. استح وخيل ..
يابر والدمعه في عينه : ارحمييييييني ارحميييييييني انا عايش وهب عايش تعرفين شو يعني انا عايش وهب عايش .. ارجووووووووج ..
تمت نوف ساكته ومتلومه اول مره اتشوف يابر في هالحاله : ان شاء الله ..
وراح يابر
.


ودي اشرح لك عن اللي بي واقول *** انك اغلى من نصخ روحي علي ...
وانك اغلا وانك اغلا ياخجـــــول *** يمكن اغلا من الغلا نفسه شويه..



حدر يابر المطبخ على ريسه وشافها عاطيه باب المطبخ ظهرها وقاعده اتظهر الماي من الثلاجه ..

يابر:

خافي الوجدان ينطق باسم ريسه ***وروحي الولها من فراقه حزينه ..
حب صادق حب قلبي هب تسلي *** وضامي لحبه ويرويني حنينه ..
كم تمنيته وليتــه لو حصلــــــي *** من تلاقت في الهوى عيني وعينه ..
حسنه الجذاب وعيونه تحلـــــي*** كل عين عاشقه تصبح رهينه ..


طاحت دبة الماي من ايد ريسه على الارض ولفت عليه تتطالعه وتمت ساكته وبدون غشوه :..........
يابر: سلمتي ..
ريسه بعدها واقفه مكانها من كثر الصدمه اللي هي فيها : ...................وبدون احساس اتحركت تبا تظهر من المطبخ ..
يابر: ورفجة من غالي انج ماتظهرييييين ..
ريسه : شو تبا شو تبا مني اربعه وعشرين ساعه لاصق فيني لا ترحمنيه ولا تفكنيه ولاتخلي رحمة ربك تنزل شو اللي تبااااااه ؟؟؟؟ شوووووووووو ؟؟
يابر: اللي اباه ...تبين اتعرفين اللي انا اباه انا احبببببج اتعرفين شو يعني احبج انا اموت فيج انتي عمري ..ماهويت حد مثل مانا اهواج انا اهوا الارض اللي انتي تمشين عليها احبج من اول يوم شفتج فيه احبج تقدرين اتقدرين معاناة هالكلمه كلمة احبج الحب اللي لج في قلبي اكبر من اشياء وايده في هالدنيا اهم شي انيه عايش وهب عايش اعيش يوم اتكونين عندي واموت يوم اتكونين بعيده عنيه اموت امووووت اتعرفين شو يعني اموووووووت ..الحب اللي انا شالنه لج عمري ماشليته لحد عمررررررري عمرررررري ..وانتي دوم رافضتني وبايعه حبي لج ..
ريسه وهي تتطالعه من فوق لين تحت : طبعا ببيع هالحب في حد يشتري حب انسان جذاب حب انسان كل همه انه يقص على البنات ويلعب في مشاعرهن .. ويصورلهن انه الحب كل شي وهو حتى كلمة احبج مايعرف معاناتها يافلان هب انا اللي ينقص عليه ولا تفكر انك في يوم بتفر شعره من راسي .. اسمحلي على هالكلام لكن انا في الحب ماوعدك وروح العب على وحده غيري سمعتك واصله لين كليتنا يابر القبيسي معذب البنات يابر القبيسي اكبر لعاب .. شو تبا اكثر عن هاذا كله شووووووو ؟؟ اجوف قلبي يتقطع اموت فاليوم الف مره بس مابحبببببببببك ولا بفكر مجرد تفكير انيه في يوم احبك مابحب غير ريلي .. تفهم ..
يابر انصدم من الكلام اللي سمعه والدمعه تمت في اعيونه وكانه حد كان يطعنه في قلبه اتصوروا قلب انسان اول مره ينبض بالحب .. : معقوله كل هالحب انتي اتسمينه جذب ومصخرررررررررررررررررررره ..واذا عالبناااااااااااااااات انا عمري ماوعدت بنيه اني احبهااااااااااااااا ولا خطر في بالي اني احب اي وحده لكن للاسف ماعرفت منوه اختار ..
يت نوف تربع : بسم الله اشعنه اتصارخ .
يابر: قووومي عنيييييييييه ..
وظهر يابر معصب من المطبخ وشغل سيارته وظهر من البيت وكان يمشي على الطريق 280 وكانت الدموع اتسيل على خده وكان كلام ريسه ايرن في باله باقوى رنين باقوى صوت انه هو جذاب وانه وانه وانه يابر اللي عمره مافكر انه اتهل دمعته على اي حد يابر اللي عمره مافكر بحب حد غير بحب انسانه وحده انسانه كانت في حياته كل شي انسانه عاش الحب معاها من اول يوم شافها فيه قلب يابر قلب اول مره ينبض بالحب اول مره ايحس بطعم الحب وعذابه وفرحته قلب يابر كان مثل قلب الياهل اللي يحب اول انسان يشوفه ويتعلقبه..
وعلى لفة الدوار اللي كان اهناك غمض اعيونه لانه الدموع اللي كانت في عيونه كانت تحرقه من كثرهن وانجلببت به السياره عالرمله اللي اهنااااااااااك ...


انتهى الجزززززززء ..
ظنكم شو بيستوي في يابر ؟؟
ظنكم شو بيكون موقف ريسه ؟؟؟&#60;&#33;-- / message --&#62;</p></font>