<font color='#8D38C9'><p align=center>مشكووورين ع المتابعه
<font color=#ff0000>الجزء السادس والعشرون</font>
انطبع في خفوقي اسمك بحرف ميم . وفي عيوني عشقتك وفي حياتي ابيك ..
دامك بوسط عيني كيف عيني تنام .. دامك بنبض قلبي كيف ماافتديك ...
الساعه 5 العصر
نش خليفه من النوم واتسبح ونزل تحت ..
ميثه : صح النوووووووم ..
خليفه : انتي وين رحتي عنيه ؟؟
نوف : لا والله .. ياهل شوه ؟؟
خليفه : حرمتيه ...كيفي
ميثه :هيهيييييييييييه ردينا هههههه . ادري انيه حرمتك وادري انيه حبيبتك .. وادري وادري ...
خليفه : بشووووووو ؟؟ تتدرين ؟؟
ميثه :انك مالي حد فهالدنياااااااااا ..
خليفه : لانه محد يستاهل ظفر من ظفور ريولج هب ايديج ..
نوف : احم احم نحن هنا ..
خليفه : اشعنه اتخرببييييييين ..؟؟
ميثه : ههههههههه حليلها ... محد مونسنيه غيرها ..
خليفه : تعالن وين عويش عنكن ؟؟
نوف : هيهاااء لا تتخبر عن عويش .. طارت هي وريلها صوووووووب دبي .. مفاجـات الصيف منوه ييلس ؟ وخلاف بيرحون البحر ... محد محد كلهم محد حتى قوم عميه .
خليفه : هيه وانتي امج مستانسه مخلتنج عن حرمتيييييييه ..
نوف : طبعا اصلا لو مب انا جان انته ماخذتها جااااااااب اوكييييييييه ..
ميثه : هههههههههه وانا اشهد ..
خليفه وهي يطالع ميثه بنظرات : انزين نوف بما انه نحن الحينه قاعدييييييين خبربببببببني يوم قلتيلها انيه احبها شو قالت ؟؟
نوف : اممممممممممم
ميثه : لاااااااااااااااااا
نوف : خلاص ..هب قايله ..
ميثه : هاذا قبيسي اتعرفين شو يعني قبيسي ... يعني الخقه من ساسه لين راسه الله يخليج..
نوف : هيه والله صدقتي الله لا يرزقنيه بقيسي ..
ميثه : شلج في البلا ..
خليفه كان يطالع ميثه اونه معصب عليها : انا بلااااااااااااااااااااااا ا ؟؟
ميثه :هههههههههههه
خليفه : اوكيه لا تكلمينيه .. وراح عنها ..
نشت ميثه وهي تربع وراه : تعااااااااال تعااااااااااااال ..
خليفه : انا بلا شو تبيبي ؟؟
مسكته ميثه من ايده وقعدت تتطالعه : انته عندك شك بالهشي ... ؟؟
خليفه : تتدريييييييييين
ميثه : شووووو
خليفه : انا واثق منج اكثر من مااني واثق من نفسي ... اخاف في يوم اقصر معاج او اخذلج انتي شيخة البنات .. بس بعدني زعلان ..
ميثه : خلوف عاده ..
خليفه : زعلان كيفيه ..
ميثه : انزيييييين .. كيف اراضيك ..
خليفه : حبييييني ..
ميثه من سمعت الكلمه من عند خليفه قفطت واستوا ويهها احمر جدام نوف وقعدت تتطالع نوف ..
نوف : لا لا عادي عادي .. تيك يور تايم انا بروح اقعد خاري .
خليفه : ربي يحفظج .
ميثه : هههههههههه لال لا تعالي اصلا بنظهر نحن ..
خليفه : لا والله وعلى ويين وانا اخر من يعلم يعني ..
ميثه : ههههههه لا
خليفه : ايييييه انا ماتيوزليه هالمصخره وين بتسيرييييييييين ؟؟؟
ميثه : شعندك كلتنيه بسير عند شيخه في المستشفى ..
خليفه : ومنوه بيوديكن ..؟؟
ميثه : منوه غيره الشيخ خليفه يعلني افداه ..
خليفه : لا شو يوديني مستشفى والحريم ..؟؟
ميثه : اعنبوه احدر وبارك واظهر ..
نوف : ماحيدك تستحي من الحريم ..احيدك احم احم ..
ميثه : قوليها يربع وين ما الحريم ايكونن هاه ..
خليفه : والله العظيييييييييييم اصلا انا عندي شيخة الحريم كلهن .. وبعدييين يالشيخه نوف هب خليفه اللي يربع ورا البنات بس وحده غير عن هالبشر وحده من شفتها حسيت بطعم الحياه بطعم الحب بطعم الفرح .. مارقد ليلي اهويسبها انش نهاري واتخيلها .. تتدرين منوه ..
نوف : منوه غير ميثوه الله محد يسواها ..
ميثه : هيه قعدي انتي وخوج اتمدحوا فيه يله قومي انسير نتلبس ..
نوف : خلوف حرمتك وايد تستحي ..
خليفه : سكتتتتتتتتتتتتتي الله يعيني انا ...متلعوز منه هالحيااااا وحياتج كل شي عيييييييب..
ميثه : خليفه.
خليفه : هههههه انزين انا بسير الخيمه يوم بتخلصن دقنليه ..
ميثه : ان شاء الله ..
راحت ميثه غرفتها ونوف راحت غرفتها واتلبسن ونزلن .. ودقن حق خليفه وخلاف ركبن السياره وراحن صوب شيخه في المستشفى ومرن محل الورد وخذولها باقة ورد وراحوا المستشفى حدرن ميثه ونوف غرفة شيخه اللي كانت امها عندها . وسلمن ميثه ونوف على شيخه وامها ..
نوف : وينها وينها يدتيه اجوووووووف .. ههههههههههه فديت هالبياااااااااض انا فديت هالخشم الاحمر ياربي فاره من الصغار ..
شيخه : نوفووووه بنتيه فاره ...؟؟؟؟؟؟ هههههه حرام عليج ..
ميثه : شيخه... خليفه خاري يبا ايسلم عليج ..
شيخه : حياه الله ..
ام شيخه : يعلني افداااه والله اعنبوه اشعنه مخلينه خاري هب غريب بعلني افداك ..ياولديه وراحت ام شيخه وزقرت خليفه اللي كان واقف خاري مع واحد من ربعه حرمته امربيه شافه بالصدفه ..
ام شيخه : واقف ويا ريال خاري ..
ميثه : خلاص بتصلبه عيل انا تلفون واتصلت ميثه حق خليفه وحدر خليفه
خليفه : هود هود
ام شيخه : يعلني افداك يالغالي اهدا يابويه محد غريب ..
خليفه : عمتيه اهنيييييييييه ..
ام شيخه : شو نسوي ياولديه ..
خليفه : شحالج ياعمتيه واعلومكم انتي وعمي ..والعيال ؟؟
ام شيخه : بخير ياولديه الحمد لل وانته شحالك ربك ابخير ؟؟
خليفه : مبروك مبروك عالصغيرونه اخيرا يت يدتنا ..
شيخه : الله يبارك فيك عقبالكم ..
خليفه : امييييين .
ام شيخه : الفال الك ياولديه والله يرزكم بالذريه الصالحه ..
خليفه : امييين ياعمتيه وصد صوب ميثه يطالعها ..
ميثه : اميييييييين ..
خليفه : عمتيه ميثه تبا اتسميها حصه عليييييييييييييييج ..
نوف : ههههههههههه يله عاده الحينه يودوا عماركم .. على خقة وفشرة حصه بنت هزيم ..
ام شيخه : والله اسم مبروووك نوفوه مسودة الويهه ..انطمي ..
نوف : اوكيييييه اوكييييه انطمينا وحطت ايدها على ثمها ..
ميثه : ههههههه في ذمتيه ياخالتيه انه اسم امره ماعليه رمسه ..
شيخه : هههههههههه تتخربينها عن اسمها ياله مابتم مدحه مابتتدمح اسمها اسمها ..
خليفه : يله احينه بتقعدون تحيون النا تراث المهرات والحصات .. انا ابا ولللللللللد ..
وشويه بحدرت يابر عليهم ..
يابر : هووود هوووووووووووووووود..
شيخه : اهدااااااا محد غريب
يابر : ماشاء الله العرب اليوم كلهم اهنييييييييييه مبروك مبروك تستاهلون ماياكم ..
شيخه : الله يبارك فيك ..
ام شيخه : مسووود الويهه ماتشوفينه شعنه ماتسلم .؟؟
يابر اونه عاد يدقق في ويهه عمته : وااااااااايه فديييييت هالويهه انا اتصدقيييييييييييين اتحريتج غرشوبه من الغراشيب ياي صوبها بقردنها ..
ام شيخه : هيه يالووتي انته زيد زيد من هالخريط ..
يابر : هههههههههه
خليفه : اعنبوه حتى في المستشفى الرزق مايخلص ..
نوف صاده صوب ميثه اتصاصرها : وحتى وهو ايحب ايدورهن الغراشسيب ادوراه ..
ميثه : هههههه خليه يستانس قبل العرس عقب العرس بيقصون ذيله ..
نوف : يتادب خاطري اجوف ذيله وهو مقصوص .. هههههههه
شيخه : يله الفال الك اتيب بنوته حلوه شرات مهاري ..
يابر : ايب بنت منوه اناااااااااااا؟؟ لا لا منوه قال لا تفاولليييييييييين
شيبخه : هههههه هيه نعم اتيب شو بلاهن البنات ؟؟
يابر : لا لا لا كله اولاد ...
ميثه : انا بييب بنت ..
يابر : عاده ان يبتي بنت انا بييب شبجه مالت البحر وبعق بناتكم كلكهن وبفرها بحر ..
خليفه : ههههههه بفرك وراهن ..
يابر وهو يحيس بوزه ويطالع خليفه : حتى انته ..
خليفه : هههههههه
نوف : وشو بلاهن البنات ..
وخلاف حدرن خوات شيخه عاشه وحمده ..حمده كانت اتموت في يابر بس تتريا اليوم اللي يعطيها ويهه ولا ايدزلها بس نظهر ه وهي متعذبه عذاب الدنيا والسبه هو بس هو خبر خير ومايباها من هم اصغار واول ماشافهم ..
يابر بصوت واطي حذال خليفه : ووووووع قوم نظهر
خليفه : هاه الحب هاه ..
يابر : امحق ليل جاني الا بظوي على عمري وبحب حمدوه ..
خليفه : انطم امها اهنه ..
وحدرت عاشه وحمده وسلمن وخلاف استاذنوا يابر وخليفه وظهروا عسبة انه الحرين ياخذن راحتهن .وقعدن الحريم ايسولفن لين الساعه 8 وخلاف دقت ميثه عسب ايوديهن البيت . و وهي نازله من السياره .. فصخ خليفه غترته وعقاله وعطاهن ميثه ..
ميثه : اشعنه عمري مابتنزل ..
خليفه : لا غناتي بروح عن الشباب في المقهى نطالع المباره وبرد . .
ميثه : انزين اتعشا ..
خليفه : يوم باي فليل
ميثه : اتعشا الحينه وروح ربي يحفظك ..
خليفه : مواعد ربعيه خليت الورقه وييت بتعشا خلاف ..
ميثه : خلاص ان شاء عراحتك ..
وراحت ميثه اللي نزلت نوف قبلها وحدرت داخل .. وبدلت اثيابها وراحت ميثه فوق اتبدل اثيابها ويابر كان في الصاله كان قاعد يطالع المباراه .. وخلاف رن تلفون البيت ..
يابر : الوووووو
ريسه : الوو السلام عليكم ..
يابر وهو حاس انه قلبه مقبوض ويدق بقو : وعليييج السلام مرحبا ...
ريسه : اشحالك خليفه ؟؟
يابر : لا الشيخه هب خليفه يابر منوه انتي ؟؟
ريسه في هالوقت كنه حد ياب ماي بارد ورشه عليها : تمت صاخه فترررررررره .........
يابر : الو
ريسه : ميثه اهنييييييييه ؟؟
يابر : هي نعم منوه اقولها .؟؟.
ريسه في خاطرها ياويهك هب لازم : خالتها ..
يابر : خالتها ؟؟؟!!
ريسه : هيه نعم ..
يابر : لحظ.. شويه
وخلاف شاف ميثه نازله من عالدري ..
يابر : ميثه تلفون ..
ميثه : امايه ؟؟
يابر : لا خالتج ..
ميثه وهي منصدمه : خالتيييييييه خير شوه مستوي ..
يابر : مادري والله .. وخلاف قعد يابر يتسمع كانه عارف انها ريسه ..وكان حاس بالهشي ..
وراحت ميثه وشلت السماعه وكانت خايفه لانه هي عندها موبايل وخالتها يوم يبنها ايدقن الها على تلفونها ..
ميثه : الوووووو
ريسه : ياويييييييلي الحقققققققققققي ..
ميثه : هااااااااه شوووووه بسم الله شوووووووو قولي شو مستوي ..
هالوقت يابر فج اعيونه ويطالع ميثه يعني انه الاتصال غريب انهم داقين على تلفون البيت يمكن صدق شي مستوي ..
ريسه : يابر رد علييييييييييه ..
ميثه : يعلللللللج العووووق ياربي ياريووووووووس علج العووووووووووووووق يارب يارب اعطيها يارب ارزقها بريل خبله شراتها يارب يارب .. علج العوق روعتييني الحقي والحقي ومناك كله عشان ..
ريسه : جبببببببببببب هو حذالج عن الفضايح ..
ميثه : هههههههههه .. انزين غريبه داقيليه عالبيت ؟؟؟
ريسه : هههههههه ماشي بس ادقلج عتلفونج من الصبح مغلق وخلاف عطتنيه امايه هالرقم اقولها تلفون الصاله اتقولي لا هاذا تلفون غرفة ميثه .. وفضحتنييييييه ياللقعه اللي طحت فيها ..
ميثه : هيه انا يوم كنت في المستشفى اتصلت بخليفه عسبة ايي يشلنا انا ونوف وخلاف فضا الجرج وسكر ومارديت فتحته ..
ويابر كان يطالع ميثه ويوم يشوفها اتصد عليها يلف ويهها عنه وخلاف قعدت تبتسم .. وتتطالعه .واونه يوم يشوفها اترد هي اتحرك اعيونها عنه ..وترد تبتسم ..
ويابر كان ايقول في خاطره : شكل ميثه اتعرف .. اكيد ريسه قالتلها شي عيل شو اللي تقصده اليه من هالنظرات .. غريبه .. وقعد اونه عاد يطالع المباره وعيونه اللي كانت عالتلفزيون اما القلب والتفكير كله كان في صوب ثاني
ريسه :ميثووووووه امايه ماطاعت انيه اييكم ..
ميثه : ليش ؟؟
ريسه : اونه عسبة انه ابوج اهنااااااااك ..
ميثه : ابويه محد مسافر المغرب حق القنص . وبيتم شهر اهناك ..
ريسه :والله صدق ..
ميثه : هييييييه وامايه حليلها اروحها قاعده .. تعالي اقعدي معاها ..
ريسه : هيه حليلها ختيه محد عندها انتي السباله وعرستي .. وخلتيها اروحها ..
ميثه :انطمي بنجوفج يوم بتعرسين شو بتسوين ..
ريسه :اصلا انا مابا اعرس ..
ميثه : هههههه بتخبرج انتي منوه يباج .؟؟ . ظني حتى البتاني مابيطيع ياخذج الا يوم بتدفعين له المهر ..
ريسه :ههههههههههه ماعليه يامسودة الويهه . بيظوي عليه البتاني اللي حذالج .ههههههه
ميثه : ماعليه اخبببببببببببر .
ريسه : جب جب يله باي .. وسكرت ريسه من الروع وكان اتعرف انه ميثه عادي اتسويها ..
ميثه : ههههههه الله يقطع بليسها ..
ويابر كان حاس انهن يرمسن عنه
يابر : خير شو مستوي ؟؟ روعتييييني ؟؟
ميثه : ماشي ادق على تلفونيه وتلفونيه امفضي ودقت عالبيت يدتيه عاطتنها اياه اونه هاي غرفة ميثه ..
يابر : هيه حليلها اتحرتنيه خليفه قتلها لا يابر ..
ميثه : هههههههههه
يابر: اشعندج تضحكيين؟؟
ميثه : لا سلامتك ..
وخلاف نزلت نوف وشافتهم قاعدين في الصاله ..
نوف : هاه ماشاء الله قاعدين اتعشيتوا ؟؟
ميثه : لا والله انا توني نازله وتوني مبنده التلفون ..
نوف : هيه انزين بزقر عالخدامه اتحط العشا ..يوعانه ..
ميثه وهي تغمز حق نوف : تتدرين منوه متصل عاليبت قبل شويه ..
نوف : منوه ؟؟
ميثه : ريسه خالتيه اللي في العييييييييييين ..
نوف : شووووووووووو هااااااااااااااااااااه هااااااااااااااااه ههههههههههههههههه
يابر ايعرف انه نوف اتعرف انه هو كان ايفكر في ريسه بس الحينه هو ماييب طاريها يعني اكيد هالشي بيخليها تنسى اللي كان في خاطره . وبيخليها اتحط في باله ان خلاص نساها ومايفكر فيها ..
نوف : انزيييييييين ومنوه رد عليها ؟ انتي .؟؟
يابر : لا انا رديت وبعدين انتي شعندج مسويه تحقيق في السالفه ؟
ميثه : ههههههههههه
نوف : ههههههههههههااااااااااااا ي
يابر : اشعندكن انتن الهنتين تضاحكن ؟؟
نوف : ماشي . بس جذه نستعبط ..
يابر : يالعبيطااااااات ..
ميثه : ظاهرات علييييييييك .
يابر : ام البنات ..
ميثه : هههههههه عادي هب بناتك ..
يابر : امحق ليل انا اييب بنات ... بفرهن كلهن عليييييييييييييج اتربينهن تستوين الهن الدادا ..
ميثه : ههههههههه عادي فديتهن هاتهن ..
نوف : انا بسير اقولها اتحط العشا .
ميثه : وانا بسير وياج تعالي نتمشى في الحوي ..
نوف : يله ..
يابر : سكرن باب الحوي وانتن تتمشن ..يمكن حد ايحدر الخيمه .
نوف : ان شاء الله اي اوامر ثانيه ..
يابر: لا
وراحن نوف وميثه برع وقالن حق الخدامه اتحط العشا وخلاف قعدن يتمشن في الحوي
نوف : تتدرين شكله رايح فيها منصدم ماعرف شي شي فيه ..
ميثه : هههههههه اسكتي فضحتني اونه الحقققققققي الحققققققققققي قتلها شو فيج اونه يابر رد عليه ..
نوف : هههههههههه حليلها والله
ميثه : والله انهم قيس وليلى بس للاسف قيس في بوظبي وليللى في العين..
نوف : هههههههه صدقتي والله ..صدقيني هالثنينه ايحبون بعض بس ولا واحد منهم يبا يعترف .
ميثه : جوفي من صوب ريسه يمكن ايكون اهتمام بس لكن حب لا .. بعدها .. لكن من صوب يابر سمعت بذنيه محد قالي ..
نوف : هيه والله صح .. وتتدرين قبل يبور مول مايرد البيت ايام مانشوفه لانه كان ايرد البيت متاخر لكن الحينه من الساعه 11 ولا 12 اعلى اعلى حد 1 ايرد البيت ... قبل اقصى حد عنده الساعه 6 الصبح يوم ماشي دوام ..صدقييييني صدقيييييني هاه كله عشانها
ميثه : لازم لانه اللي يحب لازم يتغير لانه في باله حد ومايبغى حد عقبه .. ويبا يسويله المستحيل ..
وردن حدرن الصاله مره ثانيه ويابر كانن ايفرر القنوات من بعد ماخلصت المباره وكان وايد مستانس عسبة انه نادي العين فاز وان الفرحه استوت فرحتين يوم سمع حسها .. وهو قاعد ايجلب القنوات كانوا حاطين في قناة دبي اغنية عبد الكريم عبد القادر ..اشتقتلك .. وكانت توها باديييييييه الاغنيه
يابر : ياله يا عبد الكريم اسمييييييييييك ييييييت عالعووووووق .
ماشوف غيرك في عيوني حنين ماحس بهالدنيا حد سواك
حبك بقلبي وبحياتي سنيبن امشي على دروب المحبه خطاك
اشتقلك واشتقت ذيك العيون تناظر لعيني حبيبي تعال
حياتنا بعدك ترا ماتهون وايامنا دونك تراها محال
اشتقلك ليتك علينا تعود وترحم اللي كل حياته عطاك
وتذكر سنين مضت والوعود وعد قطعته مالي حبن سواك ..
يابر : ياله زاد انه هالغنييييه ضربت القلب ضربه... ريسه محلااااااات الصوت اللي سمعته محلااااااااته ردت الروح فييني والله انها ردت .. والله انيه قبل لا اسمع صوتها احس عمريه ضايع بس الحينه دليت دربيه وين ياربي شو اللي اسويه كيف اكون قريب منها كيف ..؟؟
وحدرت نوف : اخطبهاااااااا عسبة انك اتكون قريب منها ..
يابر انصدم اكبر صدمه في حياته : هااه منووووووووووو ؟؟
ميثه : احم احم اللي شاغله بالك ..
يابر : انطمن محد منوه عكيفكن تجذبن الجذبه واتصدقنها .
نوف : لا والله انك قلت فديتها فديتهاااااااااااا ... كيف اوصللها اقولك اخطبها ..
ونش يابر مغيض يبا يكفخ نوف ..
ميثه : هااااااه هاه لا لا تعال تعال عنها خلاص خلاص انته ماقلت نحن نجذب ..
نوف : هييه هيييه نجذب ..
وخلاف فج نوف اللي كان ماسكنها من جتفها ..
اذا مرتبي الذكرى تونت *** احاسيسي وفكري لك خضوعي ..
يلو اخفيت به مابي لنك *** يفز القلب لك من دون طوعي ..
وخلاف ظهر عنهن وركب سيارته وروح عن الشباب في ميلس قوم خاله ..وهو في الطرق كان ايفكر وايقول في خاطره ياربي انا شو فيني غديت جذه اتخبلت انا ارمس بصوت عالي مافكر انه حد بيسمعنيه والحينه شسوي في الفضيحه اللي انفضحتها لو نوف بروحها جان اهون لكن ميثه مييثه لا لا .. عادي خلها اتعرف انيه احبها ريسه تتدري انيه انا احبها ماقلت شي يديد .. لكن مشكلتيه مشكله انيه مابا حد ايعرف انيه احبها لانه مب يابر اللي يحب ...ليش منوه يابر عسبة انه مايحب الحب هب عيب ولا حرام الحب غريزه فينا .. و انا ماقدر اتحكم في مشاعريه .. واوقفها صوبها او امنعها احبج احبببببببج هي نعم احببببببببج .. والقلب اللي مايحب ميييت ياما سمعنا بالهشي وجذبناه لكن الحييييينه عرفت انه هالكلام صدق واصدق الصدق .وخلاف رن تلفونه كانت وحده متصلتبه .. . وهيله اللي عنديه شسوي فيهن شسوي فيهن والله خلهن ينقلعن ببدل رقميه وبفتك منهم ومن هالصدعه ..
في بيت غيث الشامسي
الساعه 11 فليل ..
ريسه : امااااايه امااايه ..
ام حمدان : خير
ريسه : حليلها ختيه شمه محد عندها هي اروحها في البيت انتي اشعنه ماتخليني اروح عندها المر سافر اليوم وبيرد عقب شهر ..
ام حمدان :انا البارحه رمستها ماخبرتنيه ..
ريسه : انزين اقولج اليوم سافر ..
ام حمدان : وانتي منوه خبرج ؟؟
ريسه : ميثوه ..
ام حمدان : انزين انزين روحي فكينا من هالصدعه اخوج باجر ببيسير وسيري وياه كلتيله جبديه ..
العنود : ههههههه والله زيييييين ..
ريسه تتطالع العنود وفاجه اعيونها ..الها
شمسه : هيه والله حليلها شمه اروحها ويا الصغاريه قبل ميثاني عندها الحينه روحها يله خله تعرس هزاع نبا نفرحبه ..
ساره : هيه والله اشعنه مايملجون هم ..
ام حمدان : يتريون هزاع الاربعاء الياي بيتخرج وبيملجون .. طبعا مدام ابوه الحينه مسافر اكيد بيملجون عقب العرس ..
شمسه : والله حليلها روضه بتستوي عروس هههههه ..
العنود : رويض ماشاء الله عليها حرمه وماينخاف عليها ..وراحت ام حمدان عنهم الغرفه تنام وقعدن ايسولفن شويه .. وخلاف حدر عليهن منصور وقعد معاهن اشويه وراح الغرفه .وقعد يتريا العنود يترياها ومايت .. وخلاف زقرها ..
منصور : عنوووود .
العنود : لبيه ..
منصور : تعالي ..
العنود : شو تبا بيه ارقد باجر وراك دوام . انا ابا اسولف ..
منصور : انزييين ماعليه براويج انا ..
العنود :هههههههه ..
ورد حدر منصور الغرفه ايفكر شو يسوي فيها عسبة ايبها الغرفه كان متوعد على انه من ايحدر ايشوفها قاعده عداله .. وتسولف معاه ..
شمسه : خسج الله سيري ريلج يزقرج ..
العنود : ملللللللل الغرفه انا هب متوعده عالحكره ابا اسولف ابا اضحك ..وبعدين حتى احمد حليله روحه في الحجره ..
شمسه : احمد راقد . وانا ماظهرت الا يوم رقد .. هو وغيث.. ريلج قومي .. ماتشبعين من السوالف تيك ريست يله .. ههههههه
العنود :هههههه ظنج ..
ساره: ريلج سولفي وياه ..
العنود : بيرقد ..
ورد مره ثانيه ووقف عند الباب ..
منصور : اوكيه يله رقدي في الصاله .. وسكر الباب وقفله .
العنود : ههههههههه لا لا لا يايه يايه افتح ..
وتمت ادق الباب وخلاف فتح عنها ..
منصور : جان رقدتي خاري احسن ..
العنود : هههههههههههه غناتي عاده .
منصور : يله ولي العهد متى ناوي تشرف بتشرف في تريخك اخر 8 عقب اسبوعين ولا لا ؟؟
العنود : ههههههههه ..يمكن .. يطوفه بعد تاريخه ..
منصور شل ايديه وحطها على بطن العنود..
منصور : يله باباتي اطلع عاده ابا اشوفك انا ابا العب وياااااااك ..
والعنود كانت تطالعه بكل حناااااان ..
العنود : عمري في يوم مابندم على انيه وقفت جدام الدنيا كلها وخذتتتتتتتتتتك ..
منصور مسك ايدها وحط اعيونه في اعيونها : واني عمري مابسمممممح انج ثانيه تندمين عالهشي . تتدرين ..
العنود : امممممم لا شوووووو؟؟
منصور وهو ياشر على نفسه : تتدري اني موت احبك وان مالي غير حبك .. وخلاف شل ايديها وحطها صوب قلبه ..واللي ينبض في ضلووعي ماهو قلبي هاذا قلبك ..
العنود: تتدري يافرحي وهمي من كثر مانته بدمي ... كل مانتظرك عييييني عيني من عينك تسمي ..
منصور : احببببببببببببببج احببببببببببببج..
العنود : اموووووووووووووت فيك انا ..
منصور : جب انا اكثر ..
العنود: لا انا
منصور : انتي كثر شوووووو ؟؟
العنود : انا كثر الدنيا ومافيها من بشر وانته شوووووووه ؟؟
منصور : احبج عدد رمال الصحرا احبج عدد الاوراق اللي في الشير تتدريييين لا اكثر و اكثر واكثر ..
في الصاله
ريسه كانت تتريا سلطان عسب اتخبره انها بتروح معاه لكن الظاهر انه بيتاخر وبيخليها تسهر تترياه وخلاف اتصلتبه تلفون وقالتله وقالها خلاص يوم بيروح الصبح بيخبرها وراحت ريسه وحطت اثيابها ورقدت وهي في خاطرها بس اتادب يابر وتوقفه عند حده عن الحركه اللي سواها هاك اليوم ..
الساعه 9 الصبح ..
يوم الاحد ..
سلطان : امااااااااايه وينها هاي بنتج اذا لين الحينه راقده صدقيني بجتلها ..
ام حمدان : انا بسير وياكم حليلها عن شمه فديتها والله بنتيه بنغير جو عندها كمن يوم ..
ريسه : انا جااااهزه ..
سلطان : خيببببببه مسرع ..
ريسه : طبعا شو عيل ..
سلطان : انتي وايد متحمسه .. اول مره ..
ريسه : لانيه ملييييت من هالحكرررره ..
سلطان : انزين يله انا اترياكم في السياره لا تتاخرون امايه ..
ام حمدان : يله ان شاء الله ..
ريسه : انا جاهزه بس بنزل شنطتيه ..
واجهزن وخبرن الخدامه اتخبر اللي في البيت ان ام حمدان راحت مع ريسه بوظبي عند شمه وخلاف ركبن السياره وراحوا صوب بوظبي ...
نتهى الجزززززززززززء ..
ظنكم ريسه شو بتسوي في يابر ؟؟
ظنكم ريسه ويابر بيتلاقون وشو بيستوي من بينهم ؟؟
</p></font>
رد مع اقتباس
مواقع النشر (المفضلة)