صبرت ولا قدرت اصبر واتحمل اني اعيش العمر من دونك

[دمعة شوق]

<font color='#8D38C9'><p align=center><font color=#ff0000>الجزء الثالث والعشرون</font>


العنود : هاه ريوس شغلتيييييه ؟؟؟
ريسه : هييه يله بدق play
العنود : يله ..
وابتدى الشريط .. بصوت يابر

شفتج ولا ظنيت بهواج ** ماهو بكيفي غصب عني
لا والذي في الكون سواج ** صدق المشاعر لج خذني
حاير واسج وفكري وياج **اقصد وشعري لج اعني
كن القمر في طلعة محياج **يلي جمالج فاتننني
حاولت اصبر عنج وانساج **لكن روحي لج تحني
اتخيلج في يوم لقياج **يوم الصدف فيج اجمعني
اشتاق لج والشوق جدواج**ونظرات عينج شوقني
دايم عليه اتمر ذكراج **ومن الشوووووووق قلبي متعبتي ااه قلبي متعبني
ودي بشوفج لا عدمناج **فالعمر تبقيييييين ملازمتني


يابر القبيسي

العنود : ريوس شو مسويه بالولد ماشاء الله علييييييه صوته ايجنن ماشاء الله عليييييييييه ماشاء الله مافيه حيله ..
ريسه : .............................
العنود : بسم الله شو بلاج ؟؟ ريوس ريوس..
ريسه سرحانه وفي عالم ثااااااااني : ...................
العنود : امايه بسم الله الرحمن الرحيم ريوس شو بلاج ؟؟
ريسه : ها كله حقيه انا ؟؟
العنود : طبعا حق منوه يعني ...
ريسه : خليه ايولي هاذا اللي ناقصنيه ايخسي اصلا هاذا لعاب وجذاب وماتمت بنت مالعب عليها وقص عليها .. اصلا جماله فاضحنه مستحيل انسان ايكون في هالحلاه والخقه اللي هو فيها ومايكون ايعرف بنت وبعد هب بنت وحده امية الف بنت واراهنج هب هو اللي يركض وراهن ترا هن اللي يركضن وراه واهو اكبر خقاق وهاك اليوم ميثه كانت ترمس عنه ..
العنود : معقوله ..
ريسه : ليش يالعنود انتي تتحرين كل الشباب مثل منصور لانج حبيتيه وسويتي معاه علاقة حب بياخذج ..
لا يالعنود الله يخلق من الزين واحد ومن الشين الف .. وانا مستحييييييييل افكر في اي انسان انا ورايه دراسه ومستقبل وهيله ماوراههم غير اللعب والمصخره يمكن لانه جافني وعيبته ويبا يتسللى بس ..
ومستحيل انسان مثل يابر ابهز شعره من شعر راسي واذا هو يباني صدق ايي يخطبني مايقعد ايسوي هالحركات واتمنى انيه اشوفه والله لا يشوف ..
العنود : بسم الله شو بتسوين فيه .. ريوس عن الفضايح ..
ريسه : اوووووووه عنود الله يخليج طبيه عنج .. لا تتطرينه .. المهم انسي الموضوع وخلينا ننزل تحت ..
العنود : بس صوته ايجنن وهو يشل .. حرام والله من صوته احس انه يتعذب ..
ريسه : العنود انتي طيبه تتحرين كل الناس شراتج يله يله انسير .. طالعي غيثوه كيف يطالع ههههههه ..
وبعدين هاذا ايعذب؟؟ هاذا ماتمت بنت ماعذبها .. .
العنود : انتي اشدراج اشعنه تحكمين على الانسان منه والدرب ... يعني اذا هو حبج جريمه ..
ريسه : لا هب جريمه واذا هو يباني ايدل بيتنا ويعرف اخواني . صح ولا انا غلطانه ..
العنود : والله ماعرف شو اقولج ..
ريسه : عيل يله خلينا انروح تحت ..



يوم الاربعاء الصبح
في مطار بوظبي ميثه وخليفه كانوا توهم واصلين ...
ميثه : واااااايه فديت هالبلاد والله ماارتااح الا في داري ...
خليفه : لاااا؟؟ ثره مادري منوه اللي كان متخبل وبيطير من الفرحه يبااا يتم اهناك ..
ميثه : هههههه يايوههههههك
خليفه : فديت ويهج ..
ميثه : بتخبرك انته اشعنه مغشنيه ..؟؟
خليفه : ههههههييييييي حلفي انتي بس ماغشيج بجتلج ... وان ماتبين عادي بلبسج انقاب
ميثه : ووووه بسم الله لا لا خلاص اتم بغشوتيه اخير ...
خليفه : والله يوم كنتي عنج هلج ماتعقينها الغشوه .. الحينه يو يتي عنديه بتتدلعين ماشي عصااا
ميثه : ههههههه انزين عاده اتمصخر معاك ..
خليفه : لا والله .... وينه يبور .
ميثه : ماعرف
خليفه : تعالي هاذوووووووه
ميثه : واعليه عنه مسكين يتريانا ثره ..
خليفه : طبعا اوامر ريلج هههههه
ميثه : حرام عليك خلوف حليله
خليفه : بس بس لا تمين اتقولين حليله اغار
ميثه : انت هاي غيرتك يوم واحد بتجتلك .. يله يله امش ههههههه
يابر : حيييييييييييييبه المعاريس اعلووووووم ؟؟
خليفه ويسلم على يابر
ميثه : والله الحمد لله بخير وسهاله انته اشحالك ..
يابر : بخير ونعمه
خليفه : يله يله خلونا نركب السياره خلاف اتخبري عن اعلومهم ..
وخلاف راحوا وركبوا في سيارة يابر ... وراحوا صوب البيت .. ويوم وصلوا البيت شافوا عزه مع فاضل وسعيد وشيخه واليازيه وعفراء ونوف ونوره وموزه وعاشه فارشين زوليه في الحوي وقاعدين كلهم ارباعه ..

خليفه : السلاااااام عليكم ..
الكل : وعليكم السلام ..
ميثه : مرحبا .. وراحت عندهم وسلمت على عمتها ووخلاف على عمها وسلطات عالباقي .. وسلم خليفه على هله .. وقعد معاهم وقعدت ميثه حذاله ..
ميثه : شحالك ابويه ربك ابخير وانتي ياميه اعلومكم ؟؟
فاضل : بخير وسهاله يابنتيه الحمد لله
ميثه : عساه دوم ياربيه
عزه : والله الحمد لله يعلني افداج بخير وعافيه .. ؟؟؟ انتي علومج والله انيه اتولهت عليج ..
خليفه : هييييه تتولهين عليها وانا ماتتولهين عليه ؟؟؟ انا ولدج ..
عزه : وايه بالستر شرات مانته ولديه هي بنتيه بعد ..
ميثه : فديييت هالمنطوق انا صخوا عنا ثره ظهر اكبر غيار في هالدنيا ..
سعيد : من زمان ياميثه هب من اليووووم ..
ميثه : ههههههه زين عيل عاده من عوايده ثرها ..
خليفه : اجوفكم طحتوا فيه ؟؟
نوف : ماشاء الله ميثوه متنتي ..؟؟؟
خليفه : انا اللي كنت ازجها زج ..
ميثه : هههههه قالها اخوج مسوني ابقره وقاعد ايزج فيييني
شيخه : هب وايد اشويه بس احلا عليها ...
ميثه : ماعليج زود يام مهره ..
شيخه : ههههههه وقعتي انها بنت يعني من قالوليه بنت خلاص بنت ..
عفراء : لاه انا حاسه انه فيها بنت
اليازيه : ايقولج البنت اتحلي ..
سعيد : اجووف احلويتي لا لا ماحلويتي ..
شيخه : ههههههه ياويهك احلا عنك
يابر : سعود لقط ويهك ثرك دوم امقطع ..
عزه : لا انا قايله جانها ابنيه اتسمونها مهره على امايه ..
شيخه : افا عليج ونحن موافقيييييين ماقلنا لا
فاضل :ولد بنت خير وبركه المهم انه الله يسهل عليها ..
سعيد : يبور لا تخلينيه افضحك انجب اخيرلك
يابر: ههههههه ابويه تراني انا البارحه مابت في البيت .. شو بتفضحنيه بعد ..
فاضل : مسوود الويهه اشعنه وين بايييييييييت ..؟؟؟
سعيد : الله يعلمبه ..؟؟؟
خليفه : انته اللي يبته حق عمرك اكله يله ههههههه
يابر : يابويه كانت عنديه شغله في العين ويوم ييت برد سلطان ماخلانيه ارد وحلف عليه انيه ابات عندهم ..
نوف بصوت واطي : لازم العوق اهناك ..
فاضل : هيه اشوا عليك .. خلاص عزه تامرينيه ابحايه بروح انا المزرعه ..
عزه : لا الغالي اتحمل على عمرك ..
ميثه كانت قاعدعه عدالها وسمعتها : منييييه العوق ؟؟
نوف : ههه خلاف بخبرج عنها
عزه : والله فيه الخير ولد غيث الكرم الا من عقبهم اعيال ام حمدان ..
خلاف رن تلفون يابر ونش عنهم ...
سعيد : خلوف... علي ولد عمتيه في الميلس ..
خليفه : حياه الله بو حسون ماعليه بسير اتسبح وببدل اثايبيه وياينكم.
سعيد : غايته .. وراح عنهم سعيد ..
خليفه : امايه يعلني افداج صبيليه اقهوه ياله جاني متولهه عليها ..
عزه : فديتك يابويه ان شاء الله ..
وصبت عزه فنيان القهوه حق خليفه
عزه : نوره امايه قومي اغسلي هالفنيان حق حرمت عمج ...
ميثه : لا والله مانشييييتي اقعدي يوم بيخلص خليفه بشرب في فنيانه ابرايه ..
عفراء : وايد بالستر اشعنه خليها تغسله اشعنه تحلفين .. .؟؟
ميثه : لا فديتج ابرايه ثره شي فنيان موجود ..
وخليفه مستانس وعطا امه الفنيان وصبت حق ميثه
خليفه : اهنه اشربي مكان ماانا شربت ..
ميثه تتطالع خليفه وهي مستحيييييه : ايييه
موزه اتصد على نوره : ياحييييهم والله ياحيييهم ابا اعررس ..
خليفه يعض على شافيفه ويطالعها ..
ميثه : مابتنش تتسبح انته حليله االريال يترياك ..
خليفه: خلاص يله سمحوليه ..
ودخل خليفه البيت وراح فوق القسم ماله اللي كان عباره عن غرفه وصاله وحمام الله ايعزكم ..
وشربت ميثه فنيانها
ميثه : سمحوليه بروح اظهرله اثيابه وبييكم
الكل : لا مسموووحه
ونشت ميثه عنهم وراحت فوق الغرفه وحصلت سلطان ناطر اثيابه في كل مكان .. وقعدت اتشل اثيابه
ميثه : ياهل والله انه ياهل ..
وظهر خليفه من الحمام الله يعزكم
ميثه : وااييه اشعنه جذه شعرك خرسان ماي اعنبوه هاه يقطر ماتشوف تبا تمرض انته ؟؟؟
خليفه : هههههه تخافين عليه ..
ميثه : لا والله ومشغل المكيف بعد وخلاف ربعت وبندت المكيف وحطت الفوطه على راسه وقعدت اتنشف شعره .
ميثه وهي تضربه بخفيف على راسه : ههههههه مستانس بعد
خليفه : طبعا هاليد الناعمه كلها عليه وماتبينيه استانس ..
ميثه : هههه ياللوتي يله يله روح الببس ..تعال اشعنه انته مافرشت الصاله ؟؟ ولا حطيت اي شي في الغرفه غير غرفة النوم ..
خليفه : كيفيه عاده انا ابا كل شي ايكون من ذوقج .. واليوم بنروح مال المفروشات واختاري اللي تبينه ..
ميثه : اعنبوه اليوم واصلين نحن ..
خليفه : ماشي حار ابحااااااااار
ميثه : ههههههه انزين يله رووووح
خليفه : انتي اشعنه اتروغينه روغ ؟؟
ميثه : ابا ابدل ابا ارتاح اعنبووووو لزقه ؟؟
خليفه : هههههههههه اللي يقووووووول
ميثه : اللي يقول شووووووو ؟؟
خليفه روحج اتعرفين مايحتاي ارمس ..
خليفه : ماصخ ثرك تتدري .......
خليفه : اموااااااااح احبج ..
ميثه : اكرهك
خلبيفه : عادي المهم انيه احبج ..


في الحوي
عزه : نوف امايه سيري ساعدي حرمة اخوج حليلها ساعديها روحها مابتروم ؟؟
نوف : ان شاء الله امايه انا كنت ناويه بس اعنبوه ريلها عندها خليه يظهر بنروح الها ..
شيخه : هيه حليلها اروحها صغيره ..
عفراء : بس ماشاء الله عليها حرمه ... على امها ..
اليازيه : والنعم والله ببنت المر .. ماعليها كلام ..
عاشه : والله تتدرون اصلا من شكلها ايبين انها طيبه وحبوبه ولا يخصها في المشاكل ولا اي شي ... وطيبتها اتبين في وييها ..
عزه : والله مالومك ياخليفه يوم انك حبيتها من شهر ... روضة الجنه فديتها ..
عفراء : عمتيه عاده نحن نغار
عزه : فديتكن يابناتي والله كلكن بناتي وغلاوتكن مثل عاشه ونوف واكثر بعد ..
نوف : هاه هاه عزه حدج عاده ؟؟
عزه : لا هب حديه ولا شي مسودة الويهه انتن الا بتقعدن عنديه لين ماتعرسن وكل وحده منكن اتعرس وبتروح عند عمتها ولا هن بناتيه بيقعدون عنديه اكثر من ماقعدوا عن امهاتهن واكثر من مانتن قعدتن عنديه .
نوف : ههههههههههه وخلاف شافت خليفه نازل رايح صوب الميلس ..
شيخه : كاشخ كاشخ المعرس ..
اليازيه : هههه عنده من يكشخه .... وامبونه خلوف حتى قبل لا يتعرس دومه بكشخ ..
موزه : هههه يابر عاده الكشخه كلها عنده هههههههه ..
نوره : زيدي الخقه بعد ..
نوف : هههههههه يله بنات قومن معايه خلنا انروح نغزي عليها ..
موزه + نوف : يله ..


وراحن نوف وموزه ونوره عند ميثه في الغرفه
نوف : ممكن نحدر ..؟؟
ميثه : افا عليج حياكن الله ...
نوف : الله يحيج .. شو اتسوين ليكون مشغوله وخربنا عليج ..
ميثه : لا والله قاعده القط ورا ولديه ..
نوره : ههههههه استوا ولدج .
ميثه : شسوي ياختيه هههههه
نوف : اصلا خلوف من هو وصغير جذه دوم اينثر في كل مكان ويوم يظهر الفوده في صوب والحاله لله ..
ميثه : هههههههه لا عيل بادبه الكن ..
نوف : والله زين اتسوين ..ههههههه ..
موزه : هاه ميثه شو سويتوا اهناك حلو المكان ان شاء الله استانستوا ..؟؟
ميثه : والله انه استانسنا وايد وايد اقولج رحنا جزيره والله كنت اتمناكن بس معانا روعه روعه اتخيلي اتصدين الخضره في صوب والفواكه في صوب كل شي اتشلينه من الشيره انتي روحج اتقطعينه صراحه بلاد .. روعه رهيبه بمعنى الكلمه ..ويوم كنا في الجيره بس انا وهو اتخيلي البس اللي انا اباه ومن دون شيله ولا عباه .. لانه مافي حد موليه ..

نوره : وصورتوا اهناك ؟؟؟
نوف : هههههه طبعا ميثوه عاشقة التصوير ما بيفوتها شي ..
ميثه : ههههه كرهته حياته .. اقولج غصبن عنه اوقفه واصوره وهو يقهرنيه يمسك المواقف اللي يكون فيها شكليه غلط او انا مندمجه ويقعد ايصورنيه حظرته ..
نوف : عيل اسميييه غلس عليج تغليس ..
ميثه : ههههههه الا من الخااااطر ..
مووزه : ههههههه حليلكم..

وخلاف مسكت ميثه التلفون واتصلت في خليفه ..
ميثه : الووووو مرحبا
خليفه : هلا وغلا .. مرحبا ملايييين
ميثه : انته وين ؟؟
خليفه : في الميلس ؟؟
ميثه : انزين غناتي متى بنروح المحل ؟؟
خليفه : عقب المغرب عالساعه 7 جيه الحينه رايييل عنا في الميلس ..
ميثه : خلاص ماعليه انا بروح عند امايه الحينه .. اروووح ؟ ؟؟
خليفه : هيه روحي سلمي عليهم وخلاف وانا ياي من صلاة المغرب بروح صوبهم ..
ميثه : خلاص ماعليه .. يله مع السلامه
خليفه : مع السلامه
ميثه : ربي يحفظك..

ميثه : بتن معايه بنروح انسلم على قوم امايه وبنرد ؟؟
نوف : ههههههه جان تبين ايحشون ريولنا يله ..
ميثه : ههههههه..
نوف : بس في المناسبات هيله كل شي ممننوع ..
ميثه : هههههه شراتج قبل لا اعرس بس الحينه لا الحمد لله اتحررت القيووود ..
نوره : تتدرين انا وموزه ختيه ماحدرنا بيتكم الا في الملجه والزهبه بس .,
ميثه : يله ماعليه ان شاء الله باجر بتعرسن وبتفتكن .. ترا هيله الااهل يبون ايسون بناتهم حريم ويحافظن عليهن ..
نوف : صدقتي والله .. يله عيل ابرايج بنظهر نحن عنج جان بتلبسين ولا شي
ميثه : لا يعلني افداج بسير بشليته وجلابيتيه هاي اللي عليه ..
وخلاف نزلن تحت وراحت ميثه وقالت حق عمتها انها بتروح بيت هلها ويوم خطفت جدام باب الميلس اتغشت وخلاف راحت بيت قوم امها ..

ميثه وهي تمشي شويشوي وتفتح الباب بهدووء لانها كانت تبا اتسويلهم اياها مفاجأه
ميثه : يااهل البيت ..
شمه : ريماني ماماتي جوفي منوه عند الباب ... حياج الله قربي قربي
ميثه : جرييييب
شمه : هالصوت هب غريب عليه ..
وراحت ريم تربع عند االباب ويوم شافت ميثه ربعت عندها وحظنتها وقعدت اتصيح ..
ريم :: انتي وين لاحييتي عني ؟؟؟ سلقج الجني .؟؟
ميثه : حياتي ريماني اموااااه فديته هههههههه مالحيت مكان انا هنييييييه
ريم : ماما ماما
شمه : هاه ياماما ..
ميثه : مرحبا الساع ..
شمه :وايه فديييت انا هالويهه يعلني ماخلا منه شحاالج ..
وخلاف ربعت ميثه في حظن ا مها ولوت عليها
ميثه : فدييتج يامايه والله انيه متوله علييييييييييج
شمه :فديت اعيونج ياربي وانا اكثر والله .. واشعنه البارحه يوم ارمسج في التلفون ماخبرتينيه انكم بتون ؟؟
ميثه : ههههههه كيفيه بسويلكم اياها مفاجاه ..
شمه : فديتج احلا مافاجاه والله .. وخلاف صدت على ريم الله بعدها حاظنه ميثه ..هاه ريماني هاذي ميثه .. اونه اتقولليه وين ميثه وين راحت كلاها الجني ..
ميثه : هههههههه خليفه الجني ..
شمه :حليله شحاله ريلج عساه ابخييييير ؟؟
ميثه : والله الحمد .. بخير وسهاله ..
شمه : تعالي اشعنه واقفين اهنه في الممر تعالي بنروح الصاله نقعد ..
ميثه : يله الا وينهم رشود وهزاعوه وابويه وينه ؟؟
شمه :هزاع طبعا راقد وراشد معروف حارس الفريج خاري ..وابوج هالوقت تعرفينه عند الطيور
ميثه : هههه ماشفته عيل انزين بروح اشوف هزاع وبييكم..
ريم : لا تالي ودييييني معأااااج ..
ميثه : فدييت ريماني حبيبي انا احببببببببج وايد وايد وانتي ..
وفتحت ريم ايدها ولوت على ميثه وانا بعد احببببببببببببببببببببج هالككثر
ميثه : ههههههه فديتج يله تعالي بنسير نضربه هاذا هزاعوه .. مايشبع من الرقا ثره هاه .
ريم : هيه هادا واااايد يلقد..
وشلت ميثه ريم
شمه : نزليها اشعنه اتشلينها يمكن فيج شي نزليها ..
ريم : لا لا مابا مابا ..
ميثه: ههههههههه لا اطمني مافييينيه شي .. بعدني اعنبوووووه ..
شمه : يله الله كريم . ان شاء الله بيرزقكم..
ميثه : امين بس هب الحينه عقب اربع شهور ابا العب استانس اعنبووووه ..
شمه :ياهل انتي ؟؟
ميثه : ههههههه وخلاف راحت غرفة هزاع وقعدت اتلعوزه لين مانش من الرقاد .. سلم عليها ..
هزاع : يالجنيات انتن ..
ميثه : ياويهك يالوحش .. اتولهت عليك ..
هزاع : وانا بعد يعلني افدااااااااااج
ميثه : ههههههه انزين برايك يله اتغسل وتعال اقعد معانا في الصاله هب تبطي علينا .. لانيه بروح
هزاع : وين بتروحين
ميثه : الشيخ خليفه يباني اروح معاه ناخذ اثاث حق الصاله حظرته هب فارشنها يترياني افرشها له وبنروح بنحط شوية اكسسوارات فيها وفي الغرفه ..
هزاع : ياله متى بعرس وبودي رويض معايه ياربيييييييه ..
ميثه : ههههههه ان شاء الله قريب يله خلص مابقا لك شي ..
هزاع :تتدرين انه مابقاليه شي غير شهر واحد ..
ميثه: ا دريبك خبرتنيه امايه . يله يله انا نحن نترياك
هزاع : خير ان شاء الله ..
وراحت ميثه عند امها مع ريم وقعدت عندهم واتريت ابوها لين مايا من عند النادي مال الطيور وسلمت عليه وخلاف على اذان المغرب ردت البيت .. دخلت ميثه الصاله وشافت عمتها مع عفراء ونوف وعاشه ومديه حرمة ناصر ولد عم خليفه ..
ميثه : السلام علييكم ..
مديه : مرحبا بالعروس ..
ميثه : المرحب باحي يعلني افداج .. اشحالج .؟؟
مديه : ابخير وسهاله شحالج انتي وخليفه؟؟
ميثه : والله بخير وسهاله ..
مديه : الا توني اتخبر عنج خالتيه قالتلي روحت صوب هلها الا شحالهم هلج ..؟؟
ميثه : بخير وسهاله يسلمون عليكم..
عزه : الله يسلمهم اليوم الصبح مرمستنها ..
ميثه : هههه هيه هزبتنيه .؟ اشعنه ماخبرتيني اتقولليه قتلها اعنبوه مسويه تلكم اياها مفاجاه ..
عزه : اليوم تتطريكم سكت عاد انا انتي قايلتيه لا تخبرينها ..
نوف : حليلها والله خالتيه شمه يعلني افداها الحينه روحها في البيت ..
ميثه : شو نسوي هاذي الحياه ..
عزه : ان شاء الله بينها اخلاف حرمة هزاع وحرمة راشد ..
ميثه : هيييييييييه راشد وين بعيد راشد جان الا هزاع يمكن عقب شهر ولا شهرين ..
نوف : والله يستاهلون هو وروضه كل خير ..
عزه : والله والنعم فيها بنت حمدان ..
وقعدن ايسولفن وعقب ساعه
خليفه : هووود هوووووووود
نشت مديه وعدلت احجابها ..
عزه : اهدا ياولديه محد غريب ..
خليفه : السلام عليكم . وكان يطالع ميثه ويبتسم ..
الكل : وعليكم السلام ..
مديه : مرحبا خليفه اعلوووومك..
خليفه : والله اعلوم الخير انتي اشحالج؟؟
مديه : والله ابخير وسهاله ..
ويا خليفه وقعد حذال ميثه عالكرسي ويصاصرها شويشوي : اتولهت عليج ..
ميثه : ههههه ياللوتي
خليفه : توني شفت محمد ولدج يلعب خاري مع الخدامه يبا ايدز السيكل ماله ..
مديه : ماشاء الله عليه محمد ظاهر شيطان ياربيه جانه قاذينيه قذا ..
ميثه : هيه صح فديته اشحاله .. اتصدقين ماشفته ..
مديه : بييج وبحشرج كل يوم ايقولليه ماما وين العلوسه ؟ اتصدقين بس هاي الرمسه اللي حفظها ..
ميثه : هههههههه تتدرين شو كان ايسويبي وانا قاعده عالكوشه ..
نوف : ههههههههه
ميثه : كان ايي حذالي ويلمس الفستان ويشرد ..
مديه : ههههههه هيه عسب جذه ياني ايقولليه ماما وياشر عليج عاده اونه شو هاه .؟. جان اقوله عروسه قالي علوسه قتله هيه ..
نوف : هو زايغ ايقول هالمنتفخ وهاي اللي قاعده فيه و حواليها ورد شوووووو؟؟
خليفه وهو ياشر على ميثه : هاذا قمر بعد شوووووه ..
ميثه : ياللوتي امايه ثره خليفه وايد لوووتي ..
عزه : ههههههه اللواته كلها فيه يعلني افداج ظاهر على ابوه ..
وان توه فاضل حادر عليهم الصاله
فاضل : بلاه ابوووووو ؟؟
عزه : هههه لا ماشي سلامتك ..
خليفه : ههههههههه يله رمسي..
عزه : مسود الويهه انته ماعليه ههههههه
خليفه : يله قووومي ..
عزه : وين حليلها اتقوم..؟؟
ميثه : يبانا انروح ناخذ الاثاث حق الصاله ..
عزه : هيه والله حليلها صالتكم خاليه مافيها شي ...
ميثه : شو نسويبه اقوله جان اثثتها انته من قبل ..
مديه : لا احلا يوم يكون من ذوقج قومي قومي دام انه بيوديج ..
ميثه : ههههههه خلاص ان شاء الله
وصدت ميثه على نوف
ميثه : نوف قومي تعالي معانا
نوف : هههه ميثاني تبين خلوف يذبحنيه طالعي طالعي كيف يطالعنيه . ويطالعج .
خليفه : لا والله ..
ميثه : ههههههههه لا تعالي امايه خليها اتي معانا ..
عزه : لا اشعنه اتخرب عليكم .. ابرايكم روحوا استانسوا ارواحكم اعنبوه توكم معاريس ..
ميثه : افا عليج اشعنه جيه اتقولون لا خلاص استوينا اجدام كملنا شهر هههههههه .. تعالي معانا
خليفه : وين بتسحبينها ؟؟؟
نوف : ههههه لا لا فديتج بنظهر انا وانتي اراوحنا مانبا هاذا يكون معانا وانا ماحب اكون عذول ..
ميثه : ههههههه خلاص خير ان شاء الله وراحت ميثه غرفتها وبدلت اثيابها ولبست واتعدلت ونزلت تحت ..
خليفه : ياويهج منو قالج اني بودييييييج هههههه
نوف : مالت عليك هب يايه ..
خليفه : هييييييه اتحراج بعد ..
نوف : ههههههههه ..
وخلاف ظهر خليفه عنهم وراح ياب البورش مالته من برع ووقفها جدام باب المدخل مال اليبت عسب تركب ميثه ونزلت ميثه وفتحت الباب وركبت ..السياره ..


خليفه : حبيبي سمعي من الصبح مجهزلج اياها ..
ميثه : شو اللي تباني اسمعه غناتي .. ؟؟
خليفه : فديت اللي ايقول غناتي انا فديييييييته .. محلاته ومحلات اعيونه الحلوه .
ميثه تبتسم حق خليفه وتنزل اعيونها عنه
خليفه : بعدج تستحيييييييين
ميثه : ههههههه طول عمريه
خليفه : فديتج احبج والله انيه احبج يله سمعي . اهديج هالاغنيه من عرووووق قلبيه ..
ميثه : هههه مره وحده ..
خليفه : هييه نعم ..




ايه احبك هاذا حظي اللي انكتب **دربي اللي امشيه وادريبه تعب
ايه احبك وانته في عيوني سهر **وانته وسط القلب حرات وخطر
بس احبك هاذا حظي اللي انكتب **ودربي اللي امشيه وادريبه تعب
اشوف الناس في عيوني ومن بدهم اشوفك غير **واحس مثلك فهالدنيا ابد مايصر
في عينك سحر ياخذني **ويخليني معاك اسير
واحس عمري وقف عنك **وايامي وراك اتسير
يادمعة عين في فرحي **ودمعة عين في احزاني
ياحب تالي العمر اهلا نطرت اسنين لي جاني
بشيلك في وسط عيني **يااغلى حب لقاني
في قلبي يافرح قلبي**وشبابي اللي رجع ثاني


<a target=_blank href="http://song1.ozq8.com/music/gulf/saudi/aseel/ram/aseel72.ram" target=_blank>http://song1.ozq8.com/music/gulf/sa...ram/aseel72.ram</a>



وطول مالاغنيه كانت تشتغل كان خليفه ماسك ايدين ميثه ويوم يا المقطع اللي يقول فيه في عينك سحر ياخذني **ويخليني معاك اسير **واحس عمري وقف عندك **وايامي معاك اتسير .. رص علي ايدها بقووو

ميثه : هههههههه خلوفي ..
خليفه : اعيونه ..
ميثه : ههه يديه .
خليفه : اموت فيج . والله ..



الصبح
عزه :يله يله عبد السلام اعنبوك تعال اذبح هذيله الذبايح ..
عبد السلام : زين ماماه ان يجيب سجين الهينه بيجي يسوي موت هاذا بكريه ..
ميثه : هههههههه صباح الخير امايه ..
عزه : مرحبا فديتج صباح النور
ويت ميثه حبت عزه على راسها ..
عزه : يعلني افداج حبتج العافيه ..
ميثه : الله يعافيج .. اشعنه ياامايه واعيه من وقت ..
ميثه : هب من وقت ولا شي انتي اللي شو تسوين اهنه انا ادري انتي يعيبج اتعبين عمرج يله يله ماشي حدري داخل .. ويايه ..
عزه : يامايه مابيعرف يذبحهن ..
ميثه : اعنبوه اول مره يذبحهن ابرايه بيذبحهن حدري انتي معايه محد عنديه في الصاله اممره روحي يله انروح امايه عاده ..
عزه : ان شاء الله يعلني افداج يله وخلاف راحت عزه مع ميثه في الصاله وقعدن اشويه لين العصر .. والعصر حدرن كلهن المطبخ وميثه كانت توها واعيه من الرقاد.. وراحت سيده المطبخ . وقعدت اتساعدهم وعزه كانت محتشره عليها لانها ماكانت تباها اتحدر المطبخ وهي تمت مصره الا تحدر وتسوي معاهم شي .. ووقت العزيمه
عقب صلاة العشا .. ين الحريم .. يرانهم وخوات عزه وخوات فاضل وحريم اعيالهم وانترس بيت فاضل ماشاء الله وشمه من المغرب كانت عندهم.. ودخل خليفه الغرفه وشاف ميثه قاعده تتعدل كانت لابسه هيج المغربيه البطيخيه وكانت قاعده اتعدل الورده اللي رابطه فيها شعرها... وكانت حاطه ميك اب بطيخي وكان ظاهر عليها روعه ..

خليفه : السلام علييييييييييكم
ميثه : وعليكم السلام هلا ..
خليفه : فدييييييييت الحلو انا ياربي فدييييييته ميثوه لا لا ماشي مابتنزلين جذه حق الحريم ..ماشاء الله عليج ماشاء الله عليج ..
ميثه : هههههههه حرام عليك ليش عاد ..
خليفه : لا لا ماشي عوذ بالله تبينهن يحسدنج لا لا ماشي ..
ميثه : عمرري عاده الحريم منن الصبح تحت في الميلس ومايستوي انا اخر من ينزل يله يله خلني انزللهن.. خلاف خلاف بنتفاهم.. وراحت عنه ومسكها من ايديها ..
خليفه : لا ياحلو العب غيرها مافي مافي انتي تتدرين انيه انا ماعندي حد غيرج مابتنزلين عندهم جذه انا قلت لا يعني لا ..
ميثه : اهييييي اهيييي حرام عليييييك ..
خليفه : مابينفعج هالدلع انزين تبين تنزلين ..
ميثه : هييييييه ..
مسك خليفه الكلينكس وقعد يمسعح الاي شدوو اللي كان على ويها
وهي اتصارخ عليه : لا لا حرام عليك لا تخربه ..
خليفه : ماخربته بس خففته .
ميثه تتطالع في المنظره : انزين انزين خلاص جيه اوكيه ..
خليفه : اعرف لو مسحت المكياج كله بتظهرين قمر .. شسوي ماقول غير الله يحفظج ... ومسكها وحبها على راسها ..
ميثه : يله عاده .. تعال انته شو ياببنك فوق ..
خليفه : ماشي اممم اتولهت عليج وييت ابدل كندورتيه فاضل ولد عاشه كان قاعد ياكل كافي وحط ايديه عليه ..
ميثه : ههههه فديته وراحت ميثه صوب الكبت وظهرتله الكندوره وخلاف نزلت عنه تحت عند الحريم وقعدت معاهم . والحريم كلهن كانن يرمسن عن جمالها وذوقها ورقتها وطيبها ... واسلوبها مع عمتها ..


انتتتتتتتتتهي الجززززززززء ...&#60;&#33;-- / message --&#62;



</p></font>