صبرت ولا قدرت اصبر واتحمل اني اعيش العمر من دونك

[دمعة شوق]

<font color='#8D38C9'><p align=center><font color=#ff0000>الجزء التاسع والعشرون</font>


مرحوم ياقلب قضى ضاوي الشوق *** عسى المطر يسقيك ويلمل الارمال ...
قضيت في الدنيا طريقين وملحوق *** اصرخ ورا اللاهي ساق الاحاق سوق ...


انجلبت السياره يبابر على الرمل ومر واحد وشاف الحادث واتصل في الشرطه ونزل لين عند سيارة يابر وشافه طايح على الارض والحمد لله انه مافيه شي غير انه ايديه انكسرت مع انه السياره اللي يشوفها ايقول مستحيل اللي فيها يكون عايش لكن الحمد لله بقدرة قادر انه الله امد في عمر يابر ..

الريال : رب ماشر طمني علييييييييييك .؟؟
يابر : ايديه تويعنيه المووووووووت الموووووووووت ..
الريال : ياريال الحمد لله على سلامتك اللي يشوف السياره ايقول انك مستحيييييييييييييييييل اتكون حي ...
وساعد الريال يابر على انه ينش من المكان اللي كان طايح فيه وركبه معاه سيارته عسب ايدويه المستشفى ..
يابر: مارووم يديه وووويع ويييييييييييع مووووووت ..
الريال : ياريال ان شاء الله ماتكون مكسوره انه شاء الله تكون رضه ماعليه اتحمل اتحمل قربنا شويه من المستشفى ..
وصلوا المستشفى ونزل الريال مع يابر ودخلوه الغرفه عسب ايجبسون له ايديه واتصل الريال بالشرطه وقالهم انه هو اسعف يابر وهم فنفس الوقت طرشوا سياره كبيره عسب تشل سيارة يابر اللي كان الامل مفقود انها تتصلح .. او اترد نفس ماكانت .. وخلاف حدر الريال على يابر وقاله يعطيه اي حد من رقم هله عسب يتصل فيهم وايخبرهم عنه .. وشكر يابر الريال وايد و حلف عليه بغدا عندهم وظهر الريال من هل دبي وخذ يابر رقم الريال واستاذن الريال منه لانه كان رايح صوب حرمته بتربي في المستشفى . ولا كان بيوصل يابر لين بيتهم ويابر حلف عليه انه بيروح وقاله انه بيتصل في اخوه وبيي يشله مسك يابر تلفونه واتصل في خليفه ..


الساعه 3


خليفه وميثه كانوا نايمين هالوقت وزعج خليفه صوت تلفونه اللي رن اكثر عن مره ويوم فتح اعيونه شاف يابر يتصل بك . نش خليفه ونشت ميثه ..
خليفه : يابر بسم الله خير .
ميثه : رد علييه ..
خليفه : الووووووو ..
يابر : الووو ..
خليفه : انته وين ؟؟
يابر : انا في المستشفى مسوي حادث ...
خليفه : شووووووووو ؟؟؟؟؟ اي مستشفى ومتى سويت الحادث شو صار قووووووول ..ومنوه وياك ؟؟
ميثه منصدمه وتتطالع خليفه : هااااااااااااااا شو بلااااه ؟؟
يابر : انته تعال المستشفى محد معايه روحي ..
خليفه : قول شي فييييك ..
يابر: يعني بالله عليك شي فيه بدق اكلمك .. يله تعالليه انا في مستشفى الفلاني ..
خليفه : يله الحين ياي ..
ميثه : تعال خبرنيه شوووووو ؟؟
خليفه : لا تخافين روحه مافي شي ماعرف شو استوابه بروح اجوفه وبكلمج .. انتبي برايج ارقدي ولا تخبرين حد ... عسب مايتروعون عليه ..
ميثه : خليفه دخيلك اول ماتعرف عنه اي شي طمنيه ...
خليفه : ان شاء الله ان شاء الله وراح خليفه ولبس كندورته .. ونزل تحت شاف ريسه مع نوف قاعدات اللي يوم شافوه انصدمن .
نوف :وين رايح هالوقت ؟؟
خليفه مشى عن نوف وهو اصلا كلان مستعيل فما عطاها كلمه لحقت وراه بس مالحقت عليه لانه ركب سيارته بسرعه وراح ..
ريسه : هاه شوووووووو ؟؟
نوف : رووووووح عنيه مالحقت اعرف منه شي .. ياويييييييييييلي ليكون ميثوه فيها شي ..
ريسه : هاااااااا.
ونشن هنتيناتهن يترابعن على الدري رايحات صوب ميثه دقن على ميثه الباب وفتحت الهم ..
نوف : بسم الله عليج شو بلاج .؟؟
ميثه : مافيه شي اشعننننه ؟؟؟
ريسه : عيل خليفه وين رايح وكان مستعيل كلمته نوف ولا رد عليها شو مستوي انا قلبيه قارصنيه شو ؟؟
ميثه : شو اقولكم .؟؟
نوف : قوولي ؟؟ شوووووو ..
ميثه : توعدوني ماتخبرن حد ..
نوف : ميثه قوووولي ...
ريسه : وعد ..
ميثه :يابر مسوي حادث وراح خليفه ايشوفه في المستشفى ..
انصدمن نوف وريسه من هالكلام اللي يسمعنه . وريسه تمت ساكته تتستوعب اللي سمعته ..
نوف : شووووووووووووووووووووو شو فييييييييييييييييييييه ؟؟؟ شي استوابه ..؟؟
ميثه : لا تتروعين هو روحه اللي متصل في خليفه .. يعني مافيه شي يمكن رضوض ولا كسر ولا اي شي بسيط ..
نوف : لا ياميثه هاذا اخويه يمكن فيه شي ..
خليفه : قالي اول مابيعرف عنه شي بيتصلبيه .
نوف : ان شاء الله خير ان شاء الله خير . وخلاف صدن ميثه ونوف على ريسه اللي كانت اتصيييييح ..
ريسه وهاي شاله تلفون ميثه اللي كان على الطاوله واتصييييييح : ميثه ميثثثثثثثثثثثثثثه دخيلج دخيلج دقيله دقيله جوفي شو اللي فييه ارجوووووووووج ميثه اتصليبه ماصدق ماصدق فيه شي فيه شي قلبيه ايقول فيه شي ااتصليله ميثه ادخيلج وقعدت اتصيييييييح ..
نوف كانت تتطالع ريسه منصدمه ودمعت عينها ..
ميثه : ريسه مافيه شي صدقيتي مافي شي ..
ريسه : ميثووووووه ارجووووج دقيله دقيله ... بموووووووت بموووت حسي فيني حسي ..
ميثه : ان شاء الله خلاص ريسه خلاص .. وشلت ميثه تلفونها واتصلت بيابر .. وقالت ريسه حق ميثه انها اتحط التلفون على السبيكر عسب تسمعه وتتااكد ..
يابر شاف رقم ميثه استغرب : الووو ..
ميثه : يابر شو فييييك ؟؟
يابر : مافينيه شي . شو اللي موعنج لين الحينه ..؟؟
ميثه : قولليه شو اللي فيك شي يعورك شي استوا فيك ..؟؟
يابر : لا الحمد لله مافيني شي بس مجرد كسر في يديه ...
ميثه : احلف ..
يابر: والله العظيم ..
نوف : عطيني عطيني اكلمه ...
ميثه : يود نوف تباك ..
نوف : الحمد لله على سلامتك شو فيك ؟؟
يابر: مافيه شي بس كسر بسيط في ايديه ..
نوف : احلف ..
يابر: والله العظيييييييييم مافيه شي شو فيج .. العوار اللي انا فيه في قلبيه هب في ايديه العوار اللي في قلبيه قوي يانوف قوي يموووووووووت يمووووووووووووت ..قوووووووووووووي ..
نوف وهي تتطالع ريسه : خلاص يايابر رد البيت انته الحينه ..
يابر: خلاص برايج باي ..
وفي هالوقت قعدت ريسه اتصيح بصوت عالي : انا السبب والله انا السبب انا السبب في الللي استواله هو ايحببببببنيه وانا احبه كيف قدرت انكر هالحب اللي لي في قلبه كيييييييييف انا احبه والله انيه احبه هو كل شي في حياتيه انا السبب انا اللي خليته ايسوي هالحادث انا لو مارديت انا لو ماقتله الكلام اللي قتله اياه جان ماستوا كل هاذا جان ماظهر وهو معصب وسوا هالحادث .. اسمحلي يالغااااااالي اسمحللللللللللللي .. يعلني مت قبل لا اقولك هالكلام ليتني ياليييييييييت ياحبيبي ياحبييييييييييبي احبك والله انيه احبببببببك والله والله وقعدت اتصيح وقعدن ايهدن فيها نوف وميثه ..
ميثه : شو السالفه ؟؟ وقعدت نوف اتقول السالفه حق ميثه ..
نوف : ريسه انتي مالج خص كل اللي استوا بامر الله ..
ميثه : بس الكلام قوي ويعور القلب مهما كان جذاب ماكان المفروض انه يسمع كل هالكلام ..يابر اول مره ايحب وحبج انتي .. انتي ماتشوفينه شو ايقول وشو يسوي مستحيل انه انسان جذاب يذكرج في غيابج وصدت على نوف انتي ماقتيلها هو شو يقول يوم ايكون قاعد روحه ماقتيلها
ريسه : اباه يسامحني قولوله يسامحني ..
وفالهوقت الكل كان يتحرا انه يابر سكر بس نوف من سمعة ريسه اتصيح نست التلفون وحطت في بالها انه يابر سكر.. يابر كان توه بيحط صبعه على الزر اللي يسكر لكن يوم سمع صوت وحده اتصيح تم عالخط وسمع كل الكلام اللي قالته ريسه .. وتمت عيونه تتدمع وبالهوقت حدر عليه خليفه ويوم شاف خليفه سكر التلفون ..
خليفه :بسم الله اشعنه اتصييييح شو قالولك .. اجوف اجوف شو بلاها ا يديك ..
يابر : مافيني شي مافيني شي ..بس ايديه المكسوره .. بس قلبيه ..
خليفه :اشعنه دموعك في عيونك اشعنه .. ؟؟؟؟؟؟؟؟ شو بلااه قلبك .؟؟
يابر: قوم خلنا انرد البيت في السياره بخبرك ..
خليفه : لا جب الحينه اتقوليله قووووول .
يابر: قوم انته الحينه انا خلصت كل اجراءتيه قوم خلنا نظهر اللي يغربل المسشفيات مادانيهن ..
خليفه : بترمس ولا اكسر الك ايديك الثانيه ..
يابر وهو يمسح دموعه بالكلينكس اللي في ايديه : ههههههههه خسك الله ..
خليفه: قوووووووول ..
يابر:
ملك روحي و نبض القلب وتحكم ..يابو دعي في تفكيري و وجداني&#33;
فريدن فل حسن من نظرته يسحر.. حلو غظ الصبا والعود روياني&#33;

خليفه :ريسه هااااااه ..
يابر : عذابي في دنيايه .. شقايه في حياتي
خليفه : اقول اقول قوم خلنا نركب السياره .. انته يوم بتشوفها بترد حالتك انته الحينه اسمحليه عقلك هب في راسك نش ننننش ..
يابر : يله روحنا ..
ونشوا خليفه ويابر وركبوا سيارة يابر وراحوا صوب البيت اللي في البحر .. ويابر طول الوقت كان مستانس وفرحان ..
خليفه : بتخبرنيه السالفه كلها ولا لا .. الحينه انته ..؟؟
يابر: بس بغني اغنيه وحده ..وخلاف بخبرك ..
خليفه :وقته يعني ؟؟ ؟.... صدق انك فاضي ..
يابر: عن خاطريه ..
خليفه : ليكون انته مشارك في برنامج سوبر ستار ونحن ماندريبك ..وانا اللجنه جدامك ..
يابر: خلوووف عاده يله ..
خليفه :غن .. شنسوي بالخبايل غصبنا عنا نتحملهم ..
يابر: هههههههه يالسبال من الصبح طايحبيه طيحه ..
خليفه : عم نمزح معك خيووو .. ايه لككككن . غن غن لافرك من الجامه الحينه ..


يابر :


قالت احبك يا يابر قلت من قـــــــــدي
هالكلمه هاذي تموتني وتحييــــــــني
قالت احبك وكانت سبحتي بيــــــــدي
من دون ما اشعر بها طاحت من إيديني

***
كنت احسب ان الليالي كلها ضـــــــدي
من قبل ما هي تجي في عينها عيــني
واليوم عايش معاها في عمــــــر وردي
واموت انا في حبها وتموت اهي فيني

***
كل مره تقول لي لو تدري بـودي
او تعرف شقد احبك يا مهنيـــــني
ان كان عشت الدقايق كلها عندي
ماكنت لحظه بلاشوف تخليــــــني

***

كانت تنادي باسمي لو هي بحدي
وتحط بعض الحواجز بينها وبـــيني
واليوم لما تبين سدها وســــــــدي
من دون كلمة حبيبي ما تناديــــني


خليفه : ههههههههههااااااي لا والله عيل انا ماجوف مصباح في ايديك ... جوف بتقول ااسالقه ولا انزلك اخليك اتروح لين بيتكم مشي ....
يابر: هيييييه هييييييه خق عليه بالهبورش مالتك ..
خليفه : يله قوووول ..
يابر : انزين .. وقال يابر كل السالفه حق خليفه .. وخلاف وصلوا البيت وراح خليفه عند حرمته وحدر يابر الصاله شاف نوف ويا ريسه قاعدات ... ويابر كان يبا يقهر ريسه واونه ماسمع شي وبعده زعلان عليها .. وعلى الكلام اللي هي قالته ..
يابر : السلام عليكم ..
نشت ريسه وحطت غشوتها على ويهها : وعليكم السلام ..
نوف : وعليك السلام .. الحمد لله على سلامتك .. ماتشوف شر .وربعت نوف اتوايهه خوها ..
يابر : الشر ماييج ..
وتوه بيتحرك عنهم صدت عليه ريسه اللي عيونها كانت مليانه دموع تحت الغشوه دموع ندم واسف على اللي سوته لو استوى به شي مابتنسى اللي سوته فيه طول العمر : يابر ..
صد يابر عليها وهو معقد حياته : نعم في كلام ثاني تبين اتقولينه .. وماقلتيه .؟؟
ريسه وصوتها رايح من كثر الصياح : اسمحليه اسمحليه ادري انه هالكلمه مابترد اي شي لو صار فيك شي بس انا اطلب منك السموحه . وخلاف ربعت عنه وتوها بتحدر غرفة نوف اللي كانت في ويهها ..
يابر : ريسه ..
ريسه وهي تلف ويها صوب يابر :نعم ..
يابر : احبج ..
ريسه : ................... نوف عمري مافكرت اني احب حد بس انا احببببببج . وحدرت في الغرفه وسكرت الباب وراها ..
يابر مات من هالحركه اتخبل ظهرن اينونه ورفع ايديه الثانيه اللي هب مكسوره وضرب راسه فيها : ااااااااخ وعض على شفايفه ..
نوف : ياوييييييييل حالي انا قيص وليلى والله ياليتني يبت الكيمره عسب اصوركم ..
يابر: اليووووم لازم لاااااااااااازم ..
نوف : شو هو اللي لااااازم ..
يابر: بتعرفين عقب ..
نوف : شو انزين لا ماريد اريد اعرف الحينه يله ..
يابر: سيري ارقدي .. وبتعرفين عقب اشعنه قرصج نيي .. ؟؟
نوف : امممممممم يله اوكيه ..
وراحت نوف غرفتها اللي كانت فيها ريسه وقعدت اتسولف معاها وخلاف نامن ...

الخميس
الساعه 10 الصبح
في غرفة يابر ..

نش سلطان وجاف يابر حذاله راقد حاظن ايديه المكسوره وحاطنها في حظنه وشكله كان يعور القلب ..
سلطان وهو ميت من الروع على يابر: يبوووور حوووووووووو.. نش نش ..
يابر: ياريال برقد ..
سلطان : نش نششش شو ترقد .. شو بلااها ايديك وحط سلطان ايديه على ايد يابر..
يابر: لاااااااا اااي اي تعور ..
سلطان : شو ابلااك البارحه راقد ويايه مافيك شي ..؟؟؟؟؟؟؟ شياااااااااك ؟؟
يابر: ماشي البارحه نشيت يوعان سرت المحطه مالت البترول وسويت حادث ..
سلطان : احللللللللللف ..
يابر: والله العظييييم ..
سلطان : واشعنه ماوعيتنيه اروووح معااااااااك؟؟
يابر: ياريال مابغيت ازعجك ...
سلطان : ماعليه يالهرم ماتبا تزعجنيه لو انا وياك جان ماستوا فيك شي ..
يابر: ياريال كل بارادة الله ..
سلطان : والنعم بالله .. خبرني كيف سويته الحادث ..
يابر: ماشي كنت مسرع على الدوار وخلاف انجلبت ابيه السياره قلت خلاص انا موتي قرب قعدت استشهد بس ربك انا ماستوا فييه شي الا ايديه والله اللي يشوف الاكس فايف مالتيه ياريال مستويه خرا خرا .. لو تشوفها بتقول مستحيل انه اللي فيها بعده عايشه .. ابدا مول مافيها امل انها تتصلح اتكنسلت بالمرررررره ..
سلطان : ياريال تفداك الف سياره .. المهم سلامتك ...
يابر: هيه والله .. الله يعينيه الحينه على حشرة عيوزي ..
سلطان : يالللللله ههههه حليلها . قوم قوم خلنا نلعب بالسكوتر ..
يابر: ياريال تبا تقررررررررهنيييه اي سكوتر وايديه جذه ..
سلطان : هههههههههه يابوك اسمحليه السموحه السموحه وحبه على راسه ..
يابر: هههههههه ياله حبتك العافيه ياولديه ..
سلطان: هههاااااي عشت الدور شووووووو ؟ قوم انا بنزل اجوف منوه بيعلب معايه وانته اوقف مشجع ..
يابر: لا يابوك اشعنه تبون تقرهونيه ماروم ماروم انا ..برقد انا خلوف تحت روح العب معاه ..
سلطان : نش ننننننننش ماشي ارقاد ..
وشويه رن تلفون سلطان
سلطان : حييييييبه الشيوووووخ ؟
يابر: ها ه وحده من الغراشيب ؟
سلطان : ياريال اخويه ..
يابر: ههههههههه اوكيه اوكيه ..
منصور: الله يحيك ؟ شحالك ..
سلطان: ابخير وسهاله انته اعلومك ..
منصور: اعلومي ماتسر العنود داقنها ويع وعقب شويه بوديها المستشفى وهي ماتبا اتروح من دون امايه ..
سلطان : احلف .. هب جنها مجدمه امايه اتقووليه الاسبوع الياي ...؟؟
منصور : ياريال الله رايد .. ...
سلطان : خلاص خير ان شاء الله برمس امايه وبيبها صوبكم ...
منصور: يله تراني انا مول ماعرف شي فهالسوالف
سلطان : ان شاء الله ان شاء الله .. وسكر سلطان عن منصور
يابر: خيييير ..
سلطان: حرمة اخويه بتربي ولازم امايه اتروحلهم ..
يابر: افا ماستانسنا وياكم ..
سلطان : ياريال وين بتستانس وايديك مكسوره ..

وشل سلطان تلفونه واتصل في امه وخبرها وماتت ام حمدان من الروع على العنود لانه العنود محد عندها وبعدها صغيره ماتعرف حق هاي السوالف استسمحت ام حمدان من عزه وخبرت ريسه اللي كانت قاعده مع ميثه ونوف في الصاله .. انها اتحط اغاراضها لانه بيرحون العين .. وركبوا سيارة سلطان وردوا العين .. وطبعا يابر كمل رقاده ومانزل تحت ..



الساعه 1 الظهر ..


نزل يابر يتغدى وعزه مع ميثه وشمه وعفراء واليازيه ونوف قاعدين في الصاله .. وكانوا الحريم في الصاله يتغدون ..
يابر: هود هووووود ..
عزه : اهدا محد غريب . .
حدر يابر الصاله واول وحده شافته هي عزه اللي شهقت من شافت ايديه وربعت صوبه ..
عزه : واااااااااايه شو بلاها ايديك ؟؟؟
يابر: عووووذ بالله شو ابلاج مافييه شي بس كسر بسيط ..
عزه : ومنوووووه شو ياااااك ؟؟
يابر: يالله يامايه ماشي البارحه كنت ظاهر الفجر يوعان ورحت المحطه مالت البترول اشتريلي اكل وسويت حادث بسيط ..
عزه : اشعنه تظهر فليل شو اللي مظهرنك نصوص الليالي ...؟؟
شمه : يله ياعزه اتحمديله بالسلامه الحمد لله على سلامتك ياولديه ..
يابر: هاه جوفي خالتيه ماسوتليه تحقيق شراتج اعنبوووووه الله يسلمج من الشر..

واتحمدوا حريم اخوانه له بالسلامه وقعدت عزه محتره تهزبه شويه وخلاف ودرته ايسير يتغدى ..



في بيت غيث الشامسي ..
الساعه 2 الظهر ..

العنود : عمتيه بموووووووووت ماروم اصبر خلاااااااص ..
ام حمدان : يابنتيه اتريي اهناك بيهلكونج في المستشفى روحيلهم وويعج حار اخير عسب تفتكين ..
العنود : عمتيه من البارحه فييه الويع هب رايمه اتحمل بموووووووت ..
ام حمدان: بسم الله عليج يله يله يامنصووور قوم ..
منصور: هاه هاه . ياي ياي
منصور كان يتغدى ونش من مكانه وغسل ايديه ووشغل سيارته ويت ام حمدان وييها العنود وراحت معاهم شمسه وخلت غيث عند ريسه ..ركبوا في سيارة منصور اليديده طبعا نسيت اخبركم انه منصور باع الكوبي لانه الحينه هب عزابي وخذله bmw 745 .. وراحوا سيده مستشفى توام .. ودخلوا العنود غرفة الولاده . وام حمدان كانت معاها في الغرفه تدخل وترد تظهر تتدخل وترد تظهر .. لانه العنود وايد كانت تتويع وتصارخ ..
العنود: ابا امااااايه ابا امااااااااايه اااااااااااااااه عمتيه دقي حق امااايه دخييييلج ..
ام حمدان : ان شاء الله ان شاء الله ..
وظهرت ام حمدان عند منصور وشمسه اللي كانوا واقفين في الممر مال الولاده ..
ام حمدان: يابويه البنت اتصييح تبا امها ..
منصور: شو تبا امها امها متى افتكرت فيها ولا افتكرت انه عندها بنت .. ولو حتى انا اتصلت فيها مابتي ..
شمسه : ماعليه انته اتصل في امها حليلها ..
ام حمدان: يابويه كل ابنيه تتمنى انها اتكون امها عندها يوم اتكون في هالحاله وخصوصا يوم اتكون اول ولاده الها ...
منصور: انا بتصل في ختها وبخلي اختها تخبر امها .. .. وشل منصور تلفونه واتصل في اخت العنود وقالها انه العنود في المستشفى وتبا امها .. ونشت اخت العنود وخبرت امها اللي من عرفت راحتلها سيده المستشفى .. ووصلت ام العنود المستشفى وحدرت على بنتها غرفة الولاده طبعا حدرت من دون لا اتسلم على ام حمدان ومنصور وشمسه .. ولا جنهم واقفين ولا جنها اتعرفهم ..


في غرفة الولاده ..

العنود: اماااايه اماااااااااااايه ..
شيخه : الحينه تبين امج هاااااااااه ؟؟
العنود : امايه الحقي عليه بموووووت اااااااااااااه اااااااااااااااااه ..
شيخه : انتي اللي بغيتيهم اتحملي اللي ييييج ..منهم ..
ام حمدان: شو هالرمسه يايبنيج اتعينين البنت ولا تزيدين عليها الويع الف ...
العنود : امايه بس بس دخيلج انا في حاله ارحمييييييني ..
شيخه : تتادبين انتي ياهل اشلج في الربى والبلاا ...
العنود: خلاص امايه روحي دخيلج روحي ..
شيخه : لازم بتتطردييييني .. يعلج ماتهنين في دنياج ..
ام حمدان : حرام عليج انتي ماتحسين مافيج قلب .. اعنبوه وظهرت شيخه عنهم ..
العنود تمت اتصيح : عمتيه سامحييييييني سامحييييني ياعمتيه ..
ام حمدان: مسموحه يعلني افداج .. بس يابنتيه لا اتصيحين والله انج قطعتي قلبيه .
وخلاف شمسه سمعت عنود اتصارخ وحدرت عليها وقعدن ام حمدان وشمسه ايهدن فيها ومنصور طبعا ميت من الروع عليها برع .. ويسمعها يوم تتطري الموووووووت .. وتمت 3 ساعات بس تتويع طبعا هاذا كله بسبب امها اللي ماهتمت في بنتها اللي قعدت تتدعي على بنتها واذا الام هب راضيه عن شي ترا مايستوي والكل ايعرف كم يسوا دعاء الام حق بنتها يوم اتكون في هالحاله بس للاسف وين القلب ؟ ؟
العنود : ااااااااااه ظهروووه مابااااه بموووووووووت .. سستر الحقينيه .
ام حمدان كانت واقفه على راس العنود تقرا عليها .. وشويه وربت العنود ويابت بنت وظهرت شمسه اللي اعيونها متروسه دموع على العنود لين ماربت ..
شمسه : مبرووووك مبرووووووك ..
منصور والدمعه في عينه : الله يبارك فيج ربت ؟؟
شمسه : هيه نعم ويابت بنت تتربا في عزك ان شاء الله ..
منصور: فديتها يعلني افداها .. ابا اشوفها .
شمسه : الحينه هاه تبا اتشوفها ومن الصبح انحايلك اتحدر عليها متروع ..
منصور: والله ياشمسه انها ماتهون عليه ..
شمسه : ياله ولد خالتيه ثره قلبه رهيف .. وحنون .. ههههه يله يله احدر ..
منصور: الله يقطع سوالفج وحدر منصور على حرمته ويوم شافته ام حمدان باركتله وظهرت عنهن عسب ياخذ راحته مع حرمته اما السستر شلت الصغيرونه عسب اتسبحها ..
منصور: فديييييييييتج فديييييتج ..
العنود وشكلها ميت من التعب والصوت رايح من الصريخ : مبروك عليك ماياك ..
منصور: وينه الحس وينه ..؟؟
العنود : احم احم واختفى الصوت ..
منصور: هههههه وشو هالاخضر اللي على خشمج ..
العنود وهي تاشر على الاكسجين .. طبعا هو مايبين على حد بس كان يبين على العنود لانها كانت وايد بيضا..
منصور اتقرب منها وحبها على راسها : احبببببببج ياغناتي والله انيه احبج ..
وقعد شويه عند حرمته وخلاف ظهر عنها عسب ترتاح شويه وترقد وهو ظاهر رايح صوب الاستراحه اللي كانوا قاعدين فيها شمسه وام حمدان عسب ايوديهن البيت يرتاحن وبييب ريسه المستشفى عسب تقعد مع العنود اليوم ... وهو يمشي شاف وحده تمشي في الممر ..
الحرمه : منصور ..
منصور لف ويهه عليها وقعد يدقق في الملامح ......



انتهى الجززززء ..
ظنكم شو اللي بيسويه يابر ؟؟
ظنكم منوه هاي اللي شافها منصور ؟؟؟&#60;&#33;-- / message --&#62;


</p></font>