صبرت ولا قدرت اصبر واتحمل اني اعيش العمر من دونك

[دمعة شوق]

<font color='#000F22'><p align=center>الســلام عليكم
...

هتووونه الحلوه

تسلميين عزيزتي ع التواصل
واليوم ان شاءالله بحط التكمله
...

همس الحبايب

الرايد

علايه

مرحبابكم زووود والله

وأشكركم ع التواصل وان شاءالله اليوم بحط التكمله
...


</p></font>

[دمعة شوق]

<font color='#000F22'><FONT color=#000f22>
<P align=center>تفضــلوا
...

الجزء الواحد والاربعون

<FONT color=purple>
ياويح قلبن مالقى من يداويه *** ياوجد نفس صالي الشوق فيها
كثرت على القلب المعنا بلاويه *** دنياي ماجتني على ماشتهيها ..</FONT>

في سيارة خليفه
الساعه 6

خليفه : .............. شو اطلقها كيف اطلقها وانا وانا ا ...
حمده : وانته شوووو ؟؟ ليش انته ماتبا اتخطبني ... ؟؟
خليفه : لا ابا اخطبج بس ماله داعي اطلقها عادي بتكونين حرمتيه الثانيه ...
حمده : اسفه مابا حد ايكون على ذمتك الا انا حبيبي يعني انا احبك ومن حقي اني اكون الوحيده في حياتك ..
خليفه : ان شاء ان شاء الله .. اللي تبينه ...
حمده بخبث: هيه خليفه جيه اباك اتكوووون الكلمه اللي اقولك اتقولي ان شاء الله فيها ..
خليفه وتعب الدنيا في صدره : ان شاء الله ..
حمده : شكلك تعبان ؟؟
خليفه : والله شو اقولج وايد تعبان ... وحاس انيه انسان بس بجسد احس كل شي اتغير فيينيه بين يوم وليله ..
حمده مرتبكه : هييييه هيي اجوفك يله الله يعينك ويهون عليك .. وخلاف راحوا المطعم وتموا يتمشون لين الساعه 8 فليل وخلاف وصلها بيتهم ورد هو البيت ...



في بيت فاضل القبيسي ..
الساعه 8 وربع فليل ..

عزه وريسه ونوف وميثه ومديه وعاشه وبنتها وعفراء وبناتها واليازيه وشيخه وبنتها.. الكل كان ايسولف ..الا ميثه اللي عقلها هب في راسها قلبها يتقطع وحالتها هب حاله ... والكل كان ملاحظ عليها هاالشي ... ميثه كانت شاله مهره واتلاعبها ...
شيخه اتصاصر ريسه : شو ابلاها ميثه .. ويهها مصفر وشكلها تعبان .. ؟؟
ريسه : والله ماعرف .. بس اشوف نفس اللي اتشوفينه وساكته ومااقول شي ..
شيخه : اعنبوه انتي خالتها .. طالعيها حليلها يمكن شي ايعورها ..
ريسه : حاوت .. بس ماطاعت اتخبرنيه انا اظن انه شي بينها وبين ريلها ...
شيخه : بعد انا لاحظت هالشي انه في شي بينهم .. وخليفه وايد متغير.. يمكن شي بسيط وان شاء الله بيعدي ...
ريسه : ان شاء الله ..اتمنى والله
نوف : مهاري القطوه مياوووو ..
ميثه : قوليلها انا هب قطوه انا حلوه صح صصح حبيبي يالبي نونوووو ... ومهره تتطالعهم وتضحك .. وخلاف حطتها في القاري مالها ..
عزه : فديييييييت هالضحيييجه الحلوه ..يدووووه ويسلت عزه اتناغيها ..
عاشه : ولدنا ايغار عاده طالعوا كيف يطالعها .. هههههههه ..
ميثه : فدييييييت الشيووووووخ انا .. حبيبي والله .. اشعنه ايصيح هو من الصبح ..
عاشه : دلع بعد شوووووو كله يبا خاري ..
عليا : اخوووويه هياااااات غادي من الحينه ..
ريسه : هههههههه تعال بهييت وياك خاري ..
مديه : هيهاااء وينه ياااابر وييييينه .؟؟؟ ...
ريسه : هههههههه تبينه يتخبل ..؟؟؟
ميثه : هاتيه هاتيه وشلته وتمت واقفه به خاري جدام باب الصاله ع الدجه .. هاااااااه سكت جفتي ..؟؟؟ وتمت ميثه شاله فاضل وساكته وقلبها عند خليفه اللي ماتعرف وينه وكل ماتتصلبه ايسكر في ويههاومايعطيها ويهه ..
عاشه : يوووووووم اقولج يباها الهياااااته ..وبعدين شالتنه وحده ايموت فيها وماتبينه يسكت ..
ميثه : يعلني افداااااه فديييييته .
عفراء : ههههههه انتي وين فاره سره ؟؟يوم طاح ؟؟
عاشه : ههههههههه مادريبه .. ياختيه ؟؟
اليازيه : دامه في حالة ضياع وماتتدرين مالوووووومه يوم بيغدي جذه ..
مديه : ههههههههه لاحق ولديه حمود ..
نوف : هيه صح وينه ريلي ؟؟
مديه : ريلج راقد .. هب متفيج .. اونه اليوم بنسير بوظبي مول وبنلعب وبنودي ماما بتركب ويانا القطار انا الحينه ويهه قطار بالله عليكم ؟؟ ..
ريسه : هههههههههه ياله ياليتني هب حامل جان سرت وياه ووديته ..احيد يوم كنا في سويسرا رحنا الحديقه اللي اهناك ... احايل يبور عسب يركب اونه انتي مينونه طالعي مكبره اتخبلتي ولا شووووو ...
عزه : واكيد ركبتييييه ..؟؟
ريسه : ههههههههه هييه عيل بخليه .. يامايه ركبته ..
عزه : ع الدنيا سلام زاد انه متخبل ..
موزه : هب جنكم من الصبح اتحطون على عميه فديييته وانا ساكته ..هههههههه حليله تلقطونه الحينه كل ساعه ايغص ..
ريسه : هههههههههه .. بسم الله عليه ..
شيخه : هاه هاااه الحيييينه غالي .؟؟؟
ريسه : ههههههه من بونه.. يعلني افداه غالي ومايرخص غلاه بس اتعرفين انتي شوية الدلع ..
نوف وهي رايحه صوب الدجه وين ماميثه كانت شاله فاضل وواقفه به : هاااااااه استانست ..؟؟
صدت ميثه وابتسمت الها لكن اختفت هالابتسامه من جافت خليفه حادر بسيارته البيت ونوف لاحظت عليها هالشي وكانت ميثه اتقول في خاطرها الحيينه ييت الحينه افتكرت انه عندك حرمه تتخبر وتسال عنها الحيييينه .. اه ياقلبي من وين بلقاها ياربيه كيف استحمل وانا اتعذب ياربيه ارحمنيه انا صدق امووت وتمت واقفه والخنقه عابرتنها .. ومنزله اعيونها ع الارض ..
خليفه : السلام عليكم..
نوف : وعليكم السلام ..
ميثه : وعليك السلاموالرحمه ..
تم فاضل ماد ايديه حق خليفه يضحكله و خلاف شله خليفه ويت ايديه على ايد ميثه وهو يشل فاضل من عندها تم ماسك ايدينها وهي منزله اعيونها ... وهو يحس انه في عالم .. شل اييديه عن ايديها وشل فاضل وحدر الصاله ...
نوف وهي تبتبسم بخبث : احم احم ...
ميثه بحزن : وايد عليه ..
نوف : شو قصدج ..؟؟..
ميثه : ماشي سلامتج تعالي انحدر داخل ..
وحدرن ميثه ونوف ..
كان خليفه قاعد حذال اخته عاشه ..
عزه : وينك يابويه محد ايشوفك .. وشو ابلاه ويهك مافيه حياه .؟؟
خليفه : ماشي سلامتج من الشغل اشويه تعبان ..
عزه : ماحيده الشغل جذه ايسوي بك ..
خليفه :هيهاااااء يله عاده يامايه دخيلج لا تعوريليه راسيه ..
عزه : اعنبوه ماجوفك شرات اخوانك يالس في البيت ولا جنه عندك اهل ولا حرمه ..
تم خليفه يطالع ميثه اللي كانت قاعده حذال شيخه والعبره خانتقتنها .. خلاف لفت ويهها صوب عليا بنت عاشه وتمت اتسولف معاها ..
يابر: سلللللللللللامن علييييييييهم ..
الكل : وعليك السلااااااااام ..
يابر: غرييييبه من وين ظاهره الشمس اليوم بو دعي يالس اهنيييه ماشاء الله االيووووووم .. دوميه اتخبر عنك ميثه اتقولليه محد ظهر ..
خليفه : شو عندكم عليه متفقييييين اليووم ؟؟
يابر: لا يعني اذا حاتيناك واتخبرنا عنك ..فيها شي ..
خليفه : لا مافيها شي بس ماحيد عمريه ياهل ..
يابر:محشوووووووم يابودعي .. بس اتولهنا عليك ..
خليفه : واييه فديت خشمك ..وراح اتخاشم مع يابر وخلاف يا يابر وقعد حذال ريسه ..
ريسه : اااااااخ ارتفع كف الميزان ..
يابر: اللي صوببببج..؟؟ههههههه
ريسه : ههههههاااي لا اللي صوبك ..
يابر: هوووووب شحالها شيخة بين الجسرين اجوفها مويمممممممه ؟؟ الشيخه عزه .. شيخة الغراشيب .. وراح قعد حذال امه ويلس يلعوزها ويحببها وهي تضحك عليه ..
عزه : يابويييه ايلس ههههههههه ههههههههه خسك الله عدوك من ولد ..
خليفه : ماعليه ياعزه ولدج اتكركرين وياه الا انا من اتشوفينيه واقعتييينيه ..
عزه : من اللي اشووووفه ..
خليفه : افااااا افاااااااااا .. وراح حبها على راسها ..
وخلاف اذن عليهم اذان العشاء وراحوا خليفه ويابر المسيد ايصلون ورد يابر وحدر البيت ..وراحت عزه اتصلي وراحت عاشه بيتها عسب اترقد ولدها اللي من اصبح وهو يصيح ..
ريسه : حبيييبي فضولي فديييت اعيوووونك انا يالبي فديته طالعي الدلع يالبي ع هاللسان الحلو ونشت وباسته ..
عاشه : ههههههههه محد امدلعنه الا حريم خواله هاذا يباله ضرب ..
مديه : ههههههههه حليله اسكن هاذا عن الضرب .. يله يله قومي خلينا انسير نرقد اعيالنا ...
وظهرن مديه وعاشه ووقفن عند الدجه الا بدشة يابر..
يابر: بوووو ..
مديه وهي تضربه ع جتفه : ياويهك روعتنيه ...
يابر: ههههههههه تعالي وين سايره تعالي شويه بنحط عليج ..
مديه : لا يابويه بسير ارقد اعياليه مابجابلك اخلاف امنوه بيرقدهم انته بتي اتقردهم ولا ولد عمك اللي من ايي سكتيهم ورقديهم ويلسي حذالي مايستوي عاده 3 اشياء في وحده ..
يابر: هههههه شو شامبو ؟؟ ادلنه بيتكم ..
عاشه : هيييييه ..
يابر: يله روحن له ..
عاشه : عيل شو بنسوي بنترياك ياويهك ههههههه ..
يابر: انتن شو ابلاكن على ويهيه اشعنه اتغارن منيه ..؟؟
عاشه : هههههههه امحق ليل طوفي طوفي يله انروح ..وروحن عاشه ومديه .. وتوه يابر بيحدر الصاله ..
يابر: هووووود ..
ريسه : اهدااااااا ..
يابر: فديييت من قال ..
ريسه : يوم اقوولكن .. هههههه ..
ميثه : حليله يزاته ... الحينه ؟؟
وحدر يابر وجاف ميثه تتطالعه وتبتسم بس ابتسامه بارده وهو حس انها متضايجه وفيها شي وبغا انه يضحكها ..
يابر: اشعنه تتطالعينيه ؟؟.. هههه جوفي لا اتقولليه وين ريلي .. ريلج بيقفل باب المسيد وبيي ..عاده انتي اتريي لين مايظهر اخر واحد ...
ميثه بابتسامه هاديه : هههههه ..
والا بدخلة خليفه عليهم ..
خليفه : السلام عليكم ...
الكل : وعليك السلام ..
عفراء : يله سمحوليه بسير اصلي وبتابع المسلسل الحينه بيحطونه ..
يابر: تعالي شي اهنيه تلفزيون وين سايره ..؟؟
عفراء : هيه الا عاده من هذربانك انته انا مابسمع شي .. يوم بيخلص بييكم ..
ميثه : اللي جفته وياج البارحه ؟؟
عفراء : هيه تعالي بنشوفه .. اندوج نسيت انه ريلج اهنيه يله ابرايج ..
ميثه بابتسامه هاديه وفي خاطرها ريلي اي ريل الريل اللي مايهتم فيني حتى شحالج مايقولي اا ه اي ريل ياحسرره : لا ماعليه عادي ..
خليفه : لازززززم بكون عندج عااااادي ..
تمت ميثه تتطالعه وخلاف نزلت اعيونها ف الارض وحركت راسها بمعنى الاسف وروحت قسمهاا ودموعها في عينها واقفه ..وتموا كلهم مصدومين من طريقة خليفه الكل تم يطالعه وخلاف يوم شافهم كلهم يطالعونه ظهر عنهم وخلاهم في البيت ...
نوف : والله انه مايستحي ولا يحشم ... وراحت تربع ورا ميثه ..
وظهر يابر ورا خليفه ..
يابر : خليييفه ..
خليفه : ايهيييييييه ..
يابر: انا الاحظ انك من كم يوم متغير مسوي البيت فندق اتي واتبدل وتلبس وترقد وتظهر هب مسوي احساب للي فيه .. اشعنه ماعندك حرمه تقعد وياها الها الحق انك تقعد وياها وتسال عنها واتراعيها .. وحرمتك حامل يزاتها لانها ساكته عنك تتدري عسب جذه انته داير ع حل شعرك .. جوف هب معناته انيه انا ساكت عنك معناته انيه انا ماعرف تصرفاتك وحركاتك .. خلووووف ودر عنك هالحركات لا تنسى انه البنيه اللي يالسه وياك وصابره عليك انك في يوم كنت تموت ع التراب اللي هي تمشي عليه وبتظهر روحك بس عسب تاخذها ومن عقب ماخذتها اتسير اترابعليه المزططه ..قوم كاسر مله ؟؟
خليفه : امنوه قصدك بكاسر مله ؟؟
يابر: اللي يسوى واللي مايسوى ..
خليفه : شو قصدك ..؟؟
يابر: حمده القبيسي ياخليفه سيرتك ع كل الساااااان ... في كل مكان معاها في الكوفيات في الشوارع في المولات .. ماتستحي شو بيقولون بيقولن اكيد هاي هي حرمته .. وانته عيني عينك عالملا ... بتخبرك هاي العنزه السارحه شو بالضبط.؟؟؟ انته تتنزل انها اتكون حرمتتتتتك .. هاي ماتم واحد في بوظلبي مارمسها ..وانته الصيده الاخيره ..طبعاااااا ...
خليفه : احترم نفسك ولا تيلس ترمس عن بنات الناس ..
يابر: انا محترم نفسيه بس حط في بالك ... ان ميثه اذا صبرت عليك اليوم وباجر واللي وراه مابتصبر عليك عقب اسبوع او اسبوعين انزييييييين ..
خليفه : الرب يرعاها ..
وروح خليفه وركب سيارته وحدر يابر الصاله وشاف ريسه اروحها قاعده في الصاله ..
ريسه : شو قتله اشعنه كنتوا اتزاعقوووون ؟؟
يابر: سبلان اخر زمن ..
ريسه : شو سالفته ..
يابر: ماشي .. شوووووو ؟؟
ريسه : حوووه اشعنه اتحط الحره فييينيه ؟؟ ..
يابر: لا غناتي انا اروم فدييييت روحج انا اممممممموااااااح ..
وخلاف حدرت الخدامه.. وجافت يابر.. ريسه قفطت تمت ماسكه يابر من كندورته صوب جتفه ومغمضه اعيونها ..
سوسن : ماما ..
ريسه : علج العوووق انتي وباباه .. ريسه وهي اتخوز عن يابر.. هاااااااا ..
سوسن : ماما هتي عشااا ؟؟
ريسه : هيه حطي ..
هزت سوسن راسها وراحت عنهم ..
ريسه : يالفضييييحه ..
يابر: ايييه حرمتيه شو فضييييييحته ..؟؟
ريسه : حرمتك في حجرتك هب جدام الملا ..
يابر وهو يسحبها من ايديها : اوكيييييه تعالي عيل بسير حجرتيه ..
ريسه : انقلع انقلع ههههههههه يالماصخ ادلهم ربعك وين ؟؟ في الخيمه ايلوس سير ابرك وياهم ..
يابر: انزين ماعليه ياريسوووه بتييييين ..
ريسه : هييييه مره مول عاده مايحتااااي ..
يابر : يوم اقولج احبج يعني احبج وحبها على خدها وروح ...
وراحت ريسه عند قوم ميثه ونوف في قسم خليفه ..

في قسم خليفه ..
الساعه 9 وربع ..


<FONT color=magenta>
*** الومك .. مــاالومك .. لا ..الوم وقتي الخوان
عطيــــتك الف معنى حــب وهذا الي تجازيني ....</FONT>


نوف : ميثه خبرينيه شو اللي مستوي .؟؟.
ميثه : انتوا اشعنه مكبرين السالفه عادي مامبيني ومبينه شي بس جذه ..
ريسه : كيف بس جذه .. ؟؟
ميثه : يعني بس جذه .. انا مضاربه وياه عادي ..ضرابه عاديه وهو معصب .. وبس وهاي كل السالفه ..
نوف : انزين انتي اشعنه متغيره وويهج مصفر ؟؟؟
ميثه : ماعرف يمكن من الحمال .؟؟
نوف : اخافج ماترقدين من كثر ماتفكرين في حبيب القلب وهو زعلان وكيف اتراضينه ..
ميثه : لا اعنبوه هههه مايسوى عليه عادي ..
ريسه : اكييد مافي شي قولي كل شي عادي يعني ..
ميثه : ريسوووووه لا اتفاولين عليه وع ر ر يلي فد د يته ..
نوف : يله الله يدييم هالمحبه امبينكم ..
ميثه : امييييين ..
ريسه : يله عيل السالفه كلها سالفة دلع ..
ميثه : هييك شي ..
ريسه : يله انزين عيل قومن ننزل نتعشى ..
ميثه :انا بسبح وباي وراكم ..
نوف : تعالي اتعشي وخلاف اسبحي عن لا يبرد العشا ..
ميثه : لا عادي ابرايكم اتعشوا بتسبح وبييكم ياختيه ظهرت برع وماشاء الله جونا ويالحراره اللي فيه غاويه ههههههه .. لازم اتسبح ماداني عمريه جذه ..
ريسه : خلاص ع راحتج ..
ونزلن ريسه ونوف تحت يتعشن وتمت ميثه ابروحها ...
ميثه في خاطرها : لين متى انا بتم ع هالحال وهو بليا احساس مهما احاول انيه اغطي عليه يفضحنيه جدامهم كلهم اشعنه هاذا كله يستوي فينيه يارب انك ترحمنيه يارب معقوله هاذا كله الله يرده فيييييني لانيه رديت عبدالله يوم كان ايحبنيه ويباني اتصورت حب خليفه اليه وخليفه الحين يسويبيه نفس ماكنت اسوي في عبدالله ... معقوله.. ؟؟؟ الدنيا قامت ادور ابيه .؟؟ ولا شو هاذا اللي يستوي فيني وخلاف قعدت اتصيح وهي تتذكر طريقة خليفه الها بالكلام ... واسلوبه وياها .. ومانزلت تحت عسب تتعشا ينها ريسه ونوف ويتها عزه بس قالتلهم انه راسها ايعورها وتبا ترقد .. وخلوها ع راحتها وراحوا عنها ... اتصلت ريسه في شمه ختها وخبرتها عن حالة ميثه فاتصلت شمه في ميثه ..
شمه : الووووو ..
ميثه : مرحبا السااااع ..
شمه : المرحب باجي شحالج فديتج ؟؟
ميثه : ابخير وسهاله يامايه انتي شحالج ربج الا بخير وسهاله وشحالهم ابويه واخوانيه ربهم ابخير ؟؟
شمه : ابخير وسهاله شحاله ريلج ربه ابخير ؟؟
ميثه : ريلي ؟؟....... الحمد لله بخير ..
شمه : وين من يومين ماشفناكم ..شو تعبانه فيج شي .. شي يعورج؟؟
ميثه : لا ابدا .. قاعدين في البيت ان شاء الله باجر العصر بنيكم ..
شمه : حياكم الله يابنتيه ..
ميثه : الله يحيج ..
قعدت ميثه اتسولف مع امها .. وخلاف سكرت عنها واتصلت في فاخره اربيبعتها ومن بعد ماسكرت يلست اشويه جان تتصلبها روضه ..


في قسم يابر
الساعه 11 ..


نوف وريسه كانن قاعدات في الصاله .. نوف كانت اتعابل في التلفزيون تبا اتشغل فلم ويالسه اتعابل الوايرات .. شلت ريسه التلفون واتصلت في قوم امها ...
ريسه : الوووو ..
سلطان : ليش متصله بيتنا يله يله بااااااااي وسكر في ويهها ..
ريسه : السباااال ماعليه انا اروايييييه ..
نوف : شو بلاااج ؟؟
ريسه : هالخبله ايسكر في ويهيه ..
نوف : هههههه ريلج ؟؟
ريسه : بسم الله لا هب ريلي سلطان اخويه .. وردت اتصلت
سرطت نوف ريجها وتم قلبها يدق اطبووووول : هيييييييه
ريسه : حووووووه يالخبله عن الينان العاده ..
سلطان : اوووووو ريسوووووه اتحريت وحده تبا اتغازلنيه ..
ريسه : ياله من حلاتك عاده .. شحالك يالخسسسسف ..؟؟
سلطان : بخييييييير يالياعده انتي اعلومج ؟؟
ريسه : ابخيير وسهاله يسرك حالي ..
سلطان : وشحاله شنقل اللي في بطنج ؟؟
ريسه : يسلم عليك ايقول شحاله خالي جاكشان ؟؟
سلطان : امحــــق ليل .. لا الغاليه هب جاكشان .. طرزان احلا ..
ريسه : ااااااه اتس اوكيييييه .. هههههه .. وايد ترمس عطني امايه ؟؟
سلطان : منوه تبين امج .. امج هيهاااااء عرست وسارت شهر العسل ..
ريسه : مسوود الويهه ماعليه .. اقولج نوف حطي الواير الاصفر اخلاف الاحمر واخلاف الابيض ..
نوف : انزين حطييت بس امبونه تلفزيونكم ها كجررررره ..
ريسه : مايخصني تلفزيون اخوووج..
نوف : هههههههه ..
سلطان : امنوه هاي ؟؟
نوف : وايه بالستر وانته شو يخصك ..؟؟
سلطان : لا صدق ..
ريسه : نوف ..
سلطان : ياحيها القبيسيه سلمي عليها ..
ريسه : اتعرف تبلع لسانك وتسكت وتعطيييني امايه ..
سلطان : اقولج امج عرست ..
ريسه : اقولك سمعت اخر اغنيه .؟؟
سلطان : اي وحده مالت راشد الماجد ؟؟
ريسه : لا مالت اصاله ..
سلطان : لا وين حاطينها .؟؟
ريسه : صبر بحطلك اياها .. وسكرت التلفون في ويهه .. وتمت تضححححححك وخبرت نوف السالفه تمن يضحكن عليه وتم يتصل وهي لابستنه ...
نوف : هههههه يمكن امج هاي اللي تتصل ..
ريسه : امايه على ماظني راقده الحينه عسب جيه هو ماخذ راحته ولا لو امايه حذاله جان فرته باي شي حذالها وتادب . عادي ترا هو متعود عالتفليع ...
نوف : ههههههههه ..
وتمت اتسولف معاها لين الساعه 11 ونص وخلاف حدر يابر وغلس على نوف وخلاف ظهرت تربع من كثر ماخبل ابها ..
ريسه : ههههههههههه حرام عليك والله حرااااام ..
يابر : دواها عيل شواتسوي عند الليدي ديانا مالتيه ..
ريسه وهي اتعيب على يابر: ههههههههه اونك عاده ...

<FONT color=purple>كنت تنسى همومك والتعب والعنا *** لما راسك تحطه وســــــــط راحة ايدي
كنت لما تحس بحزن يمبك دنــــا *** جيت من شمس عمرك جيت تدور علي </FONT>


في قسم خليفه
الساعه 2 ونص فليل ..

حدر خليفه على ميثه وكانت متعدله وكانت قمر من حلاتها ورافعه شعرها كله على فوق وفاتحتنه وكانت لابسه بدلة حمل حلووووه لونها وردي .. وكانت يالسه على الكرسي جنها اميره ... تم يطالعها ..
خليفه وقلبه يتقطع وصوته مخنوق : وربيييييه انج قمر وربيه انج ماتستاهلين اللي انا اسوييه فيج سمحيييييلي .....................
تمت ميثه تتطالعه منصدمه يت منه اتقربت حذاله مسكته من ايديه اللي كانت ترتجف وبارده : خلوفي حبيبي غناتي انا احبك انا مستعده انيه اتحملك طول العمر فديتك فديت روحك انا مافكر انيه ازعل عليك او ازعل منك عادي انا مستعده انيه اسامحك على اللي سويته بس بس رد مثل ماكنت قبل خبرنيه شو اللي غيرك شوووو .. ؟؟ في شو انا قصرت معاك فيه واوعدك لك منيه اللي يرضيك بعطيك بس لا لا ..
فج خليفه ايديه بكل قوه كانه يجاري الزمن في قوته عليه وعلى حب حياته : لا تمسكيييينيه ..
ميثه وهي اتصيييح : اشعننننننه حرام عليك حراااااااام .. وردت مسكته من ايديه وتمت اتصييييح دخيلك انا اتعذب انا لا ليلي ولا نهاري نهار ارحمنيه خليفه فدييييييتك احب ايديك وردت مره ثانيه تمسح دموعها احب ايديييك وشكلها صدق يكسر الخاطر ... قلب خليفه هالوقت مثل الورقه اللي من اي نفحة هوا تنفح عليها بطير او بتنشق ميثه كانت يالسه اتصيح على كوعها ومسكت ايديه وهو منزل اعيونه يطالعهاا
خليفه : بس بسسسسسسس خلاص خلاص لا تتكلمين ماريد اسمع منج ولا شي ولا شي ..
ميثه : وقلبيه قلبييييييه شو اسويبه ؟؟
خليفه : مااعرف مااعرف لا تسالييينيه عن شي لا تسالييييينيه ..
ميثه وهي ميوده راسها واتصيييح وويهها احمر من كثر الصيح وعيونها حمر : اذا في حب فالهدنيا مافي حب اكثر عن حبيه لك لو اعلنت على عمريه بالموت في هالساعه والدقيقيه مابلفظ اسم غير اسمك مابااا غيرك احببببك اذا الحب عذاب انا ابااااه وكانت اتاشر على قلبها انا اباااااه اتعرف شو يعني اباه لو الحب فيه مووت انا مستعده انيه اموت عشاااااانك وعشان اعيونك عشان ارد واعيش لحظه من عمريه وياك .. لو دقيقه لو ثانيه ارجوك يا خليفه لا تحرمنيه هالحب لا تحرمنيييييه منه .. هالحب بالنسبه اليه كل شي ان فقدت هالحب انا بمووووووت اتعرف شو يعني بمووت خليفه نسيت قلب ميثه نسيت حبيه لك شو اللي غيرك شوووووو ؟؟ ارجوك ابوس ايديك خبرني شو اللي غيرك .. اذا اذا انته حاط في بالك انيه زعلانه عليك هاك اليوم لا امنوه قااااااال اانا هب زعلانه والله والله هب زعلانه وانته بعد لا تزعل لا تزعل اتعرف ليش ... وقالت هالكلمه بهمس له ... لانيييييييييييه احبببببببببببك .. اموووت فيك اهواااااااااك .. وفجاة اختفى الصوت .. من كثر الصياح والصريخ ... وتمت بس بالاشاره والصوت المبحوح والدموع اللي يمكن اتعبر عن اي شي جدامها بس للاسف هالمره .. العمل اللي فيه اتمكن منه اكثر واكثر عن قبل لانه اتمكن منه كل يوم عن اليوم اللي قبله لانه كل يوم يركب سيارته اللي فيها العمل وكل ماله ايزيد .. عن اليوم اللي قبله وكل يوم عن الثاني اتزيد قسوة قلبه على الانسانه اللي حبته على الانسانه اللي تتجرع طعمم الموت من دونه .. وهو ولا داري فيها ..
خليفه :ببس بسسسسسسسسسسسس اسكتي خلااااااااااااااااااااااا ااااااص خلااااااااااااااااااااااا اص .. كلامج ماياثر فيييينيه ماياثر فيييييينيه صدقينيه ..
ميثه :شو اللي جلبك عليه شوووووووو هوووووووووو ؟؟ شووووووووو ؟؟
خليفه : ولا شي اقولج ولا شي ..
تمت ميثه طايحه ع الكرسي واتصيح شرات اليهال .. حدر عنها الغرفه وتم يرمس في التلفون وتمت هي في الصاله اتصيح و خلاف يوم حدرت الغرفه ..
خليفه : لحظه ..
تمت ميثه تتتطالعه وهو يمشي من جدامها .. وحدر الصاله وتم قاعد فيها حدرت هي الغرفه وسكرت الباب وفرتله اللحاف في الصاله وسكرت الباب .. وميثه طول الليل ماسكه صورتها يوم عرسها يوم كانت مع خليفه وفاللقطه بالذات كان يحلف انه مايتغير عليها ولا يقسى عليها في يوم وصورته المصوره وهو حاط صبعه على ثمه ويحللللللف .. ماتت ميثه .. تمت لاويه ع الصوره واتصيح ... حالها من عقب الالم اللي هم فيه لين متى بيتم هالحال اللي هم عايشين عليه .. لين متى .. شو بيصير في حياااتيه معاه .. شو بيكون مصير ولديه اللي في بطنيه شوووووو ..؟؟

الساعه 10 الصبح
في بيت بو حمد الفلاحي ..

<FONT color=darkorchid>انا طيفي عساه يمر في عيــــنك *** من غيافك طيوفك ترقد بعيني
حرام البعد دامه قلبي في ايدينك *** احبك والمحبه خالــــده فيـــــني</FONT>


حمد : هاه فطيم رمستي امااايه ؟؟
فاطمه : هي رمستها ؟؟
حمد : شو قالتلج ..؟؟
فاطمه : قالتليه خذي رقم بيتهم من عند الحرمه اللي اتعرفتي عليها وعطيني اياه برمس ام البنيه اتصدق حمد امايه وايد استانست .. واايد ..
حمد: الله يديمها عليها سعاده بس يارب ايوافقون عليه ..
فاطمه : وايه بالستر اشعنه بعد مايوافقون.. حمد كل الناس اتمنا نسبك..
حمد : ظنننج..
فاطمه : جب جب اوكيييييييه .. تستهبل اخ حمد ؟؟
حمد : هههههههههه مستانس والله يافطيم انيه مستانس بطير من الفرحه ..
فاطمه : عساها فرحه عامره ياربيه ..
حمد :اميييييييين .. بس مابتكمل فرحتيه الا يوم بتكون خطبيبيته ..
فاطمه : اف يالله عطه اللي في باله وفكنا منه ..
حمد : اااااااه يارب يااااااارب ..
فاطمه : هههههههههه ...
حمد : انزين يله انتي دقي حق حرمة سعيد ورمسيها ..
فاطمه : انزين عاده انا هب الحينه بدق اعنبوه استحي ... داقه من صباح الله خير بدق العصر ..
حمد : لا لاااااااا الحينه ادقيييييييين .. عادي
فاطمه : جبب مينوووون انته يمكن ريلها عندها يمكن راقده اشدراك ؟؟
حمد : انتي جربي دقي كم رنه واذا ماردت دقيلها اخلاف ..
فاطمه : لا استحي بطرشلها مسج .. بجوفها جانها واعيه ولا لا ..
حمد : انزين يله ..
فاطمه : عن الحشره حمد...
حمد : انزييييين ..
وطرشت فاطمه حق شيخه مسج ..
حمد : هاه ردت ...
فاطمه : لا ماردت ..
حمد : اوهوووووو ..
فاطمه : من حنتك مابيستوي شي ..
حمد : لا لا خلاص والله خلاص ...
وخلاف ظهرت عنه وتم حمد ايفكر في نوف ....




الساعه3 العصر
في بيت فاضل القبيسي ..

نوف : يالله قومن انرووووووح ..
ريسه : وين تبين ؟؟
نوف : من الصبح ارمسكن خلنا انسير المارينا ابرمود منزل بدل حلوه ..
ريسه : قولي والله امنوه خبرج؟؟
نوف : اربيعاتيه اليوم ..و اربيعتيه لابسه بدله لوها بيج وقميص ازرق ايجننن .. هاه شو قلتن ؟؟
ميثه : انزين انا بعد ابا لبس حق التقنيه كل اثايابيه لبستهم . ابا شي يديد ..
ريسه : انتي وكرشتج ..؟؟
ميثه : حليلي توني في الرابع عادي وتمت طحت ايدها على بطنها حليلي كروشتيه صغيرونه على قولة خليفه ..
نوف : احم احم عاش الحب ...
ميثه : الله يخس بليسج ..
ريسه : خلاص مدام خليفه ايقول نحن مانروم نرمس ولا انقول شي ..
ميثه : يله ريسه انروح ..
ريسه : ريلي راقد كيف اظهر ..؟؟
نوف : يله عاده دامه الحينه فاضي ومافيه حد ... عن لا ينترس ..
ريسه :انزييين انزيييين .. بسير اشاوره والله اخاف يكفخنيه ..
نوف : مادري منوه اللي يكفخ الثاني ...
ريسه : هههههههه .. ياويهج وراحت عنهم ..
نوف : ميثه اشعنه ماتضحكين معانا شرات قبل .. دومج ساكته ومويمه حرام عليج شو فيج خبريينيه؟؟ ..
ميثه : يانوف انا ماخش عنج شي بس شوية مشاكل بيني وبين خليفه وهاذا اللي مطقع ابجويه ..
نوف : في شو انتي مزعلتنه ..؟؟
ميثه : ولا شي اروحه مضايج يمكن من الدوام .. يله بسير البس عباتيه وبتصل فيه وبخبره ...
نوف : هو ماتغدى في البيت صح ومارد من طلعته من الصبح صح ؟؟
هزت راسها ميثه بالنفي : ماعليه الله يحفظه ..
نوف في خاطرها : والله اطيب قلب ... والله ..
وراحت ميثه غرفتها ولبست عباتها وشيلتها وشلت غشوتها واتصلت في خليفه وهي كانت قاعده اتعدل شيلتها رن مرتيين مارد .. ردت اتصلت ثالث مره رد...
خليفه : شوووووو ؟؟
ميثه : بظهر ..
خليفه : اوكي برايج ..
ميثه : يله مع السلامه ...
سكر خليفه الخط اتنهدت ميثه بصعوبه وماقدرت انها اتوازن نفسها اخلاف يلست ع الكرسي وتمت حاطه ايديها على راسها بضييج وعبره مختنقه .. شو حياتيه اربعه وعشرين ساعه ادموع وعذاب شو ها الحياه .
وخلاف يت دقت عليها ريسه وهي نازله وفتحت عنها ونزلن ارباعه ونوف كانت قاعده في السياره تترياهن


في السياره ..

نوف : كيف خبرتي يبور انج بتظهرين ..
ريسه : ههههههه ماشي راقد يلست احذاله قتله انا بظهر اروح .. هز راسه ورد انجلب الصوب الثاني ..
نوف : هههههههه يبور موته وحياته الرقاد ..
ريسه : يلعوزنيه ..
نوف : ريسه فصلتي قطعج ؟؟
ريسه : هيه نسيت اخبرج رحنا انا وميثاني وفصلناها ..
نوف : هييه ميثاني كيف فصلتيها ؟؟
ميثه ساكته وسرحانه ..
ريسه : ميثااااني ..
ميثه : هممممم هلا ..
نوف : وين هب ويانا ..
ميثه : لا امبلا معاكم ..
نوف : لا معانا ولا شي اقولج فصلتي القطعه ؟؟
ميثه: هي سويتها ويا ريسه هاك اليوم ...
نوف : هيييييه . وخلاف وصلن المارينا ونزلن ..




في المارينا ...
في محل بولغري ..


ريسه : الااااه طالعي هاي الساعه اتجنن .. وشلتها ولبستها شو رايكم فيها ....
ميثه : حلوه شو رايكن ناخذ كل وحده لون ..
نوف : رووووووعه انا باخذ اللون االابيض ..
ريسه : انا عايبني اللون الاسود ..
ميثه : وانا اموت عالوردي ...
وواقفات على الطاوله اللي وين راعية المحل كانت واقفه معاهم وتتطالعم شو يبون ..دشت وحده مع واحد .. وكان ماسكنها من ايديها وهي كانت هب متغشيه وفول ميك اب على ويهها ..
الحرمه : عندج القلب اللي حاطينه في المجله ؟؟
راعية المحل : اييه هيدااااا ..
الحرمه : هيه هاذاااااا .. تعال غناتي .. وتوهن ميثه وريسه ونوف بيظهرن .. نوف توها بتنزل غشوتها جافت الحرمه ..
نوف وهي اتصارصهن : طالعوا هاي هب غريبه عليه ؟؟
صدن ميثه وريسه على الحرمه اللي تتطريها نوف وخلاف طاحت عينهم ع الريال ..
ميثه :لااااااااااااااااااااااا� �اء ..




<FONT color=seagreen>خيانه وانتهت اخر سوالف عشقي المــــــجنون
في ليله حلمي الوردي تحطم في نهـــــايتهــــــا

**********

في ذيك الليله كان اهون علي احيا بدون اعيون
ولا اشوف اللي شفته من حبيب قلب ســـــاعتها

**********

وقفت انسان حالي ايهون ليه ومن متى وشلون
عساي القى ســــبب واحد يبرر لـــــــــي خاينته

**********

مدام اوفا البشر خان حرامي الباقي ينلامون
وكلمات الوفا لا عاد احد يطريلي ســـــــيرتها</FONT>



انتهىىىىىىىىى الجزء ..


ظنكم منوه الحرمه والريال الي شافوهم ؟؟؟
ظنكم شو بيكون حال ميثه ؟؟؟
ظنكم حمد ونوف شو بيستوي من بينهم ؟؟؟
</FONT></P></font>

[دمعة شوق]

<font color='#000F22'><FONT color=#000f22>
<P align=center>وهذا الجزء الاخير الي الكاتبه نزلته من فتره
وبعدها مانزلت بارت يديد ويوم بتنزل ان شاءالله
بحطه إلكم ،،، بالتوفيق
...

<FONT color=#ff0000>الجزء الثاني والاربعون</FONT>


<FONT color=teal>
يامن تعود ع الغدر والخــــــيانه *** الحب غالي لونكم ترخصونه
ارخصت قدرك يوم خنت الامانه *** وين الوفا لي عندكم تتدعونه</FONT>


ميثه : لااااااااء لااااااااااء ريسه اطالعي هاذا ريلي ولا لا ؟؟
ريسه : ..............................
ميثه اعيونها ادمع : اااااااه .. ريسه دخيلج امسيكينه .. دخيلج ..
مسكتها ريسه من ايديها ..
نوف وهي معصبه : مستحيييييييل اللي اجوفه .. وتوها بتروح صوبهم ..
ميثه مسكتها من ايديها وهي صوتها رايح من الالم اللي كان في قلبها : وغلاتي ماتقولين شي خلونا نظهر .. امسكوني حاسه بدوره ..
ريسه : نوف خلاص انروح ..
وظهرن هن الثلاث من المارينا مول ومساندات ميثه اللي ماكانت ريامه مشي حتى تمشيه ..


في السياره ..

ميثه يالسه اتصيح ولاويه على ريسه وحاطه راسهاا على جتف ريسه ..
نوف : اشعنه ماخليوتوني اتواقع معاه .. واصفعها هاي الجلبه ؟؟
ريسه : اشعنه الفضايح في واحد خاين في انسان مافيه قلب سمحيليه نوف سمحييليه ميثه انا صدق مصدومه
ميثه وهي اتصيح بصوت عالي ويتقطع من الالم : اااااااه اااااه ..
ريسه وهي تاشر حق نوف عسب انها تسكت : ماعليه ياميثه هونيها واتهون ..
نوف : السبال حتى ماجافنا ولا هي السباله عرفتنا ...
ميثه وهي اتصيح وترفع ويها من على جتف ريسه : دخيلكن مابا حد ايعرف بهاي السالفه ولا ترمسون اي حد ولا اتخبرونه واوعديني انه عمي وعتيه ولاحد ايعرف شي عن هاي السالفه ..
نوف : نحن مانقدر انه نسكت عن هاي السالفه ...
ميثه وهي اتصيييييح : نوف دخيلج دخيلج .. طلبتج لا تردييني انا بحلها ..
نوف : خلاص ياميثه اللي اتشوفينيه ..



في بيت فاضل القبيسي
الساعه 9 فليل ..

دخلن ريسه ونوف وميثه الصاله اللي كانوا قاعدين فيها عزه وفاضل وزايد وسعيد وشيخه وعفراء وموزه.. وميثه دخلت وهي حاطه غشوتها على ويهها ..
ميثه: احم .. السلام عليكم ..
الكل : وعليكم السلام ..
وعقبها دشن نوف وريسه وسلمن ..
ميثه : سمحولي بسير غرفتيه تعبانه شويه ..
عزه : بسم الله عليج يعلني افداج شو فيج .. كله منج يانوف اشعنه حرمت اخوج تعبانه واتودينها السوق ..
ميثه : لا يامايه بس راسي ايعورنيه بسير اريح وبييكم اخلاف ..
عزه : اوصلج امايه لحجرتج ..؟؟
ميثه : لا والله اروحي بسير يعلني افداج يلسي .. وراحت ميثه ..
لحقتها ريسه ومسكتها من ايديها ..ووصلتها لين القسم وحدرن قسم ميثه .. ريسه حست انه ميثه محتايه انها تقعد اروحها ..
ريسه :تبين تقعدين روحج صح ؟؟
هزت ميثه راسها بالايجاب ..
ريسه : بخليج اروحج .. بس فالوقت اللي بسير اعق عباتيه وشيلتيه وبرد لج ... وظهرت عنها ريسه وخلتها ... راحت ميثه وراها وقفلت باب الصاله اللي في قسمها وراحت الغرفه وسكرت الباب ...وانهارت مره وحده ..خرت مره وحده ع الارض ويلست اتصيييييييح : انا اللي حبيته انا اللي اخترت حبه اخترت حب انسان خاين لاقدربيه ولاقدر قوتيه .. اشعنه كنت قويه جدامهم اشعنننننه وانا الحينه ولا شي ولا شي انسانه منهاره مابيديه اي شي اسويييييه .. وتمت اتصيييييييييييييييح ... شو هاذا اللي يصير اليه في هاي الدنيا اشعنه الدنيا تقسي عليه في حب حياتي .ارحمني يارب رده اليه .. لكن امنوهاي اللي كانت معاه انا كيف مادققت فيها .. ادقق فيها كيف ادقق فيها وانا بالي في الانسان اللي خاننيه اللي ماعرف قدر حبيه له وفايه له طول هالعمر .. ياله ياخليفه ياماضحيت لك .. ضحيت بولد خالي ضحيت بهليه وماهمني زعهلم اذا زعلوا ولا لا ..همني انك ترضا همني بس اني اعيش وياك هالحب واكمله معاك طول العمر لكن للاسف قدري هده هاذا كله بخايانتك اليه ... احبببببببببك ياخليييييفه احبببببببببببببك .. اموووووووووووووت فيييييييييييييك .. فديييييييييتك .. ربعت صوب صورته ومسكتها وتمت حاظنتها بقوووووو كانها تجاري هالزمن في قسوته وجوره عليها ..) وتمت تتطالع الصوره وهي اتصيح اتشلها من حظنها (واتقوووول احبببببك احبببك )واترد تحظنها واتصييييح (... وتمت ع هالحاله..وخلاف يت ريسه ادقق عليها الباب تمت ادق وادق محد ايرد .. هالوقت ماتت في ريسه من الخوف عليها وقفت عند الدري من فوق وتمت تزقر نوف ..
ريسه : نووووووووف ..
عزه : سيري حرمة اخوج تزقرج ..
نوف : ان شاء الله ..
وراحت نوف تربع صوب الدري ..
نوف : نععععم ..
ريسه : تعالي .. بسرعه ..
نوف وهي تربع عالدري وفاجه اعيونها : شووو ؟؟؟ شووو ؟؟
ريسه والعبره خانتقتنها : ماعرررررف ادق ع ميثاني الباب من الصبح وهي هب طايعه تفتح اليه ..
نوف : شو يعني ؟؟
ريسه : ماعرررف ماعررررف اخاف شي استوابها ..
نوف : انتي اشعنه خليتيها اروحها.. انتي ماتعرفين خليفه شو بالنسبه الها ..
ريسه : اعرف بس هي كانت تبا هالشي وانا خليتها ع راحتها ..
وتمت نوف ادق الباب . وخلاف وقفت ميثه عند الباب ..
ميثه : امنووووو؟؟
ريسه : اناا ونوف .. ميثاني فديتج فجي الباب ..
ميثه : بييكم اخلاف ..
نوف : والله يانيه اليوم هب سايره لين ماتفتحين الباب بتم امبركنه اهنيه ..
ميثه وصوتها رايح : نوف بييكم اخلاف ..
ريسه : وانا بعد هب متحركه لين ماتفتحين الباب ..
ميثه تمت تمسح ادموعها وفتحتت الباب ..
ريسه وهي منصدمه : هااااااااااااااااااااه ؟؟ شو هاااااااااااا ؟؟
نوف تتطالعها متفاجاه : اشعننننننننه كل هاذااااااااا اشعنننننننننه ؟؟؟؟؟؟؟؟؟
راحت عنهن ميثه وقعدت على الكرسي وحطت راسها بين ايديها .. وين قعدن احذالها ..
ريسه ودموعها تنزل على ويهها : شوووووووووهااااااااااا؟؟ رمسي ؟ اشعنه ويهج جذه محمر طالعي اعيونج كييييييييف دم ..
نوف وهي منصدمه : دممممممم ؟؟؟؟؟؟؟؟ ويييين ؟؟
ريسه : ماتشوفين اعيونها كيف حمر اتقولين يدمن .. طالعي اعروق اعيونج طالعي شكلج كيف هاذا اشعنه عسب واحد خاين واحد ماعتبرج شي في حياته واحد لابسنج .. وانتي سااااااااكته ..
نوف : اشعنه سكتي اشعنه مارمستي ..؟؟
ميثه : اشعنه تبوني اهدم حياتيه اشعنه تبونيه اهدم الحب اللي بنيته معاه .. اشعنه تبونيه اهدم كل فرحه فرحتها معاه عادي ايسوي اللي يباه المهم اني اكون عنده وشاله اسمه ..
ريسه وهي معصبه :سؤاااااااااال .. عندددددج كراااااااامه ولا لا ؟؟
تمت ميثه تتطالع ريسه خلاف نزلت اعيونها في الارض ونوف تتطالعها ونوف واصله حدها ميثه وايد كانت كاسره ابخاطرها . وقلبها وايد كان يتقطع عليها ...
مسكت ميثه راسها تحاول انها تضغط عليه بكل قوه من الصداع اللي كان فيها ومن قوته.. وخلاف تمت اتصيييييييييح ..
نوف وهي اتصيح :بسسسس بسسسس خلاص خلاص حرام عليج لا اتسوين ابنا جذيه ..
ريسه : اشعنه اتصيحين شو بيسويلج اصياحج هاااااه ؟؟؟
تمت ميثه اتصيح وخلاف يت وحظنت نوف وتمت اتصييح وتمت نوف اتصيح معاها .. خلاف خلنها اتروح غرفتها عسب ترتاح لانه هب زين عليها اتسوي بعمرها جذيه وهي حامل .. راحت ريسه تحت وسوتلها عصير ليمون ويابته الها فوق .. وخلنها تشربه .. وكانت نوف قاعده حذال ميثه وحاطه ايديها في ايد ميثه ..وكانت ميثه تتنهد بالم .. وتمن معاها ريسه ونوف ..



بيت فاضل القبيسي
الصاله
الساعه 10 فليل ..


راحوا الكل صوب اقسامهم وتمت شيخه قاعده مع عزه ومهره ..
شيخه : خالتيه ..
عزه : لبيه يامايه ..
شيخه : لبيتي حايه .. اتحيدين هاك اليوم يوم ينا حرمتين من العين اللي هن خوات ربيع قوم سعيد ..
عزه : لايامايه متى .؟؟.
شيخه : خالتيه هاك اليوم يوم كنتوا انتوا رايحين تتمشون وخلاف يوم يتوا حصلتوهن عنا .. وحد منهن كبريه والثانيه كبر قوم نوف ..
عزه : هييه بسج بسج الفلاحين اللي من العين ..
شيخه : هيييه .. هم ..
عزه : شو فيهم ..؟؟
شيخه : اليوم دقتلي فاطمه.. هذيج العوده اللي شلت رقميه ..
عزه : حليلها والله فيها خير بنت اصول من شكلها جذه عرب وقبايل .. ونسمع ابهم نحن في العين واتخبرت خالتج غايه عنهم قالتليه هي هذيله عرب عنا ساكنين في فلي هزاع .. وناس احشام . .قتلها امبين من بناتهن ..
شيخه : هييه ياحيهم والله .. انزين خالتيه تتدرين يوم دقتليه شو كانت تبا ؟؟
عزه : لا والله يامايه شو في خاطرها ...؟؟
شيخه : كانت داقه عسب تاخذ منيه رقم البيت .. بتعطيه امها ..لانها شافت نوف وعيبتها وتبا اتخطبها لاخوها اللي هو اربيع قوم سعيد .. وانا عطيتها الرقم وقالت ان شاء الله انه امها بتتصل باجر وبترمسج ..
عزه : الله يسوي اللي فيه الخير .. ووين ما النصيب ايكون تراه بيكون وبيستوي .. واول شي بنشاور ابوها واخوانها وبنشوف شو بيقولون عنه وخلاف بنشاور عيال عمها وعمتها وخالتها .. يمكن حد ايكون يباها ..
شيخه : يله الله يوفقها ان شاء الله ..
عزه : اميين .. بس انتي يامايه لاتتطرين جدامها شي موليه لين ماناخذ شور الكل واخلاف بنشاورها وبنخليها تستخير ربها ..
شيخه : لا لا اصلا انا مارمست جدامها .. كيف بخبرها ..
عزه : هيه احسن ..
وخلاف سمعوا صوت خليفه ..
خليفه : هوووود ..
عزه : اهدا يابويه ..
خليفه : السلام عليكم ..
عزه + شيخه : وعليك السلام والرحمه ..
خليفه : شحالكم .؟؟
عزه : بخير وسهاله وانته ..
خليفه : ابخير
شيخه : ربي يسلمك بخير وسهاله ..
خليفه : ياله يدتيه اهنيه قاعده هاتوها ..
عزه : اخر العنقود هاي عيوزنا ..
شلتها شيخه ويابتها صوبه ..
شيخه : شو تبابها بس من بعيد بتخيسك من الصبح هاي المجرمه مويز عاطتنها كافي ومخلتنها تتلحسه .. وهي مستانسه عليييييه ...
خليفه : وااايه وووووووو .. فديتها ابرايه الا هي كندوره الحينه ببدلها .. وعطته اياها شيخه .. تم خليفه ايلعبها ويكركر في ويهها وهي مستانسه جان اتنش وتمسح ايديها في لحيته ..
شيخه : هههههههه جفت ..
عزه : احسن امره ادبيه .. خيسيه بعد ...
شيخه : ههههههه .. هاتها هاتها ..
خليفه وهو يرمس مهره ويضحكلها : يله الحينه هاتي كلينكس وفيه ماي وامسحي لحيت عمج ..
عزه : وايه بالستر اسكنت حليلها شعرفها .؟؟.
شيخه : لا خلوها تظهر حررررمه ..
خليفه : خلج انتي شويخ تبين الدقه ..
شيخه : ههههههههه ولد خالتيه شو ابلااااااااك ؟؟
خليفه : ماشي اممره سلامتج .. هههههههه . وتمت مهره اتصييح ..
عزه : يابويه عط البنيه امها استضاجت حشى ...
خليفه : ماعليه يالعيوز يله سيري عند امج ..
شيخه : ههههههه قوليله ماعليه ياعمي ... مابلعب اعيالك يوم بييون .. وشلت شيخه بنتها ..
خليفه : يله ببيباي .. ويلس ايسويلها باي
وتمت مهره تضحك..
خليفه : هيه من بعيد بتضحكيين ..
شيخه : هههههه عارفه انها بتتسبح الحينه ..
عزه : حرام عليج يامايه برد عليها ..
شيخه : لا انا اتم مبنده المكيف .. هي ترتاح يوم اسبحها تررررقد ..
عزه : انا اللي برقد الحينه يله تصبحون ع خير هههههه ..ونشت عزه وراحت صوب غرفتها ..
شيخه + خليفه : وانتي من هله ..
خليفه :عيل وين الباقي .؟؟
شيخه : نوف وريسه عند ميثه فوق ..
خليفه : هيه زين عيل يوم خبرتينيه ..
دخلت شيخه قسمها وراح خليفه صوب قسمه ...


في قسم خليفه ..
الساعه 11


<FONT color=royalblue>معقوله تنساني واتحب لـك ثاني *** وانا اللي اغليتك يانصفي الثاني
يعني هاين عليك تترك واحد يببيك *** سلم قلبه بيديك وهو راضـــــي </FONT>


خليفه وهو يدق الباب : هوووود ..
محد رد عليه .. جان يفتح الباب : هوووووود ..
نوف : ووووووع مالت .. وظهرت نوف من الحجره طافت من حذال خليفه ولا عطته ويهه ..
خليفه : هاه ام الهيلان ؟؟
تمت نوف تتطالعه من فوق لين تحت وخلاف ظهرت من القسم .. وظهرت وراها ريسه ..
خليفه : السلام عليج ..
ريسه : وعليك السلام .. ااسمحلنا ..
خليفه : لا افا عليج مسموحه ..
وظهرت ريسه من القسم راح خليفه صوب الغرفه حصل ميثه طايحه ع الفراش ولافه ويهها الصوب الثاني ومغطيه ويهها باللحاف ..راح صوب الكبت وفصخ اثيابه وعق كندورته في الحمام وعلق سفرته وعقاله ع العلاقه ..
خليفه لا اراديا : شي فيج ؟ شي يعورج ؟
ميثه : لأ..
وظهر عنها خليفه وراح قعد في الصاله شغل التلفزيون وحط قناة نجوم وشل تلفونه واتصل في حمده ..ويالس ايسولف معاها ..ميثه كانت طايحه ع السرير خلاف نشت وراحت صوب العلاقه اتشوف غترته وعقاله وتمت اتشمهن ريحه غريبه ريحة عطر غير موجود عنا ع الطاوله وعطر حريييمي ..ظهرت ميثه وراحت صوب الصاله شافت خليفه حاط سماعة التلفون ع التلفزيون ويسمع اللي ع التلفون اغنية سحرني مالت حاتم العراقي ..
ميثه وهي واقفه وحاطه ايدينها ع خصرها : ماشبععععععت منها من كثر ماتتصرمحبها واتحوطها في المولات بعد ياي اتكمل عليها في البيت واتسمعها اغاني جان يبتها بعد البيت مره وحده ... هاتها اقولك هاتها ...
خليفه : برد اتصلبك ...
ميثه وهي اتصارخ عسب تسمعها اللي ع الخط : يالسباله ياحثالة الشارع لعنة الله عليج وع ويهج .. وسكر خليفه الخط في ويهه حمده ..
ميثه وهي اتصارخ عليه : اشعننننه اتسكر ..
خليفه : انتي مينووووونه ولا شوووووو ؟؟ شو اتخرفين ؟؟
ميثه وهي اتصارخ واتصيح : مينوووووونه لاني في حبييييييييتك مينوووونه لانيه رفضت الكل ع شانك مينووووونه لانيه صدقت انك اتحببببببببببنيه مينوووونه لاني وثقت فيك مينووووونه لاني من اول ما عرفت انك اتخووووووووننيه وانه في حد في حياتك الصوت الحنوووون احن صووت سمعته هااااه ؟؟ ماتروم تسمع صوت غير صوتها .. سكت عنك قلت يمكن يراجع عمره اتيني البيت اتذلنيه ذل .. اتخلنيه اترجاك شويه وبركع لك تحت ريلك وبستوي عبد لك .. الله يلللللللللعن الحب والعشره اللي اتخلي الحب يصير فيه حاكم وعبددددده .. الله يعلني يووووووووم حبيتك .. يوووم عطيييييتك قلب انته ماتستاهله انته تستاهل قلب انسانه لعابه شراتها .. ومنوه هاي ومن اي زباله لاقطنهاااااااااااا ؟؟ وشال زبلاتك وياك وادور فيها في المارينا ..
خليفه : انا ادور في المارينا ؟؟
ميثه : لااااااااا والله احلف انك اليوم ماكنت معاها ماقالتتلك تعال ياغنااااااااتي ..؟؟؟ مارحت تمشي وراها ماكنت تمشي وراها شرا السباااااااااال المربوط بالحبل .. هاااااااااااااه ؟؟
خليفه وهو معصب : لا تزاعقين اقولج ..
ميثه وهي اتصيح : مايهمك اذا انا ازاعق ولا.. انته ماتعرف حالتيه شو ماتعرف النار اللي في قلبيه شو ؟؟ مايهمك اموووووت او احياااااااااا مايهمك اي شي فهاالدنيا همك بس انك تركض بيديييك وريلك وراها ..
خليفه وهو يمسكها من جتفها : تراج وايد غلطتي عليها وانا ساكت وعاذرنج ..
ميثه وهي منصدمممممه وواصله حدها وتنتفس بصعوبه : اه تتدري ه انته ماتستاهل ه الصبر ه اللي انا صبرته عشانك .. والقوه اللي كنت فيها انته تستاهل انك تنفظح وماتستاهل انه حد يستر عليك .ولفت ويهها عسب اترد تحدر عنه الغرفه سمعته ايقول
خليفه : والله انا ماسوييييت شي عسب حد يستر عليه اباها واحبها وباخذها بعد ايكون في علمج .. عسب ماتقولين ماقالي .. تمت ميثه واقفه كانه حد صفععععععععععها اقوى صفعه على ويهها بغت اطيح على الباب يا صوبها خليفه عسب يمسكها ومسكها ..
ميثه وهي منزله اعيونها ودموعها تتناثر ع ويها وعلى ثيابها : هدني لا تلمسني اطلع برع ..
تم خليفه واقف يطالعها واعيونه كلها ادموع ...
ميثه وهي مغمضه اعيونها : اطلع برع ولا انا اللي اطلع .. لو هب الحشيمه ولو هب انه الوقت متاخر الحينه جان انا اللي طلعت .. اظهر برع .. الدرب اللي ييت منه رده .. تتدري انيه اكررررررررررررررررهك .. ع كثر ماكنت احبببببببك ..
تم خليفه واقف والاااااااامه اللي في قلبه اللي كانت بالنسبه له هلاك في هذيج اللحظه اتمنى الموت ولا يسمع هالكلام من حب حياته ...
ميثه وهي اتصارخ : اظظظظهر برررررررررررررع ..
راح خليفه ولبش ثيابه وظهر بشعره من دون ولا شي نزل من عالدري ورواح صوب القراجات اللي يوقفون فيهم سيايرهم وشغل سيارته توه بيظهر كان يابر حادر بسيارته ظربله هرن بس خليفه ماعطاه ويهه وروح عنه ..وتمت ميثه اروحها في الحجررررره اتصيح الحال اللي هي فيه ..حدر يابرالصاله وشاف ولد نهيان وعيال زايد يالسين يلعبون سوني ...
يابر: ماشاء الله .. تبووون ضرب ؟؟
محمد : ايييييهييييييه ياعمي عاده خلنا نلعب ..
يابر: ادلها حجرتك اللي ترقد فيها ويييين ؟؟
محمد : شويه بس ..
يابر: لا شويه ولا شويات .. يالسين ارواحكم اهنه ...؟؟
فاضل : عمي عاده والله هالدوري بس بس ..
يابر: جوف انا بروح عنكم عشر دقايق وبيي ان ييتكم والله ياتنضربون بالواير مال السوني يله مستانسين لانه الخميس واجازه .. هااااه ؟؟
علي : خلهن 15 دقيقيه ..
يابر: ماشاء الله انته بعد الكتكوت وياهم الللللله عليكم والله ...
محمد : انزين انته روح عشر دقايق وتعال ..
وراح عنهم يابر..
فاضل : الحينه بيي ...
محمد : وين هو من يشوف خالتيه ريسه ينسى كل شي ... العب العب
فاضل : غربلك الله انجب انجب لا ايي الحينه يصفعنا ..
علي : ههههههههههه ..



في قسم يابر..
الساعه 12 فليل ..


<FONT color=teal>يعلني ماذوق حزنك *** ويعلني بالعمر افــــداك
بين الخلايق مغلينك *** غالي معي محد يسواك </FONT>


ريسه كانت قاعده ع الكرسي وكانت وايد متضايقه حدر يابر عليها ..
يابر: سلاااااامن علييييهم .. وياصوبها وباسها بين حياتها ..
ريسه : وعليك السلام ..
يابر: افااااااااا .. شو فيه قمريه زعلان ؟؟
ريسه : حليلها والله ميثه والله انه حليلها .. ويلست اعيون ريسه ادمع ..
يابر كله ولادموع ريسه : ايييييييييييييه شو ها بسرعه بسرعه ماباهن وياصوبها ومسكها وتم يمسح ادموعها بيديه وكل ماتنزل دمعه باسها .. وتم حاظننها .. وغلاتيه جاني غالي .. خبريني شو فيها ميثه ؟؟
ريسه : اليوم رحنا المارينا مول يوم خبرتك .. وخلاف جفنا جفنا ..
يابر: جفتوا شوووووو ؟؟
ريسه : كنا في بولغري حدرت حرمه متعدله ومكتشخه ومعاها واحد ويوم كنا تونا بنظهر نوف انتبهت للبنت وقالت انها هب غريبه وخلاف صدينا عليها نطالعها يت عينا ع الريال اللي كان معاها وكان ...........
يابر : وكان خليفه صح ؟؟؟؟؟؟؟
ريسه : هيه كان خليفه ليتك شفته كيف كان ماسك ايديها ..
يابر: وميييثه شو سوووووت ؟؟
ريسه : ماسوت شي اول شي انصدمت تمت واقفه فتره وخلاف قالت يله نطلع نوف بغت تظارب معاه بس ميثه ماخلتها وظهرنا ومن ردينا البيت هي ماكلت شي ..من الغدا وماشربت الا عصير ليمون قبل شوي ومن اصبحت وهي اتصيييحه .. حرام عليه اللي يسويه فيها والله حرااااااام ..
يابر: بس بس ياغناتي بس ان شاء الله انا بشوفه وبتفاهم معاه ..
ريسه : والله انا وايد خايفه ع ميثه ..
يابر: انا توني شفت خليفه توه ظاهر يوم انا حادر ..
ريسه : شووووو خلاها اروحها ؟؟؟؟؟؟؟؟؟
يابر: ماعرف يمكن راح اييب حايه وبييها ..
ريسه : لا لا بروح اطمن عليها ..
يابر: بتظهرين جذييه ..
ريسه : لا بروح ابدل اثيابي وراحت ريسه وبدلت اثيابها وظهرت وحدر يابرالحمام الله يعزكم يتسبح ..


في قسم خليفه ..
الساعه 12 وربع ..

<FONT color=royalblue>
ياجرح من وين ابتدي *** وانته معي من ولـــــــــــدي
وعيــــــــــــــــت يــدي *** علـى وداعـــــــــك تــهتدي
بس انته علمني الجفا *** دامني عجزت اعلمك الوفـا</FONT>


كانت ميثه قاعده في الحجره طايحه ع الشبريه دقت الباب ريسه وحدرت عليها ..
ريسه وهي رايحه صوب ميثه : رقدتي ؟؟
ميثه : يعني الحينه برقد ..
ريسه : شو استوا من بينج وبين خليفه ؟؟
ميثه : سمحيليه ريسه ماروم انيه ارمس ... والله تعبانه بخبرج بكل شي ان شاء الله باجر ..
ريسه : ريلج بيي ؟؟
ميثه : لا ..
ريسه : اشعنه ؟.
ميثه : انا قتله ماريد اشوفه .. وباجر بسير بيت قوم ابويه ..
ريسه : ميثه عاده مب لها الدرجه ..
ميثه : انتي لو سمعتي شو قال جان وصلتيها اكثر عن هاي الدرجه ..
ريسه : انزين خبريينيه ..
ميثه : ريسه اخلاف بخبرج .. ماعليه برقد انا ..
ريسه : تبيني ارقد معاج ..
ميثه : لا اعنبوه سيري عند ريلج عادي ..
ريسه : والله صدق ؟؟
ميثه : هب لهاي الدرجه عاده ..
ريسه : خلاص ماعليه .. السموحه ممنج .
ميثه : بالحل فديتج ..
وظهرت ريسه عن ميثه اللي تمت في احزانها طول الليل كانت تتخذ الف قرار وقرار بس لين الحينه ماقدرت انه توصل لقرار تتخذه معاه شو اتسوي ماتقدر انها اتغير شي هاذا قدر .. ولازم انها ترضى بالقدر واتعيش فيه بحلوه ومره هاذي دنيا صعب ع الاننسان ان يلقا فيها كل اللي يباه .. مثل مافيها حب فيها خيانه مثل مافيها جذب فيها صدق .. ومثل مافيها امان فيها خوف .. والله يعينا من بلاويها بس نحن لازم انمر فهالدنيا وانجاريها بمهما حكمت علينا لو حتى بقطع شريان من شرايين حب اغلى الناس ..



يوم الاربعاء ..
الساعه 10 الصبح ..
في بيت فاضل القبيسي ..

نزلت ميثه وكانت الخدامه وراها وكانت شاله شنطه فيها اثيابها .. حدرت ميثه الصاله حصلت عزه وعفراء يالسات ..
ميثه : السلام عليكم ..
عفراء وعزه : وعليكم السلام ..
وراحت ميثه وحبت عزه ع راسها .. وقعدت معاهم ..
عزه : وين بتروحين امايه ؟؟ واشعنه من البارحه مانزلتي ولا شفتج اتولهت عليج ؟؟
ميثه وفخاطرها كم بغطي عليك ياخليفه كم : اتولهت عليج العافيه .. بسير عند قوم امايه ابويه مسافر عنها القنص وهي اروحها في البيت وهزاع كل يوم وبات في العين عنها ..
عزه : يعلني افداها والله زين اتسوين ..
ميثه : ان شاء الله انيه مااببطي ؟؟ بتم كم يوم عندها وبرد ..
عزه : اهنيه بيتج واهناك بعد بيتج ..؟؟
ميثه : يله عيل السموحه منكم ..
عفراء : انزين ميثاني اتريقي ..
ميثه : لا فديتج ماشتهي ان يعت بتريق خلاف ..
عزه : مسموووحه يعلني افداج ..
ظهرت ميثه بشيلتها مالت الصلاه وكانت لابسه جلابيه والخدامه كانت وراها شاله شنطة اثايبها وشنطة ايديها ..


في بيت المرالرميثي
الساعه 10 ونص ..


<FONT color=teal>برحل مع ايامي وبترك لياليك *** لاطاب وقتن فيه ماذقت راحه
هاذا خفوقي كان بالامس مغليك *** واليوم منك صار يبكي جراحه </FONT>


حدرت ميثه البيت حصلت امها قاعده ترمس في التلفون وريم طايحه على ريل امها ..
ميثه : خلاص لينا ليف ماي باق اند قو
لينا : اوكي مدام دو يو نيد اني ثينج ؟؟
ميثه : نو ثانكيوو ..
لينا : ولكم ..مدام ..
وراحت ميثه وسلمت على امها ..
شمه : مرحبا فديتج ..
ميثه : المرحب باجي ..
شمه : يله عيل سمحيلي ياموزه بدقلج اخلاف .. بنتيه ميثه عندي ... وسكرت شمه ..
ميثه : اي موزه ؟؟
شمه : موزه حرمة علي اللي في العين ..
ميثه : هيه ..
شمه : اتسلم عليج ..
ميثه : الله يسلمج ويسلمها من الشر ..
شمه : ماشاء الله يايبه شنطتج هاه ريلج مسافر .؟؟
ميثه : لا يامايه موجود بس بغيت ايي وايلس عندكم كم يوم .. فيها شي؟؟ بتروغونيه .؟؟
شمه :افا عليج البيت بيتج ..
ميثه : اممموااح حق الدلوعه ريمووووه ..
ريم : ميثاني انا وايد احبج ولوت عليها ..
ميثه : وانا بعد احبج مووووت ..
ريم : لاتروحين عن كليفه ..
ميثه بحزن : ان شاء الله مابا روح ..
شمه : ميثه غناتي شو فيج انا امج صارحينيه . شو فيج طالعي ويهج واعيونج كيف مورومه ..؟؟ ومافيهن حياه ولا راحه ..
ميثه : امايه مافيني شي س بغيت ارقد شويه لانيه تعبانه ..
شمه : روحي ارقدي بس لازم اظهر منج كل شي ..
راحت ميثه عن امها وعيونها مليانه ادموع وشافت هزاع ع الدري ووايهته ..
هزاع : يالويهه ؟؟
ميثه : دخيلك انا يايه تعبانه .. بروح ارقد ..
هزاع :ميثاني عمري شو فيج ؟؟
ميثه بحزن : ااااه ماشي ياهزاع بس بغيت ارقد ..
هزاع : انتي يايه من بيتكم عسب ترقدين ؟؟
ميثه : لا بس تعبانه وبغيت اريح في حجرتيه فيها شي ؟؟
هزاع : لا مافيها خلاص ع راحتج .. خبريني زعلانه ع خليفه ؟؟
ميثه : خليفه ؟؟
هزاع : هيه خليفه ؟؟
ميثه : لاااااا
هزاع : عراحتج ؟؟
وراحت ميثه غرفتها وراح هزاع عن امه في الصاله ..
هزاع : شو فيها بنتج ؟؟
شمه : والله انيه حالي من حالك .. خالتك اتقولي من اسبوع وهي ع هاي الحاله لا رقاد ولا اكل ولاحياه ودومها في حجرتها ..
هزاع : يمكن متضاربه ويا ريلها ومزعلنها ....
شمه : ويمكن هي مزعلتنه في شي ..
هزاع : انتي تعرفين ميثه كيف اتحب خليفه واتعرفين انها ماتروم تزعله ...
شمه : ان شاء الله يوم بتنش انا بعرف عنها كل شي ..
هزاع : خلاص انا بسير الحينه بيلس ويا ربعيه في ستار بكس ..وخلاف العصر بروح العين ..
شمه : يله ربي يحفظك ..



في بيت فاضل القبيسي ...
الساعه 2 الظهر ..


حدر خليفه البيت وحصل قوم امه قاعدين سلم عليهم وراح قسمه ماحصل فيه حد حدر الغرفه وماحصل فيها حد استغرب وين راحت ميثه .. شاف الكبت مبطل واثيابها نصها مشلوله .. ماااااات هالوقت ..
خليفه في خاطره : اشعنه انا اتعذب وانا ماحبها ولا ااحس فيها ؟؟ شليه فيها خلها اتروح ..معقوله حبي الا كان لعبه معقوله انا ماحبيتها .. انا منوه احب الحينه ؟؟ احب حمده ؟؟ ولا ميثه .؟؟ لا لا احب حمده امووووت في حمده فديتها والله .. ظهر من الغرفه رايح صوب الحمام الله يعزكم بس شاف ورقه محطوطه ع الطاوله اللي في الصاله فتحها ... وكان مكتوب فيها ..


خليفه انا صبرت عليك وايد واتحملت منك كل شي كنت مستعده انيه ادوس على قلبيه وارضى اعيش معاك ع خيانتك لكن انك اتفكر انك اتعرس عليه وانك اتذلنيه بهاي الدرجه انا اسفه ماقدرت اتحمل هالشي ..وانا بيت هليه ولا تحاول انك تسال عنيه واعتبر انيه ماضي في حياتك .. انا فكرت وايد بهالقرار بس ماحصلت غير هالقرار اللي ممكن انه يريحنيه ويريحك انا اسفه ياخليفه ..وفي النهايه لك غلا دامني انا حيه وحبك بيتم تاج عراسي وعلى صدريه دوم بيكون بالنسبه اليه وسام .. وهاي الاغنيه اهدااااء منيه لك من القلب ... واباك كل ماتسمعها تذكر ميثه ..

<FONT color=royalblue>صاحبي قررت انا منك انسحب
لا ولا ابين واطلع في سماك
من بعد ما صار حبك لي لعب
في الخطا تمشي وانا امشي وراك

صرت معدن من بعد منت ذهب
صرت خالي من الهوا وش هو بلاك
بعتني برخيص بياع النهب
كيف ترخصني بعد مانا غلاك

كنت عمري وكنت روحي والهدب
كنت اشوفك صورتك صورة ملاك
كنت انسي وكنت فني والطرب
اجمل الأيام في لحظة لقاك

لا تظن إني بصدك محتسب
لا وربي الكون ما اتبع ثراك
لا تحرا عاد به رد وعتب
إنتهى كل شي وانهيته معااااك </FONT>



حط في بالك كل كلمه احتوتها الاغنيييييييه ..


ميثه الرميثي ...




في بيت المر الرميثي ..
الساعه 2 ونص الظهر ..


<FONT color=seagreen>والله مايسوى اعيش الدنيا دونك .... لا ولاتسوى حياتي بهالوجود...
دامك انت اللي رحلت وكيف بصبر.... ع البعاد وكيف بنثر هالورود...
ماوعدت انك تقاسمني المحبه..... وتبقى لي حبا ولدروبي دليل....
بس حسافه الموت كان اقرب وارحم... حسبي الله وحده ونعم الوكيل ...
روح انا راضي غيابك ياحياتي .... وهذا قسمه لي وهذا لي نصيب ....
كنت شمعه تضوي وتشرق حياتي ... انطفيت ورحت في وقت المغيب .....</FONT>


راحت شمه ادق الباب على ميثه .. عسب تنزل تتغدا لكنها تمت ادق وادق وادق محد فتح هني وقف قلبها على ميثه .؟؟
شمه : هزاع الحقنيه ياولديه ماعرف ختك شو فيها ..
ياها هزاع يربع على الدري من تحت ..
هزاع : شو مستوووي ؟؟
شمه : ماعرف ادق عليها الباب هب طايعه تفتح ؟؟
هزاع وهو يصارخ : ميثوووه فجي الباب ..
شمه : ماترد يمكن فيها شي ..
هزاع : شواسوي ..؟؟
يلست شمه اتصيح ..
هزاع : انتي الحينه اشعنه اتصيحييييييين ..؟؟ يالله يامايه جانج اتروعين اللي مايتروع ..
شمه : ختك ماعرف شو بلاها وماتباني اتروع انا ام اتعرف شو يعني قلب الام ..؟؟
هزاع : انزين قومي بكسر الباب ...؟؟
شمه : لاتكسره انا عنديه السبير ...
هزاع : وين حاطتنه .؟؟.
شمه : معلق في باب حجرتيه ..
وراح هزاع وياب السبير مال حجرت ميثه بس ماطاع يفتح لانه المفتاح كان محطوط من داخل .. نزل يربع تحت وياب معاه مطرقه عسب يكسر القفل .. وكسر القفل وحدروا على ميثه اللي كانت طايحه ع الارض .. <IMG class=inlineimg title="" alt="" src="http://www.alamuae.com/vb/images/smilies/shock_1.gif" border=0>



انتهىىىىىىىىىىى الجزء ....


ظنكم شو اللي بيصير في ميثه ؟؟؟؟؟
ظنكم شو بيكون موقف خليفه بعد ماقرى الرساله ؟؟
ظنكم حمد بياخذ نوف عقب الكلام اللي قالته امها ؟؟؟
ظنكم شو بيكون موقف خليفه اذا صار لميثه شي ؟؟؟

</FONT></P></font>

[همس الاحبابي]

<font color='#000000'><FONT color=#000000><FONT color=#cc0066>تسلمين حياتي نتريا الباقي لا طولين بليز</FONT></FONT> <IMG src="http://oasis.bindubai.com/emoticons/inlove.gif" border=0>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp; <IMG src="http://oasis.bindubai.com/emoticons/fa41.gif" border=0><FONT color=#ff6699>همس الاحبابي</FONT><IMG src="http://oasis.bindubai.com/emoticons/fa41.gif" border=0></font>

[الرايد]

<font color='#000000'>

تسلمين الغاليه على التكمله</p>


و نتريا الباقي</p>


تحياتي لج</p>


الرايد<img src="http://oasis.bindubai.com/emoticons/fa33.gif" border=0></p></font>

[علايه]

<font color='#000000'>مرحبا ...
تسلمين والله ع التكمله ..
بس بلييييييز لا تتحيرين علينا

وسواااالم...</font>

[هتان المنتدى]

<font color='#728FCE'>

السلام عليكم .....

مشكورة غناتي ع التكمله ....

ونتريا الجزء اليديد ....

والله وقفتي في مكان وايد مثير .....

تسلم يمناج الغلا ....

&nbsp;ونتريا التكمله ....

تحياتي."هتان"</p></font>

[الرايد]

<font color='#000000'><p align=center>الغاليه
نتريا التكمله

و السمووحه

<table style="filter: glow(color=&#39;&#39;)">الرايد
<tbody></tbody></table></p></font>

[بن دبي]

<font color='#000000'><font face="tahoma, arial, helvetica, sans-serif">مرحباااااااا

مشكوره على القصه، بس دخيلج الغاليه لا&nbsp;تبطين&nbsp;&nbsp;علينا نبا التكمله بسرعه<img src="http://oasis.bindubai.com/emoticons/biggrin.gif" border=0>

&nbsp;&nbsp;&nbsp;&nbsp;&nbsp;&nbsp;&nbsp;

&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp; تحياااااتي:
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;العزبه موووووول</font></font>

[بن دبي]

<font color='#000000'>لوسمحتـــــــــــ ـــــوااااااااااا &nbsp; &nbsp;حطوا التكملة</font>

[علايه]

<font color='#000000'>مرحبا الغاليه..

&nbsp; &nbsp; &nbsp; &nbsp; &nbsp;وين التكمله <img src="http://oasis.bindubai.com/emoticons/sad.gif" border="0" valign="absmiddle" alt=':('> &nbsp;نتريااااااااااااكم</font>

[المزيوونه]

<font color='#000000'>

السلام عليكم ...


تسلمين اختي ع نقل القصه ..

صح انا حاليا ما اقرى قصص .. بس انشالله وبحاااول اني اقرى
كل القصص المنقوله هنه وانرد عليهن ذاك الرد الطيب ..

واتمنى من كل اللي يقرون انهم يعلقون بشكل مفصل .. مب بس الطلب
بتكملة القصه .. والله اتمنى القى تفاعلكم مع احداث القصص
صدق العضوات ينقلن الكم هنه ويتعبن عمارهن ومايلقن المتابعه الشيقه&#33;

ولا انتو مب ويايه؟

يلا انشالله فالردود اليايه نلقى التفاعل اكبر..</p>


&nbsp;</p>


الله حيه<img src="http://oasis.bindubai.com/emoticons/smile.gif" border=0></p></font>

[هتان المنتدى]

<font color='#728FCE'>نتريا شو بيستوي ....

اتوقع ان خليفه بيرد لعقله ...

ولو دار الدنيا ما بيحصل شرات ميثا ....

(اندمجت وايد حليلي)

وبالنسبه لحمد....احس انه بياخذ نوفه ...

بس اذا سلطان يباها بتتغير وايد اشيا ...

ع العموم نحن في الانتظار....

تحياتي ...

...هتان...</font>

[علايه]

<font color='#000000'>مرحبا...
&nbsp; &nbsp; &nbsp; &nbsp;
&nbsp; &nbsp; &nbsp; &nbsp; وييييييين التكمله <img src="http://oasis.bindubai.com/emoticons/sad.gif" border="0" valign="absmiddle" alt=':('>
&nbsp; &nbsp; &nbsp; عسى المانع خير ...</font>

[عديمة الأحساس]

<font color='#000000'>

<img src="http://oasis.bindubai.com/emoticons/laugh.gif" border=0>القصة كامله في الم الامارات</p></font>