<font color='#000000'>السلام عليـكم , ,

عيون الليل , انا اليوم ياي و عندي صور بس لموضوعج , مصور من صباح الله خير حتى اخويه الصغير&nbsp;( توه داخل&nbsp;السنتين )&nbsp;ضاع الصبح, كنت ساير الخياط&nbsp;في بن سوقات توني عند الباب بدخل&nbsp;&nbsp;قال لي هدني و هديته , سرحت في شي شويه ولا اسمع وحده لبنانيه تزقرني , اخويه اخويه , صديت ولا اشوفها اميوده اخويه الصغير , اونه البيبي هرب <img src="http://oasis.bindubai.com/emoticons/tounge.gif" border=0>&nbsp;قلت الحمدلله ولا جان نحروني في البيت لول ,&nbsp; المهم هاي صورة جيس الخياط خذيتها يوم رديت البيت ,

<img alt="" hspace=0 src="http://oasis.bindubai.com/download/111111/252.jpg" align=baseline border=0>

المهم خلصت من الخياط خذت الكيس و طلعت , سرت الحلاق الي اسيرله دوم عسب احد لحيتي و قلت بالمره بحلق اخويه الصغير , دخلت و كانو الحلاليق &nbsp;يحلقون بس ماشي زحمه اللهم واحد قبلي , يلست , خلص الاول جان يقول لي الريال قم انته عندك ياهل بتعاني وايد انا الا هي ربع ساعه و بروح عادي , يمين يسار غيّر بدل , ماشي الا يقومني و يعطيني دوره مسكين , قمنا , عاد عقب الحشره الي سويتها المفروض اخويه يتحلق , يالله بنتحلق و قلت حق الحلاق اييب الكرسي مال اليهال , يالله بنتحلق , مابا <img src="http://oasis.bindubai.com/emoticons/oo.gif" border=0>&nbsp;--&gt; ياهي وهقه , يالله حبيبي بنتلحق مابيستوي شي مايعضون هاييلا , ماااباااا , و في نفس الوقت ناس دخلو الحلاق و رياييل كبار و كلهم يطالعونا و يضحكون و الي يقوله يالله باباتي تعال , حبيبي , تعال , الحلاق مايعض , مااااابا , ماشي فايده <img src="http://oasis.bindubai.com/emoticons/glare.gif" border=0>&nbsp;ف استمحت من الريال و خليته ييلس وانا طلعت قلت بنزله البيت و عقب برد, ,

المهم رديت عقب الحلاق و خذت هالصوره ( هالحشره كلها عشان موضوعج <img src="http://oasis.bindubai.com/emoticons/fa50.gif" border=0>&nbsp;)

<img alt="" hspace=0 src="http://oasis.bindubai.com/download/111111/251.jpg" align=baseline border=0>

المهم خلصت من الحلاق , رديت البيت , اتغديت ( فوقة دياي ) و تميت زابن في البيت لين تقريبا 6 الا شويه و طلعت , مريت على ربيعي و كالعاده وكر الاسود ستار بكس دبن هامز , وصلنا , و كان الكوفي يفووور من الزحمه ف اضطرينا ( حلوه هاي اضطرينا <img src="http://oasis.bindubai.com/emoticons/fa51.gif" border=0>&nbsp;) انه نطلع و نتيلس في هفانا و هالصورة خذيتها في هفانا , ( شوفي كيف الموضوع راسخ ( ياعيني )&nbsp;الي و كل ما اسير مكان اصور ) , بس للأسف اليوم ماكانت يمعتنا حلوه لانه وايدين من الشباب مب موجودين , الي في فندق جبل علي و الي في الفجيره يغاوص و الي عنده بطولة golf ,

<img alt="" hspace=0 src="http://oasis.bindubai.com/download/111111/253.jpg" align=baseline border=0>


و عقب سرنا ستار بكس , ادمان عالاقل 4 مرات في الاسبوع لازم اتيلس فيه <img src="http://oasis.bindubai.com/emoticons/fa40.gif" border=0>

<img alt="" hspace=0 src="http://oasis.bindubai.com/download/111111/255.jpg" align=baseline border=0>

المهم , يونا عقب 3 من الشباب اتيلسنا وياهم شويه و بعدين سرنا نتعشى , طبعا كل اربعا لازم نتعشى في هالمطعم ,

<img alt="" hspace=0 src="http://oasis.bindubai.com/download/111111/256.jpg" align=baseline border=0>

و هاي صورة السيزر سلط , <img src="http://oasis.bindubai.com/emoticons/fa37.gif" border=0>

<img alt="" hspace=0 src="http://oasis.bindubai.com/download/111111/257.jpg" align=baseline border=0>


انزين هذا هو جدول يوم الاربعا , ماكان ذاك الزود لانه الشباب محد مب كلهم موجودين , ان شاءالله باجر بصورلج مره ثانيه و بنشوف ,
عاد نتريا صوركم , مب بس انا الي اصور <img src="http://oasis.bindubai.com/emoticons/fa32.gif" border=0>
</font>