ما مفهومك الشخصي عن الصداقة؟؟
في نظري الشخصي الصداقه : الصدق والثقة ووجود الشخص في كل الحالات الحلوة والمره بين شخصين .. والبوح بالاسرار
له
هل تعتقد بوجود فرق بين الصاحب والصديق؟ وان كان هناك فرق فما هو؟
أما الصاحب اللي يصاحبني لأي مكان أكون فيه، الصديق أكون وياه ولو بعيد عن نظري ..
هل تتخذ اي شخص صديق ام هناك اسس وقواعد لذلك؟وان كانت هناك اسس وقواعد فما هي؟
طبعا هناك اسس وقواعد عشان اتخذ صديق، ومع هذا ما حصلت صديق بمعنى الصديق ( الصراحه ) يمكن فيه ناس
تستحق هالشي، لكن انا ما صادفني حد لين الحين ... ولو مؤخرا لي صديق من اهلي ..
الاسس اشوف اخلاقه، عنده ضمير ويخاف ربه ، وباجي الاشياء اشوفها عقب .
هل تولي ثقتك الكاملة لصديقك ام تعطيه جزء منها؟ولماذا؟
انا ما اعطي ثقتي الكامله لأي شخص عسب ما اندم ، لأني جربت بأني اعطي ثقتي لعدة اشخاص كنت جريب منهم
وحسيت مايستاهلون الثقه، ومابغي اتسرع بأي شي عشان ما احكم ...
هل هناك عدد معين من الاصدقاء يجب التوقف عنده؟ ولماذا؟
إذا عندك صداقات كثيرة فلازم تعطيه كل واحد حقه، يمكن لك صديق او اثنين اللي دايما وياك اما الباجي علاقة صاحب
اللي تشوفه بين فتره والثانيه ..
من برأيك اقرب الصديق ام الاخ؟ ولماذا؟
أحيانا يكون الاخ عدو والصديق أخ ...
هل تجعل صديقك في اختبار دائم ام تحدد وقت لذلك ؟
بين فتره والثانيه يحتاي نختبره وأحيانا المواقف اللي تصير هي اللي تحدد
حين تتعرض لخيانة الصديق فعلى من تلقي اللوم عليه ام على نفسك ام على من؟
احيانا على نفسي واحيانا عليه، لأني احس بأني ما اخترت صح، وأحيانا احس إنه هو مايستهل صداقتي
رد مع اقتباس
مواقع النشر (المفضلة)