<font color='#000000'><p align=center>حاولي وانت تتكلمين تتذكرين إنه صوتج عالي وراقبي نفسج ... لاتكملين الكلام وخفي صوتج ...
شوي شوي ممكن تتغيرين .. أما عن تقولين اسرار بيتكم مثلا .. الواحد مايثق الصراحه
بالرغم إنج تحسين براحة انا اعرف هالنقطة ... وهذا اللي أعاني منه ..
ما احب اشكي للناس .. ويوم افضفض بالواحات يحسون بي دايم الشكوى ويقولون إني
متشائم ... ويوم سرت عند ربيعي هو مب متفهم الوضع يقول كلنا نعيش مشاكل وانته
حاول تتأقلم .. قلت له الواحد يرتاح يوم حد يسمعه .. طبعا انا مابكلم شلة الشباب كلهم
لأنه في منهم سلام وكلام بسيط ...
يمكن طلعت برع الموضوع واتكلمت عن نفسي بس عسب اوضح لج ..
عندا واحد يقول كل شي .. بالضبط شو كل كم خطوه مشى .. حتى ما اقدر اقوله شي
إلا يتكلم به .. هو مب سئ .. لكن هذا طبعه .. نعرف اسرار بيتهم ...
والمشكلة مايقول لي انا على سبيل المثال ولكن يتكلم جدام الكل ..
لكن يا أم خالد مب شرط البنت تتكلم عن اسرار زوجها .. مافي رياييل مايسكتون
وأي شي يدور بينه وبين زوجته على طول يذيعه ...
دمعة وفا انا اقدر كم تحملين من الهم ... واعرف كلام أم خالد إنه اللي حواليج
ممكن يتذمرون من الشكوى لأنهم مب حاسين باللي تحسين به يمكن عندهم فضول إنهم
يسمعون بس ... وإذا تبين دليل .. ربيعي يوم اشكي له بشي .. يقول ماعرف
لأني انا ما انحطيت بالموقف عسب اعرف كم هالشي مؤلم ..
مب كفايه قال هالكلام .. المفروض يخفف عنا ...
وحسيت بالاحساس هذا .. يوم تشكين وعقب تندمين ..
محد ضربنا على يدينا .. نحن اللي تكلمنا .. بس هذا من زود ماتحمله خواطرنا ..
عن نفسي ماكنت ابغي اشكي .. لكن الضغط يولد الانفجار ..
فحسيت ابغي افضفض ...
<img src="http://oasis.bindubai.com/emoticons/rock.gif" border=0></p></font>