<font color='#000F22'><p align=center>
<font color=#996600>عزيزتي&nbsp; <font color=#336600>دمعة وفا
</font>
طبيعي جدا أنه لما أنحس بالضيقه أو الضغط أنطلع اللي بداخلنا والانسان بطبعه يلجأ أول بادي لشخص
يعزه ويقدره ويفهمه وواثق منه ،،،
&nbsp;بس&nbsp; مشكلتج عزيزتي باين أنها في اللي انتي أتفضفضين لهم
ما أنكر أنه أنتي تغلطين يوم ترفعين حسج بالرمسه هالشي طبيعي&nbsp; وناتج عن ردة فعلج وتحمسج
للموضوع أو لأهميته بالنسبه لج وحرصج على إيجاد الحل له بأسرع وقت ممكن
لكن اللي أنتي اتفضفضين لهم لو أتهمهم مصلحتج وأسرارج المفروض يعاونونج
بهالشي ،،،
&nbsp;أنتي لما تنفعلين يرتفع حسج من الحماسه وأنت ما أتحسين
بعمرج لكن الي يسمعج بامكانه ينبهج على هالشي وباستمرار
التنبيه بتغيرين من طبعج وبتتعودين تتكلمين بهداوه

من وجهة نظري لازم أتعيدين ترتيب أولوياتج وأتشوفين منو هي الانسانه
اللي ممكن تتفهمج تسمعج وبنفس الوقت تقدر أتحل مشكلتج
أو اتساعدج بايجاد الحل ،،،
شي وايد مهم وأساسي
لأنه يا عزيزتي حتى لو كانت عندج مشاكل أو أسرار اذا انتشرت بين ثلاثه
ما تعبتر سر ،،،
ادري طولت برمستي بس كل اللي بغيت أقوله لج&nbsp; أختاري الصديقه المقربه
منج وخليها تكون كاتمه أسرارج وبعدين اذا لقيتيها حتى اذا كان عندج شي
بتأجلينه لوقت أتكونون فيه رواحكم يعني لو على صوتج
مافي أي إشكال لأنه مافي غيركم بذاك المكان ...

<font color=#336600>أتمنى قدرت أفيدج بشي واذا أحتجتي شيء لا تنسين الغاليه نحن هنه كلنا خواتج
وحاظرين باللي تامرين به ...
</font>
والسموحه
</font></p></font>