<font color='#F52887'><p align=center><font face="times new roman, times, serif" color=#990066>حصلت شوق ناشه ويالسه تلم شعرهااااا</font></p>
<p align=center><font face="times new roman, times, serif" color=#990066>ام عبدالله : صباح الخير شواقي</font></p>
<p align=center><font face="times new roman, times, serif" color=#990066>شوق توقف وتسير صوب امها : صباح النور حياتي</font></p>
<p align=center><font face="times new roman, times, serif" color=#990066>ام عبدالله : يايه اوعيج</font></p>
<p align=center><font face="times new roman, times, serif" color=#990066>شوق :توني وعيت وتسبحت ويالسه الم شعري</font></p>
<p align=center><font face="times new roman, times, serif" color=#990066>ام عبدالله تيلس على الشبريه : تسلم عليج شواخي و اليوم بتيي</font></p>
<p align=center><font face="times new roman, times, serif" color=#990066>شوق تبتسم وتيي تيلس عدالها : و الله زين عيل</font></p>
<p align=center><font face="times new roman, times, serif" color=#990066>ام عبدالله : و الله وكبرتي يا شواقه</font></p>
<p align=center><font face="times new roman, times, serif" color=#990066>شوق اطالع امهاااا : توج لاحظتي وتبتسم</font></p>
<p align=center><font face="times new roman, times, serif" color=#990066>ام عبدالله اطالعهاااا : هيه توني يوم انخطبتي</font></p>
<p align=center><font face="times new roman, times, serif" color=#990066>شوق عقدت حياتها</font></p>
<p align=center><font face="times new roman, times, serif" color=#990066>ام عبدالله تبتسم : هيه</font></p>
<p align=center><font face="times new roman, times, serif" color=#990066>شوق : منوووو</font></p>
<p align=center><font face="times new roman, times, serif" color=#990066>ام عبدالله : احمد اخو ام ابراهيم يارتنااااا</font></p>
<p align=center><font face="times new roman, times, serif" color=#990066>شوق انصدمت تحرت بعد اخر رمسه سمعتهااا منه تحرت هو اللي بيخطبهاااا تحرت انه صادق لالالا ليش يجذب لييييش</font></p>
<p align=center><font face="times new roman, times, serif" color=#990066>ام عبدالله : ها شواقي وين وصلتي</font></p>
<p align=center><font face="times new roman, times, serif" color=#990066>شوق :ماااااااا ادري</font></p>
<p align=center><font face="times new roman, times, serif" color=#990066>ام عبدالله : انتي فكري حياتي ما ابج تردين عليه الحين</font></p>
<p align=center><font face="times new roman, times, serif" color=#990066>شوق سكتت ما عارفه شووووو تقول غسلت ايدهااا منه برايه الله يسامحه</font></p>
<p align=center><font face="times new roman, times, serif" color=#990066>الحلقة العشرين</font></p>
<p align=center><font face="times new roman, times, serif" color=#990066>يالسه في غرفتهاا تتجهز وتتعدل بتروح بيت اهلهاااا بعد ما سكرت من عند امهاا راحت تسوي حق ريلهاا تستاذن منه تروح بيت اهلها
عيسى : هلا الله بهالصوت
شيخه تبتسم : هلا فيك حبيبي
عيسى : فديت يا ربي باللي اشتتاقوا لي
شيخه تبتسم : منو قالك
عيسى : افاااا في الويه بزعل انااااا
شيخه : هههههههههه فديتك يا الغالي كله ولا زعلك انت الغلاااااااا كله
عيسى يبتسم ومستانس : وبعد
شيخه : لاه انت نسيتني ليش مسويه بسير عند امايه والله ولهت عليهااا
عيسى : ليش لاه يوم برد من الدوااااااااام بشلج حتى انا وولهت على عموه
شيخه : انت بتي الساعه ثنتين بسير ويا الدريول و الخدامه وانت تعال تغداااا هناك اوكييييييييه
عيسى : امايه ما بتروح وياااااااج
شيخه : لا انا قلتلها قالت بتيهاااا ام عبدالعزيز وما بتروح
عيسى : اوكيه خلاص انااااااااا بيي يوم يخلص الدواااااااام
شيخه : اوكيييييه حبيبي مع السلامة
عيسى : هالله هالله بعمرج حياتي
شيخه تبتسم : ان شاء الله في حفظ الرحمن
.................................................. ........................................
...
يالسه اطالع التلفزيون مضيجه هيه اصلا حالتها مب حلوه من يوم سوت موقف بايخ حق عمرهاااا صدق انها خسفه خلت عمرهاااا من جيمة بنات الشوااارع باللي سوته بس تستاهل اللي ياها منه محد قالها تسويه جذيه بعمرهاااا والخوف انه يخبر شوق لانه اكيد بيعرف الرقم و الله فشيله لو درت اكيييييييييد بتخبر ربيعتهاااا عليا ولو درى محمد يااااا ويلي لالالالا ان شاء ما يدري
ام محمد واقفه فوق راسها : ميثوه وصمخ يالسه ارمسج من الصبح وما تردين
ميثه انتبهت لامهاا: ها امايه ترمسيني
ام محمد تيلس : اشفيج امايه انتي تعبااانه
ميثه تبتسم بمراره : لا فديتج ما فيني الا العافية انتي شو كنتي تبين
ام محمد : اقول رمستي اخوج محمد
ميثه : لا امايه ما رمسته
ام محمد : عيل امايه قومي بنسوي لهم تيلفون
ميثه : ان شاء الله امايه
وقبل ما ترفع ميثه سماعة التيلفون رن التيلفون وشلته
شوق : السلام عليكم
ميثه من سمعت صوت شوق زاغت من الخاااطر يا ترى خبرهااا شوق ليش متصله ما من عوايدهااا تتصل : وعليكم السلام
شوق : هلا ميثه اشحالج الغالية
ميثه ارتاحت من نبرة صوتهااا : بخير ربي يعافيج اشحالج انتي
شوق : شخبار اهلج وامج عساهم بخير
ميثه : بخير الحمد الله شخباركم انتوا وشخبار شواخي
شوق : بخير الحمد الله يسرج حالهاااا انا حبيت اسال عن العروس شخبارهاااا و الله ولهت عليهااا قلت بسال ميثوه عنهاااا
ميثه : الحمد الله تونااا انا امايه قلنا بنسوي لهم
شوق : انزين حبيبتي سلمي عليهااااا وايد وسلمي على امج
ميثه : ان شاء الله سلمي انتي وسلمي على سعااااد اوكييييه
شوق : ان شاء الله فمان الله .........
ميثه : مع السلامة
............................................
يالس في المكتب وجداااااااامه ملفات يبى يراحعهن وحالته حاله ومشغول حده ويدش عليه فهد ويوم شاااااااافه ضحك
عبدالله يرفع راسه وخوز النظاره : وعلى شوووو تضحك
فهد : اشوفك عافس عمرك ويااا هالملفات
عبدالله : شفت عاااااد اليوم الشغل على راسي
وشوي يدخل منير يايب لهم نسكافيه ويحطه على الطاوله
فهد : مشكور منير
منير يهز راااااسه وطلع عنهم
فهد ياخذ كوبه : انته اصلااااا ياي متاخر
عبدالله : رحت اليوم العزبة عقب رديت البيت وتسبحت ويت الدوام عسب جيه اتاخرت فهد : اهااااا
ويلسووااااااااااااااااااا اااا يسولفون
.................................................. ........
شيخه وامها يالسات في الصاله يسولفن وتنزل شوق وشمه من فوق
شيخه مبتسمه : هلا و الله بالعروس ...............وسلمت عليهن
شمه : عااااااااااااااااااااد منو العروس انا والا شووووق
شيخه : شووووووووو انتي على شو مستعيله
شوق : ولا اناااااااااا مستعيله بعد
ام عبدالله : انتي فكري على راحتج غناتي لا تستعيلي
شمه وعلامات الاستغراب في ويهها :شوق انخطبت
ام عبدالله اطالع بنتهاااا : هيه
شمه : و الله منوووووووووووووو ولا خبرتوني
شيخه : هههههه اشفيج فاجه الحلج خطبها احمد ولد يرانااااا اللي يدرس براااا
وينزل من فوق
محمد : منو اللي خطبوهاااااااااااااا
شمه : شوااااقه
محمد : و الله بس انا مب موافق
ام عبدالله : منوطلب رايك ياحبيبي
محمد : عييل بتيوزوهاااااااا بدون موافقتي ومن يقدر يسويهااااااا
ويلسواااا يسولفون ويضحكون ومحمد يخربط عليهم ويوم يت الساعه وحده راحت شوق غرفتهااا تبى تصلي وتبعتهااااا شيخه
شيخه تيلس على الشبريه : شواقي
شوق تصد صوبهااا : نعم
شيخه تبتسم : تعالي يلسي عدالي
شوق تروح تيلس عدالها
شيخه : شو رايج بالموضوع
شوق عرفتهااااا ووطت راسه
شيخه : انتي موافقه
شوق موطيه راسهاااا : ما ادري
شيخه : وفهد
شوق اطالعهااا : شو فهد بعد هذاااااا واحد جذااااااب
شيخه اطالعها باستغراب : شو هالرمسه شوق مب عيب ليش تقولين عنه جيه يزاته انه يحبج
شوق توقف وبتصيح : دخيلج شواااخي اونه يحبج الله يخليج لا تقولين جذيه هووو اصلاااا ما حبني لو حبني مااااااااااا ودرني
شيخه : و الله انه يحبج يا شوق
شوق : خلاص شيخه براايه ما يهمني الحين اناااااااااااااا بوافق على احمد
شيخه : شوووووووووووووووووووووو
شوق : انا قررت وفهد الله يسامحه
شيخه : بس شوق انتي تحبينه
شوق مشت عن اختهااا : مب مهم
.................................................. ..............................
الساعه ثنتين يا عبدالله وعقبه يا عيسى وتغدواااااااااااااااااااا ااويلسوااااااااا وياهم شويه عقب سارواااا بيتهم وفي السيارة
عيسى : لاه ............. شوق انخطبت
شيخه : هيه
عيسى : وهيه شوووووو رايهاااااا
شيخه : بعدهااا ما ردت عليهم
عيسى : الله يوفقهاااااا ببولد الحلال اللي يسعدهاااا
شيخه تبتسم :اميييييييييييين
.................................................. ........................................
..................
وبالباجر الساعة ثلاث ونص الظهر يالسه في غرفتهااا ووياه بنت اخوهاااا حمده تمشطلهااا شعرهااااا
سعاد : حموده
حمده : اه
سعاد : ليش انتي دبه
حمده :نتي ببه
سعاد : لا انا حلوه انتي شينه وببه
حمده : نتي آ حلوه
سعاد مخلصه مشطه راسهااا : قومي يا الدبه عني اريولي عورتني
حمده تقوم مبوزه : انا آ حبج
سعاد :هههههههههه ولا انا احبج
تدخل عليهم ام فهد وتركض حمده صوبها وتلفهااااا
سعاد : وع عليج يا البزااااايه
حمده : ديده هاي .. ببه حايسة
سعاد : جب مسودة الويه انا خايسة بعدني يالسه الم هالكشه تقول غابات استوائية كثيفه
ام فهد تشل حمده :ههههههه الله ياخذج سعادوه خلي البنت في حالهاا ....وتصد على حمده وتبوسهاااا : فديت هالويه ........وحمده اطلع لسانهااااا لسعاد
ام فهد : سعاد فديتج قومي سيري ويا الخدامه تسوي فواله
سعاد : جيه منو بيي امايه
ام فهد : خالوتج مريم وبناتهااااا
سعاد : شو يايبنهن
ام فهد : وابويه عليج شوووووووو هالرمسه الخايسة
سعاد لاويه بوزهااااا : صدق ما احبهن ييلسن يتنقدن هذا مب حلو وييييييييييه سعادوه جنج متنتي كله صوب ونوال في صوب ريلي يابلي وريلي وداني وحالتهن حاله
ام فهد : خل عنج هالرمسه انتي شو تبينهن ......وطلعت عنهااا انقفضي الحين بيون
................................................
واقف جداااااااام المرايااااا تسفر وتسبح بالعطر وطالع عمره للمره الأخيره وشل بوكه وتيلفونه وسويج سيارته ونزل وفي الصالةوحصل امه وشيخه يرمسون
ام عيسى : شو هلج ردوا على العرب سمعت انهم مستعيلين
شيخه : لا ما ظني شوق بعدهاااااا ما وافقت
ووقف مكانه وهو يسمع رمستهم وعلامات الاستغراب في ويه على شووووووووو توافق شوق ومنو هالعرب اللي يردون عليهم كمل طريجه ويالس يطالع شيخه وهيه يوم شافته رفعت راسهااااا وابتسمت بس ابتسااامه ما فهم معناه
فهد: عن اي عرب ترمسون وشو دخلها شوق
ام عيسى : الله يسلمك هذيلا عرب خاطبين بنت عمك شوق
فهد وعاقد حياته وبصوت مرتفع : خاطبين شوق
شيخه : هيييييييييييييييييييييييي يييييييه
فهد : متى ومحد قالي وكيف هم يخطبونهاااااااااااااااااا اا
ام عيسى : يالله بالستر وليش ما يخطبونهاااااا
فهد يطالع شيخه : هيه موافقه
شيخه موطيه راسهااا : ما ادريبها يمكن
فهد : لا مب عكيفهاااا اونه يمكن انا احق من الغريب
ام عيسى : ما دام تبى بنت عمك ليش ما رمست هاه هيه جدامك من زمان
فهد يمشي وهو معصب ويصارخ : هيييييييه اباه وشوق ما بتكون لغيري
وطلع عنهم ورقع بالباب بقوووووووركب سيارته وطلع ومسك تيلفونه ودق لعبدالله
عبدالله يوم شاف رقمه : هلا و الله بولد العم
فهد معصب : عبدالله شوق انخطبت
عبدالله مستغرب انه فهد يصارخ : اشفيك فهد
فهد : شوووووووو الغريب ابدى مني ها ولد عمي
عبدالله عاقد حياته : شو الغريب وما الغريب شوق جدامك من زمان ما قلت انك تباها او بنت عمي محيرنهااااا ولا لمحت حتى
فهد تعبان : عبدالله انا ابى شوق
عبدالله مستانس في خاطره هو بيحصل احسن من فهد :ههههههههه و هالصراخ كله قول من الصبح اباه ما يحتاي تصارخ
فهد هدا عمره :هيه وافقت على العرب
عبدالله : لاه هيييييييييييه تفكر بس ما دام انت تباه انت ولد عمها وابدئ من الغريب
فهد :وين انت
عبداللله : نازل انا و العيوز السوق
فهد : وانا جدام بيتكم</font></p>
<p align=center><font face="times new roman, times, serif" color=#990066>عبدالله : ههههه انزين انزل هناك محمد و البنات ما بنبطي ترياني
فهد : انزين مع السلامه
عبدالله يبتسم من الوناسة : مع السلامه .........وبند عنه
ام عبدالله يالسه تتسمع المكالمة واستانست وايد شوق ما بتحصل احسن من فهد وهييييه من زمان تتمنى فهد لشوق و الحمدالله الله حقق مناها
عبدالله : ههههههههههههههههه
ام عبدالله : فديت هالضحكه ليش تضحك
عبدالله : اضحك على هالخبل فهد يصارخ اونه يبى شوق
ام عبدالله : وشوق ما بتحصل احسن منه
عبدالله : اكيييييييييد فهد ريال و النعم
ام عبدالله مبتسمة وترفع ايدهااااا : الله يتمم بخير
عبدالله : اميييييييييييييييييين .........و الحين العيوز وين تبين نسير
ام عبدالله : الحين سير صوب الجمعيه ابى اتقضى اغراض للمطبخ
.................................................. ........................................
........
وصل البيت وحصل الخدامة ودخلته الصاله وراحت فوق تنادي محمد وشوق لانه شمه رايحه بيت يرانهم عند ربيعتهاااااااااااااا اليازيه
شوق تفج باب غرفتها للخدامه : ها شو تبين انتي بعد
فكتوريا : باباه فهد في صاله تهت
شوق بعصبية : و العثرتين انزين سيري خبري ماماه
فكتوريا : ما فيه احد موزود في البيت وحمود سبح
شوق : انجلعي حطي القهوه وقولي حمود سبح وشوق نوم
فكتوريا : انا قلت هيه اجلس شوووووووو تلفزيون
شوق : الله ياخذج سيري عن ويهي انا ناقصتنج انتي بعد........
وراحت عنها فكتوريا ودشت غرفتهاااااا وسكرت الباب بقووووو ما تبى تشوف رقعة ويه بعد اللي سواه ياي صدق انه نذل ونزلت دمعتهاااا ومشتهاااا بسرعه برايه الله لا رده وبطلع له شوووو بياكلني لبست شيلتها البيضا وراحت الصاله اللي تحت اول ما نزلت شافته ووقف يوم شافها
شوق وابتسامه متصنعه : مرحبتين الساااااااع ولد عمي اشحالك
فهد : بخير الحمد الله يسرج الحال اشحالج انتي
شوق تاشر عليه : تفضل ........الحمد الله انا بخير شخبار الاهل
فهد : االحمد الله
وبعد الترحيب و السوال عن الحال ساد الصمت خمس دقايق بين الاثنين ولا واحد تكلم وقطع الصمت صوته وهو يقول : شوق قال لي انخطبتي
شوق تبتسم وحاسه بضيق في صدرهاااا : هيه انخطبت
فهد يبى يعرف رايهااا : شو وافقتي
شوق : ليش لاه قالوا عنه ريال ما ينعاب والا انت تعرف عنه شي مب زين
فهد يصارخ صدق ردهاااا غاضه و تقول وافقت : شوووووووووووموافقه
شوق اول ما صرخ خافت وردت بتحدي : هيييييييييييه موافقه
فهد :وانااااااااااااااااااااا ااااااااا
شوق تبتسم بسخرية : انت............. انت شووووووووو
فهد : انا ما تدرين عني ما تدرين اني احـــــــــــــ..............
قطعه صوتها وهيه تصارخ : بسك جذب اونه احبج اصلا انت ما تعرف الحب
وتقوم واقفه تبى تروح عنه ويمشي وراها ويمسكهاااااااا من ايدهاااااا
شوق بعصبية : ايييييييييييه وخر عن ايدي عورتني
فهد بعصبية ويصارخ : الحين انا جذاااااااااب ....جذاب لاني حبيتج .............................جذاااااب لاني اموت في التراب اللي تمشي.عليه ............. جذااااب لاني كنت افكر فيج ليل نهاااااااااار
وتقطع رمستهم الخداامه وهيه يايبه الفواله ويوم شافه بطل ايد شوق وحطتهاااا على الطاوله وطلعت عنهم
شوق تبى تمشي عنه
فهد بعصبيه واضحه وويه احمر و الشرار في عيونه : شوووق
من سمعته وقفت مكاانها ما تحركت وتجدم يا صوبهاااااا ووقف جدامهااا وهيه منزله راسهاااااا
فهد : شوق انتي تحبيني
شوق وهيه تصيح : لاه انا مااااااااااااااا احبك
فهد وبدا يعلى صوته : لاه شوق انتي تحبيني
شوق وحالتها حاله : لالالالالالالالالالالالال الالالالالالالالالالالالا لالا
فهد يهدي عمره ويطالعها بحب : حطي عينج في عيني وقولي ما احبك
وهيه ساكته ما تكلمت ويالسه تصيح من الخااااااطر ومنزله راسهااااا
وبعدين قالت :خبرني اناااااااااااااا شووو سويت لك
فهد مستانس : خبلتيبي خليتيني شراااا المينون من كثر ما احبج وهذا شوية
شوق تصيح وساكته
فهد يبتسم ويرفع راسهااااا بايده : انااااااااا احـــــــــــــــبج وخطبتج من عبدالله ووافق وما باقي الا رايج شووووووووووو قلتي
شوق ساكته
فهد : هااااااااا شوق
ويسمعوا صوت ياي من فوق ويبتعد عنهاااا وهيه سارت تركض غرفتهااا فوق عند الدري
محمد : ول اشفيج تركضي دعمتني حووووووووووووووووووو ما تشوفين
وهيه كملت دربهااااااااااا ونزل محمد تحت وحصل فهد واقف
محمد : هلا بولد العم
فهد ووده يعطيه كف يعدله ويه ضيع عليه ما سمع موافقتها يا ربي شو اسويبه اذبحه والا افرمه هذا : هلا بمحمد يلا فمان الله ............وراح عنه ما ترياااااا رده
محمد مستغرب : شووووووووو هالهبل هذيك ادعم وهذاااا طنشنا صدق ما يستحوون
.................................................. ......
وبالباجر يواااا الريال وحددوااااا موعد الملجه و العرس في يوم وحده بعد شهر وبدااااااا الكل يجهز مااااا باقي و قت شهر وااااااحد بس وهيه العروس دومهاااا هيه واختها شيخه مطيحات مره في العين ويومين في بوظبي ويومين في دبي واللي متلعوز صدق هو عبدالله ومبتلش بتوصيلهم ويساعد ربيعه وولد عمه في تجهيز لوازم العرس
مااااا باقي على العرس الا خمسة ايام
شوق توهاااا داخله و الكيس في ايدهااااا وراها شيخه حليلها هلكانه وواصله حدهاااا ويلست على اول كنفه
شيخه : يالله احس نفسي بينقطع من التعب
شوق تيلس :ههههههههههه لا دخيلج ما باقي الا خمسة ايام عن عرسي عقب برايج
شيخه : خس الله هالويه يا الخايسة اونه برايج معليج وانا مرتبشه ويلا السوق وشيخه نسير وشيخه تعالي
شوق : فديت يا ربي انا شيخة الحريم يااااااا ربي اسميه عيسى اختاااااار يوم اختار شيخه
شيخه : هييييييه الحين دهني سيري يا السبالة
ويرن تيلفون شوق وتشوف على الشاشة توأم روحي بانت الوناسه في ويهاااا وردت على التيلفون
عليا : مرحبااااااااااااااااااااا اااااااااا
شوق : يا هلا و الله بهالصوت يعلني ما خلا منه
عليا :ههههههههه اهلين بالعروس اشحالج
شوق : تبين الصدق هلكانه كل يوم السوق
عليا : ههههههههه فديتج الله يعطيج العافيه
شوق : هاااا شخبار ميثه وعموتج عساهن بخييييييييييير
عليا : يسرج حالهن....................................هه هه و الله وبتعرسين يا شوقوه ومن فهد
شوق : هههههههههه شفتي عااااد
عليا : بس تعرفين مب حلووووووووو ودمه ثقيل
شوق : جب .........وتوطي حسهااااا: فديت روحه يااااااا ربي
عليا : وقمناااااا نتفدا بعد
شوق : هههههههههههههههه عيييييل لو ما تفديته هو اتفدا منو
عليا : انااااااااااااااااااااااا ااااااااااااا
شوق : هههههههههههههههههههه يالغرور
عليا : برايج حياتي اسمع محمد يناديني
شوق تبتسم: انزين ويعني
عليااااااااا : وشو يعني هذاااا الغلاااااا كله وتقولي يعني اقولج جلبي ويهج
شوق : ههههههههههه برايج مع السلامه
عليا : في حفظ الرحمن سلمي
شوق : يوصل السلام ...................وبندت عنهاااااا
وشويه وداخه ميثه غرفتهااااااااا
ميثه : علايه قومي تغدي
عليا : سمعت محمد يناديني يى هو
ميثه : هييييييييييييه يى يلا قومي نتغدااااااااااااا
عليااا : تسلم عليج شواااااااااااقه
ميثه : الله يسلمها شخبارها العروس
عليا :ترتوب
ميثه : منو بياخذهاااااااااااااااااا
عليا : ما شفتي البطاقه هذا الله يسلمج فهد ولد عمهااااا............... ومشت تبى تظهر من الغرفة
من سمعت اسمه سكتت وابتسمت بمراره على غباءهااااا وقالت تستاهله شوق و الله يوفقهم يااااا رب
عليا: ميـــــــــــــــــــــــ ــــثوه
ميثه انتبهت : هااااااااا يايه يايه
.................................................. .................................
يوم الاربعاء باجر عرسه هو ما مصدق انه خلاص شوق بااجر حرمته هالشي من زمااااااااان يترياااااااااااه وحالته حاله من الوناسه الدنياااا مب شايلتنه من الوناسة
عيسى : ها المعرس في شووووووووووو تفكر
فهد : هههههههههه الا عيسى باجر عرسي
عيسى : عزالله الريال اتخبل ههههههههههههههههه
فهد : و الله اني ما مصدق واخييييييييييييييييييييرا
عيسى : والريال غرقان من زماااااااااااااااااااان ومحد داري
فهد : هههههههههههههههه
عيسى : بس ما خلصني عرسك انت وشوق حرمتي مطيحه بيت اهلها ما شفتهاااااالا بالتيلفون دومهاااااااااااا مشغوله
فهد : هههههههه برايك تعبوا فعرسي نفس ما تعبت في عرسك
عيسى : ههههههههههههه اكييييييييييييييييييد وكم فهد عندنااااااااااااااااااااا
.................................................. ..................
في غرفة شوق الكل متيمع ويالسين يسولفون
شمه : يا حليلي بتم اروحي
شوق : وين اروحج امايه وحمادي وعبدالله
شمه : مااااا ابى شوق لاتروحين
عبدالله : حلفي بس انتي
شمه بدلع : والله
محمد : متى ايي الريال اللي يفكنااا منج ومن حشرتج
ام عبدالله : هيييه يالسه فوق راسك
شيخه : عقبال عبادي ومحمد ان شاء الله اشوفهم معاريس
محمد : لا انا كيف تبيني اعرس ........ويطالع عبدالله : و الشيخ بعده
ام عبدالله : اسكت انته خل عنك الخريط ..........وتصد صوب عبداللله : ها الغالي ما نويت ابى اشوف ولد ولدي قبل ما اموت
عبدالله : يعل يومي قبل يومج .............انتي محصلتيلي عروس
وهني الكل استانس من سمعواااا رمسة عبدالله واولهم امه
ام عبدالله : فديت روحك يا ربي الكل يتمناك
شيخه تبتسم : جان يعيبك رايي انا برشحلك وحده
عبدالله يبتسم : اكيييييييييييد بيعيبني مادام انتي اللي مختاااااره
شيخه تصد على امهاااااااا : اماية سعاد خت فهد ريل خالوه ليلى
ام عبدالله : و الله يا زين اللي اخترتي ما شاء الله عليها حرمه ما عليها قصور
شوق : هيييييييييييييييه و الله
عبدالله يبتسم : واناااااااااااااا ما عندي ماااانع موافق
شمه : كلولووووووووووووووووووووو وووش ششششششش
و الكل يلس يضحك عليهااااااااااااااااااااا اااااااااااااااااااااا
.................................................. ......................................
يوم الخميس يوم عرس فهد وشوق تاريخ 2004 |8 |26
الكل مستانس وفرحااااااااااااان وخاصه فهد اللي صدق متخبل من الخاطر الساعه تسع عقب ما خلصت الكوافيره معدلتنها لبست فستانها وطلعت قمر هيه اصلا حلوه و المكيااااج زادهاااا حلااا ودوها غرفة ورى الكوشه ويلست هناك وكانت الخيمه من احلى ما يكون فهد ما مقصر كان يبى عرسه يكون احلى عرس كل شي منسق ومرتب حسب اللي طالبنه وعقب ما خلصواااا المعازيم متعشين بندووووا الاضوا ووجهوا ضوء صوب الباب الرئيسي و الكل ينتظر شوق وهيه تدخل و الكل متوقع انها تكون في منتهى الجمال انفتح الباب على صوت الموسيقى الكلاسيكية ودخلوا بنت صغيرة لابسة فستان ابيض وطرحه وشاله باقه فيها ورد ابيض واصفر في ايدهااا وعدالها ولد صغير كبرهااا لابس كندوره و بشت وعصا في ايده واتفتحت الاضواء ومشوووا و المعازيم استانسوا عليهم صدق اتفاجؤاا تحروا شوق بتدخل ووصلوا الصغار الكوشه ويلسوا في كرسي طويل عدال كرسي الكوشه اللي في النص وانطفت الاضواء مره ثانية واتجهت الانظار صوب الباب الرئيسي بس هالمره الضوء تسلط على الباب اللي وراء الكوشة وانفتح على موسيقى كلاسيكيه وطلعوا فهد وشوق ينزلوا من الدري عقب مشوا في الممر وبعدين ردوا الكوشه وشل الطرحه من على ويهها وحبها على يبهتهاااااا
فهد :مبروك حياااتي
شوق ويها محمر وبصوت واطي الله يبارك فيك : الله يبارك فيك
فهد : تعرفين اني اليوم اسعد ريال في الكون
شوق ابتسمت وهيه ساكته
فهد بصوت مسموع للي واقف في الكوشه : أ ح ب ج ..............أحبج ههههه
شوق هنيه ازدادت حموره ومستحيه وما عارفه شووو تقول و كان الكل فيه فضوول يبون يعرفون شو يقولها يخليها تحمر كل مره ازيد عن اللي قبلها
ويلسوااااا المعاريس وشوية دخل عبدالله اخوهاااا ومحمدوعمها ابو عيسى وسلمواااا عليهم ويلسواااا يصورون ويااهم عقب ما غطوا شوق دخل عيسى وسلم عليهم وصور ويا اخوه وكان عبدالله يبى يظهر من الخيمة ويسمع حد يزقره و التفت صوب مصدر الصوت
عبدالله يبتسم : يا ويل حالي شو هالحلاه شميم
شمه : شفت عاد
عبدالله : عييييييييييييييل وينهاااا شواخي
شمه تاشر له : هذيك
يطالع عبدالله الجهه اللي اشرت فيها شمه وطالع شيخه وسوى لها بايده يسلم عليها
شمه بخبث : تبى تشوفهااااااا
عبدالله فهم قصدهااااااااا ويستهبل : منووووووووووو
شمه اطالعه بنص عين : سعاد
عبدالله : هههههههههههه وينهااااا
شمه تاشر له وسعاد كانت يالسه في طرف بعيد مب متغشيه متحجبةوفي حضنها حمده بنت اختها : شفتهااااااااااااااااا
عبدالله يبتسم : لا تاشرين فضحتينااااااااااااا شفتهاااااا
شمه :حلوه و كشخه صح
عبد الله يطالعها بنص عين : مالج خص هههههه وراح عنهااااااا
شويه وشل المعرس عروسته ساروا صوب المطار عقب ما بدلت عشان يقضون شهر العسل في جزر المالديف
{ودامت دياركم عامرة بالمسرات}</font></p>
<p align=center><font face="times new roman, times, serif" color=#ff0000 size=7> النهاية</font></p></font>
رد مع اقتباس
مواقع النشر (المفضلة)