<font color='#000000'>مرحباااا والله بـ دخووونوووه تدرين التنويع يمدحونه - غير ان الاراء بعد مهمه - و ترى الي قلتيه مهم جدا في مسألة قراءة الإلمام و النقد و مهم لتنمية الذائقة القصصية بالقراءة المنوعة فهناك قصة بعد أن تنتهي منها تقول الحمدلله إني قريتها والا جان فوتت على نفسي عدة فوائد وفي قصة اتقول الحمدلله اني قريتها عشان ما اشتري لهالكاتب مره ثاني اي قصه - هذا جانب واحد من الجوانب لان في قصص يغلب عليها طابع الوصف وصف الاماكن و الشخصيات و الاجواء وفي قصص اتدخلك في النفسيه البشريه - يعني مره اتكون انت على المسرح كشخصيه م مره اتكون بين كراسي الجمهور و مره اتحصل عمرك كانك اتشوف قصة فيلم ما تفهم لغته - هذا في جانب الي يقرا للقراءه - اما للكاتب فأكيد مهم إنه يكون مطلع على غالب الاتجاهات في كتابة القصة - وبعدين ترى بسهوله بعد كثرة القراءة انك اتصير انتقائي تتبع ذوقك الي تشكل خلال السنين فتفح صفحه من القصه عشان اتقول تستاهل القراءه او ما تستاهل - و القاعده انك تقرا الي اتحبه و الي ما اتحبه عشان اتعرف ليش ما اتحبه - بس هذا للي امضوا سنين في القراءه - و اوصل للفقره المهمه الي في بالي ان القصص اصابتها مشكلة التجارة فصرنا انشوف القصص التجاريه الي اتخاطب الغرائز اتخاطب الفراغ العاطفي و تعطي صور و مواقف فيها حميميه طاغيه - فهالنوعيه وللاسف هي الغالبه و الكثيره في السوق و على فكره ترى هالسلاسل القصصيه المترجمه كلها متشابهه فمره القصه في الجبل و مره في المدينه و الابطال هم نفسهم (( يشبهون خوان الغول خخخخخ )) يبقى إني أقول ما سمعته من زمان وهو كلام صحيح بلا شك - أفضل القصص على الإطلاق قصص القرآن أقروا قصة يوسف أقروا قصة عيسى أقروا قصة نبينا محمد عليه الصلاة و السلام أو أسمعوها من طارق سويدان - بعد في خاطري كلام ماقلته يمكن اقوله بعدين و السموحه </font>
رد مع اقتباس
مواقع النشر (المفضلة)