<font color='#736AFF'>السمووووووحه ع التاخير<img src="http://oasis.bindubai.com/emoticons/blush.gif" border=0>
مريوم كانت في هذا الوقت داخله النت .... والعنود ردت من عند عليا ... ودخلت النت بعد ...
اول ما دخل المسنجر لقى مريوم اون لاين .....
خليفه : مرحبا الساع ..
مريوم : مرحبتين .... ما شاء الله ... انت في جنيف ... وله قاص علينا اونك مسافر ولا سافرت ....
خليفه : ههههههههههههههه ... هيه في جنيف ...
مريوم : وما شاء الله .... وكيف داخل النت .؟؟!!!
خليفه : انا رايح صحرى .. اكيد في مقاهي نيت .... وبعدين انا داخل بس جي اطمن عليكم ... وبطلع الحين ...
مريوم : اطمنت عليك العافيه ... هييييييييه صح ... زيود رجع من السفر ....
خليفه : والله ... هذا ما عرف يرجع الا يوم انا سافرت ... صدق مخالف ...
مريوم : المهم انه رجع ... وبعدين انت بعد اسبوعين بترجع ... وهو بتخلص ايجازته بعد شهر ..
خليفه : اههاااااااا ... اوكي ... مريوم ...
مريوم : هلا ..
خليفه : كلمتي العنود ..؟؟؟
مريوم : لا ... بس هيه الحين اون لاين ... تباني اقولها شي ؟؟؟؟
خليفه : لا ... ما في داعي .....
وسكر عنها ....... ودخل واحد من مواقع الاغاني ... وطرش حق العنود ايميل ... شله..
<a target=_blank href="http://www.dubaimoon.com/songs/sala...3amre/lokam.ram" target=_blank>http://www.dubaimoon.com/songs/sala...3amre/lokam.ram</a>
واول ما طرشها طلع من النت .... وردوا هو ومحمد الفندق عشان يرتاحون .... ...
واول ما وصلت العنود الرساله ... فتحتها ... وسمعت الاغنيه ... دخلت على مريوم وكلمتها ..
العنود : مريوم ... شحالج ..
مريوم : بخير الحمد الله ... انت شحالج ...
العنود : تمام ... مريوم ... انت مش قلتيلي ولد خالج مسافر ....( بدت تشك ...)
مريوم : هيه مسافر ... ليش ؟؟؟
العنود : مطرش لي ايميل شله ...
مريوم : والله ... طالعوا السبال ما خبرني ....
العنود : ليش يخبرج ... عشان تيبين الجذبه عدل ..
مريوم : أي خذبه ...
العنود : انه مسافر ... وكيف طرش الايميل ...!!!!!!!!!&# 33;!!!!!!!!
مريوم : انت شعندج ... شو اللي ياينج ؟؟؟؟
العنود : انا ما عندي شي ... بس اكتشفت جذبج ... تريدين تعقيني في مشاكل ...
مريوم : أي مشاكل ... لايكون انت مب مصدقه انه مسافر .. لانه مطرش لج ايميل ...
العنود : هيه .. مب مصدقتنج ...
مريوم : افا يا عنود ... هذا اخرتها ... تظنين فيه .... ويكون في علمج ... انا مثلج تحريته يجذب علينا .. وانه مب مسافر ... بس هو قالي انه في كافيه نيت ...ودخل من هناك .... وعلى العموم مشكوره ... وجزاج الله الف خير .. وسمحيلي اذا كنت اتسببت لج بمشاكل ... ومع السلامه ...
( وعلى طول طلعت مريوم من النت ) ............ وبعد ما قرت العنود الكلام ... حست بتأنيب الضمير .. وأنها ظلمت مريوم ... وما قدرت ادق على مريوم لان الوقت اتاخر ........
وثاني يوم ... تمت العنود تتصل بمريوم بس مريوم ما ترد عليها ... كان حاز في خاطرها كلام العنود ...
وبعد يومين .................... في بيت خلود ......
سلطان : خلود ... تعالي بغيتج
خلود : ان شاء الله ...
وقامت خلود ... ودخلت حجره سلطان ...
خلود: خير ... شو بغيت ؟؟!!!!
سلطان : خلود ... بغيت رايج ...
خلود : عيوني لك ...
سلطان : تسلم عيونج ... انا اريد اعرس ..
خلود : والله ... ( مستغربه .. لان سلطان صايع .. ضايع .. راعي بنات .. ومش راعي عرس ) ...
سلطان : والله ... وشفيج مستغربه ..
خلود : لا ما شي ... بس هذي الساعه المباركه ... بس انا شو بيدي .. خبر اميه وهي بتخطب لك ..
سلطان : انا ما ريد أي وحده .. انا في وحده رايدنها ... واباج تاخذين رايها قبل ما اروح اخطبها ... ...
خلود : انا اعرفها ...!!!!!
سلطان : هيه تعرفينها ...
خلود : منو .... !!!!!!!
سلطان : مزنه بنت عمي ....
خلود : مزوووووووووووون ...
سلطان : هيه مزون ... وليش منصدمه ؟؟؟
خلود : لا مش منصدمه ... بس ما توقعت انك تبا مزون ... عمرك ما بينت انك تباها ..
سلطان : ادري ... وانا عمري ما فكرت فيها ... ولاخذت بالي منها ... بس يوم كنا في ابوظبي .. بيت عميه انتبهت ... وعجبتني واااااااااااااااااااايد ...
خلود : انت الحين تباني اكلمها .. واخذ رايها صح ..
سلطان : هيه ... واليوم بعد ..
خلود : القوم ... مستعيل ..
سلطان : تدرين يمكن اخلي عرسي وعرسج بيوم واحد ....
ومن قال سلطان عرسج ... اختلف ويها ..وتذكرت عرسها ... وانتبه الها سلطان ...
سلطان : خلود شو فيج .. من يبت لج سالفه العرس .. وانت ويهج اختلف ... رب ما شر ؟؟؟
خلود : لا ما شي ... انا با قوم الحين اكلم مزون ... وبيب لك رايها ..
سلطان : هييييه .. دخيلج ..
وقامت خلود .. وراحت دقت على مزنه ....
خلود : الووووووو .... مرحبا ..
مزنه : مرحبااااااااا ملاين ...
خلود : شحالج حبيبتي ..؟؟؟
مزنه : بخير الله يسلمج ... انت اخبارج ؟؟
خلود : دامج بخير انا بخير ... مزون .... بغيتج في موضوع ...
مزنه : خير الغاليه ...
خلود : خير ان شاء الله ... بس سلطان كلمني .. يبا يعرس ..
مزنه : سلطاااااااااااان يعرس ... مستحيل ...
خلود : ليش مستحيل .....
مزنه : لا ما شي ... بس صايع ... ومش راعي عرس ومسؤليه ..
خلود : بس هو يوم كلمني كان جاد في الموضوع ... ومستعيل بعد ...
مزنه : زين زين ... يا رب يكون عقل وصطلب ..
خلود : امممممممممم ... مزون ... تدرين هو من يبا ؟؟؟
مزنه : وانا شو دراني ...!!!!!!!
خلود : يباج انتي ....
مزنه : شوووووووووووووه انا ... يله خلود عن المزح ...
خلود : والله ما امزح ... انا كانت رده فعلي مثل رده فعلج ..
مزنه : انزين ...
خلود : شو بعد انزين ... تبينه ولا لا ..؟؟؟
مزنه : خلود مب بهذي السرعه ... بستخير .. واريد وقت افكر ... عطيني مهله ... هذا عرس مب لعبه ...
خلود : خذي وقتج ... وانا با قوله ...
وسكرت خلود عن مزنه ... وسلطان كان يتحرقص يبه بسرعه خلود ترد عليه ... واول ما دخلت عليه خلود ..
سلطان : هااااااااااه بشري ...
خلود : هههههههههه شو فيك .. توني داخله ..خلني اخذ نفس ...
سلطان : لا والله ... ليش انت راده مشاي من ابوظبي ... الا انت داقه تلفون ...
خلود : ههههههههههه اوكي ... انا قلت الها ... وطبعا انصدمت .. وقالت عطيني وقت افكر واستخير ... وانا قلت الها خذي وقتج ...
سلطان : اها يعني .. انت شو حسيتي من كلامها ...
خلود : ابصراحه .. ما ادري ... بس البنت تعرف سواياك ولعبك ... ما ضمن انها توافق ...
سلطان : فال الله ولا فالج ... ان شاء الله بتوافق .....
وتمت خلود اطالع سلطان ... تريد تقول له انها ما تريد حمدان بس مب قادره ....... بس ما قدرت وطلعت ....
.............................................. في بيت العنود ......
الكل راح البر ... صوب العزبه ....
صقر : تعالن شوفن هذي ....( وكان رايح صوب شبج في ناقه)
العنود : الله محلاة شعرها ...
حرمه صقر : هذي القايد ... احلى وحده في بوشنا ... بنحطها في المزاينه ...
صقر : هذي تستخدم شامبو اغلا من الشامبوا اللي تستخدمينه ..
العنود : لا لا عن الغلط ... تقارننيه بناقه ..
اليازي : تدري والله انها صدق حلوه ... والله اني ما عرف كيف افرق بين البوش .. بس هذي صدق لفتت انتباهي
صقر : تشوفن هذيج ... ويأشر على وحده في الشبج اللي عدال شبج القايد ...
العنود : هيه ... شبلاها ..
صقر : روحي قربي صوبها ... اخت القايد هذي ...
اليازي : الله ... بس تدري مب مثل القايد ..
العنود : شو اسمها ؟؟؟
صقر : سميج ...
العنود : يالله صدق .. قاعده ارمس معاك ..
صقر : والله .. ان اسمها العنود ..
اليازي : هههههههههههههههه سميج ناقه ...
العنود : ( وتشوفهم بطرف عينها ) .... انزين وشو يعني .. عطوني اياها ...
صقر : هههههههه ... اطلبيها من عبيد ... انا مالي خص ...
وتموا يالسين في العزبه لين المغرب وردوا ....
<p style="text-kashida: 0%"><font face="arial, helvetica" size=3><font face="arial, helvetica,verdana">كانت هذي اخر الاجازه .... اول يوم دوام في الجامعه .....
شموه حطوها في الكلاس مع مريوم وفرقوها عن موزوه ..... بس كلهن في نفس الممر ....
وباقي الشله كل وحده فارينها في مكان .... هذا اليوم تأخرت العنود عن الدوام ....
في البريك ....
شموه : مريوم ... ما ريد كلاسج ..... اريد موزوه ... ربيعاتي كلهن هناك ... ما عرف حد من اللي في الكلاس غيرج ..
مريوم : شموه .... جب .... هذي مب مدرسه عشان والله كل ليفل بتكونين فيها مع ربيعاتج ... وبعدين انت ما تستحين ... انا واقفه جدامج وتقولين ما ريد كلاسج .. ليش انا مب ماليه عينج ....
شموه : لاااااااااااااااااااااااا ... فديييييييييييت روحج والله ... مب قصدي ..
مريوم : يوم هو مب قصدج ... عيل عن الحشره ... وهذا قدرج ... فرج عندي ... وبعدين بنات كلاسنا ... ربشه .. وزكرتيات ..
شموه : يغششن في الامتحانات ؟؟؟
مريوم : هههههههههه هذا اللي يهمج ... هيه يغششن ... انت ما عليج ... واذا تبين يحل لج الامتحان ويعطنج الورقه ...
شموه : اذا جي اوكي ...
موزوه : طالعوا هذي .... شموه مسرع اتخليتي عني ...!!!
شموه : موزوه شو تبيني اسوي .... نقل وما طاعوا ينقلوني ... وبعدين ما بين كلاسي وكلاسج الا كلاس واحد ..
مريوم : لا تخافين ... بنسير عليج ... وبنطل عليج بين الكلاسات .. شو تبين بعد ...
موزوه : بس انا من دون شموه .. اضيع ...
مريوم : القوووووووووووووووووووم ... الا شموه ... الليدي ديانا ...
شموه : شو مب عايبتنج شموه ...
مريوم : لا عايبتني ونص وثلاث ترباع ... هو انا اقدر اقول شي ....
وراحن يتمشن ... ولاقن ريموه وحسنوه وسلامي ....
شموه : انتن وين ؟؟؟
ريموه : انا عني من غبشه وانا في الستيودنت سيرفز ...
حسنوه : وانا فاريني اخر الدنيا .... وتعايزت انزل ..
سلامي : وانا فاريني الطابق الثالث ....
مريوم : اهااااااااااااااا ..
وراحن يمشن ... ويسلمن على البنات ...و العنود توها يايه لاقتهن في الكانتين ... سلمت عليهن ... بس مريوم سلمت عليها من دون نفس ....
العنود : شحالكم ..
شموه : يسرج الحال ... ليش متأخره ؟؟
العنود : البارحه كان ضاربني ارق ... ما نمت ..
ريموه : ههههههههه كلنا نفس الحاله ...
ومريوم كانت ساكته ما تعلق على شي .... وتمن يسوفلن ... واللي تقول شو سوت في الاجازه .. واللي تتكلم عن الاستاذ اليديد ... والعنود ومريوم كانن ساكتات ...
موزوه : هيييييييييي ... مريوم عنود شعندكن صاخات ..
مريوم : لا ماشي ... انا باروح ... عندي شغل ....
حسنوه : عاااااااااااش البزي ...
العنود : اممممممممم ... مريوم ... اباج شوي ... ممكن ؟؟؟
مريوم : ما عليه ... ( وكان باين على مريوم انها متضايقه واااااااااايد )
وبعد ما قامن وراحن بعيد عن الشله ....
سلامي : اقص ايدي اذا ما كانن متضاربات ..
موزوه : والله اني حسيت انه في شي صاير .. من يت عنود .. وويه مريوم منغير ... حتى عنود كانت ساكته ..
حسنوه : ان شاء الله مب شي جايد ...
ريموه : لا ما عليكن ... الحين بين يضحكن ... اعرفهن ... ما يزعلن من بعض ...
شموه : ان شاء الله ..
حسنوه : إلا اقول ...ايمان وين ؟.؟
شموه : قالت انها بتتأخر .. وبعدين دقت لي وقالت انها ما بتي ...
وصوب مريوم وعنود ....
العنود : مريوم ... انا اسفه .. ما كان قصدي .. الكلام اللي قلته ...
مريوم : مب مشكله ...
العنود : يالله عاد مريوم ........ سامحيني .... انت ما سويتي شي ... بس والله كنت خايفه ...
مريوم : الهذي الدرجه ما عندج ثقه فيه .... وانا وعدتج اني ما دخلج في السالفه صح ولا لا ...؟؟
العنود : هيه وعدتيني ... بس انا كان الشك مالي راسي ... ويوم طرش لي الايميل ... زاد شكي ...
مريوم : ومن شو هالشك ...؟؟؟
العنود : مريوم .. يوم فكرت فيها ... ما في وحده تحب تذل حد من اهلها .. لانه بس شايف عمره وخقاق ..
مريوم : انا معاج في هالكلام ... اول شي كنت اريد اذله .. لكن الحين ... عنود .. خليفه تعلق فيج .. ولو شفتي شكله قبل ما يسافر كيف كان متضايق ... وخاصه يوم قلت اله انه اكثر من واحد يباج ..
العنود : وليش قلتي له جي ؟؟؟
مريوم : كنت اريد اشوف رده فعله ... واللي انتبهت اله انه يحبج .. وما يريد يعترف ...بس انا وراه وراه والزمن طويل .............
العنود : ماااااااااا عرف شو اقول لج ... بس دخيلج .. اذا لي معزه في قلبج ... ابعديني عن المشاكل ..
مريوم : رديييييييييييييييييينه ... عنود ... انا اخاف عليج من المشاكل ..... اكثر من خوفي على نفسي ....
العنود : والله سوري مريوم ... ادري ان كلامي كان قوي ... بس لا تلوميني ..
مريوم : هيه .. وااااااااايد جرحني .. بس ما عليج .. انا ما اقدر ازعل عليج ...
العنود : فديت قلبج ...
وقامن يردن صوب ربيعاتهن ....
شموه : هاااااااااااااه .. شعندكن ؟؟؟
مريوم : ما عندنا شي !!
موزوه : والله انه في شي صاير ....
العنود : ما في شي ...
سلامي : افااااااااااا ... من ورانا ... هذي اخرت الربعه ...
مريوم : لا حوووووووووول ... قلنا ما في شي ...
حسنوه : عن بوكن ... مره ملقوفات .... خلاص .. ما يبن يقولن لكن ... شو بالغصب ...
وبعدها الكل صخ ..... وردن عادي .. ولا كأن شي صاير ....
وفي بيت خلود ................. على العصر .........
سلطان : خلوووووووووووووود .. اووووووه .. خلوووووووووووود ..
خلود : لبييييييييييه ....
سلطان : لبيتي بمنى ... فديتج تعالي حجرتي ..؟؟
خلود : ان شاء الله ....
ندى : وانا ما أي معاها ..
سلطان : انا قلت اسمج ؟؟
ندى : لا ..
سلطان : خلاص عيل ... انطبي وسكتي ..
ندى : انا انطب واسكت ... ما عليه يا سلطون ...
سلطان : خليني اخلص ... وارد لج ... واعرف منو سلطون ؟؟
ندى : شو بتسوي ؟؟ ... بخبر عليك ابويه ...
خلود : ندوي صكي ... تدرين شو يقدر يسوي .. لا ابويه ولا اميه يقدرون يسون لج شي ..
ندى : ( اونها مب خايفه ) ... اممممممممم ... اوكي ... انا باروح حجرتي .. احسن لي ..
وراح سلطان وخلود الحجره ....
سلطان : خلود ... مزون ردت عليج ...
خلود : لا ما ردت ..
سلطان : لا حوووووووول ... الحين مرن ثلاث تيام .. وبعدها ..
خلود : على شو انت مستعيل ... قبل يوم كنا نيب لك طاري العرس .. اطلع شياطينك علينا ..
سلطان : خلاص اريد استقر ... كم هي الصياعه ...
خلود : اووووووووووه .. والله وكبرنا ..
سلطان : ليش شايفتني اصغر عيالج ...
خلود : لا اكبرهم ..
سلطان : والله وعلموج الطنازه ...!!!
خلود : ههههههههههه .. هيه توهم مدرسيني اياه ..
سلطان : اوكي .. يالله توكلي ... توكلي ..
خلود : هيييييه .. خلاص ... مالي حايه الحين ... ما عليه ... خلها تيب لي الرد .. وشوف اللي بيخبرك .. ؟؟
سلطان : لاااااااااااااااااا .. سوري سوري ... فدييييييييت خلووووووود يا ربي ..
خلود : نااااااااااااس ما تي الا بالعين الحمره ...
سلطان : آآآآآآآآآآآآآآه يالقهر .. لو ما الحايه ..
خلود : هههههههههههههههههههه ..
ودخل سلطان الحمام .. وخلود كانت يالسه على شبريته ... تفكر .. تخبر سلطان ولا لا ... وبعدها تشجعت وقررت انها تخبره .. واول ما طلع سلطان من الحمام ...
سلطان : خير ... لين الحين يالسه ... تبين شي ؟؟
خلود : اممممممممممم .. سلطان .. انا ما بلف وادور ... بادخل في السالفه على طوووووول ..
سلطان : خلود همتيني شو فيج ؟؟؟ ..
خلود : سلطان .. انا مالي غيرك ... اريدك تساعدني ...
سلطان : انا عيوني لج ..
خلود : تسلم عيونك .. فديتك ... انا ما اريد حمدان ..
من قالت خلود هالجمله .. تم سلطان ساكت ... منصدم ...
خلود : دخيلك سلطان ... ما ريييييييييييده .. ( وتمت تصيح )
سلطان : خلود ... انت عارفه شو قاعده تقولين .... كيف ما تبينه ... الريال ما عليه كلام ... وخلاص عطوج مهرج ... وحددوا يوم العرس ... شو بيكون موقفنا جدام الناس ...
خلود : والله ادري ... بس حرااااااااااام ... انا قلبي ما يبيه ..
سلطان : وليش ما قلتي من الاول ... توج منتبها ... !!!!!!!!! ... وبعدين لا تنسين ان حمدان ربيعي ..
خلود : وانا اختك ... منو الاهم ؟؟؟ ... سلطان ... احب ريولك .. ساعدني .. كلم ابويه ..
سلطان : انت مب صاحيه ... ما فكرتي في ابويه .. ما فكرتي في كلام الناس ... ولا هي لعبه عندج .. شوفي خلود ... اليهاله اللي انت فيها هذي مب علي ... مثل ما قررتي قبل استحملي قراراتج ...
خلود : مااااااااااا ااحبه ..
سلطان : بتحبينه بعد العرس ... وبعدين كيف بتعرفينه من دون ما تعاشرينه ؟؟ ...
خلود : بس انا ما اباه .....
سلطان : تعرفين تسكرين هذي السالفه ... وخلاص .. حمدان بياخذج .. وعشان مره ثانيه تفكرين عدل قبل ما تاخذين أي قرار ....
خلود : والله تووووووووووووبه ...
سلطان : بسج صياح ... ودلع ... ويالله .. روحي صلي ركعتين شكر .. لان حمدان بيصير ريلج ..
ويوم شافت خلود انه ما في فايده من سلطان .. طلعت تصيح وراحت حجرتها ... كارهه عمرها ... وحست انها تكره اخوها بعد ... محد واقف معاي ... حرام عليه اللي يسويه فيه ... ليش مب حاس بي ...
وشوي انها مزنه متصله بخلود ...
خلود : الوووو ....
مزنه : مرحبا ...
خلود : ( كان صوتها مبحوح من الصياح ... ويبين انها تصيح ) ... مرحبتين ...
مزنه : خلووووووووود .. فديت روحج شو فيج .... ليش تصيحين ؟؟؟؟؟؟!!!!!!!
خلود : مزوووووووووووون ... خلاااااااااااااص .. باموووووووووت ..
مزنه : بسم الله عليج من هالطاري ... شو اللي صاير ؟؟
خلود : اللي كنت اتوقع انه بيفهمني ... وبيساعدني ... طلع مب مثل ما كنت متوقعه ... واقف ضدي ..
مزنه : منو هذا ؟؟؟ ... وضدج في شو ؟؟؟!!!!
خلود : كلمت سلطان .... اني ما اريد حمدان .... بس هو قالي .. انه خلاص .... ما في فايده الحين ... وتحملي قراراتج ....
مزنه : اممممممممم ... والله ما عرف شو اقولج ....بس انت شو تتوقعين رد واحد ................. ( وسكتت )
خلود : واحد شو ... كملي ... صايع .. صح ...
مزنه : هيه .... خلود ... اسمحي لي ... بس انا ما بوافق عليه ... ما اقدر اضيع عمري ..على واحد انا مب واثقه فيه ...
خلود : مزنه ... انت لج الحق توافقين او ترفضين ... محد يقدر يجبرج ...
مزنه : اخاف ... ان تصير مشاكل بين ابويه وبوج والسالفه هذي ...
خلود : لا لاتخافين .... ما ضني هذي السالفه بتأثر على علاقتهم .. وانت تدرين كيف كل واحد يغلي ويحب الثاني ...
مزنه : إن شاء الله ..
خلود : مزووووون ... اخبار محمد ....؟؟
مزنه : تسرج اخباره ... يسلم عليج ... ويسأل عنج ...
خلود : فديييييييييييييته ... الله يسلمه من كل شر ... متى بيرجع ؟؟؟
مزنه : ما بقى شي .. كم يوم وبيرجع ... تدرين خلود ... اني كل ما اكلمه ... احس انه بيموت يريد يرجع .. عشان يخطبج وتكونين له ... خاصه يوم يقولي ...( مزون اريد ارجع .. ما اقدر استحمل اكثر .. اريد خلود لي انا بس ... حلالي ).... نسى انج مخطوبه ... نسى كل شي صار ... والله يا خلود اني خايفه عليه ... وقرب رجوعه .. وبويه لين الحين ما سوى شي ...يوم اشوفه احس انه ضايع وطول الوقت سرحان ..
خلود : أأأأأأأأأأأأخ يا مزون ... ما عرف شو اسوي ...؟؟؟ ... حاسه ان الدنيا كلها ضدي ...
مزنه : ان شاء الله بتنحل ......
وسكرت مزون عن خلود .....
.................................................. . وفي جنيف ..... اخر اسبوع ...
محمد : خلاااااااااااااااص خلوف .... برجع لقلبي ....
خليفه : هييييييه .... وتم ساكت .... محمد ... انا بكلم الاهل ...
محمد : خلاص اوكي ... انا باروح اتسبح ..
ودخل محمد الحمام ... كانوا توهم راجعين من الحواطه ... ما خلوا مكان الا وراحوه .. وراح خليفه الغرفه الثانيه عشان يقدر يتكلم
خليفه رفع السماعه ... ودق تلفون بو محمد ....
بو محمد : الووووووووو ...
خليفه : السلام عليكم ...
بو محمد : وعليكم السلام ... شحالك ؟؟
خليفه : بخير الله يسلمك ... شحالك ... وشحال الاهل ؟؟؟
بو محمد : يسرك حالهم ....
خليفه : امممممممممممم ... عمي ... بغيت أسألك شو سويت في سالفه محمد ؟
بو محمد : ( تم ساكت شوي ) .... والله يا بويه ما عرف شو اقولك .. كل ما اريد اكلم بوسلطان بالسالفه اتردد .. وبعدين اهون .... ما عرف كيف افتح له السالفه ....؟!!!
خليفه : يا عمي .. ما بقى شي ..وبنرجع ... واذا رجعنا .. ودرى محمد انك ما قدرت تسوي شي ... يمكن يصير فيه شي ...
بو محمد : وهذا اللي انا خايف منه .....
خليفه : والله يا عمي كل ما يتكلم عنها .. وانه كيف متلهف للرجعه عشان يخطبها ؟؟ ... تضربني قصه ... ما عرف شو اقوله .. واغير السالفه ....
بو محمد : والله مب عرف شو اسوي ... حاس ان الدنيا كلها فوق راسي ...
خليفه : تباني اقوله .. وافهمه السالفه ..
بو محمد : لا دخيل لك ... وان شاء الله بسوي شي ... والله يكون بالعون ...
وبعدها سكر خليفه عن بو محمد ... ويوم وقف .. عشان يرد الحجره اللي فيها محمد ... يوشوفه خلص سبوح ولا لا ... عشان يروحون ياكلون شي.... لقى محمد واقف وراه ... في الوقت اللي مان خليفه يكلم بو محمد .. محمد طلع من الحمام كان ناسي الفوده ... وسمع كل شي ...
خليفه : محمد ... من متى وانت اهنيه ؟؟؟
محمد : من اول ما تكلمت لين ما سكرت .... ( وكان منصدم ... حاس انه قاعد يحلم مب صدق اللي سمعه )
خليفه : يعني سمعت كل شي ...
محمد : سمعت .. وليتني مت قبل ما اسمع ....
خليفه : محمد ... ( وراح صوبه يريده ييلس عشان يقدر يتفاهم معاه .. واول ما مسكه ) ..
محمد : ( شل ايده ..).. لا تمسكني .... كل هذا اللي صار .. كنتوا تسونه من وراي ... ليش ما تخبروني ؟؟!! ...
خليفه : محمد .. ارجوك ... اسمعني .... نحنا سوينا جي عشان نعرف نسوي شي ... اذا كنت انت في البلاد .. ما كنا بنقدر نسوي شي ... كنت بتعرف ان خلود ..........(. وسكت ) ... محمد .... ما كنا نريد نخسرك ..
محمد : وشو الفايده ؟؟؟ .... والحين بعد ما ابعتوني عنها ... قدرتوا تحلون شي ....؟؟؟؟ ...
خليفه : ابوك ... قاعد يحاول ...
محمد : يحاول في شو ... ؟؟؟ ... انت تحريتوا انكم اذا خليتوني اسافر ... انكم بتحلون السالفه ... وضاع الوقت وانتوا ما سويتوا شي ... ما بقى شي ... خلااااااااص .. لو كان الحين في امل ان خلود تكون لي 1% .. الحين انعدم ... ليتكم خليتوني ... ادري من الاول .. كان بيكون اهون علي من الحين .. وانا ادري اني .. انا بعد ما اقدر اسوي شي ... غير اني اشوفها تنزف على غيري ... انا هذا قدريه ... نهايتي قربت ... ( ونزلت دمعته ) ... آآآآآآآآآه يا فلبي ... ليتك ما عرفت طريقها ... ليتني ما نولدت ... ليتني مت هذاك اليوم ... انا شو حالتي الحين ... وين اروح ... وكيف اعيش ؟؟؟
خليفه : محمد .. دخيل لك ... لا تلومني وتلوم ابوك وتلوم عمرك ... وان شاء الله بتنحل ...
محمد : كيف تنحل ؟؟؟ .... انت ما تفهم .... خلاااااااااص .. الحين ما في فايده ... خلود ضااااااااااعت ... ضاااااااااااعت ...( وطلع عن خليفه .)
خليفه : محمد ارجع ... محمد لا تسوي في عمرك جي .....
بس محمد ما رد عليه ......
.................................................. .... وفي بيت العنود ......
خالد ( ولد خال العنود ) : هوووووود هوووووووووود ..
يدة العنود : ... فدييييييييييتك ... ابويه تعال .... محد غريب ...
خالد : السلام عليكم ... وحب راس يدته ... وسلم على عماته ...
ام العنود : وينك ... من زمان محد شافك ...
خالد : والله يا عمتيه ... اونه مشغولين بهذي الدراسه ... نريد انخلص ...
بخيته : اونك عااااااااااد ... من متى هذي الشطاره ...؟؟
خالد : والله ... ابويه واعدني اذا نجحت ... بيب لي سياره ...
العنود : عااااااااااش .. لا عيل درس ... عشان كل يوم تكشتني ..
ام العنود : احلفي انت بس ... من اللي يكشتج ... !!
العنود : خالود ....
ام العنود : ههههههه ... بنشوف منو اللي بيكشتج ... ...!!
خالد : ليش عمتيه ..؟؟ شو مش واثقه في سواقتي .؟؟؟
ام العنود : انا ما انسى هذاك اليوم ... اللي بغيتوا تروحون فيها .. والسبه طيشك .. وطيشها ...
خالد : فديتج .. لازم شوي استعرضات ...
بخيته : هيه استعراضات ... اتقفيزات من على النقيات .. وتشلها تايرين على الدورات .... وبعدين تنجلبون .... هذي الاستعراضات .... صح .
خالد : هيييييه ... وبعدين انا سويق رقم واحد ...
يدة العنود : ( وترشه بالماي ) ... هيه اكل عمرك ...
خالد : اووووووه ... اميه (يدته).. خيستيني ماي ... الحين وين اطلع وانا خرسان ..
العنود : شوووو مواعد .... وخايف على الكشخه ...
خالد : هيه مواعد ... عندج مانع ...
بخيته : يا منحرف ...
خالد : ههههههههههههه ...
وطلع عنهم .........
وشوي ان سيف داخل عليهم ....
سيف : مرحبا ...
الكل : مرحبتين ..
سيف : هاااااااااه .. اخباركم ...
امه : تسرك اخبارنا ...
سيف : اميه ... بعرس ...
امه : واااااااااااااايه .. فديتك .... هذي الساعه المباركه .... بس تريى علي شوي لين ما ينيه الفلوس ..
ام العنود : والله وكبرت يا سواف ... وتريد تعرس ....
العنود : تباني ادور لك عندي .... الجامعه ممزوره بنات ...
سيف : لا ما ريد .... عندي وحده ..
امه : وااااااااااااابويه ... منو هذي اللي عنك ؟؟؟ ...
سيف : وحده ... وبصراحه احبها ... واريدها ...
امه : وحده من بناتنا ....؟؟
سيف : لا وحده اكلمها ...
امه : ( والكل انصم ... ما توقعوا انه يقول جي .. وانه يريد وحده من اللي يكلمنه ) ... شووووووووووه ... تبى وحده من خايساتك ...
سيف : اميه ... هذي مب أي وحده ... وهذي ما تكلم حد غيري ....
امه : وانت شو دراك ...؟؟؟
سيف : اميه البنت اللي تكلم اكثر من واحد انعرفها ..... وهذي غير عنهن كلهن ..
امه : والله ما تاخذها وراسي يشم الهوى ... هذي اخرتها يا سواف ... شو ويهي بين الناس ..
سيف : وانا شعلي من الناس ....
بخيته : كيف شعليك ... ؟؟؟؟
سيف : انا الغلطان اني اقولكم ..
ام العنود : وليش ان شاء الله .. بتاخذها من ورانا .... !!!!
سيف : لا ...
وطلع عنهم معصب ......
ام العنود : هذي آخر دلعج له ....
يده العنود : يااااااااااويلي .. بيذبحني هذا الولد ... والله لخبر عليه عبيد .. واخليه يعرف يتفاهم معاه ..
ويلسوا يتهندقون .... وكل واحد مرتفع ضغطه من السالفه .....
الجزء 17 ..
بعد ما طلع محمد من عند خليفه .... كان الوقت متاخر ... وخليفه كان يخاف يصير شي بمحمد ..
و ما بغى يتصل بابومحمد .. عشان ما يهمه ...
وتم خليفه ينتظر محمد .. وما نام لين ما غفت عينه وهو مب حاس بعمره ...
في هذا الوقت محمد كان يمشي ... ومب عارف وين يروح ووين ايي .. ضايع في هذي الدنيا ... يحس ان موته قرب .. وان ماله نصيب بهذي الدنيا ... يالله ارحمني ... انا شو اللي سويته ... شو ذنبي يوم حبيتها .. ليش كل ما حسيت انها قربت .. ابعدت اكثر ... استغفر الله ... آآآآآآآآآآآآآآآآآآآآآآآآآ آآآه يا قلبي .. هذا مصيرك ... الموت اهون عليك من هالعيشه ... وطول هالوقت ودموعه تسير كانت حاول تغسل حروقه وقهره بس ما قدرت ... كانت صيحته تطلع من القلب .. مع اهات .. يريد يزعق .. ويطلع اللي بقلبه ... بس مب قادر .. من اللي بيسمعه .. ومن اللي بيفهمه .. وهو في بلاد ما يعرف فيها حد .. وحتى في بلاده محد فاهمه وماحد حاسبه .... وبعد كم ساعه رد الفندق ... على طول راح الكبت رتب ملابسه في الشنطه .. وخليفه حس بحركه في الحجره .. قام على طول واول ما شاف محمد ............
خليفه : محمد .. متى رديت ؟؟ ..... هميتني عليك ...
محمد : توني راد ...
وانتبه خليفه لصوت محمد كان متقطع .. يبين انه كان يصيح وعيونه ... كانت شرات الدم ... حس خليفه بمحمد .. كان يريد يخفف عليه بأي شي بس مب عارف كيف ..!! ...
خليفه : محمد شو تسوي ... ليش ترتب شنطتك ؟؟!!
محمد : بعد ليش يعني ؟؟ ... اكيد ينرد البلاد ..
خليفه : متى ؟؟
محمد : الحين بنرد ... على اول طياره ..
خليفه : انزين خلنا نخبر ابوك اول ..
محمد : محد له خص فيه ... انا برد .. واذا تبى ترد معاي .. رتب شنطتك بسرعه ...
خليفه : يمكن ما يكون في طياره اليوم ...
محمد : لا في .. خليت الرسبشن يسأل وقالولي .. انه في بعد 4 ساعات ..
خليفه : خلاص ... الحين برتب الشنطه ...
وبعد ما رتبوا شنطهم ... راحوا المطار ... وطول الوقت كانوا ساكتين .. ولا واحد يكلم الثاني ... محمد كان طول الوقت سرحان .. ومب طايق حد ... وركبوا الطياره ..... وفي الطريق ...
خليفه : اممممممممم ... محمد .. ممكن سؤال ؟؟
محمد : اسأل ..
خليفه : الحين شو بتسوي في السالفه ...
محمد : ما ادري ... بس اللي اعرفه .. اني موتي قريب ...
خليفه : محمد ..( وكان معصب ) .. انت وبعدين معاك ...... كل ساعه يبتلي هالطاري ...
محمد : خلاص عيل لا تكلمني ... وبعدين كلكم بتعرفون شو بسوي ...
سكت خليفه .. وزاد خوفه ... ان محمد يسوي في عمره شي ....
وصل محمد وخليفه البلاد .... اول شي ... خليفه نزل محمد البيت ... كان يريد يطمن عليه ... قبل ما يروح بيته .. ويوم شاف محمد خلاص دخل البيت .. راح بيتهم ... كانت مزنه في حجرتها .. ووضحى كانت يالسه مع امها في الصاله ... وبوه كان في بيت واحد من ربعه ... اول ما دخل الصاله .. زعقت وضحى .. مب مصدقه ..
وضحى : حموووووووووووووووووود .. بسم الله متى رديت !!!!!!!!!
ام محمد : فدييييييييييييييييييييتك ...( ولوت عليه .. مب مصدقه ) ... متى رديت ؟؟!!
محمد : توني راد ...
وضحى : وليش محد خبرنا ...!!
محمد : محد كان يدري ...
ام محمد : .. ( انتبهت لشكل محمد انه مب طبيعي ) ... ابويه .. فيك شي ..؟؟ .. شكلك مب طبيعي ..
محمد : لا ما فيني شي ... وين ابويه ؟؟
وضحى : ابويه مب هنيه .. راح عند واحد من ربعه ....
محمد : اها ( في خاطره .. يروح عند ربعه .. عشان جي مب متفيق يحل مشكلتي ) .. انزين انا باروح غرفتي .. بريح شوي ... ويوم بي ابويه خبروني ...
وراح عنهم ... وعلامه الاستفهام على ويه وضحى وامها .. مش عرفين شي .. وعلى الدري مزنه لاقت محمد ..
مزنه : محمد ( وعلامه التعجب على ويها ) ...متى رجعت !!!!!!!!!! !!!!!!!!!&# 33;
محمد : توني راجع .....
مزنه : فديييييييييتك والله .... تولهت عليك ...
محمد : وانا بعد ...
مزنه : محمد شي فيك .....
محمد : انت اكثر وحده تعرف شو فيه ..
مزنه : شو اللي صار ..!!
محمد : بختصار ... انا احتضر ...
مزنه : شووووووووووووووه !! .. محمد انت شو تقول ...
محمد : شو اقول بعد ... ( وراح عنها .. وخلاها ضايعه مش عارفه شي ... كانت حاسه ان محمد درى بخلود .. )
وفي هذا الوقت اتصلت ام محمد على ابو محمد ...
ام محمد : الوووو ... مرحبا
بو محمد : الووو .. مرحبتين ..
ام محمد : الغالي .. تعال البيت بسرعه ..
ابو محمد : خير .. شي صاير ...
ام محمد : خير بويهك ... بس محمد رجع البلاد ..
ابو محمد : شوووووووووه ...!! محمد رجع ... متى !!
ام محمد : توه داخل علينا .. وراح حجرته يريح ... وسأل عنك ... وقال يوم بي ابويه خبروني اباه ..
ابو محمد : انا ياي الحين ...
ام محمد : صار ...
كان ابو محمد خايف ومنصدم من رجعه محمد المفاجئه .. كان خايف انه درى بخلود ...
اول ما وصل البيت ... طلع على طول حق محمد حجرته ... يوم دخل عليه ...
ابو محمد : السلام عليكم
محمد : وعليكم السلام ( ووايه ابوه )
ابو محمد : كيف ترجعون من دون ما تخبروني ... كنت لاقيتكم في المطار ...
محمد : ما كنت اريدك تدري ...
ابو محمد : وليش .. ما تباني ادري ...
محمد : بس ..
ابو محمد : ابويه .. شو فيك ... انا مزعلنك في شي ... !!
محمد : انت ما زعلتنيه .. انت ضيعتنيه ..
ابو محمد : ( اول ما سمع الكلام تم ساكت .. مثل المضروب على ويها .. مش مستوعب .. اول مره محمد يكلم ابوه بهذي الطريقه ..) .. انا ضيعتك يا محمد ...!!!
محمد : ابويه ... خلاص عرفت بكل شي ... بغيت تبعدني .. عشان تيوزونها .. عشان ابتعد من طريقكم .. اوعدتنيه انها تكون لي .. وما وفيت بوعدك ... يوم انت مب قد رمستك .. لا تقولها احسن ( وقام صوت محمد يرتفع .. مب حاس بعمره )
ابو محمد : محمد وط صوتك .. ولا ترفعه بويهي ... ويلس خلنا نتفاهم ..
محمد : نتفاهم على شو ... حياتي وضاعت ... تقدر تقول شو انا استفدته يوم ابعتوني عنها ... قدرت تحل شي ... ؟؟ .. ممكن اعرف كم باقي على عرسها ...
ابو محمد : ( تم ساكت ) ...
محمد : انا برد عليك ما بقى شي ...و ما قدرت تسوي شي .. تدري ليش ؟؟ ... لانك عمرك ما حبيتنا كثر ما تحب اخوك .. تستحي منه وتقدره .. وهو عمره ما ستحى يطلب منك أي شي ... كنت اتبدي كل شي له .. وبعدين نحنا ... ( يوم سمعت ام محمد صريخ محمد .. خافت .. وطلعت حجرت محمد .. وربعن وراها مزنه ووضحى ) ... استحيت تروح تقوله والله ولديه يريد بنتك .. خفت عليه من كلام الناس .ان كيف بو سلطان يرد في كلمته . ما همك ولدك .. ولاهمك حياته ولا موته ... بس تدري .. الحين .. بريحكم من كل شي ... بختفي .. ما ريد منكم شي ... ( وعند وصلت ام محمد والبنات .. كان ابو محمد متصنم .. حاس انه في كابوس .. ما قدر يرد على محمد باي شي ..) .. وطلع محمد .. وخطف على امه وخواته .. وما كلم حد فيهم ..... بو محمد ما قدر يمنعه من الطلعه .. ومزنه ردت تلحق محمد ...
ام محمد : شو اللي صاااااااااااير !! ... ومحمد وين رايح .. !!
بو محمد ( يلس على الشبريه ) .... : خالوه لين ما يهدى ....
ام محمد : بس.......
ابو محمد : روحوا وخلوني .... ما ريد حد يكلمني ....
وطلعت وضحى وامها ... هن ضايعات ...مش عارفات شي ... بس وضحى كانت شاكه ان خلود في السالفه ..
وفي الوقت هذا مزنه لحقت على محمد عند باب البيت..
مزنه : محمد محمد .. دخليك وقف ..
محمد : مزوووون .. ردي ...
مزنه : انزين خبرني وين بتروح .....!!
محمد : ما ادري ... ( وركب سيارته ... .................... تايه .. يسوق بليا هدف )
وفي بيت خليفه .... دخل عليهم ...
ام خليفه : خالوووووووووووووووف ... فدييييييييييييتك متى رجعت ؟؟!!!!!!
خليفه : توني ياي من المطار ...( وسلم عليها ) ... انا باروح اغير هدومي واتسبح وراجلعك يا جميل ..
ام خليفه : ( متشققه ) ..... ههههههه ... اترياك ....
وطلع خليفه غرفته ... ودخل على فاطوم .. وكانت كال عاده على النت .... وحط ايده على عيونها ...
فاطوم : منووووووو ...!!
خليفه : ساكت ما رد عليها ... وحبها على خدها ... وشل ايده ..
لفت ويها وشافت خليفه جدامها ...
فاطوم : خالوووووووووووف ... حبيبي ... وتعلقت بحلجه ..
<table cellspacing=0 cellpadding=0 width="98%" align=center border=0>
<tbody>
<tr>
<td>
<p style="text-kashida: 0%"><font face="arial, helvetica" size=3><font face="arial, helvetica,verdana">وبعد ما سلمت عليه .. طلع عنها ... راح حجرته ... وبعد ما راح دخلت حصوه على فاطوم ..
فاطوم : حصوووووه .. لاقيتي خالوف ...
حصوه : بسم الله عليج .. تهاذين ...
فاطوم : بسم الله من ويهج ... صدق قاعده اكلمج .. خالوف رجع .. وتوه طالع من عندي ..
حصوه : واالللللللللللللللللللله .. وان شاء الله ليش ما ياني يسلم علي ... ولا انا بنت البطه السوده ... ما عليه يا خالوف .. ان ما رويتك ...
وطلعت حصوه تتهندق على خالوف وتتحلف له ( الله يعينك يا خليفه )
وردت فاطوم على النت .. وكانت مريوم اون لاين .. وخبرتها ان خليفه رجع ... ومريوم راحت بعد وخبرت العنود ... وكانت ردة فعل العنود عاديه ... بس من داخلها كانت فرحانه .. وهي بروحها ما عرفت ليش حست بهذا الاحساس ... وبعدها راحت مريوم خبرت امها .. ودقت حق زايد وخبرته .. وكان زايد مع ربعه .. ومعاهم سيف .... وبعد ما سكر عنها ...
سيف : زايد بغيتك ... قوم خلنا نطلع شوي نتمشى ..
زايد : يا الله ...
وقام زايد مع سيف ....
زايد : خير ... شي فيك مضايقنك ...
سيف : زايد بغيت رايك .... انا احب وحده اكلمها .. وبغيت اخذها .. ويوم خبرت هليه .. اتضايقوا ... وعصبوا ..
زايد : الحين انت من صدقك با تاخذ وحده امكلمنها ...
سيف : هيه .. من صدقي ..
زايد : الهم حق هلك يعصبون .. لا وبعد اذا غسلوك بعصى .. ما ينلامون ...
سيف : ليش ..؟؟ لانها تكلمني ...!!
زايد : اكييييييييييد ..
سيف : بس يا زايد .. انا لو مب واثق انها ما تكلم حد غيري ما كنت فكرت حتى فيها ...
زايد : وانت شو دراك ...!!
سيف : زايد ... انا اعرف كل البنات اللي يكلمون شباب .. وانا هذي البنت ما خليت حد الا وسألته عنها .. والكل مدحلي اياها .. ومدح اهلها ...
زايد : اممممممممممم .. ما عرف شو اقولك .. بس لا تخسر هلك عشان وحده غريبه ..
سيف : ان شاء الله ما بخسرهم .. وبعرف اقتعهم ....
................................ بعد 6 ساعات .... مزنه تتصل بمحمد .. تلاقي التلفون مغلق .....
وام محمد كل ما تسال ابو محمد .. ما يرد عليها .... مش عارف اللي هو سواه صح ولا خطأ ...
مزنه : اوميه .. تلفون محمد مغلق ....
ام محمد : والله يا بنتي .. مش عارفه شو اسوي .. ابوج بعد ما يرد علي .. من طلع محمد عنه وهو ساكت ..
مزنه : اوميه ... انا خايفه على محمد ....
وضحى : ان شاء الله ما بيصير له شي ... ويوم بيهدى .. بيرجع ... لا تهتمين .....
وقامت مزنه تتصل بخلود ... تخبرها باللي صار ....
مزنه : الوووووو .. سلام ..
خلود : الوووو ... سلامين ... شحالج ...
مزنه : خلود ... محمد ما ياكم ..؟؟
خلود : محمد ( مستغربه ) ... كيف بينا وهو مسافر ؟؟؟!!!!
مزنه : رجع من السفر وما كنا ندري به.. وتواقع مع ابويه وطلع من البيت .. ولين الحين ما نعرف عنه شي .. ومش عارفين شو اللي صار بينه وبين ابويه .. بس صوته كان مرتفع .. واول مره محمد يعلي صوته على ابويه .. وبويه كل ما نساله ما يرد علينا .. وساكت ....
خلود : ...........................( تمت ساكته ) ........ من بعد ما سمعت كلام مزنه وهي خايفه يصير شي بمحمد ... ومحتاره .. شو اللي خلى محمد بهذي الحاله ... !!!!!!!!!! !!!!!!!!!! !!!!!!!!!! !!!!!!!
سكرت مزنه عن خلود .. وردت تتصل بمحمد .. بس التلفون بعده مغلق ...
وبعد ما مرت 6 ساعات ثانيات ..................
بدى خوف مزنه وامها ووضحى يزيد ... ومحمد ماله خبر ... ولا حد يعرف عنه أي شي ....
ابو محمد : ( اول مره ينطق من طلع عنه محمد ) .. محمد ما رجع ؟؟... ( وكان شكله بعد بدى يهتم ) ..
ام محمد : لا ما رجع .... دخيلك تروح ادوره ...
ابو محمد : ان شاء الله .....
ودق تلفون على خليفه ... وخليفه كان نايم ...
ابو محمد : الووو مرحبا ..
خليفه : الوووو .. مرحبتين ..
ابو محمد : سامحني الغالي متصلك بهذا الوقت ...
خليفه : لا عادي فديتك ..
ابو محمد : بس بغيت اسالك .. شفت محمد .؟؟ ..
خليفه : من بعد ما نازلته البيت ... ما شفته ...
ابو محمد : متى نزلته ؟؟ ..
خليفه : اول ما ردينا البلاد ... ليش ؟؟ ... هوى ما ياكم ...
ابو محمد : امممممممممممم .. لا يانا .. بس هوى درى بسالفه خلود صح ؟؟
خليفه : سامحني .. والله ما كنت ادريبه ... يوم كنت اكلمك كان وراي وانا ما دري .. وسمع كل شي .. ومن لحظتها .. وهو مب طبيعي ..
ابو محمد : اهاااااااااا ... خليفه ... محمد طلع من البيت من 12 ساعه وما رد ...
خليفه : كييييييييييييييف !! ... ليش شو صار !!
ابو محمد : تواقع معاي وطلع ومن ساعتها ما نعرف عنه شي ....
خليفه : خلااااااااااص .. بس البس هدومي .. وايك الحين ..
ابومحمد : لا لا تعب عمرك ..
خليفه : ما فيها تعب .. انا بالي ما بيرتاح لين ما طمن على محمد ...
ابو محمد : خلاص تعال .. ويوم بتي بندوره معاك ..
خليفه : خلااااااااااااص .. صاااااااااار ..
وسكر خليفه عن ابو محمد .. وراح له بسرعه البيت ... وهذا اليوم .. بيت ابو محمد ماحد رقد فيه .. ابو محمد وخليفه طلعوا .. يدورون محمد عند كل اللي يعرفهم ... وما لقاه .. ومزنه اتجرب التلفون بس كان بعده مغلق ..
وبعد ما فقدوا الامل .. راحوا الشرطه بلغوا عن فقدان محمد ...
ودقت خلود على مزنه ... وخبرتها مزنه بالسالفه ... ويلست خلود تصيح .. خايفه على محمد .. وما قدرت تسكت .. وخبرت ابوها .. ان محمد مختفي ... وعلى طول اتصل بأبو محمد .. يتأكد ...
ابو سلطان : الوووووو .. مرحبا ..
ابو محمد : الوووووو .. محبتين ..
ابو سلطان : خير يا خووووي .. شو اللي صاير لمحمد ؟؟!!
ابو محمد : والله لين الحين ما نعرف عنه شي ... الشرطه ادوره ..
ابو سلطان : الحين انا طالع صوبكم ..
ابو محمد : لا تعب عمرك ... اذا وصلنا شي .. بخبرك ..
ابو سلطان : وانا خو سعيد .. ايلس .. واترياك تخبرني .. لا والله ما صار ... انا الحين ياينك ياينك ..
وسكر بو سلطان عن اخوه .. وطلع صوبهم ابوظبي ..... وصل عندهم ..
والكل كان ينتظر أي خبر .... بس طال انتظارهم .. وما في أي خبر ......................
بو سلطان : شوووه !! ......... ( اونه ما سمع )
خلود : محمد ...
بو سلطان : شوووووو محمد !! ......( بدى استهباله ) ......
خلود : ابووووووووويه ....
بو سلطان : هههههههههههههههه ... تبين محمد !!! ........ وليش وافقتي على حمدان ؟؟
خلود : ما كنت ادري اني ابغي محمد ...
بو سلطان : و متى دريتي ان شاء الله ...!!
خلود : يوم ترقد في المستشفى .... ( ويها كان شرات الدم من المستحى )
ندى : حووووووووووه .. شوي شوي لينفجر ويهج ....
خلود : جب انتي ...
ام سلطان كانت امتنبله مب فاهمه شي .....
بو سلطان : هاااااااااااااه ام سلطان شو رايج في الموضوع ...؟؟
ام سلطان : توكم ذاكريني ... وانا من بينكم مثل الاطرش في الزفه ....
بو سلطان : ههههههههههههههه ...السموحه ... محمد يريد خلود ... وخلود تباه ..
ام سلطان : وحمدان ....!!
بو سلطان : باتصله وبتعذره ....
ام سلطان : انا والله ما يهمني ... اللي يهمني بنتي ... وانا عنيه ما بلاقي حد احسن من محمد ... والقريب اولا من الغريب ...
وشوي ان سلطان داخل عليهم ..... كان توه واعي من الرقاد ...
سلطان : السلام عليكم
الكل : وعليكم السلام ..
سلطان : وين الريوق ..؟؟
بو سلطان : أي ريوق الحين ... تعرف كم الساعه الحين ..؟؟
سلطان : ليش كم الساعه ؟؟؟
بو سلطان : العالم الحين تتغدى مب تتريق ؟؟؟ ... وبعدين انت وين ادق الك البارحه ما ترد ....؟؟
سلطان : كنت ناسي تلفوني في السياره ...؟؟؟
بو سلطان : وطبعا ما تعرف شو اللي صاير ؟؟
سلطان : شو اللي صاير ..؟؟
بو سلطان : ...................................( وخبره عن محمد )
سلطان : انزييييييين شو يعني ... سافر وبيرجع ....
بو سلطان : اقولك سافر من دون ما يخبرنا ..
سلطان : والله هو مب ياهل ولا بعده في المنز عشان يشاوركم ويخبركم هو وين راح ووين رد ...
بو سلطان : وليش المريله ان الواحد يروح حتى من دون ما يعطي حد علم ...
سلطان : المهم .. الحين انا شو اللي دخل بالسالفه ....
بو سلطان : والله انا اللي مضيع وقتي مع واحد شراتك ...
سلطان : ليش ان شاء الله ... وانا شو فيه ؟؟
بو سلطان : شوف سلطان حياتك هذي مب عايبتني ....
سلطان : وشو فيها حياتي ؟.؟؟
بو سلطان : بعد تسألني شو فيها ... تطلع من البيت و ماترجع الا نصايف الليل .. حتى الصلاة ما تصليها ... ولا تسوي حشيمه لهلك ... حتى خواتك وامك ما تعرف عنهن شي ....
سلطان : يعني شو اعرف عنهن ... تراهن في البيت ... لا وبعد وحده منهن بتعرس ... شو تبوني اسويلهن .. ايلس احاضيهن ...؟؟
بو سلطان : ( وبدى ضغطه يرتفع ) ....... ما عليه .. تم على حالتك هذي وبشوف اخرتها معاك ...
وبغيت اخبرك ... تراني بفصخ خطوبه خلود من حمدان .. لان محمد يباها ...
سلطان : شووووووه ..... لان محمد يباها ....
بو سلطان : شووووووو اللي شوووووو ... محمد يباها .. وهي تباه ..
سلطان : ونحنا من متى ناخذ راي البنات .. وبعدين نحنا عطينا العرب كلمه ... شو بيقلولون الناس ...
بو سلطان : وانت من متى تحيدني اسوي شي غصبن عنكم ... ومن متى انا اخذ على كلام الناس .. والله الناس مالهم دخل في بنتي واهلي ... واللي تريده خلود هو اللي بيصير .....
سلطان : عيل من الحين اقولكم .. انا مالي خص في العرس هذا .... وحتى ما بحظره ....
بو سلطان : وجودك مثل عدمك .. وانت من متى تدخل او تهتم في حياة حد من هلك .. روح عند ربعك خالهم ينفعونك ...
وقااااااااااام سلطان عنهم معصب ... وابو سلطان كان قلبه مكسور من ولده .. وحيده وجي يسوي به .. وخلود خايفه ان سلطان يسوي شي ... ومحمد لين الحين ما درى باللي صاير ....
.................................................. ........................................
.............................
بيت خليفه .............
خليفه توهه واعي من النوم ......
وامه وخواته كانن قاعدات في الصاله ......
خليفه : صباح الخير حبايبي ...
ام خليفه : الا مساء الخير حبايبي ...
خليفه : اوووووووووه .. شكلها ام خليفه ماخذه على خاطرها ...
ام خليفه : هيييييييه نعم ماخذه على خاطريه ...
خليفه : افاااااااااا .. ليش عاد ...!!
ام خليفه : توك ياي من السفر ... وترد تطلع وما ترد الا متاخر ..
خليفه : فديييييييييييدتج ... والله انه كانت في سالفه ضروريه .. حدتني اني اطلع بسرعه .. ورديت منهد ...
ام خليفه : وخير ان شاء الله شو اللي صار ....
خليفه : اممممممممم يالغاليه .. ( وانتبه الحصه ) ... اوووووه حصوه .. انتي اهنيه ...
حصه : لا والله .... تو الناس ... توك متذكر ان عندك اخت اسمها حصه ..ولا انا بنت البطه السوده
خليفه : لا حوووووووووووووول حتى انتي ماخذه على خاطرج ... والله لو تعرفون السالفه لا تعذروني ...
فاطمه : خييييييييييير ...
خليفه : حصوه ... قومي صبي لي جاهي ... وبعد ما شرب بخبركم
حصه : بععععععععععععد .. تريدني اصب لك ..
خليفه : ان ما صبيتي لي .. ما بعطيج جسوتج ... وبعطيها فاطوم ..
حصه : لااااااااااااا .. ( وقامت تصب له ) ....
وبعد ما شرب جاهيه ...خبرهم سالفه محمد من اول ما طلع من المستشفى لين ما رد من السفر .. ولين ما رد سافر مره ثانيه ...
ام خليفه : واااااااااااااااااااعلي عليه .. والله كاسر خاطري هذا الولد ..
فاطمه : والله خانقتني العبره ... حرام .. والله ما يستاهلون ..
حصه : با حلييييييييييييله ... مسكيييييين ...
خليفه : المهم .. الحين عذرتوني ولا لا ..
ام خليفه : هييييييه فديتك .. المهم الحين اطمنا عليكم .. وان شاء الله محمد يرجع ....
فاطمه : اقووووووووووول .. عندنا اجازه لين يوم الاحد .. ليش مانروح دبي صوب خالوه .. من زمان ما رحنا لهم ... والله تولهت عليهم ( طبعا الاخت مب متولها على خالتها .. متولها على ولد خالتها .. زايد )
خليفه : انا ما عندي ما نع ... اذا الولده راضيه بوديكم . لاني جي ولا جي .. بروح اسلم على زيود ...
فاطمه : ماماتي .. حبيبتي لا تقولين لا ...
ام خليفه : امممممممم .. اوكي ما عندي مانع ... بعد باروح مع خويتيه .. انقص قطع ...
حصه : الللللللله .. باروح معاج .... اقصلي قطع ..
خليفه : يعني الحين بتروحون ولا لا ....!!
ام خليفه : هيييييييه بنروح ... مب كل يوم بيعطونا اجازه ...
خليفه : خلاص صار .. مادامه بعده الوقت انا باطلع العصر دبي ... قومن لمن اغراضكن ... عشان ما نتأخر ...
وقاموا كلهم .. وفطوم بروحها كانت مرتبشه ....( واخيرا باشوف زيود ..ياللله كم متولها عليه ...ما ادري شو اسوي معاه ... كيف افهمه اني احبه ...واموووت فيه ... )
فاطوم : حصوووووووووووه حصوووووووووووووووووووووه ... ويهد
حصه : شعندج ... الله يلوع بجبدج ... تباغمين ...
فاطوم : تعالللللللللللللللللللللي ..
ويتها حصه مرتفع ضغطها من حشره فاطوم ..
فاطوم : حصوه حبيبتي ... اريد اشاورج ...شو اخذ معاي ..
حصه : غرييييييييييييييييبه .. من متى وانتي تشاوريني ...
فاطوم : يالله عاااااااااااااااد ... اخذ هذا ولا هذا ..
وحصه ما صدقت عمرها ...فارشه عمرها على الشبريه ... وتأشر من بعيد حق فاطوم على الملابس ... متشيخه عليها .... بس بعد ما نقن وخلصن .. انراغت روغه معتبره من الحجره ....
ويى وقت الطلعه ... واول وحده كانت في السياره فاطوم .. مرتزه قبل حتى ما تتشغل السياره ...
وطبعا ... مريوم مسويه حفله في البيت ... كسرتهم من درت ان فاطوم وخالتها وخالوف وحصوه ياين .... وبل صدفه دقت العنود على مريوم ... ومريوم خبرتها .... وحست العنود انها واااااااااايد فرحانه ان خليفه بي ... حاسه انها تعلقت فيه ... وخاصه انه كان وهو مسافر يطرش الها اغاني وشلات على ايميلها ...
اول ما ركب خليفه السياره ......
خليفه : حووووووووووووه ... من متى وانتي في السياره ... !!
فاطمه : (كانت كاشخه من الخاطر حق زيود) ..... اااااااااه .. شوووه .... من تو ...
خليفه : اها ... صح .... انزين وين باقي الشله ...
فاطمه : ههههههههه ... الحين بين .......
وبعد شوي ان ام خليفه وحصه يايات ...
وطلعوا دبي
<img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/blush.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/blush.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/blush.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/blush.gif" border=0></font></font></p></td></tr></tbody></table></font></font></p></font>
رد مع اقتباس
مواقع النشر (المفضلة)