<font color='#736AFF'><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0>
بو محمد اول ما طلع من غرفه محمد في المستشفى مع مزنه ......



بو محمد : مزنه .... بغيتج تساعديني في شي ....
مزنه : انا عيوني لك ....
بو محمد : تسلم عيونج حبيبتي .... انا عرفت محمد شو فيه ..... واكيد انت تعرفين ... لان ادري ان محمد يخبرج كل شي ......
مزنه : منو خبرك ؟؟؟؟؟؟؟؟&#33;&#33;&#33;&#33;&#33;&#33;&#33 ;&#33;&#33;&#33;&#33;&#33;&#33;&#33;&#33;&#33;
بو محمد : محمد خبرني ......
مزنه : وانا شو بيدي اسويه ؟؟؟؟؟؟؟؟
بو محمد : اباج تكلمين خلود اذا موافقه على محمد وله لا ..... قبل ما كلم اخويه .......
مزنه : ان شاء الله ................... اليوم بكلمها .....
بو محمد : لا الحين اباج تكلمينها .... قبل بوها ما يعطي العرب كلمه ...... بعدين ما بقدر اكلمه ....
مزنه : ان شاء الله

وراحت مزنه عن ابوها .... وطلعت مع خلود ...... وفي هالوقت كان بو محمد في الكافتريه يتريه مزنه ترجع له .....

مزنه : خلود .... ابويه قالي اقولج شي .... واريد رايج الحين ......
خلود : خير مزون .... عمي شو بغى ...&#33;&#33;&#33;&#33;&#33;&#33;&#33;&#33;&#33;&# 33;&#33;&#33;&#33;&#33;&#33;&#33;&#33;&#33;&#33;&# 33;&#33;&#33;&#33;
مزنه : ابويه قالي اسالج اذا تبين محمد وله لا .... وبسرعه .... قبل ابوج ما يعطي العرب كلمه ....وبعدين ابويه ما بيقدر يكلم ابوج ...
خلود : مزنه ... انت تدرين اني اريد محمد ...... واني مستحيل اكون لغيره ....
مزنه : يعني اروح اقول حق ابويه انج موافقه .....
خلود : اكيييييييييد .....
مزنه : اوكيه ........

وراحت مزنه بسرعه عند ابوها ...... بس للاسف في الوقت اللي كانت تكلم خلود ....ابو خلود كان توه واصل عند بو محمد ...... وقاله ...

بو سلطان : بومحمد .... العرب توهم مكلميني .... محددنا يوم العرس .... لانهم مستعيلين ....بس انا شرطت عليهم ان بعد ما يطلع محمد من المستشفى .....يعطونا مهر خلود .... عشان تزهب بسرعه ...

بو محمد ..... كا قدر يقول شي .... بس كان حاس انه تمنى الموت قبل ما يسمع كلام اخوه ....
( الحين شو اسوي ... ما اقدر اقول شي .. ما اقدر احير خلود حق محمد ... اخويه عطى العرب كلمه ....وما اقدر اخليه يرد في كلمته )

وبعد ما خلص بو خلود من كلامه .... انه مزنه واصله تبشر ابوها ..... واول ما وصلت ...

مزنه : ابووووووووووويه .....

واول ما شافت بو خلود ... سكتت .. وخاصه يوم لف عليها ابوها .... وكان شكله متغير .... حست ان شي صار ..
بو خلود : مزووووووون ... تعالي فديتج ... ( وراحت له مزنه ) ..... شوفي .... بعد ما يطلع محمد من المستشفى ....اباج انت اللي تساعدين خلود في الزهبه ....

( مزنه من سمعت عمها ... على طول شافت ابوها .... وبوها شافها .... ما كانوا يعرفون شو يسون ....)

مزنه : ان شاء الله ....( وراحت مزنه عن عمها وبوها )

ويوم دخلت على محمد ... وكانت خلود موجوده .... وشافتهم كيف يشفون بعض .... ردت طلعت بسرعه ...
ويلست تصيح ... ما تعرف شو تسوي .....( ليش القدر دايم يوقف ضد خويه .... شو اسوي الحين .... محمد بيروح فيها لو درى ...)

حست خلود ان في شي صاير .... وطلعت حق مزنه ......

خلود : مزون فديت روحج شو فيج ..... ليش تصيحين ...؟؟؟؟؟ ..... عمي شو قالج &#33;&#33;&#33;&#33;&#33;&#33;&#33;&#33;&#33;&#33; &#33;
مزنه : خلود ... اريد ارد البيت ... وبسرعه .... وهناك با قولج شو اللي صار .......

وراحن البنات كلهن البيت ... وفي الطريق كل ما وحده تسال مزنه شو فيها ما ترد ....

واول ما وصلن ..... ودن مزنه حجرتها ... ويلسن يهدنها ..... وبعد ما هدت ..

خلود : الحين مومكن تقولين شو فيج .....؟؟؟؟؟؟؟
مزنه : .................................................. ..............( خبرتهن برمسه ابوها ... وكلام عمها )
خلود : لاااااااااااااااااااااااا اااااااااااااااا ..... ما باخذ حمدان .... ما اريده .....( ويلست تصيح )
ندى : خلود .... فدبت روحج ... لاتزعقين .....هدي عمرج واللي تبينه بيصير .... بس انت هدي ....
وضحى : انا بكلم عميه ......
مزنه : حووووووووووووه ... وين تكلمينه ... اذا ابويه ما قدر يقول شي ......
وضحى : مزنه .. محمد ... لو درى يمكن يروح فيها .....
ندى : لا ان شاء الله .... وعميه اكيد ما بيسكت .... بس المهم ما حد يخبر محمد .....
خلود : اذا خذت غير محمد ... باموووووووووت ... انا السبب ... كله منيه .... انا كنت انانيه ... ضيعت حياتي بيدي ...
مزنه : خلوووووووووووود ... دخيلج لا تسوين جي ......

وخلود كل ما تتخيل انها بتنزف على واحد ثاني .... تصيح .... ( انا شو سويت .... هذا اخر انانيتي وعنادي ... ما كنت اريد اعترف اني احب محمد ... لين ما عقيت عمري في الهلاك ... كيف الحين اقول حق ابويه ما ريد حمدان .. ابويه خلاص عطى الناس كلمه ... وما اقدر اخليه يرد فيها .....) هذا اليوم خلود ما رقدت ... ومحمد كان في المستشفى يفكر .....( خلود خلاص بتصير اليه انا وبس .... ) ... ما كان يدري باللي بيصير .... وكان خليفه يروح ويي .. على محمد ... في اليوم اكثر من مره ...... ويتكلمون ... عن خلود .... وخليفه يقول حق محمد بالكلام اللي تقوله مريوم بنت خالته عن العنود ....وانه كيف تعلق فيها ...

محمد : هااااااااااااه بو شباب ... شكلها بتيب راسك هالعنود ...
خليفه : لا مش الهذي الدرجه .... بس تعلقت فيها .....ومع الايام بيصير عادي ....
محمد : ( يخزه ) ..... بنشوف الايام اليايه شو بيصير فيها ..... ان ما يتني على ركبك .. تقولي ... حمود دبرني .. اموووووت فيها .... تفل على ويهي ...
خليفه : ههههههههههههه ... الظاهر انك نسيت انا منو ؟؟؟؟؟
محمد : لا اعرف ,,,خليفه الكتبي ..... واااااااااااايد مصدق عمرك ..... انت ما بيضيعك ... الا هالخقه ....

ويروح .... خليفه عن محمد ....... وهو يضحك ...... ويوم وصل البيت .............

لقى خالته ... ومريوم ..... كانوا توهم واصلين ....

خليفه : حيييييييييي الله من يانه ... توها ما نورت ابوظبي ....
خالته : الله يحيك .... ووقفت تسلم عليه ......
خليفه : هلا والله بالجامعيه ... شحالج ....
مريوم : ( نافخه عمرها ) ..... بخير ... شحالك انت ؟؟؟
خليفه : دامني شفتكم انا بخير ...


( وام خليفه وخالته يتغامزن ) ..........................

ونزلت فاطوم ....وسلمت على خالتها ... ويوم شافت صكت عليها ... وطولن لاويات على بعض .....

خليفه : القووووووووووم ... بسكن ملاوه ... خنقتن بعض ....
ام خليفه : ههههههههههه ... خلهن متولهات على بعض .....
خليفه : هذيله لو كل يوم يشوفن بعض بيتولهن على بعض .....
فاطوم : تفووووووووووووو حرام .... عن الحسد ....
خليفه : هههههههههههه ... على شو يا حسره .... الا مريوم وفاطوم ....( ريه وسكينه )
مريوم : وانت شو لك خص .... معور راسك فينا ليش ......
خليفه : هيه والله صدقتي انا معور راسي ليش ...

وان حصه نازله من حجرتها ...... ووايهت خالتها و مريوم ... ويلست مع فاطوم و مريوم على طرف الصاله يسولفن ....

خليفه : انا بعد شوي بارجع لمحمد ... الشباب بيونه اليوم المستشفى ....
خالة خليفه : ربه هذا خويك الهاملي ... اللي كان يوم انتوا صغار كل يوم عندنا .....
خليفه : هيييييييييه .. ما شاء الله عليج خالوه ... تذكرينه .....
خالة خليفه : هيه اتذكره ... وما شاء الله لين الحين مع بعض ...
خليفه : لا واكثر عن قبل ....
خالة محمد : الله يديمها عليكم ... انزين خير ... ليش في المستشفى .....
خليفه : خلي اميه تخبرج .. ما فيه اعيد السالفه ...... صح اميه ... ترى محمد خبر ابوه .. وبوه قاله ... اذا بعدك رايدنها .. ما بتكون الا لك .....
ام خليفه : الحمد الله ... والله انه كان بالي منشغل عليه ... ما كان يستاهل اللي صار له ....

وراح خليفه عن امه وخالته .....والبنات من سمعنه يرمس عن محمد صخن ... الا مريوم كانت محتشره ... لانها ما تعرف السالفه ... ويوم انتبهت لبنات خالتها ... صخت .... وبعد ما راح ...

ام مريوم : شو السالفه ؟؟؟؟ ...................
ام خليفه : .................................................. ..........................( خبرتها السالفه )
ام مريوم : ياااااااااااااااااااااااا ااااويلي .... والله ما يستاهل ...
مريوم : اااااه .... حرااااااام .... وهذي السباله ليش تسوي فيه جي ... والله ما تستاهل ....
ام خليفه : حرااااااااام عيلج ...والله لو تشوفين شكلها يوم زرتهم المستشفى كيف مان شكلها ..... طول الوقت واقفه عند الغرفه ... وشكلها .... تقولون هذي من سنه ما نامت ... ومن سنه تصيح .... والله كانت تكسر الخاطر ....
حصه : بعد كل اللي قاسوه ان ما خذوا بعض بامووت من القهر .....

وبعد ساعتين رد خليفه من المستشفى ....... وكانت الساعه 10 الفليل ... مانت امه وخالته في الصاله الي في الطابق الثاني .... والبنات ملتمات في الصاله التحتيه ...

خليفه : سلاااااااااااام ..
البنات : وعليكم السلام ....
خليفه : الله يستر على لمتكن هذي ...... اللي يشوفكن يقول هذي يخططن على سطو بنك .....
البنات : ههههههههههههههههههههه
حصه : كيف عرفت .... والله ما كنت ادري انك ذكي ....
خليفه : طالع عليج .....( ويكفخها على راسها )
حصه : خلووووووووووف ..... والله تراني ان قمتلك .. ما بيصير لك خير ...
خليفه : لا حراااااااام ... لا تقومين ... قاعد انتفض من الخوف .....
حصه : هالمره بعديها لك ..... مره ثانيه لا تعيدها ..... تفهم ....
خليفه : ان شاء الله ماما ... ( ويرج يكفخها على راسها )
حصه : خلووووووووووووووووووووووو ف ... لا تخليني الحين ارقدك في المستشفى عدال خويك .... مثل هذيج المره .... بس هذي المره ... ما بيخلون مكان في جسمك .... الا ويخيطونه ....
خليفه : قومي اشوووووووف .... اريد اشوف شو بتسوين ... يله قومي ... يله .... ( يرد يكفخها على راسها )
فاطوم : حرااااام عليك خليفه .... ارحمها .... ما تستاد تخلف عشان تكفخها على راسها .... هي طبيعي هبله ...
مريوم : ههههههههههههههههه ... انا يالسه في حضانه ... اقوم احسلي .....
خليفه : قومي انزين شو تترين .....
مريوم : لا كون قاعده على قلبك وانا ما ادري .....
خليفه : لا قاعده على راسي ....
فاطوم : انت شكلك ياي .. ومتفيق .....
خليفه : هيييييييييه ... عندج مانع ......
فاطوم : هو انا اقدر يكون عندي مانع ....
خليفه : اتحري .... حصوه ... قومي قهوينيه ....
حصه : لا كون صبيتك وانا ما ادري ....
خليفه : قومي ما دام النفس عليج راضيه ....
حصه : انزيييييييييين ....

وشوي ان رقم مريوم يرن ........... واول ما شافت الرقم ... شافت على خليفه وضحكت ... انتبه لها ... خليفه ..

مريوم : يا مرحبااااااااااا الساع ....
........: مرحبتين ...
مريوم : شحالج حببتي .... والله تولهت عليج ...
.........: وانا بعد ..... الله يعيني على باقي الاجازه ... هذا وتوها باديه ...
مريوم : هيه والله ..... الله يعنى على الفرقا ...
........: انزين حبيبتي انت وين ؟؟؟؟؟
مريوم : في ابوظبي .... عند خالتي ...
.........: والله ..... ومنو معاج يالس ؟؟؟؟
مريوم : بنات خالتيه .... حصوه ... وفطوم ....
........: اها ... سالميلي عليهن ....
مريوم : سلامن يوصل

خليفه يوم ما قالت اسمه .... زعق ....

<p style="text-kashida: 0%"><font face="arial, helvetica" size=3><font face="arial, helvetica,verdana">خليفه : وانا ...

.......: منو هذا .....؟؟؟؟؟؟؟؟؟؟
مريوم : خلووووف ... ولد خالتيه ....
خليفه : انت ما تستحين .... اصغر عيالج خلوف ....
مريوم : السموووووووحه ....الشيخ خليفه ...
خليفه : غصبن عنج شيخ ....
........: يااااااااااااله يالخقه ...
مريوم : هيه والله ما دري على شو .....

حس خليفه ان الرمسه عليه ...
خليفه : عن الحش ... ادري انج ترمسن عنيه ...
مريوم : والله صدق ذكي ... تفهما ...
.........: حرااااااام عليج مريوم صكي عنه ...
مريوم : وليش ان شاء الله .... الا خلوووف ...
خليفه : انت وبعدين معاج .... لا تخليني اقوم لج ...
........: ههههههههههههه والله صدق انكم تضحكون ....
مريوم : خلاص .... سوري .....
خليفه : ناااااس ما تي الا بالعين الحمره .......
.......: هههههههههههه ... طايح فيج ...
مريوم : احترامن لج بس ساكته ...
.........: انزين ... متى بتردين دبي ...
مريوم : ما ادري ... حسب الجو ....
.........: اهااااااااااا ....
فاطوم : منو تكلمين ؟؟؟؟؟؟
مريوم : اكلم .... ( وطالعت خليفه ) .... العنود .....

من قالت الاسم ... فز خليفه .... وتشقق من الوناسه .... انتبهت له مريوم .. وضحكت ....

.العنود: شعندج تضحكين ؟؟؟؟؟؟؟؟؟؟
مريوم : لا ماشي اتذكرت سالفه .....
.العنود.: اهااااااااا .... ضحكيني معاج ..
مريوم : بعدين بخبرج ...
..العنود : اهااااااا ...
مريوم : اقووول عنود ...
العنود : عيووووووووونها ...
مريوم : تسلم عيونج .... حبيبتي ... اريد اقولج شي ...
العنود : قولي حبيبتي ...
مريوم : تدرين الحفله اللي سوها عندنا البنات في الجامعه اخر يوم ..... ين بنات بعدها واااااايد يسألنيه عنج ....
العنود : ليش ان شاء الله ...
مريوم : انت ما شفتي شكلج كيف كان ... كنت تجنين .... تذبحين ... مره ثانيه لا تتعدلين جيه ..
العنود : جااااااان استحي ...
مريوم : فدييييييت اللي يستحون ...

خليفه بصوت واطي : هيه والله فديتهم ....

مريوم : والله عنود ... طول الوقت وانا اسمي عليج .... لا و انت ترقصين تدلعين بعد ... انا ربيعتج ذبحتينيه ... وين الغريب ....
العنود : بس مريوم .... عن المبالغه ....
مريوم : والله ما بالغ ... يا حظ اللي بياخذج .... والله لو انا ولد ما ضيعج من ايدي ...
العنود : خلاااااااااص .... باصدق عمري تراني ...
مريوم : من حقج .....
العنود : انزين .... خليفه بعده عدالج ....؟؟؟؟؟
مريوم : هيه ... تصدقين .... شكلها بيوقف قلبها ... من الوصف ....( قصدها خليفه ...)
العنود : بيغتر من الوصف ....
مريوم : وليش ان شاء الله ..... والله اني ما جذبت ....

وشوي ان حصه تنادي خليفه ... وخليفه سرحان وذنه عند مريوم يسمعها ... وذايب ... يتخايل العنود جدامه ...

حصه : خلووووووووف ... وصمخ جلاب ...
خليفه : يالسباااااااااله .... شعندج تباغمين ... قطعتي حبل افكاري ....
حصه : خست وانا واقفه اقهويك ....الدود كلنيه ... خلصت الدله ..... انت ما تشبع ...

( انتبه خليفه انه من يخلص فنيال شرب وراه ثاني ... لين ما خلص الدله )

خليفه : لا خلاص ... ما ريد .....

مريوم : ههههههههههههههههه ... وين كنت سرحان .....&#33;&#33;&#33;&#33;&#33;&#33;&#33;&#33;&#33; &#33;&#33;&#33;&#33;
خليفه : انت خليتي في الواحد عقل ........
مريوم : ههههههههههههههه ... وانا شو سويت ....
العنود كانت تسمعه ....: هههههههههههه مريوم يننتي الريال
مريوم : بعدج ما شفتي شي ....

وفاطوم وحصه راح تفكيرهن بعيد .....

العنود : اقول ... حياتي انا بخليج ...
مريوم : اوكي .. عمري .... تصبحين على خير ....
العنود : وانت من اهله ...


وسكرت مريوم عن العنود ........

خليفه : اقووووووووووول مريوم ... شو سهاري اليوم ......؟؟؟؟؟؟؟؟؟
مريوم : ما ادري ... شكلي بانام .........( قصدها تحرق قلب خليفه وتذله ... لانها تدري انه بييلس يسال عن العنود ... وهيه تبه تذله ...)
خليفه : حراااااااااام مريوم .... سهري معاي ...
مريوم : ما ادري .... بفكر .... اذا بسهر بنزلك ...........
خليفه : اوكي انا بترياج ....

فاطوم وحصوه .... فاجات ثمهن ... مش عارفات شو السالفه ... قام تفكيرهن يوديهن بعيييييييييد ....


.................................................. ........................................
.......................................
يتبع.....................


شو تتوقعون .....

محمد بيدري انه خلاص خلود بتاخذ حمدان ...
وشو بيسوي .....او ... شو بيصير له ....
بيتحمل وله لا .....

ومريوم بتسهر مع خليفه
وخليفه شو بيقولها ...
وام خليفه وخالته ... شو بيسون ...
وليش يتغامزن .؟؟؟؟

وحصه وفاطوم ... تفكيرهن وين راح ...
بعد ما سكرت مريوم عن العنود .... طلعت مع فطوم وحصوه .... وخليفه يلس يتريه مريوم تنزله .. وتسهر معاه ...


في حجره فطوم ...............

حصه : مريوووووووووووم ..... ( وهي تتنخصر لها ... وتخزها )
مريوم : شعندج .... وله اقولج قومي فلعيني احسن ...
حصه : انا ما بخليج اليوم لين ما عرف شو سالفج مع خلوف .......
مريوم : هههههههههههههه ... شو يعني ... ما في شي ..
فاطوم : مريوم .... ترى تفكيرنا راح بعيد ....
مريوم : هههههههههههه ... والله انكن .....
حصه : والله ان ما رمستي يا ويلج ............
مريوم : شو اقووووووووول ...
فاطوم : يااااااااااا الله بدى الاستهبال ...
حصه : شوفي ... بتشغلين اليه استهبالج .. اشغلج ينانيه ....
مريوم : خييييييييييييييييييبه ..... شعندكن .... متفقات عليه ....
فاطوم : شوفي خلينا حبايب ... ورمسي ... ما دام النفس طيبه عليج ...
مريوم : اااااااااااااه ... صدق والله شعندكن ..
حصه : اوكي ... با خذج على قد غباءج ... وتنبلج ....
مريوم : حصوووووووه .... لا تنسين اني اكبر عنج ... وفي جامعه زايد ....
حصه : القوووووووووم عاده ... وخير يعني ...
مريوم : شوفي ... يا اخت حصه .... لا تخلينا نغلط على بعض .... ( وتضربها على جتفها ) ... ويصير شي ما تحبينه ...
فاطوم : هدن هدن ..... ما ريد تيني كفخه بالغلط ....
مربوم : ههههههههههههههههههه
حصه : اوكي مريوم .... حبيبتي انتي .... حياتي .... عمري .... قولي شو السالفه ؟؟؟؟؟؟؟؟
مريوم : أي سالفه ..... تراج عورتي راسي ...
حصه : شو بينج وبين خلوف ..
مريوم : مااااااااااا شي ... عادي ...
فاطوم : انا بايبها على بلاطه ... ما بلف و ادور ....
مريوم : يااااااااااااااليت ....
فاطوم : طريقه كلامج مع خلوف ... وطريقه كلامه معاج ... تين انكم تحبون بعض ...

ومن قالت فاطوم هالرمسه ... انفجرت مريوم من الضحك ....

مريوم : ههههههههههههههههههه ... والله با موت من الضحك ... ما لقيتي غير خلوف ...
حصه : وليش ان شاء الله ... اخويه شو فيه ..
مريوم : لااااااا .. ما فيه شي ... والله انه غالي ... مثل اخوي زيود .... ( ومن قالت زيود فزت فاطوم ...) ...
( ملاحظه : زايد اخو مريوم الكبير ... اول ما خلص الثانويه سافر كندا يكمل دراسته ...)
بس ... ما فكرت انه بيوصل تفكيركن جي ..........
حصه : يعني ارجع تفكيري ...
مريوم : هييييييه خليه يلف ويرجع .... وبسرعه ... قبل ما يصير له حادث ..
فاطوم : ههههههههههههههههه ... والله فايقه تنكتين .... امممممممممممم ... مريوم .... اخبار زيود ....
مريوم : والله تسرج اخباره .... سبااااااااال ... والله تولهت عليه ...( وفاطوم في قلبها ... عيل شو اقول انا ... باموت من الوله ) ...ما طاع يخبرنا متى بيرجع ... اونه ... سبرايس ...
حصه : ياااااااااحليله .... يكافح .... ويجتهد ما دري حق شوه .... الله يعينه على الغربه ..
مريوم : ما عليج منه ... مش مقصر .... ما خله وحده الا وتعرف عليها ... السته عنده متروسه ...
( وفاطووم ... باتموت من رمسه مريوم ) ... اقولج مريوم ... بشغل النت يمكن يكون اون لاين ...
فاطوم ( طبعا من دون تتردد قامت وشغلت النت حق مريوم ... ) ....

دخلت مريوم المسنجر .... لقت ,,, الشله كلها اون لاين .... ولقت خليفه وزايد اون لاين بعد ....

مريوم : ما شاااااااااااء الله .... خفافيش هب ربع ... عنبوهن ما يرقدن ....
حصه : هههههههههههههه ... انت ربيعتهن ...
مريوم : ( اطالعها بطرف عينها ) ... شو قصدج &#33;&#33;&#33;&#33;&#33;&#33;&#33;&#33;&#33;&#33; &#33;&#33;&#33;&#33;
حصه : لا ماشي ... سلامتج ...
مريوم : اتحرى ...

وانه داخل عليهن خليفه ...
خليفه : يالعنز .... خست وانا اترياج ....
مريوم : مش يديده عليك ....
خليفه : انزين ..... فاطوم وحصوه يالسات ..
مريوم : هيه ...
خليفه : اهااااااااااااااا
مريوم : ( تبه تحرق قلبه ) ... ليش بغيت شي ... ( فيس يغمز )
خليفه : بعديييييين ...
فاطوم : والله انه شي بينكم .... في سالفه ..... ( وخذت الكيبورد عن مريوم ...) خلوووووووووف ... شو هو اللي بعدبن .....&#33;&#33;&#33;&#33;&#33;&#33;&#33;&#33;&#33; &#33;&#33;&#33;&#33;&#33;&#33;&#33;&#33;
خليفه : بسم الله الرحمن الرحيم ... منو مسح الفانوس ... انت من وين طلعتي ...
فاطوم : خاااااااااااااااااااااااي س .. انا الغلطانه .... اتنازلت وكلمتك ...
خليفه : لا دخيلج ... ما اقدر .... يله جلبي ويهج ....
مريوم : ( ترد تاخذ من فاطوم الكيبورد ) .... وتقول حق فاطوم ... ما عليج الحين باخذ حقج منه .... شوفي شو بسوي فيه... وترد تكتب على حق خليفه ..... خلووووووووف .... ما اسمحلك ترى كله ولا فاطوم ...
خليفه : لا والله .... ليش انت منو ... عشان ما تسمحيلي ..
مريوم : بتعرف بعدين انا منو ...... وشوف اللي بيقولك شي ..
خليفه : لاااااااااااااااااااااااا اااا ... خلاص السموحه ....
حصه وفاطوم يطالعن بعض ... مش مصدقات ... خلوف يستسمح من حد .... خلوف المغرور ... يقول جي ..

مريوم : ههههههههههههههه ... جي .... اصطلب .. خلك شاطر .. ومؤدب ...
خليفه : والله ذليتيني ...... وهذيله السبالات اللي عدالج .... بيتشمتن ... ادريبهن ... والله لو ما الحايه ....
مريوم : ههههههههههههههههه ..... لا ما عليك ... ما بيتشمتن ....

وشوي ان زايد داخل عليهن ..... ومن شافت فاطوم ان زايد داخل عليهن ...اتشققت ...

زايد : مريوووووووووووووووووم ....... ليش ما تسلمين ....؟؟؟؟؟؟؟؟؟؟
مريوم : فديييييييييييييييييييييتك ... زيود ...حبيبي .... والله هذا خلوف السبال ... ما كل قلبي ...
زايد : هههههههههههه .... هذا السبال شحاله ..... فديت روحج طرشيلي ايميله .... بالعب فيه ..
مريوم : ههههههههههههههههه ... اقولك .... تراه هالايام بسرعه ينقص عليه ...
زايد : مش بس هالايام .. هو طول عمره مقصه ..
حصه : هيييييييي ... شعندكم على اخويه .. والله اخبره عليج .....
مريوم : خبريه ..... شو يعني ....
حصه : امووووووووووووت ... واعرف ... انت شو مسويت له ... ؟؟؟
مريوم : سااااااااااحرتنه ...

فاطوم مش منتبه لهن .. سرحانه في كلام زايد ....( فديييييييييييييييييته .... والله اني اشتقت لك )
وترد مريوم تكتب حق زايد ..
مريوم : زيووووووود ... حبيبي ... اخبار ... الدراسه ...
زايد : والله اوكيك .... احلا ما في الدراسه ... البنات ... ( وفاطوم تقرى وتتحرقص ) ...
مريوم : ارحم عمرك ... والله اخبر اميه ... واخليها تردك ..
زايد : ههههههههههههه ... شو ياهل شا يفتني ... عشان تردني ...
مريوم : انزين ... الشيخ ان شاء الله متى بتاخذ اجازه ... وبترجع ...؟؟؟؟؟؟؟؟؟؟؟؟؟؟؟؟؟؟؟؟؟
زايد : ماااااااااااا بقول .... بخليها ... سبرااااااااايس ...
مريوم : حرااااااااام عليك ... والله مشتاقه تلك ...
زايد : وانا بعد حياتي ... وان شاء الله قريب ...
مريوم : ان شاء الله ...الغالي .... ترى عدالي فاطوم وحصوه ...
زايد : وااللللله .... وشحالهن .... القاطعات ...
تكلمه حصوه ...

حصوه : زيووووووووووووود .... شحالك ...
زايد : بخير .... فاطوم وله حصوه ..؟؟؟؟؟؟؟؟
حصوه : شيختك ..... حصوه ....
زايد : ههههههههههه ... انت بعدج على سوالفج هذي ... خلاص كبري ...
حصه : يوم بتكبر انت وبتعقل ... ذج الساعه انا باعقل ...
زايد : عيييييييل ... ما بتعقلين ....
حصه : رحم الله امرئن عرف قدر نفسه ..
زايد : ههههههههههه ... والله شتقت لسوالفج ....
حصه : وانا بعد ... انزين خذ فاطوم ...

فاطوم : هلا ..... شحالك ....
زايد : بخير ... الله يسلمج .... شحالج انت ؟؟؟
فاطوم : بخير دامك بخير ...

حصوه : حوووووووووو ... يالادب اللي نزل عليج ...
فاطوم : حصوه ... جب ...

زايد : اخبار الدراسه معاج ....؟؟؟؟؟؟؟
فاطوم : اوكيك .... وانت ...
زايد : اوكيك بعد ...
فاطوم : ان شاء الله دوم ...
زايد : معاج ان شاء الله ...

مريوم : بس خلاص ..... اريد اكلم ربيعاتي .....

مريوم تكلم زايد ...
مريوم : زيود ... انا مريوم ... خذ ايميل خليفه ................ وكتبت له الايميل
زايد : اوكيك خلاص .... يله اخليج الحين .....
مريوم : بااااااااااي ...

ويلست مريوم محتشره مع ربيعاتها ... مسويات حق بعض كلهن انفايت .... ويتعاشن ... على وقت نزول النتايج ...
وحصه راحت ترقد .... وفاطوم ما قدرت تنام تفكر في زايد ...


وثااااااااااااااااااني يوم .....


محمد في المستشفى ... ووضحى ومزنه وندى عنده ... وامه وحرمه عمه عند الحريم برى في الصاله .... وخلود ما كانت موجوده ... خلوها في البيت نايمه ... لانها ما نامت الا الصبح ... وباتت الليل كله تصيح ...

محمد : وضوووووح ... حبيبتي .... تدرين ... توني عرفت قيمج ....
وضحه : هههههههههههههه .... توك عرفت قيمتي ... دايمن اقولكم بي يوم وبتعرفون قيمتي ...
محمد : هييييييييه والله .... لو ما دمج .... انا الحين في اعداد الاموات ...
وضحه : فديييييييييتك .. انا افديك بروحي .... مش بس بدمي ...
محمد : الله لا يحرمني من شوفج ... يالغاليه ... ( ولوت عليه وضحه وصاحت ... خاصه انها تذكرت سالفه خلود ..) .... فديت روحج .... ليش تصيحين ... انا بخير الحين ... وان شاء الله بعد يومين باطلع ....
وضحى : ان شاء الله ....
ومحمد لف على مزنه .... يريد يسال عن خلود .... ومزنه فهمت له من عيونه .... وبتسمت له ...

وفي بيت خليفه .... على العصر ....

ام زايد : ميثه ( ام خليفه ) ..... خلينا نروح صوب .. محمد ... خوي خليفه ..
ام خليفه : ما عليه فديتج ... متى تبين تروحين ؟؟؟؟
ام زايد : الحين .... وبشوف البنات اذا بيروحن ....؟؟؟؟ .... وانت كلمي خلوف .. يودينا ...
ام خليفه : هههههههههه .. ما شاء الله عليج ... حار بحار .... انزين يله قومي لبسي عباتج ... وفي طريقج خبري البنات ....

وقامت ام زايد ...وراحت للبنات ...

ام زايد : بنااااااااااات ... انا باروح مع ام خليفه صوب محمد خويه ... بتروحن ؟؟؟؟؟؟
حصه : هيييييييه ... انا باروح ....
مريوم : هيه ... في خاطريه اشوف خلود ... يا رب تكون موجود ...
فاطوم : وانا بعد ... اريد اشوف ... تستاهل وله لا ...

وقامن كلهن وتلبسن ...وياهن خليفه ....ووداهن المستشفى .... وكانت خلود توها يايه ....

سلمن على الموجودات .... ويلسن ....
حصوه ( تصاصر فاطوم ) : فاطووووووم ... تعرفين أي وحده فيهن خلود ...
فاطوم : وانا شو دراني ...
وشوي ان مزنه وندى ووضحى طالعات من حجره محمد ... وسلمن على هل خليفه ... وقعدن عدال خوات خليفه ومريوم ... ومريوم ... طاحت عيونها وهي تخزهن ...

مريوم : ( تنحز فاطوم ) .... فاطوم فاطوم .... ما شاء الله ما حلاهن ... اذا كانت خلود بينهن ... عيل اكيد حلوه ..
( خلود اصلا ما كانت بينهن ... كانت توها داخله على محمد تسلم عليه ... وبعدين بتطلع عنه تيلس مع الحريم ...)

واول ما دخلت على محمد ... وهذي اول مره ما يكون عند محمد حد ...

محمد : يا مرحبا الساع ...
خلود : ( منزله راسها ... ما قدرت تحط عينها في عينه ... خايفه يشوف عيونها كيف تعبانه .. ويحس ان في شي ) .... بخير الله يسلمك ...
محمد : خلود .... اريد اقول كل اللي في قلبي ... بس خايف ...
خلود : من شو خايف ...؟؟؟؟
محمد : خايف ... انجرح مره ثانيه ... وجرحي الاول بعده ما برى ... والمره الاولى ربي ستر ... بس هذي المره ... با نتهي ...
خلود : دخيييييييييييييييلك ... لا تقول جي .... انت ما تعرف باللي في القلوب ...
محمد : ريحيني ... ترى دواي بيدج ....
خلود : محمد ..... قوووووول .... اللي بخاطرك ...
محمد : خلووووووود ...والله احبج .... ما تخايلت انج تكونين ملك غيري ....

ومن سمعت خلود محمد يقولها احبج .... حست انها عايشه في عالم ثاني ... ونست سالفه عرسها ... وحمدان ..
وتمت ساكته ...
محمد : خلود ... ردي علي ... لا تخليني جي انحرق ... اريد اعرف رايج ...
خلود : محمد ............ ارجووووووووك سامحني ... انا ما كنت اعرف قيمتك ... ما كنت ادري .. انك الهذي الدرجه تحبني ...
محمد : خلود ... حبي لج يغفر لج .. وقلبي مسامحنج ... حتى لو طعنتيه ...
خلود : والله .... احبك ..... ( وطلعت بسرعه عنه )

محمد تشقق ... مش مصدق اللي سمعه ...( ياااااااالله كم احبها ... والله انها ذابحتني بحبها ... متى يا ربي ... بي اليوم اللي بيجمعنا )

وخلود اول ما طلعت من عند محمد كان ويها محمر ومبتسمه .... البنات كانن كلهن يسولفن مع بعض ... وراحت صوبهن خلود ... وهي اول ما طلعت انتبهن الها خوات خليفه ومريوم وتمن فاجات ثمهن

مريوم : شوووووووووو هالزيييييين ....
ردت نحزتها فاطوم : مريوم ... لمي ثمج ... فضحتينه ...
حصه : ظنكن منو هاي ...&#33;&#33;&#33;&#33;&#33;&#33;&#33;&#33;&#33;&# 33;
( وهن يتصاصرن ) ... وصلتهن خلود وسلمت ويلست معاهن .....

مزنه : اعرفكن ... هذي خلود بنت عمي ..
فاطوم : يا مرحبا الساع ...
حصه : واخيرا شفناج ..&#33;&#33;&#33;&#33;&#33;&#33;&#33;&#33;
خلود : ليش ..... &#33;&#33;&#33;&#33;&#33;&#33;&#33;&#33;
مريوم : لا ماشي ..... ما عليج منها ... مزوده الشرب شوي ...
البنات : هههههههههههههههههههههه
خلود : حراااااااام عليج ....
حصه : لا مش مزوده الشرب ... بس محوله على الابار ...
البنات : هههههههههههههههههههههه ...
وضحى : نصيحه ... اذا تبين مفعولها يوصل بسرعه .... اضربيها في القلب على طول ...اسئلي مجرب
البنات : ههههههههههههههههههه
مزنه : والله شكيت فيج ...
ويلسن البنات يسولفن ... وما حسن بالوقت ... الا يوم قالت ام خليفه ... يله بنات بنروح ...

وكل وحده وصت الثانيه انها ما تقطعها ... واللي عندها ايميل عطته الثانيه ...

وقبل ما يطلعن ..... ابو محمد ... لا قى خليفه في ممر المستشفى ... كان يتريه حريمه ...

بو محمد : يا مرحبا .... ببو الشباب ....
خليفه : مرحبتين .... شحالك عمي ...
بو محمد : بخير ... شحالك انت ؟؟؟
خليفه : بخير دامك بخير ....
بو محمد : خليفه .... يعلني افداك ... يوم بتفضى ... ابغاك في رمسه ....
خليفه : ان شاء الله ... بس اوصل الاهل وارجع ...

وطلعن الحريم ... وسلمن على ابو محمد .... وتحمدن الله بسلامه محمد ... وراحن ...

الجزء 14


في الطريق في سياره خليفه ...

مريوم : امييييه ... شفتي خلود ؟؟؟؟؟؟
ام زايد : هيه ...
مريوم : شفتي محلاها ... تعق الطير من السما ...
حصه : والله ما ينلام محمد يوم بغى يموت عشانها ...
فاطوم : قووووولن ما شاء الله ... بتاكلن البنيه ...
مريوم وحصوه : ماااااااا شااااء الله ...
ام خليفه : الله يخليها لاهلها ... والله يسعدها مع محمد ... وان شاء الله تكون من نصيبه ...
مريوم : اميييييييييين ... تدرون ... والله لو ما محمد يباها كنت خذتها حق زيود ...
خليفه : لا والله .... حرام عليج تظلمينها مع زيود ... بيطلع قرونه الها .... وبيعقدبها ..
( وفاطوم خطر عليها تفر مريوم من السياره )
ام زايد : وااااا بويه ... شو فيه زيود ... شيخ الريايل .... يكفي انه متغرب حق دراسته ...
خليفه : هههههههه ... والله انكم مغترين بزيود هذا ....
مريوم : خلوووف .. لا تنس انه مش موجود معانا ... فلا تحش فيه ... مب زين ...
خليفه : اوكي اوكي ... السموحه ...
حصه : اقول ... انتبهتن للي انتبهت له ...
فاطوم : شو ؟؟؟؟؟؟؟؟؟
حصه : كيف كان ويها احمر يوم كانت طالعه من غرفه محمد ... وكانت متشققه ... ظنكن ليش &#33;&#33;&#33;&#33;&#33;&#33;&#33;&#33;&#33;&# 33;
مريوم : هييييييييه ... انت انتبهتي ... مثل ما نتبهت ..
ام خليفه : بسم الله ... حتى لهذا انتبهتن ... ما شاء الله عليكن ...
خليفه : هيييييييييي ... شعندكن ... ما بتلمن ثمكن .... قاعدات تحشن في البنيه ...

وسكتن ......وكل وحده خطر عليها تفلع خليفه ... لانها هزبهن ... وخليفه طول الطريق يفكر ... شو بو محمد يبغي منه ؟؟؟؟؟؟&#33;&#33;

وبعد ما نزل خليفه هله ... رد المستشفى .... وراح حق ابو محمد ....

خليفه : خير عمي .. والله شغلت بالي ....
بومحمد : ابويه خليفه .. ( مسك ايد خليفه وحط تذاكرتين سفر ) ... هذي تذاكر سفر ... لجنيف ... اباك تروح مع محمد ....
خليفه : والله يا عمي ما عرف شو اقولك ... بس ليش هالسفره المفاجئه ....
بو محمد : شوف خليفه ... انت اكيد تدري ان محمد رايد بنت عمه ... صح &#33;&#33;&#33;
خليفه : هيه ... واللي اعرفه بعد انك قلتله انها ما بتكون الا له ...
بو محمد : صح .. انا قلت له ... بس ....... ( وسكت )
خليفه : عمي دخيلك لا تمنعها عنه ....
بو محمد : والله انه مش بيدي .....................( وخبره عن اليوم اللي كان بيكلم فيه اخوه .. ويحير خلود لمحمد ... بس تاخر .. وكان اخوه خلاص عطى العرب كلمه ..)
خليفه : و محمد .....
بو محمد : عشان جي اريدك .... تسافر معاه .... لاني ما ريده ... يحس بشي ... وورى باجر السفر ...
خليفه : انزين ... بنقول .. سافرنا ... نحنا ما بنسافر العمر كله ... ويوم بيرد بيعرف كل شي ... يعني ولا كانا سوينا شي ....
بو محمد : اعرف .... بس الله العالم يمكن يصير شي ...يمنع هالعرس ... او انا اقدر اسوي شي .... بس اريد محمد يبعد شوي ...
خليفه : خلاص عمي ... اللي تبيه بيصير ... وان شاء الله بسافر مع محمد .... بس محمد يدري بهذي السفره ؟؟&#33;&#33;&#33;
بو محمد : انا بغيت اول شي اعرف رايك ... والحين باقوله ...

وراحوا صوب محمد ....

بو محمد : هااااه بو الشباب .... شو الحال عليك ...
محمد : انا مليت ... متى باطلع ....؟؟؟؟؟؟؟
بو محمد : ولا يهمك ... الدكتور قالي ... باجر بيرخصك ... ولا بعد توني معطي خليفه تذاكر سفر ... بتسافر مع خليفه جنيف ....
محمد : اوووووووووه .. منو قدي ... بيسفروني جنيف ...
خليفه : عيل انا شو اقول .... سفره مجانيه ....
بو محمد : ههههههههههههههههههه ... انا منو عندي غيركم ... المهم ... محمد قول حق خليفه ... شو محتاي عشان ياخذه لك ....
محمد : ان شاء الله .... بس ابوي .......
بو محمد : هلا الغالي ...
محمد : شو بتسوي في سالفه بنت عمي ....
بو محمد لف على خليفه .. مش عارف شو يقول ... : امممممممممممممممم .... لانت لا تشغل بالك بها السالفه ... واللي كاتبنه الله بيصير .. وانا الحين باروح واخلي امك وخواتك يرتبن اغراضك ...
محمد : ان شاء الله ...

وطلعوا بو محمد وخليفه عن محمد ... وكل واحد راح البيت ...

في بيت بو محمد ................................

بو محمد : ام محمد ... اووووو ... ام محمد ...
ام محمد : يا عيون ام محمد ...
بو محمد : اووووووووه .. من متى ؟؟؟؟؟
ام محمد : من اول ما طاحت عيوني عليك ....
بو محمد : منو قدري ..... ام محمد تتغزل فيه ...
ام محمد : هييه والله من قدك .....
بو محمد : هههههههههه ... شو شفتي عمرج ....&#33;&#33;&#33;&#33;&#33;
ام محمد : هههههههه .. لازم اشوف عمري ...جانك انت ريلي .. وتاج راسي ..
بو محمد : الله لا يحرمني من شوفج يالغاليه ...
وضحى داخله عرض .............

وضحى :اوووووووب اوووووووووب ... من ورانا ....
ام محمد : يااااااااالله ... يت الرزه ...
وضحى : ما جني انسبيت ....( وتخز امها )
بو محمد : ههههههههههه ... هيه انسبيتي ... الا اقول ... نسيتوني ..
وضحى : من حقك تنسى .. ان جانك مجابيل .. المريه ...
ام محمد : خير .. شو اللي نسيته ..&#33;&#33;&#33;
بو محمد : جهزن اغراض محمد ... بيسافر ورى باجر ..
ام محمد : وليش .... شي صاير له ؟؟؟؟؟ ( كانت خايفه ..)
بو محمد : لا ما في شي صاير ... بس بيروح نقاهه ..
وضحى : اللللللللللللللله اريد ارووووووح معاه ..
بو محمد : وين تروحين .. قري هنيه ... خليفه بيروح معاه
ام محمد : خلااااااص ... باروح الحين ازهب سمانه ...
وضحى : انزين ... وين بيسافر ..
بو محمد : بيسافر جنيف ...
وضحى : طاالعووووووا ... حراااااااام ... اريد ارووووووح ... والله ظلم ..
بو محمد : وليش ان شاء الله ظلم ...
وضحى : الله يخليك ... اريد اركب طياره ... والله لو تسفروني بندر عباس وتردوني انا ما عندي مانع بس اركب طياره ..
ام محمد : ههههههههههه ... يوم بتعرسين .. ريلج بيسفرج ...
وضحى : لااااااااااااااحول ... انزين هو وين &#33;&#33;&#33; ... خلوه أي اول ...
بو محمد : والله صدق ما تستحين .. هذا وانا واقف .... يله فارجي ... ما تنعطين ويه ....
وضحى : شوووووو &#33;&#33; ... انتوا ما ينمزح معاكم ....
بو محمد : عن بو ... هذا مزح ... هذا اسمه قلت حيى ....
وضحى : خلاص السموحه ....( وتحبه على راسه )
بو محمد : ههههههههههه ... فديت الادب ... ( ولوى عليها )

قامت ام محمد تنادي مزنه .. تساعدها في ترتيب شنطه محمد .....

ام محمد : مزوووووووون ...اوووووه ... مزووون ..
مزنه : لبييييييييييه ..
ام محمد : لبيتي حايه .. بس بغيتج تساعديني في ترتيب شنطه اخوج ...

ويوم سمعتهم خلود ... طلعت تربع .... ( ملاحظه : وندى وامها كانوا رايحين المينا .. عشان يشترون مواعين )
ووقفت عدال مزنه ..
مزنه : خييييييييير .. محمد وين بيسير &#33;&#33;&#33;&#33;&#33;&#33;&#33;&#33;&#33;&#33; &#33;&#33;
ام محمد : بيسافر مع خويه خليفه ... بيروحون جنيف ..
مزنه : اهااااااااااا ... خلاص اميه ... انت روحي رتاحي وانا وخلود بنرتب الشنطه ...
ام محمد : انا باروح حجره الخدامات ...بشوف اذا في له اغراض وله لا ... وبا شوف الدوبي بعد ... ايب كناديره ..

وراحت ام محمد ... وراحن مزنه وخلود حجره محمد ... واول ما دخلت خلود ....حست بشي في قلبها .... كان هذي الحجره مالتها هي مش مالت محمد ....

خلود : فديييييييييييييييت راعي هالحجره ...
مزنه : يا ويل حالج ... يله يله ساعديني ... وعن المصاخه ...
خلود : اووووووه مزون ... حرام عليج .... خليني شوي ... اعيش احلامي الورديه ...
مزنه : هههههههههههه ... انزين بسرعه ... قبل ما تي وضوح .. وتجلب احلامج الورديه ... لكابوس ... ويخنقج الياثوم ..
خلود : هههههههههههههههه ... هيه والله ....

ويلسن يرتبن ... وكل شوي يلست خلود تتفدى ... وتشم عطور محمد ... ومزنه تضحك عليها ....

............................ وفي بيت خليفه ......

خليفه : امييييييييييييييييييييه ... امييييييييييييييييييييه ....
حصه : حوووووووووووووووو ... شعندك تزاعق ...
خليفه : جب انتي جب ... انت اميه ...
حصه : لا تاج راسك ....
خليفه : تخسسسسسسسسسسسسين .. ما بقى الا انت ....
حصه : بدينا طوله اللسان ... خليني اروح بكرامتي احسن ..
خليفه : انزين وين اميه ...
حصه : في الصاله فوق مع خالوه ....
خليفه : اهااااااااااااااااااا ... مشكوره ... تعبناج معانا ....
حصه : تعبك راحه حبيبي ...
خليفه : جب ..
حصه : طالعواااااا هذا ... توك يا زينك ...

وراح عنها خليفه ..... صوب امه ... وهي تتهندق .. وراحت صوب فاطوم ومريوم ... وكانن يالسات على النت ..

فاطوم : شعندج تتحرطمين ....
حصه : انا اريد اعرف ... اخوج هذا متى بيتأدب ...
فاطوم : ههههههههههههه ... شو مسوبج بعد ...
حصه : بعد شو مسوي مثل كل مره ... يسب .. ويروح ..
مريوم : ههههههههههه ... الله يعينكن عليه ...
فاطوم : انزين مريوم منو هذي اللي توها داخله &#33;&#33;
مريوم : هذي عنود ...
فاطوم : اللي هذاك اليوم كنتي تكلمينها ...
مريوم : هيه ...

وسوتلها انفايت مع باقي الشله .. وكانت موزوه .. وريموه .. من قبل مسويات ان فايت ..

موزوه : هلا والله بعنووووود ...
العنود : يا مرحبا الساع ..
ريموه : هلا والله بالقاطعه
مريوم : فديييييييييتج عنود ... حياتي والله شتقت لج ..
العنود : والله بعد انا ..ز اشتقت لكن ... والله امل اجازه مرت علي ...
ريموه : هيه والله ملللللللللللللللللل ...
مريوم : اقول .. بسوي حق شموه ان فايت ...

وسوت حق شموه ... بس ما رضى يضيفها ..
مريوم : حد يسوي حق شموه ان فايت ما طاع يسويلها عندي ..
ريموه : لحظه انا با سويلها ...

وبعد يوم سوتلها ريموه ما طاع يضيفها ... وكل شوي شموه تطلع وترجع ...

ريموه : ما طاع يسويلها ..
موزوه : مب منها ... من نحاستها ...
مريوم : ههههههههههه ... مش معترف بها ....
العنود : ما عليه ان ما خبرتها ...
ريموه : هههههههههههههههه ...
مريوم : اقوووووووووووول ريموه : قولي ... يا كثر قولج ..
مريوم : يعلج تفديني ... والله محد لامنكن غيري ... وجامع شملكن ..
العنود : هيه والله فديت روحج ...
مريوم : .. مبروووووووووووووك ... اكيد نجحتن .. صح
العنود : الله يبارك في حياتج ... وانت نجحتي ..
مريوم : اكييييييييييد .. تدرين والله بالغلط .. من شفت اني ناجحه .. وانا اطلع وادخل على السايت اتاكد ..
موزوه : هههههههههههههه .. وانا نجحت ..
مبروك : انزين .. عرفتي جدولج ...
موزوه : هيييييه ..انا وشموه في كلاس واحد .. 122
مريوم : وانا في كلاس 120
موزوه : يارتنا ...
مريوم : ههههههههه ... شلن عليه عيل ...
موزوه : ههههههههههههههههه ولا يهمج
موزوه : اسمعن ... اوكي .... 1..2..3..4..5..6..7..8..9..10.. قووووووو ... ( ااااااااااااااااااااااااا ااااااااااااااححححححححححح
حححححححححبببببببببببببببب بببببببببببببببببببببكككك
كككككككككككككككككككككنننن نننننننننننننننن )
مريوم : وانا ... امووووووووووووووووووووووو وت فيييييييييييييييييييييييي ييييكن ..
ريموه : والله توااااااااااااااااااااااا ااااالهت علييييييييييييييييييييييي يكن ...
العنود : شو هالحنان اللي نزل عليكن ....
مريوم : وحياتج ... هذا البعد حرك مشاعرهن ...
وانه داخله عليهن شموه ... وسوت لها ريموه ان فايت .. وهذي المره طاع يدخلها ..

موزوه : صاااااااااااااااااادووووو ووه ... شموه ..
مريوم : واخيرا ...
شموه : الله يخسه من خط ... رفع ضغطي ...
موزوه : تدرن اني .. مشغله النت باليزر ..
مريوم : هههههههههههه ... وصلج عدوت الليزر .. خذتيها من شمووه ...
موزوه : والله جد ...انا في ليوا ... وحاطه التلفون .. وموصله الخط من تلفوني للاب توب ..
العنود : هههههههههههههههه ... والله انج هب هينه ...
شموه : باااااااااااااااااارد ... والله اني ما خليت شي الا وحطيته علي ... وبعدني بردانه ...
موزوه : اوكي انا رقبتي انكسرت ... يله باي ...
ريموه : لااااااااااااااااا .... والله ملل ...
موزوه : والله رقبتي تعورني ... بااااااااااي ...
وبعد ما طلعت موزوه ... الباقيات طلعن بعد ...

وسكرت مريوم النت ...

فاطوم : والله ربيعاتج ..كشخه ....
مريوم : هيه والله فديتهن ...

وقامن صوب ام خليفه وام زايد .. وخليفه توه مخبر امه انه بيسافر ...

ان خليفه : ومتى ان شاء الله السفر ...
فاطوم : أي سفر &#33;&#33;&#33;&#33;&#33;&#33;&#33;&#33;&#33;&# 33;
خليفه : با سافر مع محمد ...
حصه : متى &#33;&#33;&#33;&#33;&#33;&#33;&#33;&#33;&#33;
خليفه : ورى باجر ..
مريوم : بها السرعه ..
خليفه : هيييه .. بو محمد يبانا نروح بسرعه ...
ام خليفه : ليش ؟؟؟
خليفه : بس جي ... انا الحين باروح ارتب شنطتيه ...
مريوم : can i help you &#33;&#33;
خليفه : ثاااااااااانكس ..

وام خليفه وام زايد ... ( متشققات )


مريوم : لا والله قول لا تستحي ...
خليفه : ههههههههه ... انا بستحي منج ...
مريوم : وليش يعني ما تستحي ... &#33;&#33;&#33;&#33;&#33;
خليفه : ما برد عليج ....

وراح خليفه عنهم يرنب شنطته ....

لحقته مريوم .....

مريوم : خليفه ....... لين متى بتمون ؟؟
خليفه : ما ادري ... يمكن اسبوعين ...
مريوم : اهههااااااا ....انزين تباني اقول شي حق ..............
خليفه : حق منو ؟؟؟؟؟
مريوم : حق منو بعد ... اكيد العنود .....
خليفه : ( وكان قاعد يصنف البدل ....( ابتسم ) ... ) ... اممممم ... سلميلي عليها ... وققوليها ... اني بشتاقلها ...
مريوم : ان شاء الله .... يوصل ... والحين بعد بكلمها ... لو تبى ....
خليفه : هيييييييه ... الحين كلميها ...

ودقت مريوم حق العنود ....

مريوم : الوووووووووووه ...... مصر ....
العنود : ااااااااااااااااااه ... عالي صوتك ... مش سمعه صوتك ..
مريوم : ههههههههههههه ... شحالج حبيبتي ...
العنود : هههههههه ... بخير غناتي ... شحالج انت ..
مريوم : يسرج الحال ... اقوووووول .... ترى ناس يسلمون عليج ... ويقولولج ... بيشتاقولج ..
العنود : ليييييييييش ؟؟؟ .... وين بيروح ؟؟؟؟&#33;&#33;&#33;&#33; ( كانت نبره صوتها حزينه )
مريوم : شعنده صوتج .. جنج بتصيحين &#33;&#33;&#33;

خليفه واقف جدام مريوم ... في خاطره يقولها ...عطيني اريد اسمع صوتها ... بس مب قادر ..

العنود : لا ماشي ..... ليش بيسافر ؟؟؟
مريوم : ببيروح نقاهى مع خويه ...
العنود : اهاااااااااا .... زين زين ... يروح وي بالسلامه ..
مريوم : الله يسلمج ...
العنود : مريوووووووم ... هو بيطول ؟؟
مريوم : لا ... بس اسبوعين ..
العنود : اسبوووووووووعين ...
مريوم : هاااااااااي ... شعندج فلختي ... اسبوعين بس .. مش سنتين ..

حس خليفه .. ان العنود بدت تهتم فيه ... ( وتم مبتسم ... وهو يرتب الشنطه ..

خليفه : مريوم ... اسئليها ... تبغى شي ايبه الها &#33;&#33;
مريوم : عنود .... يسألونج ... تبين شي ايبونه لج ...
العنود : لا مشكورين ... نبى سلامتهم .... ويخلون بالهم من عمارهم ..
مريوم : اهااااااااا ... خلوف ... يقولون .. يريدون سلامتك ... وتخلي بالك من عمرك ...
خليفه : غالين والطلب ارخيص ...
مريوم : القوووووووووم ....
العنود : مريووووووم ... بخليج الحين ... شي في خاطرج ؟؟؟
مريوم : سلامتج ....


وسكرت مريوم عن العنود .......

مريوم : هااااااااااه بو الشباب ... انا باروح .. حق خواتك ... تبى شي ...
خليفه : سلامتج ... مريوم .... مشكوره ...
مريوم : على شو ؟؟؟&#33;&#33;
خليفه : لانج ريحتيني قبل ما سافر ....
مريوم : كيف ريحتك ..&#33;&#33;
خليفه : ما ادري ... بس ارتحت ... يوم كلمتي العنود جدامي .... مع انه كان في خاطري ... اسمع صوتها ..
مريوم : هههههههه ... ما خبرتني ... كنت خليتك تسمع صوتها ..
خليفه : واللللللللللللله ..
مريوم : هههههههههههه ... صدقت ... والله انك مقصه
خليفه : حرااااام عليج تلعبين فيه جي .... تدرين .... والله انه قلبي بدى يميل للها ..
مريوم : صدق ...
خليفه : هيييه والله .... مريوم ... اوصفيلي شكلها &#33;&#33;&#33;&#33;&#33;&#33;
مريوم : هههههههههه ... يوم بتخطبها ... بوصف لك شكلها ...
خليفه : شوووووو .. شو اخطبها ...
مريوم : اذا تحبها ... ليش ما تخطبها وتاخذها &#33;&#33;
خليفه : مش الهذي الدرجه ...&#33;&#33;&#33; ... انا اميل للها ... ما حبيتها ...
مريوم : شوف خليفه ... ايلس كابر ... اوكي ... ويوم بتضيع من يديك ... بتعرف كيف تكابر ... على فكره ... ترى الي يبونها وااااااااايد .. اوكي ...
خليفه : اممممممممممم .. ما ادري ... بس انا ما فكرت اعرس اصلا ..
مريوم : وان شاء الله متى بتفكر ... يوم بتشوب ... خلوف ... اقولك من الحين ... ترى عنود محد في حلاتها .. وحلات شخصيتها ... واذا انا ولد والله ما ضيعها من ايدي ...
خليفه : اوكي اوكي .... بعدين با فكر في هاي السالفه ...
مريوم : والله انا قلت لك ... وانت اللي تباه سوه ...
خليفه : مشكوووووووره ... على النصيحه ...
مريوم : العفو .... وهذا من واجبنا .. انوجه اليهال ..
خليفه : هههههههههه ... ما عليه مريوم ..

وطلعت مريوم تضحك من عند خليفه ... ولاقتها فاطوم ... متسانده على الدري ... تخزها ...

فاطوم : مريوووووووووم ... تعالي هنيه .... جدامي ... وعلى هذا المربع ...
مريوم : ههههههههه .. ليش ؟؟
فاطوم : والله انها في سالفه بينج وبين خلوف .... والله يا مريوم ان ما قلتي الحين بكفخج ...
مريوم : هههههههههههههههههههههههه ... بس خلاص ... ذبحتوني انت وخوج ...

وتمسك فاطوم مريوم ... وتوديها الحجره ....

فاطوم : مريوم .... والله تقولين ...
مريوم : ههههههههه ... ما بقول ... شو بتسوين &#33;&#33;&#33;
فاطوم : والله صدق بتضايق ...
مريوم : امممممممممم ... اوكي ... كلها ولا زعلج ... .....................................( وخبرتها السالفه من اولها لاخرها )
فاطوم : يالخااااااااااااااااااااي سه ... كيف طاوعج قلبج تسوين جي في اخويه ...
مريوم : شوووووووووووو ... اخوج واااااااااااايد خقاق ورافع علينا خشمه .... اريد وحده تنزل خشمه ... ومحد غير عنود بتقدر له ...
فاطوم : حرااااااااام عليج ... هو صح خقاق ... بس والله ما يستاهل ... انزين ... تخايلي حبها .. وتعلق بها ... شو بتسون &#33;&#33;&#33;&#33;&#33;&#33;&#33;&#33;
مريوم : باقوله عنوان هلها ... ويروح يخطبها .... شو بيصير يعني ؟؟؟
فاطوم : انت من تو تقولين انها الكل يباها ...
مريوم : هييييه صح ... بس اللي تباه هي ... بتاخذه ... هلها ما بيغصبونها ... على واحد ما تبها ..
فاطوم : انزين .... يمكن ... هي ما تباه ..
مريوم : لا ما عليج ... ربيعتي واعرفها ... تدرين ... حسيت انها هي بعد تعلقت فيه ... وااايد تسالني عنه ...&#33;&#33;
فاطوم : ترين .... والله ..... لو حبها ... وما وافقت عليه ... باذبحج ... تفهمين ...........
مريوم : ان شاء الله .... بس خلاص حشرتيني ...
فاطوم : ما عليه يالسباله ...
مريوم : فديييييييييييت روحج ..

وطلعن من الحجره ... وراحن صوب امهاتهن ....

.................................................. ......... وثاني يوم .... طلع محمد من المستشفى .....
والكل كان يالس في الميلس ... محمد ... بو محمد ... ام محمد ... وضحى ... مزنه ... ام سلطان ... ابو سلطان ... خلود ... ندى ... حتى سلطان كان موجود ....

بو محمد : والله ونور البيت ....
محمد : بوجودك ..
ام محمد : فديييييييت روحك .... الحمد الله على سلامتك .....
محمد : الله يسلمج ...
سلطان : هااااااه بو الشباب ... شو الحين ان شاء الله ما تشكي باس ..؟؟
محمد : الحمد الله ... اترخص ... بروح حجرتي .... بجيك على الشنطه .... مزون قومي معاي ..
مزنه : ان شاء الله ...

وقام محمد مع مزنه .... والله ستر انه قام قبل ما يتكلم ابو سلطان ..

بو سلطان : اقول بو محمد .... ترى العرب يابولي فلوس الزهبه ... وان شاء الله العرس بعد شهر ...
بو محمد : وليش جي مستعيلين ...
بو سلطان : لان المعرس ... يايتنه بعثه .. وبيسافر ... ويريد يسافر مع حرمته ...
بو محمد : اهااااااا ...( ضاربتنها قصه )

خلود ما قدرت تستحمل اللي سمعته ... وقامت على طول ... ولحقنها البنات ...

ام سلطان : ياااااااللله على بنتي ... تستحي ...
ام محمد : لازم تستحي ....

...................................... وفي غرفه مزنه ... خلود كانت تصيح ... وندى ووضحى يهدنها ...

خلود : خلااااااااااااااااص .... باموووووووووووت ... مااريد اعرس ... لا وبسافر بعد ... آآآآآآآآآآآآآآآآه والله حرام
ندى : خلوووووود ... فديت روووووووحج ... تهدين عمرج ...
وضحى : انا باقوم اكلم عمي ... والله ما يهمني ....
خلود : اذا تقدرين قومي كلميه ...
ندى : هيييييييي ... وين تقوم .... شو تبون تفضحونه ....
خلود : حرااااااااااام ... اريد أي حد يكلمه ... ماريد حمدان ..ما ريده ... اكرهه ... شوفوا .... والله لذبح عمري ان يوزوني اياه ...

............................................ وفي حجره محمد ......................

محمد : مزوووووون ... اخبار حبيبتي ....
مزنه : بخير .... انت لا تهتم ... وروح وستانس ...
محمد : والله انه على شان خاطر ابويه بس بسافر ...
مزنه : وليش ان شاء الله ما تبى تسافر &#33;&#33;&#33;&#33;
محمد : مزون ... كيف اسافر ورحي اهنيه ... خلاص ما اقدر افارقها زياده ...
مزنه : ( خنقتها العبره ) .... ( في خاطره ... يا ويلي يا خويه ... ليتك تدري بس .. انها ما بتصير لك )
محمد : آآآآآآآآآآآآآآآآآآه يا مزنه .... يالله كم احبها ... انا ما احبها بس ... انا اعشقها ... انا اتنفس هواها ... والله امووووووووووووووت فيها ... في خاطري .. امسكها ... وحطها على صدري ... وانسى العالم ..
مزنه : فدييييييييييت روحك ... ان شاء الله ... واللي الله كاتبنه ربي بيصير ...
محمد : ان شاء الله ... واول ماي من السفر بكلم عمي ...
مزنه : ان شاء الله ..

وطلعت عنه .... وهي خانقتنها العبره ...

وراحت الميلس ... يوم ما لقت البنات ... سالت عنهن وقالوها انهن راحن صوب خلود ...
( ملاحظه : سلطان كان يتبع مزنه بعيونه ...... كانه اول مره يتم جي يطالعها ... ما كد مره دقق فيها جي .. ومزنه انتبهت له ) ... وطلعت عنهم ... وراحت صوب البنات ... واول ما دخلت عليهم شافت خلود تصيح ..

مزنه : خييييييييييير ... شو فيج خلود ...
وضحى : .................................( خبرتها السالفه )
مزنه : يا ويلييييييييييي ... ( وما قدرت تمسك عمرها زياده وصاحت )
وضحى : وانت بعد شوووووو فيج ... با نهدي منو وله منو الحين ...
مزنه : انا من ساعه ما كنت مع محمد وانا خانقتني العبره ....
خلود : ليييييييييش ؟؟؟ ... محمد شو فيه &#33;&#33;&#33;&#33;&#33;&#33;&#33;&#33;&#33;&#33; &#33;
مزنه : ما فيه شي .... بس كان يقولي ... انه ..... يحبج ... ومش بس يحبج .... يعشقج ... ويموووووووت فيج .. ومتى بي اليوم ... اللي بيضمج فيه على صدره ... وبينسى العالم ... وانه اول ما يرجع من السفر بيكلم عمي

وندى ووضحى من سمعن رمسه مزنه ... يلسن بعد يتصايحن ..


..................... وهذا اليوم الكل ما نام .

... محمد يفكر في خلود ...

والبنات يفكرن شو يسون ... وكيف يمنعن عرس خلود

حتى خليفه ... ما بات يفكر في العنود .. في كلام مريوم ..

.. والعنود بعد ما نامت ... تفكر في خليفه ..معقوله اكون تعلقت فيه .... ليش حزنت يوم دريت انه بيسافر ... وليش شفت مده سفره طويله ...


.................................................. ........................................
...............................................

<img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0></font></font></p></font>