<font color='#736AFF'>السموحه ع التاخير<img src="http://oasis.bindubai.com/emoticons/blush.gif" border=0>
مزنه : ردي .. تحبينه وله لا ...
خلود : محمد مثل خوبه سلطان .. وغلاته من غلات سلطان ..
مزنه : وليش ما قلتي من زمان .. ليش خليتيه يتعلق فيج على الفاضي ..
خلود : انا ما حطيت اصلا السالفه في راسي ..
مزنه : الحين .. شو اقوله .. انت لو تشوفين شو صارله يوم درى انج بتنخطبين ..
خلود ( مستغربه ) : انخطب ..
مزنه : ليش ان شاء ما تدرين ..
خلود : ولا ادري .. ولا حد قالي ..
مزنه : امج اليوم كلمت اميه وخبرتها .. واذا ابوج بغى ابويه يكون معاه بيون عندكم باجر ..
خلود : اهااااااااااااااا .. طالعوااااااااا ولا خبروني
مزنه : لبش ما بتوافقين .. ؟؟؟؟؟؟ ( وهي في خاطرها تقول هيه )
خلود : اذا ابويه وخويه .. وافقوا انا ما اقدر اقول شي ..
مزنه : على العموم مبروك الله يسعدج ويوفقج .. باخليج الحين عليه دراسه ..
خلود : الله يبارك في حياتج .. مع السلامه ..
وسكرت مزنه عن خلود .. وهي مش عارفه شو تقول حق محمد .. ويوم دخلت على محمد الحجره .. وقف محمد وكان يشوفها بنظره حرقه قلبها ..
محمد : هاااااه .. كلمتيها..؟؟؟؟؟؟؟؟
مزنه : هيه ..
محمد : شو قالتلج ..
مزنه : محمد انساها .. تعتبرك مثل سلطان ..
سكت محمد وعق عمره على الشبريه ..
مزنه : محمد .. شو فيك .. اللي خلقها خلق غيرها .. وانت ميت وحده تتمناك ..
محمد : خلاص مزنه .. ما اريدج اتكلميني في هالسالفه ..
وطلع عنها ... وطلعت مزنه وراه تناديه .. بس هو ما رد عليها .. وركب سيارته .. وكانت الساعه 10 بالليل ..
والله ستر ان ام محمد و بومحمد كانوا في الحجره ووضحى تدرس في حجرتها .. ومحد درى بمحمد ومزنه ..
ومحمد يسوق السياره ومش داري بالعالم .... ومزنه تتصله بس هو ما يرد على التلفون .. وبعدين اغلقه ..
و ما حس بعمره الا وهو جدام بيت خليفه ... و خليفه كان طالع من الميلس رايح داخل البيت .. وشاف سياره محمد .. وراح صوب السياره .. وفتح الباب .. ويوم شاف حالت محمد متبهدله .. عقم كندورته مفتوحه .. وبليا سفره .. وعيونه حمره .. خاف خليفه عليه .. يتحره شي صاير عند هله ..
خليفه : محمد شو فيك ؟؟!!! ليش هذي حالتك ..
محمد : ما فيه شي ..
خليفه : كيف ما فيك .. انزل انزين .. تعال ندخل البيت ..
محمد : خليفه اركب السياره .. ما اريد ادخل البيت .. حاس اني مخنوق وباموت ..
خليفه : بسم الله عليك من هالطاري .. انزين خلني انا اسوق ..
محمد : خليفه اقولك اركب .. ( يصارخ )
خليفه : انزين انزين .. هد عمرك .. بس اريدك تركب على سيت المعون انا باسوق .. دخيلك ..
وقام محمد وركب على سيت المعاون .. وما تكلم باي شي ..
خليفه : محمد .. ما بتقولي شو اللي صاير ..
محمد : خليفه .. روح صوب البحر ..
خليفه : ان شاء الله .. ( وتم ساكت )
وصلوا البحر نزل محمد .. ويلس على الحصى .. وخليفه يطالعه .. بيموت يبه يعرف شو اللي خلى حاله محمد جي ... وبعد نص ساعه .. وقف محمد ولف على خليفه ..
محمد : خليفه .. خلود بتعرس ..
خليفه : شووووووووووووووووووووو
محمد : (يصارخ ) سمعتني شو قلت ... خلود بتعرس ..خلود راحت يا خليفه .. خلود صارت مثل هالنجوم اللي في السما .. اشوفها وما اقدر اوصللها .. خلود ضاعت .. بتصير لغيري ..
خليفه : محمد فديتك هد اعصابك .. لا تصارخ جي .. كل شي بينحل ..
محمد : انت ما تفهم .. كيف بينحل .. له اقولك صدقك كل شي بينحل .. بس بموتي ..
خليفه : انت وبعدين معاك .. ايلس وفهمني السالفه ..
محمد : يو ناس وخطبوها .. وهي موافقه .. وانا بالنسبه الها مثل سلطان ..
خليفه : محمد اللي خلقها خلق غيرها ..
محمد : انت ما تعرف شو يعني .. اعشقها .. انت عمرك ما جربت انك تحب حد .. عشان جي ما تعرف انا شو حاسبه ..
خليفه : ما في داعي اعرفه .. ما نولدت ولا بتنولد الل تي وتنزل راسي ..
محمد : خلوووووف .. ما اتخيل انها تكون لغيري .. ما حد بيحبها اكثر مني ..
خليفه : والله ادري .. وهذا قدر ربي .. واللي كاتبنه بيصير .. وبعدين هيه بعدها ما نزفت .. تراها بس خطبه ..
محمد : حتى ولو .. يكفي انهم يقولون انها خطيبه فلان .. آآآآآآآآآآآآآآآآههه يا خليفه .. والله اني احبها ..
وفي هالحظه تخايل طيفها جدامه وهي تنزف على غيره .. وما قدر يمسك عبرته زياده وصاااااااااح
وخليفه ما كان مستوعب ان محمد يصيح .. وعلى طول لوى على محمد ..
خليفه : الله يلعن من كان السبب ..
محمد : خليفه بامووووت والله اني بامووووت .. كيف اعيش من دونها .. ما تخايل اكمل حياتي من دونها ..
خليفه : استدي بالله وان شاء مارح يصير الا كل خير ..
وبعد ما هدى محمد .. رجع خليفه محمد البيت .. وكانت مزنه تتريه محمد لين ما يرجع .. وحرقت التلفون وهي تتصله .. بس التلفون كان مغلق .. واول ما دخل محمد عليها .. ربعت صوبه ..
مزنه : محمد فديتك وين رحت همتنيه عليك .. وليش غالق تلفونك .!!!!!!!!!! ;!!
محمد : نسيت التفلون ..
وراح عنها ولا كلمها .. ودخل الحجره وقفل الباب على عمره ..
وراحت مزنه تريد تسوي أي شي عشان تنسى همها وحزنها على اخوها .. دخلت النت تشوف حد تسولف معاه
ولقت العنود اون لاين ..
مزنه : مرحبا ..
العنود : مرحبتين .. شحالج
مزنه : والله حالتي حاله ..
العنود : خير ان شاء الله ..
مزنه : لا ماشي فديتج .. انا باطلع باروح انام ..
العنود : انزين فديتج .. ( تيك كير) الغاليه ..
مزنه : وانت بعد .. الا اقول .. ما دخلت مريوم
العنود : لا من الصبح وانا اترياها .. والله ارويها الخايسه ..
مزنه : انزين قومي نامي ..
العنود : لا ما بنام .. انا قلبي ما بيرتاح لين ما اعرف سالفت هالسباله ..
مزنه : عيل مع السلامه .. تصبحين على خير
العنود : وانت من اهله ..
وطلعت مزنه من النت .. وراحت تنام .. بس ما قدرت .. وهي تدري ان محمد مش نايم ..
وش بقى بي يا زمن ادمى الجراح .. يكفي الاقدام ما تقوى الوقوف
بس انا وحدي بقيت وذاك ..راااح .. وش تبي تاخذ بعد شلي تشوف
ذاك جرحي يوم الكحل العين ساح .. ذيك غربه بس تنطقها الكفوف
ضاعت الدمعه على شاطي الجراح .. وماتت الفرحه على صدر الدفوف
الجزء السابع ...
في صباح اليوم الثاني ( الاربعاء ) .. راحت ام محمد تنشش محمد من الرقاد حق الكليه .. وتنشش مزنه حق الجامعه .. بس كلهم ما قدروا يروحون .. محمد كان واااااايد تعبان .. ومزنه تعبانه من السهر ..
ويلست الام محتشره عليهم .. بس ولا واحد فيهم اهتم ...
ام محمد : والله لخبر ابوكم عليكم ..
محمد : لا حووووول الواحد ما يعرف يرتاح في هالبيت .. اميه الله يخليج اريد انام .. سكري الباب وراج و ما ريد حد يوعيني ..
ام محمد : ما عليه .. بعدين ابوك بيتفاهم معاك ..
ورقعت بالباب وراها .. وراحت صوب مزنه .. ونفس الكلام انسرد عليها ..
المهم .... هذا اليوم الكل غاب حتى العنود سهرت الليل كله تتريه خليفه بس خليفه ما دخل .. كان مستهم على محمد .. وفي الجامعه ... في البريك المشترك ..
شموه : اقول حد شاف عنود اليوم .. !!!!!!!!!
ايمان : عنود غايبه ..
شموه : ليش غايبه .. ما قلتانا ..
حسنوه : البارحه كلمتها بس ما قلتلي ..
موزوه : البارحه كل ما دخلت المسنجر لقيتها اون لاين ..
سلامي : ضني تتريه مريوم القبيسي تدخل ..وشكلها سهرت على النت البارحه ..
شموه : انزين .. لقتها وله لا ..!!؟؟؟
سلامي : وانا شو دراني .. البارحه يوم كلمتها .. كانت بعدها ما كلمتها ..
موزوه : انزين قومن نحوط ..
شموه : وبعدين معاج انت .. انا شاكه في شي ..
موزوه : شاكه في شو ان شاء الله ( وتتخنصر )
ايمان : انا باقولج شاكه في شوه ...
شموه : فديتج لا تخبرينها ..
موزوه : شو متفقات عليه ...
سلامي : (تغمز حق شموه) هيه قبل ما تين كانن يحشن فيج .. ما خلن شي الا وحطنه فيج ..
موزوه : شووووووو .. انتن ما تستحن .. هذا وانا ربيعتكن ..
شموه : ههههههههههههههههههههه والله انج صدق مقصه ..
موزوه : ما عليه .. ان ما رمستن الحين .. والله اخليكن واروح ..
ايمان : لا خلاص كله ولا زعل المزاريع ..
موزوه (فرشت عمرها على الكرسي متشققه ) : انزين يله ارمسي .. شموه شاكه في شوه!!!!!!!
ايمان : عندنا سوال محيرنا ...
موزوه : ان شاء الله شو هالسوال ...!!!!!!!!!
ايمان : انت يوم انولدتي .. نزلت من بطن امج تمشين !!!!!!!!
موزوه : الله وكبر عليكن .. قولن ما شاء الله ... تفووووووووو حرام .. تفوووووووو حرام .. خمسه وخميسه
حسنوه : عاااااااااش .. طلع العرق
شله : ههههههههههههههههههههههههه هههه ..
موزوه : انتن شعندكن عليه .. والله ما تنعطن ويه ..
شموه : وااااااااااااايه فديتج .. شو زعلتي ؟؟؟ ... والله نمزح معاج ..
موزوه : انا ما زعل من الغالين .. وخلاص ما اريد امشي ..
شموه : لا والله قومي عن خاطرج نمشي ..
حسنوه : اقول .. من اسبوع محد شاف مريوم .. وينها عنا من اسبوع ؟؟؟؟
شموه : قاعده ترابع على البرزنت تيشن مالها .. ما اشوفها الا وهيه خاطفه علينا برق ..
حسنوه : انا باروح اشوفها .. اكيد بلاقيها على المسنجر ..
وراحت شموه وايمان وموزوه يحوطن في الجامعه .. وسلامي وحسنوه راحن على النت عشان يلاقن مريوم ..
وكل عاده لقن مريوم على المسنجر بس حاطه بزي ..
حسنوه : سلام
مريوم : سلامين ..
حسنوه : وين ما حد يشوفج .؟؟؟!!!!!
مريوم : والله نبه نرفع درجاتنا .. ارابع حق البرزنت تيشن ..
حسنوه : انزين انزلي شوي وسلمي ..
مريوم : ان شاء الله بعد شوي .. انتوا وين ؟؟؟؟
حسنوه : نحنا في الكانتين .. نترياج ..
مريوم : اوكي .. درب .. درب .. تغطن يا بنات .. مريم ايز كامنج ..
حسنوه : هههههههههههههههه وايد امصدقه عمرج ..
وبعد شوي يتهم مريوم طايره بالاب توب مالها والاوراق ..
سلامي : حوووووووووه ما يسوى عليج هالبرزنت تيشن ..
مريوم : شوووووو .. الناس تسلم اول .. وبعدين تعلق .. وبعدين شو شايفتني مثلج
حسنوه : يا ويلي على الشطاره ..
مريوم (نافخه عمرها ) : هههههههههه طالعه عليج حبيبتي ..
حسنوه : انزين تبين مساعده .. نحن في الخدمه ..
مريوم : لا فديتج مشكوره .. انا باروح ايلس الخص البرزنت تيشن ..
سلامي : اوكي نحن بانروح ان شوف باقي الشله الخربانه .. وبنرجع ..
وراحن سلامي وحسنوه يدورن شموه وايمان وموزوه .. وبعد مالقوهن .. ردن كلهن على مريوم .. واول ما وصلن عند مريوم .. زعقت شموه .. وكل البنات لفن عليهن ..
شموه : مريوووووووووووووووووووم ..
مريوم : بسم الله شعندج
شموه : هههههههههههههههههه شو تسوين .؟؟؟؟ (توايق في اوراق مريوم )
مريوم : اخلص شغلي ..
شموه : فدييييييييييتج مريوم .. اريد بعد ما تخلصين تعطيني اياه .. لان موضوعي نفس موضوعج ..
ايمان : احلفي انت بس .. ياحليلها من اسبوع وهي ترابع .. وانت تاخذينه جاهز من دون تعب ..
مريوم : حرااااام عليج ..كم شموه عندي .. خلاص فديتج بعد ما خلص .. بزقرج عشان افهمج اللي انا كاتبتنه ..
شموه : فديت روحج .. مشكوره .. ( ولوت على مريوم )
وهذا اللي صار في الجامعه .. والعنود راقده في البيت .. وربيعاتها يتصلبها بس ما ترد عليهن ..
وفي بيت خليفه ....
خليفه : اميه اميه ..
ام خليفه : عيونها .. الغالي ( ام خليفه صغيره في السن .. في اول الاربعينات .. ومخلصه تعليمها الجامعي .. ومثقفه .. وخليفه هو بجرها .. ودلوعها .. وقريب منها .. وكل شي يصير يخبرها ..)
خليفه : ياله فديت روحج .. وحبها على راسها ..
ام خليفه : هاااااه حبيبي .. اخبارك ..
خليفه : والله يسرج الحال الغاليه ..
ام خليفه : وين رايح ؟؟؟
خليفه : رايح صوب محمد ..
ام خليفه : اخباره .. من زمان ما شفناه ؟؟؟
خليفه : والله محمد حالته حاله .. الله يعينه ..
ام خليفه : خير ان شاء الله شو فيه ؟؟؟!!!
خليفه : ما عرف شو اقولج يالغاليه .. بس تدرين انا مستعيل الحين .. وبعد ما ارد بخبرج ..
ام خليفه : خلاص الغالي .. سلملي عليه ..
وشوي ان حصه خت خليفه طالعه من حجرتها .. وماسكه كتاب الجغرافيه في يدها تدري ..
خليفه : هاااااااه حصوه .. وين مالج حس ..
حصه : هلا خلوف .. والله الدراسه هدتنا ..
خليفه : الله يوفقج ..
حصه : خلوف طلبتك ..
خليفه : عطيتج ..
حصه : اخر يوم اباك تكشتني
خليفه : ما طلبتي .. بس ادرسي ..
حصه : اوكيك ..
وراح خليفه صوب محمد .. وطلع محمد وركب السياره مع خليفه ...
خليفه : ليش ما يت الكليه اليوم ؟؟؟
محمد : وانت ما تشوف حالتي كيف .. مالي بارظ للدراسه ..
خليفه : محمد لا تخلي هالسالفه تاثر على دراستك ..
محمد : عشان جي بوقف هالكورس ..
خليفه : ما كنت اتوقع انك ضعيف الهذي الدرجه ..
محمد : لو انت مكاني ما كنت بتلومني ..
خليفه : وما بكون مكانك .. وخلي وحده تدمر حياتيه ..
محمد : بي يوم وبذكرك بها الكلام ..
خليفه : الحين وين انروح .؟؟؟
محمد : اريد اروح سويحان ..
خليفه ( مستغرب ) : سويحااااان .. غريبه ..
محمد : وليش غريبه .. اريد ايلس مكان فيه هدوء ..
وراحوا سويحان .. ويلسوا على عرقووب .. وشبوا الضو .. وخليفه دايمن يحط المعمل في سيارته .. لانه يحب البر واااااايد .. وحط الغوري على الضو .. حق يسوي جاهي .. شوي ان تلفون محمد يرن .. كانت امه تتصله
محمد : مرحبا الغاليه .
ام محمد : شحالك فديتك .. وين انت ؟؟؟؟
محمد : في سويحان .. بغيتي شي ...؟؟؟
ام محمد : هيييييه الغالي .. ابوك اتصل وقالي اخليك توديني دبي صوب هل عمك .. لان ابوك مشغول شوي .. وباجر بينا ..
محمد ( معصب ) : وما لقيتوا غيريه .. وين الدريول .. خليه يوديج ..
ام محمد : وانت ليش معصب .. وبعدين من متى وابوك يخليني ادق خطوط مع دريوليه ..
محمد : الحين .. شو تبغون منيه ؟؟؟
ام محمد : بتوديني .. وله لا ؟؟؟
محمد ( سكت شوي ) : ما عليه متى تبيني اوديج ؟؟
ام محمد : الحين .. عشان اكون عندهم قبل ما يون العرب ..
محمد : خلاص انا باي الحين .. مع السلامه ..
وسكر التلفون .. ولف على خليفه ..
محمد : وين ما اشرد عن الهم يلحقني .. اااااااااااااااااه وين اروح .. وين اولي ..
خليفه : انت الحين روح صوب الوالده .. ولا تعصب عليها .. ترى هيه مالها دخل في السالفه ..
محمد : ادري بس ما استحمل حد يبلي هالسالفه ..
وردوا ابوظبي .. ونزل خليفه محمد البيت .. ومن هناك راح محمد وامه دبي صوب هل عمه .. وطول الطريق .. العيوز ما سكرت ثمها .. تتكلم عن الناس اللي ياين يخطبون خلود .. ومحمد خطر عيه يموت من القهر .. ويريد يوصل بسرعه حق يرد ينزل امه .. ويرد ابوظبي .. لان لو يلس لين ثاني يوم في مكان خلود فيه .. ممكن تيه جلطه من القهر .. وبعد ما وصل .. لاقى عمه وسلطان كل عاده مش موجود .. وسلم عليه ..
محمد : شحالك عمي ..
عم محمد : بخير الله يسلمك .. وشحالك انت ..
محمد : بخير وسهاله ..
عم محمد : تعال ابويه ندخل البيت .. الوقت تاخر .. وعشان ترتاح في حجره سلطان ..
محمد : لا يعلني افداك .. انا بسري ابوظبي .. ما بات ..
عم محمد : وااااااابويه .. شو تسري .. وبيتي موجود .. والله ما تسري .. وبعدين باجر ناس بيخطبون ختك .. وانت ما بتكون موجود .. في هالحظه حس محمد انه يريد الارض تنشق وتبلعه .. من كلام عمه .. ولانه بعد ما يقدر يرد كلام عمه ... ودخل محمد البيت مع عمه ..
عم محمد : هووووووووووود هوووووووووود
ام سلطان : هدى هدى .. قرب الغالي ..
عم محمد : دخل بويه .. محد غير عمتك وخواتك وامك ..
ودخل محمد .. واول ما دخل يت عينه في عين خلود .. ونزلت خلود عينها .. ما تعرف شو تسوي .. ما كانت متوقعه ان محمد أي ..
محمد : السلام عليكم ..
ام سلطان : بخير الله يسلمك .. شحالك الغالي ..
محمد : ما دامكم بخير انا بخير ..
ندى : شحالك ولد العم..
محمد : بخير الله .. شحالج انت
ندى : ما دمنا شفناك نحنا بخير ..
خلود : شحالك محمد ..
محمد ( حاس انه من سمع صوتها ان امله فيها رجع .) : بخير ... و مبروك ..
خلود ( حست ان الكلام طالع من ورى خاطره .. وانه كرها .) : الله يبارك في حياتك ..
ويلس محمد وعمه .. وقامت خلود تقهويهم ..
خلود : تفضل .. ( وقربت فنيال القهوه عليه )
محمد : مشكوره ( في خاطره يقولها .. مشكوره .. شبعت من شرب السم من ايديج )
ندى : محمد اخبار مزون ووضحى ..؟؟
بخير الله يسلمج .. الا اميه وين .. من دخلنا طلعت ..
ام سلطان : راحت ترتب اغراضها ..
محمد : اهاااااااااااا
ندوي : ليش تسال عنها .. والل ما بناكلك ..
بو سلطان : انت وبعدين مع لسانج الطويل هذا ..
محمد : خلها عميه على راحتها ..
وقام محمد بيروح حجره سلطان لانه مش مستحمل يكون يالس في مكان وخلود يالسه فيه ..
محمد : ا ترخص تصبحون على خير ..
عم محمد : وانت من اهله .. قومي خلود دللي محمد على غرفه سلطان ..
خلود : لن شاء الله .. ( وقامت واقفه )
محمد : ما في داعي .. دللوني وانا باروح ..
عم محمد : لا والله شو شغلتها ..
ندى ( دازه بويها ) : انا بادللك ..
عم محمد : انت روحي زقري الخدامه تشل السامان من الصاله ..
خلود : يله محمد ..
وراحت تمشي جدامه .. ومحمد بيموت في خاطره يكلمها بس مب قادر .. يخاف انه ما يقدر يمسك عمره جدامه ويضعف ... واول ما وصلوا قسم محمد .. دخل محمد .. ووقفت خلود عند الباب ..
خلود : شي في خاطرك .. انا باروح انام ..
محمد : لا تصبحين على خير ..
خلود : وانت من اهله ..
وقبل ما تروح .. محمد ما قدر يمسك عمره زياده .. وزقرها ..
محمد : خلود .. لحظه ..
خلود : لبيه ..
محمد : لبيتي في منى .. س بغيت اسالج ..
خلود : امر ( في خاطرها ما تباه يكلمها في السالفه ..
محمد : خلود .. انت موافقه .. على الخطبه .. ؟؟؟؟؟؟؟ ( بنظره الحزن .. وصوته تغير ..)
( ويت عينه في عينها .. حست خلود بالم وجرح محمد .. وحست بشي غريب اول مره تحسبه .. )
خلود : ما ادري .. بس اذا هليه موافقين ما اقدر اقول شي ..
( وقبل ما يقول شي زياده ) ... اترخص .. وراحت ..
ومحمد هذا اليوم ما قدر ينام .. حتى خلود .. كانت تفكر في محمد ونظرته الها ..
وعلى قريب الفجر .. رن تلفون محمد .. كاان خليفه متصل ..
خليفه : هلا
محمد : اهلين ..
خليفه : كنت حاس انك ما نمت ..
محمد : وين ايني النوم .. وانا وهيه في مكان واحد .. ولا اقدر اوصللها ..
خليفه : محمد با صيح ..
محمد : ليش ..؟؟؟!!
خليفه : خط النت انقطع ..
محمد : ههههههههههه .. والله ظحكتنيه وانا ما قيه ظحكه ..
خليفه : صدق .. النت انقطع ..
محمد : انزين انت ليش معور راسك .. باجر روح وفتحه ..
خليفه : من يومين ما كلمت العنود
محمد : يا مايرالنا .. انت ما نسيتها ..
خليفه : يالله يا محمد .. ما سمعت صوتها محلاه .. من سمعته وانا اتحلمها ..
محمد : شكلك بديت ...............
خليفه : بديت شو ...
محمد : بديت تحب .. وتتعلق ....
خليفه : بعد الشر .. فاله الله ولا فالك .. يله بااااااااااي ..
محمد : خيييييييييييييييييييييبه ...باي
وسكر محمد عن خليفه .. وغفت عينه عند دخلت سلطان .. ومن شافه سلطان ما بغى يوعيع و يغثه ..
والعنود .. خاست وهيه تتريه خليفه يدخل النت .. بس للاسف ما دخل .. وكل ساعد اتصلت بها وحده من ربيعاته وله دخلت عليها المسنجر تسالها اذا دخل وله لا .. ( راعيات علوووووووووم )
الجزء الثامن ......
يوم الخميس .. هل خلود مرتبشين .. ويتجهزون .. حق العرب اللي بيون يخطبون .. ومحمد كان ينحرق كل ما يشوفهم مستانسين وهو محد حاسبه .. وكل شوي دق حق خليفه .. وخليفه يخفف عليه ..
وبعد صلاه المغرب .. وصلوا العرب .. الريايل في الميلس .. ومعاهم محمد وبو محمد .. وهل المعرس كانوا ثلاثه .. بو المعرس .. والمعرس .. ( حمدان ) .. وخو المعرس ...
وفي صاله الحريم كان ام خلود وام محمد وام المعرس وخته .. وندى وخلود في غرفه خلود يتجهزن ..
وقامت ام خلود تنادي خلود وندى عشان يسلمون على العرب ..
ام خلود : خلود .. ندى .. يله فديتكن العرب يتريون ....
ندى : انت ليش مستعيله علي .. خلي خلود تروح انا بعد شوي بنزل ..
ام خلود : لا اباكن كلكن مع بعض تطلعن .. يمكن يخطبونج حق اخوه ..
خلود : اميه .. شو تيبن تفتكين منه كلنا ضربه وحده ..
ندى : هههههههههههه شكلنا مثقلين عليهم ...
ام خلود : يااااااااله فديتكن لا تقولن جي .. بس انا اريد اطمن عليكن ..
ونزلن كلهن مع بعض ..
ام حمدان : يا مرحبا بعرووووووسنا ..
خلود : مرحبا (مستحيه وسلمت على اللي يالسين .. وسلمت بعدها ندى .. ومحد عطى ندى ويه .. الكل عينه على خلود .. وطبعا خلود كانت تجنن .. ما عليها كلام .. من دخلت وام حمدان واخته ما نزلن عينهن عنها )
ام حمدان : ما شاء الله على بنتنا .. غاويه .. وماعليها كلام .. يا حظ حمدان فيها ..
ام محمد : هااااااااه الغاليه ما وصيج عليها .. ترى خلود بنتي .. وانا اللي مربتنها ..
ام حمدان : ونعم التربيه .. ما شاء الله عليها ..
ندى : ( تنحز خلود ) ... طالعوا هذيله .. محد عطاني ويه .. على عشوا انا مكسره عمريه من الصبح ..
خلود : وانت مصدقه عمرج .. هم ياين حقي وله حقج .. جب يله جب ..
ندى : انا الغلطانه .. بتعرفين قمتيه .. يوم بتروحين عنا ..
و بالصوب الثاني في الميلس .. محمد يخز حمدان .. وفي خاطره يقوم ويذبحه .. كل ما يتخايل انه هذا بياخذ خلود .. يحس انه روحه بتطلع ..
بو حمدان : هااااااااه بوسلطان .. ترانا نحنا مستعيلين .. واللي تبونه بيوصلكم وبيصير ..
بو سلطان : والله اللي تبغونه بيصير .. بس نحنا اعذرنا لازم نسال عن الريال .. وسمحلي .. نحنا ما بنيوز بنتنا ونحنا ما نعرف شي عن اللي بياخذها ..
بو حمدان : لا عني افداك مسموح الغالي .. وهذا من حقك .. وخذ وقتك ..
بو محمد : ان شاء الله اذا صار نصيب .. ترى القاعه واالفرق عليه ...
بو سلطان : ما تقصر الغالي .. وهذا من طيب اصلك ..
حمدان : عميه .. اللي تطلبونه .. انا حاظر عليه .. وان شاء الله ما يكون خلاف من بينا ..
وسلطان وخو حمدان .. ما كان الهم دور في اليلسه .. بس زياده عدد .. ومحمد .. كان يالس جسد بليا روح .. مش حاس بالعالم ..
ومره وحده قام محمد ..
محمد : اترخص انا بظوي بوظبي عندي شغل .. سمحولي ..
بو محمد : مرخوص .. بس خل بالك من الطريق ..
طلع محمد من دون حتى ما يسلم على الباقين .. كان حاس انهم كلهم السبب في ذبحه ..
واول ما ركب السياره على طول اتصل بخليفه ..
محمد : الوووووو
خليفه : الووووووو .. مرحبا الغالي
محمد : خليفه .. خلاااااااااااااص .. ذبحوني .. يا خليفه ..
خليفه : محمد .. هد هد .. حرام عليك اللي تسويه في عمرك .. خلاص ارضى بالنصيب ..
محمد : اوكي .. برضى بالنصيب .. برضى انهم يذبحوووني ..
خليفه : لا حوووووووول .. انت وين الحين ؟؟؟؟؟؟؟
محمد : انا طالع من دبي ياي صوبكم ..
خليفه : انزين انت الحين هد اعصابك .. ولا تفكر واااااايد وانت تسوق .. ولا تسرع ..
محمد : ان شاء الله ..
خليفه : خلاص فديتك .. انا كل شوي بتصل اطمن عليك .. مع السلامه .. توصل بالسلامه
محمد : مع السلامه ...
وفي الطريق .. شغل محمد المسجل وحط شريط علي بن محمد .. هونتها ...
هونتها ولكنها عيت تهون .. لا قلت راح الهم .. الاقيه جدام
فيني الم ما مر في قلب مطعون .. في حزن ما مر في عيون ايتام
عادل ولكن طحت في وقت مجنون .. والاخوان في جمبي وحولي الاعمام
واللي ابي عونه من قده يبي العون .. ولا ودي ازيده على طعونه الام
اصحاب انا والهم واحباب ونمون .. لا ماهي صداقه يوم ذي عشره اعوام
والهم سجاني وانا فيه مسجون .. وان قام حظي طاح وان طاح ما قام
تقول ما انسان غيري في هالكون .. حطمت في همي انا كل الارقام
الحزن في عيني وفي جسمي مدفون .. تتحق الاحزان وتخيب الاحلام
وكل ما خلصت يعيدها ... لين ما وصل ابوظبي .. واول ما وصل راح البيت عشان يبدل ملابسه .. ويروح صوب خليفه ... واول ما دخل .. لا قته وضحى ..
وضحى : ياااااااااااااااا مرحبا الساع ..
محمد : هلا
وضحى : محمد .. شوفيها جي حالتك .. انت تعبان وله شي يعورك .. ( كانت خايفه عليه وااايد .. لان شكله اللي يشوفه يقول هذا من سنه ما نام ولا اكل شي .. وسواد تحت عيونه .. وحالته متبهدله )
محمد : لا ما فيه شي .. وروحي خلي ( كوني ) تعطيج وزار وفانيله .. وكندوره .. وسفره وعقال .. باروح اتسبح .. وحطيه عند الباب ..
وضحى : ان شاء الله ...
وراحت وضحى وخذت من عند كوني ملابس محمد .. وحطتهن عند الباب .. وعلى طول راحت صوب مزنه تخبرها ان محمد وصل ووصفتلها حاله محمد ... وكانت مزنه يالسه على النت تكلم العنود .. واول ما قالت وضحى حق مزنه ان محمد وصل .. قالت حق العنود ..
مزنه : عنود فديتج .. بسج سب في البنيه ... خلاص لاتحرقين اعصابج ..
العنود : هذي الخايسه درت اني كشفتها .. عشان جي ما دخلت ..
مزنه : انزين .. انا الحين بخليج .. باروح اشوف اخويه ...
العنود : اوكيه .. وهذي السباله يا انا وله هي .. باي
مزنه : ههههههههههههه باي
وراحت مزنه صوب محمد ..
مزنه : محمد .. محمد ... فديتك فتح الباب ..
محمد : لحظه اتلبس ... ( وبعد ما خلص ,, فتح الباب حق مزنه )
مزنه : شحالك حبيبي ... ( وتلوي عليه )
محمد : انت ادرى بحالي ..
مزنه : امممممممممممممممم ... متى بيون اميه وبويه ؟؟؟ ( نغير السالفه )
محمد : ما ادري .. انا باروح الحين ....
مزنه : ويييييييييين ؟؟؟؟ توك ياي .. ارتاح شوي ...
محمد : باروح صوب خليفه ... ( وراح عنها .. )
وفي بيت خليفه ..
حصه : امييييييييييييه ... اميييييييييييه ..
ام خليفه : هاااااااااااااااااه ..
حصه : اميه .. حبيبتي انت ..
ام خليفه : شتبين يالوتيه ..
حصه : اريد فلوس ..
ام خليفه : حق شوووو ...
حصه : با خلي .. عبد الرحمن ... يروح ايبلي اله حاسبه .. مالتي ضاعت ..
ام خليفه : انت وبعدين معاج .. انا فلوسي راحت الا من الاتج الحاسبه .. كم مره شتريت .. لج .. انت شو تسوين فيهن .. تاكلينهن ..
حصه : ههههههههههههههه .. هيه اكلهن .. بس عطيني فلوس ..
ام خليفه : روحي خذي من البوك .. بس ترى هذي اخر مره ..
حصه : اووووووكي .. مشكوره حبيبتي ..
ام خليفه : يالواااااته ..
وراحت حصه .. وطلع خليفه من حجرته .. وسلم على امه ..
خليفه : الغاليه انا طالع تامريني بشي ..
ام خليفه : لا غناتيه .. بس وين رايح ؟؟؟
خليفه : رايح انا ومحمد صوب الشباب .. اريده يرفه عن عمره شوي ..
ام خليفه : هييييييه ... ذكرتنيه .. ما قلتلي سالفه محمد ...؟؟؟ََ!!!
خليفه : اوووووووه .. فديتج ما ذكرتيني البارحه .. خلاص انا يوم برجع باقولج .. مستعيل ..
ام خليفه : خلاص الغالي .. الله يحفظك ...
خليفه : اوكي .. صح اميه الا وين فاطوم ... ؟؟؟؟؟؟؟؟؟؟
ام خليفه : بعد وين اكيد تكلم مريوم .. بنت خالتك .. يا على النت او على التلفون
خليفه : هذي وبعدين معاها .. ما جنها ثانويه عامه .. وبعدين هذيله ما يملن من بعض ..
ام خليفه : يا بن الحلال خلهن يلتهن بعض .. وافتك انا من حشره فطوم ..
خليفه : هههههههههههه في هذي صدقتي ..
وطلع خليفه يلاقي محمد ... وراحوا صوب الشباب .. طبعا بعد ساعه من محاولات خليفه لمحمد انه يروحون صوب الشباب .. في العزبه ... وبعد ما وصلوا .. يلسوا .. يسولفون .. وخليفه .. يشل لحمد العامري و عبد الله الرميثي .. ولف محمد على خليفه ..
محمد : خليفه اريد اشل شله .. تقرقع في خاطريه .. ( محمد صوته حلو مثل خليفه .. بس خليفه صوته احلا في الغنى ...)
يا بوي ضاع العقل مني في شوف خلي ناعم العود
امس بتعد يا بوي عني واليوم فكري معتمي زود
عفت الحياه بلياه كني .. منقاد لحزاني قووود
دوم الزمان معاندني .. ليته يزيح الهم ويعود
باول زماني كنت اغني .. واحيد اني كنت به محسود
واليوم غرني بالتمني .. وسط البشر ما ني موجود
اسرح واهوجس به واوني .. وادعي عساه يرد ويعود
يا بوي ضاع العقل مني .. في شوف خلي ناعم العود
وسلااااااااااااااااااامتك م ...
ناصر : اوووووووووب بو الشباب .. شكله شارب هوى
محمد : هههههههههههههه .. لا مش شارب .. انا غرقان من الهوى ..
عبد الله : عاااااااااااش .. ولا تخبرنا .. يالخاين .. من ورايه .. هذا اخر تربيتي فيك ..
محمد : هههههههههههههههههه .. شو بتحرمني من الميراث ..
عبد الله : يا وحش .. انا مخصمك خلاص ..
خليفه : شكلك عايش الدور واااااااايد .. ههههههههههه
الشباب : هههههههههههههههههه
وبعد السهره رد محمد وخليفه .. نزل محمد البيت وقبل ما ينزل ..
محمد : مشكور فديتك .. لولاك كنت انا الحين في اعداد الاموات من الهم والقهر ..
خليفه : العفو الغالي .. وهذا من واجبي .. وعشان مره ثانيه تسمع الكلام ..
محمد : ان شاء الله استاذي .. هههههههههه
خليفه : هههههههههههههه .. يله اخليك .. انا باروح الحين الحق .. يمكن العنود دخلت ..
محمد : ههههههههه انت محد لاعببك الا هالعنود ....
خليفه : ههههههههههه .. عاده انت اللي مسكت .. ولا كنك العن منيه .. المهم .. يله جلب ويهك .. عطيتك ويه واااايد ...
محمد : هههههههههه يله باي ..
وراح خليفه البيت ..واول ما دخل لقى امه جدامه ..
خليفه : هااااااااااااه الغاليه ما نمتي ..
ام خليفه : وكيف انام .. وانت مش في البيت ..
خليفه : فديت ماماتي انا ..
ام خليفه : هااااااااااااه .. اخبار محمد .. ان شاء الله مرتاح ..
خليفه : يا ويل حاله محمد .. الله يكون في عونه ..
ام خليفه : خبرني السالفه ...
خليفه : احم احم ... ........................( وخبرها السالفه كلها )
ام خليفه : يا ويلي عليه ... والله خنقتني العبره .. انزين والحين شو بيسوي .. ؟؟؟؟؟
خليفه : ما ادري .. بس هو صابر .. والله العالم بالي رح يصير ..
ام خليفه : وانت ان شاء الله ما تعلق قلبك .. ( تغمزله )
خليفه : بسم الله عليه .. بعيد الشر ..
ام خليفه : اف اف .. ليش ؟؟ ... لهذي الدرجه متعقد ...
خليفه : والله يا ام خليفه ( رافع خشمه .. ويعدل كندورته ) ... والله ما نولدت ولا بتنولد اللي تيب راس خليفه الكتبي ........
ام خليفه : هههههههههههههههههههه .. انت ما بيضعك .. الا هال خقه ... قوم قوم .. رح نام ..
خليفه : هههههههههههههه .. انزين وين فاطوم .. والله تولهت عليها ...
ام خليفه : بتلاقيها في حجرتها .. اذا ما كانت نامت .. بتلاقيها اكيد على النت تكلم مريوم ..
خليفه : اهاااااااااااا .. خلاص فديتج انا باروح اطب عليها .. وبلوع بجبدها ..
وراح خليفه صوب حجره فاطوم ... ودخل شيشوي .. وما حست فيه .. ومره وحده زعق وراهاااااااا
فاطوم : ( صرخت من الخاطر ) ااااااااااااااااااااااااا ااااااااااااااااااااااااا
اااه ..
خليفه : ( عق عمره على الشبريه ميت من الضحك ) .......ههههههههههههههههههههه هههه .. باموت من الضحك ...
فاطوم : يالسبببببببببببببببال .. يالخايس .. (وقامت تضربه ) ...
خليفه : ههههههه والله شكلج كان يذبح ....
فاطوم : كنت باموت من الخوف .. لا تعيدها مره ثانيه .. قلبي ما يستحمل التخويف ..
خليفه : ياااااااااااااااااااله ... يالرهيفه ..
فاطوم : عندك شك ..
خليفه : لا ما عندي شك ...
( فاطمه اصغر من محمد بسنتين ... وهي الحين ثنويه عامه .. ورقيقه وااااااااايد .. وراعيه كشخه وعداله .. )
فاطوم : انزين .. شو اللي يابنا على بالك ...
خليفه : تولهت عليج عمري ..
فاطوم : وجااااااان استحي ...
خليفه : لا تصدقين عمرج وااااااايد .. انت شو تسوين ؟؟؟؟؟؟؟
فاطوم : اسولف مع مريوم .. بنت خالوه .. على المسنجر ..
خليفه : انتن ما تملن من بعض ... !!!!!!!!!
فاطوم : لا ما نمل .. وعن الحسد .........
خليفه : احسد شو يا حسره .. انزين عطيني ايميلها بسويلها مقلب ...
فاطوم : شو بتسوي ؟؟؟؟؟؟
خليفه : بالعب عليها .... الا هيه الحين دخلت الكليه ..؟؟؟؟
فاطوم : شو كليه ... في جامعه زايد مريوم ؟؟؟؟؟؟
خليفه : قووووووولي والله ..( على طول يت في باله العنود ... لان مريوم بنت خالته تدرس في دبي .. عيل اكيد مع العنود في الجامعه ) ......
فطوم : وليش مستغرب .. عادي .. انا ان شاء الله بدخلها السنه اليايه ..
خليفه : ها ها هاي .. تفلي على ويهي اذا دخلتيها .. وانت مجابله مريوم ..
فطوم : بنشووووف ...
خليفه : يله جلبي ويهج ..
وخذ الايميل مال مريوم وراح حجرته ... واول ما دخل سوى حق مريوم ادد عنده ...
والله ستر ان العنود توها كانت طالعه من النت .. بعد ما فقدت الامل ان ( خليفه ) يدخل
مريوم : هلا
خليفه : يا مرحباااااااااااا الساع .. بالغالين ..
مريوم : من معاي ؟؟؟؟
خليفه : معجب ..
مريوم : احلف انت بس ..
خليفه : والله ...
مريوم : شكلك فاضي .. روح يابابه العب مع غيري ..
خليفه : ليش .. كلمه ولو جبر خاطر ..
مريوم : لو سمحت انا مش من الخايسات .. عشان اكلمك ..
خليفه : انزين .. انا ما قلت انج من الخايسات ..
مريوم : عيل شو قصدك .. اخوه في االله .. ( تطنز )
خليفه : ههههههههههه والله انج هب هينه يالرميثيه ..
مريوم : ( ويه فاج عيونه ) ... منو انت ؟؟؟ .. شكلك تعرفني ..
خليفه : شو هالذكاء اكيد اعرفج .. لو ما اعرفج ما كنت قلت يالرميثيه ..
مريوم : انزين انت منو ؟؟؟ .... ترى والله ان ما قلت لسوي لك بلوك وديليت ..
خليفه : اف اف .. ما يسوى علينا ...
مريوم : لا تطولها ... يله قووووووووول ...
خليفه : اوكي اوكي ... انا خليفه ..
مريوم : خلووووووووووووووووووووف ... شحالك ؟؟؟؟
خليفه : بخير .. وبعدين انا اصغر عيالج خلوف .. ريال بلحيتيه ..
مريوم : اووه اوووه .. نسينا .... انزين ... اخبار الكليه معاك ..؟؟؟
خليفه : تمام ... وانت شحال الجامعه ...؟؟؟؟؟
مريوم : اوكيك ...
وشوي ان العنود داخله المسنجر .. وشوفوا الحظ ... مريوم وخليفه .. موجودين ...
الجزء التاسع ...
دخلت العنود المسنجر واول ما لقت (خليفه ) اون لاين .. دخلت عليه ...
العنود : السلام عليكم ..
خليفه : وعليكم السلام ....
العنود : يالخايسه .. يالسباله .. من متى وانا استناج .. ثلاث تيام .. وانا النوم ما انامه ..
خليفه : اف اف .. خير .. شي صاير ..
العنود : شوفي مريوم ... هذا اذا كنت مريوم .... ترى انت مش قد العب معاي ..
خليفه : أي لعب ....
العنود : شوفي انت انكشفتي .. واعترفي احسلج .. قبل ما اجلب الدنيا على راسج ...
خليفه : شو هو .. اللي نكشفت فيه .. وكيف انكشفت ؟؟؟؟؟؟!!!!!!! 3;!!!!!!
العنود : اولا ... يوم قلتي باروح اميه تنادينيه .. انت امج متوفيه يالذكيه .. وبعدين انت مش مريوم ...
اعترفي احسلج ...
خليفه : امممممممممممممممم ... هيه انا مش ربيعج مريوم ...
العنود : والله اني كنت حاسه ... انزين ... انت ولد وله بنت ..؟؟؟؟؟؟؟ ( في خاطرها .. يا رب يكون بنت )
خليفه : انا ... ولد ..
العنود : يالحقير .. يالحيوان ... انت كيف تتجرا وتلعب علي ..
خليفه : هدي .. وعن الغلط ...
العنود : انت منو عشان ما اغلط عليك .... ترضى ان واحد يسوي جي في وحده من خواتك ..
خليفه : ( سكت شوي .. وحس انه نذل وحقير صدق ) .... لا ما ارضى .. وانا غلطان ... سمحيلي .. واذا بغيت سويلي بلوك وديليت .. بس بليز .. اول شي سامحيني ..
العنود : شو انبك ضميرك .. وعلى العموم .. انا بسوي لك بلوك وديليت من دون ما شاورك .. باي ..
خليفه : باي ..
وراحت العنود تكلم مريوم الرميثي ...
العنود : شحالج الغاليه ؟؟؟؟
مريوم : بخير الحمد الله ... والله تولهت عليج ... من زمان ما يلسنا مع بعض ...
العنود : زين انج حاسه ..و نحنا من زمان متولهين عليج ... والله ان الوقت ما يسوى من دونج ..
مريوم : فديت روحج يا ربي ... خلاص انا من اليوم فاضيتلكم ..
العنود : خلاص عيل من السبت .. تمشين معانا ..
مريوم : اكيد .. وانا مال غنى عنكم ... بس اللي كان شغلني شوي البرزنتيشن .. وخلصته ..
العنود : وييييييينج عنا هذا الاسبوع ستوت احداث واااااايد .. فاتج ..
مريوم : شوو .. خبريني ...
العنود : الله يسلمج ..............................( خبرتها سالفه خليفه )
مريوم : انزين .. والحين شو صار .؟؟؟!!!!!
العنود : خلاص سويتله بلوك وديليت ...
مريوم : هذا سبال .. بس انت كيف .. خربطتي في الايميل ...
العنود : مريوم ربيعتي ايميلها ( <a target=_blank href="mailto:aaaaaaa3429@hotmail.com">aaaaaaa3429@ hotmail.com</a>.(. وانا لخبطت في اخر رقم ...
مريوم : وكم حطيتيه .. ( متشككه ) .....؟؟؟؟؟؟
العنود : حطيته رقم .....8 .......
مريوم : ( ويه فاج عيونه ) ..... اعرف راعي الايميل .....
العنود : ( ويه فاج عيونه ) .........تعرفينه ..... منو؟؟؟؟؟؟؟؟!!!!
مريوم : لاوانا اكلمه الحين ... هذا ولد خالتي ...
العنود : والله ............. يالصدف ...
مريوم : والله لفظحه في العايله ...
العنود : حرام عليج ... الريال تاسف ..
مريوم : ما عليه الحين باطيح فيه ... ستني علي شوي ....
العنود : اوكي ... انا باطلع الحين .......
مريوم : خلاص تصبحين على خير ... وهذا خلوف انا بتفاهم معاه
العنود : هههههههههههه ... وانت من اهله .. باي ...
وسكرت ... ومريوم ردت تكلم خليفه .....
مريوم : خلوووووووووووووف ...
خليفه : حووووووووووو ... شعندج ...
مريوم : انت شو مسوي .. يا مسود الويه ...
خليفه : مش مسوي شي .. وبعدين .. اصغر عيالج انا تكلميني .. بها الاسلوب ..
مريوم : فضحتنا .. الله يفضح العدو ...
خليفه : انت وبعدين معاج ... بتقولين شعندج .. وله الحين ادق لين دبي .. والعن خيرج ...
مريوم : تعرف راعيه هالايميل ... ( وكتبت ايميل العنود )
خليفه : ما شاء الله مسرع خبرج بالسالفه ...
مريوم : لا زم تخبرني بالسالفه .. انا ربيعتها .. كيف ما تخبرني ...
خليفه : والحين .. انت شو تبين ؟؟؟؟؟؟؟؟؟؟؟؟؟؟؟
مريوم : ما ابغي شي .. بس .. انت ليش سويت جي ... !!!!!!!!!! !!
خليفه : يوم دريت انها مغلطه ..حبيت اني العب عليها ...
مريوم : انزين .. انت شو ستفدت ..؟؟؟!!!!!
خليفه : استفدت ... وااااااااايد ............
مريوم : لا والله ... شو ستفدت ان شاء الله ؟؟؟؟؟؟؟؟؟؟؟؟؟
خليفه : حسستني بتأنيب الضمير .. والله يا مريوم .. اني حسيت اني نذل وحقير باللي سويته ...
مريوم : هيه ... خبرتني انك اعتذرت منها ..... ويوم قلت اني بفضحك في العايله .. قالتلي .. حرام عليج ... هو عتذر وخلاص ...
خليفه : باين عليها ان قلبها طيب .. مع انه لسانها طويل .......
مريوم : ههههههههههههه ... هيه والله صدقك ... قلبها طيب بس لسانها طويل شوي ...
خليفه : شوي بس .. هذا يباله قص كله ... لعنت قفدي .. خلتني ما اسوى شي ...
مريوم : هههههههههههههههه جزاك ... حد يلعب مع فلاحيه .....
خليفه : مريوم ..... هيه حلوه ؟؟؟؟؟؟؟؟
مريوم : وانت شلك تسال .....!!!!!!!!! !!
خليفه : انا سمعت صوتها بس ...
مريوم : هييييييييييييه .. خبرتني ..
خليفه : شكلها خبرج بكل شي .. من الالف للياء ...
مريوم : هههههههههههههه .. نحنا ما نخبي شي عن بعض ...
خليفه : الله يديم هالمحبه ... انا باظهر الحين ... سلميلي عليها .. وعتذري منها مره ثانيه ..
مريوم : ان شاء الله .... تصبح على خير .....
وسكرت مريوم عن خليفه ..
. وثاني يوم ( الجمعه ) ........................ في بيت محمد ............... العصر ........
بو محمد .. وام محمد ردوا من دبي ..... ويلسوا في الصاله .... ويت مزنه ووضحى يسلمون عليهم ... وبعدها ياهم محمد ...... وحالته كانت باينه انه تعبان .. وخاصه انه من اليوم اللي درى فيه ان خلود انخطبت .. وهو ما ياكل شي ...
ام محمد : يا ويلي عليك يا حمود ... فديت روحك انت تعبان ...؟؟؟؟؟
محمد : لا اميه مش تعبان ..( في خاطره يقول ... لا الغاليه انا مش تعبان .. انا ميت )
بو محمد : هيه بويه شكلك وااااااايد تعبان ... تباني اوديك المستشفى ...
محمد : لا ما اريد ............. وانا بخير ...
وضحى : ابويه ما عليك منه ... وده المستشفى ..
محمد : شو ياهل انا ...
مزنه : خلوه على راحته ....
ام محمد : انزين .. ابويه ... اذا حسيت بشي خبرني فديتك ...
محمد : ان شاء الله ....
وضحى : هيييييه .. اميه اخبار العروس ... ( على طول قام محمد )
محمد : اترخص ... عندي شغل باروح .....
مزنه : وييييييييييييييين ما شفناك ...( وطالعها محمد بنظره ... ما قدرت تقول شي .. وسكتت)
ام محمد : الله معاك فديتك ..
وضحى : ما قلتولي اخبار خلود .. وشو قالوا العرب .. يوم شافوها ...
ام محمد : تسرج اخبارها بغت عيونهم طيح من كثر ما دققوا فيها ..وطاروبها السما .. كانت تجنن ما شاء الله عليها ... بس بعده عمج ما عطاهم الرد .. بيسال عن الريال اول شي ..
وضحى : وليش يسؤلون .؟؟؟؟ يوزوها وخلاص ..
بو محمد : واااابويه ... كيف يوزونها على طول من دون ما يسؤلون عن الريال ... بنت شوارع هيه .. وله مالها اهل ...
وضحى : خلاص .. نسحبها ...
قامت مزنه عنهم .. وراحت ادق حق خلود . .. ما قدرت تستحمل زياده تشوف هذي حالة محمد ... يمكن هالمره تغير خلود رايها .......
مزنه : الوووو .... مرحبا
خلود : الووووو ... مرحباااااا ملاين ولا يكفن
مزنه : شحالج ..
خلود : بخير .. شحالج انت ...
مزنه ( تنهدت ) : بخير ...
خلود ( عورها قلبها من تنهيدت مزنه ) : مزون شو فيج ... ليش تتنهدين جي !!!!!!!!!! !!!!
مزنه : خلود ما عرف شو اقولج .. انا ما اريد اضايقج ... بس خلود ... محمد يتعذب ... لو تشوفين حالته كيف صايره ... حتى اميه وبويه انتبهوا عليه ...
خلود : اممممممممممممم .... انزين مزنه هو مع الايام بينسى ... وانا والله عورني قلبي يوم كان عندنا .. وشفت حالته .. ونظرته يوم سالني اذا كنت موافقه على العرس او لا ....... حتى والله الليل ما بته ..
مزنه ( حست ان ممكن خلود تغير رايها ...) : على العموم .. انت كل شي بيدج ... واللي بيريحج سويه ...
وسكرت مزنه عن خلود ....... وخلود كانت تفكر في الكلام اللي قالته مزنه الها ... وحتارت شو تسوي ...
وثاني يوم في الجامعه ....................... جتمعت الشله كال عاده ... ومريوم وعنود خبروهن ياللي صار ..
ريموه : طالعوووووووووا ... والله زين انه حس على دمه ...
مريوم : والله انه مش لانه ولد خالتيه .. ولعاب .. بس والله الكل يمدح في اخلاقه وشخصيته .. ولا لو سمعتوا صوته ما حلاه ..
موزوه : يمكن هو اللي كان يغني في التصوير ....
مريوم : أي تصوير ...
شموه : فاااااااتج .. تصوير شباب .. .. هو معطنه عنود .. وعنود روتنه اياه .. بس روعه ... وفيه واحد يغني .. صوته وااايد حلو ..
مريوم : انزين روني اياه .. يمكن هو ...
وقامن رون مريوم التصوير ...
مريوم : هو هذا خليفه .. اللي كلم عنود ......
ايمان : مريوم يخسج .. ولد خالج هذا .. والله لو انا عنج ما ضيعه من ايدي ... حلو .. يعق الطير من السما ...
مريوم : ههههههههههه .. والله ولا طرالي اخذه .. وبعدين خلوف مثل اخويه رابين مع بعض ...
موزوه : يالسباله .. انا ربيعج ... ما تبينه .. طرشيه صوبيه ..
مريوم : ههههههههههههههه فالج طيب ...
شموه : تراها بتصدق عمرها .....
سلامي : وليش ان شاء الله ... موزوه شيخه البنات .. وما بيلاقي احسن منها ( موزوه متشققه وتحط يدها على جتف سلامي )
العنود : حووووووووووو ... شعندكن .. خطبتن للريال ويوزتنه ..
حسنوه : هههههههههههههه .. الله يعينه .. ان جانه بتظوي عليه موزوه .. بتكسر ريوله من الحواطه والمشي ...
ريموه : ههههههههههههههه صدقتي ...
موزوه : تراكن واااااايد خذتن عليه ... تعالن بعد ونادنيه بسميه ...
شموه : ههههههههههههه فديتج يا ربي ..
ريموه : اقول .. خلصنا كلاسات .. خلونا انلم البنات .. ونروح واحد من الكلاسات .. ونشغل الاب توب على البروجكت ونرتبش ... وما قصرن .. لين ما ردن البيت .. وهن يرقصن ويولن .. والجامعه كلها التمت عليهن .. ونمزر الكلاس كله بنات ..
وبعد مرور اسبوع ... ....................خليفه يكلم مريوم .. ويسال عن العنود ويحس انه تعلق فيها واايد .. ومحمد حالته حاله .. ضايع في هالدنيا ... 1
في بيت خلود ..............
بو سلطان : ندوي .. قومي نادي خلود ......
ندى : ان شاء الله ... ( وقامت ندى تنادي خلود ... وبعد شوي خلود يت .. وحبت ابوها على راسه ويلست عداله )
خلود : خير ابويه ... ندى قالتلي انك بغيتني !!!!!!!!!! !!!!!!!!!
بو سلطان : خير فديتج ...بس انا سالت عن حمدان ... والكل مدحه لي .. وبغيت رايج .. اذا موافقه .. وله لا .. عشان ارد على العرب ...
خلود : راي من رايك ابوي .. ( قامت على طول ) ... اترخص عندي دراسه ....
ندى : اوووووووووووووونه ... مستحيه ...
بوسلطان : هههههههههههه .. خليها ....
ندى : انزين متى العرس ؟؟؟؟؟؟؟
بو سلطان : وليش مستعيله جي .. تبين الفكه منها ......
ندى : هههههههههههه .. لا بس باخذ حجرتها ...
بو سلطان : ههههههههههه .. والله هب هينه .. تخططين على كبير ..
وبعدها اتصل بو سلطان لحمدان وخبره انهم موافقين .. وحدد يوم .. عشان يون ويحددون العرس ويعطون خلود مهرها ..عشان تزهب ...
</p>وفي بيت محمد ......
في الصاله .. وكانت العيله الكريمه كال عاده مجتمعين ....
ام محمد : ام سلطان كلمتني .. وافقوا على العرب اللي خطبوا خلود .. وباجر بيون يعطونهم المهر ويحددون يوم العرس ....
(محمد تغير على طول ويها .. وكانت كل يوم حالته تسوء عن اليوم اللي قبله .. وضعف .. وزاد السواد اللي تحت عيونه .. )
مزنه.. لفت صوب محمد ... ونقبض قلبها .... حست انه شي بيصيرله ....
محمد : ... اانا اترخص ... ( وقام عنهم وراح حجرته )
وضحى ... هالمره حست ان محمد فيه شي .. لان كل ما يبون سالفه خطوبه خلود يقوم .. وحالته ادهورت من يوم ما قالوا ان خلود انخطبت .....
وضحى : ( تنحز مزنه ) ... مزون حمود شو فيه ..؟؟؟؟؟؟؟
مزنه : ما فيه شي ... وجب .... ( وقامت عنها )
وقامت وضحى تلحقها ... ودخلت حجره مزنه ..
وضحى : انا ما بخليج .. ولا بطلع .. لين ما تخبريني سالفه محمد .. انت اكيد تعرفين ....
وبعد ما يلست تزن وضحى على راس مزنه ... ولوعت بجبدها ... خبرتها بالسالفه كلها ...
وضحى : يا ويلي على اخويه .... هذي شو ما تحس ... حراااااااام عليها .. ما بترتاح لين ما تذبحه ...
مزنه : وضوح .. وطي صوتج .. ما اريد ابويه وله اميه يسمعونج ...
وضحى : انا باروح صوب محمد .. بكلمه ...
مزنه : وين بتروحين .. انا باروح .. ما اريده يدري انج دريتي ...
وضحى : ما عليه .. بس ردي خبريني باللي بيصير .. انا بترياج هنيه ....
وقامت مزنه صوب حجره محمد ... ودقت عليه الباب ...
مزنه : محمد فديتك فتح الباب .... ( بس محمد ما يرد عليها .. وتمت دق الباب عليه .. لين ما حست بخوف في قلبها ....وراحت صوب وضحى .. وخبرتها .. وربعت وضحى مع مزنه حجره محمد .. يدقن الباب .. بس بعد ما رد .... وما قدرن يسكتن .. يلسن يزاعقن على ابوهم وامهم ...
الجزء العاشر .........
بو محمد : محمد ..... محمد ... ( يدق الباب ) ....
ام محمد : بووووويه فتح الباب فديك ... لا تسوي فينا جي .... ( بس محمد ما رد عليهم )
وضحى : الله يلعن من كان السبب ... والله لو صارله شي ... والله ما سكت ...
ام محمد : شو اللي صاير لمحمد ....
مزنه : ما شي اميه ..... ابويه اكسر الباب ....
ويكسر بو محمد الباب ..... ويوم شافول محمد ..... زعقن مزنه ووضحى وام محمد ... وربع ايوه صوبه ....
( كان محمد راسه ينزف دم .... واللي صار انه محمد اول ما دخل الحجره من الحزن وحالته النفسيه كانت زفت ... داخ ... ويوم اغمى عليه ضرب راسه على التسريحه ... ونزف راسه ...)
وبسرعه ربعوا بمحمد المستشفى ... والكل كان على ريل وحده .... ودخلوا محمد غرفه العمليات ... وكان لازم له نقل دم بسرعه لانه نزف واااااايد.. وله محمد بيموت ... وماكان حد فصيله دمه مثل دم محمد غير وضحى ... وعلى طول تبرعت بدمها حق محمد ..... وبعدها نقلوا محمد للعنايه المركزه .. عشان يطمنون عليه .. انه يخافون يصير له نزيف داخلي ...
ويرن تلفون بو محمد ........
بو محمد : الوو مرحبا ...
بو سلطان : مرحبا بو محمد ....
بو محمد : الحقني يا بو سلطان ... ( ونهار وقعد علىالارض طول ... ونهار )
بو سلطان : خير ... شلي صاير .... بو محمد شو فيك ....
بو محمد : محمد بيروح يا بو سلطان ... محمد بيضيع منيه ....
بو سلطان : شو فيه محمد ... ربه ما صار له شي ...؟؟!!!!!!
بو محمد : والله يابوسلطان .....................................( وخبره السالفه كله )
بو سلطان : هد اعصابك .... وان شاء الله بيقوم بالسلامه .....
بو محمد : حالته ما طمن ...... والدكاتره يقولون ..... انه في توقعات انه يستويله نزيف داخلي ....
بو سلطان : خلاص انا ياي صوبكم الحين .....
بو محمد : وين تي الحين ..؟؟؟؟؟؟ .... والوقت تاخر ... باجر تعال ....
بو سلطان : لا والله ... وين ارتاح .. ومحمد في المستشفى .... يله بس مسافه الطريق وباكون عندكم ....
وطلع بو سلطان حق ام سلطان ..... وكانت خلود وندى يالسين ....
بو سلطان : ام سلطان ... انا بسري ابوظبي ....
ام سلطان : الحين .... الوقت متاخر ... طلع باجر ..
بو سلطان : لا زم اكون مع خويه الحين ... بو محمد محتايليه ...
ام سلطان : خير ... ربه ما شر ...
بو سلطان : محمد في المستشفى ... في العنايه المركزه .... ( وعلى طول فزت خلود من سمعت ابوها )
ام سلطان : ياااااااااااااااااااااويل ي .... والله لسري معاك ....
بو سلطان : عيل قومي بسرعه ...
ندى : انا باجر اخر امتحان عندي .. وبخلي سلطان يبني صوبكم ....
خلود ما كانت عارفه شو تسوي .. وتمت ساكته .. مصدومه
بو سلطان : خلاص باجر تعالوا .... خلود ... خليج مع ختج اليوم ... وتعالوا باجر ...
خلود : ان شاء الله ......
وقامت خلود تدق تلفون حق مزنه ......................... مزنه اول ما شافت رقم خلود ....ردت
مزنه : انت شو تبين ( وتصارخ )
خلود : مزوووون هدي ... انا شولي خص تزاعقين جي عليه ...
مزنه : خلاااااااااص رتحتي ... محمد بيموت ... يا خلود ......
خلود : مزنه انا باجر بي عندكم ...
مزنه : شو تبين ؟؟؟؟........ تبين تجوفين .... وتفتخرين باللي سويتيه ....
خلود : حرام عليج تظلميني ... انا ما كنت ادري انه جي بيصير له ...
مزنه : انا كم مره قلت لج .... انج بتذبحينه ...
خلود : ما توقعت ان هذا بيصير له ..... مزون .... والله ما اعرف شو اسوي .... حسيت اني باموت سمعت ان محمد في المستشفى ....
مزنه : زين انج تحسين ....
خلود : حرام عليج مزون ... قولي لي شو اسوي ... والله لسويه ....
مزنه : شو الفايده الحين ....
خلود : والله اني كارها عمريه ... والله ما اعرف شو اسوي ......( وصاحت )
مزنه ما كانت متوقعه ان خلود تصيح ... ويلست تصيح معاها ... ما عرفت شو اللي صار ... بس قلبها عورها عليها..........................
مزنه : خلاص خلود لا تصيحين .... وباجر بنتلاقه ......
وسكرت عنها ... والكل ما نام هذاك اليوم ... يتريون الاطباء ....
وخلود طول الليل تصلي حق محمد وتدعي انه ما يصير له شي ... لان لو محمد صار له شي ما بتسامح عمرها ...
في ثاني يوم .................................................. .........................
على العصر ..... وصلت خلود وندى وسلطان .... واول ما شافت وضحى خلود يلست تزاعق ...
وضحى : انت شو بتين ....... ليش يايه .... انت السبب في كل اللي صار ....... والله لو صار له شي ... والله ما سامحج طول عمري ....( وخلود منزله راسها .... مش عارفه شو تقول ) .... والكل منصدم مش عارف السالفه ...
مزنه : وضوح .... تعرفين تسكتين ...... والله ان ما سكتي ... لرويج ... نحنا مش ناقصينج .....
سلطان : شو السالفه .... شولها خص خلود ..... ؟!!!!!!!!! 3;!!!!!!!!! 3;!!
مزنه : لا ما عليك .... خلود مالها خص .... هذي تخرف ....... ( وسحبت مزنه وضحى بعيد عنهم ) ........... انت ماتستحين ..... فضحتينا .... امسكي اعصابج ...
وضحى : ما قدرت .... ( وصاحت ) ..... مزنه والله لو يصير شي لمحمد .... والله لذبحها بيدي .....
مزنه : ( لوت على وضحى ) .... ما بيصير شي ان شاء الله ... ومحمد بيكون احسن عن قبل بعد .... بس انت دعيله ....
وسطان راح صوب ابوه وعمه ... عند الدكتور .....
بو محمد : بشر دكتور ..... محمد تعدى مرحله الخطر ...؟؟؟؟!!!!!!!! ;!!!!!!
الدكتور : الحمد الله ... ربنا كان معانا .وتعدى محمد مرحله الخطر ...... بس نحنا قدرنا نسطر على الجرح والنزيف ... بس محمد ... حالته النفسيه مدهوره ... وهي السبب باللي صار له ... واذا تم على هالحاله ممكن يروح فيها ... وهذا الشي مش بيدنا ..... بيده هو ..... والله المعين ...
بو سلطان : شو قصدك دكتور .... ان محمد اذا ما تحسنت حالته النفسيه يمكن ................. ( وسكت )
الدكتور: انت لازم تعرفون . السبب ..... وهو على بكره الصبح بيقدر يرمس ... واحسن شي تخلون اقرب شخص اله هو اللي يكلمه .. ويعرف سبب حالته ........................................
بو محمد الحين المهم انه حالته ستقرت وبخير ... واول ما يقدر يتكلم ... انا بعرف شو فيه ...
وطلع على طول صوب ام محمد يبشرها ..... ..
بو محمد : ام محمد .............
ام محمد : بشر ...... محمد شو حالته ؟؟؟؟؟؟
وخلود ساكته قابضه صدرها ... خايفه تسمع أي شي .................. والكل كان واقف واولهم ام محمد اللي كانت منهاره طول الوقت تدعي وتصلي ان محمد ما يصير له شي ....
بو محمد : ابشرن ...محمد تعدى مرحله الخطر ....
خلود مره وحده من الفرحه ما قدرت تمسك عمرها ... ويلست تصيح ...... بس محمد انتبه لها ... لانهم كلهم كانوا طايرين من الفرح ....
بومحمد : بس ........................................
مزنه : بس شووووووووووووه .....
بو محمد : .................................................( وخبرهم سبب الحاله اللي محمد فيها هي .. ان محمد حالته النفسيه تدهور كل يوم اكثر عن اليوم اللي قبله ...ولازم يعالجونه وله محمد ).....................(..وسكت )
واول ما سمعت خلود هالكلام ..... قامت عنهم .... ما قدرت تمسك عمرها زياده ... وطلعت وراها مزنه ...
مزنه : خلوووووووووووود ... خلوووووووووووود .... وقفي ...
وقفت خلود ...وكدها مزنه واصلتنها .... ولفت عليها .....
خلود : مزنه انا السبب .... انا حقيره ... انا حيوانه .... انا عديمه الاحساس ... فكرت في عمري بس .... شو كان بيصير لي لو انتظرته .... بس والله يا مزنه اني ما كنت ادري انه هالكثر يحبني ... والله انه يسوى روحي ....
ولوت مزنه على خلود ..............
مزنه : خلاص خلود فديتج لا تصيحين .... ان شاء الله محمد بيكون بخير ... وحالته النفسيه بتتحسن .. وانت تدرين ان كل شي بيديج الحين ..
خلود : والله لو يطلب روحي ما اغليتها عليه ....انا عمري كله فداه ...بس هو يسامحني .... محمد اكيد كرهني
مزنه : ما ظني يا يا خلود ان محمد كرهج ... لو كرهج ما كانت هذي حالته ........
خلود : مزنه دخبلج اريد اشوفه ................ تكفين ... دخليني عليه ....... بامووووت ان ما شفته ....
مزنه : انت هدي عمرج .... وان شاء الله اذا قدرت بدخلج ... انت تريني هنيه ..
خلود : انزين .... بس لاطولين ...
مزنه : اوكي .... ( وراحت مزنه تشوف اذا حد في طريق غرفه محمد ... بعد ما نقلوه من غرفه العنايه المركزه ... وما لقت حد .... امها وام محمد راحوا البيت يبدلون ويبون ملابس حق محمد ... وبو محمد وبو سلطان وسلطان راحوا الكافي يشربون شي ......
مزنه : خلود تعالي بسرعه ...... محد في الطريق .....بس لا طولين... دخلي شوفيه وطلعي ... وانا با راقب بره ...... ودخلت خلود على محمد ... واول ما شافته ما قدرت تمسك عمرها ... وكان شكله يقطع القرب ..يلست على الكرسي اللي عدال شبريته ... ومسكت ايده ..
خلود : محمد سامحني ... انت يمكن ما تسمعني .... بس محمد ....لا تسوي في عمرك جي ..... والله لتنظرك العمر كله ..... انا كنت انانيه ... بس ما عرفت قيمتك لين ما حسيت اني كنت بخسرك العمر كله ..... محمد ....
احبك ... والله اني احبك .. وما صرت استحمل انك تضيع مني مره ثانيه ... هذا اذا كنت بعدك رايدني ....
ودخلت عليها مزنه بسرعه ....
مزنه : خلود بسرعه طلعي النيرس يايه ... ما ريدها تشوفنا ...............
وفجت خلود ايد محمد .. بس حست وهي تفج ايدها ..انه كان يحول يحرك صبوعه ويمسكها ... بس ماقدر ..... وطلعت خلود عن محمد ....
مزنه : هااااااه رتحتي ....
خلود : فديت روحج ... والله ما بنسالج هالجميل .....
مزنه : انا المهم عندي محمد يشفى ...
( وسكتت خلود ... كانت تفكر في محمد ... وتقول في خاطرها .... ممكن يكون محمد سمعني وكان يريد يمسك يدي ... وله انا كان يتهيألي ..... )
وفي بيت محمد ....كانت ام محمد في غرفه محمد ... وفي هالحظه رن تلفون محمد ... وكان خليفه اللي داق ... طبعا كانت هذي ميت مره يدق ... وكان خليفه يتحرقص يبه يعرف ليش ما حد يرد عليه ... وردت عليه ام محمد ....
ام محمد : الو .. مرحبا ..
خليفه : مرحبا .... شحالج خالوه ...؟؟؟؟؟؟؟؟؟؟؟؟؟؟؟
ام محمد : بخير......
خليفه : وين محمد ....؟؟؟؟؟؟؟؟؟؟؟؟
ام محمد : محمد في المستشفى ...
خليفه : شووووووووووووووووووه .... شو اللي صار له .!!!!!!!!!! ;!!!!!!!!
ام محمد : ..........................................( وخبرته كل شي ) .
خليفه : سمحيلي خالوه .... بس ولدج ما يسمع الرمسه ...كم مره نصحته ... وعلى العموم انا رايح الحين المستشفى ......
ام محمد : خليفه ... فديتك ... انا اعرف انك اقرب الناس لمحمد ..... اكيد تعرف السبب اللي خله محمد في هالحاله .....
خليفه : امممممممممممممممم ... ما عرف شو اقولج ... بس انا بتاكد منه اذا كانت السالفه هي اللي اعرفها بخبرج .........
وسكر خليفه عن ام محمد وطلع بسرعه على امه ..... وخواته ...
حصه : صووووووووووبنا ... صوووووووووووبنا ...
خليفه : مش متفيق لج ....
ام خليفه : شو فيك .؟؟؟؟؟؟؟
خليفه : ما اقدر اقولج بالضبط ...بس محمد في المستشفى ..... والسبب السالفه اللي خبرتج عنها ....
ام خليفه : والله ........انزين فديتك طمني عليه ...........
خليفه : ان شاء الله .....
وبعد ما طلع خليفه عن امه ....
ام خليفه : يا ويلي على هالريال .... ما عقوله في حد يحب حد لهذي الدرجه ....
فاطوم : شو سالفه محمد ... ومن هو اللي يحب ...؟؟؟؟!!!!!!!! ;
ام خليفه : جب انت مالج خص ....
حصه : فديتج .. اميه شو السالفه .......
وبعد محاولات ... ولواته حصوه ... وتفديات فاطوم .... قالتلهن السالفه كلها
حصه : ااااااااااااااااااااااااا ااااااه ... با مووووووووووووت ....
فاطوم : يسقى عليه يوم حد يترقد في المستشفى حقيه ..
ام خيفه : انتن ما تستحن .... انا يالسه وجي ترمسين ... والله صدق ما عندكن حيه ... قومن يله قومن ... والله صدق ما تنعطن ويه .......
حصه : شووووووووو ... والله نتغشمر معاج ... حبيبتي انت ....
ام خليفه : انا مش مضيعني غير لواتتكن هذي ....
وفي المستشفى وصل خلفيه عنج ابو محمد ... ووايهه ... ووايه الباقين .... وشوي ان النيرس يايه ...
النيرس: الدكتور .. قول ...محمد قوم ... اذا في هد يريد يدكل عليه .. ما في مشكله ..
وراح بسرعه بو محمد صوب ام محمد كامن توها يايه من البيت ... وخبرها انهم يقدرون يدخلون على محمد .. وان محمد يقدر يكلمنا ... ودخلوا عليه كلهم ... ومعاهم خلود ...... وخليفه تم برى لين ما يطلعون كلهم ...
ام محمد : فدييييييييييييييييتك ... حمود ... ليش تسوي فينا جي ( صاحت )
وضحى : حموووود .... فديتك يا ربي ... والله محد يسوى ... عشان تسوي في عمرك جيه ( وخزت خلود بنظره ...)
مزنه : محمد حبيبي ... يله فديتك قوملنا بالسلامه ....
بو محمد : شعندكن على الريال ... قومن عنه ... خلنه يتنفس .....
والكل تحمد له بالسلامه .... وهو كان طول الوقت عينه على الخلود .... يريد يكلمها بس مب قادر ..... وهي في خاطرها تكلمه ... وبعد مب قادره ..........
وبعد ما طلعوا كلهم ...... دخل خليفه على محمد .................
خليفه : حموووووووود فديتك .... والله اني كنت باموت يوم خبروني .... كان قلبي منحرق وانا اتصل لك .. ومحد يرد عليه ...
محمد : يعلني افداك .... والله لا يحرمني من مخوتك ...
خليفه : كم مره قلت لك حاسب على عمرك .... لا تخلي هالسالفه تاثر عليك .... بس انت راسك يابس ما تسمع الرمسه ........
محمد : والله يا خليفه انه مش بيدي ... حاولت اكثر من مره اني انساها بس ما قدرت ... كيف انسى حب انولد وكبرمعاي ... القلب !
خليفه : انزين ... هي شو سوت يوم درت ....
محمد : ................( وخبره يوم دخلت عيه خلود شو قالت )
خليفه : قووووووووول والله ..... وهذي توها حاسه ....
محمد : والله ما عرف يا خلوف ... هذا حب وله عطف .....
خليفه : ما اعرف شو اقول لك ...... بس ما ظني عطف .... يمكن توها حاسه بغلاتك ... وانها تحبك ... وما كنت عارفه احساسها صوبك شو يعني ......
................ وشوي ان بو محمد داخل عليهم ......
بو محمد : خليفه يعلني افداك ..... بغيت محمد شوي ...
خليفه : ان شاء الله ..... ( وطلع عنهم خليفه ) ....................
بو محمد ... بعد ما طلع خليفه عن محمد ... يلس عدال محمد ....
بو محمد : محمد ... الغالي ... بغيت اكلمك في السالفه ...... بس دخيلك تريحني ... وتجاوبني ......( ومسك ايد محمد .... وفي هالحظه ...حس محمد ... تمنى انه مات ... ولا يشوف ابوه يترجاه او يشوفه بها النظره ......
محمد : ابويه .... فديت روحك .... قول اللي في خاطرك ......
بو محمد : ابويه ..... شلي صار لك ..... ليش صارت هذي حالتك .... اذا شي في خاطرك قوله ... انا ابوك ... والله لو تطلب عمري .... والله ما اغليتها عليك .... محمد انت سندي في الحياة .... ما اريد اخسرك .....
محمد : الله يخليك لي .... بس انا ما فيني شي ( ولف ويه عن ابوه ) ................
بو محمد : الدكتور قال..... ان سبب اللي صار لك انها حالتك النفسيه .... شو السالفه ؟؟؟؟؟؟؟؟؟؟؟ دخيلك خبرني .... يمكن اقدر اسوي شي .......
محمد : فديتك ... ابويه لا تسوي في عمرك جيه ..... بس ما اقدر اقول لك .... سامحني ...
بو محمد : محمد .... انا ما بطلع من هنيه لين ما تقولي ..... ( بدى يعصب )..... انا ما بشوفك في هالحاله واسكت سمعت .......
محمد : هد عمرك فديتك ... بقول لك بس لا تعصب ... وله تضايق عمرك ....
بو محمد : عيل قووووووووول ... والحين ......
محمد : ان شاء الله ....... ابوي ... انا ....................( وسكت )
بو محمد : كمل ............................. ارحمني .... وكمل ...................
محمد : اوكي ... ابويه ... انا احب خلود ...... وما ستحملت ان حد ياخذها غيري .... حاولت انسى بس ما قدرت .....
بو محمد : ( تم ساكت من صدم ما كان متوقع ان محمد يحب خلود .... لا ويحبها الهذي الدرجه .... وانا ما ادري ..... كيف ما حسيت فيه .... ) ..... انزين وليش ما خبرتنا ...... كنت رحت خطبتها لك .....
محمد : ابويه .... انا كنت يوم ابغي اخطب خلود ... كنت اريد اروح اخطبها ... وانا اشتغل ومعتمد على عمري ... و باي ويه كنت بروح اخطبها .... انا ما اريد احرج عمي معانا ....
بو محمد : ( يوم سمع كلام ولده ... كبر في عينه ... انه ضحى باللي يحبها .... عشان ما يسوي مشاكل بينه وبين اخوه ..... وانه ما رضى على عمره انه يخطب اللي يباه من دون ما يكون معتمد على عمره ) .......
ويكمل محمد كلامه .... وبعدين ..... انا خليت مزنه تسال خلود اذا كانت بتترياني ... طلعت انها تغليني مثل غلاة
سلطان ........
بو محمد : وعشان جي انت حالتك ادهورت ..... محمد ما في شي يستاهل ... واللي باعك بيعه ....
محمد : بس ... ابويه ... انا احب خلود من يوم ما كنا صغار .... حبي الها كل يوم يكبر عن اليوم اللي قبله .... ربا معايه ..... كيف تباني انساها .... والله اني ما كنت اقدر اتخيل انها بتكون لواحد غيري ...
بو محمد : انت الحين خلي بالك من عمرك ... ويوم بتقوم من بالسلامه ... صدقني ان خلود ما بتكون لواحد غيرك ..... هذا اذا كنت بعدك رايدنها ..... ؟!!!!!!!!! 3;!!!!!!!!! 3;!!!!!!!!
محمد : لو ما كنت رايدنها ... ما كانت هذي حالتي ...................بس ما اريد مشاكل .......
بو محمد : انا قلت خلود ما بتكون الا لك ............ ( وطلع عن محمد )
وبعدها الكل رجع بيت بو محمد ...... هذاك اليوم الكل كان سهران .............. وضحى ... مزنه .... خلود ..... ندى ...........................
مزنه : ندوي شو سويتي في الامتحانات ؟؟؟؟؟
ندى : اوكيه .....
وضحى : خلود .... اريد اقول لج شي ..... في خاطريه .....
خلود : طلعي كل اللي في خاطرج ......
مزنه : ما في داعي ....... سكتي احسن ....
وندى مثل الاطرش في الزفه .... ما تعرف السالفه .......
خلود : والله تقولين ... مزون خليها على راحتها ..........
وضحى : خلود ....تدرين اني كرهتج .... سمحيلي ...
خلود : ليش عاااااااااد ......
وضحى : خلود .... لو سلطان صار له نفس الشي ... ما كنت بتكرهين اللي كان السبب ؟؟؟؟؟؟؟؟؟؟؟؟؟؟؟؟؟؟؟؟؟؟
خلود ( سكتت )
ندى : حووووووووووووووه .... شو السالفه ... وانا يالسه بينكم مثل الهبله ......
مزنه : ماشي ..... وضوح ... لمي ثمج ...
ندى : وضوح دخيلج ... شو السالفه .... باموووت ان ما قلت لوي .....
وضحى : شو في ندوي ... السبب في حالة محمد هذي .... هي خلود ...
ندى : كيييييييييف ....!!!!!!!!!& #33;!!!!!!!!!& #33;
وضحى : محمد يحب خلود ... و ما ستحمل انها تكون لغيره ..... وعاف الدنيا واللي فيها ....
ندى : آآآآآآآآآآآآآآآآآآآآآآآآآ آآآآه ... خلوووووووووود حراااااااام عليج .... والله ما تستاهلين ان حد يحبج الهذي الدرجه .... ياليت حد يحبني مثل ما محمد يحبج ....
خلود : والله .... ما كنت ادري انه يحبني الهذي الدرجه ... لو كنت ادري .... ما كنت جرحته ... كنت انترضته العمر كله ......
وضحى : انزين ... الحين شو بتسوين ....... بتوافقين على حمدان ....!!!!!!!!!& #33;!!!!!!!
خلود : اذا محمد يريدني ... اكيد برفض حمدان ...... محمد عندي يسوى الدنيا و ما فيها ....
ندى : اوووووووووووووووووووووووه .... الشيخه حبت ....
خلود : والله ... اني كنت قبل كل ما شوفه احس بشي في قلبي بس ما كنت اعرف شو فيه .... ويوم كان عندنا اخر مره ... وشفت حالته ... عورني قلبي ... وبعد يوم كلمني ... وغلات بو خليفه اني ما بت هذاك اليوم .... كنت طول الليل افكر في نظرته اليه ....
ندى : والله وقمتي ترمسن يا خلود ... ما حيدج جي ... اللي في قلبج دايمن في قلبج ما طلعينه حق حد ...
خلود : هذي المره غير ... اريد ارتاح واقول كل اللي في خاطري .... والله اني خايفه انه يغير رايه ويقول خلاص ما اباها ....
وضحى : تدرين ... ان طلع محمد من المستشفى .. و ما خطبج ... والله لذبحه وذبحج معاه .. واخر شي انا انتحر ..
خلود ... مزنه .... ندى ....( هههههههههههههههههه) ....
ويلسن يسولفن ..... لين ما طلع الصبح ....ونامن .....
وكان خليفه في هالوقت يكلم مريوم بنت خالته ........
خليفه : مريووووووووووم .... وينج ... شعندج ما تردين ..؟؟؟؟؟
مريوم : شعندك .... الله يحشرك .... كنت اكلم عنود ...
خليفه : ( وقف قلبه من قرى اسمها ) ...... وشحالها ... القاطعه ..... مره ما تسال .....
مريوم : ههههههههههههههه .... شو تتحراها .. وحده من خايساتك ....
خليفه : يالسباله ...... شعندج .. من دخلتي الجامعه ... وانت طال لسانج ...
مريوم : ههههههههههههه ... امزح معاك .....
خليفه : انزين ..... مريوم دخيلج ..... اريد اخبارها .....
مريوم : وليش ان شاء ......؟؟؟؟؟؟؟؟؟؟؟؟
خليفه : ما ادري .... بس كل ما اقرى اسمها ... او افكر فيها ... قلبي يفز ... والله ما عرف ليش ... مع اني ما كلمتها وااايد .. ولا اعرف عنها شي .....
مريوم : اممممممممممممممممممممممم ... اللي انه اعرفه انه هذي الاثار ... بدايه مرض ... يسمونه ( الحب )
خليفه : لا والله ... يا فيلسوفه زمانج ..... وبعدين انت شو دراج ..... ومش بهالسرعه بحبها ... وبعدن لا تنسين اني .... خليفه الكتبي ....
مريوم : وخير عااااااااااد ..الا خلوف ....
خليفه : لا تغلطين ......هذي المره بعديها لك ...
مريوم : انزين .... لحظه ....
وراحت مريوم تكلم العنود ....
مريوم : عنوووووووووود ... بغيتج تقرين شي ...... وقولي رااااايج ...
العنود : انزين ....
وسوتلها كوبي وبيست على الكلام اللي قاله خليفه ...
مريوم : تراااااااااه ... والله ما يدري ... بس بغيت اتفق معاج في شي ... بس بعد ما تقرينه ..
العنود : اوكي ........... .....................................( بعد ما قرته ) ...... مريوم .... اولا ..... ليش يقول جي .... ثانيا ..... واااااااااااااااااايد خقاق ....
مريوم : هههههههههههههههههههه ... ما هو انا عشان جي ... اريدج تيبين راسه هذا الخقاق .....
العنود : وكيف ان شاء الله ....!!!!!!!!!& #33;!!!!!!!!!
مريوم : كل يوم بكلمه عنج .... طبعا مش كل شي .... مثلا : بيب أي سالفه فيها انت ... لين ما يتعلق فيج ... وبعدها ... بنسوي له طااااااف ... شو رايج ...
العنود : امممممممممممممممم ... ما ادري ... خايفه ...
مريوم : انت ما بتسوين شي .....خالي كل شي عليه ...
العنود : طالعوااااااا هذي .. كانج ترمسين عن حد غريب ... مش ولد خالتج ..
مريوم : هههههههههه .. صح ولد خالتيه ... بس واااااااايد شايف عمره ... وانا بنزل خشمه ...
العنود : اقوووووووووول ... باجر بنسوي ... اجتماع عاجل للشله .. وبنتناقش في هالسالفه ... تدرين ما اقدر اسوي شي من دون مت شاوهن ...
مريوم : هههههههههه ... خلاص اوكي ... باجر بنكمل السالفه ..... يله انا باروح انام ...
العنود : اوكي ... باي ...
وفي هذا اليوم .. يلست تفكر الكلام الي كان كاتبنه خليفه ....
معقوله ... يكون صادق في الكلام اللي كان كاتبنه .. وله مريوم سوت جي عشان شي ثاني ....
وثاني يوم في الجامعه .... كانت مريوم توها واصله الجامعه .... وواقفه عند الكانتين ...وشموه كانت واقفه في الطابق الثالث .... وكل وحده تزاعق على الثانيه .. والبنات يمرن يشوفنهن .... مستغربات ..
شموه : مريوووووووووووم ....... مريووووووووووووووووم ( تزاعق )
مريوم : هاااااااااااااااااااااااه .... انزلي ..
شموه : ما فيه .... بعد شوي بيبدى الكلااااااااااااااااس ...
مريوم : انزييييييييييين ... اقووووووووووول ... خبري الشله اني في اجتماع مستعيل في البريك .....
شموه : مااااااااااااااااااعليه ...
وانها العنود وحسنوه ... توهن يايات الجامعه ..
حسنوه : حوووووووووووووووه .. وين نحنا .. فضحتنا الله يفضح العدو .... من اول ما نزلت من السياره وانا اسمع مزاعقكن ..
مريوم : هههههههههههههه ....ندرب اصواتنا ....
العنود : شو بتدخلن مسابقه سوبر ستار ...
مريوم : لا سوبر اكادمي ...
حسنوه : ههههههههههه والله فايقات ... لمشن يله ورانا كلاسات .....
وراحن كلهن الكلاسات ... وبعدها في الكومن بريك ... اجتمعت الشله ...
موزوه : يله مريوم قولي شو عندج ... شموه قالتلنا ان في السالفه ..
ايمان : يا حبج حق العلوم ....
موزوه : الا بخبرج .. انت ليش يالستليه مثل الشوجه في البلعوم .....
ايمان : هههههههههه .. فديتج موزوه ... والله احب اشاكسج ...
موزوه : هذا اللي انا ما خذتنه منج .. تقصين عليه بكم كلمه .. وانا الهبله اصدقج ..
ايمان : ههههههههههه ... كله ولا زعلج ... يلع عاااااد موزوه .. والله امزح معاج .....
موزوه : خلاص .. تدرين .. اني ما اقدر ازعل من الغالين ..
شموه : انزين اسكتن .. بعدين تفاهمن .. وتراضن ... مريوم .... تفضلي على المنصه
مريوم : هههههههههه ... انزين .............................................( وخبرتهن عن سالفه خليفه )
ايمان : من حقه .. انتن شفتنه محلاه .....
حسنوه : حتى ولو انا مش موافقه على الفكره ...
سلامي : انا بغيضيه الريال اللي يشوف عمره .... اقول عنود ...والله لو انا عنج لرويه ... واكسر خشمه ....
ومثل ما قالت مريوم ..... انت ما بتسوين شي ... وهي بتسوي كل شي .....
شموه : انا بعدني ما قلت راي ....
مريوم : هوووووووس ... هووووووووس .... البوس شموه بتقول رايها ...
شموه : شوه تتطنزين ...
مريوم : حشىىىىىىىىى ... ما اطنز ... هوانا اقدر ..
شموه : اتحرى ....المهم .. انا اعرف مريوم زين ... ما بتسوي شي غلط .. ولا بتوهق حد في مشكله .... قبل ما تسوي شي تفكر فيه مليون مره ... وانا واثقه فيها .. وكل اللي بتسويه ...انا موافقه عليه ..
مريوم : فديتج يا شموه ... والله محد فاهمني غيرج .....
العنود : اذا هذا رايكن خلااااااااااص انا ما عندي مانع ... بس شرط ... انا مالي خص اذا صار أي شي ...
وبعدها قامن يمشن ....
مريوم : اقوووووووول ... شوفن هذيج البنت ...
حسنوه : بدينه ... بسج مطالع .....
مريوم : شعندج ... مش حرام .....
شموه : شوفي شوفي ... محد بيمنعج ......
وفي هالوقت كانوا اهل محمد عندهم ...... وبو محمد بعد كان موجود .....
بو محمد : مزنه ... تعالي برى ... اباج .......
مزنه : ان شاء الله ......
وطلع بو محمد .. ومزنه ...........................برى الحجره .......
<img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0><img src="http://oasis.bindubai.com/emoticons/cool.gif" border=0>
</font>
رد مع اقتباس
مواقع النشر (المفضلة)