<font color='#000000'><p align=center>.. ما ادري اذا انتوا تشوفون الاعتراف هو الحل الصحيح ..</p>
<p align=center>.. لكني ما احبذ الشي هذا وما اقول الكلام هذا الا من بعد ما شفت اكثر من حاله مثل حالتك اخويه ..</p>
<p align=center>.. لان الرد بيكون اما موافق للي تباه او عكسه تماما ..</p>
<p align=center>.. طبعا اذا عكس اللي تبا الله يعينك ..</p>
<p align=center>.. واذا حصل اللي تبغيه والبنت ظهرت تباك مجرد اعترافك لها بيربطها فيك اكثر ..</p>
<p align=center>..وبيعطيها الضمان الأكيد على ان حياتها باجر ما بتكون الا معــــاك ..</p>
<p align=center>.. وبجذا حبها لك بيكبر يوم بيوم ..</p>
<p align=center>..والمفروض ما يستوي هالشي لان محد عارف باجر شو ممكن يصير .</p>
<p align=center>.. ومحد يضمن نفسه ..</p>
<p align=center>.. وما يستوي تتعلق بنت الناس بأمل عادي يضيع بين يوم وليله ..</p>
<p align=center>.. وتتعذب عشانه بعدين ..</p>
<p align=center>.. صدقني انا اقولك هالرمسه من واقع شفته بعيني ومب خربطان من هنا والا هناك ..</p>
<p align=center>.. وما اقولك انك تيلس ساكت حاط ريل على ريل وتتريا الايام تقدمها لك هديه ..</p>
<p align=center>.. لنها احتمال تضيع منك جذا وان شاء الله ما يستوي هالشي ..</p>
<p align=center>.. يعني اذا كنت تباها من الباب ياخويه دون اعترافات او غيره ..</p>
<p align=center>.. الاعترافات لاحق عليها بعد ما توافق عليك ان شاء الله ..</p>
<p align=center>.. وبعدين انا متأكده انها حاسه فيك وتترياك تنطق بكلمة ..</p>
<p align=center>.. بس مب لها .. لابوها او اهلها ..</p>
<p align=center>.. ولا تخاف وتقول كيف بتكون بعد الزواج ..</p>
<p align=center>.. مهما كان الواحد ما يلاقي كل اللي يبغيه في شريكه الثاني ..</p>
<p align=center>.. فالاحسن انك تكون مستعد لبعض التنازلات عشانها ..</p>
<p align=center>.. مثل ما هي بتتنازل لك عن اشيا احتمال ما توقعتها فيك ..</p>
<p align=center>.. والله يوفقك ويكتبها من نصيبك امين ..</p>
<p align=center>&nbsp;</p>
<p align=center>أختك </p>
<p align=center>..::.. ريم الاوطان ..::..</p></font>