رنــه ( توت توت )

**أحلى منصوري** · 23-02-05 ||, 11:53 PM

الســــــلاام عليــــــكم ورحمــــــة الله وبركـــــــاته

لا اتقولــون ليــه هــدي ترى أعصابي ( باضت على قولت إخوانــا المصرييــن <IMG src="http://oasis.bindubai.com/emoticons/fa56.gif" border=0> ) يعني اتلفت واختربــت ، اخترعوا الأجانب اللي يجزاهم ألف خيــر التلفــون المحمــول أو الموبايــل مواكبــة للتطــور والعولمــة ( في كل مكان لاحقتنــا وين ما انروح حتى في الأكل ، كل بالشوكة والسكيــن خل تتعولــم <IMG src="http://oasis.bindubai.com/emoticons/fa44.gif" border=0> ) ، خل نرجع للتلفون قبل لا أخلص الشاني وينتهي مفعولي <IMG src="http://oasis.bindubai.com/emoticons/fa35.gif" border=0> ، سبحــان الله يعنــي الواحــد صــار شرات وزيــر الداخليــة ولا الخارجيــة ( رحت فيها يالمنصوري وباكــر بعيــن الشمــس إنتــه على المريــخ ، لا فديت وزرائنــا الحلويــن <IMG src="http://oasis.bindubai.com/emoticons/fa35.gif" border=0> ، كلنــا نحبهــم ، ردوا ورايــه أحســن لكم <IMG src="http://oasis.bindubai.com/emoticons/fa44.gif" border=0> ) ولا شرات رجــال الأعمــال ، ويــن ما انروح شاليــن هالتلفون ، هب هنيــه المشكلـة لا وكلا وألف لا ، المشكلة في اللي شال التلفون قذانا وحشرنــا ، كل اشويــه يرن تلفونه ( يمكن محد يتصل عليه ومحتشر على هالشي وقلت بحط عليهــم <IMG src="http://oasis.bindubai.com/emoticons/wink.gif" border=0> ) والمشكلة هب في اللي يتصلون فيــه لا ولا وألف كلا المشكلة في رنــة تلفونــه ، يعني اشويه ويرصقنــا شو يتحرانا فيفي عبدو ولا مس موور ( مدرستنــا مال اللسينق في أول كورس ليـه في الجامعــة <IMG src="http://oasis.bindubai.com/emoticons/fa52.gif" border=0> ) ، يالحبيــب يالطيب فديتك وفديت خشمــك ، تبــى ترقــص ارقص لحالك نحن شو ذنبــا نتأذى منــك ومن هالتلفون ، وصــدق اعوف عمريه يوم يرن تلفون واحد من الشباب في المســيــد ، الإمــام يصلــي وهو حاط لنــا بوبكر سالــم ، استح على ويهك تراك تتعبــد ربــك ، المسكيــن يمــكـن ناسي ولا يتناسى بس عشان يسوي شوشرة للملصيـن ودامك ناسي عيل ليش اتحط هالرنات من الأساس .

مرات انكون يالسيــن في الميلس ويرن تلفون واحد من الشبــاب وفجـأة تلقاه يعتفــس ويسكت التلفون وينحرج لأنه حاط حربي العامري يغني ( ويلي يا ويلي ويلي ويلي ... <IMG src="http://oasis.bindubai.com/emoticons/biggrin.gif" border=0> غاب القمـر عن ليلي <IMG src="http://oasis.bindubai.com/emoticons/fa56.gif" border=0> ) انزين يوم ما تبى نتحرج خل رنتك شرات الخلق ( المحترميــن ) ، مرات احط رنه عاديه من التلفون وأحس باحراج إذا تلفوني بدى يرن وايد وأنــا بين حضرة جناب الشيبه عيل هذيله ما يحسون ، لا تستوون شرات عديمي الإحساس والتفكيــر من صنــف ( عن الغلط يالمنصوري واحترم نفسك للحنيه حاشمينــك ، إن شاء الله طال عمــرك <IMG src="http://oasis.bindubai.com/emoticons/fa45.gif" border=0>) بس دخيل والديــك غيــّـر رنتــك ..

اليــوم طفرت من هالأشكــال ، يعني المدرس يشرح والحبيب حاط تلفونه على الهزاز أونه من الشخصيات المهمة يخاف يرن تلفونه وما يسمعــه ، يالحبيب ناس عايشه من دون تلفون وإنته متفلسف ما تقدر اتفارقــه <IMG src="http://oasis.bindubai.com/emoticons/fa44.gif" border=0> ، بس عيبني اليوم مدرس الماث ( لا تزعلون مدرس الرياضيــات <IMG src="http://oasis.bindubai.com/emoticons/fa56.gif" border=0> ) يوم احرج واحد من الشباب اللي عندنـا في الكلاس بس عن طريق النظرات <IMG src="http://oasis.bindubai.com/emoticons/laugh.gif" border=0><IMG src="http://oasis.bindubai.com/emoticons/laugh.gif" border=0><IMG src="http://oasis.bindubai.com/emoticons/laugh.gif" border=0> ,,
ويا يبى يغلق تلفونه وبالغلط طلع صوت حسيت بإن عيون المدرس مدحوبه كره وحقد على هالطلاب ، خل يتأدب مرة ثانيــة يخلي تلفوني في السكــن ، يعني وقفة على هالكم ساعة اللي بتكون فيها في الجامعــة بيتصون بــك ، اللي أحيــده وزيرة الخارجية البريطانية ضيعت رقمــك لأنها كانت كاتبتنه في ورقة <IMG src="http://oasis.bindubai.com/emoticons/fa44.gif" border=0> ، ولا كونزيرار رايز ( بتعلم أنطق كل الأسامي إلا إسمها <IMG src="http://oasis.bindubai.com/emoticons/wow.gif" border=0>) وزيرة الخارجية الأمريكية غيرت تلفونها وضاع رقمــك <IMG src="http://oasis.bindubai.com/emoticons/fa44.gif" border=0>( عن طريق التبرعات الأمة العربية لفلسطين  مسكينة اشترت تلفون يديد ) ، يا ود استح <IMG src="http://oasis.bindubai.com/emoticons/fa32.gif" border=0>.

بعض الشباب يتحسبون إذا حطوا ميحــد حمــد كرنـة لهــم بيستوون بدو <IMG src="http://oasis.bindubai.com/emoticons/laugh.gif" border=0> ، ولا إذا حطيت جواد بتستوي شراته <IMG src="http://oasis.bindubai.com/emoticons/crazy.gif" border=0> ، أنا ما أقول لا تسمع أغاني لأن تقريبـاً كلنــا نسمع أغاني بس أقول لا اتحط هالرنات الماصخـة وإذا عندك تسجيلات أغاني إسمعها لحالــك ، نحن ما نبى نسمعها ولا نبــى حشرتك ، أونه شوفوا ذوقي أعرف احط أغاني ، يوم يزعلوني أحد خالد عبدالرحمن ويوم أفرح أحط حمد العامــري ,, عاد كله ولا رنات أليسا <IMG src="http://oasis.bindubai.com/emoticons/fa44.gif" border=0>

لا تستوي شرات المينون ولا شرات الملدوغ يتفرك بالأرض ، استهدى بالله وخل رنتك ( توت توت <IMG src="http://oasis.bindubai.com/emoticons/biggrin.gif" border=0> )

نسيت الشاني بسبة هالموضوع <IMG src="http://oasis.bindubai.com/emoticons/fa44.gif" border=0>


والسموحه

أخــوكم
أحلى منصوري

آخـــر الــمــواضــيــع

الموضوع: رنــه ( توت توت )

أدوات الموضوع

عرض

مشاهدة المواضيع

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة