<font color='#000000'><p align=center>عدنـــــا ؛؛
حبيب قلبي مسافر للجفا ،،، تعال أنا برمسك .
كلنا كنا انعرف فريق الوصل على أيام الثمانينات وبداية التسعينات .
كان أفضل فريق في الدولة .
ست لاعبين منه في المنتخب .
الكل يتذكر زهير بخيت ، فهد خميس واخوه ناصر خميس ، فهد عبدالرحمن واخوه فارورق ، حسن محمد ، بولو الوصل ، وغيرهم من اللاعبين اللي ما اذكرهم الحينه .
وكان قلعة للبطولات على أيامـــه .
أما الحينه ،، فريق من دون مجيدي ما يسوى شي ،، لو يلعب ضد بني ياس بيفوز عليــه .
مباراته ضد نادي الامارات ،، اتعرف نتيجتها ؟؟
لعبوا من دون مجيدي ،، وبالحسرة فازوا .
على أيامه الوصل كان يفوز على العين بالثلاثة والاربعة .
واذا غاب عنه لاعب ما يضره .
وبعد كان شراته نادي الشارقة والخليج .
والحينه الكل قابض على فريق العين ،،
أونه يدفع فلوس .
أفضل إدارة إدارة نادي العين .
وأفضل اهتمام اهتمام ادارة نادي العين .
في 1998 فاز نادي الوحدة بالدوري ليش محد قال عنه بأنه دفع فلوس .
فريق العين فاز على الاهلي والشباب والوصل ،،
في كل مبارة كانوا دافعين ؟؟
بعد هب ناقص الا اتقولون بأنه السماعة اللي في أذون الحكام موصلة ب .... ( مجلس إدارة نادي العين)
معروف أي فريق ينجح يواجه النقـــد .
على فكـــــرة : أنا هب عيناوي ولا أحب نادي العين بس احترماً للعبه اشوف مبارياتــه الحلوة .
العقل زينــــــه يا مشجعين .
لو بلاتشي أو حتى إدارة نادي الأهلي عندها شي خل اتقوله في دبي الرياضية قدّام الناس ولا فالحين في الكلام من تحت الطاولة .
ونحن كنّا نتكلم عن الوصل وعن الاستبيان ،،، شو ياب الأهلي .
ولا في مباراة الوصل والعين سار غش ؟؟
هدف صحيح لمحمد عمر غير محسوب .
4_1 مع الشفقة العيناويــة .

والسموحه

أخــوكم
أحلى منصوري



</p></font>