مشكلتي .....

[ملك]

<font color='#F660AB'>السلام عليكو

مشكلتي زوجة عميه ... و بنتها

حقودات ... ما يحبون الخير لاحد ... ما ييصلون الا جدامنا ....

هيه حرمة عمي شغّاله في السحر .. اعوذ بالله

تكرة امايه بدرجه فضيعه ... دوم تسوي فتن بين حريم عمومي ... و تطلع البريءة المسكينه .. ساحرة عمي و يدتي و يدي..

رغم كل الي تسويه ... ما يرمسون .. و يحبونها زود .... و بنتها كرهتني في بنت عمي الثانيه ...من كنا يهال ... اول مرة احب بنت عمي

و هي تحبني قبل العيد بيوم ... صارت مشكله ... و انفضحت ...

بس بعد ساكتين ... ما عرف ليش ما يرمسون ... دوم اقل لامايه سوي شي ... الكل خايف منها .. لانها ساحرة

تسوي سوا للعالم .. حتى بنت اختها ..فرقت بينها و بين ريلها .. مب حرام يا عالم ... وينها من عذاب الله

ربت بناتها على التجسس ... و نقل كلام و فتن ..

انزين شو ذنبهن بناتها ... عمي مسكين طيب ... يننته صار يسوي حركات ما يسويها واحد عاقل ...

يغارون من اي حد نجح في حياته .... عمي العود كان بيطلق بنت عمه و السبه هي وقفت فوق راس يدوه مادري شو سوت بها ... امي و ابوي كان في مشاكل من بينهم .. بس الحمد لله ما &nbsp;صار شي

يدتي ما كانت تحب امايه دوم تجرحها و امي ما تخبر ابوي .. لانه يحب امايه .. و يب امه .. ما تباه يتمشكل ... و احين يدوه كل ما تجوف امي تقولها سامحيني
ما ادري ليش كنت اسوي جيه ...

يدوه تحب بنت عمي هاي واااايد .. مادري كيف ليش و عشان شوه .. اكثر منا كلنا .. و تفرق في المعامله لدرجة انها مرة اتصلت بيتنا تليفون .. تقولي فلانه عندج عطيني اياها ... انزين يدوه عبريني انا مب اكبر عنها انا بنت ولدج و لا بنت الييران .. احين ندمانه على كل شي كل ما تجوفني تيلسني حذاها و تدعيلي
يمكن صحت ...

ما دري شو يبغون منا ليش جيه ... انا ما كنت ادري بشي .. كنت اتحرا الناس تحب بعض .. تفاهم .. اخلاص .. خير.. لين عرفت .. انصدمت

في ناس توصل فيهم الوقاحه يسون هالاشيا ....

امي دوم تييب حرمه تسوي محاضرات بيتنا ... و تعزم الاهل .. حرمة عمي و بنتها ... لكن ماشي فايدة ....

مرة تعمدت انا و بنت عميه الي كنا نكره بعض... و طرينا سالفت السحر في المدرسه و عقاب تارك الصلاه في المدرسه و بنت عمي الحقودة معانا .. و تمينا

نرمس و نرمس .. انا زغت يوم جفت ويها ... فاجه عيونها ... و تعض شفايفها من الخوف ..... و بعدين بكل بساطه قالت . عادي عادي لو كان عشان نخلي الناس يحبونا ..

انا فولت .... بس للحين ما نروم نقولهم انتوا سحره ... &nbsp;او شي غيرة

صرنا نخاف منهم .... عايشين في رعب .... امي تخاف تدخل عيالها بيتنا ... تقول ما دري شو بيسون لنا ....


قولوي شو الحل تعب قلبي و الله ..... انا احبهم ... اخاف عليهم ..... المشكله كل ويك اند لازم نجوف بعض و انا من النوع الي ما عرف اجامل ... خاصه الي مثلهم ... كيف نصلح من حالهم ... ابغي رد ....

شسوي ... تعبت و الله تعبت</font>

[قلوب دبي]

<font color='#000080'><p align=center><img src="http://oasis.bindubai.com/emoticons/smile.gif" border=0>
السلام عليكم و رحمه الله

سبحان الله و الحمد الله و لا اله الله و الله اكبر
الله اكبر على السحر و السحره
ختيه الغاليه قولي ما يصيبنا الا ما كتب الله لنا والله سبحانه و تعالي هو القادر على كل شيء&nbsp;اللي يالسه
&nbsp;تسويه مرت عمج شي خطا و حرام لانه كفر بالله شيء اشرطه دينيه تبتاع في السوق يعني في التسجيلات الاسلاميه اتبين عقوبه هذيله اللي يسون السحر وا للي يتبعونهذي الامور يمك يكون كلامي انا و الا كلامج
&nbsp;انتي ما يوصل الغرض المطلوب الهم بالطريقه اللي يمكن ان يوصلها المطوع او الداعيه . انتبهي اهني اقصد
( المطوع ) و المطوع هو كل من اطاع الله و رسوله من السحره المطوع اللي يتعامل مع القرآن وهب
&nbsp;التعويذات و التمائم , وقال الرسول صلى الله عليه وسلم تهادوا تحابوا , حاولوا تكسبون رضاهم و محبتهم
&nbsp;بأنكم تعاملونهم باللطف وا للين و المعامله الحسنه و تجاملونهم و ان حتى تنفخونهم و تقولون الهم انهم
اوكيه قولوا عشان تجتنبون شرهم , يعني شي كلام وايد لو ايس اقول ما بخلص , و حاولوا اتشغلون سوره
البقره في البيت تراها وايد زينه و هيه لو تاكلون كل يوم سبع حبات من العجوه على الريج يبعد عنكم السحر
&nbsp;ان شاء الله ,,
ربي يحفظج و يحميكم من المشاكل
و يجمعكم على الخير و البركه

السموحه

قلوب دبي</p></font>

[ملك]

<font color='#F660AB'>اخوي قلوب دبي ...

تصدق وحدة من بنات عميه توها معرسه ... من الخوف انهم يسون لها شي تحلم بهن &nbsp;كل يوم و تنش من الرقاد تصيح

و ماتروم تقول لريلها و الله اهليه كذه و &nbsp;كذه .... مب حلوة ...

سوينا كل الي قلته احينه .. لكن ماشي فايدة ...

يتحرونا يوم نعاملهم باحسان &nbsp;انه من السحر الي يسونه ..

و يتمادون ...

سورة البقره كل يوم اثنين و يمعه نسمعها في البيت فوق و تحت ..

اشرطه دينيه وايد عطيناهم .. لكن ابصم لك بالعشر ما سمعوهن ....

وديناهم محاظرات دينيه ... يمكن يوم يومين خافوا عقب ردوا مثل ما كانوا ....

صح لن يصيبنا الا ما كتب الله لنا ... بس لازم ناخذ بالاسباب... حنا انسوي الي نروم عليه

و نتوكل على الله .... و الله يسامحها دنيا و ااخرة ....


و مشكور &nbsp;على الرد


&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;اختك ملك</font>

[قلوب دبي]

<font color='#000080'><p align=center>لا حول و لا قوه الا بالله
امرهم غريب هالناس
خلى في بال شي ان الله يمهل و لا يهمل
اهم شي خلي ايمانج بالله قوي و ان شاء الله بيكون كل شيء بخير و بنت عمج الل مزوجه قوليلها انها تقرا القران و اشتروا العجوه تراها وايد زينه الرسولصلي الله عليه وسلم كان ياكل
&nbsp;و يقولو 7 حبات ع الريج&nbsp;تحميكم طول اليوم
ادعولهم بالهدايه
ربي يحفظكم و يحميكم

قلوب دبي</p></font>

[أحلى منصوري]

<font color='#000000'><p align=center>الســـــــــلاام علـــــــيكم ورحمـــــــة الله وبركــــــــاته
<font color=#0000ff>اختيه ملك :
</font>يقول رسول الله صلى الله عليه وسلم :
( <font color=#cc0000>من أتى عرّافاً فسأله لم تقبل له صلاة أربعين يوماً أو أربعين ليلة</font> )
وكذلك :
( <font color=#cc0000>من أتى كاهناً &nbsp;فصدقه بما يقول فقد كفر بما نزّل على محمد</font> )
صدق رسوله الكريم عليه الصلاة والسلام .
وشي شرايط شرات ما قال اخويه قلوب دبي تقي من هالسوالف .
وربج الحافظ من هالسوالف .
وشي أذكار بعد للسحر .
ولكل ظالم نهايـــة .
وربي يصونج من السحر .
وان شاء الله تنحل مشكلتكم .

والسموحه

أخــوكم
أحلى منصوري</p></font>