<font color='#000000'>مرحباااا الغاااالي قلوب دبي توقفت وايد عند موضوعك و صياغتك له و الصور الي طعمت بها الموضوع و سرحت بعيد سرت الفريج مره ثانيه سرت نفس الاماكن بس بصورتها الحاليه حسيت بالغربه في فريجنا دشيت بيتنا الجديم الي كنا نركض و نلعب فيه و نندس بيتنا صار اصغير اصغر من ان طفلين يندوسون فيه وكنا هذيج الايام فوق الخمسه شي غريب قمت من مكاني و موضوعك بعده متعلق في ذهني مشيت في سكه من سكيك فريجنا شفت اليهال يلعبون وقفت اطالعهم و اتخيل واحد منهم كبر و واقف عدالي ايقول لي اتشوف فلان بو الكندوره الكركميه اتشوفه قلت هيه بلااه قال هذا بيصير رئيس قسم قلت هذا المبهذل قال هيه و اتشوف الحارس قلت هيه قال هذا بيسافر امريكا يدرس وبيصير له شآن كبير قلت بس هذا موب ولد عرــ قال ارزاق ربك يقسمها ضحكت من خاطري وقررت هالمره انا اسأله انت منو بينهم قال اتشوف هذاك الكاشخ الي ما يبغي ايخيس اثيابه قلت له هي قال هذا انا و انا ساير الجامعه اسوي حادث و اموت قلت بعيد الشر عنك قال لي :- هاي اقدار مشيت عنه لانه خوفني لاني ما كنت ابغي هالخاطر ايمر بي - كان همي شي واحد اني احصل فرصه وحده بس و اشوف افريجنا بنفس عيون هاليهال و امشي لبيتنا بقلب بريئ و افكر بكل طفوله - ايام ما تتعوض و اشخاص ما تنسي ذكرياتهم - ما ادي شو كتبت ولا براجعه بترك الي انكتب امنيه عبر الاثير اقروها انتوا لاني مجرد خنفروش</font>