<font color='#000000'><p align=center>القطوة
مشكورة فديتج على الرد
همس الجفايا
هلا حبوبة تسلمين على الرد
والسموحة اني عدت الصورة وخربطكم
هتان المنتدى
هلا حبيبتي
مشكوووووووووووورة على متابعة لج للقصة
والتكملة
</p>
<div align=center>الساعة 3:15..الظهر..
في غرفة الطعام ..موزه وسلامي ..يالسات يترين أمهاتهن لين ما إين من فوق .....
موزه...وحاطة راسها على الطاولة :أفففففففففف مليت ....
سلامي:مي تو....
موزة حطة إيدها على خدها:سلاااااااامي..والله مليت ...شو جيه كلة في البيت ما ظهرنا بقعة..
سلامي:يعني وين تبين تروحين؟؟؟...هنيه منطقة كلها مزارع ما فيها شىء إنترستنق...
موزه ..رفعت راسها:أقول سلامي ....أول أمس حمد وداني عند اليخت..
سلامي:يخت!!!!!! 3;!؟؟؟؟؟؟
موزه:هيه ..ماتعرفين أنهم عندهم يخت ؟؟؟
سلامي:لا والله مادري...
موزه:هههههه فاتج ...لو تشوفينة يخبل....
سلامي:ما يخصني بقول لمحمد ولا لسعيد يودوني عند اليخت ...
موزه:ههههههه وحليلج أنا سرت وشفتة حتى من داخل ...
سلامي:جذوووب...
موزه:والله ..هو حلو ....بس قالى حمد بس هم يسيرون في الأجازة ويا ربعهم....
سلامي:وونحن مالنا رب؟؟...
موزه:شدراني ؟؟..أقولج شو رايج بعد الغدا نسير المرسا ..والله لو تشوفين المكان حلو ......وبعد عدالة مطعم وقلعة كبيرة بس ما دخلناها لأنها كانت مسكرة ...شو رايج؟؟
سلامي:والله لو الشور شوري جان الحين سرت..بس تعرفين هالعيايز راسهم يابس...
موزه:ماعليج أنا بقنعهم ...وساعديني ..بس عاد كلنا منقولهن مب بس أنا وإنتي ..وين مى ؟؟ونورة ؟؟..
سلامي:هاي مى..يالسة صيح من الصبح ...ونورة مادري وينها.......يمكن تسبح...
موزه:الله يهداها مى..بعد هذا إخوج غير شكل ..عنبوه ماعندة مذهب ..
سلامي:أخوي معروف أنة أكبر مغازلجي في العيلة ...يعني يسري في دمة ..
موزه:لا والله يعني الحين لو عرس.شو بسوي؟؟؟؟؟؟؟؟..
سلامي:عاد هو وحرمة يتفاهمون ...
موزه:يحافظ........
سلامي:قومي خلينا نشوفها .....
موزه:أقولج وين قوم أمايا ماحد نزل .ما يبون غدا؟؟؟
سلامي:شدراني ..خلينا نسير عند مي...ونشوف شياهن ما نزلن للغدا.........
الساعة 3:30...الظهر....
عند باب المستشفى .................بخطوات بطيىء..حمد عدالة سعيد ..........ولا كلمة ولا نفس..يمشون لين السيارة ركبو السيارة ......
حمد ظرب بإيدة بقو السكان .....:.................
سعيد ..منزل راسة ....ما يعرف شو يقول ولا شو يسوي..........
حمد..لف ويه صوب الدريشة ...وعيونة تغرغر بالدموع:شو ..................شو ..............شو هالحالة .........والله بتخبل .......
سعيد:حمد إستهد بالله ..يمكن هذا الدكتور مخرف...
حمد:شو مخرف الله يهديك ....ليش قال انة كل شىء غلط ..شو يلعب وياي..والله لو ما مسكتني جان جتلته مسود ويه ....
سعيد:حمد شو بسوي مشاكل ..والله لو ما يعرفنا من زمان جان رفع عليك قضية ....
حمد..يزاعج:خلة يرفع أنا إلى برفع له .فقتة ..عنبوه كل يوم برمسة .دكتور هذااااااااااااااااا؟؟؟؟؟؟ ؟دكتور؟؟؟؟؟؟؟؟؟؟؟؟؟؟؟؟؟؟؟ ؟
سعيد:حمد ....حط الرحمن في صدرك .......
حمد......سكتت ...من الضيجة ..مايروم يتكلم ...........يلس ساكت ويفكر............
سعيد...مضايق.......ومضايق صدقة حمد في كل كلمة قالها..عنبوه هالدكتور كل يوم برمسة ..مرة يقول هيه ومرة لا...........
حمد:إنسير البيت ..........
سعيد..مسك إيدة :حمد نزل من السيارة أنا بسوق.......
حمد:لا ماريييييد......
سعيد:ورفجة أنا بسوق ...حالتك ما ساعد.......
حمد:قلت ماااااااريد......
سعيد..سكتت عندة يعرفة يوم يكون مضايق يسوي أي شىء ..مايريد يزيدة ....
سارو البيت وكانو ساكتين طول الدرب..ولا كلمة .......وسعيد كل شوي يطالعة ....وحمد ويه أحممممممممممر ........ومضايق ....ما يتحمل أي شىء .. من الضيقة ........
دخل البيت ....وسكر الباب وراه بقو ...وسار الصاله ..ووراه سعيد...........حمد عند الدريشة ...سعيد وقف ........
سعيد:تبا شىء من المطبخ؟؟؟؟؟؟
حمد:................................
سعيد سار المطبخ .....وحمد واقف ولا تحرك من الدريشة ....يفكر بإلى يستويلة ......
الساعة3:29 ...الظهر..........
في بيت قوم خالد..........في الصالة ...الشباب يالسين يسولفون ...بروحهم والشواب داقين سالفة عن شغلهم .........
خالد:حمد وسعيد بعدهم ما يو؟؟؟؟؟
محمد:لا والله بعدهم.......إلا ما خبرونا علومهم؟؟
حمدان ..مظهر تيلفونة :أنا بدق...لحمد....
سلطان :الحين بتلقاهم راقدين ........
حمدان:حمد ما يرد......
حميد:دق لسعيد........
حمدان .يدق لسعيد.........بعد سعيد ما يرد.......
سلطان:قتلك راقدين ......
خالد:عنبوه شرقادة لين الساعة 3 ......
ذياب:ههههههه.ماتعرف سعيد ..مادام ساير لندن تلقاه أمس راقد الفير.....
حميد:أكرمكم الله ......
خالد:وييييييييييين؟؟؟؟؟؟؟
حميد:منرد..البيت ........
حمدان:عنبوه يا حميد يلس ........شو متلاحق؟؟
ذياب:وايد يلسا عندكم ...والله الوالدة محتشرة ......
محمد:جيه أنتو مب يهال تحتشر..يلس ...
حميد:مشكوورين ..وكثر الله خيركم ...بس لازم نرد اليوم ...
ذياب:يالله ويهنا.......
وسلمو على الشواب....وظهرو برى ..وقوم حمدان ظهرو وياهم ..لين السيايير.......
ركب ذياب وحميد السيارة ..وقوم حمدان واقفين عندهم ....
ذياب:تامرونا بشىء؟؟؟؟؟
حمدان:سلامت راسك.......
ذياب:الله يسلمك....
حميد:يالله فمان الله ......وسلمو على حمد وسعيد ..وأنا إن شاء الله بدق لهم تيلفون ....</div>
<p align=center>محمد:على خير إن شاء الله ....
خالد:ديرو بالكم على نفسكم وسوقو بذهن ..ترا الثلج هالسنة وايد ....ولا سرعون...
حميد:إن شاء الله ...
ذياب:حمدان ..سلم على شمة ..هاي المفعوصة ...
حمدان:ههههههههه..يبلغ.......
ذياب:فديتها والله ..ما بتعطوني إياها؟؟
حمدان:لا بنتنا ماتهون علينا نودرها....
ذياب:والله أنتو الخسرانين ...حمدو ربكم وحبو يديكم ويه وقفا ..يوم أنى بيوزها ولدي...
محمد:ههههههههه..أول شىء عرس وبعيد يصير خير....
ذياب:لا صدق ..هاي حاجزنها.......
حمدان:يصير خير........
حميد:لا صدقة لوتي كل ما يشوف بنت حجزها لولدة...
سلطان:هههههههه..عنبوه كم وحدة تبا تيوزة؟؟؟؟
ذياب:ههههههه..الشرع محلل أربع ..وعاد أنا أحجز وإلى وبعدين بخلية يتنقا الحلوات ...وعاد هو وراية .......
حمدان:عيل بتبطي..أيوزك أختي.مادام أنت أبوه ما بتشوفها لا أنت ولا ولدك.....
ذياب...رافع إيدة :والله أنت الخسران.....
سلطان:بسك من البطرة ........لو بعدة موجود منقول..عرس أول وبعدين يصير خير........
ذياب:دعولي .........
حمدان:تصدق ذياب ..بشكارتنا تبا تاخذ واحد مواطن ..شو رايك؟؟؟؟
كلهم ظحكو.......
ذياب:تهبببببببببي..مسودة الويه...وتهبي أنت وياها ..مادام هاي رمستك ..أبرك لي أسير....
حمدان:ههههههههههههه..طيع الشور ..حلوة ...ومن شافتك يالسة تقولي بابا حمدان هذا ريال وااااااجد حلو..
ذياب:الله يغربلها وين لقتنى ؟؟؟؟؟
حمدان:شدراني ......
حميد:ذياب بسك عاد ..يالله نروح.......
ذياب:يالله توكلنا......
الساعة 3:30..الظهر..........
في الصاله......موزه مغدفة كراعينها على الطاولة ...وسلامي فاجة مسجلها (تتكلم)وموزه يالسة تسمعها.......
موزه........:سلاااااامى ...أقولج ......مب جنا ماحد عاطنا ويه ويالسات بروحها في الصاله؟؟؟
سلامي:هيه والله أشوف ....صدق نذاله........
موزه:نروح عند مى؟؟؟؟؟؟؟؟
سلامي:مادري بعدها صيح.....ياويل حالى عليها......هالبنات ما عندهم مونة إلا يغردن ....
موزه:ههههههه..عيل شو تبين يسون؟؟؟؟؟
سلامي:لو منها حقرتة ...مسود ويه .......إلا ماعرف هذا أخوي كيف يتخبل على البنات .......مستقطع....
موزه:الله يهديه......قومي خلينا نشوفها.....
سلامي:أقولج قوم أمايا ليش ما نزلن؟؟؟؟؟؟؟
موزه:شدراني بهن؟؟؟؟؟
سلامي:قومي خلينا نسير عند هاي الصياحة ....
سارن عندها ...ودخلن غرفتها ...........
سلامي .فاجة عيونا:إيه شو سوين؟؟؟؟؟؟؟
مى:إلى تشوفينة........يعنى شو أسوي؟؟؟؟؟؟؟
موزه:ليش حبيبتي؟؟؟؟؟؟
مى:بس كيفي ..ماريد أيلس مليت من بريطانيا الله يغربلها .......
سلامي:ومنو بردج؟؟؟؟
مى:بقول لبويا .....ماريد أيلس يوم واحد بعد......
موزه......سارت عندها:الله يهديج.....
مى:لااااااااااااااا تكلمنى ......خلاص برد يعني برد.........
سلامى:إإإإإإإإيه ..شفيج إنتى ؟؟؟؟؟؟؟؟؟
مى:إنتى جاااااااااب لا تكلمينى ........
سلامى ..تكلم موزه:خوزي عنى بدوس في بطنها مسودة ويه......
مى:تخسين ما ترومين.....
سلامى:والله ترانى بصفعج.......
مى:ماااااااااااااااااااات وووووووووممممممممممممييي يييييييييننننننننننننن...... .
موزه:بسسسسسسسسسسسسسسسسسسس. ......عنبوه شعندكن؟؟؟؟؟؟؟
مى:ما تشوفينها هي وأخوها تقول مانين بالعرب بمنية ......
سلامى:كنت ألوم سعيد.....الحين والله أنى ما لومة .......
مى:وليش يعنى ؟؟؟؟؟؟؟؟؟...شو خادمتج أناااااااااا .؟؟؟؟...
سلامى:أحسن لي أظهر.....
مى:أنا وايد إستحملتج وإستحملت كلامج ..بس من اليوم مالى كلام وياج ....فاهمة؟؟؟؟؟؟
سلامي:أبركها من ساعة ....
موزه:إيييييه ..شعندكن ..إستهدن بالله شو يهال؟؟؟؟؟؟؟؟؟
مى ....صاحت .............:كلكم تكرهوني...........ماحد يحبنى في هالدنيا غير ابوية ........أنا شو سويت لكم ؟؟؟؟؟؟؟؟..والله ما كد هديت على حد ......ولا حقدت على حد.......هذا يزاي أني أحب الناس وأحب لهم الخير....؟؟؟؟؟؟...أنا شو إلى سويتة غلط؟؟؟؟؟؟؟؟؟؟....خبرووني؟؟؟ ؟؟؟؟؟؟؟؟؟؟؟؟؟؟؟؟؟؟؟؟
سلامي..متلومة ..........لأنها كانت بس تمزح وياها...........موزه سكتت ........يلست عدالها........
موزه:آآآآآسفين ..والله ما كان قصدنا إنضايقج.......
مى:لا إنتى وايد طيبة .....ياليت كل الناس مثلج.......ماكد غثيتيني بكلمة ........
سلامي......أحم أحم يعني الكلام لي:آسفة .....
مى:...................
سلامي............سارت عندها...:.....والله آسفة ..بس كنت أمزح وياج.............لازعلين ......
مى:أنا أصلا ما حب أزعل من حد ..ولا حد يزعل منى ..بس انا بروحي مضايقة وإنتى ياية تزيديني.........بدال ما تواسيني.........
سلامي:أسفة .....وعلى قولت المصريين حإك علية..
موزه:يالله قومى غسلي ويهج........ونسير نتغدا......
مى:ماريد غدا ......
سلامى:لا بتتغدين يالله .........
مى:والله ما مشتهية..........
موزه....وسلامى ....يمطنها من إيدها...........ظهرن من غرفتها ......
سلامى:أقول وين راعية الحب؟؟؟؟؟؟
موزه:ههههههههههههه..شدرانى بها ؟؟؟؟؟
مى:أحيدها سايرة تتسبح......
سلامى:يالله نسوي غزو عندها ؟؟؟؟؟؟؟
موزه:يالله ..........
ماشىء جيه داشات الغرفة ...صدق تقولن سايرات يظاربن ............
نورة كانت يالسة تسحي شعرها :بسم الله زيغتنى ..عنلاتكن .......عنبوه جيه دشن الغرف؟؟؟؟؟؟ما علموكن تدقن الباب؟؟؟؟؟؟؟
سلامي:لا هذا ماعندنا في اللستة ......
نورة:خير شعندكن شو تبن؟؟؟؟؟؟؟؟؟؟
موزه ..إنسدحت على الشبرية ......:ما خبرتكن ؟؟؟؟؟؟؟
مى..عرفتها تبا تغايض.....فيلست عدالها:لا شوووووووووووو؟؟؟؟؟
سلامي.......يالسة عدال الدريشة ..على الأرض:أفااااااااااااااا ..بنت عمرج ولا تخبريني؟؟؟؟؟؟؟؟
نورة.عرفتهن:عن الغلاسة لو سمحتن ..........
موزه:ما تبين تسمعين عادي.......أنا بس بخبر ..إلى كبري.........سمعن يعلنى ما أخلا منكن.......
مى:شو؟؟؟؟
موزه:الله يسلمكن .......تعرفن الضيوف إلى عندنااااا؟؟؟؟؟؟
نورة .....طالعها بنص عين ...........
موزه:إنزين .....يا وخيتي ........ردو بيتهم ..خلاص مابيون مرة ثانية ........
نورة ..يااااااااهااااااااااااا إكتئاااااااااب:لالالالالا الالالالالالالالالا..لالا الالالالالالالالا تقولين ............
مى:يعله بذمتج؟؟؟؟؟؟؟؟؟؟
موزه:والله حمدان قالي......سارو يتغدون عند قوم خالد ..وبردون بيتهم......
سلامي:يااااااااا خساااااااارة ................ما تهنينا بشوفتهم..........صح نورة ؟؟؟؟؟
نورة:........................
موزه:صدق والله ....خسارة .....كانو مسلينا ..قصرنا الدوب وياهم اليوم الصبح ..ماعندنا شغلة إلا يالسات عند الدريشة ونشوفهم شو يسوون ........صح نورة .؟؟
نورة :بس عاد ويا ويهج .......
مى:حراااااااام ..يعني سار ؟...أنا من شفت ربيعةالثاني وحاطة العين علية ..خلاص بكنسلة سعيد ..
سلامي:ههههههههه..يهوووون؟؟ ؟؟؟؟؟
مى:هيه ........
موزه:ماظن .............
نورة ...ساكتة ....وسرحت ..........
موزه:حوووووووووووووو...؟؟وي ن سرناااااااا؟؟؟؟؟
نورة :ماشىء ..يالله ما تبن نسير نتغدا؟؟؟؟؟؟؟
موزه:صبرن قبل ما نظهر من الغرفة ......منتفق على شىء...
نورة:شو؟؟
موزه:أنا وسلامي ..نبا نطلع ..ملينا إلا في البيت تقول هوش مزروبات في الدرس....نبا نطلع ......
مى:وين تبن ؟؟؟؟؟؟
سلامي:سمعن ..منقول لأمايا شيخة تسير ويانا وجيه ما حد يروم يفج ثمة ...
مى..فاجة عيونها: أمايا شيخة ما غيرها؟؟؟؟؟؟؟
موزه:هيه .......
مى:بتبطن.........والله ما بتشبر ويانا......
سلامي:ما عليج بقردنها ..وبسير .......
مى:كيف عاد بتقردنينها؟؟
سلامي:خلن كل شىء علية ..وبتشوفن ........
نورة:يوم غاية السيرة خبرني أنا مافيني على المشاكل ..
وطلعن من الغرفة .........وسارن الصاله ...ولقن أمهاتن في الصالة ..يالسات يسولفن ..ويلسن يسولفن وياهن ...........
الساعة .3:30..الظهر........
تمشي في الممر ..وندست ورى الباب وتوايج من فتحة الباب ..وتشوف ...منو في الصالة ؟؟؟؟؟؟
ما لقت حد ..بس الشواب ..الشباب ماحد...........
موضي:حرام ...وين سارو ؟؟؟؟؟...
هند:بووووووو....
موضي..زاغت:عنلاتج يا الكلبة ..زيغتيني ...
هند:شو سوين؟؟؟؟؟؟؟
موضي:ماااشىء ..زولي عن ويهي.......
هند:ماريد........
موضي..سارت المطبخ ..........وفجت الثلاجة ..وظهرت تفاحة وسارت ويلست على الكرسي مال المطبخ .........يا النحاسة ..عنبوه اليوم ما شفتة يوم ظهر.........أففففففففف وليش أنا جيه مهتمة منه .....خلة يولي..........
هند:شو سوين ؟؟؟؟؟؟؟؟
موضي:ماشىء .........شىء في خاطرج؟؟؟؟
هند:لالالالالا..
موضي:عيل جلبي ويهج ........
هند:موضي..............
موضي:خير.......
هند:سمعت أمايا تقول اليوم منسير عند قوم شمة .......
موضي.......والفرحة شاقة ويها:صدق؟؟؟؟؟؟؟؟؟
هند:هيه ...........
موضي:وين أمايا؟؟؟؟؟؟؟
هند:سارت تنام ........
موضي:أوكية ........وسارت فوق ........تدق حق قوم موزه ..وتخبرهن أنها بسير عندهم اليوم .......
الساعة 3:30........الظهر.......
حمد على وقفتة ما تحرك .....بس عيونة هي تلمض.....وسعيد ....بالمثل..........
سعيد:حمد..................
حمد:.............
سعيد:يا حمد صدقني هذا إلى سويه ما فيه فايدة ........
حمد:أريد أعرف شىء واحد......
سعيد:..............
حمد:متى بموت؟؟؟؟؟؟؟
سعيد:فال الله ولا فالك.......هو قال بس بسوي عملية ما قال أنك بتموت......حمد عنبوه أحمد ربك أنة مب الخبيث ....هذا شىء أهون عنة .....
حمد:سعيد..............شو الفرق؟؟؟؟؟؟...بس أني الحين بسوي عملية لو ما فاد بتم على الأدوية طول حياتي ....
سعيد:حمد أحمد ربك ..ألمرض مب خطير لهاي الدرجة ...لا سوي بعمرك جيه ..
حمد:سعيد .......والله مليت من كل شىء ..ومن المستشفي والدخاتر ..والدوا ..
سعيد:يالله يا حمد شو ندريت عيوز؟؟؟
حمد:...............
سعيد:حمد...والله الحمد لله مرضت مب خطير..وبعدين بس أربع ولا خمس أيام ..وبتطلع ..ليش خايف؟؟؟
حمد:سعيد خايف من باجر ..خايف بعد العملية شو بصير....
سعيد:حمد ...شوف كل شىء بإيد الله ..وخل إيمانك بالله قوي...
حمد:سعيد ما مطمن ..
سعيد:لا إن شاء الله ...بكون كل شىء اوكية ..وبترد حمد إلى نعرفة .بخير وما فيه شىء...
حمد:سعيد هاي اول عملية بتكون متصلة بالقلب والرئة ...
سعيد:حمد الدكتور قال مب خطير ة ...
حمد.......:الله يغربلة لا ذكرني فيه ..حرام أني من الغيض لدعمة ......
سعيد:قول الحين خلنا نتغدا ونوطي راسنا ..وإن شاء الله ما يصير إلا الخير....
حمد:ماااريد شىء.......
سعيد ..يمط إيدة :يالله ..لا تزعل ولا تضايق مب أول ولا آخر واحد يسوولة عملية ...
وسارو يتغدون .......بس عاد شو كلو ..لقمتين .....
حمد:سعيد ..شو بقول لمايا ؟؟؟
سعيد:بعد شو تقولها..قولها أنك بتبطي بعدك في لندن ...وبترد إن شاء الله آخر الاسبوع الياي...
حمد:سعيد أنت ما تعرفها .ماروم أجذب عليها ..تعرف أنها هي اول وحدة عرفتني أن ما فيني شىء .....
سعيد:إنزين قولها..
حمد:ماريدها تيلس تحاتي .....
سعيد:أنا بكلم حمدان ..وبخلية هو يكلمهم ....
حمد يظهر تيلفونة :شوف كم مرة داقة ...
سعيد:خيبة 10 مرات ..رديت عليها؟؟؟؟
حمد:لا.........
سعيد:رد عليها....الحين صدق بتيلس تحاتي.....
حمد:ما روم أجذب عليها..مارووووووووووم......
سعيد:حمد....كلمها ...عادي ولا كأنك شىء مستويلك ...
حمد:....................
سعيد...شل تيلفونة ودق لأمة :يالله تكلم ..............
دق تيلفونها ..........وبعدين ........
أم حمد:هلا والله بوليدي.....
حمد...أونة مستانس:هلا بالغالية ....شحالج؟؟؟؟
أم حمد:لا تكلمني .....عنبوه كم مرة أدق ولا ترد علية ..عنبوه هالكثر بنات لندن ما مخلياتنك دقلي؟؟
حمد:هههههههههه..يهبن ....
أم حمد:صدق أنك لوتي.....
حمد:فديت أمايا إلى يالسة تتغلا......
أم حمد:ما علية هات إلى عندك ...ها شو قالك الدكتور؟؟؟
حمد ..إرتبك:ماقال شىء..بخير ..إن شاء الله بخير......
أم حمد:ما فهمت عليك.....
حمد:بخير امايا لا تحاتين...
أم حمد:إنزين الغالي وين أنت الحين ؟وين وصلت ؟؟؟
حمد:والله أمايا انا بعدني في لندن ..
أم حمد:يالله بستر ..وليش بعدك في لندن ما بتي اليوم؟؟؟
حمد:لا والله أمايا ..بيلس بعدني أسبوع ...
أم حمد ..قلبها ناغزنها..ليش بييلس أسبوع:وليش ؟؟؟؟؟
حمد:عندي شغل أريد أخلصة ....ويوم بخلص برد...
أم حمد:ووينة سعيد؟؟
حمد:سعيد عدالي..
أم حمد:عطني إياه برمسة ......
حمد....غريبة شو تباه؟؟:إنزين ........
حمد..نزل التيلفون تحت ...:سعيد..تعال تباك أمايا...
سعيد..مستغرب:شو تبا؟؟؟؟؟
حمد:أكيد ما مصدقتني ..وتبا تتأكد منك........
سعيد:أوكية ......
شل التيلفون..........
سعيد:مرحباااااااااا ..الغالية ....شحالج ؟؟..ربج بخير...
أم حمد:سعود عن اللواتة ..حرام أنك لو ما خبرتني شو فيه حمد ..الحين يايتنكم...قولي شو فيه؟؟؟؟؟
سعيد...يأشر لحمد على أن أمه تسأل عنه وما مصدقة كلامه:عمتية ما فيه غير الخير ..بخير يرقص جدامي تقول حصان......
أم حمد:هب هبات الله ..سعود ..أنا حلفت ..حرام إن ما خبرتني ..لخبر عليك عمتية ....
سعيد:عمتية ما فيه شىء صدقيني......
أم حمد:سعود أنا هب ما عرفك ...قولي شو قال الدكتور؟؟؟
سعيد:قال أن كل شىء أوكية ..والحمد لله بخير...
أم حمد:وشو عيل ميلسنكم في لندن .؟؟..ليش ما تهظلون...
سعيد:هههههههههههه..عمتية ....شياج علينا ؟؟..
أم حمد:لأنكم مسودين ويه ...داقين علية ...ومن الصبح تجذبون علية ..شو تتحسبون ما عرف؟؟؟حرام أن شىء فيكم ....
سعيد:يا عمتية ..أنا ما جذب عليج ..صدقيني إن شاء الله ماشىء غير الخير .....
أم حمد:ما علية ...لا تقول الحين بخلي حمدان يدق لدكتور ويخبرني ..بسني من جذبك أنت وحمد..بس حرام إن قالي غير إلى من الصبح تقولونة ..لا أنى أمة ولا أنى أعرفكم ..سمعتو؟؟؟؟؟؟؟
سعيد......نزل التيلفون ..عشان ما تسمعة :حمد ..بتخلى حمدان يدق لدكتور..ودكتور مستحيل ما بخبرها..شو إنسوي؟؟؟؟
حمد..:هات التيلفون أنا بقولها ........
سعيد:لا لا تقولها..منقول لعيال عمي كلهم عشان ما يخبرون حد ..
حمد:أوكية ......
سعيد:عمتية حمد يباج....
أم حمد:ها أتفقتو على جذبة يديدة؟؟؟؟؟
سعيد:ههههههههههههه..الله يهداج أي جذبة ؟؟؟؟؟؟
أم حمد:أنا ما علية ...الحين بقول لحمدان .. يدق لدكتور......
حمد:هلا أمايا........
أم حمد:خير ..
حمد:أمايا ..شو فيج؟؟؟؟؟؟
أم حمد:بعد شوفيني...؟؟...عنبوه أمك ولا تخبرها؟؟؟؟..
حمد:بذمة أمايا أنى بخير..وما شكى باس......
أم حمد:إلى في الجدر بظهرة الملاس......
حمد:ههههههههههه..أي ملاس الله يداج؟؟؟
أم حمد:بسني من الجذب إلى من الصبح تصبة علية ....بسير أتغدا شىء في الخاطر؟؟؟؟؟؟
حمد:سلامتج.......
أم حمد:الله يسلمك.....بس حمد لو ظهر كلامك جذب لا أني أمك ولا أنت ولدي.....
حمد:...............
أم حمد:فمان الله ...
وسكرت .وحمد مضايق...........
حمد:والحين؟؟؟؟؟؟؟؟؟؟؟
سعيد:الحين مندق لقوم حمدان ..ومنقولهم ............
ودقول لقوم حمدان .......وخبروهم عن كل شىء ........وقالولهم ما يخبرون حد من الحرمات ...عشان الحرمات حشرة ..وما يتخبرن بشىء......وما يريد يزيغهن.......
الساعة 4..العصر...........
يتمشون على الشاطىء.......ويسولفون ........وحمدان يلس تحت ....ومحمد وسلطان يلسو على حصاه كبيرة ....
حمدان:الله يساعد حمد..وحليلة ما يستاهل......
محمد:أنا مستغرب..أول شىء قلتو فيه الخبيث وبعدين ماشىءء..والحين بسوي عملية ...أنا والله ما فاهم شىء.....
سلطان:وحمد ليش الله يهداه جيه هامل بعمره ؟؟؟؟؟؟..عنبوه حد يهمل عمره جيه ؟؟!!!
حمدان:الحين مادري ....شو بسوي ..أمايا شيخة ..بتحتشر لو مارد اليوم...
سلطان:متى العملية ؟؟...يوم الخميس....
محمد:حي ..بعيد....الأسبوع الياي...أقولكم شرايكم نسير عندهم؟؟؟
حمدان:لا ..لو سرنا بشكون فينا...
سلطان:الله يساعدة ..بس عاد مب يوم السبت منرد البلاد؟؟؟
حمدان:هيه ....
سلطان:وقوم حمد؟؟؟؟
حمدان:أنتو ردو وأنا بسير عندهم ......
محمد:أنا بعد أريد أسير وياك ما منخلى حمد بروحة ..
حمدان :مكلمك وسعيد بكونون عنده...أنت سير ويا الأاهل ...
سلطان :أنا ما برد .....
حمدان:ليش أنا ما كفي؟؟؟؟
محمد:بس نريد نيلس وياه ..ما منخلى ولد عمنا بروحة ....
حمدان :لو كلنا ما سرنا بقولون شو سوون ليش ما بتردون .؟؟
محمد:قوم عمي بردون وياهم...
حمدان:ما عليكم ....أنا بيلس وياهم ..وأنتو ردو وإن شاء الله ما يصير إلا إلى فيه الخير..وإن شا ء الله بكون بينا إتصال.....
دق التيلفون.........
سلطان :ههههههههه..هذا ذياب......
حمدان :شعنده ..قولة تونا مفارجينك...ما وحالنا..
سلطان :هلا والله ...
ذياب:أهلين ..شحالك؟؟؟؟؟؟؟
سلطان:بخير...يعلك الخير ..شحالك أنت ؟؟
ذياب:بخير.......
سلطان:ها وين وصلتو؟؟؟
ذياب:ردينا.......
سلطان:ليش؟؟؟؟؟
ذياب:حميد نسا تيلفونة ....وشنطتة ..في سيارة حمدان ....
سلطان :أهاااااااا.....ومتى وبتوصلون .؟؟
ذياب:الحين 10 دقايق.....
سلطان :عيل نترياكم ........
ذياب:يالله ..عيل ...فمان الله ....
سلطان :فمان الله......
حمدان :ها شفيه ذيب.؟؟؟
سلطان :ههههه..حميد ناسي شنطتة وتيلفونة في سيارتك..
حمدان :هههههههه...هذا حميد وين عقلة ؟؟؟؟؟؟...
محمد:هههههه..إلى ما خذ عقلة ......
حمدان:ههههه ومتى بيون ؟؟؟؟
سلطان :بعد 10دقايق.....
وردو على سالفة حمد .........
الساعة 3:50.الظهر......
في غرفة الطعام......يالسات يسولفن ....ويشربن جاي......
موزه .تغمز لسلامي عشان تقول ليدتهم عن سالفة السيرة ......سلامي سوي حركات تقول يوم يروحن قوم أمايا بقولها..........
أم سالم:واااااااابوووووووياا ااااا..بعد شو يالسات سون ؟؟؟؟؟؟؟هاااااااااااااا
موزه...:ههههه.ماشىء أمايا ...
أم سالم:هالحركات ..لا سونها ...عيب البنت سوي جيه ..جان فيكن رمسة رمسنها ...ولا لمن حلوجكن ...
سلامى:إن شاء الله ....
وبعد شوي سارن الحرمات ..يرقدن ..وكانت أم سالم بسير وياهن .......
سلامي:أمايا شيخة ......
أم سالم:خير........
سلامي:يعلني أفداااااااااااج.......تعالي أريدج بكلمة راس.......
العيايز يحبهن إلا على كلمة الراس ...
أم سالم:خير بنتي شعندج؟؟؟؟؟؟
سلامى:أمممممممممممم..أمايا ..نحن البنات ..وتأشر عليهم كلهن (وأشكالهن حليلهن أونهم مسكينات )نباج تسيرين ويانا نتمشى برى ..ونتحوط...شو قلتي؟؟؟؟؟
أم سالم:أكرم أنج تتكلمين بذهنج........
سلامي:ليش امايا؟؟؟؟؟
أم سالم:عنبوه وين تبن تحومن الحين؟؟؟؟؟؟
سلامي..:حرام أمايا من وصلنا بريطانيا ..ما ظهرنا بقعة .كلة إلا في البيت ..دخيلج..
موزه:ورفجة الغالي ....
مى:أمايا ماشىء اسواق ..إلا مزارع دخليج لا تقولين لا ماحد طاع يشلنا ....
نورة:أمايا ..طلبناج لا تردينا......
أم سالم:بس ما منبطي.......
كلهن فرحانات :هيييييييييييييييييييه ..أوكية
أم سالم:عن الدحاب....ولا حرام أني ماسير...
موزه:لا خلاص...يالله نسير نتلبس...
أم سالم:وأنا بييب عباتي..
نورة:يالله ............
وكل وحدة سارت تلبس عباتها ..وجهزن يلسن في الصالة لين ما إتي يدتهن .........وبعدين نزلن يدتهن .......
أم سالم:يالله هبابنا......
موزه:يالله .........
عاد أم سالم ..من ظهرت من البيت ......
أم سالم:يالله ياالبرد ..نرد ..
موزه:لالالالالالالالالالا الالالالالا..أماااااااايا اااااااااااااا ..ما وحالنا نظهر من دروازة المزرعة تقولين نرد....؟؟؟؟؟
أم سالم:حشة أنى أهيس البرد في عظامي......
سلامي:أماياااااااا تراج لابسة كندورتين وجاكيت وعباه ..وين هالبرد بيهبطج؟؟؟؟؟...
أم سالم:إنزين يالله كلتن فوادي..توكلنا......
وسارن .......وهن عند الباب المزرعة ..يت سيارة ......بس البنات يتحسبن أن واحد من ألأاجانب ..بس بعدين يوم إنتبهن على إلى موجود في السيارة ....تغشن ........وأم سالم طالعهن بعين .....
ذياب وحميد نزلو من السيارة ..يوم شافو أم سالم ....
ذياب:سلام عليج خالتية ...شحالج؟؟؟؟؟؟؟؟ربج بخير؟؟؟
أم سالم:هلا والله ولدي ...شحالك أبوي؟؟؟؟...
ذياب:بخير يعلج الخير...
حميد:خالتية شحالج ؟؟؟؟؟...ربج بخير؟؟؟
أم سالم:بخير ولدي ...شحالكم أنتو؟؟؟..وشحال عربانكم؟؟
ذياب:بخير وسهالة ..يسلمون عليج ..وأمايا تتنشد عنج ..
أم سالم:وحليلها سلم عليها ....
ذياب:يبلغ إن شاء الله .......
حميد:وشحالج خالتية .؟؟..شو صحتج؟؟؟
أم سالم:بخير ..الحمد لله ...شحال ابوك وأخوانك؟؟
حميد:كلهم بخير .ويسلمون عليكم ...
أم سالم:الله يسلمهم من الشر...عنبوه ما شفتكم ..
ابي ردودكم <img src="http://oasis.bindubai.com/emoticons/fa42.gif" border=0>
وان شاء الله باجر بنزلكم جزء طوييييييييييييييييييييييي ييل
تحياتي
ملاك الدوحة <img src="http://oasis.bindubai.com/emoticons/inlove.gif" border=0>
</p></font>
رد مع اقتباس
مواقع النشر (المفضلة)