<font color='#000000'>
السلام عليكم
استاذي صدى الونه
سأحكي لك عن الحال المضحك و الحاصل بين الشله اللي تحتويني حاليا ...
كردة فعل عكسية و بسبب كثرة الأمثال الشعبية و التي تعطي انطباع للمستمعين بأن الناطق ولد عرب بطن و ظهر جدت فكاهات بين الشله و تكون كالتالي .:
**تلقى الواحد منا سالفته في صوب و المثل اللي يقوله تحت الصوب كمثال (<font color=#0000ff>حلات الثوب عند المشير</font>) و المشير هذا خياط معروف في الشارجه .. يعني الأمثال بدت تتحرف ..
**تلقاهم مرات يألفون اونه (<font color=#0000ff>مثل ما قال الشاعر أنا في صوب و انته فصوب و نحن في العدال</font>) و تلقاه يأشر على المسافه اللي بينه و بين ربيعه .
**عندك بعد المثل اللي يقول (<font color=#ff0000>الخال خلي و العم ولي</font>) تحرف تلقائيا ل(<font color=#0000ff>الخال خلخلني و العم صنـقِــلني</font>) يقصد فيه الناطق إنه خاله امطنشنه و عمه ما يدري بالدنيا (<font color=#0000ff>صنــقِــلني</font>) يقصدون فيها غايب عن الإدراك أو في حالة غياب ذهني .
**طبعا في مثل دارج بس بين الشباب و هو (<font color=#0000ff>الفله نص المريله</font>) و هذا وليد العشر سنوات اللي طافوا يعني من اختراع هذا الجيل و يقصدون فيه إن الريال إذا ما كان يقدر يواجه المشكله اللي جدامه يقدر يشرد و دامه شرد تراه حافظ على نص الرجوله و نص الرجوله الباجي ضاع في الشرده .
يكون أفضل لو حد من الشباب يخصصلنا موضوع عن مصطلحات الشباب هاييج الساعه بتشوفون العجب ..
تحياتي استاذي الفاضل ..
أخوكم عايش وهم</p></font>
مواقع النشر (المفضلة)