<font color='#000F22'><p align=center>
<font color=#660066>صدقتي يا<font color=#663366> أختي الشوق</font>

بالفعل صارت العوده للمدارس تشكل هماً يجثم على قلوب معظم أولياء الأمور
والسبب طلبات المدرسين والمدرسات التعجيزيه والا منتهيه

من واقع تجربتي لهالشي أقول
مع بداية العام الدراسي الحالي أضطريت أدور ويا بنت أختي فوق الأربع مكتبات
بس عسب أندور لها دفتر بمواصفات خاصه ويوم في النهايه ما لقينا هالدفتر العجيب
طبعا كان هذا حال جميع طالبات الفصل اللي في النهايه أضطروا يدفعون للمدرسه
المبلغ عسب هي تتكرم وترحم أهاليهم من عناء الهياته في المكتبات
بس الصدمه كانت لما شفت الدفتر اللي يابته حضرتها أنصدمت المبلغ اللي طلبته من
الطالبات كان 10 دراهم الفلوس مش مشكله لكن يوم أتيك بدفتر جيمته أقل من 3 دراهم شو
بتقول؟؟ شو نعتبر هالشي ؟؟؟ انحط فذمتنا والا انقول غلاء المعيشه هو السبب؟؟

وحتى أنا يوم كنت في الإعداديه انتقلنا لمبني يديد للمدرسه وتتخيلون
حتى أدوات المختبر نحن شريناها كنشاط وين كانت الوزاره عنا ؟؟؟؟؟

ما أنقول غير
الله يستر من الياي عادي باجر يكلفون الطلبه ببناء مدرسه في سبيل الحصول على درجه
كامله في النشاط.. </font></p></font>