<font color='#000000'>فديت قلبك يالمزوحي ترى الصدقه تطفئ غضب الرب - و تنجي من ميتة السوء - وترفع عنك البلاء - وكذلك هي الي تبقى لك في ميزان حسناتك - تصدق و تصدق و تصدق بالمال والمساعده في توصيل المحتاج (( مثلا )) و بالكلمه و بالابتسامه و امسح رأس اليتيم و عليك بالصدقه الجاريه - و اسهل طريقة انك اتسير اول الشهر من تستلم راتبك على اقرب جمعيه خيريه و اتقول لهم انا ابغي اتصدق بمبلغ تشترون به كتب لطلبة العلم أو مصاحف او اشرطه دينيه او تساهم بمبلغ بسيط في استكمال بناء مسجد - و انا انصح الاعضاء خاصة إلي يشوف هالمكاتب المنشتره في الاسواق او الجمعيات الخيريه سير وتصدق (( وخلي تلبيس ابليس )) الي بيقول لك هااااا تتصدق عشان الناس اتقول والله انسان فيه الخير - انت قول له هيه انا اباهم ايقولون جيه وسير تصدق إذا ما كنت تعرف فقير معين - ترى جمعياتنا فيها الخير وعندك الهلال الاحمر في كل اماره له فرع - و السموحه</font>