<font color='#000000'>السلام عليكم و رحمة الله و بركاته
أول مرة أدخل و أشارك في هالواحة أكيد تعرفون ليش...(ما أعرف طبخ) <img src="http://oasis.bindubai.com/emoticons/fa54.gif" border=0> أدري يا فضيحتيه بس شو أسوي ما أحب أطبخ وايد و ما أحب ريحة الطبخ تلصق فيه بس ما عليكم بتعلم إنشالله
المهم قلت بحطلكم الشي الوحيد الي أنا شاطرة فيه و ماحد يسويه مثليه <img src="http://oasis.bindubai.com/emoticons/fa51.gif" border=0> و هو الفرابجينو : كاباجينو بس بالثلج
من عقب ما اتعلمته كرهت كل فرابجينوات محلات الكوفي لأنهم يستخدمون منكهات و الثلج الي ما يذوب بسرعه و هذا الثلج فيه شوية ملح <img src="http://oasis.bindubai.com/emoticons/fa52.gif" border=0> *يلوع بالجبد*
كأنيه طولة عليكم
هاي الطريقة:
- كوب حليب بارد
- ملعقة صغيرة نسكافيه
- ملعقة صغيرة كابجينو (خلطة الباودر الجاهزه)
- نص ملعقة صغيرة باودر الكاكاو ( حسب الرغبه) إذا ما تحبون الكاكاو لا تحطونه
- ملعقة صغيرة قشطة
- ملعقة كبيرة سكر
يضرب كله في الخلاط لين ينخلط زين
بعدين ينضاف له الثلج و ينضرب مرة ثانيه في الخلاط
و جهز الفرابجينو إلكم
شفتوه مسهله و مسهل وصفاتيه <img src="http://oasis.bindubai.com/emoticons/fa47.gif" border=0>
جربه و خبرونيه برأيكم فيه <img src="http://oasis.bindubai.com/emoticons/fa33.gif" border=0> و يعله بالعافيه عليكم</font>
رد مع اقتباس
مواقع النشر (المفضلة)