،؛،سكـنت القلـــب،؛،

**أمطار** · 14-02-05 ||, 10:14 AM

. . .السلام عليكم ورحمة الله وبركاته. . .

اسمحولي آخذ هالمساحة وأكتب بالعامية بالنيابة عن صديقة عزيزة على قلبي::

-----
يوم تصير كلمة وفا. . مجرد كلمة. . .
في عالم تطور بسرعة كبيرة وبدا الكل يحاول يتعايش ويا المحيط اليديد. . .
صار الحب من الأشياء الخيالية. . والنادر وجود قلبين يحبون بعض ويهتمون ببعض لدرجة التضحية . . .
بالعكس،، من أول مطب لهم في الحياة . . . نشوف أنه كل واحد يقول للثاني. . ((إذا تحبني صدق،، أبعد عن دنيتي)) !!!
وهذي هي التضحية "المودرن"<IMG src="http://oasis.bindubai.com/emoticons/fa55.gif" border=0>...

غاليتي. . سمحيلي أكتب هالكلمات بالنيابة عنج. . . لأني أعرفج عدل وأعرف أنه قلبج حب بمعنى الحُـــــــب
------

انت سكنت القلب . . .
وفي القلب سكنــاك . . .
وانا اللى كنت احسب انه مكاني مصون . . .
سافرت عام. . .

وبكــل الشوق ،، رجعت لك . . .
اتـّلقــاني ببرود ما بعده برود!!
انت من فرحتك بغيابي
((تناسيت وجودي)). . .

وانا اللى عاهدت ربي . . .
ما انساك او اخونك . . .
بس حـــــــــرااام . . .
حــراام عليك اللى مر من سنيني . . .
وحرام عليك المحبة اللي كانت . . .

بــاجر أسافر و اشيــل جرحــي وراي . . .
وابعـــــد . . .
ابعـــد عن دنيا نسـى كل خافق فيها معنى الوفا . . .
ونســـى كل من فيــها فـــوادي الخفوق . . .

وربــي اللى فوق السما شاهــد . . .
مثــل ما نســتني يوم . . .
لانســاك ايــــام واعــوام . . .

بس لا تحسب ان القلب يغفر او يطيب . . .
وان جيتني نادم ،، لا اتوقع ارد عليك او اجيب . . .

سكـنـت القـــلــب من جديد . . .
بس في غرفـة ظلامها شديد . . .
انت جبتهــا لنفســك . . .
وانت تتحمل عتبــها . . .

12 / 7 / 2004

دمعة العين

**خنفروش** · 14-02-05 ||, 11:01 PM

و عليكم السلام ورحمة الله وبركاته

دمعة العين
 لا تعليق
و إلا تدرين بقول لج شو حسيت بعد ما قريت الي كتبتيه حسيت انج كنتي مستعيله لاني اعرف دمعة العين لو يلست اتراجع الي كتبته اكثر عن مره بيستوي الموضوع
((  جـنـة ))

**أمطار** · 15-02-05 ||, 02:28 AM

. . .خنفروش. . .

أخوي الغالي
أشكرك على الرد والملاحظه المهمه. . .
فعلا ً كتبت الموضوع على عجل وما راجعته. . .
ويمكن كان المفروض اراجعه اكثر من مره لأنه موضوعي الأول بالعامية. . .
وهالشي غريب نوعا ً ما عليه. . .

إن شاء الله راح أعدّل فيه . .
و لاحظت أنه فيه أخطاء لازم تتعدل. .

عن قريب بإذنه الله
يوم احس انه لي مود أعدل واكتب
<IMG src="http://oasis.bindubai.com/emoticons/sad.gif" border=0>

والسموحة

دمعة العين

**خنفروش** · 15-02-05 ||, 08:43 PM

شوفي دمعوه عشان ما تاخذين فخاطرج بحط لج شيء بعدني ما كملته

اشوف افكاري تتبخر
يغطي الحزن اوراقي
و شوق ٍ يجتل الدفتر
ابي فكره بلا سكـّر
تكون أحلى من السكر
احط الصوره في كلمه
معاها كامل المنظر

بعدني ما خلصت ولا فضيت اكملها خذيها هديه من اخوج بو خنفر

**عنود الريف** · 16-02-05 ||, 06:39 PM

غاليتي دمعه العين .. <?xml:namespace prefix = o ns = "urn:schemas-microsoft-com:office:office" /><o:p></o:p>
بما انك تتكلمين عن صديقه لك ... عانت من الخيانه .. <o:p></o:p>
فاقول للجميع ...<o:p></o:p>
الوفا موجود لكنه نادر ... <o:p></o:p>
منو اللي خلاه يكون نادر ؟؟ <o:p></o:p>
هل الظروف ام الايام والناس اللي خلوا الوفا يقل .. ومحد قام يعني كلمه فديتك .. <o:p></o:p>
ادري ان كلامي كله ملخبط وخربطان ميمع .. <<< تعال واسمع .. <o:p></o:p>
ولكن هذا اللي في بالي .. <o:p></o:p>
للاسف تتعرض للخيانه من اقرب الناس لك .. <o:p></o:p>
ومن اكثر الناس اللي تثق فيهم .. <o:p></o:p>
بس ايي يوم تنجلب الآيه ويتغير الوضع .. <o:p></o:p>
ويخليك تفقد الثقه بكل اللي حواليك .. <o:p></o:p>
اسمحي لي الغاليه على خربطاني .. بس هذا كان في جعبتي .. <o:p></o:p>
<o:p> </o:p>
<o:p> </o:p>

**أحلى منصوري** · 18-02-05 ||, 02:39 AM

رائحة كريه للخيانة ولكن لم الحب رغم إدراكنا لوجود الخيانة

شكراً أختــاه
 
..

**أمطار** · 18-02-05 ||, 07:28 AM

. . .خنفروش. . .

صراحة أستانست وايد على الهدية. . .
وتسلم يمينك اللي كتبت هالكلمات. . .

أتمنى أنك تكملها. . .
ولي عودة على ردك. . .

أختك
دمعة العين

**أمطار** · 18-02-05 ||, 07:37 AM

. . .عنود الريف. . .

تسلمين حبيبتي على ردج الرائع. . .
وبالفعل الوفا موجود بس صار نادر. . .

نفوس الناس تغيرت. . .
كل شي حولهم غيـّر نظرتهم للحياة . . .
صارت الأشياء اللي كانت غريبة قبل ،، عادية . . .
اليوم ويا هاي. . .
وباجر يركض ورا غيرها . . .

هالنوع من الناس يكون فاقد الحس . . .
جاهل بشي اسمه حب وتضحية . . .
وين أيام حب قيس وليلى ،، ولا عبلة وعنتر . . .

كله صار مجرد تاريخ. . .
منحوت على صخر ،،
 بدت العوامل الجيولوجية تفتته. . .
وتمحي جميع ملامحه. . .

الحب موجود . .
في القلوب الطاهرة . . .
بس حرام أنها هالقلوب تحب قلوب جوفاء. . .
فارغة من كل عاطفة. . .

مشكوره حبيبتي على تواجد قلمج في فضفضتي المتواضعة جدا ً. . .
وتقبلي مني أرق التحايا. . .

أختج
دمعة العين

**أمطار** · 18-02-05 ||, 07:48 AM

. . .أحلى منصوري. . .

الحب موجود رغما ً عن أنوف القلوب العفنة. . .
وهو ليس بيدي ولا بيدك أن نقع في الحب. . .
من وقع فيه فقد وقع . . .
لا مناص ولا مخرج. . .

قد يتطلب زمنا ً طويلا ً كي تدرك معنى الحب. . .
ولكنك في لحظات ٍ فقط . . .
تسقط ضحية ً للحب شئت أم أبيت. . .

المشكلة تكمن في اختيار القلب للمعشوق. . .

"أصبــحت على شوق يقطع فوادي. . .
أنــــت الغلـــطان يا قلـبــي. . .
هـــويــت شخص ٍ بالهوى جاهل. . .

مــا دريـت يا قلبــي أنه في هوى غيــري ذايــب . . .
هــو نسـى أن غاب عن عيني دقايق . . .
دمـــــوعي تهل مثــل أمطــار السحايب ؟!
. . .
سألت عــنه وش هو حالــه من بعدي ؟!
قــالوا فــلان في الهــوى هايــم . . .

هــذا أنت يا فـــلان . . .
وهــذا هــواك!!
مليــت من الأنتــظار ؟!

ويــن وعـــدك؟!
ويــن ذاك الكــلام؟!

أن كنت تسمي هــذا هــوى . . .
إعذرنـــي أقــول أنك ((جـــاهل في الهــوى)) . . ."

أشكرك على هذا التواجد والرد. . .

أختك
دمعة العين

آخـــر الــمــواضــيــع

الموضوع: ،؛،سكـنت القلـــب،؛،

أدوات الموضوع

عرض

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة