آخـــر الــمــواضــيــع

النتائج 1 إلى 6 من 6

الموضوع: حياتي أنتي ( سهيل وميثاء ) ......

  1. #1
    عضو متميز الصورة الرمزية الملكه الدلوعه
    تاريخ التسجيل
    Jun 2003
    المشاركات
    572
    قوة التمثيل
    281
    <font color='#000000'><p align=right>السلام عليكم ورحمة الله وبركاته ...

    ان شاء الله تعيبكم هذي القصه ...

    &nbsp;&nbsp;&nbsp;&nbsp;&nbsp;&nbsp;&nbsp; &nbsp;<img title="big grin" alt="" src="http://www.uaeuae.org/uae/images/smilies/biggrin.gif" border=0 smilieid="4"> <img title="big grin" alt="" src="http://www.uaeuae.org/uae/images/smilies/biggrin.gif" border=0 smilieid="4">


    ((الجزء الاول ))

    الساعه سبع بتوقيت احلى مدينه ..مدينه العين دار الزين وبالتحديد في احد المعارض كانت ميثا تتحوط ومنيه تتشرى شنط ونعول حق الجامعه ..وكانت وياها بنت خالتها موزه وهن دوووم ويا بعض شرات الاخوات..كان الجو فنااان والناس كلهم طالعين يستانسون بالجو
    ميثا: اووووه وايد زحمه اليوم والبياعين ما يتوازون ؟؟
    موزه :لازم زحمه يا الغاليه ..اليوم الخميس وكل العرب مأجزين وطالعين يستانسون بالجو ..تعالي بنسير انشوف الاشرطه اللي يبيعونها وعقب بنسير نشرب لنا شيء يبرد على فوادنا ..
    ميثا: لا لا ما ابغي اروح ..روحي انتي ما اداني اتعامل ويا اللبنانيين.. وما اداني حركاتهم
    موزه: ميثاني بتين والا لا ...تعالي بنشوف اذا نزل شريط ميحد اليديد..الاغاني اللي فيه روووعه سمعت نص الاغاني في الاذاعه
    ميثا: انزين عشان خاطرج بس يا موزوه .. بس تخلصين بسرعه
    موزه: اصلاً انا بأخذ الشريط وبنروح ما بنأخذ وقت ..يله ويهنا
    ميثا: امري لله ..
    وسارن صوب التسجيلات عشان تآخذ موزه الشريط اللي تباه ..واول ما وصلن عند التسجيلات يلست تتخبر راعي التسجيلات عن شريط ميحد اليديد
    موزه :لو سمحت نزل شريط ميحد حمد اليديد
    اللبناني : ايوه فيه شريط لميحد نزل من يومين راح احط لك اياه ..واسمعيه اذا هو لي بتريديه
    موزه :اوكيه ..بس بسرعه
    وفي نفس الوقت كان واقف واحد اسمه سهيل ..ما شاء الله عليه وسامه بدرجه يلفت الانظار وكان وياه ربيعه مايد بن محمد وهم ربع من زمان
    اللبناني يكلم ميثا ..
    اللبناني :والقمر ..مش عاااوز كاسيت ..
    ميثا: لا مشكور يا الاخو
    اللبناني : شوه هالصوت ..بلبل ..يخزي العين كل المغنيات راح يسيبن الفن مدام هالصوت الجميل موجود
    ميثا: يا الاخو ممكن شوية احترام
    اللبناني:يا عيني عالقمر وهو معصب
    سهيل تغيظ من الموقف اللي يالس يشوفه معقوله اللي يشوفه ..هذا والبينه متستره ويالس يتغزل .. قال في خااطره لازم اوقفه عند حده وافك البينه من كلامه البايخ ..
    سهيل : يا الاخو..لو تسمح احترم بنات الناس احسن لك والا والله العظيم لأكسر لك فجك ..سمعتنيه ..والا لا
    اللبناني : وانته شو دخلك يا زلمه انته بتأرقب لصبيه شي
    عصب سهيل أكثر ويلس مايد يهديه ..الانه اول مره يشوف سهيل بهذي الحاله واول مره يشوف شخصيته العصبيه .
    مايد:هدي نفسك يا سهيل لا ترفع ضغطك على واحد سفيه ..خله يولي الخام
    سهيل :سير لا ..انا براويك فيه ان ما حشم بنات الخلق..شوه بنات بلادنا لعبه في يدين هالاجانب ..لولا الفضيحه جان غسلت شراعه جدامك وجدام هالخلق
    ميثا: يا أخويه مشكور وما قصرت ..بس ما ابغيك تدخل في مشكله على سبت شيء ما يرزى
    سهيل:افاا عليج يا ختيه ..لا تحاتين توكلي انتي وختج وسيرن
    ميثا: ان شاء الله
    سهيل :في حفظ الرحمن

    ميثا : ..:يالله موزه خلينا انروح
    موزه:ان شاء الله
    وسااارن ..وركبن سيارتهن موزه كانت مبهوره من تصرف الريال وميثا كانت في حاله الله يعلم بها كانت طول الطريج مضايجه سرحانه ما انتبهت الا على رمست موزه ..اللي طول الطريج ترمس برمسه ما قدرت ميثا تستوعبها
    موزه:اسميه شميمي ..هالريال..
    ميثا :موزوه ..فديتج ما ابغي اسير بيتنا ابغي اسير بيتكم اليوم ..ما اروم اجابلهم وانا بهذي الحاله ..وانتي تعرفين كيف امايه تحاتيني اذا شافتني تعبانه ..ما اباها تستهم
    موزه :عااااشت بنت خالتيه ..برمس امج وبخبرها انج بتباتين عندنا
    ميثا:الله يهديج بس يا موزه شوه عاااشت بعد
    موزه:مستانسه الانج من زمان ما بتي عندنا
    ورمست موزه خالتها عشان تخبرها بقرار ميثا
    ام عبدالله:الووو
    موزه:السلام عليج
    ام عبدالله:وعليج السلام
    موزه :خالتيه فديتج اشحالج ..عساج ابخير
    ام عبدالله :بخير ..يعلني افداج ..اقول غناتي ميثاني فيها شيء
    موزه :لا ما فيها شيء بس بتبات عندنااليوم
    وانا مسويه لج عشان يكون عندج خبر ..عشان ما تحاتينها ونحن باجر بنوصلها
    ام عبدالله:خلاص برايها هيه سايره بيتها مب بيت غرب ..وانتي مثل اختها اللي الله حرمها منها
    موزه :مشكوره حبيبتي ...بخليج ما ابغي اطول عليج ..
    ام عبدالله : الله يحفظج يا بنتي وما اوصيج على اختج
    موزه:ان شاء الله في عيوني
    ام عبدالله: تسلم عيونج ..عطيني بنتي برمسها
    موزه:غالي والطلب رخيص ..بي تبين ترمسين ميثاني
    ميثا:الوووه
    ام عبدالله: حي الله ببنت سعيد
    ميثا :الله يحييج ..خير يا امايه تبين شيء
    ام عبدالله ابغي سلامج يا بنتي الله الله في عمرج ...بس خطفي البيت شلي كنادير لج
    ميثا :ان شاء الله

    وبعد دقايق وصلن بيت ام عبدالله ونزلن ..وشافن عبدالله اللي عمره 22 سنه ..اول ما شاف موزه استانس من خاطره الانها راعية سوالف وضحك ..
    عبدالله :مرحباالساع باللي لفانا
    ميثا :عيب يا الطفس..الناس تسلم اول
    ميثا:امنوه رمسج انتي ..انتي مجابلتنيه 24 ساعه انا ارحب ببنت خالتيه
    موزه :الله يرحب بك عفضله
    ميثا: عبدالله وين ساير بكل هذي الكشه
    عبدالله :بسير امواعد الربع في المول ..اقول موزه ما تبيني اييب لج شي من المول
    ميثا:وانا ما بتيب لي شي
    عبدالله:امتحنت ..ليش اييب لج خلي ابوج اييب لج اللي تبينه
    موزه:لا انا ما ابي شي دامنك ..ما بتييب لها شي
    عبدالله: خلاص امري لله بس عشان خاطرج يا بنت خالتيه ..بييب لكن عطور على ذوقي ههههه..يله فداعه الله
    ميثا وموزه :في حفظ الرحمن

    بعد الرمسه اللي ارمسوها برع ..نزلت ميثا قشارها ودخلن البيت ..وكانت ام عبدالله مدخنه البيت ..والريحه تريح نفس الواحد خصوصاً بعد السالفه اللي استوت في المعرض ..
    ميثا وموزه: السلام عليج
    ام عبدالله :وعليكن السلام ..ان شاء الله استانستن
    البنات : هيه استانسنا واااااايد
    راشد وهو نازل من على الدري هيه وااااايد استانستن والدليل ميثا يايه مبوزه
    ميثا وهيه تنغز راشد: رشووود قل خيراً او اصمت ..اكرمنا بسكوتك يا أخي
    ام عبدالله :هيه والله بنتي شووه بلاج معتفسه ..شي يعورج
    ميثا: هااااااااااه لا ما شي بلاني يا امايه
    حست موزه ان رمسة راشد لخبطت ميثا ..وقالت في خاطرها الله يهديك يا راشد لازم تخلي امك تستهم ..وتذكر اختك بالسالفه
    موزه: صدقيني يا خالتيه بنتج ما فيها شيء بس قبل لا ندخل البيت شفنا عبدالله اللي عكر مزاجها اشوي
    ام عبدالله:بس هذي السالفه ..ما عليج من حركات عبود بخبر ابوج عليه
    راشد : ههههههه الله يا الدنيا عبود مجابلنج 24 ساعه بس هالمره احس ان عبود ماله خص بسالفج
    ميثا:اسكت احسن لك ...امايا انا بسير اجهز كناديري ..موزوه قومي ويايه
    راشد :على وين العزم يالحبيبه
    ام عبدالله: ما لك خص بالبنت بتسير اتبات عند خالتها
    راشد: ابويه يدري
    ام راشد : هيه خبرت ووافق بعد
    في الصابق الثاني في حجرت ميثا..كانت موزه اطالع حجرة بنت خالتها اللي تهبل ..كان كل شيء فيها حلو لون الحجره والاثاث والستاير كل شيء حلو ومرتب ..
    ميثا: يا ربي وين شنطتيه مالت المكياج..اوووووووه هذيه
    موزه: اسميها حجرج روووعه وحلوه مثل راعيتها
    ميثا:عيونج الحلوه يله خلصت
    موزه: يله الانا اتاخرنا
    وعقب ما سلمت ميثا على امها وابوها اللي شافته راد من العزبه ..طلعن وروحن بيت موزه




    في بيت موزه ..دخلن موزه وميثا الصاله
    وشافت ميثا خالتها ام علي خالتها الوحيده ...وهوت تحبها على راسها
    ميثا:اشحالج خالتيه ..فديتج والله اشتقت لج واااااايد ..ليش ما تينا
    ام علي :اشتاقت لج العافيه ..زين يوم ييتينا..ما بغيتي تيينا ..امنوه الاكبر لازم انتي تسيرين عليه
    ميثا :ههههه حراااام عليج ياالغاليه ..الجامعه مأخذه كل وقتي
    ام علي : خلاص مسموحه يا بنتي بس ايام الاجازات لا تقطعينا ..ولا تقطعين هلج ..صلة الارحام زينه
    ميثا: ان شاء الله ..فالج طيب
    موزه : امايه ..ميثاني بتبات عندنا اليوم ههههه شو رايج في المفاجأه
    ام علي : زين زين ..البيت بيتها ..سيرن وطن قشاركن وصلن وتعالن عشان تتعشن
    سارن البنات يصلن ونزلن عشان يتعشن
    ام علي :يله بناتي اقربن
    ميثا: لا يا خالتيه بنتريا عمي لين ايي
    موزه: انتي ما تدرين ان ابويه وعلي يتعشون في العزبه
    وبعد مااقتنعت بكلام موزه يلست تتعشىويا خالتها وموزه والعيال الصغار((عبيد..سلامه..حميد ..شمه))وبعد دقايق دخلوا بوعلي وعلي الصاله
    هوود هوود
    ام على: هدى ..اقرب محد غريب غير ميثا بنت سعيد ..بنت ختيه آمنه
    واتغشت ميثا ...ووقفت عشان اتسلم عليهم
    بو علي : اشحالج بنتي عساج ابخير ..
    ميثا:بخير ..اشحالك عمي
    بوعلي : بخير ....دامن المزرعه ما شيه على احسن حال
    علي بينه وبين نفسه (( ما شااء الله على بنت خالتيه غدت حرمه قامت تتغشى عني ))
    علي : احم احم اشالج ميثا...واعلوج
    ميثا:بخير وسهاله وعلومي طيبه
    علي : واخبار الجامعه والدراسه وياج
    ميثا: صدق انه تعب بس كل شيء تمام
    موزه: ميثاني قومي بنسير حجرتيه..انسوالف ..
    ميثا : زين موزوه ..برخصتكم تأمرون على شيء قبل لا نترخص
    ابو علي وام علي وعلي :مرخوصه سلامة راسج
    وسارن الطابق الثاني ...وصكن على عمرهن الحجره
    وتمت ام علي وابو علي ..وعلي تحت في الصاله
    ام علي : علوه فديتك ..ما تباني اخطب لك ..ميثا..خلنا نفرح فيك
    علي : لا ما ابغي ..لو عبرن البنات من البلاد ما بأخذ ميثا..ما ابغي وحده من هلي
    ام علي : شوه بلاها البنيه ..ما عليها قصور وهلها مربينها تربيه عدله ..وبطرانه اللي تباه عندها ..ما تنعاب البنيه
    ابو علي :خليه ...على هواه يا أم علي لا تلحين عليه يوم يبها بيخبرج
    ام على :برايك يا ولديه ...كيفك بس انا اخبرك من الحين تراك ما بتلقى شراتها
    على : مشكورين ...الانكم ما ضغطوا عليه وميثا في حسبة أختي

    علي ما رفض ميثا عشان سمع عنها شيء مب زين او الانها مب مربايه ...على العكس كانت جميله بشكل ..ومؤدبه ..وخجوله ...وفوق كل هذا دلوعة هلها ..الانها البنت الوحيده .. بس هذا هو قدرها انها تنرفض من اقرب الناس لها ..


    فوق في حجرة موزه ....موزه يالسه تسمع الخليجيه ..وميثا منسدحه على الشبريه ..ويوم غني ميحد هالمقطع(اهواك يا مشعل غرامي ..ياللي بحشايه حطلي حر ..حبك على الفؤاد نامي ..حباً جديد احس به فرق )..سمعت موزه ميثا تصيح
    موزه:ميثاني ..شوه بلاج غناتي ...شله اتصيحين ..مب عايبنج بيتنا هاااااه لازم معوده عالعز ((كانت موزه تحاول تضحكها ))

    ميثا:............
    موزه :ميثا لا يكون تفكرين بالموقف اللي استوى في المعرض
    ميثا: ......... هيه كيف تبيني انسى
    موزه:يا ويلي عليج يا الحساسه .. بس انتى لا زم تستانسين الان هذاك الريال الطيب خذ حقج من اللبناني الزلع
    ميثا: زين هوه شله يدافع عني ...انا ما اقرب له وشوه بيكون موقف الناس اللي شافوا الهده ...وشوه ذنبه يتبهدل ويا اللبناني
    موزه: يا اختي الدنيا بعدها بخير..ارقدي يا الغاليه ولا تحطين في خاطرج وما عليج من رمسة العرب ..يا ليتني مكانج هههه حليله الريال اخاف صدتيه
    ميثا: سخيفه ما يضحك ..وبعدين كيف بصيده وانا متغشيه يله تصبحين على خير
    موزه: هيه والله ..بس يمكن انعجب بج والا ما يلس يناقر الريال لين انبح صوته هههه وانتي من اهله يا الغاليه واحلام سعيده
    ورقدت ميثا بعد ما يلست اتفكر في كل اللي استوى المغرب في المعرض وكيف كان الريال طيب وياها ..وخذ حقها بحسن نيه

    انرد لسهيل الريال اللي خذ عقل ميثا بطيبة اخلاقه ..
    في بيت سهيل ...وبالتحديد في حجرته . بعد ما تعشى واتسبح طاح على شبريته وتنهد .يا ويل حااااااااااااااالي انا.... مب بنت غزال من حلاتها الله يحفظها ويخليها لهلها ..الله يبحص هذاك اللبناتي ..لو الود ودي جان خيسته في السجن بس مايد الله يهديه دوم يخرب عليه ويمنعني جني اصغر عياله ما تقول ضابط ويعرف يتصرف(( كان سهيل يشتغل ضابط في الشرطه وعمره 28 سنه وعنده اختين وحده في الجامعه ووحده في الاعداديه وهو وحيد امه..وابوه)) شل سهيل موبايله عشان يتصل بمايد
    سهيل : ميود اللحق عليه ..اللحق على اخوك
    مايد : خير شوه بلاك ..شيء يعورك ..جان شيء يعورك خل امك اتسوي لك طبيخه تراها زينه حق الاعواق
    سهيل : ويا ويهك ..انا قليبي يعورني ويلس يغني (..ورد جوري يفوح وجناتك ..والزمرد فيه خصيته ..والمحاسن في تحياتك ..رد قلبي يوم شليته )
    مايد : يااااااويلي امنوه هاذي اللي شلت قلبك ..حليلك ..لولا حرمته جان ييت احاضيك ..ما تهون عليه اخليك وانت حالتك والله هنها
    سهيل :تطنز ...انت الله سهل عليك وعرست وخذت اللي اختارها قلبك وانا بعدنيه..
    مايد : تبانا ندور لك حرمه ..خبرني بمواصفاتها
    سيهل: ما اضني يا أخويه بتلقاها
    مايد: انت شوووه ياك اول مره تطري العرس ..واول مره احس ان في قلبك بنت
    سهيل : واذا اول مره ..انا انسان لي احاسيس ومشاعر
    مايد: لا تكون هاذيج البنيه اللي ضاربت اللبناني ..عسبت غازلها
    سهيل:.... هيه
    مايد : بتبطي ..لا تيلس تحلم واااايد يا سهيل لا تبنى قصور بلا اساس
    سهيل: مايد
    مايد: نعم
    سهيل: الله ينعم بحالك ...لو تكرمت اجلب ويهك ما فيه لخرابيطك
    وبند سهيل عن مايد اللي يحرق اعصاب سهيل بسوالفه ...

    وانتظروا الجزء الثاني

    ((الجزء الثاني ))
    بعد ما بند سهيل عن مايد ..حس بأرق حاول يرقد بس ما قدر يلس يقرأ مجله جواهر وعقب قام وسار حجره أخته مريم ..ويوم دخل ما لقها قال أكيد هذا البنت سهرانه على التلفزيون ..بسير اشوفها شوه اطالع ويوم نزل شافها اطالع الفلم اللي مصورينه يوم سافروا العام..
    سهيل: مريم شوه اطالعين ؟؟
    مريم: حسيت بملل قلت بشوف الشريط اللي صورناه يوم كنا في سويسرا
    سهيل:هيه والله ذكريات حلوه
    مريم: هههه هيه والله اتذكر تعرفنا على عايله وكانت بنتهم متخبله عليك شوي وبتأكلك ..
    سهيل : اووووه لا تذكريني ما صدقت انرد البلاد ..بس اتصدقين اني ادبتها هههه عشان مره ثانيه ما تيلس اطالع تذكرين يوم قلت حق امايه انغير الفندق الانهم بيبندونه حق الصيانه
    مريم: ههههههه ثرك مب هين ..طلعتنا من الفندق..وامايه ما تعرف السالفه الصدقيه
    سهيل : هههه لازم مب هين ...اقول مريم ابويه رد والا بعده
    مريم: لا رد قبل ما تنزل بشوي وسار يرقد ..الشغل متعبنه اذا ما اشتغلت فالشرطه جان ساعدته على الاقل .. مخلنه بروحه
    سهيل : ردينا انا احب شغلي وما فيه على العباله في مزرعه ابويه في الحر والموت ..البركه في أخوج سيف
    مريم:هيه والله هو اللي دووووم يعاون ابويه في شغله الله يعينه ..بس حرااام دوم مخلي عمي وعمتيه بروحهم ومطيح في مزرعتنا اللي في ليوا
    سهيل:الله يعينه ..بس انا يوم بلقى فرصه بسير اشوف احوال المزرعه
    مريم: بنشوف
    سهيل:مريم سيري يبي لي عصير
    مريم: ان شاء الله ..الحين بسير

    وسارت مريم المطبخ التحضيري عشان تييب لأخوها عصير ..وهيه تفكر بأخوها بالرضاعه وولد عمها سيف اللي كاسر خاطرها ..سيف اكبر من مريم بسنه عمره 24 سنه ..وهو اصغر من سهيل باربع اسنين ..عنده اخوان ثنينه سالم اللي عمره 26 وحمد عمره 28 كبر سهيل وهم معرسين وعنده اختين شمسه وعمرها 23 معرسه وماخذه ولد خالتها وحصه عمرها 20 سنه .. وعقب ما صبت مريم العصير لسهيل سارت الصاله
    سهيل : يالله يا مريم انتي سرتي تطبخين ..ليش بطيتي
    مريم: تأخرت الاني عصرت لك العصير ما ابغيك تشرب مال الدكاكين
    سهيل :هههه ما قصرتي يا بنت سالم ليش ادلعيني هالكثر
    مريم:ادلعك مؤقتاً بس يوم بتعرس خل حرمتك هيه اللي ادلعك ههههه
    سهيل :حتى لو عرست ما استغني من دلعج لي
    مريم: هههه ...اقول سهيل
    سهيل :خير
    مريم: ما شي بس الجامعه الاسبوع الياي بيودونا زياره لمركز الشرطه ..اضني اللي تشتغل فيه
    سهيل: والله زين يوم خبرتيني عشان انضبط امورنا
    مريم: بسرعه مر الوقت الحين الساعه12 ونص بسير ارقد ورايه نشه باجر ..ما بترقد ؟؟
    سهيل :لا ما فيه رقاد ضاربني ارق
    مريم: زين برايك ..تصبح على خير
    سهيل :وانتي من اهله

    عقب ما روحت مريم لحجرتها يلس سيهل يفكر بالبنت اللي شافها في المعرض وطلع خاري في الحوي ويلس في الحضيره وورى الضو ..ويلس يقصد ويوم تعب من العد قال والله تعبان ابغي ارقد مب حاله بتم سهران احرس البيت ..ليش الرقاد محاربني عقب سار الميلس ولقى العود ويلس يدندن اشوي ما حس بالوقت و سمع صوت ابوه ويوم شاف الساعه لقها 4 ونص

    سهيل :والخيبه تخيب العدو 4 ونص

    بو سهيل : شوه اتسوي يا ولديه في الميلس
    سهيل: هاااااااه لا ما شيء
    بو سهيل :شوووه بلاه ويهك غادي جذه ...انت ما رقت
    سهيل:............لا
    سهيل:لا اله الا الله ..شيء يعورك يا ولديه
    سهيل :يقول في خاطره قليبيي يعورنا (( لا يا ابويه ما فيه شي))
    بو سهيل :زين قم بنسير المسيد انتريا الصلاه
    سهيل : ان شاء الله بس ببدل كندورتيه
    وعقب ما ردوا من المسيد يلس بو سهيل في الحضيره ..وسهيل سار يقول حق البشكار يسوي قهوه وحليب حق ابوه ..واول ما وصل سهيل حجره البشاكير لقاها مقفوله ويلس يدق
    سهيل: حوووووووووووووووه فجوا الباب اعنبوه مب رقاد ...يا راجوه فج الباب
    راجوه :بسم الله ...جين جين ارباب
    ويوم فتح راجوه الباب شم سهيل ريحة الزقاره اللي طاره الحجره
    سهيل: راجو انت معلوم وين اشتغل انا
    راجو:ايوه ارباب انته شغل في سورطه
    سهيل: يعني انتي عندك خبر ..مره تاني اذا انا يشم ريحه مال زقاره في حجره مال انته انا بيسوي حق انته مشكل زياده
    راجو وهو خايف : جين جين ارباب
    سهيل :يله سو دله قهوه وحليب وودهن حق باباه في الحضيره وبعدين سو ريوق خبز رقاق وبلاليط وقرص هب تحرقه زين
    راجو: جين ارباب

    عقب ما اتقهوا وتريق سهيل ويا ابويه وامه سار يرقد ونبه على امه اتوعيه قبل الصلاه عشان يسير المسيد ..وعقب ما طاح على الشبريه استسلم للنوم ورقد


    في الجانب الثاني من مدينه العين في بيت ام علي نشت موزه وميثا الساعه 9 على حشره الصغاريه ويلست موزه اتهزبهم على الحشره اللي امسوينها
    ميثا: حراااام عليج يا موزوه هذيلا يهال لازم بيسوون حشره
    موزه:وانتي شوه عليج ما عندج حد يصدع بج
    ميثا:امنوه قال عندي أحمد وحمد ملعوزينا بحشرتهم
    موزه :شو رايج انتبادل هههههه
    ميثا: ههه اسميج سوالف يا موزه ما الوم عبدالله فيج
    موزه عقب ما احمو ويها اشوي قالت :هههههه بس لا تنسين تيبين العطر اللي اشتراه الجامعه
    ميثا: هذا اذا اشتراه
    عقب الهزبه والضحك تلبسن ونزلن يتريقن تحت وعقب ما خلصن قلت ميثا لخالتها انها تبا اتسير بيتهم
    ميثا:خالتيه ابغي اروح البيت
    ام علي : ليش يا بنتي ..ما لحقنا نيلس وياج
    ميثا: تعرفين يا خالتيه ان امايه بروحها وابويه والشباب كل عصر يسيرون العزبه
    ام علي :برايج يا بنتي بخلي علي وموزه يوصلونج
    شمه: لا لا تسيرين تمي ويانا براويج بيت العرايس اللي في حجرتيه
    ميثا:لا حبيبتي انا بسير عندي واجبات انتي ما عندج
    شمه وهي اتصيح : لا ما عندي
    ام علي : عيب يا شموه لا اتصيحين انتي حرمه
    ميثا:خالتيه خليها اتسير ويايه هي وسلامه وعقب المغرب بييبهن
    سلامه: انا ما اقدر عليه امتحان جغرافيا
    ميثا: انتي ذاكرتي البارحه ؟؟
    سلامه:هيه ذاكرت بس اليوم براجع
    ميثا: خلاص عيل انتي شلي كتابج وانا براجع لج
    سلامه: والله عيل بسير اتلبس وبشل لي جلابيه
    شمه :الله بروح بيت ميثا....بسير اتلبس
    ام علي:الله يهديج يا بنتي شمه بتلعوزج
    ميثا: ههه برايها ...الا شمه
    موزه: عيل ما في داعي اسير ويا علي سلامه وشما يسدن
    وفجأه يدخل علي عليهن في الصاله ..ويلس يتريق
    ام علي : علي فديتك اباك اتوصل بنت خالتك بيتها
    علي : ان شاء الله ..موزوه ما بتين ويانا
    موزه:لا سلامه وشمه بيسيرن وياكم وعقب المغرب ميثا بتردهن
    على : وين تبا شمه بتلعوزج يا ميثا
    ميثا: لا برايها ..حشرة شمه ما تضر

    وعقب ما تريق علي قال حق ميثا تنزل قشارها وتيب البنات وياها ..اول ما شافت شمه سيارة اخوها ربعت وفتحت الباب عشان تيلس على السيت الجدامي بس علي واجعها وقالها تيلس ورى ويا سلامه وعقب يت ميثا تبا تركب ويا البنات ورى بس علي ما خلاها

    علي : ميثا تعالي جدام
    ميثا: هااااااااه لا ورى احسن
    شمه : اسمعي كلامه والا بيهزبج مثلي
    علي :يا ميثا الناس اذا شافوج يالسه ورىبيقولون هذي ما تستويله ..ليش راكبه وياه
    ميثا:خلاص بيي

    وسارت تركب على السيت الجدامي وهي تسب موزه في خاطرها الانها ما طاعت تي وياهم ..وكل اشوي على يالس يرمس اخواته ويقولهن يصطلبن وما يلعوزن بنت خالتهن
    علي : ميثا اذا شما لعوزج سويلي تلفون وخبريني
    ميثا:..........
    شما:اصلن ميثا تحبني ما بتخبر عليه ..صح يا ميثا
    ميثا: هيه صح
    علي: ههههههه لا تقوين اخواتي عليه
    ميثا:لا اصلا شما وسلامه هاديات وما يشاغبن
    علي : باين اقول ميثا اذا المكيف مزعجنج رفعيه على فوق
    ميثا:لا مب مزعجني
    وعقب ربع ساعه وصلوا بيت سعيد ابوعبدالله ونزلوا كلهم ..وسلم علي على خالته وسار عنهن..وعقب الصلاه تغدوا كلهم ويا بعض وبعد الغدى سارت ميثا حجرتها عشان تراجع لسلامه وشمه يلست ترسم وتلون عدالهن وعقب يلست ميثا تصورهن بكاميرة الفديو ..

    ميثا: اشرايكن العصر انسير حديقه الهيلي .....؟؟؟ نلعب ونتحوط
    سلامه وشمه:موافقين
    ميثا: عيل العصر بخبر امايه
    سلامه وشمه:الله بنستانس



    عقب ما سار سهيل يرقد يوم استوت الساعه 11 ونص وعت فاطمه ولدها سهيل ..وقام يتسبح عشان يلحق على الصلاه وعقب ما ردوا من الصلاه يلسوا يتغدون سمع سهيل تلفونه يصيح ويوم شاف التلفون كان المتصل بو سهيل ((مايد))..غسل ايده وسار حجرتة عشان يرمس ربيعه

    مايد: الووه
    سهيل : السلام عليك
    مايد: وعليك السلام ......شوه اخبارك
    سهيل : مب بخير البارحه طول الليل ما رقت....ما رقدت الا الصبح
    مايد: شووووووووووه مسهرنك هاه يا بو مايد
    سهيل: وانته شوووه لك
    مايد: افااااا ليش معصب يا بو الشباب
    سهيل: وانته ليش متصل شو تبا بي
    مايد: سهيل حشرني يباني اوديه حديقه الهيلي واباك تي ويايه
    سهيل : انزين حرمتك بتي
    مايد: هيه بخلي الولد عندها وانا وانت بنسير نلعب هههههه
    سهيل : هههه متفيج عيل انا بييب اخواتي بعد
    مايد: انزين الساعه 5 الا ربع اباك تكون هناك ..وبيكون بينا اتصال
    سهيل : اوكيه انتلاقا في الحديقه
    مايد: مع السلامه
    سهيل :في وداعه الرحمن


    الساعه 4 ونص طلعت ميثا وبنات خالتها عقب ما خبرت امها وشلت وياها البشكاره الانها اول ما تطلع من الحديقه بتودي بنات خالتها بيتهن ..اول ما وصلن قصن خمس تذاكر حقها وحق البنات والبشكاره وتذكره حق الدريول عشان يستانس ..ودخلن الحديقه بعد 5 دقايق وصل مايد وحرمته عفرا وولده سهيل اللي عمره 3 سنين ووصل سهيل ومريم واختهم الصغيره شيخه اللي عمره 15 سنه ..وقصوا لهم التذاكر ودخلوا ..كانوا الرياييل جدام مايد شال ولده وسهيل وياهم وعفرا ومريم وشيخه وراهم ..انتبهت شيخه على ربيعتها سلامه وقالت لمريم انها بتسير تسلم عليها وسارت ويا مريم ويوم قربن اكثر اكتشفت مريم ان ربيعتها الروح بالروح يالسه على الكرسي اتشوف البنات يلعبن ..

    مريم: السلام عليكم
    ميثا: فديتج مريوم انتي هنيه ...وقامت اتسلم عليها
    مريم: لا هناك ههههههه... انتي شووه يايبنج اهنيه
    ميثا: الناس شووووه يسوون في الحديقه غير اللعب ...ضجت ويت انا وبنات خالتيه
    مريم: عيل موزوه وينها
    ميثا: في بيتهم لو تدري اني سرت الحديقه وشفتج بتذبحني
    مريم: ههههههه
    وفجأه يرن تلفونها وتفتح شنطتها عشان اطلع التلفون شافت رقم اخوها ..

    مريم: الوووه
    سهيل: عيب يا مريم خليتي عفرا بروحها
    مريم: شفت ربيعتي ويلست اسلم عليها
    سهيل : يله تعالي وهاتي شيخه وياج
    مريم: ان شاء الله
    ميثا: بتروحين
    مريم: هيه بس انتي وبنات خالتج بتن ويانا ..ابغي اعرفج على عفرا مرة ربيع اخويه وولدها سهيل ..ينحب والله
    ميثا : خلاص بسير وياج عشان اتعرف على سهيل وامه

    زقرت ميثا بنات خالتها والبشكاره ومريم زقرت اختها وسارن يدورن عفرا ..ويوم لقنها سلمت ميثا عليها ويلست على الكرسي هي ومريم اما البنات سارن يلعبن وكانت البشكاره اطالعهن وبعد دقايق زقر سهيل مريم عشان تشل ولد مايد سهيل وتوديه عند امه
    يوم سمعت ميثا صوته حست ان هذا الصوت مب غريب عليها ..استحت تصد على ورى ..وقالت في خاطرها معقوله يكون هو لا لا مستحيل يمكن وحد صوته نفس صوت هذاك الريال ..يت مريم وهيه تقود سهيل اللي كان يصيح
    عفرا : ليش يصيح ؟؟
    مريم: ريلج يباه يكون عندج الانه هوه وسهيل عقب اشوي بيركبون قطار الموت
    ميثا: شووه اسمك يا حلوووو
    سهيل : اتمي تهيل
    ميثا: ههههه سهيل ليش اتصيح؟؟
    سهيل : ابغي باباه
    مريم: ميثا قومي بنركب قطار الموت
    ميثا: اوووكيه يله ....اندوك هالحلاوه يا حلووو
    سهيل : تكراً
    وعقب ما راضت ميثا سهيل بالحلاوه سارت هيه ومريم يبن يركبن القطار.. ترين القطار لين يوقف وكانوا سهيل ومايد راكبين قبل وردوا يركبون مره ثانيه كان القطار فاضي هذي المره كانت مريم وربيعتها وسهيل وربيعه مايد واولاد صغار يلسن مريم وميثا ورى ..حس ان البنت اللي ويا أختها يعرفها من قبل والبشكاره اللي وياها شافها البارحه في المعرض ويا البنات اللي لعوزهن اللبناني فقال لمايد انه بييلس في الكراسي اللي جدام اخته بس قال له مايد احسن شيء بيخلون بينهم وبينهن كرسيين ..وافق سهيل وساروا ييلسون على الكراسي ..كان الجو حلو والمهيبه كانت بارده فطاحت غشوه ميثا وفي نفس الوقت صد سهيل على ورى عشان يقول لأخته تتقبض ...


    انتظروا الجزء الثالث
    </p></font>

  2. #2
    عضو متميز الصورة الرمزية الملكه الدلوعه
    تاريخ التسجيل
    Jun 2003
    المشاركات
    572
    قوة التمثيل
    281
    <font color='#000000'><p dir=rtl align=center>((الجزء الثالث))

    يوم صد سهيل لورى ..شاف البنت اللي عند أخته بدون غشاه استحى وصد لجدام بس قلبه كان بعده يناظر ميثا ..مريم ما عرفت كيف بيكون موقفها من التصرف اللي سواها سهيل صدق تلومت من ربيعتها ..قررت يوم يوصلون البيت بترمسه ..وبعد ما ركبوا القطار ساروا المصلي يصلون صلاه المغرب وعفرا والبنات سارن يصلن في مصلي الحريم ..وبعد الصلاه ساروا يأخذون شيء يآكلونه ..خذولهم سندويجات وعصير ..سهيل ومايد يلسوا على الكراسي اللي موجوده في الحديقه والحريم قالن يبغن يتمشن اشوي في الحديقه قبل لا يروحون ..

    مايد:سهيل شوووه بلاك يا الغالي ليش ساكت..؟؟؟
    سهيل:.........
    مايد: انا يالس ارمسك ...&#33;&#33;
    سهيل: ما شيء يا مايد ...لا تستهم
    مايد:ليش ما احاتيك وانت من نزلنا من القطار وانت متغير مب سهيل اللي اعرفه
    سهيل:مايد تعرف؟؟؟ال......
    مايد: كمل يا أخويه شوووووه اللي اعرفه
    سهيل : ال.......البنت اللي ويا أختي ما عرفتها
    مايد: لا ما عرفتها
    سهيل : نفس البنت اللي شفناها في المعرض البارحه
    مايد:هاااااااااااااااااه نفس البنت اللي كان اللبناني يغازلها ؟؟؟
    سهيل:هيه نفسها
    مايد: وانت كيف عرفت &#33;&#33;
    سهيل:عرفتها من البشكاره اللي وياها ...
    مايد: لا مب دليل هذا ......يخلق من الشبه اربعين
    سهيل:وقلبي يقول لي انها هيه
    مايد: ما ادري شوه اقول لك
    سهيل:اااااااااااااااااااا ه يا قلبي ...قم خلنا نروح

    حزت السيره سلمت عفرا على ميثا وكل وحده عطت رقمها لثانيه ..وسارن عند البوابه يترين سهيل ومايد. و.بعد ما خبرت ميثا الدريول انهم بيروحون طلعت ويا بنات خالتها قبلهم ..ووصلت البنات وعلى الساعه تسع وصلت البيت وكانت ام عبدالله تترياها على المنامه ..
    ميثا : امايه شوووه اتسوين خااااري ؟؟
    ام عبدالله:ضقت من اليلسه بين اربع يدران قلت بيلس على المنامه
    ميثا: زين الجو غااااوي بعد
    ام عبدالله: استانستوا في الحديقه
    ميثا: هيه استانست وااايد وتعرفت على وحده اسمها عفرا ومعرسه وعندها ولد عمره ثلاث سنين ..فديته والله حبوب
    ام عبدالله: من قوم امنوه هيه ؟؟
    ميثا: ما اعرف بس هيه كعبيه ومأ خذه ولد عمها ..و ساكنين في المعترض
    ام عبدالله: والنعم ابها
    ميثا: امايه انا ابغي اعزمها في يوم من الايام
    ام عبدالله: ما عليه بنعزمها هيه وريلها
    ميثا: مشكووووره يا امايه(( وتحبها على خدها)) .....بسير داخل عشان اخلص واجبيه وارقد ورايه دوام باجر ..
    ام عبدالله : والعشى ما تبغين تتعشين
    ميثا:لا شبعانه ما ابغي عشى
    ام عبدالله: براحج



    بعد ما سلم سهيل على ربيعه ركب سيارته هو واخواته ..وطول الدرب كان ساكت وخايف من ردت فعل مريم بعد اللي استوى اما مريم كانت ساكته تفكير شوه بتقول حق اخوها ..حتى شيخه كانت مستغربه من اخوها اللي تغير فجأه الانها متعوده على
    سهيل المزوحي اللي دوم يسولف وياها ويتخبرها اذا استانست وشوه سوت ..اول ما وصلوا البيت لقوا ابوهم وامهم يالسين في الحضيره ..نزل اخواته وسار المسيد يصلي بعد ما رد يلس في الحضيره ..يسوالف ويا أبوه وامه

    سهيل: وعلومكم يا شوابي
    ام سهيل:انا عيوز .......انا بعدني شباب
    بوسهيل :شوه هالرمسه يا ولديه ..صح اني كبرت وشيبت بس امك بعدها صغيره ..انا مأخذنها يوم عمرها 15 سنه
    سهيل:السموحه اصلا انا اسوالف بس ...لا تآخذين على رمستيه يا امايه((ويحب راسها ))
    ابو سهيل :ما سويت قصيده يديده يا ولديه
    سهيل: هيه كتبت قصيده البارحه
    ابوسهيل : ما شاء الله عليك يا ولديه اسميك غديت شاعر...طلعت على اهلك
    سهيل:هههه الا قول شويعر ..قصيد اللي تطريهم محد يروم يوصل لمستواه
    ابو سهيل : ان شاء الله بتستوي شراتهم وبتغلبهم بقصايدك ....يله يا ولديه عد علينا
    سهيل : تم ...

    البارحه مغتاضه ...سْهيليّ الجنوب
    جتْ بالخفا بالرّاضه...بين النّحر والثوب
    تكثر عليه أمراضه...لمفارق المحبوب
    الروح هوب معتاضه...في الغالي الرعبوب
    تذكرحسين ألفاضه ...لي لها بهواه دْروب
    وسلمتوا

    ام سهيل : صح لسانك يا ولديه
    ابوسهيل : شوه هالقصيده يا ولديه ...اتشيب اسميها صح لسانك
    سهيل : صح الله بدنكم ..والله لا يحرمني منكم ....برخصتكم بسير ارقد تعبان ما رقدت البارحه
    ام سهيل: ما تبغي عشى يا ولديه
    سهيل:لايا الغاليه تعشوا انتوا
    ابو سهيل:يا ولديه انت شيء بلاك مب سهيل اللي اعرفه ..
    سهيل:لاما فيه شيء ..((ويقوم سهيل ويدخل البيت..ويلا قي اخته اترياه))
    مريم: سهيل ممكن اكلمك اشوي
    سهيل: خير ... يا مريم
    مريم: قوم خلنا انسير حجرك ابغي ارمسك ..رمسه ما ابغي حد يسمعها
    سهيل: على هواج ..(( ويقومون ويروحون لحجره سهيل ...وفي حجره سهيل ))

    يلست مريم على الكرسي اللي مخصص لطاوله الكمبيوتر ..وسهيل وقف جدام الدريشه ..ومسك طرف الستاره بأيده وتم يطالع القمر ويقول في خاطره..اكيد مريم ما بتسامحني على اللي سويته اليوم ..يحق لها تخاف على ربيعتها ..ومريم كانت تحاول تبدأ بالموضوع ..وهي مرتبكه ما تقدر تتكلم بكلمه وحده
    سهيل: خير يا مريم شوه بغيتي ...ناقصنج شي
    مريم: سهيل لا تحاول تتهرب ...انت شوه سويت اليوم ونحن راكبين القطار
    سهيل:انا ما غلطت في شي وبالصدفه..يوم صديت ابغي اقول لج تتقبضين شفت البنت بدون غشاه&#33;&#33;
    مريم: ولو يا سهيل مب حلو تصد على البنات وحتى لو اني اختك بس ويايه بنت ..والناس ما يعرفون اني اختك ..ومن حقك توصيني بس طريقتك ما عيبتني مول يا سهيل..
    سهيل : السموحه منج يا اختي ومن ربيعتج ..والله ما كنت اقصد
    مريم : مسموح ...انا بسير ارقد تأمر على شيء
    سهيل:مشكوره يا الغاليه ..تصبحين على خير
    مريم:وانته من اهله ......بس انت ما بتتعشى ويانا
    سهيل: لا ما اشتهي العيشه
    مريم : اخاف حاط في خاطرك مني ؟؟
    سهيل: افااا يا مريم ان احط في خاطريه منج
    مريم: متأكد ؟؟؟
    سهيل: هيه يله اطلعي ابغي ارقد هههههه
    مريم:هههه ان شاء الله بطلع

    سارت مريم لحجرتها ويلست ترتب ملفاتها ..يا ويلي على اخويه اخاف قلبه تعلق بميثا ..من اول نظره بس مب معقوله اخويه اسنين واحنا نحاول نقنعه يعرس ..وهو ما يحب طاري العرس اصلا ونحاول نعرف اذا يحب وحده بس للاسف سهيل من روحه ما يبغي يعرس .. واليوم من ردينا من الحديقه وهو متغير ما شاء الله عليج يا ميثا .. احس ان اخويه خلاص بيغير قراره ...انا لازم اتمهل اشوي واستدرج اخويه بالكلام
    بفرح من خاطريه ان عرس اخويه ...وبكون اسعد انسانه اذا كانت العروس اللي في بالي ..كانت مريم اتهاذي بهذي الكلمات وهيه ترتب ملفها



    السبت في بيت ام علي ..موزه معصبه من بنت خالتها ميثا الانها ما خبرتها انهم بيروحون حديقه الهيلي ...وفي نفس الوقت يالسة تتحرطم من صباح الله على اخوانها اللي اخروها على جامعتها ..نزل علي يتريق عشان يروح دوامه

    علي: لا اله الا الله شوه بلاج تتحرطمين دوم ..
    موزه:سلامك لو انت في مكاني بتسويلنا عرس
    على : بل بل وكل هذا عشان جامعج ..يله قومي انا بوديج ..
    موزه:هيه واخوانك يخلون حد يرتاح وما يعصب
    ام علي: شوه ياج يا بنتي على اخوانج ..تراهم يهال لا تحطين في خاطرج منهم
    شمه:انا ما احبج انا احب ميثا الانها ما تصارخ مثلج
    موزه:لا انا أموت فيج ..اذا خلصت يا علي قم خلنا انسير ..احسن من مجابلة ام لسانين
    شمه: هههه احسن يا الغيوره
    ام علي: شموه عيب اطولين لسانج على اللي اكبر منج ...
    علي: يا الله يا امايه عيالج دوم يتناقرون ...يله قومي موزه عن اتأخر عن شغلي ما فيه على حشره ابو كرش مسؤولنا ...اللي مأذينا ما ذاه
    موزه: يله بتشيل وبشل فايلاتي وبلحقك ..((وبعد ما طلعوا من البيت يلسوا يسوالفون في السياره لين ما يوصولون جامعه الامارات ))

    موزه: متى بوصل الجامعه يوعانه
    علي: ليش انتي ما تريقتي ؟؟
    موزه:لا ما تريقت بس شربت كوب حليب ...بتريق في الجامعه الاني بكون فاضيه ما عندنا محاضره
    علي: حسبي الله عليج ..يوم انتي فاضيه اول الدوام جان سرتي توصلين اخوانج ...بدل ما تتحرطمين عليهم الحين شوه اللي بيفكني من صدعة المسؤول ؟؟
    موزه: ما فيها شيء ..يعني عيب يوم توصل اختك
    علي : لا مب عيب بس انا قلت بوصل على اساس ما تتأخرين عن محاضراتج
    موزه: مشكور يا بو حسن ما قصرت فيه في ذمتيه ..بس انا عندي سالفه ويا بنت خالتك المصون
    علي : ميثا شوه بلاها بعد ..انتي ما خليتي حد مره اخوانج ومره بنت خالتج
    موزه: امس سارت ويا سلامه وشما الحديقة وما قالت لي ..حتى السماعه ما رفعتها
    علي: تبا الفكه منج دوم مجابلتنها في الجامعة...يله انزلي بسرعه بتأخر عن شغلي
    موزه : انزين دواها عندي هالبنت ...مع السلامه (( ونزلت ودخلت مبنى الجامعه ))

    في الجامعه وبالتحديد في الكفتيريا كانت ميثا تتريا ربيعتها مريم ...وهيه تتافف يا ربي من هالبنت خست وانا اترياها دوم تتأخر حتى لو عندها ما عندها محاضرات ..بتصل فيها وبشوف وين هيه الحين ..ميثا وهي يالسه تحط السماعه على اذنها تبغي ترمس مريم بالدس ..دقت الرقم تم يصيح لين انقطع وعقب دقت مره ثانيه الانها خافت على مريم..سهيل في السياره ما سك تلفون أخته اللي نسته على الجرج اللي في سيارته ..كان متردد بس قال لازم ارد يمكن مريم متصل من تلفون وحده من ربيعاتها عشان تخبرني عن تلفونها اللي نسته ..

    ميثا:الووووووه مريوم وينج الله يهديج ..عيزت وانا اجرخ تلفونات
    سهيل:..............
    ميثا:ليش ما تردين عليه ..هاااااااه ما عليه خليني اشوفج بس..
    سهيل:السلام عليكم
    ميثا وهيه امبحلقه بعيونها:اا.... انت امنوه ....ووين مريم
    سهيل:مريم توها داخله مبنى الجامعه...ونست تلفونها في السياره..وانا اخوها
    ميثا:السموحه يا أخويه .. ما عندي خبر انها ناسيه الموبايل
    سهيل :مسموحه(( وبند بس كان حاس ان هذا الصوت مب غريب ...))

    بعد الموقف المحرج اللي استوالها يلست تقول في خاطرها أكيد هذا أخوها اللي شفته وياها في الحديقه الانها ما عندها أخوان غيره وهو نفسه اللي هزب اللبناني ..معقوله يا ربي الصدفه لاعبه دور ويايه ..الله يسامحج يا مريم واااااايد نسايه ..فجأه تيها موزه من ورى واتزيغها ..

    موزه : بووووووووو
    ميثا : بسم الله زيغتيني يا الساحره
    موزه: انا ساحره يا خاينه
    ميثا: ليش شوه سويت
    موزه: لا ما سويتي شيء ....شوه اتسمين روحتج للحديقه بدوني
    ميثا: هههههه اقول موزه شوفي منوه ياي صوبنا
    موزه: امنوه؟؟؟؟
    ميثا: الغاليه مريوم
    مريم: السلاااااام عليكن
    ميثا وموزه : وعليج السلام
    مريم: شوه بلاكن محتشرات
    موزه: سارت ويا اخواتي حديقه الهيلي .. وما خبرتني
    مريم: صدق استانسنا البارحه في الحديقه ...والله السيره وياج حلوه يا ميثا
    ميثا: يا ك الموت يا تارك الصلاه
    موزه: يا خاينات ...بنقول بنت الخاله ما تكرمت تتصل ليش ما تتصلين انتي والا انا مب ربيعتج
    مريم:افاااااا والله انتي على العين وعلى الراس ..بس بالصدفه شفت ميثا واخواتج البارحه
    موزه :اهاااااااااااااااا ما عليه بطوفها هذي المره بس المره اليايه بعاقبكن
    مريم+ميثا : هههههههه السموحه منج
    موزه:يله انا الحين بسير عندي محاضره وقت الغدى بشوفكن
    مريم+ميثا: ان شاء الله .....الله يحفظج

    الابيات للشاعر : سعيد بن راشد بن عتيق الهاملي
    ((الجزء الرابع ))

    بعد ما سارت موزه لمحاضرتها ..سارن ميثا ومريم يأخذن لهن ريوق عشان يصحصحن ..خلن ملفاتهن على الطاوله وهن سايرات شافن ربيعتهن اسماء اللي ساكنه في دبي ..ويايه جامعه الامارات الانها تبغي تتخصص في مجال التربية ..بعد ما سلمن عليها كملن طريقهن ..الي البوفيه اللي في الكافتيريا ...
    ميثا: حافظ على اسموه ...اسميها شيخت البنات
    مريم: هيه والله صدقتي يا ميثاني ..بنت مؤدبه وطيبه ...
    ميثا: قلبي يعورني عليها ...مجبوره تتحمل البنات اللي في السكن
    مريم: لازم بتتحمل ..خلاص هانت هذي آخر سنه لها في الجامعه
    ميثا: بشتاق لها والله
    مريم: وانا بعد .. ما قلتي لي شوه بتتريقين؟؟؟
    ميثا: اممممممم ما أعرف شوه رايج بآخذ فطاير وعصير برتقال ؟؟
    مريم: حلو بس ما يشبع
    ميثا: اعرف بس انتي تعرفين اني تريقت في البيت قبل لا ايي ..قلت بآخذ لي شيء بسيط ..
    مريم: انا بآخذ لي كوروسون وحليب جاهي ...الان راسي يعورني
    ميثا: اكيد من سيرت الحديقه البارحه
    مريم: ههههههه لا مب من الحديقه يله خلينا انرد لطاولتنا ((وبعد من حاسبن ردن لطاولتهن ))

    ميثا: صدق الحين بيودونا مركز الشرطه ..؟؟؟
    مريم: هيه بس عقب ما نتريق بنسير نتأكد
    ميثا: اوكيه بس متى بيخلص البريك
    مريم: بعد نص ساعه
    ميثا : عيل خلصي عشان انسير نتخبر مياده عن الرحله ..ونلحق على محاضرتنا
    مريم: خلصت يله قومي ((وسارن لشؤون الطالبات ))
    ميثا+مريم: السلام عليكم
    ندى: وعليكم السلام
    مريم: ندى لو سمحتي وين مياده
    ندى : غايبه اليوم ..ما اضني اداوم ...شوه تبغنها
    ميثا : نبا نتخبرها عن الرحله
    ندى : زين يوم ييتن ...الان فيه تغيير في الرحله
    مريم: هاااااه ليش من اسبوعين وهم يقولون بيودونا مركز الشرطه
    ندى : بس الرحله بتكون احلى من السيره لمركز الشرطه
    ميثا: وين بيودونا هالمره..؟؟؟&#33;&#33;
    ندى: دبــــــــــــي
    ميثا+مريم: هااااااااااااااااااه والله
    ندى :هيه بيودونكم دبي باجر وبتكون رحله ترفيهيه ما بيخلون مكان ما بيودونكم له
    مريم: الله ورحله مركز الشركه شوه استوى عليها
    ندى : نحن قدمنا دعوه لهم و الظباط بيون الجامعه عشان بيلقون عليكم محاضره
    ميثا: مشكوره يا ندى ..يله برخصج ورانا محاضره
    ندى : مرخوصات ...بس غريبه يا ميثا ليش ما خذتي من الحلاوه اللي على الطاوله..؟؟
    ميثا: هههههه خلاص بأخذ
    مريم: وان بعد ابغي حلاوه ههههههه ((وبعد ما تخبرن عن الرحله سارن الان محاضرتهن بتبدأ بعد اشويه))


    في مركز الشرطه كان سهيل وربيعه مايد في الكافتيريا يالسين يتريقون كالعاده
    وسوالف وضحك ..وتعليقات على واحد من ربعهم اسمه خليفه الانه واااااايد يسرح

    مايد: يا أخي شوف خلوف دوووم يسرح ..كأنه ما يرقد مول
    سهيل : حرام عليك خله برايه
    مايد: ما ادري شوه مسهرنه
    سهيل : بس تعليقات على الريال
    مايد: خلاص عن تأكلنا بنغير السالفه ....بخبرك عن سهيل الصغير
    سهيل: شوه بلاه ؟؟؟
    مايد: امه تقول تعلق بالبنت اللي كانت ويا أختك في الحديقه البارحه
    سهيل: والله
    مايد : هيه تعرف ان حظك حلو ..طلعت ربيعه مريم يعني بتعرف عنها شيء
    سهيل : ضنك ...بس امس مريم سولت لي محاضره
    مايد : ليش شوه سويت ؟؟؟
    سهيل : امس يوم كنا راكبين القطار صديت على مريم اقول لها تتقبض
    مايد: انت تعرف ان اختك مب ياهل عمرها 21 سنه ..انزين وبعدين
    سهيل : شفت البنت اللي ويا أختي بدون غشاه
    مايد:اهااااااااااه خلاص لعبتك مكشوفه ..عرفت ليش تغيرت فجأه بعد ما نزلنا من القطار ..
    سهيل : اووووووووه فكنا الله يخليك ..لو خليتنا في سالفه خليفه احسن لي ولك
    مايد :تبا تتهرب ...والا تخاف يزيد عليك العوق اللي ماله دوى
    سهيل : انطم ..بخبرك اتصلوا بي الجامعه اليوم قالوا ان مخططهم تغير ..نحن اللي بنسير لهم يوم الاربعاء ..ورمست المسؤول قال لي اسير الجامعه وآخذ ويايه اثنين
    مايد: انا ما ابغي اسير شل خليفه وهزاع وياك
    سهيل : مب كيفك انت اولنا ...وبشل ويايه هزاع او خليفه
    مايد : شل هزاع.. بينعجبن فيه البنات ....
    سهيل : قول ما شاء الله ...يا الحسود
    مايد: ما شاء الله عليه ...
    سهيل : والا شرايك انسير نحن الاربعه انا وانت وهزاع وخليفه ..
    مايد: اوكيه .. بتخبرك لين الحين المسؤول على رايه احيد قايل لنا بعطيكم اجازه يوم الاحد
    سهيل : هيه لين الحين على رايه ...شوه رايك انسير دبي نتحوط ؟؟؟
    مايد: نعم الراي ..وبنشاور خليفه وهزاع اذا بييون ويانا
    سهيل : خلاص عيل باجر الساعه سبع بنسرح



    انتهى اليوم على خير وخلص دوام الجامعه وطلعن من مبنى الجامعه ..وكل وحده فيهن هلكانه من المحاضرات ..سياره ميثا ومريم يتشابهن بالضبط استيشن اسود ومغيم بعد يعني ما ينشاف شيء ..بالغلط فتحت مريم الباب الجدامي للسياره ويوم بغت تركب شافت دريول ومب دريولهم واستغربت الان سهيل قال بيخطف عليها ..
    مريم: يا ويلي ...شوه هالحاله...بس هذا مب دريول ميثاني
    الدريول:ههههههه ...ماما مره تاني شوف رقم مال سياره
    مريم: هنود ولسانهم يلعلع ...واعليه عليج يا ميثاني اكيد ركبت سيارتنا ((وصكت باب السياره))
    اما ميثا...فتحت الباب الوراني تبا تركب ويوم يت بتركب وعلى صوت الباب ..التفت سهيل لورى مستغرب ..الان متعود ان اخته تركب عداله ..مب من عادتها تركب ورى
    ميثا:اويه هاذي مب سيارتيه ....وااا فضحتيه
    سهيل وهو مبتسم :............
    وصكت الباب بسرعه وسارت ادور سيارتها وما انتبهت ان سهيل اللي كان في السياره.. كان موقف ما ينحسدن عليه ..وخصوصاً لميثا...وفي سيارة مريم

    مريم: ياربي من هالحاله
    سهيل : شوه بلاج تتحرطمين ؟؟؟
    مريم: ركبت سياره ربيعتي ميثا بالغلط ..والدريول يضحك ويقول شوفي الرقم مره ثانيه
    سهيل : اجدى فيج زين يوم طلع دريول مب حد ثاني ..انا بعد يت بنت بتركب سيارتيه بالغلط
    مريم: ياااااااويلي عليج يا ميثاني الغلط منج ومني ما شفنا ارقام السيايير عدل ..من التعب اللي فينا
    سهيل : ما استوا الا الخير هي نفسها اللي كانت وياج في الحديقه البارحه
    مريم: وليش هذا السؤال
    سهيل : خلاص اذا ازعج السؤال لا تجاوبين
    مريم: (( قالت في خاطرها حراام اكيد الحين هو ميت بيا يعرف الجواب ))...هيه هي نفسها

    تيبس سهيل وما قدر يتكلم والا بكلمه ...حس انه خفيف مثل الطير وده يطلع من السجن اللي هو فيه يطلع الي دنيا أكبر يعيش فيها اللي هو قلب ميثا اللي سرقت قلبه من اول ما شافها في المعرض ..وحرمته من منامه يلس يردد اسمها بقلبه وسرى شوقه لها في شرايينه ..يلس يقول في خاطره ااااااااه لازم اتمهل والايام بتثبت لي اذا كنت احبها والا بس مشاعر واحد ساعد وحده



    اول ما ركبت ميثا سيارتها يلست تلوم نفسها وتقول ياليتني شقت الرقم قبل لا اركب بس السياره نسخه عن سيارتنا بالضبط ..اول ما وصلت بدلت ونزلت تحت عند امها تأكل كيكه بالتمر اللي اتسويها بشكارتهم ليزا الان كل اللي في البيت يحب هذي الكيكه ..قبل آذان المغرب وصل ابو عبدالله وقالت له عن الرحله
    ميثا: ابويه
    ابوعبدالله : عيون ابوها
    ميثا: تسلم اعيونك يالغالي ..الجامعه باجر بيودنا دبي
    ابو عبدالله: خيبه دبي ..شوه اتسوون هناك
    ميثا:ما شيء ..بس يبون يكشتونا
    ابو عبدالله: والعين ما فيها اماكن للكشتات
    ميثا: فيها بس نحن حفظنا العين ..ودبي ما سرت لها من زمان وبعدين الجامعه هي اللي اختارت دبي مب نحن
    ابوعبدالله: كشتكم ماصخه
    ميثا: ههههههه حراااام عليك يا ابويه دبي حلوووه ...باجر ان شاء الله بنسير وبنرد عند آذان المغرب العين
    ابوعبدالله : الله الله بعمرج يا بنتي لا تتعبين عمرج انتي تدرين انج تعبانه ((ويطلع البطاقه من البوك ويعطيها اياها ))
    ميثا: ان شاء الله يا ابويه ومشكور يالغالي ((وتحبه على راسه))
    ابو عبدالله:البطاقه اللي عطيتج اياها بطاقج اسحبي منها وخذي كل اللي في خاطرج
    ميثا: ان شاء الله


    في الجانب الثاني من احلى مدينه سهيل يالس في الحظيره يقصد كالعاده ويشرب حليب جاهي .. صاح تلفونه شاف مايد متصل به شل موبايله ويلس يرمس مايد

    مايد:شوه امسيت يا سهيل
    سهيل : امسيت معتل
    من كثر ما يقلاني الشوق ...لْشوف خلاّنٍ لي أصداق
    حالي غدى مْن الحال مسروق ...حال الذي به كثرت أعواق
    كَحال الأراطي وقت لعقوق ...أو حال تين بْسمط الأوراق
    لا طيب نوم ولا يهني ذوق ...وفي القلب هاجوسٍ ودقّاق
    أشكي ولا اشاكي المخلوق ...با غير خلاّقي الرّزاق
    مايد: صح لسانك
    سهيل : صح بدنك
    مايد: سهيل انا رمست الشباب عن سيرة دبي ما اعترضوا
    سهيل : زين نبا نستانس اشوي
    مايد: كيف بتكون سيرتنا ؟؟
    سهيل : انا وانت في سيارتيه ..وهزاع وخليفه في سيارته واحد منهم وبنتلاقى عند دوار العوهه...ولا تنسى يا مايد تخبر الشباب اييبون وياهم كنادير وفود الانا بنتسبح في البحر
    مايد: ان شاء الله بس تعرف انك تصلح منظم سياحي هههههه
    سهيل : اجلب ويهك وخبر الشباب الحين
    مايد: ان شاء الله الحين برمسهم وانا باجر قبل السبع بيي بيتكم وبوقف سيارته عندكم

    بالباجر سووا الشباب اللي قاله سهيل لهم وطلعوا من العين الساعه سبع ..سهيل ومايد في سيارة سهيل ..وهزاع وخليفه في سيارة هزاع وفي الجامعه الساعه 8 طلعن البنات من الجامعه سايرات دبي بس موزه ما كانت وياهم الانها اول سنه لها في الجامعه ومريم وميثا سنه ثانيه ..كانت ميثا ومريم يالسات آخر الباص مستانسات ويفكرن شوه بيشترن بعد ساعه وصلوا دبي وساروا صوب وافي عشان يرتاحون ويتريقون ..وبعد ما تريقن البنات سارت يحوطن في المركز

    مريم: الله هذا واااااافي
    ميثا: ههههه شوه بلاج اول مره تين اهنيه
    مريم: هيه بس مب اول مره ايي دبي ..اخويه سهيل ما يطيع يودينا وافي الان الشباب كلهم اهنيه
    ميثا حست بارتباك وتم قلبها يدق الانها عرفت اسم الريال الطيب اللي ساعدها هذاك اليوم : هههه بس من حظنا المركز فاضي
    مريم: هيه والله ...يله قومي خلينا نتحوط وانسير بيت الرعب اللي في آخر طابق
    ميثا:ضنج بيخلونا ندخل ؟؟
    مريم : ما اعرف وسارن الطابق الأخير
    وفجأه اتشوف مريم وااحد يشبه سهيل يالس يتريق ويا مجموعه من الشباب ...قالت بتصل فيه وبتأكد

    مريم: الوووووووو
    سهيل : هاااه يا مريم ليش متصله من الجامعه شيء يعورج ؟؟
    مريم: لا... سهيل انا في دبي الجامعه يايبتنا
    سهيل : هاااااااه لا تقولين انتوا وين الحين
    مريم: نحن في وافي ..شفت وااااحد يشبهك قلت برمسك وبتأكد
    سهيل : توقعج صح ...انتي وين بالضبط ؟؟
    مريم: انا في الطابق الاخير نبغي ندخل بيت الرعب
    سهيل : عيل برايج

    ودخلن مريم وميثا وبعض البنات بعد ما اقنعن العمال انهم اول مره ايين هنيه وفي بيت الرعب ومريم وميثا ما سكات ايدين بعض الانهن اول مره يدخلن بيت الرعب وما يعرفهن شوه بيطلع لهن ..تمن يمشن وهن متروعات وفجأه ينزل لهن هيكل عظمي ولا ارادياً انقص الخيط وطاح جدامهن صرخت ميثا صرخه واغمى عليها كل اللي في بيت الرعب ما عرفوا شووه مستوي والعمال اللي في البيت ولعوا الليتات يلست مريم اتصيح وتحاول اتشمم ميثا العطر عشان اتقوم بس ما قامت ما عرفت شوه اتسوي ..اتصلت بسهيل وخبرت بالسالفه وياهم يربع

    مريم: اخويه سهيل اللحق عليه ميثا اغمى عليها وانا من خمس دقايق احاول اوعيها
    سهيل : قومي ويايه بنوديها الدختر
    مريم: والمسؤوله .. وفي نفس الوقت نشت ميثا بس كانت تتنافض
    سهيل : ما عليه منها ما اتشوفين ربيعج اتنافض ؟؟

    يوم رمس سهيل المسؤوله ما اقتنعت الا يوم راوها البطاقه اللي تبرهن انه ضابط واذا اتستوى للبنت شيء هيه المسؤوله الانها ما خلتهم يودونها المستشفى آخر شيء اقتنعت الان مريم بتكون وياها والان المستشفيات قريبه من وافي .. استأذن سهيل من ربعه وعقب ما ركبت مريم ربيعتها بالغصب السيارة ..يلست ورى ويا ميثا
    مريم: سهيل اي دختر بتوديها ؟؟؟
    سهيل : الامريكي الانه الاقرب للمركز والانه احسن المستشفيات في دبي




    الابيات للشاعر

    راشد بن عبيد بن حمرعين الظاهري</p></font>

  3. #3
    عضو متميز الصورة الرمزية الملكه الدلوعه
    تاريخ التسجيل
    Jun 2003
    المشاركات
    572
    قوة التمثيل
    281
    <font color='#000000'><p dir=rtl align=center>((الجزء الخامس ))

    اول ما وصلوا المستشفى الامريكي دخلوا من باب الطوارىء ونزل سهيل عشان يطلب كرسي متحرك الان ميثا بعدها اتنافض وما تقدر اتحرك ..بعد اقل من خمس دقايق يابت العامله الكرسي المتحركه ويلست عليه ميثا ومريم تمت ادزها لين طاولة الاستقبال وكلم سهيل اللي يشتغلون في الاستقبال ..وخبرهم بحاله البنت وانها اول مره اتعالج عندهم الانها ساكنه في العين ..وبعد ما اقنعهم وافقوا بصعوبه وقالوا له ينتظرون في غرفه الانتظار ..لين يزقرهم الدكتوره

    سهيل :مريم دزي بربيعج وسيري بها لغرفه الانتظار مالت الحريم
    مريم: ان شاء الله بس يا سهيل لا تخليهم يبطون علينا
    سهيل : ما يهمج برمسهم انا((وسارت مريم بربيعتها لغرفه الانتظار ))
    مريم: ميثاني غناتي شوه هباتج الحين
    ميثا: يوم يبتيني يا مريم ...انا وين
    مريم: بسج عن الكلام الزايد يوم بتصحين بنتفاهم
    ميثا: انا عطشانه ابغي ماي
    مريم: فديتج انا لحظه بييب لج ماي ((بس مريم ما لقت الانها ما تعرف مرافق المستشفى ...فرمست سهيل وقالت له ))
    مريم: سهيل الغالي سير خذ لي غرشه ماي البنت ضميانه
    سهيل: خلاص برايج انا الحين بسير اييب غرشه ماي
    مريم: هات بارده
    سهيل: افااا عليج بييب لج غرشه بارده

    وعقب ما اشترى سهيل غرشه ماي بارده ..وداها لمريم وبعد خمس دقايق زقرهتم الدكتوره الان سهيل قال لهم يبغي الدكتوره تعاينها ..بعد فتره طلعت مريم اتشوف أخوها شافته موخي قعدت عدله ويلست ترمسه الان ميثا حاطين لها مغذي
    مريم: سهيل شوه بلاك ؟؟؟
    سهيل وهو بعده موخي : ما شيء
    مريم: عيل ليش موخي ؟؟
    مث سهيل عيونه بطرف سفرته : لا ما شيء بس تعبان اشوي
    مريم : انت كنت ادمع سهيل ليش (( كانت مريم تعرف ليش سهيل دمع ))
    سهيل : شوه اخبارها مي....ميثا؟؟؟&#33;&#33;&#33;&#33;
    مريم: بخير بس حطوا لها مغذي وعقب اشوي بيرخصونها
    سهيل : عيل انا بسير اشوي بتمشى في الدختر ..ويوم بتخلصون دقي عليه

    قام سهيل وسار يتمشى في المستشفى شاف محل للهدايا دخل ويلس يطالع شوه يبيعون اشترى كرتون صغير فيه حلاوه وعلى غطاة الكرتون دب صغير ...وخذ باقه ورد صغيره وكتب على البطاقه تستاهلين السلامه وسار لسيارته وحط القشار اللي اشتراه على السيت الوراني بعدين رد ييلس على الكراسي المجابله للحجره اللي فيها ميثا فجأه زقرته الدكتوره عشان ترمسه عن حالة ميثا الانها كانت تتحسبه أخوها أو ريلها

    الدكتوره : انته اخوها او زوجها
    سهيل ما عرف كيف بيرد عليها : لا انا اخوها
    الدكتوره : البنت تحسنت اشوي بس تحتاج للراحه
    سهيل: ان شاء الله يا دكتوره
    الدكتور : تقدر تدخل تطمن عليها اذا حبيت
    سهيل : ما له داعي الانا الحين بنسير ((بعد ما سارت الدكتوره طلعت مريم من الحجره ))
    مريم: سهيل ميثا ما تبغي ترد وياك
    سهيل : عيل كيف بترد للمركز
    مريم: ما اعرف &#33;&#33;&#33;
    سهيل : سيري رمسيها مره ثانيه
    مريم: ما بطيع وانا ما اروم اضغط عليها الانها تعبانه
    سهيل : والحل ؟؟؟؟
    مريم: ما اعرف
    سهيل عصب الانه ما يعرف شوه بيسوي والساعه بتكمل 12 وما يقدرون يتأخرون :انتي شووووووه اتعرفين قولي لها اذا ما طاعت بدخل الحجره وبقنعها انا
    مريم: خلاص ((بعد ما اقتنعت ووافقت ميثا ركبت السياره ...وفي السياره ))

    مريم: الله ورد حق امنوه ؟؟؟
    سهيل : وانتي كل شيء تبينه لج
    مريم: وبعد كاتب تستاهلين السلامه ....خلاص عرفت حق امنوه ياليني كنت انا المريضه
    سهيل : انتي لو مرضتي بعقر لج بعير
    ميثا: ههههههههههههه
    مريم: الله لا يحرمني من هالضحه
    سهيل في خاطره : الله لا يحرمني منج ....((مره ثانيه لا تدخلن بيت الرعب ))
    مريم: ان شاء الله
    سهيل يبغي يسمع ميثا: سمعتني ما شيء دخله مره ثانيه


    اول ما وصلوا مركز وافي كانت المسؤوله والبنات يترين مريم وميثا عشان بيروحون مكان ثاني وسهيل اتصل بمايد عشان يتخبره وين هم قالوا له انهم بيسيرون مطعم الدار عشان يتغدون وعقب بيسيرون ميركاتو والبنات اول شيء سارن ستي سنتر عشان يتغدن ويتشرن اشوي وعقب قالن للمسؤوله يبغن يروحن لميركاتو الانه يديد ويبغن يشوفنه ..وفي مركز ميركاتو سهيل ومايد يتمشون وخليفه وهزاع جدامهم

    مايد: سهيل شو سوت البنت عساها بخير
    سهيل : تعرف امنوه البنت اللي وديتها ويا أختي الدختر ؟؟
    مايد : لا تكون البنت اللي شفناها في المعرض والحديقه &#33;&#33;&#33;
    سهيل : هيه نفس البنت علني افداها
    مايد : الله الله سهيل تعلم يتفدى بعد
    سهيل : بتفدها عندك مانع بعد
    مايد : تلفونك يصيح
    سهيل : برايه
    مايد : يمكن اختك تباك
    سهيل :الوووووه
    مريم: سهيل ليش تلحقنا وين ما انسير ؟؟
    سهيل : عنبوج زاااااد شوووه هالرسمه بعد ليكون مالكه دبي انتي
    مريم: هههههههه لا بس انت وربعك وين ما انسير ورانا
    سهيل اهاااااا بس نحن يايين قبلكم انتوا اظهروا
    مريم:ا حلف بس .......سهيل تعرف محل عطور اوكيه هنيه
    سهيل : هيه انا بترياج ويوم اتشوفيني دقي عليه عقب بوديج للمحل
    مريم : اوكيه(( ووصلهن سهيل المحل ودخلن وبعد اشويه هو دخل عشان يأخذ عطور ))
    الموظفه : اي خدمه؟؟
    ميثا: مشكوره بس ابغي اسكادا نسائي
    مريم : انا ابغي هوقو اليديد
    الموظفه : لحظه
    سهيل : لو سمحتي عطيني اسكادا رجالي
    مريم: سهيل انت هنيه
    سهيل : لا هناك

    مريم: شووووه اتسوي هنيه بعد
    سهيل : تعرفين ليش ياي دبي ؟؟؟
    مريم: ليش ؟؟
    سهيل : مراقب خصوصي ........ الله يهديج ياي اخذ لي عطور
    ميثا ما قدرت تمسك عمرها من الضحك ..ضحكت اشوي عقب يلست على الكرسي..سهيل التفت لورى وهو طاير من الفرح الانه للمره الثانيه يشوفها تضحك ..سحرته بضحكتها ولو انها كانت متغشيه ..بعد ما خذن عطور وميك اب وشنط وشيل طلعن من المركز وسارن العين على طول الان الساعه كملت خمس وسهيل وربعه ساروا البحر واتسبحوا عقب مسكوا درب العين في سياره سهيل ..كان سهيل حاط اغنيه

    ((أموت انا في حبهم ..وارخص انا عيوني لهم .. ناس اسكنوا قلبي انا..وانا سكنت بقلبهم ..هم علموا قلبي الغرام ..والشوق كله والهيام ..هم بس من كل الانام..ما اطيق لحظه بعدهم ))

    مايد: سهيل ههههه شووه رايك بالكشته ؟؟
    سهيل يتنهد : اسكت الله يخليك .......احلى يوم في حياتي
    مايد: انت شوووه سالفتك ويا البنت ؟؟؟ لا يكون
    سهيل :احبها
    مايد: متأكد ؟؟؟
    سهيل : هيه وابصم لك بعد
    مايد: الله يهنيك
    قبل آذان المغرب وصلن البنات الجامعه واللي مب ساكن في سكن الجامعه يوا أهلهن وشلوهن وسهيل ومايد ساروا المسيد عشان يلحقون على الصلاه ..وعقب ما صلوا سار سهيل بيتهم عشان مايد يأخذ سيارته يوم دخل سهيل البيت سار حجره اخته عشان يتخبرها عن ميثا
    مريم: متى وصلت ؟؟
    سهيل : قبل آذان المغرب
    مريم: لا نحن الساعه ست ونص وصلنا العين
    سهيل : مريم
    مريم: هلا
    سهيل : شوه سوت ربيعج
    مريم: انت ليش كل ساعه تسأل عنها
    سهيل : خلاص محد بيسألج وفري الجواب لعمرج ((صك الباب بالقوى وسار حجرته ..عقب لحقته مريم عشان تتسامح منه ))

    مريم: سهيل افتح الباب
    سهيل : مب فاتح خلاص لا بسألج ولا شيء خليني بروحي
    مريم: ما يسوى عليك هالزعل
    سهيل : الحين انتي شوه تبين ؟؟
    مريم: ابغي السموحه
    سهيل : خلاص مسموحه سيري الحين
    مريم: خلاص اللي كانت تعبانه بترمسك
    فتح سهيل الباب : شوه تقصدين انتي
    مريم: بخليها ترمسك عشان تطمن
    سهيل : ما بطيع ......وبعدين هيه مب راعيه هالحركات
    مريم: كيف عرفت ؟؟؟
    سهيل : الانها ربيعج وانتي ربيعاتج كلهن مؤدبات
    مريم: اهاااا صح كلامك ((ودقت لميثا من موبايلها))
    ميثا:الوووووووو
    مريم:هلا بغناتي شوه امسيتي
    ميثا:بخير الحمدلله
    مريم: اهلج دروا انج تعبتي علينا في دبي
    ميثا: لا ما خبرت حد
    مريم: احسن عسبت ما يستهمون ...اقول ميثا
    ميثا:هلا
    مريم:ا نا بيأكلوني نااااااس يبون يتأكدون انج بخير
    ميثا: امنوه؟؟؟؟؟&#33;&#33;&#33;&#33;&#33;&#33;
    مريم: لحظه ((عطت الموبايل لسهيل وطلعت الان امها تزقرها ))
    سهيل : السلام عليكم
    ميثا: .......
    سهيل : لا تبندين دخيل والديج
    ميثا: وعليكم السلام
    سهيل: انا مب مثل باقي الشباب اللي يرمسون انتي اول وحده ارمسها
    ميثا: اعرف مشكور على اللي سويته اليوم
    سهيل : العفو ...ان شاء الله احسن الحين ؟؟
    ميثا: الحمدلله احسن من قبل ...برخصتك
    سهيل : مع السلامه
    ميثا : مع السلامه

    عقب ما بندت سييف سهيل رقمها في تلفونه بأسم حياتي ..ونزل عشان يسير المسيد يصلي العشا وعقب رد البيت يتعشى ويا اهله
    سهيل : شوه عشاكم اليوم؟؟
    ام سهيل: عيش ابيض وخبز رقاق وصالونه دياي
    سهيل: امايه ابا روبه
    ام: سهيل :ان شاء الله ...((وقالت لشيخه تييب روب من الثلاجه
    ابو سهيل : ليش سرت اليوم دبي بعد؟؟
    سهيل : كشته انغير جو اشوي بس ما شيء احلى من العين بس بحرهم فنان
    مريم: اسواقهم حلوه كل اللي تباه موجود
    شيخه : امايه الروبه اللي نييبها من بيت خالتيه ما بقى منها الا غرشه
    ا م سهيل: اصب لك روبه يا ولديه
    سهيل : اشوي ((وتعشى سهيل وسار حجرته عشان يتسبح ويرقد بس ما ياه نوم دق تلفون لميثا بس ما شلته عقب طرش مسج ((انا سهيل ردي عليه))ويوم اتصل مره ثانيه شلته
    ميثا بعد تردد: الووووووو
    سهيل : حيالله براعيه الصوت
    ميثا:.......ليش اتصلت ؟؟؟
    سهيل : السموحه . . بس ما اوصيج علي عمرج كلي زين عشان صحج ابغي اسمع مريم تقول انج تأكلين في الجامعه
    ميثا: هههه انزين بس بمتن بعدين
    سهيل : عاااادي اهم شيء صحج ...ومره ثانيه بيت الرعب ما اطيحينه اذا كني تتروعين
    ميثا: امنوه قال لك اني اتروع بس الهيكل طاح جدامي
    سهيل: اهااااا وانا اقول ليش صرختي
    بعد لحظه صمت سهيل: ان من شفتج في المعرض وانتي داخله قلبي
    ميثا: .........
    سهيل : اسمحيلي بس لازم اقول لج هذي الرمسه
    ميثا:.......
    سهيل : واليوم تأكدت
    ميثا: وبعدين ؟؟
    سهيل : انا اباج على سنه الله ورسوله






    ((الجزء السادس1 ))

    مريم: سهيل نش بسك رقاد من متى وانت منخمد

    سهيل: اووووهووووووه خليني ارقد
    مريم: رقاااد المغرب مب زين وانت من رديت من دبي وانت راااقد قم بيآذن العشى
    سهيل: مريم شوه اليوم ؟؟
    مريم: لا اله الا الله ما قلت لك رقاد المغرب مب زين الرسول صلى الله عليه وسلم ناهي عنه... اليوم الاحد الله يسلمك
    سهيل : وانا ما تضاربت وياج يوم رديت من دبي
    مريم: بسم الله عليك يا أخويه شيء بلاك انت لا ما تكلمت بكلمه من رديت من دبي ....بسير اوري ضو عشان ادخنك بلبان

    طلعت مريم من الحجره وسارت الحظيره تحط من اليمر اللي في التنور في المدخن عشان ادخن اخوها ...اما سهيل دخل يتمسح وعقب يلس على الشبريه يتعوذ من الشيطان وحمد ربه ان اللي استوى بينه وبين ميثا مجرد حلم الانه اذا تصرف التصرف اللي سواه في الحلم بيطيح من عينها الانه بعد التصرف اللي سواه في المعرض وفي دبي حس انه كبر عينها صح هيه ما قالت له اي شيء يثبت انه كبر في عينها بس الاثبات قراه في عيونها ..دخلت مريم ولقته يالس على الشبريه وملامح ويهه فيها استغراب دخنته وعقب سارت حجرتها عشان اتصلي العشى



    اول ما وصلت ميثا البيت سلمت على امها ويلست اتسوالف وياها عن الرحله بس ما خبرتها عن اللي استوى لها في دبي يوم اذان المغرب سارت حجرتها عشان تصلي وترتاح عقب نزلت تحت وفرشت الزوليه ويابت البشكاره دله الحليب ودله الزعتر ويلسن يسولفن سوالف عااااديه ويوم اذن العشى البشكار والدريول ساروا المسيد يصلون فقالت ام عبدالله لليزا تصك الدروازه بجهاز التحكم اللي موجود في الحجره الصغيره اللي على طرف الدروازه وفرشت ام عبدالله سيادتها وصلت واستغلت ميثا الفرصه وصلت الفرض ويا امها ويوم خلصن سمعن هرن سياره فقامت ميثا تفتح الدروازه الانهن يعرفن ان ابوعبدالله ايي في هذا الوقت وعقب ما دخل ابوعبدالله البيت يلس وياهن خاري
    ابوعبدالله : يا حافظ على كندورج يا آمنه ...
    ام عبدالله : هذا من خيرك ...انا عيبتي قطعه بو تيله قلت بأخذ لي كمن قطيعه
    ميثا: امايه انا ابغي بعد قطعتين من قوم بو تيله وابغي قطعتين من القطع المشجره
    ام عبدالله: ان شاء الله يا بنتي بس بو تيله حق العيايز وانتي بعدج شباب
    ميثا: وامنوه قال لج انهن حق العيايز بس ..انا اباهن حق البيت والقطع المشجره خوريلي اياهن عند خياط الوفا
    ام عبدالله: ما عليه باجر بسرح وباخذ لج القطع
    ميثا : بسير وياج
    ابو عبدالله: والجامعه يا بنتي ما بتسيرين لها
    ميثا: عندنا اجازه باجر الانا سرنا دبي اليوم ..وقالوا تعالوا بالثلاثاء
    ابو عبدالله: استانستي في دبي ؟؟
    ميثا: هيه وااااااايد ودنا مره وحده يا بويه
    ابوعبدالله: ان شاء الله اذا حصلت فرصه ......ام عبدالله انا ياي اشاورج في سالفه
    ام عبدالله: سم يا الغالي
    بو عبدالله: تعرفين مخلفت يدي متوفيه من سنتين وخلفت بنت وهي اختي وانا الاولى بوصايتها
    ام عبدالله : الشور شورك يا سعيد
    ميثا: عمتي شمسه ؟؟؟؟؟
    ابو عبدالله: هيه عمج شمسه بيبها تسكن عندنا
    ام عبدالله: مرحباااااا الساع بها
    ميثا: الله واخيراً بلقى حد يسليني في البيت .....
    ام عبدالله: وانت خبرتها انك تبها تسكن عندك
    ابو عبدالله: العصر سرت بيت خالتها وخبرتها وباجر بييبها
    ميثا: عيل لازم نجهز لها حجره .......امايه باجر بسير اخذ اغراض لحجرتها
    ابو عبدالله: شوه بتأخذين &#33;&#33;&#33;&#33;
    ميثا: امممم بأخذ لحفات وورد مجفف وشموع معطره ...والباقي يوم بتي بسير السوق وياها عشان تأخذ اللي يناسبها
    ابو عبدالله: والله وكبرتي يا بنتي واستويتي راعيه بيت ((ويدخل عبدالله بسيارته البيت ))
    عبدالله: السلااااام عليكم
    الكل : وعليك السلام
    ام عبدالله: من وين ياي ؟؟
    عبدالله : ياي من عند الربع
    ابو عبدالله: وانت ما تيوز من الرغذه دوم رغيد .......باجر اباك اتسير العزبه ويايه
    عبدالله:حراام عليك يا بويه تدري انا مب راعي عزب خذ رشوود وياك
    ام عبدالله: يا الهرم اتعصي ابوك عيل لو ربعك عازمينك بتطلق
    ابو عبدالله: يا مسود الويه ما ابغي المعونه من جداك فديت راشد مب مقصر دوم عندي في العزبه ((وفجأه اييهم راشد وويلس وياهم ))
    راشد: علني ما اخلا من اللي يتفداني
    ام عبدالله: يااللي ما تخيل وانا شوبلاني ما اتفداني انا اللي ربيتك وتعبت عليك
    راشد: انتي ام الخير يالغاليه غلاج ما ينوصف ((ويوا أحمد و حمد يتراوغون من دخل ))
    أحمد : ابويه ابغي دراجه بانشي
    حمد: وانا ابغي ام شراع
    ام عبدالله: لا ماشيء دراجات تبون تنجلبون بهن
    ابو عبدالله: ان شاء الله باجر عقب ما تردون من مدارسكم بنسير المعرض وبأخذ لكم اللي تبونه
    ام عبدالله: لا تبطر العيال يا سعيد ...ما اباهم يرتغدون في الشوارع
    ابوعبدالله: لا تحاتين يا آمنه انا بخليهم يسوقون في العزبه بس
    عبدالله: وانا بعد ابغي دراجه
    ام عبدالله: صه انته ولا جلمه اللي ما يطيع ابوه ماله شيء
    ميثا: حرااام عليج يا امايه .......ابويه خذ له دراجه له ولرشود
    راشد: لو سمحتي قولي بو سنيده مره ثانيه
    ميثا: هههه ان شاء الله يا بو سنيده
    ابو عبدالله: شوف يا عبود انا بأخذ لك دراجه بس عشان اختك طلبتني
    ميثا: مشكور يا ابويه ما قصرت
    ابو عبدالله : وانتي ما تبيني آخذ لي دراجه
    ميثا: ههههههه حرااام عليك يا ابويه شوه تأخذ لي دراجه لا ما ابغي
    ابو عبدالله: لا مايستوي يا بنتي لازم اعدل بين عيالي في العطايا ...يله اطلبي اللي تبينه
    ميثا: ابغي اسير لمزرعتنا اللي في ليوا
    ابو عبدالله: فالج طيب يله طلبي شيء ثاني ..قولي شوه تبين ساعه والا قلب
    راشد: ادللي يا بنت سعيد قولي اللي تبينه

    وقتها اخنقتها العبره وسارت لحجرتها وقفلت على عمرها ويلست اتصيح من خاطرها
    حست بقلبها مقبوض ما عرفت السبب اللي خلاها اتصيح وفي الحوي الكل كان مستغرب من تصرفها دخلت ام عبدالله البيت وسارت صوب حجرت بنتها تمت ادق الباب عليها بس ما فتحت حاولت كمن مره وفي آخر مره..فتحت الباب
    ام عبدالله: بسم الله عليج يا بنتي ليش هالدموع ؟؟&#33;&#33;
    ميثا: ما شيء ما فيه شيء
    ام عبدالله: تتحسبيني عورى ما أشوف انا.......قولي اللي تبينه لي جانج تستحين من ابوج
    ميثا: امايه احس اني مخنوقه ...
    ام عبدالله: ليش يا بنتي قولي شوه اللي مضايقنج
    ميثا: امايه
    ام عبدالله: لبيه
    ميثا: لبيتي حايه .....امايه ضقت من العين ابغي اسير العمره هذا اللي اباه
    ام عبدالله: بس هذا اللي تبينه بخبرج ابوج و ان شاء الله اول ما تخلص جامعج بنسير

    اذا الله راد


    وانتظروا تكملة الجزء السادس






    ((تكمله الجزء السادس ))

    ابو عبدالله وعبدالله وراشد وأحمد وحمد كلهم قاموا وساروا يطالعون ميثا... ابو عبدالله يلس عدال بنته وام عبدالله من الصوب الثاني وأحمد وحمد يالسين انبشون في القشار اللي خذتهن من دبي ..راشد يصارخ عليهم
    راشد : اي انتوا ليش تلعبون بقشار ختكم
    ميثا: احمدوه خل قشاري احسن لك
    ام عبدالله : يا الطفوس من وين متعلمين هالتعلومه ؟؟
    ابو عبدالله : ان ما صكيتوا الدعنه ما شيء دراجات
    أحمد+حمد: لااااااااا خلاص توبه
    ابو عبدالله : امنه ولمي قشارج يوم الاربعاء العصر بنسير المزرعه
    ميثا وهي تلوي على ابوها : الله صدق يا بويه
    ام عبدالله: ان شاء الله يا بو عبدالله
    ابو عبدالله : هيه صدق لا خليت منج
    ميثا: و اكيد عمتي شمسه بتكون ويانا
    راشد و عبدالله : بنخطف عليها ؟؟؟
    ام عبدالله : لا ابوكم بييبها باجر ...وهي بتسكن عندنا
    راشد : زين على الاقل بتونس ميثا ...الا هي من سنين امنوه آخر مره يتنا من اربع سنين
    ابو عبدالله: شمسه اكبر من عبدالله بسنه
    عبدالله: يعني 23 سنه
    راشد : ابويه بنحمل دراجاتنا اللي بنشتريهن وبنوديهن ويانا المزرعه
    ابو عبدالله : ما عليه ...بس انت جهز الونج عشان نقلص الدراجات
    ميثا: ابويه اعزم قوم خالتيه يسيرون ويانا
    ابوعبدالله :انا برمس بو علي وبخبره




    في بيت قوم موزه عقب ما تعشوا يلسوايطالعون التلفزيون ..اتصل بوعبدالله حق بو علي وخبره عن السيره

    بو علي : ميثا عازمتنكم يوم الاربعاء
    على : ليش .؟؟؟
    بو علي : بيروحون يوم الاربعاء مزرعتهم وميثا عزمتنا
    موزه: فديتها بنت خالتيه ما تبغي تفارجني
    ام علي : علني افدها هالبنت سنافيه
    بو علي : شوه رايكم ؟؟َ&#33;&#33;
    ام علي : الشور شورك
    على و موزه : نحن موافقين
    بو علي : خلاص انا بخبر سعيد انكم موافقين ((سارت موزه لحجرتها عشان ترمس بنت خالتها ))

    ميثا: الوووووو
    موزه: هلا والله بالغاليه اشحالج ؟؟
    ميثا: تمام اشحالج انتي
    موزه: الحمدلله بس حسيت بملل في الجامعه اليوم
    ميثا: ههههههه احسن عشان تحسين بقيمتنا
    موزه: ربكم استانستوا ؟؟
    ميثا: الحمدلله كانت الرحله اوكيه ....اقول موزه
    موزه: شووه&#33;&#33;
    ميثا: تذكرين عمتيه شمسه
    موزه: هيه بس مب واايد ......ليش ؟؟
    ميثا : باجر بتينا وبتسكن عندنا
    موزه: والله .....باجر يوم بتين الجامعه خبريني عنها
    ميثا: موزوه انا ومريوم ما بنداوم باجر عاطينا اجازه
    موزه: والله حظكم ...خلاص يوم بنسير المزرعه خبريني عنها
    ميثا: لا ما بخبرج الانها بتكون ويانا وبتشوفينها
    موزه: الله اسمينا بنستانس
    ميثا: الا انا بطير من الفرح ....يله موزان بخليج
    موزه: هههه موزان بعد يله فداعه الله
    ميثا: مع السلامه


    باليوم الثاني سارت ميثا السوق وخذت لحفات وشموع معطره وورود مجففه عشان تعدل الحجره لعمتها والعصر وصت ليزا اتسوا فطاير وكيك وعلى الساعه ست وصل ابوها ويايب وياه اخته شمسه
    ابو عبدالله وشمسه : السلام عليكم
    نشت امنه وويهت شمسه : اشحالج يا شمسه
    شمسه: بخير وسهاله ..اشحالج يا ام عبدالله
    ام عبدالله:بخير وبنعمه
    ابو عبدالله : عيل وين الفروج ؟؟
    ام عبدالله: ورىالبيت يلعبون
    ابو عبدالله: زقريهم بنسير المعرض
    ام عبدالله: ان شاء الله ((سارت ام عبدالله تزقر عيالها وشافت بنتها وقالت لها ان عمتها وصلت ))
    ابو عبدالله: مرحبااااا الساع ببنتي
    سارت وويهت ابوها وعمتها شمسه: اشحالج عموه
    شمسه : بخير وسهاله ..اشحالج ميثا
    ميثا: الحمدلله عا يشين بخير ونعمه((ويلسوا يتفاولن وابو عبدالله وعياله ساروا المعرض يأخذون دراجات ))
    ميثا: عموه ليش ما تأكلين ؟؟؟
    شمسه : ههههههه لا تقولين عموه انا بعدني صغيره قولي شمسه وبس
    ميثا: ان شاء الله يا الشيخه
    شمسه: انتي الشيخه فديت روحج
    ام عبدالله: واعلوم هلج مناك
    شمسه : كلهم بخير يردون السلام عليكم
    ام عبدالله+ميثا: الله يسلمهم من الشر


    خلصت اجازه ميثا ومريم وداومن يوم الثلاثاء كان دوامهن مثل كل يوم ويا يوم الاربعاء اليوم المقرر لضباط اييون للجامعه ..مريم كانت تعرف ان اخوها بيي بس ما خبرت حد و ميثا ما كانت تعرف ان اخو مريم سهيل بيكون ويا الضباط قبل لا تبدأ المحاضره بساعه
    كانت ميثا فاضيه ما عندها محاضره سارت بروحها الان مريم ما طاعت تخاويها سارت لشؤون الطالبات عشان تستفسر عن الدورات الصيفيه وفي نفس الوقت كانت مشتهيه من الحلاوه اللي تشتريها ندى ..استفسرت عن الدورات وسوالفت اشوي وقامت تبا تلحق على المحاضره اللي قالوا لهن عنها

    ندى : ميثا اصبري اشوي بعده الوقت
    ميثا:ندى لا تلهيني أكيد مريم الحين محتشره
    ندى: وهي ليش ما يت وياج ؟؟
    ميثا: ما ادري بها اجبشن البنت ما تبا المحاضره تفوتها
    ندى: هههههه ما عليه بخبرها عليج
    ميثا: خبريها
    ندى : انزين تعالي بعطيج حلاوه ...لحظه بييبها من مكتب مياده
    ميثا: بسرعه الله يخليج ((بس ندى تأخرت اكثر من خمس دقايق قالت يمكن انشغلت وهي ماشيه كل ساعه تصد بويهها لورى يمكن ندى تطلع من مكتب مياده وفي نفس الوقت سهيل كان داخل وهو داخل طلع موبايله وحطه على السايلنت وهو يالس يغير الوضع لموبايله كانت ميثا واقفه جدامه بس كانت صاده بويهها لورى سهيل كان مشغول بموبايله ويمشى فصدم ميثا بالغلط يوم رفع راسه شاف ميثا جدامه وهي اول ما شافته انصدمت ..طلعت بسرعه وعقب دخلوا خليفه ومايد وهزاع وطلعت ندى من المكتب وهي ماسكه كيست الحلاوه ...شافت الضباط ويلستهم وقالت لهم بعد نص ساعه لازم يبدون المحاضره

    في المرر للي فيه قاعه المحاضره كانت مريم واقفه تتريا ميثا
    مريم: ليش تأخرتي ؟؟&#33;&#33; لازم ندخل الحين
    ميثا: ما بدخل سيري انتي
    مريم: ليش ان شاء الله ..ليش ما تبغين تحضرين ؟؟
    ميثا: بس جذه
    مريم: دخليج خلينا ندخل
    ميثا: بشرط نيلس على الكراسي اللي ورى
    مريم: اوكيه ((ودخلن بس المكان اللي بييلسن فيه مفول فيلسن الاستاذ بالغصب في اول سيد الانه فاضي ..يلست ميثا تتحرطم
    ميثا: شوه هو بكيفه ايلسنا وين ما يبا
    مريم: ليش تتحرطمين &#33;&#33; هذا المكتوب انا نيلس جدام
    ميثا: انا بطلع
    مريم: مينونه انتي تبينهم يفصلونج
    ميثا: انفصل ولا ايلس جدام
    مريم: انتي من رديتي من عند ندى وانتي معتفسه
    ميثا: .........
    مريم: دخليج اهدي الحين اسمع اصواتهم الحين بيدخلون ((وتغشن مريم وميثا ))</p></font>

  4. #4
    عضو متميز الصورة الرمزية الملكه الدلوعه
    تاريخ التسجيل
    Jun 2003
    المشاركات
    572
    قوة التمثيل
    281
    <font color='#000000'>الجزء السابع




    ميثا: ما عليه غير هالمره .. المره اليايه اول وحده بدخل القاعه عشان ايلس ورى ..شوووه هو بكيفه ييلسنا وين ما يبا
    مريم: ميثاني غناتي عقب المحاضره بنتفاهم على كل شيء
    ميثا: اوكيه وبنتفاهم على امور ثانيه يا مريوم
    مريم: شوووه تقصدين ؟؟
    ميثا: لا ما بخبرج الحين الضباط بيدخلون

    مياده كانت مرشدت الضباط للقاعه وصلتهم ويلست على الكراسي المخصصه للعاملين في الجامعه سهيل ما كان يبغي يحضر بسبب الموقف اللي استوى بس ما بيده حليه الان المسؤول مطرشنه هو وقوم مايد وخليفه وهزاع مساعدين ..ما حب يخيب امل المسؤول فيه ..دخل ويلس على الكراسي ويا ربعه شاف وحده يالسه في السيد الجدامي عرف انها اخته مريم وعرف غناة روحه اللي من شافها اول مره وهم دووم يلتقون بالصدفه عرفها من بد الحضور قلبه كان مرشده ..ربع سهيل حسوا بأن سهيل فيه شيء ..فتكلموا هم اكثر شيء ..وميثا كانت منزله راسها تتعلث بأنها ادون النقاط المهمه خلصت المحاضره على خير وساروا قوم سهيل وربعه لدوامهم والبنات سارن يتغدن الان الساعه كملت 12 ونص وما عندهن غير هذا البريك ..وفي دوام سهيل بعد ما صلوا في المسيد اللي في المركز ردوا لمكتبهم

    مايد: حوووووووووه سهيل ليش سرحان ؟؟
    سهيل : الله ينطب العدو شوه بلاك انت &#33;&#33;
    مايد : ما فيه شيء انت شووووه فييك &#33;&#33;
    هزاع: ايه انت شوه بلاك تتحركم على شيخنا سهيل ؟؟
    مايد: شيخنا وشيخ غيرنا بعد
    سهيل : لا اله الا الله بلاك انت دوووم تتكلم بالالغاز
    مايد: اونك ما فهمت
    هزاع : شوه سالفتكم انتوا فهمت ما فهمت
    مايد: اسكت الله يخليك اخونا راح فيها
    سهيل : ماااااااااايد
    هزاع : شوه حل به ؟؟
    سهيل : ما شيء سلامت راسك
    هزاع : علينا يا سهيل ما عليه معروفه السالفه
    سهيل : اي سالفه الله يهديك .......زين جذه يا بو سهيل
    مايد : انا ما قلت شيء (( ونش سهيل بيطلع ))
    هزاع : وين يا ريال ..نحن نسولف
    سهيل : ادريبكم انكم تسوالفون
    مايد: رد انزين
    سهيل : لا بسير لبو غانم بقدم على شهر اجازه
    مايد وهزاع : ليش؟؟&#33;&#33;&#33;
    سهيل : تعبان ابغي اسافر ابغي ارتاح اشوي
    سار سهيل وكلم مسؤوله عن الاجازه ووافق الان سهيل ولا مره تهاون في شغله ..العصر قوم بو عبدالله وبو على ساروا صوب المزرعه اللي في ليوا عبدالله وراشد وميثا وشمسه ركبوا سياره عبدالله وابو عبدالله وحرمته وعياله أحمد وحمد في سياره بو عبدالله وشلوا وياهم الدراجات اللي اشتروهن وقوم بوعلي ركب علي واخته موزه في سياره وحملوا وياهم اللحفات والاغراض اللي يحتاجونهن وابو علي وام علي و العيال الصغار في سياره بو علي ووصلوا الساعه سبع المغرب ..اما مريم ما سارت مكان الان أخوها بالرضاعه سيف كان عندهم
    ام سهيل :اشحالك يا ولديه واشحال هلك ؟؟
    سيف : بخير وسهاله يسلمون عليكم
    ام سهيل : الله يسلمهم من الشر
    سيف :عيل وين ابويه وسهيل ؟؟
    مريم: ابويه يوم اذن المغرب سار يصلي وسهيل ما ادري به
    سيف: سهيل ما ينشاف ..مووول اخاف خطبتواله وانا ما ادري هههه
    ام سهيل: ياليت خطبنا له هالولد مغربلبي
    مريم: شوه تبوبه ما يبا يعرس
    سيف : بس تعرفين كم عمره الحين؟؟ 28 سنه اللي في عمره بعيالهم
    ام سهيل : شوه انسوي به ياولديه ما انروم انغصبه ((في هذا الوقت دخل بو سهيل ))
    سيف: مرحبااااا الساع بالغالي ..وتوايهوا
    ابو سهيل : الله يرحب بك على فضله يا ولديه
    سيف: اسمحلي يالغالي هذا الاسبوع مووووول ما سرت ليوا عشان اجابل المزرعه
    ابو سهيل: مسموح يا ولديه
    سيف: ان شاء الله باجر الضحى بسير لها
    ابو سهيل: ما تقصر يا ولديه ((واييهم سهيل من خاري الانه توه راد))
    سيف : امنوه هذا الشيبه .. قام سيف ايوايه ولد عمه
    سهيل: انت الشيبه .....اشحالك ؟؟
    سيف: بخير وسهاله واعلومك انت
    سيهل: الحمدلله... ويلس وخبر اهله عن سفره
    ام سهيل: ليش بتسافر يا ولديه
    سهيل: بس كشته
    ابو سهيل: تريا اختك بعد شهر بتخلص وبنسير رباعه
    سهيل: لا لازم الحين اسافر
    مريم: خلوه على راحته ... الله يوفقك يا أخويه
    سيف: قم اباك في سالفه قوم بنسير حجرك
    سهيل: شووه تبا بي ؟؟&#33;&#33;
    سيف: قم انت بس ...ونشوا وساروا الحجره.. وفي الحجره يلس سيف يتعطر من العطور اللي على التسريحه
    سهيل: ايه انت تعطر من اللي تباه بس اسكادا لا تقرب صوبه
    سيف: ههههههه زين زين ما يسوا عليك هذا العطر بأخذ لك غيره
    سهيل: يله ارمس شوه تباني
    سيف: متى بتعرس ؟؟&#33;&#33;&#33;&#33;
    سهيل : الحين امنششني من تحت ويايبني فوق عسبت هذا السالفه ...لا يكون تصرف عليه انت..ابويه وامايه ما قالوا شيء انت شلك
    سيف: شوه ياك خذتني بشراع وميداف ... لا ما قالوا لي شيء بس عيونهم تفضحهم ..ارحم حال هالشواب يبون يشوفونك سعيد ومتهنى ..يبون يشوفون عيالك مريم باجر الله بيسر امرها وبتعرس ..البيت بيحتاج لحرمته تقوم به وبأهله وبعدين انت ما مليت من الحياه اللي عايشنها تقول شيبه صك الخمسين شوف شكلك كيف غادي
    سهيل: يوم برد من السفر بفكر
    سيف: انت ما كنسلت السيرة
    سهيل: انا لو يلست يوم زياده في العين بختنق وبموت ابغي اسافر وانسى همومي
    سيف: ومتى حجزك ؟؟
    سهيل: يوم الاحد
    سيف: وين بتسير &#33;&#33;
    سهيل: بسير جنيف
    سيف: انزين شوه رايك انسير رباعه المزرعه باجر
    سهيل: وامنوه بيسير بعد
    سيف: انا وابوك بس
    سهيل: خلاص بس انا برد في نفس اليوم عشان ابغي اجهز للسفر
    سيف: تم

    يوم الخميس الصبح في مزرعةابو عبدالله في ليوا كانوا قوم ابو عبدالله وهله وقوم ابو علي يلوس تحت النخل الان الجو كان حلو ومغيم اما البنات شمسه وموزه وميثا يلسن بروحن الان شمسه وياهن ويلسن يسوالفن ويضحكن عقب ابو عبدالله ركب جيبه وسار يحوط بين المزارع وشاف رياييل وقوف عند باب وحده من المزارع نزل وسلم عليهم
    ابو عبدالله: السلام عليكم
    ابوسهيل وولده وسيف : وعليكم السلام
    ابو سهيل : ...امنوه الريال
    ابو عبدالله: انا سعيد الظاهري
    ابو سهيل : مرحبا الساع واتوايهوا ...سعيد اللي مزرعته عدالنا
    ابوعبدالله: هيه سعيد امنوه الريايل تراني ما احيد
    ابوسهيل: سالم الشامسي وياك
    ابو عبدالله: وينك يا ريال غطيت عنا ......ما شاء الله هذيلا الشبيبه عيالك
    ابو سهيل : هيه عيالي هذا سهيل وهذا ولد أخويه سيف
    ابو عبدالله: ما شاء الله عليهم .. مرحبا بعيال الغالي
    سيف وسهيل : الله يرحب بك على فضله يا عمي
    ابو سهيل: وانت ياسعيد كمن من عيال عندك
    ابو عبدالله: انت تذكر عبدالله ههههه الله رزقني بثلاثه اولاد
    ابو سهيل: ما يتك بنت &#33;&#33;
    ابو عبدالله :الحمدلله الله رزقني ببنت وحده ......ما تذكرها
    ابو سهيل : الله يغربل العدو هيه ذكرت الحين ..كان عمرها 6 سنين ..بس ما اذكر اسمها
    ابو عبدالله: هههه لازم بتنسى الحين البنت في الجامعه سميتها على اسم امايه الله يرحمها ...سميتها ميثا (( يوم سمع سهيل هذا الاسم فز قلبه ))
    ابو سهيل: ما شاء الله
    ابوعبدالله :ا رفجت عليك يا سالم غداكم عندنا اليوم
    ابو سهيل : تم ...بس خلنا انشوف الحلال عقب بنيك .. بس عطني رقمك
    ابو عبدالله: شوف حلالك وحزت الغدى تعال انت وعيالك ..وعطاه الرقم
    سهيل وسيف : ان شاء الله


    والتكمله قريبا




    ((الجزء الثامن))

    بعد ما شاف ابو سهيل ربيعه سعيد الظاهري اللي كانوا ساكنين في شعبيه وحده قبل 15 سنه سار يشوف حلاله ويا ولده سهيل وولد أخوه سيف ..اما ابو عبدالله عقب ما سلم ورمس ويا ربيعه ركب جيبه ورد لهله وخبرهم انه عزم رياييل وبييون يتغدون عنده ...الحرمات ام عبدالله وختها ام علي سارن يزهبن الغدى وخرفن الرطب من المزرعه وقطعن اليح ..

    ابو عبدالله: يا فضحتنا بالعرب المليس يباله ترتيب ..لو ادري جان يبنا ليزا ويانا
    ميثا: افااا يا ابويه وانا شوووه خانتيه
    ابو عبدالله :سيكينه بنت سعيد اسميج راعية فزعه
    شمسه وموزه: ونحن بنعاونها
    ميثا: يله بنسير المخزن ندور مكينة الخمام
    شمسه : انا بسير ادور خلق للمش وعقب بلحقكم
    ميثا وموزه: اوكيه((وسارن ينظفن الميلس بسرعه قبل لا اييون الرياييل ))
    شمسه: الحمدلله خلصنا بسرعه
    ميثا: انا بسير اوري ضو عشان اندخن الميلس
    موزه: انا احيد المدخن في حجرج بسير اييبه
    ابو عبدالله: ما شاء الله ما قصرتن الساع الميلس نظيف ومدخن بعد بيض الله ويوهكن
    البنات : العفو
    ابو عبدالله: يله سيرن فازعن امهاتكن الان الرياييل الحين بيون
    البنات: ان شاء الله ((ووصل سالم الشامسي وعياله ويلسوا في الميلس ويا سعيد وعياله وعتيج وولده علي ))
    ابو سهيل : ما شاء الله مزرعك عامره
    ابو عبدالله: علك في خير وزود
    ابو سهيل : من متى وانتوا هنيه في المزرعه
    ابو علي : الله يسلمك امس المغرب ضوينا ((قاموا عبدالله وراشد وولد خالتهم علي وساروا ايبون الغدى ..واتغدوا واتفاولوا ))
    ابو سهيل : نسترخص منك يا سعيد
    ابو عبدالله: وين يا ريال ما شبعنا منكم
    ابو سهيل : لو الشور شورى جان بت اليوم في مزرعتيه ..عشان انسوالف مثل ايام اول يوم كنا انسير العزبه بس سهيل عقب يومين بيسافر ..ويبغي يجهز عمره
    ابو عبدالله : مرخوص بس انتوا وين سكون في العين ؟؟
    سهيل : طال عمرك نحن سكون في منازف
    ابو سهيل : وانت وين تحولت يا سعيد ؟؟
    ابو عبدالله: نحن في المويجعي
    ابو سهيل : تراك معزوم انت وهلك يوم الخميس الياي عندنا
    ابو عبدالله: ان شاء الله


    مرت الايام ويا يوم الاحد اليوم اللي بيسافر فيه سهيل في الجامعه بعد ما امتحنن ميثا ومريم طلعن يتمشن في الجامعه عقب سارن الكافتيريا وشربن عصير وسارن مبنى 66 ويلسن في كلاس فاضي ..ميثا كانت حاسه بأن مريم مضايجه من البارحه بس ما بغت تسألها ولكن مريم ما تغريت حالتها من البارحه قررت تسألها ..

    ميثا: مريومه شووه بلاج مضايجه ؟؟
    مريم: ......
    ميثا: لا يكون اهلج بيوزونج بالغصب &#33;
    مريم: لاااااا خليني الله يخليج
    ميثا: ما بخليج لين تقولين لي
    مريم ما كانت تبغي تقول لميثا ان سهيل بيسافر اليوم بس ميثا استفزتها : ميثاني تبغيني اقول لج ان سهيل بيسافر اليوم
    ميثا بدون ما تحس : هااااااااااااااه ليش ؟؟؟؟&#33;&#33;&#33;&#33;
    مريم: ايه ميثا شووه ليش بعد ريال ويبا يسافر
    ميثا: انزين ليش مضايجه ......هو بيطول ؟؟
    مريم: لاشهر وبيرد
    ميثا: انزين مالها داعي هالضيجه
    مريم: شقايل ما تبيني اضايج واخويه مسافر وهو مضايج ومتكدر
    حست ميثا انها السبب في ضيجة سهيل : الا هو متى قرر يسافر ؟؟
    مريم: يوم الاربعاء الظهر عقب ما طلع من جامعتنا
    ميثا: شووووووه السبب؟؟
    مريم: ما ادري
    طرت ميثا ورقه من دفترها وكتبت فيها ((انت ما غلطت في حقي من عرفتك..سهيل مسموح ولا تحط في خاطرك انك غلطت في حقي ..الموقف اللي استوى يوم الاربعاء انا نسيته ..اذا كان سفرك بينسيك سير والله يحفظك ..والسمووحه ))وعطت الورقه بأيديها اللي ترتجف لمريم
    مريم: شوووووووه هذا
    ميثا: مريم اوعديني انج ما تفتحين الورقه قبل لا يقراها سهيل
    مريم: شوووه بدينا ..بتشغليني مرسال بينكم
    ميثا: مريوم هاتي الورقه خلاص لا توصلينها والا شيء
    مريم: ههههههه خلاص سوري

    خلص الدوام ويا سهيل يشل اخته ..وفي السياره كانت متردده تعطي الرساله لسهيل الحين او في البيت بس قالت احسن في البيت ..ووصلوا البيت وسار سهيل حجرته عشان ينزل شنطته تحت في الصاله وعقب يلس يسوالف ويا هله الانه بيسافر الساعه 8 فليل
    ابو سهيل : ما اوصيك على عمرك يا ولديه
    ام سهيل وهي تصيح : سوا لنا تلفون كل يوم عن لا نستهم عليك
    سهيل: ان شاء الله لا تحاتون انتوا شهر وبيمر
    شيخه : سهيل اشتر لي هديه
    سهيل: ههههههه انزين بس انتي ذكريني يوم برمسكم
    مريم وهي تصاصر سهيل: سهيل قوم اباك ضروري ((وساروا حجرت مريم ))
    سهيل: شووووه تبين ؟؟&#33;&#33;
    مريم: انزين لا تصك ملفي ... هاته
    سهيل: انزين (( وطاحت صوره عند ريول سهيل وخى وشل الصوره ويوم شاف الصوره ماااات وتيبس محله ))
    مريم: عطني الصوره يا سهيل
    سهيل: هااااااااه اندوج
    مريم: سهيل عندي امانه لك (( عطته الورقه ..فتحها وقرا ها دمعة عيونه ولوى على اخته ))
    سهيل: فديتج يا مريوم انتي تقصين عليه والا شوه
    مريم: والله العظيم ان الرساله من عندها وهي اللي كاتبتنها ((قبض الورقه وقربها من خشمه ..عشان يشم ريحت العطر اللي عالقه فيها
    سهيل: اااااااااه فديت راعيه الورقه انا
    مريم: سهيل اقبض لسانك اشوي
    سهيل: لو قبضت لساني قلبي امنوه بيقبضه

    عقب ما ارتاح سهيل ان ميثا مب شاله في خاطرها منه نزل تحت يتريا سيف ايوديه المطار وهو متغير 180 درجه ..ياه سيف بعد خمس دقايق ووداه المطار وسافر وهو مرتاح
    </font>

  5. #5
    عضو متميز الصورة الرمزية الملكه الدلوعه
    تاريخ التسجيل
    Jun 2003
    المشاركات
    572
    قوة التمثيل
    281
    <font color='#000000'>وهذا الجزء 9 و 10
    **********



    سافر سهيل عبر بلدان وبحور بس شوقه لغناته ما نقص كان يتمنى يكون راد للبلاد مب مسافر ..اما ميثا اليوم الثاني ما داوميت الانها تعبت اشوي سارت مريم تسأل موزه عن سبب غيابها بس موزه ما كانت تعرف ..تفاجأت هي الانها ما تعرف عن بنت خالتها اذاكانت بخير او مريضه ..يلست مريم تحاتيها سارت لكلاس فاضي واتصلت لربيعتها اول مره ما شلت الموبايل ..ومن ثاني مره شلته

    ميثا وصوتها تعبان : الوووووووووه
    مريم: هلا والله ليش راقده لين الحين.... عروس
    ميثا: مريم
    مريم: لبيه
    ميثا: اجلبي بويهج
    مريم: ما عليه اجلب ويهي مقبوله منج ..الا تعالي ليش صوتج تعبان
    ميثا: ما شيء مب صاحيه اشوي وعقب شويه بتوديني امايه للمستشفى
    مريم: سلاااااااااامات ما تشوفين شر ...خلاص انا برمسج يوم بردالبيت
    ميثا: اوكيه مع السلامه ((دخلت عليها عمتها شمسه ))
    شمسه: يله حبيبتي قومي بدلي
    ميثا: شمسه ما ارم اشل عمري من التعب
    شمسه: شوه يعورج انتي
    ميثا: راسي يعورني وضاربتني دوره
    شمسه: هذا كله من الارهاق ومن قلت الاكل يله قومي عن تتأخرين (( بدلت ميثا ونزلت تحت وخذت لها حبة خمير وسارت هي وامها وعمتها ))....وفي المستشفى

    ام عبدالله: هااااااه بشر يا دكتور شوه بلاها بنتي
    الدكتور : الحمدلله بخير ... بس يا أم عبدالله انا مش عاقبتني حالة البنت
    شمسه: ليش شووووووه بلاها ؟؟؟
    الدكتور : اخر مره قت فيها ميسا للمستشفى من شهر ..وخلال هذا الشهر خسرت كيلوين من وزنها
    ابو عبدالله: شوووه تباني اسوي يا دكتور البنت ما تأكل شرات الناس
    الدكتور : لا لازم تأكل والا حيقلها فقر دم
    شمسه : بسم الله عليها ..لا تفاول يا دكتور
    الدكتور : انا راح اكتب لها شويت فيتامينات و خلوها ترتاح يومين
    ام عبدالله: بس هيه عندها جامعه
    الدكتور: وايه الاهم بنتكم والا الجامعه
    شمسه : ميثا طبعاً (( وعقب ما عطاهم الدكتور اسامه العلاج )) ردوا البيت ولقوا بو عبدالله يتريا في الصاله
    بو عبدالله: وين كنتوا ؟؟
    شمسه: سرنا نودي ميثا الدختر
    بو عبدالله: شووووه يعورج ميثاني ؟؟
    ميثا: ما شيء يا بويه سلامتك
    ام عبدالله: يا سعيد بنتك ما تأكل شوووف شقايل ضعفت
    ابو عبدالله: افااااااا يا بنتي تبين تزعليني منج
    ميثا: لا يا بويه بأكل ...خلاص
    ابو عبدالله: يوم الخميس عشانا عند سالم الشامسي
    ميثا: ابويه انا وعمتيه ما بنسير
    ام عبدالله: ليش ما بتسيرن ويانا ؟؟
    ميثا: يمكن عنده اولاد كبار
    بو عبدالله: لا محد في البيت غير بناته وحرمته
    شمسه: جذه احسن ..بنقدر نأخذ راحتنا

    يوم الاثنين والثلاثاء ميثا ما داومت الانها تعبانه والدكتور عاطنها اجازه مرضيه ..ويوم الاربعاء دااااومت كانت مريم مشتاقه لها مووووووت ومن كثر شوقها لها كانت تترياها على الكراسي القريبه من البوابه كانت متغشيه الان الشمس ساطعه على ويهها
    ميثا: ليش يالسه تحت الشمس شووووه خليتي حق الاجانب
    مريم: فديتج والله اشحالج ميثاني ؟؟
    ميثا: هههههه بخير واعلومج انتي
    مريم: بخير ......بسم الله ليش ويهج غاااادي اصفر
    ميثا: شويت ارهاق والحين انا بخير
    مريم: ارهاق ..انتي من اربعه ايام ما كلتي شيء .. يله جدامي للكفتيريا
    ميثا: هههههه انتي شوه دراج ..الحمدلله شبعانه تريقت في البيت
    مريم: تراني وكالة سي ان ان ...ان ما مشيتي جدامي بخبر عليج
    ميثا: ههههههه امنوه بتخبرين ؟؟؟؟كل اللي في البيت يدرون اني تريقت
    مريم: خليني ارد البيت ..بس جااان ما خبرت سهيل عليج
    ميثا: هااااااااه واخوج شوه يخصه
    مريم: لا ا ما شيء سلامج
    ميثا: بتقولين الحين والا اسير عنج عند قوم امل
    مريم: لا خلاص ...امري لله حبيبتي سهيل موصني عليج
    ميثا وهي مبققه بعيونها : .........
    مريم: لا تنصدمين قومي انسير انتريق عن اخبره عليج ((ونشت مريم وسارن صوب الكافتيريا يتريقن ))



    في جنيف كان الوقت الظهر نش سهيل من رقاااااااده وطلب له ريوق ..كان يحن لريوق بشكارهم تريق وتسبح ..ويلس يتكشخ عشان يطلع يتحوط ..سار السوق يطالع بضاعتهم شاف قلب صغير وناعم ويا شغابه عيبه قال لراعي المحل يغلفه له عقب ...تم يدور مطعم اسلامي ما لقى غير مطعم تركي ..دخل وتغذى ويوم خلص رد الفندق عشان يرتاح ويرمس هله الانه من يا جنيف ما رمسهم الا مره وحده
    ام سهيل: الوووووووه
    سهيل: الوووووووه امايه اشحالج؟؟
    ام سهيل:بخير اشحالك يا ولديه
    سهيل: يسرج الحال يا امايه بس وين ابويه عنج ابغي اسلم عليه
    ام سهيل: ابوك توه ساير المسيد يصلي العشى
    سهيل: نحن بعدنا ما صلينا العصر
    ام سهيل: يا ولديه متى بترد ؟؟
    سهيل: امايه ما كملت اسبوع من وصلت ......الا وين مريم؟؟
    ام سهيل:هاذيه ..يله مع السلامه يا ولديه والله الله بعمرك
    سهيل: ان شاء الله .. مع السلامه (( عطت فاطمه السماعه لبنتها وسارت اتصلي العشى))
    مريم: الوووووووووه السلام عليك
    سهيل: وعليج السلام اشحالج
    مريم: بخير واشحالك انت
    سهيل: الحمدلله بخير ونعمه ......الا شوووووه اخبار الشيوخ
    مريم: عن امنوه تتخبر ؟؟اهااااااااه عرفت
    سهيل: زين يوم عرفتي يااللبيبه ههههه..يله خبريني
    مريم: الحمدلله بخير ...بس العيشه ما تأكلها استغفر الله ما احب اوشي
    سهيل: افاااااااا ليش ؟؟
    مريم: ما ادري بها يا العاشق الولهان
    سهيل: مريوم انا ما قلت لج حطيها في عيونج
    مريم: انا سويت اللي اقدر عليه فالجامعه ما اخلى شيء ما اخذه لها ..وفي بيتهم الله يعلم اذا تأكل او لا
    سهيل: جذه اباج بس حاولي وياها انتي ..يلالله مع السلامه وسلمي عليهم كلهم ولا تنسين الشيوخ
    مريم: احلف بس ...يله فداعه الله (( وبندوا عن بعض))

    عقب ما رد ابو سهيل من المسيد يلس عند حرمته وبناته في الحوي يتريون العشى
    وخبروه عن سهيل اللي رمسهم وانه بخير وسهاله ويسلم عليه ..ام سهيل سارت المطبخ تييب جامي وسحيحه وقالت للبشكار يحط العشى في الحوي ..ابو سهيل صب الدهنه الخنينه على الخبز الرقاق وغمس بالروبه وتعشى وام سهيل وبناتها غرفن من العيشه اللينه في الصحن وصبن الدهن وحطن لهن جاميه على العيش وتعشن وعقب ما خلصوا من عشاهم يلسوا يرمسون اشوي قبل لا يدخلون داخل

    ابو سهيل : الا الولد مرتاح في سفره
    مريم: هيه يا بويه مستانس
    ابو سهيل : الله يحفظه ......فاطمه عرب بيونا باجر المسى
    ام سهيل :امنوه يا سالم ..اعرفهم انا
    شيخه: الله ابويه عندهم بنات كبري
    مريم: اسكتي خلينا نعرف امنوه هم
    ابو سهيل : سعيد الظاهري ما عرفتيه حرمته اسمها امنه
    ام سهيل : هييييه عرفتهم اللي كانوا سكون عدالنا في عود التوبه .. الله يا الدنيا
    ابو سهيل : هم.. يوم سرنا انا وسهيل وسيف المزرعه ريناه يتحوط هناك ..وعزمنا الريال على الغدى رايته بيضا ما قصر بو عبدالله في ذمتيه
    مريم: عيل البيت يباله معابل
    شيخه : انا بساعدج انزين
    مريم: اوكيه
    ام عبدالله: شوه بنطبخ لهم ؟؟؟
    ابو عبدالله: لا تطبخين ولا تعابلين انا باجر الصبح بسير العزبه وبدور لي تويس رضيع وبوديه المقصبه وعقب بوديه عند راعي المطعم عشان يسويلنا ذاك البرياني الفنان اللي يبيض ويوهنا عند العرب
    مريم: عيل نحن بنسوي السلطات

    مريم ما كانت تعرف ان العرب اللي بيون هم اهل ربيعتها ميثا الانها يوم سمعت اسم سعيد الظاهري قالت تشابه اسماء والا شوه درابهم بأهلي ..وفي بيت عتيج كانت موزه تحن على امها عشان تخليها اتسير ويا قوم خالتها بيت الريال اللي عزمهم
    موزه: امايه دخليج
    ام علي: لا ما شيء سيرة
    موزه: ليش حرام ... الريال عزم ابويه بعد
    ام علي : امنوه قال لج انه عزمه .. الريال عزم بو عبدالله الانه ربيعه
    موزه: ابغي اسير دخليج امايه
    ام عبدالله: هكوه ابوج شاوريه
    ابو علي : شوووه تبين يا موزه ؟؟
    ام علي : تبا تسير ويا قوم ختيه بيت الريال اللي عزمهم
    موزه: دخليك يا ابويه
    ابو علي : عيب ما شيء سيرة
    موزه: ميثا وشمسه بيسيرن
    ابو علي : برايهن
    موزه:خلاص ما بسير مكان احسن لي اسير حجرتيه وانخمد لين الظهر بدال اليلسه بروحي


    يوم الخميس الظهر في بيت قوم سعيد الظاهري عقب ما تغدوا ابو عبدالله وا م عبدالله ساروا يرقدون ..عبدالله وميثا وشمسه وراشد يالسين في الصاله يسوالفون

    عبدالله: وانتن بعد بتسيرن ويانا ؟؟
    ميثا: هيه
    عبدالله: لا ما بتشبرن من الباب
    شمسه: اسمع يا عبود نحن ما نبغي انسير اصلا بس اخويه قال محد ريايل هناك بس هو وحرمته وبناته
    ميثا: عقب غيرنا رآينا
    راشد: دامن جذه السالفه برايكن ......يالله انا بسير ارقد ناش من الفير
    ميثا: نوم العوافي
    شمسه: هاااااااه يا عبود شوه الشغل وياك
    عبدالله:زين بس لو يزيدون معاشنا احسن
    ميثا: يالله يا البطره ابويه ما يقصر وياك ومعاشك في الشهر 8000 شوووووه تبا بعد
    عبدالله: ياحرمه ما تدرين بالدنيا كل شيء بفلوس هالايام ..وورانا عرس
    شمسه : وامنوه سعيده الحظ
    ميثا: علينا يا عبدالله
    عبدالله: اوووووه برايكن مينون انا ايلس عندكن
    ميثا: لك الشرف يوم بتيلس عند ميثا وعمتها
    عبدالله: هههههههه برايكن بسير ارقد عن استخف
    شمسه: نحن بعد بنسير فوق نرتاح(( وفي حجره ميثا))
    ميثا: ياربي شمسه شوفي شعري غدى ضعيف
    شمسه: بس ما شاء الله عيني بارده عليج شعرج حلوووو
    ميثا: عيل بسير اغسله وبحط له حمام زيت
    شمسه: حمام الزيت يباله بخار عشان يكون مفعوله اوكيه
    ميثا: عندي وحده نفس اللي في الصالونات بخلي ليزا تيبها من البخار
    شمسه : انتي اغسلي شعرج وحطيله حمام زيت وانا بخبر ليزا تيبها لج
    ميثا: اوكيه ((وعقب ما ركبت ليزا مكينه البخار يسلت ميثا تحت البخار
    شمسه : ما اري شوه بلبس ؟؟؟انتي شوووه بتلبسين ..&#33;&#33;&#33;
    ميثا: ما اعرف والله ..شووووه رايج بلبس كندوره مخوره فتحي الكبت بتشوفين كندوره لونها بنفسجي فاتح وفيها ورود عنابيه
    شمسه: هذي الحرير ؟؟؟
    ميثا: هييييييه شوه رايج بها &#33;&#33;
    شمسه: روووووعه خوارها نااااعم انا بلبس المغربي اللي لبسته اول ما يتكم
    ميثا: هيييه حلووووو

    يوم خلصت ميثا سشورت شعرها ويلست اطلع الشدو المناسب لكندورتها ..وفي بيت مريم الكل مرتبش اللي تعدل الصاله واللي تجهز الفواله مريم كانت تشتغل بسرعه عشان اتسير اتعدل الان العرب اول مره ايونهم ويوم اذن العصر صلن قوم مريم وسارن يتلبسن ..وفي بيت ميثا ابو عبدالله تقهوا وسار يصلي وام عبدالله والبنات سارن يصلن عقب ميثا سارت اتشوف امها
    ميثا: الله شووووه هالكندوره الغااااااويه
    ام عبدالله: يله بنتي سيري تعدلي وتلبسي
    ميثا طلعت الجحال من السده : اندوج الجحال اتجحلي
    ام عبدالله : لا تشدهين بي يا ميثا ...قفلي باب الحجره وفجي التجوري وطلعي لنا الذهب
    ميثاوهي تقفل الباب : انزين
    ام عبدالله: طلعي لج اللي تبينه وودي لعمج ذهبها
    ميثا: امايه انا بطلع لي القلب الابيض وعمتي بشل ذهبها بخليها تلبس اللي تباه
    ام عبدالله: انزين بس لا ترغدين الذهب للبشكارات
    ميثا: اوكيه بسير اتلبس ((وطلعت من حجرة امها وسارت حجرة عمتها وعطتها ذهبها عقب سارت حجرتها اتعدل ))
    شمسه: ما شاء الله امنوه هذي البنت الغاويه
    ميثا: ههههه مشكوره يا شمسه انتي بعد طلعتي غااااويه مب هينه يا بنت عبدالله
    شمسه: لو عندها اولاد حرمة الريال اللي عزمنا بتخطبج لواحد منهم
    ميثا: لااااااا مشكوره انتي الاكبر
    شمسه : بس انتي الاحلى والاصغر
    ميثا: شمسه خليني اضبط الاي نير
    شمسه: بس خلصي بسرعه تراهم يتريونج تحت
    ميثا: اوووووه ما دخنت عباتي
    شمسه: انا دخنت عباتج يوم نزلتي عند امج وعلقتها في الكبت عشان ما اطير ريحة الدخون
    ميثا: مشكووووووره علني انفعج في عرسج ...خلاص عيل بلبس عباتي وبتعطر وبشل شنطتي (( عقب ما خلصت ميثا قفلن الحجر اللي في الطابق الثاني ونزلن ))
    ابو عبدالله: امنوه هالبنات الغااااويات
    ميثا: لا تخلينا انصدق عمرنا
    ام عبدالله: يالله ياربي يا حبيبي في ليلة الجمعة المبروكه ان الله يوفقكن وانشوفكن في بيت رياييلكن
    ابو عبدالله: آميييييييييييييييييين
    عبدالله: ونحن الشباب ليش ما تدعون لنا
    ام عبدالله: انتوا رياييل واذا تبون وحده بتأشرون لنا عليها وبخطبها ..بس البنت ما لها حليه
    ابو عبدالله: يله كملت الساعه خمس ونص هبابنا نوصل بيت سالم
    ام عبدالله: انت ادل بيته ؟؟&#33;&#33;&#33;
    ابو عبدالله: هييييييييه ادله في منازف وسالم نعتنا به
    عبدالله: يله عن نبطي على العرب

    وساروا بيت سالم ..اللي رد من وقت من عزبته وقال لأخوه محمد وولده سيف واخوانه ايون عقب المغرب بيته الان عرب عنده ..وفاطمه تعدلت وتلبست ومريم عدلت أختها وتعدلت هي بعد ويلسن في الصاله يتريين العرب على الساعه ست وصلوا.. الرييايل دخلوا الميلس وام عبدالله دخلت ميلس الحرمات ووراها شمسه وعقبها ميثا ..يوم شافت مريم ميثا انصدمن و لوت مريم على ميثا
    مريم: علني افداج
    ام سهيل: مريم شووووه ياج على بنت العرب
    مريم: امايه هذي ربيعتيه ميثا اللي رمستج عنها
    ام عبدالله: توالفن البنات اشحالج يا ام سهيل
    ام سهيل: بخير يعلج في خير ما شاء الله بناتج هذيلا
    ام عبدالله: ام المغربي شمسه اخت ريلي والثانيه بنتي ميثا
    ام سهيل ترمس ميثا: فديتج تعالي عدالي من متى عدي بج ((سارت ويلست عدال ام سهيل ))
    ام عبدالله: آخر مره شفتيها يوم كان عمرها 6 سنين الحين عمرها 21 سنه
    مريم: هيييييه ابويه خبرنا انكم كنتوا يرانا في عود التوبه بس ما نتذكركم
    ام عبدالله: هذي الدنيا يا بنتي ...امنوه اسمها هذي البنت الصغيره
    شيخه : اسمي شيخه وهذي مريم
    ام عبدالله: ما شاء الله والنعم فيكن
    شمسه : الله يحفظهن لج يا ام سهيل
    ام سهيل : آمين يا بنتي
    ابو عبدالله: الله ما رزقج بأولاد
    ام سهيل: الله رزقني بسهيل بس ما تذكرينه يوم كان صغير في الاعياد يوم ايمع العيديه يسير بيتكم هو ومريم ويعطي ميثا عيديتها ((احمر ويه ميثا اشوي واستغربت الانها ما كانت تذكر شيء ))
    مريم: يعني انا وميثا كنا ربع من زماااااان
    ام عبدالله: هييه اتذكر
    ام سهيل: ههه هيييه ...لهينا بالرمسه قومي آمنه تفاولي ..يله بناتي قربن ((ويلسن تحت يتقهون ويتفاولن قطعت مريم الخضره وام سهيل صبت القهوه ))
    مريم: تفضلي خالتيه ...شمسه قربي ..ميثاني اهبشي
    ام سهيل : مريم قصي الهمبا
    مريم: ان شاء الله ....صاصرت مريم ميثا وقالت لها : كلي والا الخبر بيوصل


    عقب ما تقهون وتفاولن اذن المغرب سارت ام عبدالله ويا ام سهيل عشان يصلن والبنات سارن فوق يصلن وعقب ما صلن نزلت شمسه ويا شيخه تحت وتمت ميثا ومريم فوق يسولفن ..عقب قالت مريم لربيعتها تقوم عشان تراويها باقي الحجر ..دخلن حجره شيخه وحجرة الضيوف وآخر شيء دخلن حجرت سهيل

    مريم:هذي حجرة سهيل اكبر حجره في الطابق الثاني
    ميثا: ما شاء الله بيتكم حلووو
    مريم: بيتنا والااااا....
    ميثا: مريوم لا تفضحينا
    مريم: ههههه دخلي براويج البلكونه (( ودخلن الحجره وسارن صوب البلكونه وهن طالعات من البلكونه وقفت ميثا جدام المنظره عشان تعدل شيلتها ))
    طاحت عيون ميثا على صورة سهيل : يله خلينا نطلع
    مريم: يله



    <table dir=rtl height=378 cellspacing=3 cellpadding=3 width="100%" border=0>
    <tbody>
    <tr>
    <td dir=rtl valign=top align=middle width="100%" height=30><font color=#ff0000 size=2><span class=smallfont>&nbsp;</span></font></td></tr>
    <tr>
    <td dir=rtl valign=top align=right width="100%" colspan=2 height=128>
    <p dir=rtl align=center>((الجزء العاشر ))

    ام سهيل: ميثا
    ميثا: لبيه
    ام سهيل: عقي عباتج يا بنتي بتموتين حر
    ميثا: ان شاء
    مريم: عطيني عباتج بعلقها في الكبت اللي في حجرتيه
    ميثا: لا والله انا بسير اعلقها
    مريم: هاتي العباه
    ميثا: خلاص بسير وياج وبعقها في الحجره
    ابو سهيل : لا تبطن يا بناتي
    ميثا ومريم: ان شاء الله

    سارن فوق وعقت ميثا عباتها في حجرة مريم ..اما الرياييل عقب ما صلوا ردوا بيت بو سهيل ويلسوا في الحضيره يسولفون ..عن العزب والحلال عبدالله وراشد توالفوا ويا سيف واخوانه بس اكثر شيء كانوا يسولفون ويا سيف الانه في سنهم تقريباً
    عبدالله: عيل وين سهيل ما شفناه من يينا ؟؟
    سيف: سافر جنيف يوم الاحد
    راشد: وشغله ......الا هوه شوه يشتغل
    سيف: سهيل ضابط
    عبدالله: ما يبين عليه ...عيل اكيد هو اكبر عنا بوايد
    سيف: هو عمره 28
    عبدالله: الله يحفظه
    سهيل: امين
    راشد : عيل اكيد معرس وعنده عيال
    سيف: لا بعده ما عرس
    عبدالله: شوووووووه يتريا يا ريال
    سيف: ابويه وامايه عيزوا وهم يقولون له عرس وهو ما يطيع
    عبدالله: وليش ابو سهيل وام سهيل ما رمسوه
    سيف: تراني اقول لك اعيزوا وهم يقنعونه
    راشد : شقايل هذي بعد
    سيف: السمووحه نسيت أخبركم ... انا اخوه بالرضاعه
    عبدالله:قول جذه من الصبح ......ويلسوا يضحكون وفي ميلس الحرمات
    ام عبدالله: الا مريم المزيونه محد خطبها ؟؟
    ام سهيل: مريم محيره لولد خالتها
    ام عبدالله: الله يوفقها ويسعدها
    ميثا: مريم ليش ما خبرتيني
    مريم وهي مستحيه : بعده ما استوا شيء
    ام سهيل: وشمسه وميثا ما ياهن ولد الحلال
    ام عبدالله: لا والله
    عقب طلعت مريم وشمسه وشيخه يتمشن ورى البيت اشوي اما ميثا كانت يالسه داخل تسوالف ويا ام سهيل وامها ..فجأه سيف لط من ورى البيت عشان ايسير المطبخ يشوف العشى اللي يابوه من المطعم ..ارتبكت شمسه وسيف انبهر بجمال البنت اللي شافها ..بدال لا يسير المطبخ رد الحضيره وهو متلوم ..وتعلق قلب ام سهيل بميثا اللي كانت تي بيتهم يوم كانت صغيره كان ابو سهيل يدلعها ويشترى لها مثل ما يشترى لمريم مريم كان عمرها هذاك الوقت 9 سنين وميثا كان عمرها 6 سنين ..بعد ما صلوا العشا غرفوا العشى للرياييل وللحريم

    ام سهيل: جيه يا بنتي يلسي كملي عشاج
    ميثا: اسمحيلي يا امايه شبعت ...... يوم قالت ميثا لأم سهيل امايه عرفت ان ميثا هي الاصلح لولدها سهيل..وهي اللي بتحط والديه في عيونها
    ام عبدالله: هالبنت ملعوزتني حتى في البيت ما تأكل
    مريم: ميثاني يلسي والاااااا......
    ام سهيل : ورفجت بو خليفه تأكلين
    ميثا وهي تخز مريم: ان شاء الله
    شمسه: والله زين عيل في البيت بنقول لها ورفجة بو خليفه تأكلين

    عقب ما خلصن من العشا يلسن في الصاله ..يترين ابو عبدالله يزقرهن يوم كملت الساعه 10 اتصل عبدالله بميثا وقال لها يطلعن ..ام سهيل خذت رقم ام عبدالله وام عبدالله خذت رقم ام سهيل وسلمن على بعض.. وسلمت فاطمه على شمسه وعلى ميثا ولوت عليها

    ميثاوهي حاضنه ام سهيل: امايه عااااااد المرة اليايه العزيمه علينا
    ام سهيل : ان شاء الله يا بنتي ..عاد الله الله بعمرج
    مريم: سمعتي ام سهيل شوه تقول ..وكلي زين
    ميثا وهي تسلم على مريم: ان شاء الله حسابنا يوم السبت ...يالباهسه
    ام عبدالله وشمسه: مشكورين على العزيمه بيض الله ويوهكم
    ابو سهيل: والله ما سوينا شيء العشى راعي المطعم مسونه
    ام عبدالله: ما شاء الله خدمته فنانه .......يله في امان الله يا ام سهيل
    ام سهيل : فداعه الله


    عقب ماساروا الخطار ..شيخه سارت ترقد من التعب ومريم يلست اتساعدالبشكاره في تنظيف الميلس وعقب سارت ترقد الانها ناشه من الفير ..وفي حجرة الشواب ابو سهيل وام سهيل ..ابو سهيل كان يسبح ويتذكر ضناه سهيل وام سهيل كانت تتسنن ..ويوم خلصت
    ابو سهيل : تقبل الله
    ام سهيل : منا ومنك .......بشر عسى العشى عيب الرياييل
    ابو سهيل : هههههه هييه وعيبهم لحم التويس الرضيع ..وانتن شووه سويتن
    ام سهيل: الحمدلله الحرمات تفاولن وتعشن وقصرنا الدوب وياهن
    ابو سهيل : زين الحمدلله
    ام سهيل : سالم
    ابو سالم: لبيه
    ام سهيل: لبية حاج .......تحيد بنت سعيد ميثا يوم كانت صغيرونه
    ابو سهيل: لا والله ما احيد يا فاطمه
    ام سهيل : كبرت وغدت عروس ما شاء الله عليها
    ابو سهيل : تشبه امنوه
    ام سهيل : هي خذت من ابوها الطول والخشم اللي شرات السيف المسلول والباقي خذته من امها
    ابو سهيل: الله يحفظها لهم
    ام سهيل : اميين ...انت لو شفتها ويلست عندها بتدخل قلبك كلامها بلسم يشفي حرااام اني فرحت يوم زقرتني امايه
    ابو سهيل : وبعدين ؟؟؟خلينا نرتاح يا حرمه باجر الجمعه ورانا نشه
    ام سهيل : انزين خلني اوفي رمستيه
    ابو سهيل وهو متمل يبغي يرقد: يله كملي
    ام سهيل: انا شفت انها هي الوحيده اللي بتسعد ولدنا وهي اللي بتحطنا في عيونها
    ابو سهيل : تبينا نخطبها له
    ام سهيل: هيييه
    ابو سهيل : وسهيل؟؟؟؟؟؟؟؟؟؟&#33;&#33;&#33;&#33; &#33;&#33;&#33;&#33;
    ام سهيل: ما عليك منه احس انه بيوافق هالمره
    ابو سهيل : الله يسمع منج


    وصلوا قوم بو عبدالله بيتهم الكل ساريرقد من التعب ..اما ميثا تغطت بفراشها ويلست تفكر بللي استوا حست سيرتها لبيت سهيل وسوالفها ويا ام سهيل وبناتها حلم ..كانت طايره من الفرح الانها سارت بيت ربيعتها مريم بالصدفه والان ام سهيل دخلت قلبها ..باليوم الثاني عبدالله محتشر على امه يباها تخطب له
    عبدالله: انا ابغي اخطب
    ام عبدالله: بعدك يا ولديه عودك طري ما تتحمل المسؤوليه
    ميثا: هههههه شووه استوى بالدنيا عبود يبغي يعرس
    عبدالله: جب انتي (( طلع ابو عبدالله من حجرته وسمع ولده يسب))
    ابو عبدالله: اتسب امنوه يا الهرم
    شمسه: يسب اخته
    ابو عبدالله: سود الله ويهك اتسب شيختك
    ميثا: احم احم
    عبدالله: لا تتخققين علينا
    ام عبدالله : انزين امنوه تبغي
    عبدالله: موزوه(( الكل تم فاج حلجه مستغرب ))
    ابو عبدالله: شقايل تبا تعرس وانت توك مشتغل
    عبدالله: بس انتوا اخطبوها لي ...وخير لين بعدين البنت بعدها تدرس
    ميثا: هههههه اتخيل شكلكم انت تهازب وموزه ترد عليك هههههه...الكل تم يضحك
    عبدالله: شووووه بلاها اشكالنا مزايين
    ام عبدالله: انا بشاور عوشه وبخليها اتشاور البنت واهلها
    عبدالله وهو يحب امه على راسها :مشكوووره يا اغلا ام


    وفي بيت قوم سهيل..فاطمه يالسه تسوالف ويا بنتها عن عزيمة البارحه وعن ام عبدالله وشمسه وميثا

    مريم: شوووه رايج بربيعتيه ؟؟&#33;&#33;
    ام سهيل : تتخبريني عن ميثا........علني افداها بطرانه وادبها ومستحاها محلنها بعد
    مريم: ههههههه اشوفج ما مدحتي شمسه
    ام سهيل: شمسه بعد غااااااويه
    مريم: هههههه
    ام سهيل:شووووه رايج بنسير نخطبها حق سهيل ؟؟&#33;
    مريم وهي زايغه: امنوه شمسه ؟؟؟
    ام سهيل: لا ميثا
    فرحت مريم من خاطرها :هيه موووووووافقه
    ام سهيل : اتصلي باخوج خليني ارمسه .....سارت مريم تتصل بأخوها
    سهيل: الوووووووووه
    مريم : السلام عليك
    سهيل : وعليج السلام اشحالج مريم
    مريم: بخير وانت اشحالك
    سهيل : تمام .......غريبه ليش متصلين امايه وابويه فيهم شيء
    مريم: لاااااا هم بخير وبنعمه يتراقصون ...سهيل امايه بتشاورك في شيء وانت وااافق لا تعترض صدقني ما بتندم
    سهيل: مريوم شووه السالفه روعتيني
    مريم: لا تتروع ولا شيء بس انت لا تعصي امايه .....يله مع السلامه
    سهيل : مع السلامه .........عقب يرت مريم واير التلفون وودته لأمها
    ام سهيل : الوووووه
    سهيل : هلا بالغاليه ...اشحالج واشحال الوالد وشيخه
    ام سهيل كلهم بخير يسلمون عليك
    سهيل : الله يسلمهم من الشر
    ام سهيل : سهيل
    سهيل : عونج
    ام سهيل: انا شفت بنت ودخلت قلبي قلت بخطبها لك
    سهيل وهو مستغرب : امنوه البنت
    ام سهيل : انت ما تعرفهم كانوا يرانا في عود التوبه
    تذكر سهيل كلام اخته ..وقال اكيد مريم تعرف البنت بس هو يبا ميثا: شوووه اسم البنت ؟؟؟
    ام سهيل : ميثا سعيد الظاهري
    سهيل: اللي تشوفينه يا امايه
    ام سهيل : الله يفرحك مثل ما فرحتني
    سهيل : عطيني مريم برمسها
    ام سهيل : ان شاء الله
    مريم: الووووووو
    سهيل : مريوم انتي تعرفين البنت اللي بيخطبونها لي .....
    مريم : ........
    سهيل : يا ربي مريم جاوبي هي والا لا
    مريم: هيييييييييه اعرفها
    سهيل : ميثا ربيعج ؟؟&#33;&#33;&#33;&#33;
    مريم وهي تضحك: هي
    سهيل وهو يدمع من الفرحه : واااااايه فديت امايه خلاص ان شاءالله بعد اسبوع برد البلاد

    مريم وهي فرحانه : والله ...ترد بالسلامه ان شاء الله

    بندت مريم عن اخوها وهي فرحانه لفرحه ..ويلست ترمس امها عشان يسيرون يوم الخميس يخطبونها ..مر يوم الجمعه وبقى اسبوع وبتخلص امتحانات البنات ..يوم السبت في الجامعه كانن يالسات مريم وميثا وربيعاتهن امل وحمده
    امل : انا السنه اليايه بكمل دراسه
    ميثا: انا بسني شبعت من الدراسه ...وانتي يا مريوم
    مريم: انا اكيد بكمل الاني ابغي استوي معلمه والسنه اليايه اهم سنه
    حمده: انا ما بقدر اكمل الان عرسي شهر 9
    الكل : والله مبروك
    حمده : الله يبارج فيكن
    امل: انا بخليكن بسير المكتبه ..
    حمده: لحظه بسير وياج ......وقامت حمده وسارت ويا امل المكتبه
    ميثا: والله ما تهونين عليه يا مريم ودي اكمل بس خلاص تعبت وانتي تعرفين هلي ما بيخلوني اشتغل
    مريم: لا مسموحه اقول ميثاني
    ميثا: هلا
    مريم: انا وامايه واختي شيخه بنيكم يوم الخميس العصر
    ميثاوهي مستانسه : والله
    مريم: هييييييييه انتي ما قلتي حق امايه ترد الزياره


    خلص الدوام وردن البنات بيوتهن من وقت الان الفتره كانت فتره امتحانات ..تغدت ميثا ويا اهلها وسارت حجرتها اتذكار وعمتها يلست في الصاله اطالع المسلسل عقب اذان العصر اتصلت فاطمه بآمنه ويلسن يسولفن ويقصرن الدوب ..آخر شيء قالت فاطمه لأم عبدالله انهم بيونهم يوم الخميس العصر
    ام عبدالله: مرحبااااااا الساع بكم
    ام سهيل : الله يرحب بج على فضله ....ام عبدالله
    ام عبدالله: لبيه
    ام سهيل : ابو سهيل بييى ويانها عشان يخطب ميثا لسهيل
    ام عبدالله: هذي الساعه المباركه
    ام سهيل : بس انتي لا تخبرين البنت لين انروح وابوها يشاورها
    ام عبدالله : ان شاء الله ..يله فداعه الله سلمي على عربانج
    ام سهيل:مع السلامه

    وعقب ربع ساعه نزلت شمسه وميثا عشان يتفاولن من فواله العصر ..عقب ما كلن يلسن يسوالفن ويا ام عبدالله
    ام عبدالله: بناتي يوم الخميس العصر بيون قوم فاطمه
    ميثا: هييييه قالت لي مريم اليوم
    شمسه: مرحبا بهم
    ميثا: الحمدلله هذاك الوقت بكون مخلصه امتحاناتي
    ام عبدالله: بتكملين السنه اليايه
    ميثا: دامني ما بشتغل ليش اكمل
    شمسه: لييييييش كملي
    ميثا: السنه اليايه سنه تدريبيه حق اللي بيشتغلون
    ام عبدالله: افتكيتي من العثره

    مرت الايام وخلصن البنات امتحاناتهن باقيه النتيجه بس ويا يوم الخميس ..اتصلت امنه بأختها عوشه وخبرتها ان عبدالله يبغي موزه ..وقالت لها اتشاور البنت واهلها عقب قالت لها تي الان حرمة سالم الشامسي بتي العصر ويوم بندت عن اختها سارت الطابق الثاني ودخلت عند شمسه وقالت لها ان فاطمه يايه تخطب ميثا لولدها ووصتها ما تخبر حد حتى ميثا وعطتها ذهب ميثا وذهب شمسه وقالت لهن يتلبسن وقالت لها تقنع ميثا تفل شعرها وتتعدل ..عقب سارت امنه توصي البشاكير يسوون الفواله الظهر عشان يخلصونها العصر وقالت لبشكارة اتسوي الفطاير والكيك والعصير..وشمسه دخلت على ميثا حجرتها لقتها تلملم اوراقها وفايلاتها عشان تيودهن ..
    شمسه : ايه بسج قومي الحين الساعه 2 قومي خليني اسشور شعرج
    ميثا: هههههه ليش
    شمسه: بس ملانه ويله قولي لي شووووه بتلبسين
    ميثا: بلبس الكندوره العنابيه اللي معلقه على الشماعه
    شمسه: حلوووه وشعرج لا تلفينه ولبسي شيله ساري
    ميثا: ليش عروس
    شمسه: لاااااا ههههههههه بس انتي شيختنا والشيخه تتعدل يوم ايونها العرب
    ميثا: اخخخخخخ منج امايه بتواجعني
    شمسه: انا اضمن لج انها ما بتقول لج شيء
    ميثا: واذا قالت بهزبج جداااام العرب
    شمسه: ههههه يله خليني اسشور شعرج
    ميثا: اوكيه .......وعلى الساعه 3 يت ام على وبنتها موزه ..اللي اول ما دخلت الفيلا سارت حجرت ميثا وفي طريقها شافت عبدالله
    عبدالله: هلا والله بموزه اشحالج
    موزه وهي متلخبطه : بخير وانت اشحالك
    عبدالله: دامنج بخير انا بخير
    موزه:هههه انزين يله برايك بسير عند البنات
    عبدالله :برايج ......ونزل تحت وموزه سارت حجرة بنت خالتها
    موزه: يا سلاااااااااااام ميثاني بتسير ين عرس انتي
    ميثا: اسكتي عن الحركات السيلانيه
    موزه: وانتي يا شمسه اتساعدينها هههه
    شمسه: هههههه انفع راعية صالون صح
    ميثا: تنفعين ونص
    موزه : وانا اشهد .....
    .ويلسن يسوالفن لين الساعه 4 عقب سارت شمسه حجرتها عشان تصلي وتتعدل وموزه صلت ويا ميثا وتعدلت عقب زقرتها امها عشان تساعدهم وميثا تمكيجت مكياج خفيف وتلبست وفلت شعرها ولبست ذهبها عقب يلست ترتب حجرتها ويابت لها ليزا المدخن عشان تدخن وادخن الحجر اللي فوق ويوم خلصت اتروحت من الدهن العود والساعه 5 يت موزه تخبرها ان قوم مريم يوا استغربت الانها ميثا ما قلت لها عن السالفه ...قالت لها ميثا يوم بيسيرون بتخبرها ونزلن تحت
    ميثا: السلام عليكم
    الكل : وعليكم السلام...ويلست عدال ام سهيل
    ميثا: اشحالج امايه
    ام سهيل: بخير يالغاليه شووووه هالزين
    ميثا وهي مستحيه : عيونج الحلوووه
    مريم: اشحالج يا ميثا
    ميثا: بخير اشحالج شيخه
    شيخه: الحمدلله بخير وسهاله
    ميثا: اشحالج خالتيه
    ام علي : بخير ونعمه
    ام عبدالله : ميثا بنتي سيري ييبي لي سله العطور من حجرتيه
    ميثا: ان شاء ........ويوم قامت شافت ام سهيل شعرها الطويل الاشقر الان شعرها بني فاتح بس يبين اشقر تحت الليتات

    وفي ميلس الرياييل ...يلس سعيد يسوالف ويا سالم وتخبر سعيد عن سهيل وقال له ابو سهيل انه بيرد يوم الاحد الفير وبيكمل اجازته في العين عقب فاتح سالم سعيد في الموضوع
    ابو سهيل : نحن يايينك اليوم عشان اخطب بنتك لولديه سهيل
    ابو عبدالله: هذي الساعه المباركه يا سالم يوم بتناسبنا ..انا بشاور البنت وبرد عليك خبر
    ابو سهيل : على خير بس الولد اكبر منها بوايد عمره 28
    ابو عبدالله: ما يهمنا العمر ولدك ريال ذرب انا اعرف انه بيسعدها ..وما بلقى احسن منك اناسبه
    ابو سهيل : صح لسانك يا سعيد ما خاب ضني فيك

    عقب ما ساروا قوم سالم وهله سارت عوشه وبنتها موزه لبيتهم عقب ما قالت ميثا كل السالفه لموزه من يوم سارن دبي لين يوم زارو قوم مريم ..واستغربت موزه من الصدف اللي مرت بهن بنت خالتها ..عقب دخل ابو عبدالله الصاله وكانت شمسه وميثا يالسات يسوالفن يلس وياهن اشوي وقال لميثا تي وياه الحجره عشان يخبرها بالموضوع وكانت امنه يالسه في حجرتها ..عقب ما صكوا الباب يلست ميثا على الشبريه عدال امها وابوها

    ابو عبدالله: ميثا تعرفين ليش ياين العرب اليوم
    ميثا: لاااا ؟؟؟؟؟؟؟&#33;&#33;&#33;&#33;
    ابو عبدالله: سالم اليوم ياي يخطبج لولده سهيل شوووووه رايج
    ام عبدالله: الريال شهم واهله ناااااس حشاااام
    ميثا وفي تقول في خاطرها اعرف ان سهيل ريال مخاوي شما وراعي فزعات وكل بنت تتمناه : اعرف ان اهله طيبين
    ابو عبدالله: والريال مب صغير هو اكبر منج بسبع سنين ويشتغل في الشرطه
    ميثا: انتوا اتشوفون انه يصلح لي
    ابو عبدالله: والله الولد ما ينعاب وهله بيحطونج في عيونهم ...وما بيلعوزونج
    ام عبدالله: انتي شفتي فاطمه كيف حبج وتعلقت بج من اول ما شافج
    ميثا: اذا انتوا موافقين انا ما عندي مانع
    ابو عبدالله: انتي شوه رايج .؟؟
    ميثاوهي منزله راسها :اللي اتشوفه يا بويه
    ام عبدالله: الله يوفقج يا بنتي
    ابو عبدالله : عيل انا بخبره عقب يومين</p></td></tr></tbody></table>


    ((الجزء الحادي عشر))



    يوم الاحد العصر خبر ابو عبدالله ابو سهيل عن راي البنت وانهم موافقين و يوم بيرد سهيل من السفر بيتفاهمون في الامور المهر والملجه ...المغرب اتصل ابو سهيل بولد اخوه سيف عشان يذكره بسيرة المطار الان سهيل بيوصل يوم الاحد الساعه 3 فليل ..وسيف عقب ما طلع من عند الشباب الساعه 2 فليل سار مطار العين عشان يتلقى لولد عمه سهيل ..وصل سهيل للبلاد وهو فرحان الانه رد لأهله ولبلاده و الان امه خطبت له البنت اللي يبغيها بدون ما يفاتحها في الموضوع بس كان خايف من راي ميثا واهلها الانه لين الحين ما يعرف رايهم..وفي السياره وهم رادين البيت كان سيف يسوالف ويا ولد عمه

    سيف: سمعت انهم خطبولك &#33;&#33;&#33;
    سهيل: هههههه خبروني يوم كنت في جنيف
    سيف: ما بغيت يا ريال ...الا ما خبروك براي البنت سمعت انها رفضت الانها تبا تكمل دراستها ...كان يبغي يخوف سهيل
    سهيل وهي عاطي ظهره لباب السياره : هاااااااااه سيف لا تقول امنوه قال لك انت ؟؟
    سيف وهو يضحك: هههههه اسوالف وياك مسرعك ما صدقت ..ابشرك يا المعرس البنت واهلها وافقوا وابوك خبرني يوم سوى لي تلفون
    سهيل: احلف يا سيف انك ما تقص عليه
    سيف: هدي يا سهيل شكلك حاط عينك على البنت من زماااان ونحن ما ندري
    سهيل: هاااااااااااه لا بس هي ربيعت مريوم ...ومريوم تمدحها
    سيف: لااااا ...زين زين الله يوفقك يا سهيل
    سهيل: آميييييين
    سيف: يله حول من سيارتيه ...وصلناك البيت ببلاش
    سهيل: تطردني يا سيفووووه سود الله رسك ...تتخقق عليه بنيسانك ..علني افدى استيشنيه
    سيف: هههههه انا ما بأخذ منك شيءعلى التوصيله ...بس شوووووه يبت لي من الشفايا اللي يبتهن
    سهيل: مريوم الحرمه ما قالت لي ييب لي شيء ...وانت الريال تبا شفايا امف عليك
    سيف: ولييييش اخوك ما يستاهل
    سهيل: لا يستاهل ..يبت لك حرمه من قوم عيال الحمرا ههههههه
    سيف: خلاص ما ابغي شيء من جداك دامن هذي هداياك
    سهيل: ههههه يبت لك عطر توه نازل سوق جنيف ..
    سيف: ههههه مشكور علني انفعك في عرسك .. يله انزل كملت الساعه 4 ونص بسير ألحق على الصلاه وعقب بسير ارقد
    سهيل: اكيد بتنفعني بخليك تيول لين تتعب مشكووور يا سيف على التوصيله ...يله مع السلامه
    سيف : عز الله بنول مربوح من الرشاشات هههههه... فداعه الله
    نزل سهيل شنطته ودخل البيت وشاف ابوه ساير للصلاه سلم عليه وقال له بيلبس كندورته وبيتسفر وبيلحقه ..سار ابو سهيل ويا ولده المسيد ويوم ردوا شاف امه يالسه تترياه سلم عليها وترخص الانه تعبان من السفر وانه يبا يرقد ..سار حجرته لقها بارده الان مريم نظفتها ودخنتها وشغلت المكيف قبل لا ترقد رقد سهيل من التعب ولا حس بالدنيا..عقب وعوه لصلاه الظهر ..وعشان يتغدى عقب رقد لين العصر ..دخلت امه حجرته عشان توعيه لصلاه ..قام وسار المسيد ويا ابوه ويوم رد لقى الفواله زاهبه

    ام سهيل: فديت روحك يا ولديه ليش غادي ضعيف جذه
    سهيل: اشوووه انسوي يا امايه اكلهم هناك مب شيء ما شيء مطاعم عدله مثل سويسرا
    مريم: امايه شووووه رايج تتولينه هو وخطيبته ..عشان يأكلون عدل هههه
    سهيل: هاااااه وافقوا هم؟؟؟&#33;&#33;&#33;
    ام سهيل: شووووه هالمذهب يا مريوم شله ترمسين عن اخوج وحرمته ...هيييييه وافقوا يا ولديه مبروك
    سهيل مسوي عمره ما يعرف شيء عن ميثا : الله يبارج فييج ياامايه......شووووه شفتيها حلووووه
    ام سهيل: هههههههه ما تثق بأختياري يا سهيل
    سهيل: اثق ونص ......الا يا امايه متى بنملج ؟؟
    مريم: هههههه مستعيل الريال ؟؟
    ام سهيل: انا برمسهم باجر وبقول لهم اول ما يخلصون اشغالهم بنملج
    سهيل : عيل حجرتيه يبالها تأثيث من اول ويديد ..الاني من 4 سنين ما عدلت الحجره
    ام سهيل: اتسدك حجرك والا تبانا نفتح حجرك على حجرة الضيوف
    سهيل : ما ادري بس حجرتيه وسيعه ..خلاص الحجره اللي بتفتحونها على حجرتيه بخليها غرفة ملابس ..وبزقر النجار بخليه يفصل كبت على طول الحجره
    مريم: هييييه احسن ..بتفضى حجرك عقب

    يوم الاثنين رمسة فاطمه ام عبدالله وخبرتهم ان سهيل رد ويبون يحددون موعد للملجه قالت ام عبدالله انها بتشاورهم وبترد عليها خبر وفي نفس اليوم فليل اتصلت آمنه بأم سهيل وقالت لها ان العروس بتأخذ فستان جاهز للملجه الان ما يواحي لها تفصل الحين وقالت لها عقب اسبوعين ..يوم الاثنين ايون ..خبرت ام سهيل ريلها وولدها ان الملجه عقب اسبوعين يوم الاثنين من سمع سهيل الخبر طار من الفرح خلال هالفتره كان عبدالله يودي ميثا وعمته دبي عشان ادور لها فستان جاهز ..الان اسما ربيعت ميثا تمدح الاسواق اللي عندهم اخر شيء خذت فستان لونه ذهبي من مركز الهنا ..الانها شافت المحل احسن من المحلات اللي سارت لهن الان راعية المحل عندها استعداد تضبط الفستان اذا كان مب ضابط عليها بس الحمدلله ضبط الفستان عليها و سارت الستي سنتر عشان تأخذ نعال هي وعمتها وخذن شيل بعد ..وقوم سهيل كانوا حاجزين المصوره ومخبرين راعي الورد يسوي باقات ..وطلبوا فلبينيات للسيرفز ويوم السبت قبل الملجه بيومين سارت ميثا وبنت خالتها وعمتها الصالون عشان يسون حمام زيت وينظفن بشرتهن ويوم الاحد سارن للحنايه عشان يتحنن في نفس اليوم يابو 10 طاولات الانهم عزموا الاهل بس وعزموا عفرا حرمة مايد بعد ويابوا حاجز عشان يحطونه بين الطاولات وبين ميلس الرياييل عسبت يأخذن الحرمات راحتهن ويوم الاثنين الظهر تغدن قوم ميثا والبنات بسرعه عشان يوديهن راشد الصالون وشلن فساتينهن وقشارهن وياهن وقالن لراشد اييهن يوم بيخلصن ..وفي الصالون

    موزه: يا ربي يوعانه ما تغديت عدل ...حشرتني يله يله كنت بغص بعظم
    شمسه: ههههههه وانتي يا العروس
    ميثا: انا ما اصدق ان اليوم بكون في ذمة ريال غير ابويه
    موزه و شمسه : الله يطول بعمره
    ميثا: امييييييين ..اقول لكن انا بموت من اليوع
    راعية الصالون : اذا بدك بتصل هلق بصاحب المطعم اللي بجانبنا
    البنات : مشكوووووووره .......... واتصلن وطلبن كوكتيل وسندويجات جبن ..وعقب 10 دقايق ياب لهن راعي المطعم الطلبيه وكلهن وكملن عدولهن
    ميثا: حرقت شعريه
    شمسه: اليوم مسموح الانج بتكونين مرة الضابط سهيل
    موزه: الله يوفقج غناتي
    ميثا: امين ...الصراحه انا متروعه بمشي جدام الحريم اكيد بتخرطف لي بشيء
    شمسه : هههههه وازيدج من الشعر بيت سمعت اخويه يقول انه بيخلي سهيل يدخل ويلبسج الدبله
    موزه: يا سلااااااااااام بنتطمش عليكم
    ميثا: لاااااا شوووه يدخل... لا يدخل
    موزه و شمسه: مب كيفج
    ميثا : وبتخلونا نيلس بروحنا لااااااااااا بموت قبل لا يا خذني
    موزه وشمسه: بسم الله عليج
    ميثا: يالله انك اتساعدني ..... الله يهديك يا ابويه يعني لازم يدخل
    اسشورن البنات وسون تسريحه بسيطه اما ميثا خلت شعرها طلق مثل ما قالت لها امها وحطت ورود صغار على لون الفستان على طرف واتمكيجن ولبسن فساتينهن والساعه 7 ونص ياهن راشد ووداهن البيت قبل لا ايون العرب ويوم وصلن لقن كل شيء مرتب وحاطين مسجل وسماعتين كبار والفلبينيات وصلن والبوفيه يابوه
    ويوا العرب الساعه 8 واتعشوا الساعه 8 ونص ..غرفت ام على من البوفيه للبنات وقالت لليزا توديه لهن..عشان يتعشن عقب نزلت شمسه تحت عند ام عبدالله عشان تفازعها ويوم شافت مريم سلمت عليها وقالت لها مريم انها تبا تشوف ميثا بس ما خلتها الانها عروس وممنوع حد يشوفها وانها يوم يخلصن الحرمات من العشى بتنزل ..عقب سارن لميلس الحريم ورتبن الباقات وحطن باقه صغيره على الصاوله اللي جدام الكرسي اللي بييلسون عليه المعاريس وفي حجرة ميثا كانت موزه تهدي ميثا

    ميثا: موزوه انا مرتبكه
    موزه:حشرتيني جنج اول وحده تملج
    ميثا: حرااااام عليج خلاص بتصل بأبويه وبقول له تعايزت ما ابغي اعرس
    موزه: اشهد انج مينونه ...حرااام عليج انتي ما شفتي من سهيل الا كل خير
    ميثا: بس ما اتخيل انا بنيلس على كرسي واااحد
    موزه: عن الدلع واقري لج آية الكرسي وادعي ان الله يساعدج
    ميثا: ان شاء الله

    عقب نزلت ميثا تحت عشان الحرمات يشوفنها ..وام سهيل سلمت عليها ومريم كانت مب مصدقه ان اللي واقفه جدامها ميثا الانها احلوت اكثر عقب سارت ميثا تيلس في ميلس الحرمات عشان تصورها المصوره وسارن البنات وياها مريم واختها شيخه وموزه واخواتها و بنات عم سهيل اخوات سيف وعفرا بعد دخلت وياهن ... سهيل يالس في ميلس الرياييل وحالته حاله ..ومايد يالس يضحك عليه ..اما عبدالله واخوانه وعلي يالسين بعيد عنهم ..وابو المعرس سالم وابو عبدالله واخو سالم محمد ..يسوالفون ويا بعض بعد سيف واخوانه سالم وحمد كانوا يالسين وياهم ..وعزم سهيل هزاع وخليفه اللي يلسوا يسوالفون ويا قوم سيف واخوانه
    ماااايد: شووووه بلاك يا سهيل ؟؟ من وصلنا وانت مب طبيعي
    سهيل : اسكت عني الله يخليك ..ما رقدت من الباااارحه ..يالس احاتي هاللحظه
    مااايد: حليلك يا سهيل ...لا تحاتي ولا شيء .. الود ودي اكون وياك طول الوقت ..بس انت تدري اني ما اقدر ادخل وياك على حرمتك&#33;
    خز سهيل مايد بعينه : حتى في هالوقت الصعيب تنكت ؟
    مااايد يصاصر سهيل : اونك عااااد مب جنك شبعت من شوفتها ...ما يندرى بحالتها هي انت الرياال جي استوى بك ..بس ما عليه بتخبر حرمتيه خلاااااف عن اللي استوى ..وشوه كانت حالتك انت يوم كنت واقف عدال حرمتك
    سهيل : هههه دوووومك يا ماااايد تواسيني بطيبة رووووحك وخفت دمك
    مااايد : ههههههه هيه جي اباك لا تحاتي يا أخويه الله بيهونها
    ويلسوا يضحكون ويسولفون ..خلاااف ياهم ابو عبدالله عشان يقول حق سهيل اييي وياه عشان يدخل على حرمته ويلبسها الخاتم ..
    ابو عبدالله : سهيل
    سهيل: عونك يا عمي
    ابو عبدالله :الله يسلمك يا ولديه ..قم عشان تدخل على حرمتك
    سهيل وهو يرمس ابو عبدالله بصوت واطي : ما غيرت رايك يا عمي ...مب لازم ادخل امايه بتلبسها بدالي
    ابو عبدالله: بنتها بتكون حرمتك ولازم اتشوفها
    سهيل وهو يكلم مااايدبصوت واطي :مااايد الحقني ياااااااا ويل حااااالي عز الله اليوم رحنا
    مااايد : ههههه سير يا سهيل والله يوفقك

    سار سهيل ويا عمه وساروا وياهم عبدالله وراشد ..ودخلوا الميلس ومد سهيل ايده لميثا وسلم عليها وهي ميته من المستحى وسلم ابو عبدالله على بنته وسلموا قوم عبدالله وراشد عليها وطلعوا ولبسها الدبله ولبستها مريم طقم الالماس عقب طلعن الحرمات اللي تم بس ام سهيل وبناتها وام عبدالله واختها عشان يتصورن ويا المعاريس وشمسه وموزه كانن موجودات بس ما اتصورن الانهن كانن متغشيات عقب طلعن ويا اللي كانوا في الميلس عشان يخلون المعاريس بروحهم اشوي ..وخلن الباب مفتوح وراهن ..ميثا لو الشور شورها جان طلعت وياهن ..تموا ساكتين فتره عقب سهيل تجرأ وتكلم
    سهيل : اشحالج يا ميثا؟؟
    ميثا وهي منزله راسها :الحمدلله بخير
    سهيل : دووم ان شاء الله..... ومبروووك ان شاء الله اقدر اسعدج
    ميثا: الله يبارك فييك
    سهيل : مرتاحه
    ميثا: الحمدلله
    مسك سهيل ايد ميثا ويلس يرمسها وهي ميته من المستحى وتقول في خاطرها سبحان الله الريال اللي هزب اللبناني واللي ساعدني في دبي ..بيكون شريك حياتي ..لاحظ سهيل سرحان ميثااا وقال
    سهيل: .. شووه فيج؟؟
    ميثاوهي خلاص بتموت من المستحى: لا ما شيء سلامك
    سهيل :استرخص منج يا الغاليه...بيروغوني ان طولت وياج
    ميثا وهي تضحك في خاطرها:فداعه الله


    الساعه 11 فضى بيت اهل العروس من العرب وكل منهم سار بيته اللي تم بس اهل المعرس ابوه وامه واخواته ابو سهيل وسهيل في الميلس ويا سعيد وعياله وام سهيل وبناتها يالسات في الصاله ويا ام عبدالله وشمسه والعروس وموزه الانها قررت تبات عندهم

    مريم: حافظ على مرة سهيل شفتي محلاتها يا امايه
    ام سهيل : امبونها بنت سعيد فنانه
    شمسه : وانا اشهد ...........طول الوقت ميثا كانت ساكته
    سارت شيخه ويلست عدال ميثا:الله حلو فستانج
    ميثا: مشكوره عيونج الحلوه .......وانتي فستانج حلووو واللون السماوي حلو عليج
    شيخه:امايه اختارته لي
    موزه: هيه والله حلووو اللون السماوي عليها
    ميثا: عيل ذوق امايه لا يعلى عليه ...بشاورها في كل شيء
    ام سهيل : فديت روحج ....انا حرمه كبيره ما اعرف اللي يحبنه البنات الصغار
    ام عبدالله:امنوه قال لج انج كبيره ....توج شباب
    ام سهيل : سهيل اللي هو ولديه يسمى ابوه ويسمينى الشواب
    ام عبدالله: يدلعكم ..........وفي ميلس الرياييل

    ابو عبدالله: يا سالم ما اوصيك على بنتي ...عدها شرات بناتك
    ابو سهيل : افااااا ميثا بنتي من يوم كانت صغيره
    ابو عبدالله : ادري بك يا سالم ...بس الله رزقني بميثا ما عندي غيرها
    سهيل: لا توصي يا عمي ميثا في عيونا
    ابو عبدالله : ما خاب ضني فيك يا ولديه ........وانا ما بلقى احسن منك اناسبه


    والساعه 12 سار سهيل وهله بيتهم وابو عبدالله وحرمته ام عبدالله ساروا لحجرتهم عشان يرقدون الانهم من يومين في عباله وما ارتاحوا ..وراشد وعبدالله تموا يلوس في الميلس يلعبون كيرم وميثا اول ما دخلت حجرتها لقت مندوس في حلاوه ومزين بالورد ..موزه اول ما شافت المندوس تخبلت ويلست اطالعه ولقت كرت فياه مطت ميثا الكرت من ايدها ..وقرته لقت مكتوب فيه ((انت رايع وشفاف ..ما على حسنك اخلاف ...ألف مبروك يا الغاليه ...سهيل الشامسي ))

    موزه: امنوه مطرش المندوس
    ميثا ويها محمر : مالج خص سيري انخمدي ما تعبتي من الحوس اليوم
    شمسه: الا صدق يا ميثا من امنوه هالمندوس ؟؟؟؟؟؟؟
    مطت موزه الكرت من ايدها : اهاااااااه من سهيل الشامسي
    شمسه: ههههه حليله عبل على عمره
    موزه: اليوم مندوس ما ندري باجر شوووه بيطرش لها ؟؟؟&#33;&#33;&#33;
    ميثا: سود الله رسج يلي ما اتلاغين ......حرمته وهو حر باللي يسويه ....وبصوت واطي قالت ((علني افداه ))
    موزه: شوووووه قالتي هااااااااه
    ميثا: ما قلت شيء يالباهسه
    موزه: الااااا قالتي
    شمسه : شوووه قالت انا ما سمعتها &#33;&#33;&#33;
    موزه: الحبيبه تتفدى سهيل
    شمسه : ريلها خليها تتفداه
    ميثا: تستاهلين دواج محد قال لج تدخلي



    <p dir=rtl align=center>(( الجزء الثاني عشر))



    سوالفن لين الساعه 1 عقب ميثا راغتهن من حجرتها الانها تعبانه وتبغي ترتاح ...او شيء موزه ما كانت تبغي تطلع من الحجره الانها تبا تبات عند ميثا بس آخر شيء طلعت وقررت تبات عند شمسه ..وقوم سهيل اول ما وصلوا بيتهم كل واحد منهم سار حجرته يرقد ..مر الاسبوع على خير ويوم السبت داوم سهيل الان اجازته خلصت ..وفي الداوم الكل كان مشتاق لسهيل الانه شهر ما داوم والكل بارك لك على الملجه

    هزاع : عسى علومك طيبه يا المعرس &#33;&#33;
    سهيل: ههههههه لا الحمدلله مرتاح ..عقبالك يا هزاع
    هزاع : امين الله يسمع منك
    خليفه :وعقبالي ان شاء الله...........
    مايد: ان شاء الله بس بتأخذ امنوه محد برضاه بواحد دوووووم سرحان
    خليفه : هبي هبات ان شاء الله بعرس
    هزاع: بس لا تنسى تعزمنا ...اخاف من الربشه تنسانا
    خليفه: افااا والله انتوا اول ناس .......بس لا تنسى يا سهيل ولدك معزم بعد
    سهيل يضحك من خاطره : هههههه ان شاء الله بس آخاف العروس تخليك وتاخذ ولديه
    هزاع: هههههههه في هذي صدقت ...
    خليفه : بتخاويني اليوم
    سهيل: وين؟؟؟؟؟؟؟؟
    خليفه: القهوه عند الشباب
    سهيل: تم



    يوم السبت المغرب حست ميثا بضيجه فضيعه ...من صلت المغرب وهي قافله على عمرها الحجره ..ومن شده الحاله اللي فيها يلست اتصيح من خاطرها.. عقب اتصلت بمريم بس شلته ام سهيل

    ام سهيل: الوووووووو
    ميثا وهي اتصيح : الووووووووه اشحالج امايه
    ام سهيل: ليش اتصيحين يابنتي هلج فيهم شيء
    ميثا: لاااااااا
    ام سهيل: عيل ليش اتصيحين ؟؟؟؟شيء يعورج
    ميثا :ما فييه شيء بس ابغي اكلم مريم.......
    ام سهيل: ان شاء الله ........وعطت بنتها السماعه
    مريم: الوووووووو
    ميثا: مريم وين سهيل
    مريم: سهيل في الحظيره ؟؟؟
    ميثا: ابغي ارمسه اشوي
    مريم: انزين بس بسج صياح ........وطلعت برع تزقر اخوها

    مريم: سهيل يا سهيل
    سهيل : هاااااااه شووووووه تبين
    مريم: تعال تلفون
    سهيل: امنوه؟؟؟؟؟؟؟؟
    مريم: ميثا ................... نش سهيل يربع لين وصل عند اخته مريم وقال لها بيرمسها من حجرته

    سهيل: الووووووه
    ميثا: سهيل
    سهيل: هونج ......
    ميثا: انا حاسه بشيء بيستوي اليوم ...سهيل الله الله بعمرك
    سهيل: استغفري ربج ....ما بيصيبني الا اللي كتبه لي ربي
    ميثا وهي تصيح : استغفر الله
    سهيل: غناتي بسج صياح لا تعورين قلبي ...بس ميثا تمت اتصيح لين بند عنها سهيل وهي تصيح

    نزل سهيل تحت عند قوم امه وهو تعبان نزل وهو مايعرف اشوم استوى بغناة روحه

    سهيل: امايه قومي لبسي عباتج
    ام سهيل: شوووووه تبا بي رويلاتي يعورني
    سهيل: الله يهديج يا امايه قومي ما ادري شووووه بلاها ميثا
    ام سهيل : هييييه والله يوم رمستها كانت اتصيح ما ادري شوووه ياها البنت &#33;&#33;
    مريم: انا بسير وياكم .....بس لحظه بييب عباة امايه وعباتي
    سهيل: لا تبطين

    وسار سهيل ويا امه واخته بيت بو عبدالله..ويوم وصلوا لقوا بو عبدالله وعياله يلوس في الصاله ..عقب طلعوا هم وسهيل وساروا للميلس عشان ام سهيل وبنتها ويلسن في الصاله وحطت لهن ليزا دلال القهوه والجاهي
    ام سهيل : وين ام عبدالله
    ليزا : ما ما فوق داخل غرفه مال ما ما ميتا ......عقب نزلت شمسه تحت سمعت اصوات يوم وايقت شافت اهل سهيل سارت عند الحرمات وسلمت عليهن
    ام سهيل : وين ام عبدالله
    شمسه : فوق في حجرة بنتها
    مريم: شوووووه بلاها ميثا
    شمسه : ما ادري بها بس من اذن المغرب وهي اتصيح ....نشت ام سهيل وسارت الطابق الثاني وهي يالله يالله تركب الدري ..وسارن وياها البنات

    دخلن الحجره وشافن ميثا حاطه راسها على ريول امها ..وام عبدالله تقرى عليها اللي سلمت عليهن وهي يالسه عقب يلسن عدالها وميثا من سمعت صوت ام سهيل ومريم عدلت يلستها وسلمت عليهن وعقب ما اطمئنن عليها سارن بيتهن ..سهيل اول ما وصل البيت لقى خليفه يترياه خاري عشان يسير وياه القهوه نزل امه واخته وركب سيارة خليفه وساروا القهوه بس سهيل كان قلبه مقبوض طول الفتره اللي كان يالس فيها في القهوه ما يدري ليش يحس بهذا الاحساس الساعه 12 ركبوا سيارتهم وساروا صوب بيت سهيل وكانت الدنيا ضباب في هذاك الوقت خليفه ما كان يشوف اللي جدامه وهو اصلا يلبس نظاره بس نساها في البيت وهم ماشيين في الشارع كانت عدالهم شاحنه اللي تشل الرمل وراعي الشاحنه ما كان يشوف السيايير اللي عداله الان الشاحنه مرتفعه ...ويوم يا راعي الشاحنه يبغي يتجاوز خبط سياره خليفه وكانت الخبطه قويه خلت السياره تنجلب ما انتبه راعي الشاحنه لين سمع صوت الجهاز اللي مركب في سياره خليفه ..نزل من الشاحنه واتصل بالشرطه ... نفس المركز اللي يشتغلون فيه سهيل وخليفه ..كان هزاع هو المناوب هذيج الليله ركب السياره ويا واحد من الربع وسار لموقع الحادث اول ما وصل انصدم الان السياره سياره خليفه ..تروع هزاع وحاول يطلع سهيل اللي يبهته ازرقت من الكدمه وكان ينزف الان زجاج السياره يا على ويه وصابه اشويت كسور عقب طلع خليفه اللي ما صابه شيء لا جرح ولا كسر ويت سياره الاسعاف ونقلتهم مستشفى الجيمي ... اتصل هزاع حق سيف ولد عم سهيل واتصل بأهل خليفه.. سيف من وصله الخبره سار المستشفى وخبروه ان سهيل في غرفه العمليات يسوون له خياطه ويجبسون ريله اليسرى ..ولقى هزاع هناك كانت حالته حاله يصيح ويمث

    سيف: بشر يا هزاع شوووه اخبار خليفه
    هزاع وهو يصيح : عطاك عمره
    سيف : هاااااااه بس ما صابه شيء سهيل تأثر اكثر منه
    هزاع : ربك اختاره
    سيف: الله يرحمه ويغمد روحه الجنه ....الله يصبر اهله
    هزاع : امين ...خبرت نسابت سهيل ؟؟
    سيف : لا ما خبرتهم بخبرهم باجر يوم بخبر عمي

    وباليوم الثاني سار سيف لبيت عمه عقب ما اطمن على سهيل اللي لقاه راقد من التعب
    دخل الصاله ولقى عمه وحرمة عمه واخوات سهيل يتريقون وما كان عندهم خبر ان سهيل ما ضوى البارحه

    سيف: عمي سهيل سوى حادث بسيط
    بو سهيل وهو يشهق : اتقص عليه انت ولديه راقد في حجرته
    ام سهيل وهي تصيح : ولدي في حجرته ...لا تفاول عليه
    سيف : البارحه وهو راد ويا خليفه الله يرحمه سووا حادث وهو في مستشفى الجيمي وربيعه اليوم عقب صلاه العصر عقب ما يخلصون الاجراءات بيدفنونه
    مريم وهي ادمع : واسهيل ؟؟؟؟؟؟؟؟&#33;&#33;&#33;&#33;&#33;
    سيف : سهيل بخير سووا له عمليه خياطه وجبسوا ريله البارحه
    شيخه: ابغي اسير عند سهيل
    سيف: ان شاء الله بس مب الحين الانه راقد
    ام سهيل : انا ما عليه منك بلبس عباتي وقم ودني
    بو سهيل: ستهدي بالله يا فاطمه
    سيف: ابويه رمس سعيد الظاهري وخبره ....قام بوسهيل واتصل في سعيد

    بو عبدالله: الووووووووه
    بو سهيل : السلام عليك
    بو عبدالله: وعليك السلام ......اشحالك يا سالم
    بو سهيل: حالتيه... خليها على الله يا بو عبدالله
    بو عبدالله: هميتني عليك يا ريال شوووه بلاك &#33;&#33;؟؟
    بو سهيل: سهيل سوا حادث البارحه
    بو عبدالله: افااااااا واخباره الحين ربه بخير
    بو سهيل: والله انا ما سرت له ..بعدني بس سيف يقول انه بخير
    بو عبدالله : تستاهلون سلامته......في اي مستشفىهو ؟؟؟
    بو سهيل : الله يسلم غاليك...هو في الجيمي
    بوعبدالله : عيل بنيك انا والشباب في الدختر
    بو سهيل :ما تقصر يا سعيد ....قصر عنك الشر.......وبندوا عن بعض


    طلع بو عبدالله من حجرته ويلس ويا عياله وميثا كانت موجوده بعد
    بو عبدالله:عبدالله وانت يا راشد
    عبدالله و راشد: عونك يا بويه
    بو عبدالله: اباكم تون ويايه المستشفى بنزور ريال
    ام عبدالله: امنوه يا سعيد ؟؟
    بو عبدالله:قلت لج ريال يا حرمه
    حست ميثا ان سهيل فيه شيء:ابويه امنوه؟؟؟
    ما قدر بو عبدالله يقص على بنته و في نفس كان متردد آخر شيء قرر يخبرها : سهيل... الكل تفاجأ وميثا لوت على امها اللي يالسه عداالها وتمت اتصيح
    شمسه: شوووه بلاه سهيل؟؟؟
    بو عبدالله:سوى حادث ...بس الحين هو بخير والتفت لبنته....بسج يا بنتي
    ام عبدالله: انا بسير وياك ...بتحمد لأهله على سلامة ولدهم
    بو عبدالله: بتين ويانا يابنتي&#33;&#33;&#33;
    ام عبدالله:وين تباها اتسير
    بو عبدالله:سهيل ريلها ..خليها اتسير تتحمد له بالسلامه وعقب ما بتشوفه لين العرس ان شاء الله ...هاااه شوه قلتي يا بنتي ؟؟
    ميثا وهي تمث دموعها : بسير وياكم
    عبدالله: انتي صدقتي منقود .........عيب لا زم ما اتشوفينه لين العرس صكي الدعنه
    بو عبدالله: جب يا مسود الويه انا مرخصنها ...جيه هي بتسوي شى غلط... وشمسه بتى ويانا بعد
    شمسه: وين ابا ؟؟؟
    ام عبدالله: بتسلمين على فاطمه وبناتها عقب بتيلسين في غرفة الانتظار
    بو عبدالله : وميثا عقب ما تسلم على ريلها بتلحقج

    وعقب ما صلى سعيد و عياله صلاه العصر ركبوا سيايرهم عبدالله وراشد في سياره .. وبو عبدالله وحرمته وأخته وبنته في سياره ويوم طالعوا من البيت قالت ميثا لأبوها يخطف السوق عشان تأخذ حلاوه باتشي فواله حق سهيل واهله وعقب ما خذه ميثا اللي تباه ساروا مستشفى الجيمي اول ما وصلوا اتصلوا حق بو سهيل وقال لهم انه فوق وعطاهم رقم الحجره وقال سالم لبناته ايسيرن غرفه الانتظار الان عرب بيون .. دخل بو عبدالله وعبدالله وراشد وسلموا على سهيل وامه وابوه عقب ساروا غرفه الانتظار وسار وياهم بو سهيل وعقب شمسه سارت غرفه الانتظار مالت الحريم ولقت البنات يالسات هناك ...وميثا وامها دخلن يسلمن

    ام عبدالله وبنتها : السلام عليكم ... كان سهيل مغمض عيونه يتذكر ربيعه خليفه الله يرحمه بس يوم سمع صوت ميثا فج عيونه
    ام سهيل : وعليكن السلام والرحمه ووقفت فاطمه عشان تسلم عليهن
    ام عبدالله: تستاهل السلامه يا ولديه ...مأجور ان شاء الله
    سهيل : الله يسلمج يا عمتيه
    ميثا: سلامات يا سهيل ...ما تشوف شر ...... وحطت الحلاوه على الطاوله
    سهيل: الشر ما اييج
    ام سهيل: يلسن بتقهون ....ويلسن وتقهون
    سهيل: امايه ما عليج زود ابغي كوب ماي
    ام سهيل: ان شاء الله ..ويوم يت بتقوم
    ميثا: يلسي يا امايه انا بعطيه الماي ...قامت وصبت له كوب ماي وعطته
    سهيل: مشكوووره
    ميثا: العفو .......استرخص منكم
    سهيل: وين بتسيرين &#33;&#33;
    ميثا: بسير عند عمتيه يالسه في غرفه الانتظار
    ام سهيل: بتلقين مريم وشيخه هناك
    ميثا: عيل نحن بنتريا برع ....شيء في خواطركم
    الكل : سلامج ....طلعت ميثا واللي تم في الحجره سهيل وامه وعمته
    ام عبدالله: بشوه تانس يا ولديه ؟؟؟
    سهيل: الكدمه اللي على يبهتي تعورني
    ام عبدالله: وريلك ؟؟؟ما تعورك
    سهيل: لا الحمدالله ...الدكتور قال انه كسر بسيط وعقب اسابع بتصح
    ام سهيل: يله يا ولده نباك تصح عشان نيوزك
    سهيل: امايه مب الحين اذا اهل العروس ما عندهم مانع العرس بنسويه شهر 9
    الان ربيعي متوفي
    ام عبدالله: الله يرحمه ويصبر هله ...ولد امنوه هو
    سهيل: ولد هلال بن محمد الكتبي ...

    .يوم اذن المغرب طلعت ام عبدالله وسارت عند البنات وصلت هناك عقب ما خلصوا الرياييل من الصلاه اتصل سعيد بفريجه وقال لهم ينزلون عسبت يردون البيت الان احمد وحمد بروحهم في البيت في الطريج كانت آمنه تسوالف ويا ريلها

    ام عبدالله: بو عبدالله اليوم يوم كنت ويا ام سهيل انسوالف قال سهيل انه بيخلي العرس شهر 9
    شمسه: ليييييييييش؟؟؟؟؟

    بو عبدالله:عشان ربيعه اللي توفى
    ام عبدالله: هيييييه
    ميثا: في اللي يباه سهيل انا حاضره
    بو عبدالله: هييييه جذه اباج حرمه اطيع ريلها</p>
    </font>

  6. #6
    عضو جديد الصورة الرمزية العيناوية الصغيرة
    تاريخ التسجيل
    Oct 2003
    المشاركات
    74
    قوة التمثيل
    253
    <font color='#F52887'><p align=center><font color=#cc0066 size=4>مشكورة اختي على هال قصة الي اكثر من روعة

    او ممكن التكملة بلييييز


    العيناوية الصغيرة</font></p></font>

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •